ᱞᱟᱛᱟᱨ ᱫᱤᱵᱟᱝ ᱜᱷᱟᱹᱴᱤ ᱦᱚᱱᱚᱛ

ᱚᱨᱩᱱᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱦᱚᱱᱚᱛ, ᱥᱤᱧᱚᱛ

ᱞᱟᱛᱟᱨ ᱫᱤᱵᱟᱝ ᱜᱷᱟᱹᱴᱤ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱚᱨᱩᱱᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ᱦᱚᱱᱚᱛ ᱨᱮᱭᱟᱜ ᱢᱩᱠᱷᱤᱭᱟᱹᱥᱟᱲᱟ ᱫᱚ ᱨᱳᱭᱤᱝ ᱠᱟᱱᱟ ᱾ [᱒] ᱞᱟᱛᱟᱨ ᱫᱤᱵᱟᱝ ᱜᱷᱟᱹᱴᱤ ᱫᱚ ᱚᱨᱩᱱᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱯᱩᱨᱩᱵᱽ ᱱᱟᱠᱷᱟ ᱨᱮ ᱢᱮᱱᱟᱜ-ᱟ ᱾ ᱱᱚᱣᱟ ᱫᱚ ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱜᱮᱢᱚᱬ ᱟᱱᱟᱜ ᱦᱚᱱᱚᱛ ᱠᱟᱱᱟ ᱾ ᱱᱚᱣᱟ ᱨᱮᱭᱟᱜ ᱢᱩᱠᱷᱤᱭᱟᱹᱥᱟᱲᱟ ᱫᱚ ᱨᱳᱭᱤᱝ ᱨᱮ ᱢᱮᱱᱟᱜ-ᱟ ᱾ ᱱᱚᱣᱟ ᱨᱮᱭᱟᱜ ᱧᱩᱛᱩᱢ ᱫᱤᱵᱟᱝ ᱱᱟᱹᱭ ᱨᱮᱭᱟᱜ ᱧᱩᱛᱩᱢ ᱞᱮᱠᱟᱛᱮ ᱪᱷᱟᱹᱴᱭᱟᱹᱨ ᱟᱠᱟᱱᱟ ᱾ ᱫᱤᱵᱟᱝ ᱱᱟᱹᱭ ᱥᱟᱶ ᱥᱟᱶᱛᱮ ᱱᱚᱰᱮ ᱫᱚ ᱟᱨ ᱦᱚᱸ ᱟᱹᱰᱤ ᱜᱟᱱ ᱱᱟᱹᱭ ᱢᱮᱱᱟᱜ-ᱟ ᱾

ᱞᱟᱛᱟᱨ ᱫᱤᱵᱟᱝ ᱜᱷᱟᱹᱴᱤ ᱦᱚᱱᱚᱛ
ᱚᱨᱩᱱᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱦᱚᱱᱚᱛ
ᱚᱨᱩᱱᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱦᱚᱱᱚᱛ ᱞᱟᱛᱟᱨ ᱫᱤᱵᱟᱝ ᱜᱷᱟᱹᱴᱤ ᱨᱮᱭᱟᱜ ᱞᱚᱠᱮᱥᱳᱱ
ᱚᱨᱩᱱᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱦᱚᱱᱚᱛ ᱞᱟᱛᱟᱨ ᱫᱤᱵᱟᱝ ᱜᱷᱟᱹᱴᱤ ᱨᱮᱭᱟᱜ ᱞᱚᱠᱮᱥᱳᱱ
ᱫᱤᱥᱚᱢᱥᱤᱧᱚᱛ
ᱯᱚᱱᱚᱛᱚᱨᱩᱱᱟᱪᱚᱞ ᱯᱨᱚᱫᱮᱥ
ᱢᱩᱠᱷᱤᱭᱟᱹᱥᱟᱲᱟᱨᱳᱭᱤᱝ
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ(᱒0᱑᱑)
 • Total᱕᱓,᱙᱘᱖[᱑]
ᱦᱚᱲ ᱮᱞᱮᱞ
 • ᱥᱤᱠᱷᱱᱟᱹᱛ70.4%[᱑]
 • ᱡᱟᱱᱟᱝ ᱡᱟᱹᱱᱤ919[᱑]
IST (ᱭᱩᱴᱤᱥᱤ+05:30)

ᱱᱚᱣᱟ ᱠᱚ ᱱᱟᱹᱭ ᱨᱮ ᱵᱽᱨᱚᱦᱢᱚᱯᱩᱛᱨᱚ ᱱᱟᱹᱭ ᱜᱮ ᱡᱚᱛᱚ ᱠᱷᱚᱱ ᱢᱟᱨᱟᱝ-ᱟ ᱾ ᱫᱤᱵᱟᱝ ᱱᱟᱹᱭ ᱫᱚ ᱵᱽᱨᱚᱦᱢᱚᱯᱩᱛᱨᱚ ᱱᱟᱹᱭ ᱨᱮᱭᱟᱜ ᱪᱟᱸᱜᱟ ᱱᱟᱹᱭ ᱠᱟᱱᱟ ᱾ ᱱᱚᱣᱟ ᱨᱮᱭᱟᱜ ᱩᱛᱚᱨ ᱱᱟᱠᱷᱟ ᱨᱮ ᱫᱤᱵᱟᱝ ᱜᱷᱟᱹᱴᱤ ᱦᱚᱱᱚᱛ, ᱯᱩᱨᱩᱵᱽ ᱨᱮ ᱞᱳᱦᱤᱛ ᱟᱨ ᱢᱮᱠ ᱢᱳᱦᱚᱱ ᱞᱟᱭᱤᱱ, ᱯᱩᱪᱷᱤᱢ ᱨᱮ ᱯᱩᱨᱩᱵᱽ ᱥᱤᱭᱟᱝ, ᱟᱨ ᱫᱩᱠᱷᱤᱱ ᱨᱮᱫᱚ ᱟᱥᱟᱢ ᱨᱮᱭᱟᱜ ᱛᱤᱱᱥᱩᱠᱤᱭᱟ ᱢᱮᱱᱟᱜ-ᱟ ᱾ ᱱᱚᱣᱟ ᱫᱚ ᱦᱮᱢᱟᱞ ᱵᱩᱨᱩ ᱫᱟᱥᱱᱟ ᱨᱮ ᱵᱚᱥᱠᱚᱫ ᱠᱟᱛᱮ ᱢᱮᱱᱟᱜ-ᱟ ᱟᱨ ᱫᱚᱨᱮᱭᱟ ᱞᱟᱛᱟᱨ ᱠᱷᱚᱱ ᱒᱖᱕᱕ ᱠᱤᱞᱚ ᱢᱤᱴᱚᱨ ᱩᱥᱩᱨ ᱨᱮ ᱢᱮᱱᱟᱜ-ᱟ ᱾ ᱞᱟᱛᱟᱨ ᱫᱤᱵᱟᱝ ᱜᱷᱟᱹᱴᱤ ᱫᱚ ᱟᱹᱰᱤ ᱪᱚᱨᱚᱠ ᱧᱮᱢᱮᱞ ᱴᱚᱴᱷᱟ ᱠᱟᱱᱟ ᱾ ᱥᱟᱸᱜᱷᱟᱨᱤᱭᱟᱹ ᱠᱚ ᱱᱚᱰᱮ ᱫᱚ ᱵᱚᱨᱚᱯᱷ ᱛᱮ ᱫᱟᱯᱟᱞ ᱟᱠᱟᱱ ᱪᱚᱴᱟᱛ, ᱥᱚᱠᱚᱲ ᱵᱚᱠᱚᱲ ᱱᱟᱹᱭ, ᱜᱟᱺᱦᱤᱨ ᱜᱷᱟᱹᱴᱤ ᱟᱨ ᱪᱚᱨᱚᱠ ᱪᱮᱦᱨᱟ ᱵᱤᱨ ᱠᱚ ᱧᱮᱞ ᱫᱟᱲᱮᱭᱟᱜ-ᱟ ᱾ ᱟᱡᱟᱜ ᱪᱮᱦᱨᱟᱱ ᱵᱤᱨ ᱠᱷᱟᱹᱛᱤᱨ ᱱᱚᱣᱟ ᱴᱚᱴᱷᱟ ᱫᱚ ᱦᱚᱲ ᱟᱹᱰᱤ ᱠᱚ ᱠᱩᱥᱤᱭᱟᱜ-ᱟ ᱾ ᱚᱨᱩᱱᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱥᱩᱨ ᱥᱩᱯᱩᱨ ᱘᱐% ᱵᱤᱨ ᱫᱚ ᱜᱟᱡᱟᱲ ᱵᱤᱨ ᱛᱮ ᱯᱚᱴᱚᱢ ᱮᱥᱮᱫ ᱟᱠᱟᱱᱟ ᱾ ᱵᱤᱨ ᱨᱮ ᱥᱟᱸᱜᱷᱟᱨᱤᱭᱟᱹ ᱠᱚᱫᱚ ᱟᱹᱰᱤ ᱞᱮᱠᱟᱱ ᱫᱟᱨᱮ ᱱᱟᱹᱬᱤ ᱟᱨ ᱡᱤᱵᱽ ᱡᱤᱭᱟᱹᱞᱤ ᱠᱚ ᱧᱮᱞ ᱫᱟᱲᱟᱭᱟ ᱠᱚᱣᱟ ᱾ ᱚᱨᱩᱱᱟᱪᱚᱞ ᱯᱨᱚᱫᱮᱥ ᱨᱤᱱᱤᱡ ᱥᱚᱨᱠᱟᱨ ᱫᱚ ᱱᱚᱰᱮ ᱟᱹᱰᱤ ᱜᱟᱱ ᱵᱤᱨ ᱡᱟᱱᱣᱟ ᱨᱟᱠᱷᱟᱱ ᱮ ᱛᱷᱟᱯᱚᱱ ᱟᱠᱟᱫ-ᱟ ᱾

ᱥᱤᱨᱡᱚᱱ ᱨᱮᱭᱟᱜ ᱪᱚᱨᱚᱠ ᱨᱩᱯ ᱨᱚᱝ ᱵᱟᱹᱜᱤ ᱠᱟᱛᱮ ᱥᱟᱸᱜᱷᱟᱨᱤᱭᱟᱹ ᱠᱚᱫᱚ ᱱᱚᱰᱮᱱ ᱠᱚ ᱴᱚᱴᱷᱟᱣᱟᱨᱤ ᱵᱚᱥᱠᱚᱫᱤᱭᱟᱹ ᱠᱚ ᱥᱟᱶ ᱦᱚᱸ ᱠᱚ ᱧᱟᱯᱟᱢ ᱫᱟᱲᱮᱭᱟᱜ ᱜᱮᱭᱟ ᱾ ᱱᱚᱰᱮᱱ ᱠᱚ ᱵᱟᱹᱲᱛᱤ ᱵᱚᱥᱠᱚᱫᱤᱭᱟᱹ ᱫᱚ ᱟᱹᱫᱤᱵᱟᱹᱥᱤ ᱡᱟᱹᱛᱤ ᱨᱤᱱ ᱦᱚᱲ ᱠᱟᱱᱟ ᱠᱚ ᱾ ᱱᱩᱠᱩᱣᱟᱜ ᱞᱟᱠᱪᱟᱨ ᱨᱮᱭᱟᱜ ᱠᱷᱩᱵ ᱪᱚᱨᱚᱠ ᱨᱩᱯ ᱨᱚᱝ ᱧᱮᱞ ᱡᱚᱝ ᱟᱨ ᱩᱱᱠᱩ ᱠᱚ ᱧᱟᱯᱟᱢ ᱠᱚ ᱥᱟᱸᱜᱷᱟᱨᱤᱭᱟᱹ ᱠᱚᱫᱚ ᱟᱹᱰᱤ ᱠᱚ ᱠᱩᱥᱤᱭᱟᱜ-ᱟ ᱾ ᱟᱹᱫᱤᱵᱟᱹᱥᱤ ᱠᱚ ᱥᱟᱶ ᱧᱟᱯᱟᱢ ᱛᱟᱭᱚᱢ ᱥᱟᱸᱜᱷᱟᱨᱤᱭᱟᱹ ᱠᱚ ᱱᱚᱰᱮᱱᱟᱜ ᱵᱤᱨ ᱫᱟᱬᱟᱱ ᱨᱮ ᱨᱟᱹᱥᱠᱟᱹ ᱠᱚ ᱟᱢᱮᱴ ᱫᱟᱲᱮᱭᱟᱜ-ᱟ ᱾ ᱡᱩᱣᱟᱹᱱ ᱥᱟᱸᱜᱷᱟᱨᱤᱭᱟᱹ ᱠᱚᱫᱚ ᱱᱚᱣᱟ ᱵᱩᱨᱩ ᱨᱮ ᱪᱩᱦᱩᱞ ᱯᱮᱨᱮᱡ ᱥᱟᱸᱜᱷᱟᱨ ᱨᱮᱭᱟᱜ ᱨᱟᱹᱥᱠᱟᱹ ᱦᱚᱸᱠᱚ ᱦᱟᱛᱟᱣ ᱫᱟᱲᱮᱭᱟᱜ-ᱟ ᱾ ᱱᱚᱣᱟ ᱠᱚ ᱥᱟᱶ ᱥᱟᱶᱛᱮ ᱱᱚᱰᱮᱱᱟᱜ ᱱᱟᱹᱭ ᱨᱮ ᱣᱟᱴᱚᱨ ᱥᱯᱳᱴᱥ ᱨᱮᱭᱟᱜ ᱨᱟᱹᱥᱠᱟᱹ ᱦᱚᱸ ᱦᱟᱛᱟᱣ ᱜᱟᱱᱚᱜ-ᱟ ᱾ ᱥᱟᱸᱜᱷᱟᱨᱤᱭᱟᱹ ᱠᱚ ᱥᱟᱶᱛᱮ ᱱᱚᱣᱟ ᱴᱚᱴᱷᱟ ᱫᱚ ᱱᱟᱜᱟᱢᱤᱭᱟᱹ ᱟᱨ ᱡᱟᱹᱫᱩᱞᱟᱹᱲᱤᱭᱟᱹ ᱠᱚ ᱴᱷᱮᱱ ᱦᱚᱸ ᱜᱚᱨᱚᱡᱽ ᱫᱚ ᱥᱚᱢᱟᱱ ᱜᱮᱭᱟ ᱪᱮᱫᱟᱜ ᱥᱮ ᱩᱱᱠᱩ ᱠᱚ ᱞᱟᱹᱜᱤᱫ ᱫᱚ ᱱᱚᱰᱮ ᱡᱚᱛᱚ ᱞᱮᱠᱟᱱᱟᱜ ᱢᱮᱱᱟᱜ-ᱟ ᱾

ᱯᱨᱚᱥᱟᱥᱚᱱᱤᱠ ᱵᱚᱰ ᱥᱟᱯᱲᱟᱣ

  • ᱰᱟᱸᱵᱩᱠ
  • ᱫᱮᱥᱟᱞᱤ
  • ᱦᱩᱱᱞᱤ
  • ᱠᱳᱨᱳᱱᱩ
  • ᱨᱳᱭᱤᱝ

ᱢᱩᱠᱷᱤᱭᱟᱹ ᱢᱩᱦᱤᱛ ᱥᱟᱯᱲᱟᱣ

ᱢᱟᱭᱩᱫᱤᱭᱟ ᱥᱟᱯᱲᱟᱣ

ᱱᱚᱣᱟ ᱫᱚ ᱦᱮᱢᱟᱞ ᱵᱩᱨᱩ ᱨᱮᱭᱟᱜ ᱨᱮᱭᱤᱝ ᱠᱷᱚᱱ ᱥᱩᱨ ᱥᱩᱯᱩᱨ ᱕᱖ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱥᱟᱸᱜᱷᱟᱨᱤᱭᱟᱹ ᱠᱚ ᱱᱚᱣᱟ ᱴᱚᱴᱷᱟ ᱫᱚ ᱟᱹᱰᱤ ᱠᱚ ᱠᱩᱥᱤᱭᱟᱜ-ᱟ ᱪᱮᱫᱟᱜ ᱥᱮ ᱱᱚᱣᱟ ᱨᱮᱭᱟᱜ ᱥᱟᱺᱜᱤᱧ ᱫᱷᱟᱹᱵᱤᱡ ᱯᱟᱥᱱᱟᱣ ᱟᱠᱟᱱ ᱛᱟᱥᱟᱫ ᱨᱮᱭᱟᱜ ᱢᱟᱴ ᱥᱟᱸᱜᱷᱟᱨᱤᱭᱟᱹ ᱠᱚᱣᱟᱜ ᱢᱚᱱᱮᱭ ᱢᱩᱦᱤᱛ ᱩᱛᱟᱹᱨᱟ ᱾ ᱨᱟᱵᱟᱝ ᱫᱤᱱ ᱫᱚ ᱱᱚᱰᱮ ᱵᱚᱨᱚᱯᱷᱡᱟᱹᱲᱤ ᱨᱮᱭᱟᱜ ᱨᱟᱹᱥᱠᱟᱹ ᱦᱚᱸ ᱦᱟᱛᱟᱣ ᱜᱟᱱᱚᱜ-ᱟ ᱾ ᱰᱤᱥᱮᱢᱵᱚᱨ-ᱢᱟᱨᱪ ᱨᱮ ᱱᱚᱰᱮ ᱫᱚ ᱟᱹᱰᱤ ᱵᱟᱹᱲᱛᱤ ᱵᱚᱨᱚᱯᱷᱡᱟᱹᱲᱤ ᱦᱩᱭᱩᱜ-ᱟ ᱾ ᱚᱱᱟ ᱚᱠᱛᱚᱨᱮ ᱱᱚᱣᱟ ᱴᱚᱴᱷᱟ ᱫᱚ ᱫᱤᱱ ᱥᱟᱨᱟ ᱥᱟᱹᱱᱛᱤ ᱜᱮ ᱛᱟᱦᱮᱸᱱᱟ ᱾ ᱵᱚᱨᱚᱯᱷᱡᱟᱹᱲᱤ ᱚᱠᱛᱚ ᱨᱮ ᱱᱚᱰᱮᱱᱟᱜ ᱪᱮᱦᱨᱟᱱ ᱧᱮᱞ ᱡᱚᱝ ᱞᱟᱭᱚᱠ ᱛᱟᱦᱮᱸᱱᱟ ᱾ ᱨᱮᱭᱤᱝ ᱠᱷᱚᱱ ᱱᱚᱰᱮ ᱫᱷᱟᱹᱵᱤᱡ ᱫᱚ ᱥᱩᱢᱩᱝ ᱟᱫᱷᱟ ᱜᱷᱚᱱᱴᱟ ᱨᱮᱜᱮ ᱥᱮᱴᱮᱨ ᱜᱟᱱᱚᱜ-ᱟ ᱾ ᱥᱟᱸᱜᱷᱟᱨᱤᱭᱟᱹ ᱠᱚ ᱡᱤᱨᱟᱹᱣᱜ ᱞᱟᱹᱜᱤᱫ ᱱᱚᱰᱮ ᱫᱚ ᱟᱹᱰᱤᱜᱟᱱ ᱜᱮᱥᱴ ᱦᱟᱣᱩᱥ ᱦᱚᱸ ᱵᱮᱱᱟᱣ ᱟᱠᱟᱱᱟ ᱾ ᱱᱚᱣᱟ ᱜᱮᱥᱴ ᱦᱟᱣᱩᱥ ᱠᱷᱚᱱ ᱱᱟᱥᱮ ᱥᱟᱺᱜᱤᱧ ᱨᱮ ᱥᱟᱸᱜᱷᱟᱨᱤᱭᱟᱹ ᱠᱚ ᱵᱟᱱᱟ, ᱵᱤᱨ ᱢᱮᱨᱚᱢ ᱟᱨ ᱩᱰᱟᱹᱣᱜ ᱠᱟᱱ ᱛᱩᱲ ᱦᱚᱸᱠᱚ ᱧᱮᱞ ᱫᱟᱲᱮᱭᱟ ᱠᱚᱣᱟ ᱾

ᱢᱤᱦᱟᱣᱳ ᱡᱷᱟᱨᱱᱟ ᱥᱟᱯᱲᱟᱣ

ᱱᱚᱣᱟ ᱫᱚ ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱟᱹᱰᱤ ᱜᱮ ᱪᱮᱦᱨᱟᱱ ᱧᱮᱢᱮᱞ ᱴᱚᱴᱷᱟ ᱠᱟᱱᱟ ᱾ ᱫᱚᱨᱮᱭᱟ ᱞᱟᱛᱟᱨ ᱠᱷᱚᱱ ᱱᱚᱣᱟ ᱨᱮᱭᱟᱜ ᱩᱥᱩᱞ ᱫᱚ ᱓᱐᱐᱐ ᱯᱷᱩᱴ ᱢᱮᱱᱟᱜ-ᱟ ᱾ ᱨᱮᱭᱤᱝ ᱠᱷᱚᱱ ᱱᱚᱰᱮ ᱫᱷᱟᱹᱵᱤᱡ ᱫᱚ ᱟᱹᱰᱤ ᱟᱞᱜᱟ ᱛᱮᱜᱮ ᱥᱮᱴᱮᱨ ᱜᱟᱱᱚᱜ-ᱟ ᱾ ᱱᱚᱣᱟ ᱫᱚ ᱨᱳᱭᱤᱝ ᱠᱷᱚᱱ ᱑᱔ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱱᱚᱣᱟ ᱡᱷᱟᱨᱱᱟ ᱨᱮᱭᱟᱜ ᱫᱟᱜ ᱫᱚ ᱟᱹᱰᱤ ᱜᱮ ᱯᱷᱟᱨᱪᱟ ᱜᱮᱭᱟ ᱾ ᱡᱷᱟᱨᱱᱟ ᱨᱮ ᱥᱟᱸᱜᱷᱟᱨᱤᱭᱟᱹ ᱠᱚ ᱟᱹᱰᱤ ᱜᱟᱱ ᱵᱤᱨ ᱜᱮᱰᱮ ᱠᱚ ᱧᱮᱞ ᱫᱟᱲᱮᱭᱟ ᱠᱚᱣᱟ ᱾ ᱱᱚᱣᱟ ᱡᱷᱟᱨᱱᱟ ᱫᱚ ᱥᱩᱨ ᱥᱩᱯᱩᱨ ᱔ ᱠᱤᱞᱚ ᱢᱤᱴᱚᱨ ᱮᱨᱤᱭᱟ ᱨᱮ ᱯᱟᱥᱱᱟᱣ ᱟᱠᱟᱱᱟ ᱾ ᱡᱷᱟᱨᱱᱟ ᱥᱩᱨ ᱠᱚᱨᱮᱱᱟᱜ ᱡᱟᱭᱜᱟ ᱦᱚᱸ ᱟᱹᱰᱤ ᱜᱮ ᱪᱚᱨᱚᱠ ᱪᱮᱦᱨᱟᱦᱟ ᱾ ᱡᱷᱟᱨᱱᱟ ᱨᱮ ᱥᱟᱸᱜᱷᱟᱨᱚᱭᱟᱹ ᱠᱚ ᱞᱟᱹᱣᱠᱟᱹᱪᱟᱹᱞᱩ ᱨᱮᱭᱟᱜ ᱨᱟᱹᱥᱠᱟᱹ ᱦᱚᱸᱠᱚ ᱟᱢᱮᱴ ᱫᱟᱲᱮᱭᱟᱜ-ᱟ ᱾ ᱡᱷᱟᱨᱱᱟ ᱥᱩᱨ ᱨᱮᱜᱮ ᱵᱤᱨ ᱦᱚᱸ ᱢᱮᱱᱟᱜ-ᱟ ᱾ ᱱᱚᱣᱟ ᱨᱮ ᱥᱟᱸᱜᱷᱟᱨᱤᱭᱟᱹ ᱠᱚ ᱴᱨᱮᱠᱤᱝ ᱨᱮᱭᱟᱜ ᱨᱟᱹᱥᱠᱟᱹ ᱠᱚ ᱦᱟᱛᱟᱣ ᱫᱟᱲᱮᱭᱟᱜ-ᱟ ᱾ ᱱᱚᱣᱟ ᱡᱷᱟᱨᱱᱟ ᱨᱮᱫᱚ ᱢᱤᱫᱴᱟᱹᱝ ᱦᱚᱸ ᱦᱟᱹᱠᱩ ᱵᱟᱹᱱᱩᱜ ᱠᱚᱣᱟ ᱾ ᱱᱚᱣᱟ ᱛᱮᱪᱟᱱᱨᱮ ᱚᱛᱱᱚᱜᱤᱭᱟᱹ ᱠᱚᱣᱟᱜ ᱢᱟᱱᱟᱣ ᱫᱚ ᱱᱚᱣᱟ ᱡᱮ ᱱᱚᱣᱟ ᱡᱷᱟᱨᱱᱟ ᱨᱮᱫᱚ ᱡᱤᱣᱤᱫᱚᱜ ᱨᱮᱭᱟᱜ ᱜᱩᱱ ᱵᱟᱹᱱᱩᱜ ᱟᱱᱟ ᱾ ᱚᱱᱟ ᱠᱷᱟᱹᱛᱤᱨ ᱱᱚᱣᱟ ᱨᱮᱫᱚ ᱦᱟᱹᱠᱩ ᱡᱤᱣᱤᱫ ᱵᱟᱠᱚ ᱛᱟᱦᱮᱸ ᱫᱟᱲᱮᱭᱟᱜ ᱠᱟᱱᱟ ᱾

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ

  1. ᱑.᱐ ᱑.᱑ ᱑.᱒ "District Census 2011". Census2011.co.in. 2011. Retrieved 2011-09-30.
  2. National Portal of India : Know India : Districts of India

ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ

Coordinates: 28°08′40″N 95°50′30″E / 28.144545°N 95.841722°E / 28.144545; 95.841722