ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱦᱚᱱᱚᱛ
ᱛᱤᱨᱩᱣᱚᱱᱚᱱᱛᱷᱯᱩᱨᱚᱢ ᱦᱚᱱᱚᱛ ᱫᱚ ᱫᱚᱨᱭᱟ ᱫᱷᱟᱨᱮ ᱨᱮ ᱯᱚᱱᱚᱛ ᱠᱮᱨᱟᱞᱟ ᱨᱮᱱᱟᱜ ᱟᱹᱰᱤ ᱮᱛᱚᱢ ᱦᱚᱱᱚᱛ ᱠᱟᱱᱟ ᱾ ᱦᱚᱱᱚᱛ ᱑᱙᱕᱗ ᱨᱮ ᱵᱮᱱᱟᱣ ᱞᱮᱱᱟ ᱛᱟᱦᱮᱸᱫ, ᱱᱚᱣᱟ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱛᱤᱨᱩᱣᱚᱱᱚᱱᱛᱷᱯᱩᱨᱚᱢ ᱥᱚᱦᱚᱨ ᱨᱮ ᱢᱮᱱᱟᱜᱼᱟ, ᱱᱚᱣᱟ ᱠᱮᱨᱟᱞᱟ ᱨᱮᱱᱟᱜ ᱨᱟᱡᱽᱜᱟᱲ ᱦᱚᱸ ᱠᱟᱱᱟ ᱾[᱑] ᱾
| ᱛᱤᱨᱩᱣᱚᱱᱚᱱᱛᱷᱯᱩᱨᱚᱢ ᱦᱚᱱᱚᱛ ᱛᱨᱤᱵᱮᱱᱫᱽᱨᱚᱢ ᱦᱚᱱᱚᱛ | |
|---|---|
| ᱠᱮᱨᱚᱞ ᱨᱮᱱᱟᱜ ᱦᱚᱱᱚᱛ | |
 ᱛᱤᱨᱩᱣᱚᱱᱚᱱᱛᱷᱯᱩᱨᱚᱢ ᱦᱚᱱᱚᱛ ᱨᱮᱱᱟᱜ ᱴᱷᱟᱶ ᱠᱮᱨᱟᱞᱟ ᱨᱮ | |
| ᱫᱤᱥᱚᱢ | ᱥᱤᱧᱚᱛ |
| ᱯᱚᱱᱚᱛ | ᱠᱮᱨᱟᱞᱟ |
| ᱦᱮᱰᱠᱩᱣᱟᱴᱚᱨ | ᱛᱤᱨᱩᱣᱚᱱᱚᱱᱛᱯᱩᱨᱚᱢ |
| ᱛᱮᱦᱥᱤᱞ | List
|
| ᱥᱚᱨᱠᱟᱨ | |
| • ᱞᱳᱠᱥᱚᱵᱷᱟ ᱵᱟᱪᱷᱱᱟᱣ | ᱒ |
| • ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ | ᱑᱔ |
| ᱮᱨᱤᱭᱟ | |
| • ᱜᱩᱴ | 2189 ᱠᱤᱢᱤ২ (845 ᱜᱟᱺᱴ ᱢᱟᱭᱤᱞ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱜᱩᱴ | ᱓,᱓᱐᱑,᱔᱒᱗ |
| • ᱰᱮᱱᱥᱤᱴᱤ | 1500/ᱠᱤᱢᱤ2 (3900/ᱜᱟᱺᱴ ᱢᱟᱹᱭᱤᱞ) |
| • ᱱᱟᱜᱟᱨ | ᱕᱕.᱗᱕% |
| ᱦᱚᱲ ᱮᱞ | |
| • ᱥᱮᱪᱮᱫ ᱫᱚᱨ | ᱙᱓.᱐᱓% |
| • ᱡᱟᱱᱟᱝ ᱡᱟᱹᱱᱤ | ᱑᱐᱘᱗ |
| ᱜᱟᱹᱰᱤ ᱨᱤᱡᱤᱥᱴᱨᱤ | KL-01, KL-16, KL-19, KL-20, KL-21, KL-22
KL-74 KL-80 |
| ᱢᱟᱨᱟᱝ ᱰᱟᱦᱟᱨ | ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱼ ᱖᱖ (NH 66) |
| Coordinates | 8°17′N 76°41′E / 8.28°N 76.68°E - 8°54′N 77°17′E / 8.90°N 77.28°E |
| Average annual precipitation | 1,700 mm |
ᱦᱚᱱᱚᱛ ᱨᱮ ᱒,᱑᱘᱙ ᱜᱟᱞᱴ ᱠᱤᱞᱚᱢᱤᱴᱚᱨ (᱕᱔᱑,᱖᱕᱕ ᱮᱠᱚᱲ) ᱴᱚᱴᱷᱟ ᱥᱮᱞᱮᱫ ᱢᱮᱱᱟᱜᱼᱟ ᱾ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱨᱮ, ᱱᱚᱶᱟ ᱦᱚᱱᱚᱛ ᱨᱤᱱ ᱦᱚᱲ ᱮᱞ ᱫᱚ ᱓,᱓᱐᱑,᱔᱒᱗ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ,[᱒] ᱾ ᱢᱟᱞᱟᱯᱯᱩᱨᱚᱢ ᱦᱚᱱᱚᱛ ᱛᱟᱭᱚᱢ ᱠᱮᱨᱟᱞᱟ ᱨᱮᱱᱟᱜ ᱫᱚᱥᱟᱨ ᱟᱹᱰᱤ ᱥᱟᱸᱜᱮ ᱦᱚᱲ ᱮᱞ ᱟᱜ ᱦᱚᱱᱚᱛ ᱠᱟᱱᱟ ᱾[᱓] ᱱᱚᱣᱟ ᱦᱚᱲ ᱮᱞ ᱰᱮᱱᱥᱤᱴᱤ ᱫᱚ ᱠᱮᱨᱚᱞ ᱨᱮ ᱟᱹᱰᱤ ᱰᱮᱦᱮᱨ ᱜᱮᱭᱟ, ᱡᱟᱦᱟᱸ ᱨᱮ ᱜᱚᱴᱟ ᱜᱟᱺᱴ ᱠᱤᱞᱚᱢᱤᱴᱚᱨ ᱑,᱕᱐᱙ ᱦᱚᱲ ᱛᱟᱦᱮᱸᱱ ᱠᱚ (᱓,᱙᱑᱐ ᱫᱚᱦᱨᱟ ᱢᱤᱞ) ᱢᱮᱱᱟᱜ ᱠᱚᱣᱟ ᱾[᱔] ᱾ ᱦᱚᱱᱚᱛ ᱫᱚ ᱛᱩᱨᱩᱭ ᱛᱟᱞᱩᱠᱟ ᱨᱮ ᱦᱟᱹᱴᱤᱧ ᱟᱠᱟᱱᱟ: ᱛᱤᱨᱩᱣᱚᱱᱚᱱᱛᱯᱩᱨᱚᱢ, ᱪᱤᱨᱭᱤᱱᱠᱤᱡᱷᱩ, ᱱᱮᱭᱭᱟᱴᱤᱸᱠᱟᱨᱟ,ᱱᱮᱫᱩᱢᱚᱸᱜᱟᱰᱩ, ᱣᱚᱨᱠᱟᱞᱟ ᱟᱨ ᱠᱚᱴᱴᱟᱠᱚᱰᱟ ᱾ ᱦᱚᱱᱚᱛ ᱨᱮ ᱱᱟᱜᱟᱨ ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱱᱤᱜᱟᱢ, ᱟᱨ ᱣᱚᱨᱠᱟᱞᱟ ᱱᱮᱭᱭᱟᱴᱤᱱᱠᱟᱨᱟ, ᱟᱴᱤᱝᱜᱟᱞ ᱟᱨ ᱱᱮᱫᱩᱢᱚᱸᱜᱚᱲ ᱱᱟᱜᱟᱨᱯᱟᱞᱤᱠᱟ ᱢᱮᱱᱟᱜᱼᱟ [᱕] ᱾
ᱛᱤᱨᱩᱣᱚᱱᱚᱱᱛᱷᱯᱩᱨᱚᱢ ᱦᱚᱱᱚᱛ 8°10′N 76°25′E / 8.17°N 76.41°E ᱟᱨ 8°32′N 77°10′E / 8.54°N 77.17°E ᱛᱟᱞᱟ ᱨᱮ ᱢᱮᱱᱟᱜᱼᱟ ᱾ ᱦᱚᱱᱚᱛ ᱨᱮᱱᱟᱜ ᱟᱹᱰᱤ ᱮᱛᱚᱢ ᱥᱮᱫ ᱨᱮ, ᱠᱚᱞᱤᱭᱤᱠᱠᱚᱵᱤᱞᱟ ᱫᱚ ᱥᱤᱧᱚᱛᱤᱭᱟᱹ ᱩᱯᱫᱤᱯ ᱨᱮ ᱟᱹᱰᱤ ᱮᱛᱚᱢ ᱴᱩᱰᱟᱹᱜ ᱠᱟᱱᱭᱟᱠᱩᱢᱟᱨᱤ ᱠᱷᱚᱱ ᱕᱔ ᱠᱤᱞᱚᱢᱤᱴᱚᱨ (᱓᱔ ᱢᱤᱞ) ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ[᱖] ᱾ ᱓᱓.᱗᱕% ᱦᱚᱲ ᱮᱞ ᱥᱚᱦᱨᱤ ᱴᱚᱴᱷᱟ ᱨᱮ ᱢᱮᱱᱟᱜ ᱠᱚᱣᱟ [᱗] ᱾
ᱦᱚᱱᱚᱛ ᱨᱮ ᱯᱮᱭᱟ ᱢᱩᱬ ᱜᱟᱰᱟ, ᱟᱹᱰᱤ ᱜᱟᱱ ᱦᱮᱲᱮᱢ ᱫᱟᱜ ᱡᱷᱤᱞ ᱟᱨ ᱓᱐᱐ ᱠᱷᱚᱱ ᱰᱮᱦᱮᱨ ᱟᱦᱟᱨ ᱢᱮᱱᱟᱜᱼᱟ ᱾ ᱱᱚᱶᱟ ᱥᱟᱢᱟᱝ ᱴᱚᱴᱷᱟ ᱨᱮ ᱵᱤᱨ ᱢᱮᱱᱟᱜᱼᱟ, ᱠᱚᱧᱮ ᱴᱚᱴᱷᱟ ᱫᱚ ᱰᱮᱦᱮᱨ ᱛᱮᱫ ᱨᱚᱵᱚᱲ ᱪᱟᱥ ᱢᱮᱱᱟᱜᱼᱟ ᱟᱨ ᱛᱟᱨᱟ ᱴᱚᱴᱷᱟ ᱨᱮᱫᱚ ᱱᱟᱨᱠᱚᱲ, ᱠᱟᱭᱨᱟ ᱟᱨ ᱴᱮᱭᱯᱤᱳᱠᱚ ᱨᱮᱱᱟᱜ ᱢᱤᱞᱟᱣᱟᱜ ᱨᱚᱦᱚᱲ ᱦᱟᱥᱟ ᱨᱮ ᱪᱟᱥ ᱟᱠᱚ ᱾ ᱵᱮᱱᱟᱣ ᱴᱚᱴᱷᱟ ᱟᱨ ᱦᱳᱲᱳ ᱵᱟᱸᱫᱽ ᱦᱟᱥᱟ ᱨᱮ ᱠᱟᱹᱢᱤ ᱯᱮᱭᱴᱨᱱ ᱠᱚ ᱯᱩᱨᱟᱹᱣᱟ ᱾[᱘] ᱾
ᱧᱩᱛᱩᱢ ᱥᱟᱯᱲᱟᱣ
ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱧᱩᱛᱩᱢ, ᱟᱫᱚ ᱦᱚᱱᱚᱛ ᱟᱨ ᱚᱱᱟ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱥᱚᱦᱚᱨ ᱤᱫᱤ ᱛᱮ ᱥᱟᱡᱟᱣ ᱟᱠᱟᱱᱟ, ᱟᱹᱲᱟᱹ "ᱛᱷᱤᱨᱩᱼᱟᱱᱟᱱᱛᱼᱯᱩᱨᱚᱢ" ᱠᱷᱚᱱ ᱦᱮᱡ ᱟᱠᱟᱱᱟ, ᱚᱱᱟ ᱟᱹᱲᱟᱹ ᱨᱮᱱᱟᱜ ᱢᱮᱱᱮᱛ ᱫᱚ " ᱵᱷᱚᱜᱽᱣᱟᱱ ᱟᱱᱟᱱᱛᱟ ᱟᱜ ᱛᱟᱦᱮᱸᱱ"[᱙] ᱾ ᱱᱚᱶᱟ ᱧᱩᱛᱩᱢ ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱥᱚᱦᱚᱨ ᱨᱮᱱᱟᱜ ᱛᱟᱞᱢᱟ ᱨᱮ ᱦᱤᱱᱫᱩ ᱢᱚᱱᱫᱤᱨ ᱨᱮᱱᱟᱜ ᱫᱮᱣᱛᱟ ᱠᱷᱚᱱ ᱤᱫᱤ ᱟᱠᱟᱱᱟ ᱾ ᱟᱱᱟᱱᱛᱟ ᱥᱟᱨᱯ, ᱛᱟᱨᱟ ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱯᱚᱰᱢᱟᱱᱟᱵᱷᱚᱱ ᱟᱨ ᱵᱤᱥᱬᱩ ᱞᱮᱠᱟᱛᱮ ᱢᱮᱱᱟᱜᱼᱟ ᱾ ᱤᱝᱜᱽᱞᱤᱥ ᱛᱮ ᱦᱚᱱᱚᱛ ᱨᱮᱱᱟᱜ ᱟᱹᱢᱟᱹᱞᱮᱛ ᱧᱩᱛᱩᱢ ᱑᱙᱙᱑ ᱫᱷᱟᱹᱵᱤᱡ ᱛᱨᱤᱵᱮᱱᱫᱨᱚᱢ ᱛᱟᱦᱮᱸ ᱠᱟᱱᱟ, ᱟᱫᱚ ᱥᱚᱨᱠᱟᱨ ᱫᱚ ᱥᱚᱦᱚᱨ ᱨᱮᱱᱟᱜ ᱢᱟᱲᱟᱝ ᱧᱩᱛᱩᱢ ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱫᱚ ᱡᱚᱛᱚ ᱯᱟᱹᱨᱥᱤ ᱨᱮ ᱫᱚᱦᱚ ᱠᱮᱜᱼᱟ ᱾
ᱱᱟᱜᱟᱢ ᱥᱟᱯᱲᱟᱣ
ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱥᱚᱦᱚᱨ ᱢᱟᱨᱮ ᱴᱨᱟᱰᱤᱥᱚᱱ, ᱯᱷᱚᱞᱠᱞᱚᱨ ᱟᱨ ᱥᱟᱶᱦᱮᱫ ᱨᱮ ᱢᱩᱬᱩᱫ ᱠᱷᱚᱱ ᱥᱮᱞᱮᱫ ᱢᱮᱱᱟᱜᱼᱟ, ᱡᱮᱞᱮᱠᱟ ᱦᱚᱱᱚᱛ ᱨᱮ ᱟᱹᱰᱤ ᱜᱟᱱ ᱛᱷᱟᱱ ᱨᱮ ᱢᱮᱱᱟᱜᱼᱟ ᱾
᱑᱖᱘᱔ ᱨᱮ, ᱩᱢᱟᱭᱚᱢᱢᱟ ᱨᱟᱱᱤ ᱟᱜ ᱥᱟᱥᱚᱱ ᱡᱩᱜᱽ ᱚᱠᱛᱚ, ᱤᱝᱜᱽᱨᱟᱹᱡᱽ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱱᱤ ᱫᱚ ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱥᱚᱦᱚᱨ ᱨᱮᱱᱟᱜ ᱠᱚᱧᱮ ᱨᱮ ᱓᱒ ᱠᱤᱞᱚᱢᱤᱴᱚᱨ (᱒᱐ ᱢᱤᱞ) ᱠᱚᱧᱮ ᱨᱮ ᱫᱚᱨᱭᱟ ᱫᱷᱟᱨᱮ ᱨᱮ ᱣᱚᱨᱠᱞᱟ ᱥᱩᱨ, ᱮᱸᱪᱩᱛᱷᱮᱸᱜᱩ ᱨᱮ ᱢᱤᱫ ᱜᱤᱛᱤᱞᱟᱱ ᱡᱟᱜᱟ ᱨᱮᱱᱟᱜ ᱫᱚᱠᱷᱚᱞ ᱠᱮᱜᱼᱟ, ᱡᱟᱦᱟᱸ ᱨᱮ ᱢᱤᱫ ᱠᱟᱹᱨᱠᱷᱟᱱᱟ ᱛᱤᱸᱜᱩᱭ ᱞᱟᱹᱜᱤᱫ ᱵᱷᱤᱱᱮ ᱵᱤᱪᱟᱹᱨ ᱛᱟᱦᱮᱸ ᱠᱟᱱᱟ, ᱱᱚᱶᱟ ᱠᱮᱴᱮᱡ ᱞᱟᱹᱜᱤᱫ ᱾ ᱢᱟᱲᱟᱝ ᱱᱚᱶᱟ ᱛᱷᱟᱶ ᱯᱚᱨᱛᱩᱜᱟᱞᱤ ᱤᱫᱤ ᱛᱮ ᱛᱟᱭᱚᱢ ᱥᱟᱥᱟᱱ ᱞᱮᱱ ᱛᱟᱦᱮᱸᱫ, ᱚᱱᱟ ᱛᱟᱭᱚᱢ ᱰᱟᱪ ᱤᱫᱤ ᱛᱮ ᱾ ᱱᱚᱸᱰᱮ ᱤᱝᱜᱽᱨᱮᱡᱽ ᱦᱚᱸ ᱠᱚ ᱛᱟᱦᱮᱸ ᱠᱟᱱᱟ ᱾ ᱤᱝᱜᱽᱨᱟᱹᱡᱽ ᱫᱚ ᱠᱟᱹᱡᱼᱠᱟᱹᱡ ᱛᱮ ᱟᱡᱟᱜ ᱥᱟᱥᱚᱱ ᱫᱚ ᱛᱨᱟᱵᱟᱸᱠᱚᱨ ᱨᱮᱱᱟᱜ ᱮᱢᱟᱱ ᱴᱷᱟᱶ ᱨᱮ ᱵᱟᱲᱦᱟᱣ ᱠᱮᱜᱼᱟ[᱑᱐] ᱾
ᱚᱛᱱᱚᱜ ᱥᱟᱯᱲᱟᱣ
ᱦᱚᱱᱚᱛ 8°10′N 76°25′E / 8.17°N 76.41°E ᱟᱨ 8°32′N 77°10′E / 8.54°N 77.17°E ᱨᱮᱱᱟᱜ ᱛᱟᱞᱟ ᱨᱮ ᱢᱮᱱᱟᱜᱼᱟ ᱾ ᱥᱚᱦᱚᱨ ᱨᱮᱱᱟᱜ ᱟᱹᱰᱤ ᱮᱛᱚᱢ ᱥᱮᱫ, ᱯᱚᱨᱥᱟᱞᱟ, ᱥᱤᱧᱚᱛ ᱨᱮᱱᱟᱜ ᱮᱛᱚᱢ ᱯᱮᱱᱤᱱᱥᱩᱞᱟᱨ ᱴᱤᱯ, ᱠᱮᱯ ᱠᱚᱢᱚᱨᱤᱱ (ᱠᱟᱱᱭᱟ ᱠᱩᱢᱟᱨᱤ) ᱠᱷᱚᱱ ᱕᱔ ᱠᱤᱞᱚᱢᱤᱴᱚᱨ (᱓᱔ ᱢᱤᱞ) ᱥᱟᱸᱜᱤᱧ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱦᱚᱱᱚᱛ ᱯᱟᱪᱮ ᱨᱮ ᱟᱨᱚᱵᱽ ᱫᱚᱨᱭᱟ ᱫᱷᱟᱨᱮ ᱨᱮ ᱗᱘ ᱠᱤᱞᱚᱢᱤᱴᱚᱨ (᱔᱘ ᱢᱤᱞ) ᱫᱷᱟᱹᱵᱤᱡ ᱟᱴᱮᱫ ᱟᱠᱟᱱᱟ ᱾ ᱠᱚᱞᱞᱟᱢ ᱦᱚᱱᱚᱛ ᱠᱚᱧᱮ ᱨᱮ ᱢᱮᱱᱟᱜᱼᱟ ᱾ ᱛᱟᱢᱤᱞᱱᱟᱰᱩ ᱨᱮᱱᱟᱜ ᱛᱤᱨᱩᱱᱮᱞᱵᱮᱞᱤ ᱟᱨ ᱠᱟᱱᱭᱟ ᱠᱩᱢᱟᱨᱤ ᱦᱚᱱᱚᱛ ᱥᱟᱶᱛᱮ ᱥᱟᱢᱟᱝ ᱟᱨ ᱮᱛᱚᱢ ᱨᱮ ᱢᱮᱱᱟᱜᱼᱟ[᱑᱑] ᱾
ᱦᱚᱨ ᱰᱟᱦᱟᱨ ᱥᱟᱯᱲᱟᱣ
ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱖᱖ (ᱟᱫᱚ ᱢᱟᱲᱟᱝ ᱫᱚ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱔᱗ ᱞᱮᱠᱟᱛᱮ ᱵᱟᱰᱟᱭᱚᱜ ᱠᱟᱱᱟ ᱛᱟᱦᱮᱸᱫ) ᱠᱟᱞᱤᱭᱟᱠᱤᱠᱵᱤᱞᱟ ᱠᱷᱚᱱ ᱱᱚᱣᱟ ᱨᱮᱱᱟᱜ ᱮᱛᱚᱢ ᱥᱮᱫ ᱨᱮ ᱠᱚᱧᱮ ᱨᱮ ᱯᱚᱨᱤᱯᱟᱞᱞᱤ ᱥᱩᱨ ᱱᱟᱣᱵᱤᱠᱩᱞᱚᱢ ᱫᱷᱟᱹᱨᱤᱡ ᱟᱴᱮᱫ ᱟᱠᱟᱱᱟ, ᱱᱚᱣᱟ ᱦᱚᱱᱚᱛ ᱨᱮᱱᱟᱜ ᱵᱷᱤᱛᱤᱨ ᱘᱐ ᱠᱤᱞᱚᱢᱤᱴᱚᱨ (᱕᱐ ᱢᱤᱞ) ᱥᱟᱸᱜᱤᱧ ᱥᱮᱱᱚᱜᱼᱟ ᱾[᱑᱒] ᱢᱩᱬ ᱛᱟᱞᱢᱟ ᱰᱟᱦᱟᱨ ᱕᱕ ᱠᱤᱞᱚᱢᱤᱴᱚᱨ (᱓᱔ ᱢᱤᱞ) ᱥᱟᱸᱜᱤᱧ ᱥᱮᱱᱚᱜᱼᱟ, ᱱᱚᱣᱟ ᱠᱚᱧᱮ ᱨᱮ ᱠᱮᱥᱚᱵᱽᱫᱟᱥᱯᱩᱨᱚᱢ, ᱵᱮᱢᱵᱟᱭᱚᱢ, ᱵᱮᱸᱡᱽᱨᱟᱢᱩᱰᱩ, ᱠᱤᱞᱤᱢᱱᱩᱨ ᱟᱨ ᱱᱤᱞᱢᱮᱞ ᱞᱮᱠᱟᱛᱮ ᱥᱮᱱᱚᱜᱼᱟ ᱾ ᱠᱮᱨᱟᱞᱟ ᱞᱳᱠ ᱵᱮᱱᱟᱣ ᱵᱤᱵᱷᱟᱜᱽ ᱦᱚᱱᱚᱛ ᱨᱮ ᱑,᱕᱕᱒ ᱠᱤᱞᱚᱢᱤᱴᱚᱨ (᱙᱖᱔ ᱢᱤᱞ) ᱥᱚᱲᱚᱠ ᱨᱮᱱᱟᱜ ᱫᱚᱦᱚᱭᱟ ᱾ ᱞᱚᱠᱟᱞ ᱥᱚᱲᱚᱠ ᱨᱮᱱᱟᱜ ᱙,᱕᱐᱐ ᱠᱤᱞᱚᱢᱤᱴᱚᱨ (᱕,᱙᱐᱐ ᱢᱤᱞ) ᱫᱚᱦᱚ ᱞᱟᱹᱜᱤᱫ ᱢᱮᱱᱟᱜᱼᱟ ᱾ ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱦᱚᱱᱚᱛ ᱨᱮ ᱑᱑᱖ ᱯᱚᱞ ᱢᱮᱱᱟᱜᱼᱟ ᱾
ᱦᱚᱱᱚᱛ ᱨᱮ ᱨᱮᱞ ᱦᱚᱨ ᱰᱟᱦᱟᱨ ᱥᱤᱧᱚᱛᱤᱭᱟᱹ ᱨᱮᱞᱣᱮ ᱨᱮᱱᱟᱜ ᱮᱛᱚᱢ ᱨᱮᱞᱣᱮ ᱴᱚᱴᱷᱟ ᱤᱫᱤ ᱛᱮ ᱪᱟᱪᱞᱟᱣ ᱠᱟᱱᱟ ᱾ ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱵᱨᱳᱰ ᱜᱮᱡᱽ ᱨᱮᱞᱣᱮ ᱞᱟᱭᱤᱱ ᱤᱫᱤ ᱛᱮ ᱫᱤᱥᱚᱢ ᱨᱮᱱᱟᱜ ᱟᱨ ᱛᱟᱨᱟ ᱴᱷᱟᱶ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ ᱦᱚᱱᱚᱛ ᱠᱷᱚᱱ ᱘᱒ ᱠᱤᱞᱚᱢᱤᱴᱚᱨ (᱕᱑ ᱢᱤᱞ) ᱨᱮᱞᱣᱮ ᱞᱟᱭᱤᱱ ᱥᱮᱱᱚᱜ ᱠᱟᱱᱟ ᱾[᱑᱓] ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱦᱚᱱᱚᱛ ᱨᱮ ᱱᱤᱛᱚᱜ ᱛᱟᱦᱮᱸ ᱦᱟᱱᱛᱟᱨᱚ ᱞᱟᱹᱜᱤᱫ ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱛᱟᱞᱢᱟ ᱨᱮᱞᱣᱮ ᱥᱴᱮᱥᱚᱱ ᱥᱟᱶᱛᱮ ᱒᱐ ᱥᱴᱮᱥᱚᱱ ᱢᱮᱱᱟᱜᱼᱟ ᱾
ᱛᱨᱤᱵᱮᱱᱫᱨᱚᱢ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱠᱷᱚᱱ ᱰᱚᱢᱮᱥᱴᱤᱠ ᱟᱨ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱜ ᱜᱟᱹᱰᱤ ᱥᱮᱵᱟ ᱪᱟᱪᱞᱟᱣ ᱦᱩᱭᱩᱜᱼᱟ, ᱡᱟᱦᱟᱸ ᱨᱮ ᱠᱩᱵᱮᱛ ᱥᱤᱴᱤ, ᱫᱩᱵᱟᱭ, ᱫᱚᱢᱢᱟᱢ, ᱥᱤᱝᱜᱟᱯᱩᱨ, ᱢᱟᱞᱮ, ᱠᱚᱞᱚᱢᱵᱚ, ᱥᱟᱨᱡᱟᱦ, ᱢᱚᱥᱠᱟᱴ, ᱢᱟᱱᱟᱢᱟ, ᱫᱚᱦᱟ, ᱡᱮᱫᱽᱫᱟ ᱟᱨ ᱟᱵᱩ ᱫᱷᱟᱵᱤ ᱥᱟᱶᱛᱮ ᱟᱹᱰᱤ ᱜᱟᱱ ᱡᱮᱡᱟᱹᱛᱤᱭᱟᱹᱨᱤ ᱥᱚᱦᱚᱨ ᱞᱟᱹᱜᱤᱫ ᱥᱚᱡᱷᱮ ᱩᱰᱟᱹᱜᱼᱟ ᱾ ᱰᱚᱢᱮᱥᱴᱤᱠ ᱩᱰᱟᱹᱜᱼᱟ ᱱᱚᱣᱟ ᱪᱮᱱᱱᱟᱭ, ᱫᱤᱞᱞᱤ, ᱢᱩᱢᱵᱟᱭ, ᱦᱟᱭᱫᱨᱟᱵᱟᱫᱽ, ᱵᱟᱸᱜᱽᱞᱳᱨ ᱟᱨ ᱠᱚᱞᱠᱟᱛᱟ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾
ᱦᱚᱲ ᱮᱞ ᱥᱟᱯᱲᱟᱣ
᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱦᱚᱱᱚᱛ ᱨᱤᱱ ᱦᱚᱲ ᱮᱞ ᱫᱚ ᱓,᱓᱐᱑,᱔᱒᱗ ᱦᱚᱲ ᱢᱮᱱᱟᱜ ᱠᱚᱣᱟ ᱾ ᱱᱚᱣᱟ ᱫᱚ ᱥᱤᱧᱚᱛ ᱨᱮ ᱜᱩᱴ ᱖᱔᱐ ᱦᱚᱱᱚᱛ ᱠᱷᱚᱱ ᱫᱚ ᱑᱐᱓ ᱟᱱᱟᱜ ᱛᱷᱟᱱ ᱨᱮ ᱢᱮᱱᱟᱜᱼᱟ ᱾[᱓] ᱦᱚᱱᱚᱛ ᱨᱮᱱᱟᱜ ᱦᱚᱲ ᱮᱞ ᱰᱮᱱᱥᱤᱴᱤ ᱫᱚ ᱑,᱕᱐᱙ ᱫᱚᱦᱨᱟ ᱠᱤᱞᱚᱢᱤᱴᱚᱨ (᱓,᱙᱑᱐ ᱫᱚᱦᱨᱟ ᱢᱤᱞ) ᱢᱮᱱᱟᱜᱼᱟ ᱾[᱓] ᱒᱐᱐᱑-᱒᱐᱑᱑ ᱨᱮᱱᱟᱜ ᱜᱮᱞ ᱥᱮᱨᱢᱟ ᱨᱮ ᱱᱚᱣᱟ ᱨᱮᱱᱟᱜ ᱦᱚᱲ ᱮᱞ ᱜᱨᱚᱛᱷ ᱫᱚᱨ ᱫᱚ ᱒,᱒᱕% ᱛᱟᱦᱮᱸ ᱠᱟᱱᱟ ᱾[᱓] ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱨᱮ ᱜᱚᱴᱟ ᱑᱐᱐᱐ ᱠᱚᱲᱟ ᱨᱮ ᱑᱐᱘᱘ ᱛᱤᱨᱞᱟᱹ ᱟᱜ ᱡᱟᱱᱟᱝ ᱢᱮᱱᱟᱜᱼᱟ,[᱓] ᱟᱨ ᱥᱮᱪᱮᱫ ᱫᱚᱨ ᱫᱚ ᱙᱓.᱐᱒% ᱢᱮᱱᱟᱜᱼᱟ ᱾[᱓]
| ᱦᱚᱲ ᱮᱞᱥᱚᱝ ᱱᱟᱜᱟᱢ | ||
|---|---|---|
| ᱥᱮᱨᱢᱟ | ᱦᱚᱲ. | ±% ᱥᱮ.ᱯᱤ. |
| ᱑᱙᱐᱑ | ᱔᱘᱔,᱔᱙᱓ | — |
| ᱑᱙᱑᱑ | ᱕᱖᱙,᱔᱗᱒ | +1.63% |
| ᱑᱙᱒᱑ | ᱖᱖᱖,᱓᱙᱓ | +1.58% |
| ᱑᱙᱓᱑ | ᱘᱕᱖,᱘᱕᱑ | +2.55% |
| ᱑᱙᱔᱑ | ᱑,᱐᱑᱕,᱐᱕᱗ | +1.71% |
| ᱑᱙᱕᱑ | ᱑,᱓᱒᱗,᱘᱑᱒ | +2.72% |
| ᱑᱙᱖᱑ | ᱑,᱗᱔᱔,᱕᱓᱑ | +2.77% |
| ᱑᱙᱗᱑ | ᱒,᱑᱙᱘,᱖᱐᱖ | +2.34% |
| ᱑᱙᱘᱑ | ᱒,᱕᱙᱖,᱑᱑᱒ | +1.68% |
| ᱑᱙᱙᱑ | ᱒,᱙᱔᱖,᱖᱕᱐ | +1.27% |
| ᱒᱐᱐᱑ | ᱓,᱒᱓᱔,᱓᱕᱖ | +0.94% |
| ᱒᱐᱑᱑ | ᱓,᱓᱐᱑,᱔᱒᱗ | +0.21% |
| source:[᱑᱔] | ||
ᱯᱟᱹᱨᱥᱤ ᱥᱟᱯᱲᱟᱣ
ᱢᱚᱞᱟᱭᱟᱞᱚᱢ ᱫᱚ ᱜᱳ ᱯᱟᱹᱨᱥᱤ ᱠᱟᱱᱟ ᱾ ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱥᱚᱦᱚᱨ ᱫᱚ ᱰᱮᱦᱮᱨ ᱢᱟᱦᱟᱱᱟᱜᱟᱨᱤ ᱠᱟᱱᱟ, ᱡᱟᱦᱟᱸ ᱨᱮ ᱢᱚᱞᱟᱭᱟᱞᱚᱢ, ᱤᱝᱜᱽᱞᱤᱥ, ᱛᱟᱢᱤᱞ, ᱦᱤᱱᱫᱤ, ᱛᱩᱞᱩ ᱟᱨ ᱢᱟᱨᱟᱴᱷᱤ ᱨᱮᱱᱟᱜ ᱢᱤᱫᱴᱟᱹᱝ ᱦᱩᱰᱤᱧ ᱥᱟᱭᱠᱚᱲᱟ ᱥᱟᱶᱛᱮ ᱯᱟᱹᱨᱥᱤ ᱨᱚᱲ ᱦᱚᱲ ᱢᱮᱱᱟᱜ ᱠᱚᱣᱟ ᱾
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ [᱑] Archived ᱘ ᱢᱟᱨᱪ ᱒᱐᱑᱐ at the Wayback Machine.
- ↑ "CENSUS OF INDIA 2011" (PDF). PROVISIONAL POPULATION TOTALS INDIA, KERALA STATE AND DISTRICTS. Government of India. Retrieved 24 April 2011.
- ↑ ᱓.᱐ ᱓.᱑ ᱓.᱒ ᱓.᱓ ᱓.᱔ ᱓.᱕ "District Census 2011". Census2011.co.in. 2011. Retrieved 24 October 2013.
- ↑ "CENSUS OF INDIA 2011" (PDF). Provisional Population Totals Kerala. Government of India. p. 45. Retrieved 24 April 2011.
- ↑ "Districts Thiruvananthapuram". indiastudychannel. Archived from the original on 10 September 2010. Retrieved 21 July 2010.
- ↑ "A Brief History" (PDF). District Handbooks of Kerala: Thiruvananthapuram. Government of Kerala. Archived from the original (PDF) on 16 June 2015. Retrieved 18 March 2015.
- ↑ "TVM Urbanaisation". censusindia. Archived from the original on 11 ᱡᱟᱱᱩᱣᱟᱨᱤ 2010.
- ↑ "Keralapages.org". keralapages.org. Retrieved 19 March 2018.
- ↑ "About Thiruvananthapuram". Thiruvananthapuram Municipal Corporation. Archived from the original on 18 ᱥᱮᱯᱴᱮᱢᱵᱚᱨ 2010. Retrieved 29 ᱚᱠᱴᱚᱵᱚᱨ 2010.
- ↑ "TVPM History". Government of Kerala. Archived from the original on 7 ᱯᱷᱮᱵᱽᱨᱩᱣᱟᱨᱤ 2009.
- ↑ "Geography". Government of Kerala. Archived from the original on 7 ᱯᱷᱮᱵᱽᱨᱩᱣᱟᱨᱤ 2009.
- ↑ Infrastructure Roads Archived ᱑᱖ ᱚᱠᱴᱚᱵᱚᱨ ᱒᱐᱐᱙ at the Wayback Machine.
- ↑ Rail Transport Archived ᱑᱐ ᱯᱷᱮᱵᱽᱨᱩᱣᱟᱨᱤ ᱒᱐᱑᱒ at the Wayback Machine.
- ↑ Decadal Variation In Population Since 1901
ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ
| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱦᱚᱱᱚᱛ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |