ᱚᱱᱚᱱᱛᱚ ᱱᱟᱜ ᱢᱩᱬ ᱵᱟᱹᱠᱷᱩᱞ

ᱚᱱᱚᱱᱛᱚᱱᱟᱜᱽ ᱟᱸᱡᱚᱢᱼᱢᱟ (ᱵᱟᱰᱟᱭ ᱞᱟᱹᱜᱤᱫ) (ᱚᱱᱟ ᱠᱚᱨᱤᱱ ᱦᱚᱲ ᱤᱥᱞᱟᱢᱟᱵᱟᱫᱽ ᱦᱚᱸ ᱠᱚ ᱞᱟᱹᱭ ᱵᱟᱲᱟᱭᱟ, ᱤᱥᱞᱟᱢᱟᱵᱟᱫᱽ ᱫᱚ ᱯᱟᱠᱤᱥᱛᱟᱱᱟᱜ ᱠᱟᱱᱟ ᱢᱮᱱᱛᱮ ᱟᱞᱚ ᱵᱚᱱ ᱢᱚᱱᱮ ᱢᱟ) ᱢᱤᱫ ᱵᱟᱡᱟᱨ ᱟᱨ ᱱᱟᱜᱟᱨ ᱯᱟᱞᱳᱠᱟᱜ ᱨᱮᱭᱟᱜ ᱨᱟᱡᱽᱜᱟᱲ ᱠᱟᱱᱟ ᱾ ᱚᱱᱚᱱᱛᱚᱱᱟᱜᱽ ᱦᱚᱱᱚᱛ ᱨᱮᱭᱟᱜ ᱥᱤᱧᱚᱛᱮᱛ ᱥᱚᱝᱜᱷᱚ ᱦᱚᱱᱚᱛ ᱫᱚ ᱡᱟᱢᱩᱠᱟᱥᱢᱤᱨ ᱚᱱᱚᱱᱛᱚᱱᱟᱜᱽ ᱦᱚᱱᱚᱛ ᱨᱮᱭᱟᱜ ᱨᱟᱡᱽᱜᱟᱲ ᱠᱷᱚᱱ ᱕᱓ ᱠᱤ.ᱢᱤ. (᱓᱓ ᱢᱟᱭᱤᱞ) ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱥᱨᱤᱱᱚᱜᱚᱨ ᱾ ᱱᱚᱶᱟ ᱫᱚ ᱡᱟᱢᱩ ᱟᱨ ᱠᱟᱥᱢᱤᱨ ᱛᱟᱭᱚᱢ ᱛᱮᱥᱟᱨ ᱛᱷᱟᱨᱟᱱᱟᱜ ᱢᱟᱨᱟᱝ ᱵᱟᱡᱟᱨ ᱠᱟᱱᱟ ᱟᱨ ᱡᱟᱢᱩ ᱨᱮᱭᱟᱜ ᱢᱟᱱᱶᱟ ᱮᱻᱞᱮᱞ ᱒᱐᱐,᱐᱐᱐ ᱠᱷᱚᱱ ᱡᱟᱹᱥᱛᱤᱜᱼᱟ,ᱟᱨ ᱱᱟᱜᱟᱨ ᱯᱟᱞᱳᱠᱟᱜ ᱥᱤᱢᱟᱹ ᱟᱹᱨᱤ ᱢᱟ ᱑᱐᱐᱐,᱐᱐᱐ ᱠᱷᱚᱱ ᱵᱟᱹᱲᱛᱤ ᱜᱮᱭᱟ ᱾

ᱟᱹᱲᱟᱹ ᱜᱚᱲᱦᱚᱱ ᱥᱟᱯᱲᱟᱣ

"ᱚᱱᱚᱱᱛᱚᱱᱟᱜᱽ" ᱧᱩᱛᱩᱢ ᱫᱚ "ᱥᱚᱸᱥᱠᱨᱩᱛ" ᱟᱹᱲᱟᱹ ᱚᱱᱚᱱᱛᱚ ᱠᱷᱚᱱ ᱦᱮᱡ ᱟᱠᱟᱱᱟ ᱡᱟᱦᱟᱸ ᱨᱮᱭᱟᱜ ᱢᱮᱱᱮᱛ ᱫᱚ "ᱵᱮᱥᱤᱢᱟᱹ", ᱟᱨ ᱱᱟᱜᱟ ᱟᱹᱲᱟᱹ ᱫᱚ "ᱠᱟᱥᱢᱤᱨᱤ" ᱯᱟᱹᱨᱥᱤ ᱠᱷᱚᱱ ᱦᱮᱡ ᱟᱠᱟᱱᱟ, ᱡᱟᱦᱟᱸ ᱨᱮᱭᱟᱜ ᱢᱮᱱᱮᱛ ᱫᱚ "ᱡᱤᱭᱟᱹᱲ ᱡᱷᱟᱨᱱᱟ ᱠᱚ" ᱾ ᱱᱚᱝᱠᱟᱛᱮ ᱧᱮᱞ ᱞᱮᱠᱷᱟᱱ ᱚᱱᱚᱱᱛᱚᱱᱟᱜᱽ ᱨᱮᱭᱟᱜ ᱢᱮᱱᱮᱛ ᱫᱚ "ᱵᱮᱥᱤᱢᱟᱹ ᱡᱤᱭᱟᱹᱲ ᱡᱷᱟᱨᱱᱟ ᱠᱚ" ᱪᱮᱫᱟᱜ ᱵᱟᱝ ᱢᱟ ᱥᱟᱹᱨᱤ ᱛᱮ ᱦᱚᱸ ᱱᱚᱶᱟ ᱵᱟᱡᱟᱨ ᱨᱮ ᱟᱭᱢᱟ ᱡᱷᱟᱨᱱᱟ ᱠᱚ ᱞᱤᱸᱜᱤᱱ ᱠᱟᱱᱟ ᱾ ᱢᱟᱨᱠ ᱚᱣᱨᱮᱞ ᱥᱴᱤᱱ ᱞᱟᱹᱭ ᱞᱮᱠᱟᱛᱮ ᱡᱟᱦᱟᱸ ᱜᱮ ᱵᱟᱡᱟᱨ ᱧᱩᱛᱩᱢ ᱟᱠᱟᱱᱟ "ᱥᱮᱥᱼᱱᱟᱜᱽ",("ᱱᱟᱜᱽ ᱮᱨᱟ" ᱦᱤᱱᱫᱩ ᱠᱚᱭᱤᱡ, ᱡᱟᱦᱟᱸᱭᱟᱜ ᱧᱩᱛᱩᱢ ᱫᱚ ᱚᱱᱚᱱᱛᱚᱱᱟᱜᱽ) ᱡᱷᱟᱨᱱᱟ ᱧᱩᱛᱩᱢ ᱛᱮ ᱚᱱᱟ ᱵᱟᱡᱟᱨ ᱠᱚᱨᱮ ᱫᱚ ᱡᱷᱟᱨᱱᱟ ᱢᱮᱱᱟᱜ ᱨᱮᱭᱟᱜ ᱧᱮᱞᱚᱜᱼᱟ ᱾ᱱᱚᱣᱟ ᱠᱟᱛᱷᱟ ᱫᱚ ᱠᱚᱞᱦᱚᱸᱬ ᱥᱟᱶᱛᱮ ᱡᱚᱛᱚ ᱡᱟᱭᱜᱟ ᱨᱤᱱ ᱱᱟᱜᱟᱢ ᱠᱷᱚᱸᱫᱽᱨᱚᱫᱤᱭᱟᱹ ᱠᱚᱠᱚ ᱦᱮᱸᱥᱤᱠᱟᱹᱨᱟ, ᱡᱟᱦᱟᱸ ᱵᱟᱡᱟᱨ ᱠᱚ ᱥᱮᱥᱱᱟᱜᱽ ᱡᱷᱟᱨᱱᱟ ᱧᱩᱛᱩᱢ ᱛᱮ ᱠᱚ ᱵᱤᱠᱟᱹᱣ ᱟᱠᱟᱱᱟ ᱚᱱᱟ ᱵᱟᱡᱟᱨ ᱠᱚᱫᱚ ᱚᱱᱚᱱᱛᱚᱼᱱᱟᱜᱽ ᱧᱩᱛᱩᱢ ᱛᱮ ᱦᱚᱸ ᱠᱚ ᱵᱟᱰᱟᱭᱚᱜᱼᱟ᱾

"ᱤᱥᱞᱟᱢᱟᱵᱟᱫᱽ" ᱧᱩᱛᱩᱢ ᱫᱚ ᱢᱤᱫ ᱢᱩᱥᱞᱟᱹ ᱯᱚᱱᱚᱛ ᱜᱚᱢᱠᱮ ᱤᱥᱞᱟᱢ ᱠᱷᱟᱱ, ᱡᱟᱦᱟᱸᱭ ᱱᱚᱸᱰᱮ ᱢᱤᱫ ᱵᱟᱦᱟ ᱵᱟᱜᱟᱱ ᱮ ᱵᱮᱱᱟᱣ ᱞᱮᱫ-ᱟ᱾

ᱵᱟᱡᱟᱨ ᱨᱮᱭᱟᱜ ᱵᱟᱱᱟᱨ ᱧᱩᱛᱩᱢ ᱜᱮ ᱦᱚᱲ ᱠᱚ ᱧᱩᱢ ᱦᱟᱞᱟᱝᱼᱟ, ᱚᱱᱚᱱᱛᱚᱱᱟᱜᱽ ᱧᱩᱛᱩᱢ ᱫᱚ ᱵᱟᱱᱟᱨ ᱦᱤᱱᱫᱩ ᱟᱨ ᱥᱤᱠᱷ ᱫᱷᱚᱨᱚᱢ ᱦᱚᱲ ᱠᱚ ᱠᱩᱥᱤᱭᱟᱜᱼᱟ, ᱟᱨ ᱤᱥᱞᱟᱢᱟᱵᱟᱫᱽ ᱧᱩᱛᱩᱢ ᱫᱚ ᱠᱷᱟᱥ ᱢᱩᱥᱞᱟᱹ ᱦᱚᱲ ᱠᱚ ᱜᱮ ᱠᱚ ᱠᱩᱥᱤᱭᱟᱜᱼᱟ ᱾ ᱵᱟᱡᱟᱨ ᱨᱮᱭᱟᱜ ᱥᱩᱨᱥᱩᱯᱩᱨ ᱦᱚᱱᱚᱛ ᱠᱚᱫᱚ ᱑᱙᱕᱐ ᱥᱟᱹᱦᱤᱛ ᱦᱟᱹᱵᱤᱡ ᱫᱚ ᱤᱥᱞᱟᱢᱟᱵᱟᱫᱽ ᱦᱚᱱᱚᱛ ᱜᱮ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱱ ᱾ ᱛᱟᱭᱚᱢ ᱵᱚᱠᱥᱤ ᱜᱩᱞᱟᱢ ᱢᱚᱦᱢᱚᱫᱽ ᱣᱟᱜ ᱥᱟᱥᱚᱱ ᱛᱮ ᱱᱚᱶᱟ ᱫᱚ ᱚᱱᱚᱱᱛᱚᱼᱱᱟᱜᱽᱦᱚᱱᱚᱛ ᱧᱩᱛᱩᱢ ᱛᱮ ᱵᱤᱠᱟᱹᱣ ᱟᱠᱟᱱᱟ ᱾ᱥᱩᱨᱼᱥᱩᱯᱩᱨ ᱦᱚᱲ ᱠᱚᱫᱚ ᱱᱤᱛ ᱦᱚᱸ ᱤᱥᱞᱟᱢᱟᱵᱟᱫᱽ ᱜᱮ ᱠᱚ ᱢᱮᱛᱟᱜ ᱠᱟᱱᱟ ᱾ ᱡᱩᱫᱤᱪᱚ ᱠᱟᱥᱢᱤᱨ ᱩᱜᱽᱨᱚᱵᱟᱫᱽ ᱵᱟᱹᱭᱨᱤ‌ ᱠᱚ ᱮᱛᱚᱦᱚᱵ ᱮᱱᱟ ᱚᱱᱟ ᱥᱟᱶᱛᱮ ᱥᱤᱧᱚᱛ ᱨᱤᱱ ᱥᱤᱢᱟᱹ ᱨᱩᱠᱷᱭᱟᱹ ᱠᱚ ᱫᱤᱥᱚᱢ ᱫᱩᱜ ᱫᱚᱦᱚᱭ ᱞᱟᱹᱜᱤᱱ ᱛᱮᱠᱚ ᱫᱟᱬᱟ ᱵᱟᱲᱟᱭ ᱠᱟᱱᱟ ᱾

ᱚᱛᱱᱚᱜ ᱥᱟᱯᱲᱟᱣ

ᱚᱱᱚᱱᱛᱚᱱᱟᱜᱽ ᱫᱚᱨᱮᱭᱟ ᱠᱷᱚᱱᱟᱜ ᱕᱓,᱐᱐ ᱯᱷᱩᱴ (᱑᱖,᱐᱐ ᱢᱤᱴᱟᱨ) ᱪᱮᱛᱟᱱ ᱨᱮ ᱓᱓ᱹ᱗᱓° ᱠᱚᱧᱮ ᱗᱕ᱹ᱑᱕° ᱥᱟᱢᱟᱝ ᱨᱮ ᱢᱮᱱᱟᱜ ᱟᱠᱟᱫᱼᱟ, ᱮᱱᱹᱮᱪᱼ᱔᱔ ᱨᱮ ᱥᱨᱤᱱᱚᱜᱚᱨ ᱠᱷᱚᱱᱟᱜ ᱕᱓ ᱠᱤᱞᱚᱢᱤᱴᱟᱨ (᱓᱓ ᱢᱟᱭᱤᱞ) ᱥᱟᱺᱜᱤᱧ ᱨᱮ (ᱥᱟᱢᱟᱝ ᱮᱱᱹᱮᱪᱼ᱑ ᱮ) ᱨᱳᱯᱱᱤ ᱠᱷᱚᱱᱟᱜ ᱢᱟᱬᱟᱝ ᱫᱤᱥᱚᱢ ᱡᱟᱠᱟᱛ ᱨᱟᱡᱽ ᱰᱟᱦᱟᱨ ᱪᱮᱛᱟᱱ ᱨᱮ ᱾

ᱢᱟᱱᱣᱟ ᱛᱷᱤᱛᱤ ᱥᱟᱯᱲᱟᱣ

᱒᱐᱐᱑ ᱥᱟᱹᱦᱤᱛ ᱠᱷᱚᱱ ᱒᱐᱑᱑ ᱥᱟᱹᱦᱤᱛ ᱵᱷᱤᱛᱨᱤ ᱨᱮ ᱵᱟᱡᱟᱨ ᱨᱮ ᱢᱟᱱᱶᱟ ᱜᱷᱩᱲ ᱖᱓,᱔᱓᱗ ᱠᱷᱚᱱ ᱑᱐᱙,᱔᱓᱓ ᱰᱷᱮᱨ ᱟᱠᱟᱱᱟ, ᱡᱟᱦᱟᱸ ᱫᱚ ᱢᱚᱦᱟᱱᱟᱜᱟᱨ ᱫᱷᱟᱯ ᱨᱮ (ᱚᱱᱚᱱᱛᱚᱱᱟᱜᱽ ᱵᱟᱡᱟᱨ ᱜᱚᱴᱟ) ᱒᱐᱑᱑ ᱥᱟᱹᱦᱤᱛ ᱛᱮ ᱑᱕᱙,᱘᱓᱘ ᱰᱷᱮᱨ ᱟᱠᱟᱱᱟ ᱾ ᱚᱱᱚᱱᱛᱚᱱᱟᱜᱽ ᱵᱟᱡᱟᱨ ᱨᱮ ᱜᱩᱸᱴ ᱢᱟᱱᱶᱟ ᱜᱷᱩᱲ ᱠᱷᱚᱱᱟᱜ ᱠᱚᱲᱟ ᱠᱚᱣᱟᱜ ᱮᱞ ᱕᱑ᱹ᱖% ᱟᱨ ᱠᱩᱲᱤ ᱠᱚᱣᱟᱜ ᱮᱞ ᱔᱘ᱹ᱔% ᱾ ᱫᱤᱥᱚᱢ ᱡᱟᱠᱟᱛ ᱨᱮᱭᱟᱜ ᱵᱟᱨᱟᱵᱟᱹᱨᱤ ᱙᱔᱐ ᱦᱤᱥᱟᱹᱵᱽ ᱛᱮ ᱵᱟᱡᱟᱨ ᱨᱮ ᱡᱟᱱᱟᱝ ᱦᱟᱲᱟᱝᱜᱚᱥ ᱫᱚ ᱑,᱐᱐᱐ ᱠᱚᱲᱟ ᱨᱮ ᱙᱕᱐ ᱛᱟᱦᱮᱸ ᱠᱟᱱᱟ ᱾ᱫᱤᱥᱚᱢ ᱡᱟᱠ ᱵᱟᱨᱟᱵᱟᱹᱨᱤ ᱙᱑᱘ ᱦᱤᱥᱟᱹᱵᱽ ᱛᱮ ᱐ ᱠᱷᱚᱱ ᱖ ᱵᱚᱪᱷᱚᱨ ᱩᱢᱮᱨ ᱦᱚᱲ ᱠᱚ ᱞᱟᱹᱜᱤᱫ ᱡᱟᱱᱟᱝ ᱦᱟᱲᱟᱝᱜᱚᱥ ᱦᱚᱸ ᱘᱗᱔ ᱠᱷᱚᱱ ᱵᱟᱹᱲᱤᱡ ᱜᱮ ᱛᱟᱦᱮᱸᱱ ᱾ ᱚᱱᱚᱱᱛᱚᱱᱟᱜᱽ ᱨᱮ ᱵᱟᱨᱟᱵᱟᱹᱨᱤ ᱥᱮᱪᱮᱫᱦᱚᱨᱟ ᱫᱚ ᱖᱒ᱹ᱒% ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱫᱤᱥᱚᱢ ᱡᱟᱠᱟᱛ ᱥᱮᱪᱮᱫᱦᱚᱨᱟ ᱖᱔ᱹ᱓% ᱠᱷᱚᱱ ᱦᱚᱸ ᱠᱚᱢ ᱜᱮ ᱛᱟᱦᱮᱸᱱ ᱾ ᱠᱚᱲᱟ ᱠᱚᱣᱟᱜ ᱥᱮᱪᱮᱫ ᱦᱚᱨᱟ ᱗᱑%, ᱟᱨ ᱠᱩᱲᱤ ᱠᱚᱣᱟᱜ ᱥᱮᱪᱮᱫ ᱦᱚᱨᱟ ᱖᱑% ᱛᱟᱦᱮᱸ ᱠᱟᱱᱟ ᱾ ᱖ ᱵᱚᱪᱷᱚᱨ ᱩᱢᱮᱨ ᱠᱷᱚᱱ ᱠᱚᱢ ᱜᱤᱫᱽᱨᱟᱹ ᱫᱚ ᱑᱘,᱐᱕᱖ ᱠᱚ ᱛᱟᱦᱮᱸ ᱠᱟᱱᱟ, ᱟᱨ ᱒᱐᱑᱑ ᱥᱟᱹᱦᱤᱛ ᱛᱮ ᱑᱖ᱹ᱖% ᱠᱚ ᱛᱟᱦᱮᱸ ᱠᱟᱱᱟ ᱾

ᱥᱟᱭᱤᱴᱥ ᱪᱮ ᱵᱮᱱᱟᱣ ᱴᱷᱟᱶ ᱥᱟᱯᱲᱟᱣ

ᱞᱟᱞ ᱪᱷᱚᱠ ᱫᱚ ᱵᱟᱡᱟᱨ ᱨᱮᱭᱟᱜ ᱪᱷᱚᱠ ᱠᱟᱱᱟ, ᱱᱚᱸᱰᱮ ᱜᱮ ᱡᱚᱣᱟᱦᱚᱨᱞᱟᱞ ᱱᱮᱦᱨᱩ ᱑᱙᱔᱘ ᱥᱟᱹᱦᱤᱛ ᱨᱮ ᱥᱤᱧᱚᱛ ᱨᱮᱭᱟᱜ ᱡᱟᱛᱟᱱ ᱪᱤᱨ ᱮ ᱦᱤᱯᱤᱲ ᱞᱮᱫ-ᱟ, ᱡᱟᱦᱟᱸ ᱫᱚ ᱡᱟᱢᱼᱢᱩ ᱟᱨ ᱠᱟᱥᱢᱤᱨ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱠᱟᱱᱟ ᱢᱮᱱᱛᱮ ᱵᱟᱰᱟᱭᱚᱜᱼᱟ ᱾ ᱢᱚᱥᱡᱤᱫᱽ ᱵᱟᱵᱟ ᱫᱟᱣᱩᱫᱽ, ᱠᱷᱟᱠᱤ ᱵᱟᱡᱟᱨ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱢᱚᱥᱡᱤᱫᱽ ᱠᱟᱱᱟ, ᱡᱟᱦᱟᱸ ᱫᱚ ᱑᱔᱐᱐ ᱥᱟᱹᱦᱤᱛ ᱠᱚᱨᱮ ᱵᱮᱱᱟᱣ ᱞᱮᱱᱟ ᱾ ᱠᱟᱥᱢᱤᱨ ᱨᱮᱭᱟᱜ ᱢᱟᱨᱛᱚᱸᱰ ᱢᱩᱫᱽᱨᱤ ᱫᱚ ᱢᱟᱨᱮ ᱥᱟᱦᱬᱟᱥᱮᱞᱮᱫ ᱴᱷᱟᱶ ᱠᱚᱨᱮ ᱠᱷᱚᱱᱟᱜ ᱢᱤᱫᱴᱟᱹᱝ ᱴᱷᱟᱶ ᱠᱟᱱᱟ ᱾ ᱱᱚᱶᱟ ᱫᱚ ᱯᱟᱨᱚᱢ ᱟᱠᱟᱱ ᱔᱐᱐ ᱥᱟᱹᱦᱤᱛ ᱠᱚᱨᱮ ᱵᱮᱱᱟᱣ ᱟᱠᱟᱱᱟ ᱢᱮᱱᱛᱮ ᱵᱟᱰᱟᱭᱚᱜᱼᱟ ᱾ ᱱᱚᱶᱟ ᱢᱩᱫᱽᱨᱤ ᱨᱮ ᱟᱨᱡᱽᱭᱚ ᱠᱚᱣᱟᱜ ᱫᱷᱟᱪᱟ ᱧᱮᱞᱚᱜᱼᱟ, ᱡᱟᱦᱟᱸ ᱫᱚ ᱟᱨᱡᱽᱭᱚ ᱠᱚᱫᱚ ᱠᱟᱥᱢᱤᱨᱤ ᱨᱮᱠᱚ ᱛᱟᱦᱮᱸ ᱠᱟᱱᱟ ᱢᱮᱱᱛᱮ ᱢᱚᱱᱮᱜᱼᱟ ᱾ᱢᱟᱨᱛᱚᱸᱰ ᱢᱩᱫᱽᱨᱤ ᱫᱚ ᱠᱮᱦᱨᱤᱵᱟᱞ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱚᱱᱚᱱᱛᱚᱱᱟᱜᱽ ᱠᱷᱚᱱ ᱫᱚ ᱙ ᱠᱤ.ᱢᱤ. ᱥᱟᱺᱜᱤᱧ ᱥᱟᱢᱟᱝᱼᱠᱚᱧᱮᱼᱥᱟᱢᱟᱝ ᱟᱨ ᱢᱚᱴᱴᱚᱱ ᱠᱷᱚᱱ ᱮᱛᱚᱢ ᱯᱟᱦᱴᱟ ᱨᱮ ᱢᱮᱱᱟᱜᱼᱟ᱾

ᱠᱟᱹᱣᱰᱤ ᱟᱹᱨᱤ ᱥᱟᱯᱲᱟᱣ

᱒᱐᱑᱐ ᱥᱟᱹᱦᱤᱛ ᱨᱮ ᱚᱱᱚᱱᱛᱚᱱᱟᱜᱽ ᱫᱚ ᱓ᱹ᱗ ᱵᱤᱞᱤᱭᱚᱱ ᱰᱚᱞᱟᱨ ᱨᱮᱭᱟᱜ ᱡᱚᱛᱚ ᱡᱤ.ᱰᱤ.ᱯᱤ ᱥᱟᱶ ᱱᱟᱯᱟᱭ ᱚᱰᱚᱠᱚᱜ ᱡᱚᱛᱚ ᱵᱟᱡᱟᱨ ᱠᱚᱨᱮ ᱠᱷᱚᱱ ᱧᱩᱛᱩᱢᱟᱱ ᱵᱟᱡᱟᱨ ᱞᱮᱠᱟᱛᱮ ᱵᱤᱠᱟᱹᱣ ᱞᱮᱱᱟ ᱾ᱚᱱᱚᱱᱛᱚᱱᱟᱜᱽ ᱡᱟᱹᱥᱛᱤ ᱡᱤ.ᱰᱤ.ᱯᱤ. ᱧᱮᱞ ᱡᱚᱝᱟᱱ ᱛᱷᱤᱛᱤ ᱨᱮᱭᱟᱜ ᱚᱡᱮ ᱫᱚ, "ᱱᱚᱶᱟ ᱨᱮ ᱥᱚᱭᱱᱤᱠ ᱠᱚ ᱟᱨ ᱛᱷᱟᱹᱭᱛᱷᱟᱱ ᱠᱟᱹᱢᱤᱭᱟᱹ ᱠᱚᱣᱟᱜ ᱜᱚᱲᱚ ᱠᱚ ᱢᱮᱱᱟᱜᱼᱟ" ᱾ ᱚᱱᱚᱱᱛᱚᱱᱟᱜᱽ ᱨᱮ ᱮᱛᱚᱢ ᱠᱚᱧᱮ ᱨᱮ ᱠᱳᱨᱤᱰᱚᱨ ᱦᱚᱨ ᱨᱮ ᱢᱮᱱᱟᱜ ᱢᱤᱫ ᱢᱚᱱᱞᱚᱵᱷᱟᱣ ᱧᱮᱞ ᱡᱚᱝ ᱴᱷᱟᱶ ᱟᱨ ᱠᱟᱥᱢᱤᱨ ᱜᱷᱟᱹᱴᱤ ᱨᱮ ᱡᱟᱹᱥᱛᱤ ᱧᱮᱞ ᱡᱚᱝ ᱦᱚᱲ ᱠᱚᱴᱷᱮᱱ ᱠᱷᱚᱱ ᱠᱟᱹᱣᱰᱤ ᱟᱨᱡᱟᱣ ᱨᱮᱭᱟᱜ ᱢᱩᱛᱩᱞ ᱠᱟᱱᱟ ᱾ ᱑᱙᱙᱐ ᱥᱟᱹᱦᱤᱛ ᱫᱚᱥᱚᱠ ᱨᱮ ᱵᱟᱡᱟᱨ ᱫᱚ ᱟᱹᱰᱤ ᱟᱭᱢᱟ ᱟᱱᱟᱴ ᱥᱟᱢᱟᱝ ᱦᱩᱭ ᱟᱫᱮ ᱛᱟᱦᱮᱸᱱ, ᱚᱱᱟ ᱨᱮᱭᱟᱜ ᱚᱡᱮ ᱫᱚ ᱵᱟᱡᱟᱨ ᱨᱮᱭᱟᱜ ᱦᱚᱨ, ᱯᱳᱞᱳ, ᱟᱨ ᱢᱟᱨᱟᱝ ᱢᱟᱨᱟᱝ ᱢᱟᱦᱚᱞ ᱠᱚᱠᱚ ᱨᱟᱹᱯᱩᱫ ᱞᱮᱫ-ᱟ ᱾ᱢᱮᱱᱠᱷᱟᱱ ᱒᱐᱐᱐ ᱥᱟᱹᱦᱤᱛ ᱫᱚᱥᱚᱠ ᱛᱮ ᱫᱚ ᱱᱚᱶᱟ ᱵᱟᱡᱟᱨ ᱫᱚᱲᱦᱟ ᱛᱮ ᱡᱚᱛᱚᱣᱟᱜ ᱮ ᱵᱮᱱᱟᱣ ᱨᱩᱣᱟᱹᱲ ᱠᱮᱫ-ᱟ, ᱚᱱᱟ ᱛᱟᱭᱚᱢ ᱱᱚᱶᱟ ᱵᱟᱡᱟᱨ ᱫᱚ ᱡᱚᱛᱚ ᱑᱐᱐ ᱜᱚᱴᱟᱝ ᱵᱟᱡᱟᱨ ᱠᱷᱚᱱ ᱞᱚᱜᱚᱱ ᱨᱟᱱᱟᱠᱟᱵᱚᱜ‌ ᱠᱟᱱ ᱵᱟᱡᱟᱨ ᱞᱮᱠᱟᱛᱮ ᱦᱤᱥᱟᱹᱵᱽ ᱮ ᱟᱢᱮᱴ ᱞᱮᱫ-ᱟ ᱾

ᱤᱫᱤᱼᱟᱹᱜᱩ ᱥᱟᱯᱲᱟᱣ

ᱥᱨᱤᱱᱚᱜᱚᱨ ᱫᱚ ᱚᱱᱚᱱᱛᱚᱱᱟᱜᱽ ᱠᱷᱚᱱ ᱕᱓ ᱠᱤᱞᱚᱢᱤᱴᱟᱨ ᱦᱤᱥᱟᱹᱵᱽ ᱫᱚ NH-44 ᱠᱷᱚᱱᱟᱜ (ᱩᱱ ᱡᱚᱦᱚᱜᱟᱜ ᱧᱩᱛᱩᱢ ᱫᱚ 1A, ᱫᱚᱲᱦᱟ ᱧᱩᱛᱩᱢ ᱟᱹᱨᱩ ᱠᱟᱛᱮᱭᱟᱜ ᱡᱚᱛᱚ ᱡᱟᱹᱛᱟᱹᱱ ᱦᱟᱯᱲᱟᱜ ᱰᱟᱦᱟᱨ ᱠᱚ) ᱾ ᱚᱱᱚᱱᱛᱚᱱᱟᱜᱽ ᱠᱷᱚᱱ ᱮᱴᱟᱜ ᱵᱟᱡᱟᱨ ᱠᱚᱣᱟᱜ ᱥᱟᱺᱜᱤᱧ ᱫᱚ ᱺ-ᱚᱪᱚᱵᱚᱞ-᱑᱐ ᱠᱤᱞᱚ ᱢᱤᱴᱟᱨ, ᱠᱳᱠᱚᱨᱱᱟᱜᱽ-᱒᱓ ᱠᱤᱞᱚ ᱢᱤᱴᱟᱨ, ᱫᱟᱨᱩ ᱥᱟᱦᱟᱵᱟᱫᱽ-᱒᱐ ᱠᱤᱞᱚ ᱢᱤᱴᱟᱨ ᱟᱨ ᱯᱚᱦᱳᱞᱜᱟᱢ-᱓᱙ ᱠᱤᱞᱚ ᱢᱤᱴᱟᱨ ᱾

ᱥᱮᱪᱮᱫ ᱥᱟᱯᱲᱟᱣ

ᱵᱟᱡᱟᱨ ᱨᱮ ᱟᱭᱢᱟ ᱞᱟᱛᱟᱨ, ᱢᱟᱭᱱᱚᱨ, ᱟᱨ ᱛᱟᱱᱟᱞᱟ ᱵᱤᱨᱫᱟᱹᱜᱟᱲ ᱠᱚ ᱢᱮᱱᱟᱜᱼᱟ ᱾

ᱪᱮᱛᱟᱱ ᱫᱷᱟᱯ ᱨᱮᱱᱟᱜ ᱫᱚ, ᱞᱟᱛᱟᱨ ᱨᱮ ᱮᱢ ᱮᱱᱟ ᱺ-

  • ᱠᱟᱥᱢᱤᱨ ᱮᱛᱚᱢ ᱠᱮᱸᱯᱥ, ᱚᱱᱚᱱᱛᱚᱱᱟᱜᱽ ᱡᱮᱜᱮᱛ ᱵᱤᱨᱫᱟᱹᱜᱟᱲ
  • ᱥᱚᱨᱠᱟᱨᱤ ᱢᱮᱰᱤᱠᱟᱞ ᱵᱤᱨᱫᱟᱹᱜᱟᱲ, ᱚᱱᱚᱱᱛᱚᱱᱟᱜᱽ
  • ᱵᱮᱵᱽᱥᱟ ᱥᱮᱪᱮᱫ ᱥᱚᱸᱥᱛᱷᱟ, ᱚᱱᱚᱱᱛᱚᱱᱟᱜᱽ

ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ

ᱥᱟ.ᱠᱷᱭᱟ.ᱛ ᱥᱟᱯᱲᱟᱣ