᱔ ᱡᱤ (ᱤᱝᱨᱟᱹᱡᱤ ᱛᱮ 4G) ᱫᱚ ᱦᱩᱭᱩᱜ ᱠᱟᱱᱟ ᱯᱷᱳᱨᱛᱷ ᱡᱮᱱᱟᱨᱮᱥᱚᱱ ᱥᱮ ᱯᱚᱱ ᱯᱤᱲᱦᱤ ᱨᱮᱱᱟᱜ ᱠᱷᱟᱴᱚ ᱨᱩᱯ᱾ ᱱᱤᱭᱟᱹ ᱫᱚ ᱵᱮᱣᱦᱟᱨᱚᱜᱼᱟ ᱯᱚᱱ ᱯᱤᱲᱦᱤ ᱨᱮᱱᱟᱜ ᱛᱟᱨ ᱵᱮᱜᱚᱨ ᱴᱮᱞᱤᱯᱷᱚᱱ ᱡᱚᱱᱚᱲ ᱯᱨᱚᱡᱩᱠᱛᱤ ᱞᱟᱹᱜᱤᱫ᱾ ᱱᱤᱭᱟᱹ ᱫᱚ ᱛᱮᱥᱟᱨ ᱯᱤᱲᱦᱤ(ᱛᱷᱨᱤᱡᱤ) ᱴᱮᱞᱤᱯᱷᱚᱱ ᱡᱚᱱᱚᱲ ᱯᱨᱚᱡᱩᱠᱛᱤ ᱨᱮᱱᱟᱜ ᱛᱟᱭᱚᱢ ᱯᱤᱲᱦᱤ ᱠᱟᱱᱟ᱾ ᱯᱷᱳᱨᱡᱤ ᱯᱨᱚᱡᱩᱠᱛᱤ ᱫᱚ ᱞᱮᱯᱴᱚᱯ, ᱮᱥᱢᱟᱨᱴᱯᱷᱚᱳᱱ ᱟᱨ ᱮᱴᱟᱜ ᱢᱳᱵᱟᱭᱤᱞ ᱡᱚᱱᱛᱨᱚ ᱨᱮ ᱢᱳᱵᱟᱭᱤᱞ ᱵᱨᱚᱰᱵᱮᱱᱰ, ᱢᱳᱵᱟᱭᱤᱞ ᱟᱞᱴᱨᱟ ᱵᱨᱚᱰᱵᱮᱱᱰ ᱤᱱᱴᱟᱨᱱᱮᱴ ᱜᱚᱬᱚ ᱧᱟᱢᱚᱜᱼᱟ᱾ ᱯᱷᱳᱨᱡᱤ ᱨᱮ ᱚᱠᱟ ᱠᱚ ᱜᱚᱬᱚ ᱧᱟᱢᱚᱜᱼᱟ ᱚᱱᱟ ᱠᱚ ᱢᱩᱫᱽ ᱨᱮ ᱥᱟᱯᱷᱟ ᱢᱳᱵᱟᱭᱤᱞ ᱚᱭᱮᱵᱽ ᱧᱮᱞ, ᱟᱭᱯᱤ ᱴᱮᱞᱤᱯᱷᱳᱱᱤ, ᱜᱮᱢᱤᱝ, ᱮᱭᱤᱪᱰᱤᱴᱤᱵᱷᱤ, ᱦᱟᱭᱰᱮᱯᱷᱤᱱᱤᱥᱚᱱ ᱢᱳᱵᱟᱭᱤᱞ ᱴᱤᱵᱷᱤ, ᱵᱷᱤᱰᱤᱭᱚ ᱠᱚᱱᱯᱷᱟᱨᱮᱱᱥ, ᱛᱨᱤᱰᱤ ᱴᱤᱵᱷᱤ ᱟᱨ ᱠᱞᱟᱣᱩᱰ ᱠᱚᱢᱯᱤᱣᱴᱤᱝ ᱠᱚ ᱰᱤᱨ ᱫᱚ ᱞᱟᱹᱭᱚᱜᱼᱟ᱾

ᱨᱮᱫ:5G logo.jpg

ᱵᱮᱯᱟᱨᱤ ᱞᱮᱠᱟᱛᱮ ᱵᱟᱨ ᱞᱮᱠᱟᱱ ᱯᱷᱳᱨᱡᱤ ᱵᱟᱹᱭᱥᱟᱹᱣ ᱟᱠᱟᱱᱟ᱾ ᱢᱳᱵᱟᱭᱤᱞ ᱚᱣᱟᱭᱢᱮᱠᱥ (᱒᱐᱐᱖ ᱥᱮᱨᱢᱟ ᱨᱮ ᱠᱚᱸᱭᱮ ᱠᱚᱨᱤᱭᱟ ᱯᱩᱭᱞᱩ) ᱟᱨ ᱞᱚᱝ ᱴᱟᱨᱢ ᱤᱵᱷᱳᱞᱤᱣᱥᱚᱱ ᱥᱮ ᱮᱞᱴᱤᱤ (᱒᱐᱐᱙ ᱥᱮᱨᱢᱟ ᱨᱮ ᱱᱚᱨᱚᱣᱚᱭᱮ ᱨᱮᱱᱟᱜ ᱳᱥᱚᱞᱳ ᱟᱨ ᱥᱩᱭᱰᱮᱱ ᱨᱮᱱᱟᱜ ᱤᱥᱴᱚᱦᱳᱢ ᱨᱮ ᱯᱩᱭᱞᱩ)᱾ ᱢᱮᱱᱠᱷᱟᱱ ᱧᱮᱛᱚᱜᱼᱟᱜ ᱔ᱡᱤ ᱨᱮᱱᱟᱜ ᱯᱩᱭᱞᱩ ᱥᱟᱯᱲᱟᱣ ᱫᱚ ᱜᱚᱴᱟ ᱛᱮ ᱯᱷᱳᱨᱡᱤ ᱢᱮᱱ ᱜᱟᱱᱚᱜᱼᱟ ᱥᱮ ᱵᱟᱝ ᱚᱱᱟ ᱵᱮᱯᱟᱨ ᱛᱮ ᱵᱟᱨ ᱠᱟᱛᱷᱟ ᱢᱮᱱᱟᱜᱼᱟ᱾ ᱠᱟᱨᱚᱢ ᱫᱚ ᱦᱩᱭᱩᱜ ᱠᱟᱱᱟ ᱟᱭᱮᱢᱴᱤ ᱮᱰᱵᱷᱟᱱᱥᱰ ᱨᱮᱟᱱ ᱛᱷᱚᱲᱟ ᱡᱟᱹᱨᱩᱲᱟᱱ ᱱᱤᱭᱚᱢ ᱠᱚ᱾

ᱤᱣᱱᱟᱭᱴᱮᱰ ᱤᱥᱴᱮᱴ ᱨᱮ ᱤᱥᱯᱨᱤᱱᱴ ᱱᱮᱠᱥᱴᱮᱞ ᱒᱐᱐᱘ ᱥᱮᱨᱢᱟ ᱨᱮ ᱢᱳᱵᱟᱭᱤᱞ ᱚᱣᱟᱭᱢᱮᱠᱥ ᱱᱮᱴᱣᱟᱨᱠ ᱜᱟᱲ ᱞᱮᱫᱟ ᱟᱨ ᱢᱮᱴᱨᱳᱯᱤᱥᱤᱮᱥ ᱒᱐᱑᱐ ᱥᱮᱨᱢᱟ ᱨᱮ ᱯᱩᱭᱞᱩ ᱮᱞᱴᱤᱤ ᱠᱚ ᱪᱟᱹᱞᱩ ᱞᱮᱫᱟ᱾ ᱛᱟᱨ ᱵᱮᱜᱚᱨ ᱤᱣᱮᱥᱵᱤ ᱢᱚᱰᱮᱢ ᱯᱩᱭᱞᱩ ᱠᱷᱚᱱ ᱜᱮ ᱧᱟᱢᱚᱜ ᱠᱟᱱ ᱛᱟᱦᱮᱱᱟ᱾ ᱢᱮᱱᱠᱷᱟᱱ ᱚᱣᱟᱭᱢᱮᱠᱥ ᱤᱥᱢᱟᱨᱴᱯᱷᱳᱱ ᱧᱟᱢᱚᱜ ᱮᱦᱚᱵ ᱮᱱᱟ ᱒᱐᱑᱐ ᱥᱮᱨᱢᱟ ᱠᱷᱚᱱ᱾ ᱟᱨ ᱮᱞᱴᱤᱤ ᱤᱥᱢᱟᱨᱴᱯᱷᱳᱱ ᱒᱐᱑᱑ ᱥᱮᱨᱢᱟ ᱠᱷᱚᱱ᱾ ᱢᱮᱱᱠᱷᱟᱱ ᱱᱟᱦᱟᱸᱜ ᱤᱣᱨᱳᱯ ᱵᱟᱡᱟᱨ ᱨᱮ ᱚᱣᱟᱭᱢᱮᱠᱥ ᱤᱥᱢᱟᱨᱴᱯᱷᱳᱱ ᱟᱹᱠᱷᱨᱤᱧ ᱵᱚᱱᱫᱚ ᱟᱠᱟᱱᱟ᱾ ᱵᱟᱝᱞᱟᱫᱤᱥᱟᱹᱢ ᱨᱮ ᱫᱚ ᱑᱙ ᱯᱷᱮᱵᱨᱩᱣᱟᱨᱤ ᱒᱐᱑᱘ ᱠᱷᱚᱱ ᱔ᱡᱤ (ᱮᱞᱴᱤᱤ) ᱪᱟᱹᱞᱩ ᱟᱠᱟᱱᱟ᱾

ᱯᱷᱳᱨᱡᱤ ᱨᱮᱱᱟᱜ ᱯᱨᱚᱡᱩᱠᱛᱤ ᱠᱚ ᱥᱟᱯᱲᱟᱣ

᱒᱐᱐᱘ ᱥᱮᱨᱢᱟ ᱨᱮᱱᱟᱜ ᱢᱟᱨᱪ ᱨᱮ ᱟᱭᱤᱣᱴᱤᱼᱟᱨ ᱡᱮᱜᱮᱛ ᱴᱮᱞᱤᱠᱚᱢᱤᱣᱱᱤᱠᱮᱥᱚᱱ ᱤᱣᱱᱤᱭᱚᱱ ᱨᱮᱱᱟᱜ ᱛᱟᱨ ᱵᱮᱜᱚᱨ ᱠᱚᱢᱤᱣᱱᱤᱠᱮᱥᱚᱱ ᱥᱮᱠᱴᱚᱨ ᱯᱷᱳᱨᱡᱤ ᱨᱮᱱᱟᱜ ᱡᱟᱹᱨᱩᱲᱟᱱ ᱡᱤᱱᱤᱥ ᱨᱮᱱᱟᱜ ᱨᱩᱯ ᱠᱚ ᱛᱤᱝᱜᱩ ᱠᱮᱫᱟ᱾ ᱩᱱᱠᱩ ᱟᱹᱰᱤ ᱩᱥᱟᱹᱨᱟ ᱠᱚᱢᱤᱣᱱᱤᱠᱮᱥᱚᱱ ᱞᱟᱹᱜᱤᱫ ᱥᱮᱠᱮᱱᱰ ᱨᱮ ᱑᱐᱐ ᱢᱮᱜᱟᱵᱤᱴ ᱟᱨ ᱞᱮᱛᱟᱲ ᱧᱚᱜ ᱠᱚᱢᱤᱣᱱᱤᱠᱮᱥᱚᱱ ᱞᱟᱹᱜᱤᱫ ᱥᱮᱠᱮᱱᱰ ᱨᱮ ᱑ ᱜᱤᱜᱟᱵᱤᱴ ᱠᱚ ᱮᱢ ᱠᱮᱫᱟ᱾ ᱢᱳᱵᱟᱭᱤᱞ ᱚᱣᱟᱭᱢᱮᱠᱥ ᱟᱨ ᱮᱞᱴᱤᱤ ᱨᱮᱱᱟᱜ ᱯᱩᱭᱞᱩ ᱪᱟᱹᱞᱩ ᱠᱷᱚᱱ ᱚᱠᱟ ᱠᱚ ᱥᱮᱠᱮᱱᱰ ᱨᱮ ᱑ ᱜᱤᱜᱟᱵᱤᱴ ᱠᱷᱚᱱ ᱛᱷᱚᱲᱟ ᱤᱥᱯᱤᱰ ᱢᱮᱱᱟᱜ ᱟᱭᱤᱣᱴᱤ ᱭᱟᱜ ᱱᱤᱛᱤ ᱞᱮᱠᱟ ᱛᱮ ᱫᱚ ᱚᱱᱟ ᱠᱚ ᱯᱷᱳᱨᱡᱤ ᱢᱮᱱ ᱵᱟᱝ ᱜᱟᱱᱚᱜᱼᱟ᱾ ᱢᱮᱱᱠᱷᱟᱱ ᱚᱠᱚᱭ ᱠᱚ ᱠᱚ ᱟᱹᱠᱷᱨᱤᱧᱮᱜ ᱠᱟᱱ ᱩᱱᱠᱩ ᱫᱚ ᱯᱷᱳᱨᱡᱤ ᱢᱮᱱ ᱠᱟᱛᱮᱜ ᱜᱮ ᱠᱚ ᱟᱹᱠᱷᱨᱤᱧ ᱫᱟ᱾ ᱞᱟᱦᱟ ᱯᱤᱲᱦᱤ ᱨᱮ ᱫᱚ ᱥᱟᱨᱠᱤᱴ ᱥᱩᱭᱤᱪᱤᱝ, ᱥᱟᱨᱠᱤᱴ ᱥᱩᱭᱤᱪᱰ ᱴᱮᱞᱤᱯᱷᱳᱱᱤ ᱜᱟᱱᱚᱜ ᱠᱟᱱ ᱛᱟᱦᱮᱱ ᱨᱮᱦᱚᱸ ᱯᱷᱳᱨᱡᱤ ᱨᱮ ᱫᱚ ᱚᱱᱟ ᱠᱚ ᱵᱟᱝ ᱜᱟᱚᱱᱚᱜᱼᱟ᱾ ᱢᱮᱱᱠᱷᱟᱱ ᱤᱱᱴᱟᱨᱱᱮᱴ ᱯᱨᱚᱴᱳᱠᱚᱞ ᱨᱮᱱᱟᱜ ᱡᱚᱛᱚ ᱞᱮᱠᱟᱱᱟᱜ ᱜᱮᱭ ᱜᱟᱱᱚᱜᱼᱟ᱾

ᱵᱟᱨᱦᱮ ᱡᱚᱱᱚᱲ ᱥᱟᱯᱲᱟᱣ

ᱥᱟ.ᱠᱷᱭᱟ.ᱛ ᱥᱟᱯᱲᱟᱣ