ᱱᱟᱜᱟᱶ
ᱱᱟᱜᱟᱶ ᱫᱚ ᱥᱤᱧᱚᱛ ᱨᱮ ᱟᱥᱟᱢ ᱯᱚᱱᱚᱛ ᱨᱮᱭᱟᱜ ᱱᱟᱜᱟᱶ ᱦᱚᱱᱚᱛ ᱨᱮᱭᱟᱜ ᱢᱤᱫ ᱱᱟᱜᱟᱨ ᱠᱟᱱᱟ ᱾ ᱱᱚᱣᱟ ᱫᱚ ᱜᱩᱣᱟᱦᱟᱴᱤ ᱠᱷᱚᱱ ᱑᱒᱐ ᱠᱤᱞᱚ ᱢᱤᱴᱚᱨ ᱯᱩᱨᱩᱵᱽ ᱨᱮ ᱠᱳᱞᱳᱝ ᱱᱟᱹᱭ ᱟᱲᱮ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱟᱥᱟᱢ ᱨᱮᱭᱟᱜ ᱢᱚᱬᱮ ᱟᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱟᱜᱟᱨ ᱠᱟᱱᱟ ᱾ ᱯᱩᱭᱞᱩ ᱫᱚ ᱱᱚᱣᱟ ᱨᱮᱭᱟᱜ ᱧᱩᱛᱩᱢ ᱫᱚ "ᱱᱚᱣᱜᱟᱶᱚ" ᱛᱟᱦᱮᱸ ᱠᱟᱱᱟ ᱾
| ᱱᱟᱜᱟᱶ নগাঁও | |
|---|---|
| ᱵᱟᱡᱟᱨ | |
 ᱱᱟᱜᱟᱶ ᱨᱮᱭᱟᱜ ᱠᱳᱞᱳᱝ ᱱᱟᱹᱭ | |
  ᱱᱟᱜᱟᱶ  ᱱᱟᱜᱟᱶ | |
| Coordinates: 26°21′01″N 92°40′47″E / 26.3503828°N 92.6795912°ECoordinates: 26°21′01″N 92°40′47″E / 26.3503828°N 92.6795912°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱟᱥᱟᱢ |
| ᱦᱚᱱᱚᱛ | ᱱᱟᱜᱟᱶ |
| ᱥᱚᱨᱠᱟᱨ | |
| • ᱪᱟᱪᱞᱟᱣ | Nagaon Municipality Board |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | |
| ᱯᱟᱹᱨᱥᱤ | |
| • ᱟᱹᱢᱟᱹᱞᱮᱛ | ᱟᱥᱟᱢᱤᱡᱽ, English |
| IST (ᱭᱩᱴᱤᱥᱤ+5:30) | |
| ᱯᱤᱱ ᱠᱳᱰ | 782001 to 782003 |
| ᱴᱮᱞᱤᱯᱷᱳᱱ ᱠᱳᱰ | 91-3672 |
| ᱟᱭ.ᱮᱥ.ᱳ ᱓᱑᱖᱖ ᱠᱳᱰ | IN-AS |
| ᱜᱟᱹᱰᱤ ᱨᱤᱡᱤᱥᱴᱨᱤ | AS 02 - |
| ᱣᱮᱵᱽᱥᱟᱭᱤᱴ | nagaon |
ᱱᱟᱜᱟᱶ ᱫᱚ ᱠᱤᱨᱥᱤ ᱵᱮᱯᱟᱨ ᱛᱟᱞᱢᱟ ᱠᱟᱱᱟ ᱾ ᱟᱨ ᱱᱚᱰᱮ ᱜᱩᱣᱟᱦᱟᱴᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱟᱶ ᱥᱟᱹᱜᱟᱹᱭ ᱟᱹᱡᱤᱜᱟᱱ ᱦᱚᱢᱤᱭᱳᱯᱟᱛᱷᱤ ᱛᱤᱠᱪᱷᱟᱹ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱢᱮᱱᱟᱜᱼᱟ ᱾ ᱱᱟᱜᱟᱶ ᱠᱷᱚᱱ ᱕ ᱠᱤᱞᱚ ᱢᱤᱴᱚᱨ ᱫᱩᱠᱷᱤᱱ-ᱯᱩᱪᱷᱤᱢ ᱨᱮᱭᱟᱜ ᱥᱚᱧᱪᱚᱣᱟ ᱨᱮ ᱢᱤᱫ ᱨᱮᱞ ᱪᱷᱩᱠᱤ ᱢᱮᱱᱟᱜᱼᱟ ᱾ ᱱᱟᱜᱟᱶ ᱨᱮᱭᱟᱜ ᱥᱩᱨ ᱥᱩᱯᱩᱨ ᱴᱚᱴᱷᱟ ᱫᱚ ᱵᱽᱨᱚᱦᱢᱚᱯᱩᱛᱨᱚ ᱱᱟᱹᱭ ᱜᱷᱟᱹᱴᱤ ᱨᱮᱭᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱾ ᱟᱨ ᱱᱚᱣᱟ ᱨᱚᱫᱚ ᱟᱹᱰᱤᱜᱟᱱ ᱫᱩᱞᱠᱤ ᱟᱨ ᱡᱷᱟᱨᱱᱟ ᱦᱚᱸ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱦᱟᱹᱠᱩ ᱪᱟᱥ ᱞᱟᱹᱜᱤᱫ ᱟᱹᱰᱤ ᱥᱚᱨᱮᱥ ᱯᱩᱨᱩᱱᱟ ᱾ ᱱᱚᱣᱟ ᱥᱩᱨ ᱥᱩᱯᱩᱨ ᱨᱮᱭᱟᱜ ᱵᱤᱨ ᱠᱷᱚᱱ ᱫᱚ ᱥᱟᱹᱜᱩᱣᱟᱹᱱ ᱟᱨ ᱥᱟᱨᱡᱚᱢ ᱚᱲᱟᱜ ᱵᱮᱱᱟᱣ ᱠᱟᱴ ᱞᱟᱹᱜᱤᱫ ᱟᱨ ᱫᱷᱩᱬᱟᱹᱭ ᱡᱚᱜᱟᱣᱟ ᱟᱨ ᱪᱟᱥᱵᱟᱥ ᱞᱟᱹᱜᱤᱫ ᱫᱚ ᱦᱳᱲᱳ, ᱡᱟᱹᱬᱤ, ᱪᱟᱦᱟ ᱟᱨ ᱞᱩᱢᱟᱹᱝ ᱥᱮᱞᱮᱫ ᱢᱮᱱᱟᱜᱼᱟ ᱾
ᱱᱟᱜᱟᱶ ᱦᱚᱱᱚᱛ ᱥᱟᱯᱲᱟᱣ
ᱱᱚᱣᱟ ᱨᱮᱭᱟᱜ ᱩᱛᱚᱨ ᱨᱮ ᱫᱚᱨᱮᱸ, ᱯᱩᱨᱩᱵᱽ ᱟᱨ ᱫᱩᱠᱷᱤᱱ ᱨᱮ ᱥᱮᱞᱮᱫ ᱢᱤᱠᱤᱨ ᱩᱛᱚᱨ ᱨᱮ ᱠᱚᱪᱷᱟᱨ ᱵᱩᱨᱩ ᱠᱚ, ᱯᱩᱪᱷᱤᱢ ᱟᱨ ᱩᱛᱚᱨ-ᱯᱩᱪᱷᱤᱢ ᱨᱮ ᱢᱤᱫ ᱛᱟᱭᱚᱢ ᱢᱤᱫ ᱩᱛᱚᱨ ᱠᱚᱪᱷᱟᱨ ᱟᱨ ᱡᱚᱭᱚᱱᱛᱤᱭᱟᱹ ᱵᱩᱨᱩ ᱟᱨ ᱫᱚᱨᱚᱝ ᱦᱚᱱᱚᱛ ᱢᱮᱱᱟᱜᱼᱟ ᱾ ᱱᱚᱣᱟ ᱦᱚᱱᱚᱛ ᱫᱚ ᱵᱩᱨᱩ ᱜᱮᱭᱟ ᱾ ᱱᱚᱣᱟ ᱫᱷᱟᱨᱮ ᱫᱷᱟᱨᱮ ᱛᱮᱫᱚ ᱫᱟᱨᱥᱟᱬ ᱟᱨ ᱵᱤᱨ ᱛᱮ ᱯᱮᱨᱮᱡ ᱟᱠᱟᱱᱟ ᱾ ᱱᱚᱰᱮᱱᱟᱜ ᱢᱟᱨᱟᱝ ᱱᱟᱹᱭ ᱫᱚ ᱵᱽᱨᱚᱦᱢᱚᱯᱩᱛᱨᱚ ᱠᱟᱱᱟ ᱡᱟᱦᱟᱸ ᱫᱚ ᱩᱛᱚᱨ ᱥᱤᱢᱟᱹ ᱨᱮ ᱞᱚᱸᱜᱤᱱ ᱠᱟᱱᱟ ᱾ ᱱᱚᱣᱟ ᱥᱟᱶ ᱥᱟᱶᱛᱮ ᱱᱚᱰᱮ ᱟᱨ ᱦᱚᱸ ᱟᱹᱰᱤᱜᱟᱱ ᱠᱟᱹᱴᱤᱡ ᱠᱟᱹᱴᱤᱡ ᱱᱟᱹᱭ ᱦᱚᱸ ᱞᱤᱸᱜᱤᱱ ᱠᱟᱱᱟ ᱾ ᱵᱽᱨᱚᱦᱢᱚᱯᱩᱛᱨᱚ ᱨᱮᱭᱟᱜ ᱩᱛᱚᱨ ᱱᱟᱠᱷᱟ ᱨᱮ ᱵᱚᱨᱚᱯᱷ ᱛᱮ ᱯᱮᱨᱮᱡ ᱦᱮᱢᱟᱞ ᱵᱩᱨᱩ ᱦᱚᱸ ᱧᱮᱞ ᱧᱟᱢᱚᱜᱼᱟ ᱾ ᱵᱽᱨᱚᱦᱢᱚᱯᱩᱛᱨᱚ ᱱᱟᱹᱭ ᱫᱷᱟᱨᱮ ᱨᱮ ᱑᱕᱐᱐ ᱯᱷᱩᱴ ᱩᱥᱩᱞ ᱠᱟᱢᱟᱠᱷᱭᱟ ᱵᱩᱨᱩ ᱢᱮᱱᱟᱜᱼᱟ ᱡᱟᱦᱟᱸ ᱨᱮᱭᱟᱜ ᱪᱚᱴᱟᱛ ᱨᱮ ᱠᱟᱢᱟᱠᱷᱭᱟ ᱫᱮᱵᱤᱭᱟᱜ ᱢᱤᱫ ᱟᱹᱰᱤ ᱧᱩᱛᱩᱢᱟᱱ ᱢᱩᱫᱽᱨᱤ ᱢᱮᱱᱟᱜᱼᱟ ᱾ ᱦᱚᱱᱚᱛ ᱨᱮᱭᱟᱜ ᱥᱚᱢᱟᱱ ᱚᱛ ᱫᱚ ᱵᱟᱱ ᱦᱟᱥᱟ ᱛᱮ ᱵᱮᱱᱟᱣ ᱟᱠᱟᱱᱟ ᱾ ᱵᱤᱨ ᱨᱮᱫᱚ ᱟᱹᱰᱤ ᱞᱮᱠᱟᱱ ᱡᱟᱱᱣᱟ ᱠᱚ ᱧᱟᱢᱚᱜᱼᱟ ᱾ ᱱᱚᱵᱷᱮᱢᱵᱚᱨ ᱠᱷᱚᱱ ᱢᱟᱨᱪ ᱵᱚᱸᱜᱟ ᱛᱟᱞᱟ ᱫᱷᱟᱹᱵᱤᱡᱟᱜ ᱦᱚᱭ ᱦᱤᱥᱤᱫ ᱫᱚ ᱨᱮᱭᱟᱲ ᱟᱨ ᱨᱟᱹᱥᱠᱟᱹ ᱡᱚᱝ ᱟᱜ ᱞᱮᱠᱟ ᱟᱹᱭᱠᱟᱹᱣᱜᱼᱟ ᱾ ᱥᱮᱨᱢᱟ ᱨᱮᱭᱟᱜ ᱢᱩᱪᱟᱹᱜ ᱚᱠᱛᱚ ᱨᱮᱫᱚ ᱦᱚᱭ ᱦᱤᱥᱤᱫ ᱞᱚᱞᱚ ᱜᱮ ᱛᱟᱦᱮᱸᱱᱟ ᱾ ᱞᱚᱞᱚ ᱠᱷᱚᱱ ᱞᱚᱞᱚ ᱫᱤᱱ ᱨᱮᱭᱟᱜ ᱞᱚᱞᱚ ᱥᱚᱝ ᱦᱚᱸ ᱓᱗ ᱰᱤᱜᱽᱨᱤ ᱥᱮᱞᱥᱤᱭᱚᱥ ᱫᱷᱟᱹᱵᱤᱡ ᱥᱮᱴᱮᱨ ᱜᱚᱫᱚᱜᱼᱟ ᱾ ᱤᱠᱷᱟᱹᱱ ᱦᱚᱭ ᱨᱮᱫᱚ ᱚᱫᱟ ᱨᱮᱭᱟᱜ ᱥᱚᱝ ᱜᱮ ᱵᱟᱹᱲᱛᱤ ᱛᱟᱦᱮᱸᱱᱟ ᱾ ᱥᱮᱨᱢᱟᱠᱤᱭᱟᱹ ᱡᱟᱹᱯᱩᱫ ᱨᱮᱭᱟᱜ ᱮᱵᱷᱚᱨᱮᱡᱽ ᱫᱚ ᱔᱐ ᱤᱸᱪ ᱠᱷᱚᱱ ᱘᱐ ᱤᱸᱪ ᱫᱷᱟᱹᱵᱤᱡ ᱛᱟᱦᱮᱸᱱᱟ ᱾ ᱚᱸᱰᱮᱱᱟᱜ ᱢᱟᱨᱟᱝ ᱪᱟᱥ ᱫᱚ ᱦᱳᱲᱳ ᱠᱟᱱᱟ ᱾ ᱱᱚᱣᱟ ᱥᱟᱶᱛᱮ ᱪᱟᱦᱟ, ᱟᱺᱠ, ᱛᱤᱞᱢᱤᱧ ᱟᱨ ᱠᱟᱥᱠᱚᱢ ᱦᱚᱸ ᱪᱟᱥ ᱦᱩᱭᱩᱜ ᱜᱮᱭᱟ ᱾ ᱱᱚᱰᱮ ᱫᱚ ᱱᱟᱥᱮ ᱫᱷᱟᱨᱟ ᱢᱮᱬᱦᱮᱫ, ᱪᱩᱱ ᱫᱷᱤᱨᱤ ᱟᱨ ᱠᱩᱭᱞᱟᱹ ᱨᱮᱭᱟᱜ ᱛᱟᱲᱟᱣ ᱦᱚᱸ ᱦᱩᱭᱩᱜ ᱜᱮᱭᱟ ᱾
ᱪᱟᱭ ᱠᱟᱹᱨᱜᱟᱲ ᱪᱷᱟᱰᱟ ᱠᱟᱛᱮ ᱱᱚᱰᱮ ᱫᱚ ᱟᱨ ᱮᱴᱟᱜ ᱤᱱᱰᱚᱥᱴᱨᱤ ᱫᱚ ᱵᱟᱹᱱᱩᱜ ᱟᱱᱟ, ᱥᱩᱢᱩᱝ ᱛᱤᱱᱟᱹᱝ ᱜᱟᱱ ᱯᱨᱟᱭᱵᱷᱮᱴ ᱠᱟᱹᱨᱜᱟᱲ ᱜᱮ ᱢᱮᱱᱟᱜᱼᱟ ᱾ ᱡᱟᱦᱟᱸᱨᱮ ᱥᱩᱛᱟᱹᱢ ᱟᱨ ᱞᱩᱢᱟᱹᱝ ᱞᱩᱜᱽᱲᱤ ᱛᱮᱧ, ᱦᱚᱨᱚᱜ ᱥᱟᱯᱟᱵ ᱵᱮᱱᱟᱣ, ᱯᱟᱹᱴᱭᱟᱹ ᱟᱨ ᱴᱮᱠᱷᱟ ᱴᱩᱯᱞᱟᱹᱜ ᱵᱮᱱᱟᱣ, ᱯᱤᱛᱚᱞ ᱨᱮᱭᱟᱜ ᱡᱟᱭ ᱮᱢᱟᱱ ᱵᱮᱱᱟᱣ ᱜᱮ ᱢᱩᱬᱩᱛ ᱟᱱᱟᱜᱼᱟ ᱾ ᱱᱚᱰᱮ ᱢᱤᱫ ᱞᱮᱠᱟᱱ ᱥᱟᱠᱟᱢ ᱛᱮ ᱴᱳᱯ ᱠᱚ ᱵᱮᱱᱟᱣᱟ ᱾ ᱪᱟᱦᱟ, ᱛᱤᱞᱢᱤᱧ, ᱠᱟᱥᱠᱚᱢ, ᱫᱷᱩᱬᱟᱹ, ᱢᱟᱫ ᱟᱨ ᱯᱟᱹᱴᱤᱭᱟᱹ ᱮᱢᱟᱱ ᱱᱚᱰᱮ ᱠᱷᱚᱱ ᱜᱮ ᱵᱟᱦᱨᱮ ᱪᱟᱞᱟᱜ ᱠᱟᱱᱟ ᱾ ᱥᱟᱶᱛᱮ ᱪᱟᱣᱞᱮ, ᱫᱟᱹᱞ, ᱟᱨ ᱮᱴᱟᱜ ᱡᱚᱢᱟᱜ, ᱪᱤᱱᱤ, ᱵᱩᱞᱩᱝ ᱥᱟᱶᱛᱮ ᱠᱮᱨᱟᱥᱤᱱ ᱟᱨ ᱮᱴᱟᱜ ᱥᱩᱱᱩᱢ, ᱜᱷᱤ ᱮᱢᱟᱱ ᱵᱟᱦᱨᱮ ᱠᱷᱚᱱ ᱱᱚᱰᱮ ᱦᱟᱹᱡᱩᱜᱼᱟ ᱾ ᱦᱮᱡᱥᱮᱱ ᱨᱮᱭᱟᱜ ᱥᱩᱵᱤᱫᱷᱟ ᱟᱹᱰᱤ ᱱᱟᱯᱟᱭᱟ ᱾ ᱱᱚᱰᱮᱱᱟᱜ ᱢᱩᱠᱷᱤᱭᱟᱹ ᱱᱟᱜᱟᱨ ᱠᱚᱫᱚ ᱱᱟᱜᱟᱶ, ᱞᱟᱢᱰᱤᱝ, ᱦᱳᱡᱚᱭ ᱟᱨ ᱰᱷᱤᱸᱜᱽ ᱮᱢᱟᱱ ᱾
ᱱᱟᱜᱟᱶ ᱱᱟᱜᱟᱨ ᱥᱟᱯᱲᱟᱣ
ᱱᱟᱜᱟᱶ ᱦᱚᱱᱚᱛ ᱨᱮ ᱱᱚᱣᱟ ᱧᱩᱛᱩᱢ ᱨᱮᱭᱟᱜ ᱠᱳᱞᱟᱝ ᱱᱟᱹᱭ ᱠᱚᱧᱮ ᱱᱟᱠᱷᱟ ᱨᱮ ᱢᱮᱱᱟᱜ ᱱᱟᱜᱟᱨ ᱠᱟᱱᱟ ᱾ ᱥᱟᱞ ᱑᱗᱙᱗ ᱨᱮ ᱱᱚᱣᱟ ᱱᱟᱜᱟᱨ ᱫᱚ ᱚᱛ ᱦᱤᱞᱟᱹᱣ ᱠᱷᱟᱹᱛᱤᱨ ᱟᱹᱰᱤ ᱡᱩᱨ ᱦᱟᱹᱱ ᱮ ᱥᱟᱢᱟᱝ ᱞᱮᱫᱼᱟ ᱚᱲᱟᱜ ᱫᱩᱣᱟᱹᱨ ᱨᱟᱹᱯᱩᱫ ᱪᱟᱵᱟ ᱮᱱᱟ, ᱱᱚᱰᱮᱱᱟᱜ ᱥᱤᱨᱡᱚᱱ ᱨᱮᱭᱟᱜ ᱨᱩᱯ ᱨᱚᱝ ᱫᱚ ᱟᱹᱰᱤ ᱜᱮ ᱪᱚᱨᱚᱠᱟ ᱾ ᱤᱠᱷᱟᱹᱱ ᱟᱹᱰᱤ ᱵᱟᱹᱲᱛᱤ ᱞᱚᱞᱚ ᱠᱷᱟᱹᱛᱤᱨ ᱱᱚᱰᱮᱱᱟᱜ ᱦᱚᱭ ᱦᱤᱥᱤᱫ ᱫᱚ ᱦᱚᱲᱢᱚ ᱞᱟᱹᱜᱤᱫ ᱵᱟᱝ ᱵᱩᱜᱤᱭᱟ ᱾ ᱱᱚᱰᱮᱱᱟᱜ ᱵᱟᱹᱲᱛᱤ ᱠᱷᱚᱱ ᱵᱟᱹᱲᱛᱤ ᱵᱮᱯᱟᱨ ᱫᱚ ᱢᱟᱨᱣᱟᱹᱲᱤ ᱦᱚᱲ ᱟᱜ ᱛᱤ ᱨᱮ ᱛᱟᱦᱮᱸᱱᱟ ᱾ ᱱᱚᱰᱮ ᱠᱷᱚᱱ ᱛᱩᱲᱤ, ᱠᱟᱥᱠᱚᱢ, ᱫᱷᱩᱬᱟᱹ ᱮᱢᱟᱱ ᱵᱟᱡᱟᱨ ᱛᱮ ᱪᱟᱞᱟᱱᱚᱜᱼᱟ ᱥᱟᱶᱛᱮ ᱵᱩᱞᱩᱝ, ᱥᱩᱱᱩᱢ, ᱥᱩᱛᱟᱹᱢ ᱞᱩᱜᱽᱲᱤ, ᱡᱚᱢᱟᱜ ᱮᱢᱟᱱ ᱠᱚᱫᱚ ᱵᱟᱦᱨᱮ ᱠᱷᱚᱱ ᱵᱷᱤᱛᱨᱤ ᱛᱮᱠᱚ ᱟᱹᱜᱩᱭᱟ ᱾ ᱱᱚᱰᱮ ᱫᱚ ᱥᱮᱪᱮᱫ ᱨᱮᱭᱟᱜ ᱥᱩᱵᱤᱫᱷᱟ ᱦᱚᱸ ᱢᱮᱱᱟᱜᱼᱟ ᱾
ᱦᱚᱲ ᱮᱞᱮᱞ ᱟᱨ ᱥᱮᱪᱮᱫ ᱥᱟᱯᱲᱟᱣ
᱒᱐᱐᱑ ᱥᱟᱞᱮ ᱨᱮᱭᱟᱜ ᱥᱤᱧᱚᱪᱤᱭᱟᱹ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱱᱟᱜᱟᱶ ᱵᱟᱡᱟᱨ ᱨᱤᱱ ᱡᱚᱛᱚ ᱛᱮ ᱦᱚᱲ ᱮᱞᱮᱞ ᱫᱚ ᱕᱒᱔᱗ ᱢᱮᱱᱟᱜ ᱠᱚᱣᱟ ᱾ [᱑] ᱩᱱᱠᱩ ᱠᱚ ᱵᱷᱤᱛᱨᱤ ᱠᱷᱚᱱ ᱕᱑.᱗᱘% ᱫᱚ ᱠᱚᱲᱟ ᱦᱚᱯᱚᱱ ᱢᱮᱱᱟᱜ ᱠᱚ ᱵᱮᱲᱟᱨᱮ ᱔᱘.᱒᱒% ᱫᱚ ᱠᱩᱲᱤ ᱦᱚᱯᱚᱱ ᱢᱮᱱᱟᱜ ᱠᱚᱣᱟ ᱾ ᱱᱟᱜᱟᱶ ᱵᱟᱡᱟᱨ ᱨᱮᱭᱟᱜ ᱥᱮᱪᱮᱫ ᱫᱚᱨ ᱫᱚ ᱖᱗.᱑᱖% ᱢᱮᱱᱟᱜ ᱠᱚᱣᱟ ᱾ ᱱᱚᱣᱟ ᱫᱚ ᱡᱟᱹᱛᱤᱭᱟᱹᱨᱤ ᱥᱮᱪᱮᱫ ᱫᱚᱨ ᱠᱷᱚᱱ -᱒.᱓᱒% ᱠᱚᱢ ᱢᱮᱱᱟᱜᱼᱟ ᱾ ᱚᱸᱰᱮ ᱠᱷᱚᱱ ᱓᱗.᱒᱐% ᱠᱚᱲᱟ ᱦᱚᱯᱚᱱ ᱠᱷᱟᱱ ᱒᱙.᱙᱖% ᱫᱚ ᱠᱩᱲᱤ ᱦᱚᱯᱚᱱ ᱢᱮᱱᱟᱜ ᱠᱚᱣᱟ ᱾ ᱑᱒.᱘᱘% ᱦᱚᱲ ᱫᱚ ᱚᱸᱰᱮᱱ ᱠᱚ ᱖ ᱥᱮᱨᱢᱟ ᱵᱚᱭᱚᱥ ᱠᱷᱚᱱ ᱠᱟᱹᱡ ᱵᱚᱭᱚᱥ ᱠᱚ ᱢᱮᱱᱟᱜ ᱠᱚᱣᱟ ᱾ [᱑]
ᱨᱟᱡᱽᱟᱹᱨᱤ ᱥᱟᱯᱲᱟᱣ
ᱱᱟᱜᱟᱶ ᱫᱚ ᱱᱟᱶᱜᱚᱝ ᱞᱚᱠᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱨᱮᱭᱟᱜ ᱢᱤᱜ ᱦᱟᱹᱴᱤᱧ ᱠᱟᱱᱟ ᱾[᱒]
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ ᱑.᱐ ᱑.᱑ "way back machine - ᱥᱮᱱᱥᱚᱥ ᱳᱯᱷ ᱤᱱᱰᱤᱭᱟ". Archived from the original on 16 June 2004. Retrieved 24 September 2015.
- ↑ "List of Parliamentary & Assembly Constituencies" (PDF). Assam. Election Commission of India. Archived from the original (PDF) on 2006-05-04. Retrieved 2008-10-06.