ᱪᱷᱟᱸᱪ:Mukhiạ sakamre bhage o̠no̠lko

Santal So̠majre gidrạko do apat̕ reak̕ jạttegeko bikạuk̕a, eṅgat reak̕ do baṅa. Jãhã atore janamlenkhan, ona ato do̠ chutok̕a. O̠nate chut ạuri meṭo̠k̕re bako boṅgaea. Ar jãhãeak̕ oṛak̕re gidrại janamena, ona oṛak̕ chutok̕a, Onate chut ạuri meṭaok̕re atoren okoe hõ ona oṛak̕re bako jom ńuia. Ko̠ṛa gidrại janam lenkhan mõṛẽ mãhãreko hoyona, ar kuṛi gidrạkhan, pemãhãreko hoyona. Ho̠yo̠n hilok̕ jo̠to̠ reṅgec̕ o̠rec̕ gidrạren apate ho̠ho̠akoa ho̠yo̠n lạgit̕. Ado uniyak̕ oṛak̕reko jarwak̕a,jarwakate mit̕ṭaṅ nạũko dhurạuea hoyk̕o. Unido naekeye ho̠yo̠ maṛaṅea, onakate kuḍạm naeke, onakate mạńjhi,paranik,jo̠g mańjhi, jo̠g paranik, ar go̠ḍet, ar ońkate atoren jo̠to̠ ho̠ṛ ar mucạt̕ utạr do gidrạ apat.

Khange nạ̃u janam gidrại kho̠jea. Ado dhại buḍhiye ho̠bo̠r oḍokea duạr ṭhec̕ , barea bhạutic̕ante, mit̕ bhạutic̕ do dak̕ ar mit̕ bhạutic̕ do up̕ do̠ho̠e lạgit̕.

Ado nạũ gidrại hoyoea, hoyokate dhạ̃i buḍhi do ona up̕ bhạutic̕reye dohoea; kate okatak̕ sarte gidrạ janamkate bukại get̕ledea, ona sarre barea sutạm tola. Ado gidrạren apat bhạutic̕re sunume sajaoa, ar atoren herel hopon um hećkate dhại buḍhi sunum sasaṅ ar sutạmkinte to̠l akat̕ sarante atoren maejukoe riạo idikoa dak̕ ghaṭte umok̕ lạgit̕ . Dak̕ ghaṭre uni dhại buḍhi do miṭ̕ṭec̕ sutạm gidrạ reak̕ up̕ sãoteye ạtu giḍikak̕a, ghaṭre mõṛẽ ṭikạk̕ sindur ṭikạk̕kate. Ona do ghaṭ kirińko metak̕a. Dossutạm ar sar do ạrup̕kate o̠ṛak̕teye ạgu daraea, onko jotoko umen tayom. Oṛak̕te hec̕kate dhại buḍhi do sasaṅre ona sarec̕ sutạme topoea. Ar o̠na do gidrại ḍoraea ḍanḍare . Katege sate latarre gidrạren eṅgattet̕ duṛupkate gidrại hoborea; ado atnak̕ sakame hobor seleda. Jo̠to̠ Paṛhaome