ᱥᱚᱝᱠᱚᱨ ᱫᱚᱭᱟᱞ ᱥᱚᱨᱢᱟ: ᱨᱮᱱᱟᱜ ᱫᱚᱦᱲᱟᱭᱮᱱ ᱛᱟᱞᱟᱨᱮᱭᱟᱜ ᱯᱷᱟᱨᱟᱠ ᱠᱚ

'''ᱰᱨ. ᱥᱚᱝᱠᱚᱨ ᱫᱚᱭᱟᱞ ᱥᱚᱨᱢᱟ''' (᱑᱙ ᱚᱜᱚᱥᱴ ᱑᱙᱑᱘ - ᱒᱖ ᱰᱤᱥᱮᱢᱵᱚᱨ ᱑᱙᱙᱙) ᱫᱚ [[ᱥᱤᱧᱚᱛ]] ᱨᱤᱱᱤᱡ ᱙ ᱟᱹᱱᱤᱡ ᱫᱤᱥᱚᱢ ᱜᱚᱢᱠᱮᱭ ᱛᱟᱦᱮᱸ ᱠᱟᱱᱟ ᱾ ᱱᱩᱭᱟᱜ ᱠᱟᱹᱢᱤᱠᱛᱚ ᱫᱚ ᱒᱕ ᱡᱩᱞᱟᱭ ᱑᱙᱙᱒ ᱠᱷᱚᱱ ᱒᱕ ᱡᱩᱞᱟᱭ ᱑᱙᱙᱗ ᱦᱟᱹᱵᱤᱡ ᱛᱟᱦᱮᱸ ᱠᱟᱱᱟ ᱾ ᱫᱤᱥᱚᱢ ᱜᱚᱢᱠᱮ ᱵᱮᱱᱟᱣᱜ ᱞᱟᱦᱟᱨᱮ ᱟᱡ ᱫᱚ [[ᱥᱤᱧᱚᱛ]] ᱨᱤᱱᱤᱡ ᱘ ᱟᱹᱱᱤᱡ ᱡᱚᱜᱚ ᱫᱤᱥᱚᱢ ᱜᱚᱢᱠᱮ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱟᱡ [[ᱵᱷᱚᱯᱟᱲ]] ᱯᱚᱱᱚᱛ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ (᱑᱙᱕᱒ - ᱑᱙᱕᱖) ᱦᱟᱹᱵᱤᱡ ᱮ ᱛᱟᱦᱮᱸ ᱠᱟᱱᱟ ᱥᱟᱶᱛᱮ [[ᱢᱚᱫᱷᱭᱚ ᱯᱨᱚᱫᱮᱥ]] ᱯᱚᱱᱚᱛ ᱨᱮ ᱠᱮᱵᱤᱱᱮᱴ ᱛᱷᱚᱠ ᱨᱤᱱᱤᱡ ᱢᱚᱱᱛᱨᱤ ᱞᱮᱠᱟᱛᱮ ᱟᱡ ᱫᱚ ᱥᱮᱪᱮᱫ, ᱠᱟᱱᱩᱱ, ᱡᱚᱛᱚ ᱞᱮᱠᱟᱹᱱ ᱵᱟᱹᱭᱠᱟᱹᱢᱤ, ᱠᱟᱹᱨᱜᱟᱲ ᱥᱟᱶᱛᱮ ᱵᱟᱹᱱᱤᱡ ᱢᱚᱱᱛᱨᱤᱥᱟᱲᱟ ᱨᱮᱱᱟᱜ ᱠᱟᱹᱢᱤ ᱠᱚᱭ ᱥᱟᱸᱵᱽᱲᱟᱣ ᱞᱮᱫ ᱛᱟᱦᱮᱸᱫ ᱾ ᱛᱟᱞᱢᱟ ᱥᱚᱨᱠᱟᱨ ᱨᱮᱫᱚ ᱟᱡ ᱫᱚ ᱠᱚᱢᱩᱱᱤᱠᱮᱥᱚᱱ ᱢᱚᱱᱛᱨᱤ ᱞᱮᱠᱟᱛᱮ ( ᱑᱙᱗᱔ - ᱑᱙᱗᱗ ) ᱦᱟᱹᱵᱤᱡ ᱛᱷᱟᱱᱚᱛᱵᱷᱟᱨ ᱮ ᱥᱟᱸᱵᱽᱲᱟᱣ ᱟᱠᱟᱫ-ᱟᱟᱠᱟᱫᱼᱟ ᱾ ᱱᱤᱭᱟᱹ ᱚᱠᱛᱚ ᱨᱮ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱸᱜᱽᱨᱮᱥ ᱨᱤᱱᱤᱡ ᱯᱟᱨᱥᱮᱛ ( ᱑᱙᱗᱒ - ᱑᱙᱗᱔ ) ᱦᱟᱹᱵᱤᱡ ᱦᱚᱸᱭ ᱛᱟᱦᱮᱸ ᱟᱠᱟᱱᱟ ᱾

ᱰᱨᱹ ᱥᱚᱨᱢᱟ ᱫᱚ ᱥᱮᱸᱴ ᱡᱚᱱᱥ ᱵᱤᱨᱫᱟᱹᱜᱟᱲ ᱟᱜᱽᱨᱟ, ᱟᱜᱽᱨᱟ ᱵᱤᱨᱫᱟᱹᱜᱟᱲ, ᱤᱞᱟᱦᱟᱵᱟᱫᱽ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱞᱚᱠᱷᱱᱚᱣ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱯᱷᱤᱛᱡᱚᱣᱤᱞᱤᱭᱚᱢ ᱵᱤᱨᱫᱟᱹᱜᱟᱲ, ᱠᱮᱸᱵᱽᱨᱤᱡᱽ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱞᱤᱝᱠᱳᱱ ᱤᱱ ᱥᱟᱶᱛᱮ ᱦᱟᱨᱵᱚᱨᱰ ᱞᱚ ᱟᱥᱲᱟ ᱠᱷᱚᱱ ᱥᱮᱪᱮᱫ ᱮ ᱟᱢᱮᱴ ᱞᱮᱫ-ᱟᱞᱮᱫᱼᱟ ᱾ ᱱᱩᱭ ᱫᱚ ᱦᱤᱱᱫᱤ, ᱤᱝᱞᱤᱥ, ᱥᱟᱸᱥᱠᱨᱤᱴ ᱥᱟᱶᱦᱮᱫ ᱨᱮ ᱮᱢ. ᱮ. ᱨᱮᱱᱟᱜ ᱰᱤᱜᱽᱨᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱯᱩᱭᱞᱩ ᱴᱷᱟᱶ ᱥᱟᱶᱛᱮᱭ ᱟᱢᱮᱴ ᱟᱠᱟᱫ-ᱟᱟᱠᱟᱫᱼᱟ ᱾ ᱟᱡ ᱫᱚ ᱮᱞ. ᱮᱞ. ᱮᱢ. ᱨᱮᱱᱟᱜ ᱰᱤᱜᱽᱨᱤ ᱦᱚᱸ ᱞᱚᱠᱷᱱᱚᱣ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱯᱩᱭᱞᱩ ᱴᱷᱟᱶ ᱥᱟᱶᱛᱮᱭ ᱟᱢᱮᱴ ᱟᱠᱟᱫ-ᱟᱟᱠᱟᱫᱼᱟ, ᱠᱟᱱᱩᱱ ᱨᱮ ᱯᱤ.ᱦᱮᱪ.ᱰᱤ. ᱨᱮᱱᱟᱜ ᱰᱤᱜᱽᱨᱤ ᱠᱮᱸᱵᱽᱨᱤᱡᱽ ᱠᱷᱚᱱ ᱮ ᱟᱢᱮᱴ ᱟᱠᱟᱫ-ᱟᱟᱠᱟᱫᱼᱟ, ᱟᱡ ᱫᱚ ᱞᱚᱠᱷᱱᱚᱣ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱥᱟᱶᱛᱟ ᱥᱩᱥᱟᱹᱨ ᱨᱮ ᱪᱚᱠᱨᱚᱵᱚᱨᱛᱤ ᱥᱚᱱᱟ ᱦᱤᱥᱤᱨ ᱦᱚᱸᱭ ᱟᱢᱮᱴ ᱞᱮᱫ ᱛᱟᱦᱮᱸᱫ ᱾ ᱱᱩᱭ ᱫᱚ ᱞᱚᱠᱷᱱᱚᱣ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱟᱶᱛᱮ ᱠᱮᱸᱵᱽᱨᱤᱡᱽ ᱨᱮ ᱠᱟᱱᱩᱱ ᱨᱮᱱᱟᱜ ᱥᱮᱪᱮᱫ ᱮᱢ ᱠᱟᱹᱢᱤ ᱦᱚᱸᱭ ᱛᱚᱨᱟᱣ ᱟᱠᱟᱫ-ᱟᱟᱠᱟᱫᱼᱟ, ᱠᱮᱸᱵᱽᱨᱤᱡᱽ ᱨᱮ ᱛᱟᱦᱮᱸᱱ ᱚᱠᱛᱚ ᱨᱮ ᱟᱡ ᱫᱚ ᱴᱮᱜᱳᱨ ᱥᱳᱥᱟᱭᱤᱴᱤ ᱥᱟᱶᱛᱮ ᱠᱮᱸᱵᱽᱨᱤᱡᱽ ᱢᱚᱡᱽᱞᱤᱥ ᱨᱤᱱᱤᱡ ᱡᱟᱭᱨᱮᱛ ᱞᱮᱠᱟᱛᱮ ᱦᱚᱸᱭ ᱛᱟᱦᱮᱸ ᱟᱠᱟᱱᱟ, ᱟᱡ ᱫᱚ ᱞᱤᱝᱠᱳᱱ ᱤᱱ ᱠᱷᱚᱱ ᱵᱮᱨᱤᱥᱴᱚᱨ ᱮᱴ ᱞᱚ ᱨᱮᱱᱟᱜ ᱰᱤᱜᱽᱨᱤ ᱦᱚᱸᱭ ᱦᱟᱛᱟᱣ ᱟᱠᱟᱫ-ᱟᱟᱠᱟᱫᱼᱟ ᱾ ᱟᱡ ᱫᱚ ᱚᱸᱰᱮ ᱢᱟᱱᱚᱛᱟᱱ ᱵᱮᱸᱪᱚᱨ ᱥᱟᱶᱛᱮ ᱢᱟᱥᱴᱚᱨ ᱠᱚ ᱵᱟᱪᱷᱚᱱ ᱞᱮᱫᱮ ᱛᱟᱦᱮᱸᱫ ᱾ ᱟᱡ ᱫᱚ ᱯᱷᱤᱛᱡᱚᱣᱤᱞᱤᱭᱚᱢ ᱵᱤᱨᱫᱟᱹᱜᱟᱲ ᱨᱮ ᱢᱟᱱᱚᱛᱟᱱ ᱯᱷᱮᱞᱳᱭ ᱛᱟᱦᱮᱸ ᱟᱠᱟᱱᱟ ᱾ ᱠᱮᱸᱵᱽᱨᱤᱡᱽ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱫᱚ ᱟᱡ ᱢᱟᱱᱚᱛᱟᱱ ᱰᱚᱠᱴᱚᱨ ᱳᱯᱷ ᱞᱚ ᱨᱮᱱᱟᱜ ᱰᱤᱜᱽᱨᱤ ᱮᱢ ᱠᱟᱛᱮ ᱠᱚ ᱢᱟᱹᱱ ᱦᱟᱞᱟᱝ ᱟᱠᱟᱫᱮᱭᱟ ᱾ ᱟᱡᱟᱜ ᱵᱟᱯᱞᱟ ᱫᱚ ᱵᱤᱢᱞᱟ ᱥᱚᱨᱢᱟ ᱥᱟᱶ ᱦᱩᱭ ᱞᱮᱱ ᱛᱟᱦᱮᱸᱫ ᱾

᱑᱙᱔᱐ ᱟᱱᱟᱜ ᱜᱮᱞᱟᱝ ᱨᱮ ᱥᱤᱧᱚᱛ ᱨᱮᱱᱟᱜ ᱯᱷᱩᱨᱜᱟᱹᱞ ᱦᱩᱞᱥᱟᱹᱭ ᱨᱮᱭ ᱥᱮᱞᱮᱫ ᱮᱱᱟ, ᱱᱚᱶᱟ ᱠᱷᱟᱹᱛᱤᱨ ᱩᱱᱤ ᱫᱚ ᱠᱚᱸᱜᱽᱨᱮᱥ ᱯᱟᱴᱤ ᱨᱤᱱᱤᱡ ᱥᱚᱦᱮᱫᱚᱜ ᱮ ᱦᱟᱛᱟᱣ ᱠᱮᱫ-ᱟᱠᱮᱫᱼᱟ ᱾ ᱑᱙᱕᱒ ᱨᱮ [[ᱵᱷᱚᱯᱟᱲ]] ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤᱭ ᱵᱮᱱᱟᱣ ᱮᱱᱟ ᱾ ᱱᱚᱶᱟ ᱛᱷᱟᱱᱚᱛ ᱨᱮ ᱑᱙᱕᱖ ᱦᱟᱹᱵᱤᱡ ᱮ ᱛᱟᱦᱮᱸ ᱮᱱᱟ ᱛᱤᱱ ᱡᱚᱦᱚᱜ ᱵᱷᱚᱯᱟᱲ ᱫᱚ ᱮᱴᱟᱜ ᱯᱚᱱᱚᱛ ᱥᱟᱶ ᱢᱮᱥᱟ ᱠᱟᱛᱮ [[ᱢᱚᱫᱷᱭᱚ ᱯᱨᱚᱫᱮᱥ]] ᱨᱮᱱᱟᱜ ᱜᱚᱲᱦᱚᱱ ᱦᱩᱭ ᱮᱱᱟ ᱾

᱑᱙᱖᱐ ᱟᱱᱟᱜ ᱜᱮᱞᱟᱝ ᱨᱮ ᱟᱡ ᱫᱚ [[ᱤᱱᱫᱤᱨᱟ ᱜᱟᱱᱫᱷᱤ]] ᱟᱜ ᱠᱚᱸᱜᱽᱨᱮᱥ ᱯᱟᱴᱤ ᱨᱮᱱᱟᱜ ᱧᱮᱞ ᱡᱚᱛᱚᱱ ᱟᱢᱮᱴ ᱨᱮ ᱜᱚᱲᱚ ᱥᱚᱦᱚᱫ ᱮ ᱮᱢ ᱠᱮᱫ-ᱟᱠᱮᱫᱼᱟ ᱾ ᱤᱱᱫᱤᱨᱟ ᱟᱜ ᱠᱮᱵᱤᱱᱮᱴ ᱨᱮ ᱩᱱᱤ ᱫᱚ ᱠᱚᱢᱩᱱᱤᱠᱮᱥᱚᱱ ᱢᱤᱱᱤᱥᱴᱚᱨ ( ᱑᱙᱗᱔ - ᱑᱙᱗᱗ ) ᱮ ᱛᱟᱦᱮᱸ ᱮᱱᱟ ᱾ ᱑᱙᱗᱑ ᱟᱨ ᱑᱙᱘᱐ ᱨᱮ ᱟᱡ ᱫᱚ ᱵᱷᱚᱯᱟᱲ ᱨᱮᱱᱟᱜ ᱞᱳᱠ ᱥᱚᱵᱷᱟ ᱢᱟᱹᱪᱤᱭ ᱡᱤᱛᱠᱟᱹᱨ ᱮᱱᱟ ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱟᱹᱰᱤᱜᱟᱱ ᱡᱤᱣᱚᱯᱚᱞᱤᱴᱤᱠᱟᱞ ᱯᱳᱡᱤᱥᱚᱱ ᱨᱮᱭ ᱠᱟᱹᱢᱤ ᱠᱮᱫ-ᱟᱠᱮᱫᱼᱟ ᱾ ᱑᱙᱘᱔ ᱨᱮ ᱟᱡ ᱫᱚ ᱨᱟᱡᱽᱯᱟᱞ ᱞᱮᱠᱟᱛᱮ [[ᱟᱱᱫᱷᱨᱚ ᱯᱨᱚᱫᱮᱥ]] ᱨᱮᱭ ᱥᱟᱹᱥᱮᱞᱮᱫᱚᱜ ᱚᱠᱛᱚ ᱨᱮ [[ᱫᱤᱞᱞᱤ]] ᱨᱮ ᱟᱡᱤᱡ ᱦᱚᱯᱚᱱ ᱮᱨᱟ ᱜᱤᱛᱟᱧᱡᱚᱞᱤ ᱟᱨ ᱡᱟᱶᱟᱭ ᱜᱚᱢᱠᱮ ᱞᱚᱞᱤᱛ ᱢᱟᱠᱚᱱ ᱟᱜ ᱡᱚᱵᱚᱨᱜᱚᱡ ᱫᱚ ᱥᱤᱠᱷ ᱮᱠᱥᱴᱨᱤᱢᱤᱥᱴ ᱦᱚᱛᱮᱛᱮ ᱦᱩᱭ ᱮᱱᱟ ᱾ ᱑᱙᱘᱕ ᱠᱷᱚᱱ ᱑᱙᱘᱖ ᱦᱟᱹᱵᱤᱡ ᱟᱡ ᱫᱚ [[ᱯᱚᱧᱡᱟᱵᱽ]] ᱨᱤᱱᱤᱡ ᱨᱟᱡᱽᱯᱟᱞ ᱞᱮᱠᱟᱛᱮᱭ ᱛᱟᱦᱮᱸ ᱮᱱᱟ ᱾ ᱢᱩᱪᱟᱹᱫ ᱨᱟᱡᱽᱯᱟᱞ ᱟᱺᱜᱤᱵᱷᱟᱨ ᱫᱚ ᱩᱱᱤ ᱑᱙᱘᱖ ᱠᱷᱚᱱ ᱑᱙᱘᱗ ᱦᱟᱹᱵᱤᱡ [[ᱢᱚᱦᱟᱨᱟᱥᱴᱨᱚ]] ᱨᱮᱭ ᱛᱚᱨᱟᱣ ᱠᱮᱫ-ᱟᱠᱮᱫᱼᱟ ᱾ ᱱᱤᱭᱟᱹ ᱛᱟᱭᱚᱢ ᱟᱡ ᱫᱚ ᱡᱚᱜᱚ ᱫᱤᱥᱚᱢ ᱜᱚᱢᱠᱮ ᱟᱨ ᱨᱟᱡᱽᱡᱚᱥᱚᱵᱷᱟ ᱨᱤᱱᱤᱡ ᱥᱚᱵᱷᱟᱯᱚᱛᱤ ᱞᱮᱠᱟᱛᱮᱭ ᱵᱟᱪᱷᱚᱱ ᱮᱱᱟ ᱾ ᱱᱚᱶᱟ ᱛᱷᱟᱱᱚᱛ ᱨᱮᱫᱚ ᱟᱡ ᱑᱙᱙᱒ ᱨᱮ ᱫᱤᱥᱚᱢ ᱜᱚᱢᱠᱮ ᱵᱮᱱᱟᱣᱜ ᱦᱟᱹᱵᱤᱡ ᱮ ᱛᱟᱦᱮᱸ ᱮᱱᱟ ᱾