ᱟᱢᱩᱱᱰᱥᱮᱱ, ᱨᱚᱣᱟᱞᱰ: ᱨᱮᱱᱟᱜ ᱫᱚᱦᱲᱟᱭᱮᱱ ᱛᱟᱞᱟᱨᱮᱭᱟᱜ ᱯᱷᱟᱨᱟᱠ ᱠᱚ

 

ᱨᱚᱣᱟᱞᱰ ᱟᱢᱩᱱᱰᱥᱮᱱ ᱡᱟᱱᱟᱢ ᱫᱚ ᱟ.ᱛᱩ ᱨᱮᱜᱮ ᱦᱩᱭ ᱞᱮᱱᱟ ᱾ ᱤᱠᱷᱟ.ᱱ ᱩᱱᱤ ᱥᱮᱪᱮᱫ ᱫᱚ ᱠᱨᱤᱥᱪᱤᱭᱟᱱᱟ (ᱡᱟᱦᱟᱸ ᱨᱮᱭᱟᱜ ᱧᱩᱛᱩᱢ ᱱᱤᱛᱚᱜ ᱫᱚ ᱳᱥᱞᱳ ᱠᱟᱱᱟ )ᱨᱮᱭ ᱦᱟᱛᱟᱣ ᱞᱮᱜᱼᱟ ᱾ ᱑᱘᱙᱐ ᱥᱟᱞᱮᱨᱮ ᱩᱱᱤ ᱫᱚ ᱥᱚᱱᱮᱨ ᱮ ᱯᱟᱥ ᱠᱮᱜᱼᱟ ᱟᱨ ᱨᱟᱱ ᱢᱩᱨᱜᱟ.ᱱ ᱥᱟᱬᱮᱥ ᱪᱮᱛᱟᱱ ᱨᱮ ᱯᱚᱲᱦᱚᱱ ᱮ ᱮᱛᱚᱦᱚᱵ ᱠᱮᱜᱼᱟ ᱾ ᱤᱠᱷᱟ.ᱱ ᱢᱚᱱᱮ ᱵᱟᱝ ᱞᱟᱜᱟᱣ ᱞᱮᱱ ᱠᱷᱟ.ᱛᱤᱨ ᱩᱱᱤ ᱫᱚ ᱚᱱᱟ ᱵᱟ.ᱜᱤ ᱠᱟᱛᱮ ᱡᱟᱦᱟᱡᱽ ᱨᱮᱭ ᱪᱟ.ᱠᱨᱤ ᱠᱮᱜᱼᱟ ᱾ ᱑᱙᱐᱓-᱖ ᱥᱟᱞᱮᱨᱮ "ᱜᱤᱳᱣᱟ" ᱧᱩᱛᱩᱢᱟᱱ ᱢᱤᱫ ᱞᱟ.ᱣᱠᱟ. ᱥᱮ ᱦᱩᱰᱤᱧ ᱡᱟᱦᱟᱡᱽ ᱨᱮ ᱟᱡ ᱨᱤᱱ ᱛᱩᱨᱩᱭ ᱜᱚᱴᱟᱝ ᱜᱟᱛᱮ ᱥᱟᱶ ᱩᱛᱚᱨ ᱫᱤᱥᱟ. ᱨᱮᱭᱟᱜ ᱠᱷᱚᱸᱫᱽᱨᱚᱝ ᱟᱠᱟᱭ ᱛᱟᱦᱮᱸᱭᱮᱱᱟ ᱾ ᱟᱨ ᱩᱛᱚᱨ ᱪᱩᱸᱵᱚᱠᱤᱭᱟ. ᱫᱤᱥᱟ. (Magnetic polar) ᱠᱚ ᱯᱟᱱᱛᱮ ᱧᱟᱢ ᱠᱮᱜᱼᱟ ᱾ ᱑᱙᱑᱐-᱑᱒ ᱨᱮ ᱩᱱᱤ ᱫᱩᱠᱷᱤᱱ ᱫᱤᱥᱟ. ᱯᱟᱱᱛᱮ ᱟᱠᱟᱭ ᱛᱟᱦᱮᱸ ᱮᱱᱟ ᱟᱨ ᱩᱱᱤ ᱜᱮ ᱯᱩᱭᱞᱩ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱩᱠᱷᱤᱱ ᱫᱤᱥᱟ. ᱫᱷᱟ.ᱵᱤᱡ ᱮ ᱥᱮᱴᱮᱨ ᱫᱟᱲᱮᱭᱟᱫᱼᱟ ᱾ ᱯᱩᱭᱞᱩ ᱡᱮᱜᱮᱛ ᱦᱟ.ᱲᱦᱟ.ᱭ ᱠᱷᱟ.ᱛᱤᱨ ᱩᱱᱤ ᱛᱤᱱᱟ.ᱝ ᱥᱮᱨᱢᱟ ᱫᱷᱟ.ᱵᱤᱡ ᱫᱚ ᱛᱷᱤᱨᱛᱷᱟᱨ ᱫᱩᱲᱩᱵ ᱦᱩᱭ ᱟᱫᱮᱭᱟ ᱾ ᱑᱙᱑᱘ ᱨᱮ ᱩᱱᱤ ᱫᱚ ᱟᱨ ᱦᱚᱸ ᱩᱛᱚᱨ ᱫᱤᱥᱟ. ᱥᱮᱫ ᱥᱮᱴᱮᱨᱚᱜ ᱞᱟ.ᱜᱤᱫ ᱮ ᱨᱤᱠᱟ. ᱠᱮᱜᱼᱟ ᱾ ᱤᱠᱷᱟ.ᱱ ᱡᱤᱛᱠᱟ.ᱨ ᱵᱟᱭ ᱧᱟᱢ ᱞᱮᱜᱼᱟ ᱾ ᱩᱱ ᱡᱚᱦᱚᱜ ᱩᱱᱤ ᱱᱟᱨᱡᱽ ᱧᱩᱛᱩᱢᱟᱱ ᱢᱤᱫ ᱵᱤᱞᱩᱱ (Dirijibil) ᱛᱮ ᱩᱰᱟ.ᱣ ᱠᱟᱛᱮ ᱵᱟᱨ ᱫᱷᱟᱣ ᱩᱛᱚᱨ ᱫᱤᱥᱟ. ᱥᱮᱫ ᱗᱑ ᱜᱷᱚᱱᱴᱟ ᱨᱮ ᱒᱗᱐᱐ ᱢᱤᱞ ᱥᱟᱸᱜᱷᱟᱨ ᱠᱟᱛᱮ ᱚᱛᱨᱮ ᱟᱬᱜᱚᱱ ᱞᱟ.ᱜᱤᱫ ᱡᱤᱛᱠᱟ.ᱨ ᱮ ᱟᱢᱮᱴ ᱞᱮᱜᱼᱟ ᱾ ᱛᱤᱱ ᱡᱚᱦᱚᱜ ᱡᱮᱱᱮᱨᱟᱞ ᱱᱳᱵᱤᱞᱟᱜ ᱩᱰᱟ.ᱣᱜ ᱡᱟᱦᱟᱡᱽ ᱩᱛᱚᱨ ᱫᱤᱥᱟ. ᱠᱷᱚᱱ ᱨᱩᱣᱟ.ᱲ ᱠᱟᱱ ᱚᱠᱛᱚ ᱦᱚᱨ ᱨᱮ ᱮᱴᱠᱮᱴᱚᱬᱮᱭ ᱥᱟᱢᱟᱝ ᱠᱮᱫ ᱠᱷᱟᱱ ᱟᱢᱩᱱᱰᱥᱮᱱ ᱫᱚ ᱟ.ᱰᱤ ᱥᱟᱦᱟᱥ ᱥᱟᱶᱛᱮ ᱚᱱᱟ ᱯᱟᱱᱛᱮ ᱧᱟᱢ ᱨᱮᱭᱟᱜ ᱟᱺᱜᱤᱵᱷᱟᱨ ᱮ ᱦᱟᱛᱟᱣ ᱠᱮᱜᱼᱟ ᱾ ᱑᱗ ᱡᱩᱱ ᱑᱙᱒᱘ ᱨᱮ ᱩᱱᱤ ᱫᱚ ᱱᱚᱣᱟ ᱠᱟ.ᱢᱤ ᱞᱟ.ᱜᱤᱫ ᱩᱰᱟᱹᱣᱜ ᱡᱟᱦᱟᱡᱽ ᱛᱮᱭ ᱥᱮᱱ ᱮᱱᱟ ᱾ ᱤᱠᱷᱟ.ᱱ ᱩᱱᱤᱭᱟᱜ ᱫᱚ ᱟᱨ ᱪᱮᱫ ᱵᱮᱣᱨᱟ ᱦᱚᱸ ᱱᱚᱣᱟ ᱥᱚᱝᱥᱟᱨ ᱫᱚ ᱵᱟᱭ ᱧᱟᱢ ᱫᱟᱲᱮᱭᱟᱫᱼᱟ ᱾