ᱠᱟᱹᱣᱰᱤ: ᱨᱮᱱᱟᱜ ᱫᱚᱦᱲᱟᱭᱮᱱ ᱛᱟᱞᱟᱨᱮᱭᱟᱜ ᱯᱷᱟᱨᱟᱠ ᱠᱚ

'''ᱠᱟᱹᱣᱰᱤ''' ᱫᱚ ᱢᱤᱫ ᱡᱤᱱᱤᱥ ᱡᱟᱦᱟᱸ ᱛᱮ ᱦᱚᱲ ᱠᱚ ᱥᱟᱢᱟᱱ ᱮᱢᱟᱱ ᱠᱚ ᱠᱤᱨᱤᱧ ᱟᱹᱠᱷᱨᱤᱧ ᱞᱟᱹᱜᱤᱫ ᱠᱚ ᱵᱮᱵᱷᱟᱨᱟ ᱾ ᱡᱮᱜᱮᱛ ᱨᱮ ᱟᱭᱢ ᱞᱮᱠᱟᱱ ᱠᱟᱹᱣᱰᱤ ᱢᱮᱱᱟᱜ-ᱟ ᱾ ᱟᱭᱢᱟ ᱫᱤᱥᱚᱢ ᱨᱮ ᱟᱠᱚᱣᱟᱜ ᱟᱠᱚ ᱞᱮᱠᱟᱱ ᱠᱟᱹᱣᱰᱤ ᱢᱮᱱᱟᱜ-ᱟ, ᱡᱮᱢᱚᱱ ᱡᱩᱢᱤᱫᱽ ᱯᱚᱱᱚᱛ (US) ᱰᱚᱞᱟᱨ (Dollar) ᱟᱨᱵᱟᱝ ᱵᱨᱤᱴᱤᱥ ᱯᱟᱣᱩᱸᱰ (pound) ᱾ ᱠᱟᱹᱣᱰᱤ ᱫᱚ ᱫᱤᱥᱚᱢ ᱤᱫᱤ ᱠᱟᱛᱮ ᱵᱷᱮᱜᱟᱨ ᱵᱷᱮᱜᱟᱨ ᱜᱮᱭᱟ, ᱱᱚᱣᱟ ᱨᱮᱱᱟᱜ ᱜᱚᱱᱚᱝ ᱜᱩᱱ ᱦᱚᱸ ᱵᱷᱮᱯᱮᱫ ᱢᱮᱱᱟᱜ-ᱟ ᱾

 

==ᱱᱟᱜᱟᱢ==

ᱵᱮᱯᱟᱨ ᱥᱮ ᱮᱯᱮᱢ-ᱛᱟᱯᱟᱞ ᱫᱚ ᱟᱹᱰᱤ ᱢᱟᱨᱮ ᱠᱟᱛᱷᱟ ᱠᱟᱱᱟ ᱾ <ref name=NOVA>cite web |url=https://www.pbs.org/wgbh/nova/ancient/history-money.html |title=The History of Money |author=NOVA |date=26 October 1996 |website=NOVA |publisher=WGBH Educational Foundation |accessdate=23 April 2015</ref> ᱟᱹᱰᱤ ᱥᱮᱫᱟᱭᱫᱚ ᱦᱚᱲ ᱠᱤᱨᱤᱧ ᱟᱹᱠᱷᱨᱤᱧ ᱞᱟᱹᱜᱤᱫ ᱠᱟᱹᱣᱰᱤ ᱫᱚ ᱵᱟᱝ ᱠᱚ ᱵᱮᱵᱷᱟᱨᱮᱫ ᱛᱟᱦᱮᱸᱫ ᱾ ᱩᱱ ᱚᱠᱛᱚ ᱫᱚ ᱢᱤᱫ ᱡᱤᱱᱤᱥ ᱵᱚᱫᱚᱞ ᱛᱮ ᱟᱨ ᱢᱤᱫ ᱡᱤᱱᱤᱥ ᱠᱚ ᱮᱯᱮᱢ ᱠᱟᱱ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱟᱠᱚᱣᱟᱜ ᱞᱟᱹᱠᱛᱤ ᱠᱚ ᱯᱩᱨᱩᱱᱮᱫ ᱛᱟᱦᱮᱸᱫ ᱾ <ref name=NOVA/> ᱢᱤᱫ ᱦᱚᱲ ᱡᱟᱦᱟᱸᱭ ᱴᱷᱮᱱ ᱟᱭᱢᱟ ᱜᱟᱹᱭ ᱢᱮᱱᱟᱜ ᱠᱚᱣᱟ ᱩᱱᱤ ᱟᱨᱢᱤᱫ ᱦᱚᱲ ᱴᱷᱮᱱ ᱵᱟᱹᱲᱛᱤ [[ᱜᱩᱦᱩᱢ|ᱜᱩᱦᱩᱢ]] ᱢᱮᱱᱟᱜ-ᱟ, ᱩᱱᱤ ᱥᱟᱞᱟᱜ-ᱮ ᱮᱯᱮᱢ ᱪᱟᱟᱯᱟᱞ ᱵᱮᱯᱟᱨ ᱫᱟᱲᱮᱭᱟᱜ-ᱟ ᱾ ᱢᱤᱫ ᱦᱚᱲ ᱟᱨ ᱢᱤᱫ ᱦᱚᱲ ᱴᱷᱮᱱ ᱛᱟᱦᱮᱸᱱ ᱜᱷᱚᱱ ᱛᱮ ᱵᱚᱯᱚᱫᱚᱞ ᱦᱩᱭᱩᱜ ᱠᱟᱱᱟ ᱛᱟᱦᱮᱸᱫ ᱾ ᱪᱟᱥᱵᱟᱥ ᱡᱤᱱᱤᱥ ᱠᱚᱛᱮ ᱦᱚᱸ ᱵᱚᱫᱚᱞ ᱜᱟᱱᱜ ᱠᱟᱱ ᱛᱟᱦᱮᱸᱫ , ᱱᱚᱝᱠᱟᱛᱮ ᱜᱟᱹᱭ ᱰᱟᱺᱜᱽᱨᱤ, ᱠᱟᱰᱟ, ᱢᱮᱨᱚᱢ , ᱥᱤᱢ ᱮᱢᱟᱱ ᱦᱚᱸ ᱠᱚ ᱜᱚᱱᱚᱝ-ᱚᱜ ᱠᱟᱱ ᱛᱟᱦᱮᱸᱫ ᱾ ᱦᱩᱲᱩ ᱪᱟᱣᱞᱮ ᱛᱮ ᱦᱚᱸ ᱠᱤᱨᱤᱧ ᱟᱹᱠᱷᱨᱤᱧᱚᱜ ᱠᱟᱱ ᱛᱟᱦᱮᱸᱫ ᱾ ᱥᱚᱱᱟ-ᱵᱟᱱᱟ ᱥᱟᱡᱽᱵᱟᱡᱽ ᱛᱮᱦᱚᱸ ᱵᱮᱯᱟᱨ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱾ ᱡᱚᱠᱷᱚᱱ ᱦᱚᱲ ᱥᱟᱢᱟᱱ (ᱡᱮᱞᱮᱠ, ᱜᱟᱭ, ᱦᱳᱲᱳ, ᱜᱩᱦᱩᱢ ᱮᱢᱟᱱ) ᱵᱮᱯᱟᱨ ᱠᱚ ᱵᱚᱫᱚᱞ ᱠᱮᱫ-ᱟ, ᱡᱟᱦᱟᱸ ᱫᱚ ᱟᱹᱰᱤ ᱫᱤᱱ ᱦᱟᱹᱵᱤᱡ ᱛᱟᱦᱮᱸᱱ ᱢᱟ ᱚᱱᱠᱟ ᱜᱮ ᱾ ᱜᱟᱹᱭ ᱢᱤᱦᱩ ᱫᱚ ᱟᱹᱰᱤ ᱫᱤᱱ ᱦᱟᱹᱵᱤᱡ ᱵᱟᱠᱚ ᱛᱟᱦᱮᱸᱱᱟ ᱜᱩᱡᱩᱜ ᱨᱮᱱᱟᱜ ᱫᱷᱟᱫᱚᱥ ᱛᱟᱦᱮᱸᱱᱟ, ᱚᱱᱟᱛᱮ ᱱᱚᱣᱟ ᱵᱚᱫᱚᱞ ᱨᱮᱱᱟᱜ ᱩᱭᱦᱟᱹᱨ ᱵᱚᱞᱚᱣᱟᱫ ᱠᱚ ᱛᱟᱦᱮᱸᱫ ᱾ ᱢᱮᱱᱠᱷᱟᱱ ᱱᱩᱠᱩ ᱱᱤᱛ ᱦᱚᱸ ᱜᱚᱱᱚᱝ ᱠᱚ ᱢᱟᱱᱟᱣᱮᱫ ᱠᱚ ᱜᱮᱭᱟ ᱟᱨ ᱮᱯᱮᱢ ᱪᱟᱯᱟᱞ ᱦᱩᱭ ᱫᱟᱲᱮᱟᱜ ᱠᱟᱱ ᱜᱮᱭᱟ ᱾ ᱮᱛᱚᱦᱚᱵ ᱥᱟᱢᱟᱱᱟᱢ ᱠᱟᱹᱣᱰᱤ (metal coins) ᱵᱮᱵᱷᱟᱨᱟᱠᱟᱫ ᱫᱤᱥᱚᱢ ᱫᱚ ᱦᱩᱭᱩᱜ ᱠᱟᱱᱟ [[ᱞᱟᱭᱰᱤᱭᱟ|ᱞᱟᱭᱰᱩᱭᱟ]] ᱾ <ref name=BritMuseum>cite web |url=http://www.britishmuseum.org/explore/themes/money/the_origins_of_coinage.aspx |title=The origins of coinage |author= |date= |website= |publisher=Trustees of the British Museum |accessdate=23 April 2015</ref> ᱱᱚᱣᱟ ᱫᱚ ᱮᱭᱟᱭ ᱥᱟᱭ ᱥᱮᱨᱢᱟ ᱢᱟᱬᱟᱝ ᱮᱛᱚᱦᱚᱵ ᱧᱮᱞ ᱞᱮᱱ ᱛᱟᱦᱟᱸᱫ ᱯᱟᱪᱷᱮ ᱥᱮᱦᱮᱫ ᱯᱟᱥᱴᱟ ᱨᱮ ᱡᱟᱦᱟᱸ ᱫᱚ ᱱᱩᱛᱚᱜ ᱛᱩᱲᱩᱠ ᱫᱤᱥᱚᱢ ᱵᱟᱝᱢᱟ ᱛᱩᱨᱠᱤ ᱵᱚᱱ ᱢᱮᱛᱟᱜ ᱠᱟᱱᱟ ᱾ <ref name=BritMuseum/> ᱞᱟᱭᱰᱤᱭᱟ ᱨᱮᱱᱟᱜ ᱠᱟᱹᱣᱰᱤ ᱠᱚ ᱫᱚ ᱦᱟᱢᱟᱞ ᱢᱮᱬᱦᱮᱫ ᱛᱮ ᱛᱮᱭᱟᱨ ᱠᱚᱜ ᱛᱟᱦᱮᱸᱫ ᱟᱨ ᱚᱱᱟ ᱪᱮᱛᱟᱱ ᱨᱮ [[ᱡᱟᱴᱟᱠᱩᱞ|ᱡᱟᱴᱟᱠᱩᱞ]] ᱪᱤᱛᱟᱹᱨ ᱪᱷᱟᱯᱟ ᱠᱚᱜ ᱛᱟᱦᱮᱸᱫ ᱾ ᱠᱟᱹᱣᱰᱤ ᱠᱚ ᱫᱚ ᱡᱚᱛᱚ ᱜᱮ ᱢᱤᱫ ᱚᱥᱟᱨ ᱟᱨ ᱨᱩᱯ ᱨᱮ ᱛᱟᱦᱮᱸᱱ ᱠᱟᱱ ᱛᱟᱜᱮᱸᱫ ᱾ ᱛᱤᱢᱤᱱ ᱜᱟᱱ ᱫᱤᱥᱚᱢ ᱨᱮᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱡᱤᱱᱤᱥ ᱠᱚ ᱵᱮᱵᱷᱟᱨᱮᱫ ᱛᱟᱦᱮᱸᱫ ᱠᱟᱹᱣᱰᱤ ᱞᱮᱠᱟᱛᱮ ᱾