ᱥᱚᱵᱷᱤᱭᱮᱴ ᱥᱟᱶᱛᱟ: ᱨᱮᱱᱟᱜ ᱫᱚᱦᱲᱟᱭᱮᱱ ᱛᱟᱞᱟᱨᱮᱭᱟᱜ ᱯᱷᱟᱨᱟᱠ ᱠᱚ

==ᱫᱚᱥᱟᱨ ᱫᱷᱟ.ᱨᱛᱤ ᱞᱟ.ᱲᱦᱟ.ᱭ ᱟᱨ ᱨᱮᱭᱟᱲ ᱞᱟ.ᱲᱦᱟ.ᱭ ᱮᱛᱚᱦᱚᱵ==

ᱫᱚᱥᱟᱨ ᱫᱷᱟ.ᱨᱛᱤ ᱞᱟ.ᱲᱦᱟ.ᱭ ᱱᱟᱥᱮ ᱢᱟᱲᱟᱝ ᱥᱴᱮᱞᱤᱱ ᱱᱟᱜᱤ ᱡᱟᱨᱢᱟᱱᱤ ᱠᱚ ᱥᱟᱶᱛᱮ ᱱᱚᱱ ᱮᱜᱽᱨᱮᱥᱚᱱ ᱯᱮᱠᱴ ᱨᱮ ᱥᱩᱦᱤ ᱞᱮᱫᱟ, ᱚᱱᱟ ᱵᱟᱱᱟᱨ ᱫᱤᱥᱚᱢ ᱑᱙᱓᱙ ᱥᱮᱨᱢᱟ ᱨᱮ ᱯᱚᱞᱮᱱᱰ ᱠᱤᱱ ᱫᱚᱠᱷᱚᱞ ᱞᱮᱫᱟ। ᱡᱩᱱ ᱑᱙᱔᱑ ᱨᱮ ᱡᱟᱨᱢᱟᱱᱤ ᱠᱚᱫᱚ ᱥᱚᱵᱷᱤᱭᱮᱴ ᱥᱟᱶᱛᱟ ᱠᱚ ᱟᱠᱨᱚᱢᱚᱱ ᱠᱮᱫᱟ, ᱚᱱᱟ ᱤᱭᱟ.ᱛ ᱟ.ᱰᱤ ᱢᱟᱨᱟᱝ ᱜᱷᱟᱴ ᱢᱟ.ᱨᱣᱟ. ᱞᱟ.ᱲᱦᱟ.ᱭ ᱮᱦᱚᱵ ᱱᱟ। ᱞᱟ.ᱲᱦᱟ.ᱭ ᱨᱮ ᱥᱚᱵᱷᱤᱭᱮᱴ ᱥᱟᱶᱛᱟ ᱨᱮᱭᱟᱜ ᱟ.ᱰᱤ ᱵᱟ.ᱲᱛᱤ ᱠᱷᱚᱛᱤ ᱦᱩᱭᱮᱱᱟ, ᱪᱟᱜ ᱥᱮ ᱥᱴᱮᱞᱤᱱ ᱜᱨᱮᱰ ᱞᱮᱠᱟᱱ ᱢᱟᱨᱟᱝ ᱞᱟ.ᱲᱦᱟ.ᱭ ᱪᱟᱞᱟᱜ ᱠᱟᱱ ᱛᱟᱦᱮᱱᱟ। ᱑᱙᱔᱕ ᱥᱮᱨᱢᱟ ᱨᱮ ᱥᱚᱵᱷᱤᱭᱮᱴ ᱥᱟᱶᱛᱟ ᱨᱮᱱ ᱵᱟᱨᱞᱤᱱ ᱠᱚ ᱫᱚᱠᱷᱚᱞ ᱠᱮᱫᱟ। ᱟᱨᱟᱜ ᱯᱷᱟ.ᱫᱽ ᱠᱚ ᱫᱚᱠᱷᱚᱞ ᱞᱮᱫ ᱴᱚᱴᱷᱟ ᱠᱚ ᱛᱟᱭᱚᱢ ᱛᱮ ᱤᱥᱴᱥᱨᱱ ᱵᱞᱚᱠ ᱨᱮᱭᱟᱜ ᱥᱮᱴᱮᱞᱥᱭᱤᱴ ᱨᱟᱡᱚᱥᱴᱤ ᱦᱩᱭ ᱮᱱᱟ। ᱑᱙᱔᱗ ᱥᱮᱨᱢᱟ ᱦᱟ.ᱵᱤᱡ ᱨᱮᱭᱟᱲ ᱮᱛᱚᱦᱚᱵ ᱞᱮᱱᱟ। ᱥᱚᱵᱷᱤᱭᱮᱴ ᱥᱟᱶᱛᱟ ᱠᱷᱚᱱ ᱦᱚᱨᱚ-ᱡᱟᱝᱜᱮ ᱧᱟᱢ ᱟᱥᱟ ᱟᱨ ᱵᱚᱛᱚᱨ ᱛᱮ ᱯᱟᱪᱷᱮ ᱨᱮᱱ ᱫᱤᱥᱚᱢ ᱠᱚᱫᱚ ᱑᱙᱔᱙ ᱥᱮᱨᱢᱟ ᱨᱮ ᱟᱴᱞᱟᱱᱴᱤᱠ ᱴᱨᱤᱴᱤ ᱚᱨᱜᱟᱱᱟᱭᱡᱮᱥᱚᱱ ᱠᱚ ᱱᱮᱨᱮᱫ ᱠᱮᱫᱟ।