"ᱤᱱᱰᱤᱭᱟᱱ ᱚᱯᱤᱱᱤᱭᱚᱱ" ᱨᱮᱱᱟᱜ ᱫᱚᱦᱲᱟᱭᱮᱱ ᱛᱟᱞᱟᱨᱮ ᱯᱷᱟᱨᱟᱠ

ᱠᱟᱛᱷᱟ ᱠᱚ ᱥᱮᱞᱮᱫ
(ᱠᱟᱛᱷᱟ ᱠᱚ ᱥᱮᱞᱮᱫ)
(ᱠᱟᱛᱷᱟ ᱠᱚ ᱥᱮᱞᱮᱫ)
 
== ᱱᱟᱜᱟᱢ ==
᱑᱙ ᱥᱟᱭ ᱥᱟᱹᱦᱤᱛ ᱚᱠᱛᱚ ᱨᱮ ᱮᱛᱚᱢ ᱟᱯᱷᱨᱤᱠᱟ ᱟᱨ ᱤᱧᱚᱛ ᱠᱚ ᱥᱟᱥᱚᱱᱮᱫ ᱵᱽᱨᱤᱴᱤᱥ ᱥᱚᱨᱠᱟᱨ ᱥᱤᱧᱚᱛ ᱨᱤᱱ ᱦᱚᱲ ᱠᱚ ᱠᱟᱹᱢᱤ ᱞᱟᱹᱜᱤᱫ ᱥᱟᱣᱛᱷ ᱟᱯᱷᱨᱤᱠᱟ ᱛᱮᱭ ᱤᱫᱤ ᱞᱮᱫ ᱠᱚᱣᱟ ᱾ ᱱᱚᱸᱰᱮ ᱱᱩᱠᱩ ᱠᱟᱹᱢᱤᱭᱟᱹ ᱠᱚ ᱟᱹᱰᱤ ᱛᱮᱫ ᱠᱚ ᱱᱟᱦᱟᱪᱟᱞ ᱟᱨ ᱨᱚᱰᱚᱡ ᱠᱚᱪᱞᱚᱱ ᱚᱪᱚᱭᱮᱱᱟ ᱾ ᱠᱟᱹᱣᱰᱤ ᱟᱹᱨᱤ, ᱨᱟᱡᱽ ᱟᱹᱨᱤ ᱟᱨ ᱥᱟᱶᱛᱟ ᱟᱹᱨᱤ ᱵᱷᱮᱫᱽ ᱵᱷᱟᱵᱽ ᱨᱮᱱᱟᱝ ᱥᱟᱢᱟᱝ ᱦᱩᱭᱟᱫ ᱠᱚᱣᱟ ᱾ ᱥᱟᱱᱟᱢ ᱥᱤᱧᱚᱛᱤᱭᱟᱹ ᱠᱚ ᱡᱚᱛᱚ ᱵᱮᱲᱟ ᱜᱮ ᱩᱯᱨᱩᱢ ᱥᱟᱠᱟᱢ ᱟᱨ ᱨᱮᱡᱤᱥᱴᱨᱮᱥᱚᱱ ᱠᱟᱨᱰ ᱥᱟᱵ ᱠᱟᱛᱮ ᱞᱮᱛᱟᱲ ᱜᱮ ᱫᱟᱬᱟ ᱦᱩᱭ ᱟᱠᱚ ᱠᱟᱱ ᱛᱟᱦᱮᱸᱫ ᱾ ᱱᱟᱴᱟᱞ ᱯᱨᱚᱫᱮᱥ ᱨᱮ ᱩᱠᱤᱞ ᱞᱮᱠᱟᱛᱮ ᱢᱚᱦᱟᱛᱢᱟ ᱜᱟᱹᱱᱫᱷᱤ ᱫᱚ ᱠᱟᱹᱢᱤ ᱠᱟᱱ ᱚᱠᱛᱚᱨᱮ ᱑᱙᱐᱔ ᱥᱟᱹᱦᱤᱛ ᱮ ᱢᱤᱫ ᱯᱟᱨᱥᱟᱞ ᱮ ᱩᱪᱷᱟᱹᱱ ᱞᱮᱫ ᱛᱟᱦᱮᱸᱫ ᱤᱣᱨᱳᱯᱤᱭᱟᱱ ᱡᱟᱹᱛ ᱠᱚ ᱥᱤᱧᱚᱛᱤᱭᱟᱹ ᱠᱚᱣᱟᱜ ᱞᱟᱹᱠᱛᱤ ᱟᱨ ᱤᱥᱩ (issues) ᱵᱟᱵᱚᱫᱽ ᱛᱮ ᱪᱤᱨᱜᱟᱹᱞ ᱞᱟᱹᱜᱤᱫ ᱾
 
ᱱᱟᱴᱟᱞ ᱤᱱᱰᱤᱭᱟᱱ ᱠᱚᱝᱜᱽᱨᱮᱥ ᱥᱟᱶᱛᱮ ᱧᱩᱛᱩᱢᱟᱱ ᱥᱤᱧᱚᱛᱤᱭᱟᱹ ᱦᱚᱲ ᱠᱚ ᱢᱮᱥᱟ ᱠᱟᱛᱮ ᱢᱤᱫ ᱦᱩᱰᱤᱧ ᱪᱷᱟᱯᱟ ᱯᱟᱨᱥᱟᱞ ᱫᱚᱞ ᱮ ᱵᱮᱨᱮᱫ ᱠᱮᱫᱼᱟ ᱾ ᱢᱚᱫᱚᱱᱡᱤᱛ ᱵᱷᱤᱭᱟᱵᱚᱦᱟᱨᱤᱠ (Madanjit Viyavaharik), ᱡᱮᱡᱟᱹᱛᱤᱭᱟᱹᱨᱤ ᱯᱨᱤᱱᱴᱤᱝ ᱯᱨᱮᱥ ᱨᱤᱱᱤᱡ ᱢᱟᱹᱞᱤᱠ ᱟᱨ ᱯᱩᱭᱞᱩ ᱩᱪᱷᱟᱹᱱ ᱫᱚ ᱡᱩᱱ ᱪᱟᱸᱫᱚ ᱔ ᱟᱨ ᱕ ᱨᱮ ᱥᱟᱯᱲᱟᱣ ᱞᱮᱱ ᱛᱮ ᱖ ᱡᱩᱱ ᱑᱙᱐᱓ ᱨᱮ ᱠᱚ ᱯᱟᱨᱥᱟᱞ ᱞᱮᱫ ᱛᱟᱦᱮᱸᱫ ᱾ ᱱᱚᱶᱟ ᱵᱮᱣᱨᱟ ᱥᱟᱠᱟᱢ ᱫᱚ ᱜᱩᱡᱽᱨᱟᱴᱤ, ᱦᱤᱱᱫᱤ, ᱛᱟᱢᱤᱞ ᱟᱨ ᱤᱝᱞᱤᱥ ᱯᱟᱹᱨᱥᱤ ᱛᱮ ᱩᱪᱷᱟᱹᱱᱚᱜ ᱠᱟᱱ ᱛᱟᱦᱮᱸᱫ ᱾ ᱢᱟᱱᱥᱩᱠᱷᱞᱟᱞ ᱱᱟᱡᱟᱨ, ᱱᱟᱴᱟᱞ ᱠᱚᱝᱽᱨᱮᱥ ᱨᱤᱱᱤᱡ ᱥᱩᱛᱨᱮᱛ ᱜᱚᱢᱠᱮ ᱫᱚ ᱱᱚᱶᱟ ᱨᱤᱱᱤᱡ ᱥᱟᱯᱲᱮᱛ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟᱭ ᱾ ᱑᱙᱐᱔ ᱥᱟᱹᱦᱤᱛ ᱨᱮ ᱜᱟᱱᱫᱤ ᱫᱚ ᱪᱷᱟᱯᱟ ᱯᱟᱨᱥᱟᱞ ᱚᱯᱷᱤᱥ ᱩᱪᱟᱹᱲ ᱞᱮᱫᱼᱟᱭ ᱟᱡᱟᱜ ᱰᱮᱨᱟ ᱯᱷᱚᱭᱮᱱᱤᱠᱥ (Phoenix) ᱛᱮ ᱾