ᱜᱚᱝᱜᱟᱫᱷᱚᱨ ᱦᱟᱸᱥᱫᱟᱜ: ᱨᱮᱱᱟᱜ ᱫᱚᱦᱲᱟᱭᱮᱱ ᱛᱟᱞᱟᱨᱮᱭᱟᱜ ᱯᱷᱟᱨᱟᱠ ᱠᱚ

ᱢᱟ.ᱱ ᱜᱚᱝᱜᱟᱫᱷᱚᱨ ᱦᱟᱸᱥᱫᱟᱜ ᱟᱜ ᱥᱟᱶᱦᱮᱫ ᱥᱟᱶ ᱡᱚᱱᱚᱲᱟᱣ ᱫᱚ B.A. ᱚᱞᱚᱜ ᱡᱚᱦᱚᱜ ᱠᱷᱚᱱ ᱾ ᱩᱱ ᱫᱚ ᱟ.ᱛᱩ ᱟ.ᱛᱩ ᱨᱮ ᱢᱤᱫ ᱧᱤᱫᱟ. ᱰᱨᱟᱢᱟ ᱟ.ᱰᱤ ᱜᱮ ᱥᱮᱱᱚᱜ ᱠᱟᱱ ᱛᱟᱦᱮᱸᱫ ᱾ ᱟᱠᱚ ᱟ.ᱛᱩ ᱫᱚᱱᱟᱯᱩᱨ, ᱥᱩᱨ ᱟ.ᱛᱩ ᱨᱟᱡᱽᱵᱚᱸᱫᱷ ᱟᱨ ᱴᱩᱴᱟ.ᱥᱟ.ᱭ ᱢᱮᱥᱟ ᱠᱟᱛᱮ ᱜᱮ ᱠᱚᱲᱟ ᱠᱚ ᱵᱩᱪᱷᱨᱤ ᱠᱮ ᱵᱩᱪᱷᱨᱤ ᱜᱮ ᱰᱨᱟᱢᱟ ᱠᱚ ᱡᱩᱦᱲᱟ.ᱣᱟ ᱾ ᱢᱮᱱᱠᱷᱟᱱ ᱪᱮᱠᱟ ᱪᱚ ᱯᱮᱭᱟ ᱟ.ᱛᱩ ᱵᱟᱠᱚ ᱯᱚᱴᱟᱣ ᱞᱮᱱᱟ ᱾ ᱮᱱᱠᱷᱟᱱ ᱡᱮᱡᱷᱟᱨ ᱜᱮ ᱰᱨᱟᱢᱟ ᱚᱞ ᱠᱟᱛᱮ ᱩᱫᱩᱜ ᱥᱚᱫᱚᱨ ᱠᱮᱫᱼᱟ ᱠᱚ ᱾ ᱟᱠᱚ ᱟ.ᱛᱩ ᱠᱷᱚᱱ ᱟᱡ ᱫᱟᱫᱟ ᱦᱚᱨᱤᱦᱚᱨ ᱦᱟᱸᱥᱫᱟᱜ ᱵᱩᱦᱤᱭᱮ ᱚᱞᱮᱫ ᱛᱟᱦᱮᱸᱫ ᱾ ᱢᱮᱱᱠᱷᱟᱱ ᱟᱡᱟᱜ ᱪᱟ.ᱠᱨᱤ ᱦᱩᱭ ᱟᱛᱮ ᱵᱟᱦᱟᱞᱤ ᱟ.ᱛᱩ ᱠᱷᱚᱱ ᱯᱷᱟᱨᱚᱠ ᱨᱮ ᱦᱩᱭ ᱮᱱ ᱠᱷᱟᱱ ᱠᱚᱲᱟ ᱠᱚ ᱰᱨᱟᱢᱟᱭ ᱞᱟ.ᱜᱤᱫ ᱵᱩᱦᱤ ᱵᱟᱠᱚ ᱧᱟᱢ ᱫᱟᱲᱮᱭᱟᱫᱼᱟ ᱾ ᱮᱱᱠᱷᱟᱱ ᱠᱚᱞᱮᱡᱽ ᱚᱞᱚᱜ ᱠᱚᱲᱟ ᱞᱮᱠᱟᱛᱮ ᱟᱡ ᱴᱷᱮᱱ ᱠᱚᱲᱟ ᱠᱚ ᱟᱸᱥ ᱠᱚ ᱫᱚᱦᱚ ᱠᱮᱫᱼᱟ ᱰᱨᱟᱢᱟ ᱵᱩᱦᱤᱭ ᱚᱞ ᱢᱟ ᱢᱮᱱᱛᱮ ᱾ ᱟᱠᱚᱣᱟᱜ ᱚᱱᱟ ᱟᱨᱫᱟᱥ ᱵᱟᱝ ᱜᱤᱰᱤᱵᱟᱝ ᱠᱟᱛᱮ ᱮᱛᱚᱦᱚᱵ ᱮ ᱚᱞ ᱞᱮᱫᱼᱟ 'ᱨᱮᱸᱜᱮᱡ ᱨᱮᱛᱟ' ᱢᱮᱱᱛᱮ ᱢᱤᱫ ᱜᱟᱭᱟᱱ ᱯᱩᱛᱷᱤ ᱾ ᱚᱱᱟ ᱩᱫᱩᱜ ᱥᱚᱫᱚᱨ ᱮᱱ ᱛᱟᱭᱚᱢ ᱥᱟᱶᱦᱮᱫ ᱱᱤᱥᱟ. ᱫᱚ ᱦᱮᱡ ᱟᱫᱮᱭᱟ ᱟᱨ ᱚᱞ ᱟᱠᱟᱭ ᱛᱟᱦᱮᱸ ᱮᱱᱟ ᱾ ᱵᱷᱩᱵᱽᱱᱮᱥᱚᱨ ᱨᱮ M.A. ᱚᱞᱚᱜ ᱡᱚᱦᱚᱜ ᱚᱱᱠᱟ ᱜᱮ 'ᱪᱟ.ᱭ ᱪᱟᱢᱯᱟ' ᱯᱟᱛᱷᱟᱢ ᱨᱮ ᱚᱱᱚᱞ 'ᱟᱵᱚ ᱥᱟᱱᱛᱟᱲ', 'ᱥᱟᱬᱮᱥ ᱛᱟᱨᱟᱥ', ᱯᱟᱛᱷᱟᱢ ᱨᱮ ᱠᱤᱛᱟ. ᱜᱟᱭᱟᱱ 'ᱪᱤᱞᱵᱤᱸᱫᱷᱟ.' ᱪᱷᱟᱯᱟ ᱞᱮᱱᱟ ᱾ ᱚᱱᱟ ᱛᱟᱭᱚᱢ 'ᱥᱟᱜᱮᱱ ᱥᱟᱠᱟᱢ', 'ᱦᱤᱯᱤᱨᱤ', 'ᱥᱚᱸᱫᱷᱟᱭᱱᱤ' ᱠᱚᱨᱮ ᱪᱷᱟᱯᱟ ᱟᱠᱟ ᱛᱟᱦᱮᱸ ᱮᱱᱟ ᱾