|
[[File:FrenchMarketPumpkinsB.jpg|thumb|350px|[[ᱯᱷᱨᱮᱧᱪ ᱦᱟᱴ]] ᱨᱮ ᱠᱚᱸᱦᱱᱰᱟᱠᱚᱦᱚᱸᱰᱟ, [[ᱱᱭᱩ ᱳᱨᱞᱤᱱᱥ]]]]
'''ᱠᱚᱸᱦᱬᱟ''' ᱥᱮ '''ᱠᱚᱦᱱᱰᱟᱠᱚᱦᱚᱸᱰᱟ''' ᱢᱤᱫ ᱡᱟᱭᱜᱟ ᱨᱮ ᱴᱟᱺᱰᱤ ᱥᱮ ᱵᱟᱲᱜᱮ ᱨᱮ ᱨᱚᱦᱚᱭ ᱟᱱ ᱩᱛᱩ ᱠᱟᱱᱟ, ᱱᱚᱶᱟ ᱫᱚ ᱵᱟᱨᱭᱟᱯᱚᱛᱨᱤ ᱫᱟᱨᱮ ᱱᱟᱹᱲᱤ ᱠᱟᱱᱟ, ᱱᱚᱶᱟ ᱨᱮᱱᱟᱜ ᱰᱟᱱᱴᱤᱜ ᱡᱮᱞᱮᱝ, ᱠᱚᱢᱡᱚᱨ ᱟᱨ ᱦᱟᱹᱨᱭᱟᱹᱲ ᱨᱚᱝ ᱜᱮ ᱛᱟᱦᱮᱱ ᱠᱟᱱᱟ ᱾ ᱰᱟᱱᱴᱤᱜ ᱨᱮ ᱠᱟᱹᱴᱤᱡ ᱠᱟᱹᱴᱤᱡ [[ᱜᱟᱫᱽᱨᱩᱢ]] ᱞᱮᱠᱟ ᱦᱟᱹᱨᱭᱟᱹᱲ ᱯᱩᱸᱰ ᱛᱟᱦᱮᱱ ᱠᱟᱱᱟ ᱾ ᱱᱚᱶᱟ ᱫᱚ ᱟᱹᱱᱤᱡ ᱞᱮᱠᱟ ᱠᱟᱛᱮ ᱜᱚᱲᱚ ᱟᱛᱮ ᱵᱟᱲᱦᱟᱜ ᱠᱟᱱᱟ ᱟᱨ ᱛᱚᱞ ᱤᱫᱤ ᱟᱛᱮ ᱡᱮᱞᱮᱝ ᱤᱫᱤᱜ ᱠᱟᱱᱟ ᱾<ref name="kew">{{cite web |title=''Cucurbita pepo'' L. |url=http://powo.science.kew.org/taxon/urn:lsid:ipni.org:names:292416-1 |publisher=Kew Science, Plants of the World, Royal Botanic Garden, UK |accessdate=8 December 2018 |date=2018}}</ref> ᱱᱚᱶᱟ ᱨᱮᱱᱟᱜ ᱥᱟᱠᱟᱢ ᱦᱟᱹᱨᱭᱟᱹᱲ, ᱚᱥᱟᱨ, ᱜᱩᱱᱦᱟᱹᱬ ᱜᱮ ᱛᱟᱦᱮᱱ ᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱵᱟᱦᱟ ᱥᱟᱲ ᱜᱮ ᱧᱮᱞᱚᱜ ᱥᱟᱥᱟᱝ ᱜᱮ ᱛᱟᱦᱮᱱ ᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱵᱟᱦᱟ ᱫᱤᱱᱟᱹᱢ ᱜᱮ ᱱᱟᱥᱮ ᱱᱟᱥᱮ ᱫᱟᱜ ᱥᱟᱶ ᱵᱷᱤᱡᱟᱣ ᱛᱟᱦᱮᱱ ᱠᱷᱟᱱ ᱥᱟᱠᱟᱢ ᱟᱨ ᱵᱟᱦᱟ ᱠᱚ ᱥᱟᱲ ᱟᱨ ᱢᱚᱡᱽ ᱦᱟᱹᱨᱭᱟᱹᱲ ᱜᱮᱭ ᱧᱮᱞ ᱚᱪᱚᱭᱟ ᱾ ᱠᱚᱲᱟ ᱡᱟᱱᱟᱝ ᱟᱨ ᱠᱩᱲᱤ ᱡᱟᱱᱟᱝ ᱞᱮᱠᱟ ᱫᱟᱨᱮ ᱱᱟᱹᱲᱤ ᱨᱮᱱᱟᱜ ᱵᱷᱮᱜᱟᱨ - ᱵᱷᱮᱜᱟᱨ ᱛᱟᱦᱮᱱ ᱠᱟᱱᱟ ᱾ ᱚᱱᱟ ᱠᱤᱱ ᱵᱟᱨᱭᱟ ᱨᱮ ᱵᱟᱦᱟ ᱨᱮᱱᱟᱜ ᱢᱚᱬᱟᱜ ᱡᱚᱲ ᱵᱟᱦᱨᱮ ᱟᱨ ᱢᱚᱬᱟᱜ ᱡᱚᱲ ᱥᱟᱥᱟᱝ ᱨᱚᱝ ᱨᱮᱱᱟᱜ ᱫᱚᱞᱯᱚᱛᱨᱚ ᱛᱟᱦᱮᱱ ᱠᱟᱱᱟ ᱾ ᱠᱚᱲᱟ ᱡᱟᱱᱟᱝ ᱵᱟᱦᱟ ᱨᱮ ᱯᱮᱭᱟ ᱰᱚᱜᱽ (ᱯᱩᱝᱠᱮᱥᱚᱨ) ᱛᱟᱦᱮᱱ ᱠᱟᱱᱟ ᱚᱱᱟ ᱟᱨ ᱛᱮᱥᱟᱨ ᱟᱜ ᱫᱚ ᱟᱲᱟᱜ ᱜᱮ ᱛᱟᱦᱮᱱ ᱠᱟᱱᱟ ᱨᱮ ᱵᱟᱨᱭᱟ ᱢᱤᱫ ᱡᱚᱲᱟ ᱢᱮᱥᱟ ᱠᱟᱛᱮ ᱢᱮᱥᱟ ᱚᱸᱰᱚᱯ ᱛᱟᱦᱮᱱ ᱠᱟᱱᱟ ᱡᱟᱦᱟᱸ ᱫᱚ ᱭᱩᱠᱛᱟᱰᱚᱢᱯ ᱠᱚ ᱢᱮᱛᱣᱟᱜᱼᱟ ᱾ᱱᱚᱶᱟ ᱨᱮᱱᱟᱜ ᱡᱚ ᱡᱮᱞᱮᱝ ᱥᱮ ᱜᱩᱱᱦᱟᱹᱬ/ᱜᱩᱱᱦᱟᱹᱲ ᱛᱟᱦᱮᱱ ᱠᱟᱱᱟ ᱟᱨ ᱡᱚ ᱵᱷᱤᱛᱨᱤ ᱨᱮ ᱟᱹᱰᱤ ᱥᱚᱠᱛᱚ ᱡᱟᱝ ᱫᱟᱱᱟ ᱠᱚ ᱢᱮᱱᱟᱜᱼᱟ ᱾ ᱡᱚ ᱨᱮᱱᱟᱜ ᱦᱟᱢᱟᱞ ᱫᱚ ᱔ ᱡᱷᱚᱱ ᱘ ᱠᱤᱞᱳᱜᱽᱨᱟᱢ ᱦᱟᱹᱵᱤᱡ ᱦᱚᱸ ᱦᱩᱭ ᱫᱟᱲᱮᱭᱟᱜᱼᱟ ᱾ ᱥᱟᱱᱟᱢ ᱠᱷᱚᱱ ᱢᱟᱨᱟᱝ ᱯᱨᱚᱡᱟᱹᱛᱤ ᱢᱮᱭᱠᱥᱤᱢᱟ ᱨᱮᱱᱟᱜ ᱦᱟᱢᱟᱞ ᱓᱔ ᱠᱤᱞᱳᱜᱽᱨᱟᱢ ᱠᱷᱚᱱ ᱦᱚᱸ ᱵᱟᱹᱲᱛᱤ ᱛᱟᱦᱮᱱ ᱠᱟᱱᱟ ᱾ ᱱᱚᱶᱟ ᱫᱚ ᱵᱟᱰᱟᱭ ᱧᱚᱜ ᱞᱮᱠᱟᱛᱮ ᱥᱟᱱᱟᱢ ᱡᱮᱜᱮᱫ ᱨᱮ ᱜᱮ ᱠᱚ ᱟᱨᱡᱟᱣᱟ ᱾ <ref>The Pumpkin Patch. 2007. Halloween Online. 19 Feb. 2008 <http://www.pumpkin-patch.com {{Webarchive|url=https://web.archive.org/web/20190203092759/http://www.pumpkin-patch.com/ |date=3 फ़रवरी 2019 }}>.</ref> ᱥᱮᱞᱮᱫ ᱦᱚᱱᱚᱛ ᱟᱢᱮᱨᱤᱠᱟ, ᱢᱮᱭᱠᱥᱤᱠᱳ, ᱥᱤᱧᱚᱛ ᱟᱨ ᱪᱤᱱ ᱨᱮ ᱱᱚᱶᱟ ᱠᱚ ᱫᱤᱥᱚᱢ ᱨᱮ ᱟᱹᱰᱤ ᱵᱟᱹᱲᱛᱤ ᱠᱚ ᱟᱨᱡᱟᱣᱟ ᱾ ᱱᱚᱶᱟ ᱫᱟᱨᱮ ᱱᱟᱹᱲᱤ ᱨᱮᱱᱟᱜ ᱵᱚᱭᱚᱥ ᱫᱚ ᱢᱤᱫ ᱥᱮᱨᱢᱟ ᱦᱟᱹᱵᱤᱡ ᱜᱮ ᱛᱟᱦᱮᱱ ᱠᱟᱱᱟ ᱾
== ᱥᱤᱵᱤᱞ ᱡᱚᱢ ==
ᱱᱚᱶᱟ ᱡᱚᱢ ᱟᱨᱡᱟᱣᱤᱭᱟ ᱠᱚᱣᱟᱜ ᱢᱮᱱᱫᱚ ᱠᱟᱱᱟ ᱡᱮ ᱠᱚᱸᱦᱱᱰᱟ ᱡᱚᱢ ᱞᱮᱠᱷᱟᱱ ᱟᱹᱰᱤ ᱱᱟᱯᱟᱭᱚᱜᱼᱟ, ᱱᱚᱶᱟ ᱡᱚᱢ ᱞᱮᱠᱷᱟᱱ ᱡᱟᱦᱟᱸᱭ ᱠᱚ ᱨᱤᱫᱟᱹᱭ ᱨᱚᱜᱽ ᱮ ᱧᱟᱢ ᱟᱠᱟᱫ ᱠᱚᱣᱟ ᱩᱱᱠᱩ ᱠᱚ ᱞᱟᱹᱜᱤᱫ ᱫᱚ ᱟᱹᱰᱤ ᱜᱮ ᱱᱟᱯᱷᱟ ᱢᱮᱱᱟᱜᱼᱟ ᱾ ᱱᱚᱶᱟ ᱠᱷᱚᱱ [[ᱠᱳᱞᱮᱥᱴᱨᱟᱹᱞ]] ᱮ ᱠᱚᱢ ᱮᱫᱼᱟ, ᱨᱮᱭᱟᱲ ᱮ ᱦᱮᱡ ᱚᱪᱚᱭ ᱟᱨ ᱟᱰᱚ ᱨᱮᱱᱟᱜ ᱨᱚᱜᱽ ᱠᱷᱚᱱ ᱵᱟᱧᱪᱟᱣ ᱨᱮᱱᱟᱜ ᱩᱯᱟᱹᱭ ᱢᱮᱱᱟᱜᱼᱟ ᱾ ᱱᱚᱶᱟ ᱠᱚᱸᱦᱰᱟ ᱡᱚᱢ ᱞᱮᱠᱷᱟᱱ ᱞᱟᱡ ᱨᱮᱱᱟᱜ ᱜᱚᱲᱵᱚᱲ ᱠᱚ ᱢᱮᱱᱟᱜ ᱠᱚᱭ ᱵᱮᱥ ᱚᱪᱚᱭ ᱨᱮᱱᱟᱜ ᱨᱤᱠᱟᱹ ᱢᱮᱱᱟᱜᱼᱟ ᱾ ᱠᱚᱸᱦᱱᱰᱟᱠᱚᱦᱚᱸᱰᱟ ᱫᱚ [[ᱢᱟᱭᱟᱢ]] ᱨᱮ ᱪᱤᱱᱤ ᱨᱮᱱᱟᱜ ᱢᱚᱛᱨᱚ ᱠᱚᱭ ᱠᱚᱱᱴᱨᱚᱞ ᱮᱫᱼᱟ ᱟᱨ ᱞᱟᱡ (ᱟᱜᱽᱱᱭᱟᱥᱚᱭ) ᱠᱚ ᱯᱷᱟᱨᱱᱟᱣ ᱚᱪᱚ ᱮᱫᱼᱟ ᱾ ᱚᱱᱟ ᱠᱷᱟᱹᱛᱤᱨ ᱛᱮ ᱰᱚᱠᱴᱟᱨ ᱠᱚ ᱞᱟᱹᱭᱟᱹ ᱠᱚᱸᱦᱱᱰᱟᱠᱚᱦᱚᱸᱰᱟ ᱡᱚᱴ ᱞᱮᱠᱷᱟᱱ ᱢᱚᱴᱟ (ᱰᱟᱭᱵᱤᱴᱤᱡᱽ) ᱨᱚᱜᱽ ᱠᱚᱭ ᱥᱟᱦᱟ ᱚᱪᱚᱭᱟ ᱾ ᱱᱚᱶᱟ ᱨᱮᱱᱟᱜ ᱨᱟᱥᱟ ᱦᱚᱸ ᱨᱟᱱ ᱞᱮᱠᱟ ᱟᱹᱰᱤ ᱜᱮ ᱠᱟᱹᱢᱤ ᱨᱮ ᱦᱤᱡᱩᱜᱼᱟ ᱾ ᱠᱚᱸᱦᱱᱰᱟᱠᱚᱦᱚᱸᱰᱟ ᱨᱮ ᱢᱟᱲᱟᱝ ᱞᱮᱠᱛᱟᱮ ᱟᱥᱚᱞ ᱫᱚ [[ᱵᱤᱴᱟ ᱠᱮᱨᱳᱴᱤᱱ]] ᱧᱟᱢᱚᱜᱚᱜ ᱠᱟᱱᱟ, ᱡᱟᱦᱟᱸ ᱫᱚ ᱱᱚᱶᱟ ᱨᱮ [[ᱵᱤᱴᱟᱢᱤᱱ ᱮ]] ᱧᱟᱢᱚᱜ ᱠᱟᱱᱟ ᱾ ᱥᱟᱥᱟᱝ ᱟᱨ ᱱᱟᱨᱟᱝᱜᱤ ᱨᱚᱝ ᱨᱮᱱᱟᱜ ᱠᱚᱸᱦᱱᱰᱟᱠᱚᱦᱚᱸᱰᱟ ᱨᱮ ᱟᱭᱨᱟᱱ ([[ᱢᱮᱲᱦᱮᱸᱫ]]) (Fe), [[ᱡᱤᱝᱠ]] (Zn), [[ᱯᱳᱴᱮᱥᱤᱭᱟᱢ]] (K) ᱟᱨ [[ᱢᱮᱜᱽᱱᱤᱥᱤᱭᱟᱢ]] (Mg) ᱠᱚ ᱨᱮᱱᱟᱜ ᱱᱟᱯᱟᱭ ᱥᱨᱳᱛ/ᱯᱷᱮᱰᱟᱛ (ᱡᱚᱢ ᱞᱟᱹᱜᱤᱫ) ᱠᱚ ᱠᱟᱱᱟ ᱾ ᱦᱮᱜᱮᱫ ᱡᱟᱠᱟᱛ ᱨᱮ ᱠᱟᱹᱢᱤ ᱨᱮ ᱦᱤᱡᱩᱜ ᱠᱟᱱ ᱠᱷᱟᱹᱛᱤᱨ ᱛᱮ ᱒᱙ ᱥᱮᱯᱴᱮᱢᱵᱚᱨ ᱦᱤᱞᱚᱜ "ᱯᱚᱢᱯᱠᱤᱱ ᱰᱮ" ᱢᱮᱱ ᱞᱮᱠᱟ ᱛᱮ ᱠᱚ ᱢᱟᱱᱟᱣ ᱮᱫᱼᱟ ᱾
== ᱪᱤᱛᱟᱹᱨ ᱠᱚ ==
<gallery>
Imagine:Pumpkins.jpg|ᱠᱚᱸᱦᱱᱰᱟᱠᱚᱦᱚᱸᱰᱟ ᱠᱚ
Image:Giant_Pumpkin_Species.jpg|ᱢᱟᱨᱟᱝ ᱠᱚᱸᱦᱱᱰᱟᱠᱚᱦᱚᱸᱰᱟ ᱨᱮᱱᱟᱜ ᱢᱤᱫ ᱯᱨᱚᱡᱟᱹᱛᱤ
Image:FemalePumpkinFlower_closed_small.jpg| ᱠᱚᱸᱦᱱᱰᱟᱠᱚᱦᱚᱸᱰᱟ ᱨᱮᱱᱟᱜ ᱠᱟᱞᱤ (ᱠᱩᱲᱤ ᱡᱟᱱᱟᱝ) ᱡᱚ
Image:Pumpkin flower.jpg|ᱠᱚᱸᱦᱱᱰᱟ ᱵᱟᱦᱟ
Image:Male and Female Pumpkin Flowers.jpg| ᱠᱚᱸᱦᱱᱰᱟᱠᱚᱦᱚᱸᱰᱟ ᱨᱮᱱᱟᱜ ᱠᱚᱲᱟ ᱡᱟᱱᱟᱝ ᱟᱨ ᱠᱩᱲᱤ ᱡᱟᱱᱟᱝ
Image:painted pumpkins.jpg|ᱦᱟᱹᱨᱭᱟᱹᱲ ᱠᱚᱸᱦᱱᱰᱟᱠᱚᱦᱚᱸᱰᱟ
Image:Pumpkin stem.jpg|ᱠᱚᱸᱦᱱᱰᱟᱠᱚᱦᱚᱸᱰᱟ ᱰᱟᱹᱱᱴᱤᱜ
Image:Pumpkins Field.jpg|ᱠᱚᱸᱦᱱᱰᱟᱠᱚᱦᱚᱸᱰᱟ ᱵᱟᱲᱜᱮ
Image:Keene pumpkin festival 1.jpg|ᱱᱭᱩ ᱦᱮᱱᱴᱥᱮᱭᱟᱨ ᱨᱮ ᱠᱚᱸᱦᱱᱰᱟᱠᱚᱦᱚᱸᱰᱟ ᱯᱚᱨᱚᱵᱽ
</gallery>
| 