ᱥᱟᱶᱦᱮᱫ: ᱨᱮᱱᱟᱜ ᱫᱚᱦᱲᱟᱭᱮᱱ ᱛᱟᱞᱟᱨᱮᱭᱟᱜ ᱯᱷᱟᱨᱟᱠ ᱠᱚ

▲ ᱡᱟᱦᱟᱸ ᱯᱟ.ᱨᱥᱤ ᱜᱮ ᱥᱮᱫᱟᱭ ᱠᱷᱚᱱ ᱚᱞ-ᱛᱚᱞ ᱟ.ᱜᱩ ᱟᱠᱟᱱᱟᱜ ᱜᱮ ᱥᱟᱶᱦᱮᱫ ᱢᱮᱱᱛᱮ ᱵᱚᱱ ᱢᱮᱱ ᱫᱟᱲᱮᱭᱟᱜ-ᱟ ᱾ ᱡᱮᱜᱮᱛ ᱨᱮ ᱡᱚᱛᱚ ᱠᱷᱚᱱ ᱢᱟᱨᱮ ᱥᱟᱶᱦᱮᱫ ᱫᱚ ᱟᱵᱚ ᱟ.ᱫᱤᱵᱟ.ᱥᱤ ᱥᱟᱶᱦᱮᱫ ᱨᱮᱵᱚ ᱧᱟᱢᱟ ᱾ ᱱᱚᱝᱠᱟ ᱛᱮ ᱧᱮᱞ ᱞᱮᱠᱷᱟᱱ ᱟ.ᱫᱤᱵᱟ.ᱥᱤ ᱥᱟᱶᱦᱮᱫ ᱜᱮ ᱡᱚᱛᱚ ᱥᱟᱶᱦᱮᱫ ᱨᱮᱭᱟᱜ ᱢᱩᱲ ᱰᱟᱦᱟᱨ ᱠᱟᱱᱟ ᱾

▲ ᱵᱷᱟᱨᱚᱛ ᱨᱮᱭᱟᱜ ᱥᱚᱸᱥᱠᱨᱩᱛ ᱥᱟᱶᱦᱮᱫ ᱫᱚ ᱨᱩᱜᱽᱵᱮᱫᱽ ᱠᱷᱚᱱ ᱮᱛᱚᱦᱚᱵ ᱟᱠᱟᱱᱟ ᱾ ᱵᱭᱟᱥ, ᱵᱟᱞᱢᱤᱠᱤ ᱞᱮᱠᱟᱱ ᱯᱟ.ᱦᱤᱞ ᱨᱩᱥᱤ ᱠᱚ ᱢᱟᱦᱟᱵᱷᱟᱨᱚᱛ ᱟᱨ ᱨᱟᱢᱟᱭᱚᱬ ᱞᱮᱠᱟᱱ ᱢᱟᱨᱟᱝ ᱯᱩᱛᱷᱤ ᱠᱤᱱ ᱚᱞ-ᱛᱚᱞ ᱟᱠᱟᱜ-ᱟ ᱾ ᱵᱷᱟᱥ, ᱠᱟᱲᱤᱫᱟᱥ ᱟᱨ ᱮᱴᱟᱜ ᱚᱱᱚᱬᱦᱤᱭᱟ. ᱠᱚᱦᱚᱸ ᱥᱚᱸᱥᱠᱨᱩᱛ ᱛᱮ ᱠᱷᱮᱞᱚᱸᱰ ᱯᱚᱛᱚᱵ ᱠᱚ ᱚᱞ ᱛᱚᱞ ᱟᱠᱟᱜ-ᱟ ᱾

▲ ᱵᱚᱸᱜᱟ ᱵᱳᱨᱳ ᱢᱟᱱᱟᱣ ᱵᱟᱛᱟᱣ ᱥᱟᱶᱦᱮᱫ ᱨᱮᱫᱚ ᱜᱳᱥᱣᱟᱢᱤ ᱛᱩᱞᱥᱤᱫᱟᱥ, ᱵᱨᱚᱡᱽ ᱯᱟ.ᱨᱥᱤ ᱨᱮᱫᱚ ᱥᱩᱨᱫᱟᱥ, ᱢᱟᱨᱣᱟᱲᱤ ᱨᱮ ᱢᱤᱨᱟᱵᱟᱭᱤ, ᱠᱷᱳᱰᱤᱵᱳᱞᱤ ᱨᱮ ᱠᱚᱵᱤᱨ, ᱨᱚᱥᱠᱷᱟᱱ, ᱢᱚᱭᱛᱷᱤᱞᱤ ᱨᱮ ᱵᱤᱫᱭᱟᱯᱚᱛᱤ ᱮᱢᱟᱱ ᱧᱩᱛᱩᱢᱟᱱ ᱠᱚ ᱛᱟᱦᱮᱸ ᱠᱟᱱᱟ ᱾

▲ ᱦᱤᱱᱫᱤ ᱥᱟᱶᱦᱮᱫ ᱨᱮᱫᱚ ᱠᱟᱛᱷᱟ, ᱠᱟ.ᱦᱱᱤ ᱟᱨ ᱜᱟᱢᱟᱢ ᱨᱮᱫᱚ ᱯᱨᱮᱢᱪᱟᱸᱫᱽ ᱟᱜ ᱟ.ᱰᱤ ᱢᱟᱨᱟᱝ ᱮᱱᱮᱢ ᱢᱮᱱᱟᱜ-ᱟ ᱾

▲ ᱜᱨᱤᱠ ᱥᱟᱶᱦᱮᱫ ᱨᱮᱫᱚ ᱦᱳᱢᱤᱨᱟᱜ ᱤᱞᱤᱭᱟᱰ ᱟᱨ ᱳᱰᱤᱥᱤ ᱫᱚ ᱡᱮᱜᱮᱛ ᱨᱮ ᱧᱩᱛᱩᱢ ᱢᱮᱱᱟᱜ-ᱟ ᱾ ᱤᱸᱜᱽᱞᱤᱥ ᱥᱟᱶᱦᱮᱫ ᱨᱮ ᱥᱮᱠᱥᱯᱤᱭᱚᱨ ᱫᱚ ᱚᱠᱚᱭ ᱵᱟᱭ ᱵᱟᱰᱟᱭᱟ ᱾

▲ ᱯᱷᱩᱨᱜᱟ.ᱞ ᱥᱤᱧᱚᱛ ᱨᱮ ᱒᱒ ᱜᱚᱴᱟᱝ ᱯᱟ.ᱨᱥᱤ ᱢᱟᱱᱟᱣ ᱵᱟᱛᱟᱣ ᱮ ᱧᱟᱢ ᱟᱠᱟᱜᱼᱟ ᱾ ᱡᱟᱦᱟᱸᱨᱮ ᱢᱚᱴᱷᱮ ᱵᱟᱨᱭᱟ ᱟ.ᱫᱤᱵᱟ.ᱥᱤ ᱯᱟ.ᱨᱥᱤ ᱼ ᱥᱟᱱᱛᱟᱲᱤ ᱟᱨ ᱵᱳᱰᱳ ᱜᱮᱠᱚ ᱥᱮᱞᱮᱫ ᱟᱠᱟᱜᱼᱟ ᱾

▲ ᱵᱷᱟᱨᱚᱛ ᱫᱤᱥᱚᱥ ᱫᱚ ᱟ.ᱰᱤᱜᱟᱱ ᱯᱟ.ᱨᱥᱤ ᱨᱮᱭᱟᱜ ᱢᱤᱫ ᱦᱟᱯᱲᱟᱜ ᱫᱤᱥᱚᱢ ᱠᱟᱱᱟ ᱾ ᱠᱚᱧᱮᱼᱯᱟᱪᱷᱮ ᱨᱮ ᱯᱚᱧᱡᱟᱵᱤ, ᱦᱤᱱᱫᱤ, ᱩᱨᱫᱷᱩ; ᱯᱩᱨᱩᱵᱽ ᱯᱟᱦᱴᱟ ᱨᱮ ᱳᱰᱤᱭᱟ., ᱵᱟᱝᱜᱟᱞᱤ ᱟᱨ ᱟᱥᱟᱢᱤᱭᱟ. ; ᱛᱟᱞᱟᱼᱯᱟᱪᱷᱮ ᱯᱟᱦᱴᱟ ᱨᱮᱫᱚ ᱢᱚᱨᱟᱴᱷᱤ ᱟᱨ ᱜᱩᱡᱽᱨᱟᱴᱤ ᱟᱨ ᱟᱨ ᱫᱩᱠᱷᱤᱱ ᱨᱤ ᱛᱟᱢᱤᱞ, ᱛᱮᱞᱜᱩ, ᱠᱟᱱᱟᱰᱟ ᱟᱨ ᱢᱟᱞᱭᱟᱞᱚᱢ ᱾ ᱱᱚᱶᱟ ᱠᱚ ᱪᱷᱟᱰᱟ ᱠᱟᱛᱮ ᱟᱨ ᱦᱚᱸ ᱟ.ᱰᱤᱜᱟᱱ ᱯᱟ.ᱨᱥᱤ ᱢᱮᱱᱟᱜᱼᱟ ᱡᱟᱦᱟᱸᱨᱮ ᱥᱟᱶᱦᱮᱫᱤᱭᱟ. ᱟᱨ ᱯᱟ.ᱨᱥᱤ ᱥᱟᱬᱮᱥᱤᱭᱟ. ᱢᱚᱦᱚᱛ ᱠᱟ.ᱡ ᱫᱚ ᱵᱟᱝ ᱠᱟᱱᱟ ᱼ ᱠᱟᱥᱢᱤᱨᱤ, ᱰᱳᱜᱽᱨᱤ, ᱥᱤᱱᱫᱷᱤ, ᱠᱳᱸᱠᱳᱬᱤ, ᱛᱩᱨᱩ ᱮᱢᱟᱱ ᱾

▲ ᱥᱟᱱᱛᱟᱲᱤ ᱥᱟᱶᱦᱮᱫ ᱦᱚᱸ ᱟ.ᱰᱤ ᱜᱮ ᱠᱤᱥᱟ.ᱬ ᱟᱠᱟᱱᱟ ᱾ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱭᱟᱜ ᱯᱩᱭᱞᱩ ᱚᱱᱚᱬᱦᱮ ᱯᱩᱛᱷᱤ ᱫᱚ ᱯᱟᱳᱞ ᱡᱩᱡᱷᱟᱨ ᱟᱜ "ᱵᱟᱦᱟ ᱰᱷᱟ.ᱞᱣᱟ.ᱜ" ᱠᱟᱱᱟ ᱾ ᱤᱱᱟ. ᱛᱟᱭᱚᱢ ᱟ.ᱰᱤᱜᱟᱱ ᱚᱱᱚᱞᱤᱭᱟ., ᱚᱱᱚᱬᱦᱤᱭᱟ., ᱠᱚ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮ ᱮᱱᱮᱢ ᱛᱟᱠᱚ ᱢᱮᱱᱟᱜᱼᱟ ᱾