ᱛᱮᱞ ᱟᱵᱤᱵᱽ
ᱛᱮᱞ ᱟᱵᱤᱵᱽ (ᱦᱤᱵᱨᱩ: : תל אביב, ᱟᱨᱚᱵᱤᱠ: تل أبيب) ᱫᱚ ᱤᱡᱽᱨᱟᱭᱮᱞ ᱨᱮᱱᱟᱜ ᱢᱤᱫ ᱢᱩᱬᱩᱛ ᱥᱚᱦᱚᱨ ᱠᱟᱱᱟ ᱾ ᱱᱚᱶᱟ ᱤᱡᱽᱨᱟᱭᱮᱞ ᱨᱮᱭᱟᱜ ᱜᱩᱥ ᱰᱟᱱ ᱢᱮᱴᱨᱚᱯᱚᱞᱤᱴᱚᱱ ᱮᱨᱤᱭᱟ ᱨᱮᱱᱟᱜ ᱥᱟᱱᱟᱢ ᱠᱷᱚᱱ ᱡᱟᱹᱥᱛᱤ ᱦᱚᱲᱮᱞ ᱥᱚᱦᱚᱨ ᱦᱚᱸ ᱠᱟᱱᱟ ᱾ ᱵᱷᱩᱼᱢᱚᱫᱷᱚ ᱫᱚᱨᱮᱭᱟ ᱟᱨᱮ ᱨᱮ ᱢᱮᱱᱟᱜ ᱱᱚᱶᱟ ᱢᱮᱴᱨᱚᱯᱚᱞᱤᱴᱚᱱ ᱥᱚᱦᱚᱨ ᱨᱮ ᱔᱖᱐,᱖᱑᱓ ᱜᱟᱱ ᱦᱚᱲ ᱠᱚ ᱛᱟᱦᱮᱱᱟ, ᱟᱨ ᱱᱚᱶᱟ ᱜᱮ ᱤᱡᱽᱨᱟᱭᱮᱞ ᱨᱮᱱᱟᱜ ᱠᱟᱹᱣᱰᱤ ᱟᱨ ᱴᱮᱠᱱᱚᱞᱚᱡᱤ ᱛᱟᱞᱢᱟ ᱠᱟᱱᱟ ᱾ ᱡᱩᱫᱤ ᱥᱟᱢᱟᱝ ᱡᱮᱨᱩᱡᱟᱞᱮᱢ ᱤᱡᱽᱨᱟᱭᱮᱞ ᱨᱮᱱᱟᱜ ᱢᱮᱱᱛᱮ ᱥᱟᱵᱽ ᱦᱩᱭᱩᱜᱼᱟ ᱛᱚᱵᱮ ᱛᱮᱞ ᱟᱵᱤᱵᱽ ᱫᱤᱥᱚᱢ ᱨᱮᱱᱟᱜ ᱫᱚᱥᱟᱨ ᱢᱟᱨᱟᱝ ᱥᱚᱦᱚᱨ ᱠᱟᱱᱟ; ᱟᱨ ᱡᱩᱫᱤ ᱵᱟᱝ, ᱛᱚᱵᱮ ᱛᱮᱞ ᱟᱵᱤᱵᱽ ᱫᱤᱥᱚᱢ ᱨᱮᱱᱟᱜ ᱥᱟᱱᱟᱢ ᱠᱷᱚᱱ ᱡᱟᱹᱥᱛᱤ ᱦᱚᱲᱮᱞ ᱥᱚᱦᱚᱨ ᱦᱩᱭᱩᱜᱼᱟ ᱯᱟᱪᱮ ᱡᱮᱨᱩᱡᱟᱞᱮᱢ ᱠᱷᱚᱱ ᱦᱚᱸ ᱰᱷᱮᱨ ᱾
ᱛᱮᱞ ᱟᱵᱤᱵᱽ ᱫᱤᱥᱚᱢ ᱛᱮᱞ ᱟᱵᱤᱵᱽ ᱭᱟᱯᱷᱳ ᱢᱤᱭᱩᱱᱤᱥᱤᱯᱟᱞᱤᱴᱤ ᱦᱚᱛᱮᱛᱮ ᱪᱟᱪᱞᱟᱣᱭᱚᱜᱼᱟ ᱾ ᱱᱚᱶᱟ ᱫᱚ ᱢᱤᱫ ᱡᱮᱜᱮᱛ ᱱᱟᱜᱟᱲ ᱠᱟᱱᱟ ᱾ ᱛᱮᱞ ᱟᱵᱤᱵᱽ ᱛᱮᱥᱟᱨ ᱥᱮ ᱯᱩᱱᱟᱜ ᱢᱟᱨᱟᱝ ᱠᱟᱹᱣᱰᱤᱟᱹᱨᱤ ᱥᱚᱦᱚᱨ ᱟᱨ ᱥᱟᱢᱟᱝᱼᱛᱟᱞᱢᱟ (middle east) ᱨᱮ ᱦᱚᱲ ᱯᱤᱪᱷᱤ ᱥᱟᱱᱟᱢ ᱠᱷᱚᱱ ᱢᱟᱨᱟᱝ ᱠᱟᱹᱣᱰᱤᱟᱹᱨᱤ ᱥᱚᱦᱚᱨ ᱠᱟᱱᱟ ᱾ ᱛᱮᱞ ᱟᱵᱤᱵᱽ ᱨᱮᱜᱮ ᱫᱤᱥᱚᱢ ᱨᱮᱱᱟᱜ ᱥᱟᱱᱟᱢ ᱠᱷᱚᱱ ᱢᱟᱨᱟᱝ ᱥᱚᱦᱚᱨ ᱛᱮᱞ ᱟᱵᱤᱵᱽ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱢᱮᱱᱟᱜᱼᱟ, ᱡᱟᱦᱟ ᱨᱮ ᱓᱐,᱐᱐᱐ ᱠᱷᱚᱱ ᱦᱚᱸ ᱡᱟᱹᱥᱛᱤ ᱯᱟᱹᱴᱷᱩᱭᱟᱹ ᱢᱮᱱᱟᱜ ᱠᱚᱣᱟ ᱾
ᱧᱩᱛᱩᱢ ᱥᱟᱯᱲᱟᱣ
ᱱᱟᱜᱟᱢ ᱥᱟᱯᱲᱟᱣ
ᱛᱮᱞ ᱟᱵᱤᱵᱽ ᱑᱙᱐᱙ ᱥᱮᱨᱢᱟ ᱨᱮ ᱢᱤᱫ ᱤᱦᱩᱫᱤ, ᱭᱩᱥᱩᱵᱷ ᱦᱚᱛᱮᱛᱮ ᱛᱷᱟᱯᱚᱱ ᱦᱩᱭ ᱞᱮᱱᱟ ᱢᱟᱬᱮ ᱵᱚᱱᱫᱚᱨ ᱥᱚᱦᱚᱨ ᱡᱟᱯᱷᱟ ᱟᱨᱮ ᱨᱮ ᱾ ᱛᱮᱞ ᱟᱵᱤᱵᱽ ᱨᱮᱱᱟᱜ ᱩᱛᱷᱱᱟᱹᱣ ᱩᱥᱟᱹᱨᱟ ᱜᱮ ᱩᱱ ᱚᱠᱛᱚ ᱨᱮᱱᱟᱜ ᱡᱟᱯᱷᱟ, (ᱡᱟᱦᱟ ᱨᱮ ᱟᱨᱚᱵ ᱦᱚᱲ ᱠᱚ ᱰᱷᱮᱨ ᱠᱚ ᱛᱟᱦᱮᱱ ᱠᱟᱱ ᱛᱟᱦᱮᱱᱟ) ᱠᱷᱚᱱ ᱞᱟᱦᱟ ᱤᱫᱤᱭᱮᱭᱮᱱᱟ ᱾ ᱤᱡᱽᱨᱟᱭᱮᱞ ᱛᱷᱟᱯᱚᱱ ᱨᱮᱱᱟᱜ ᱵᱟᱨ ᱥᱮᱨᱢᱟ ᱛᱟᱭᱚᱢ ᱑᱙᱕᱐ ᱨᱮ ᱡᱟᱯᱷᱟ ᱟᱨ ᱛᱮᱞ ᱟᱵᱤᱵᱽ ᱢᱤᱫ ᱴᱷᱮᱱ ᱥᱮᱞᱮᱫ ᱦᱩᱭ ᱞᱮᱱᱟ ᱾ ᱛᱮᱞ ᱟᱵᱤᱵᱽ ᱣᱟᱭᱤᱴ ᱥᱤᱴᱤ, ᱒᱐᱐᱓ ᱥᱮᱨᱢᱟ ᱨᱮ ᱭᱩᱱᱤᱠᱳᱰ ᱣᱟᱨᱞᱰ ᱦᱮᱨᱤᱴᱮᱡᱽ ᱴᱷᱟᱹᱶ ᱞᱮᱠᱟᱛᱮ ᱢᱟᱱᱚᱛ ᱮᱢ ᱦᱩᱭ ᱟᱠᱟᱱᱟ ᱾
ᱚᱛᱱᱚᱜ ᱥᱟᱯᱲᱟᱣ
ᱥᱚᱨᱠᱟᱨ ᱥᱟᱯᱲᱟᱣ
ᱥᱮᱪᱮᱫ ᱥᱟᱯᱲᱟᱣ
ᱰᱮᱢᱚᱜᱽᱨᱟᱯᱷᱤ ᱥᱟᱯᱲᱟᱣ
ᱠᱟᱹᱣᱰᱤᱟᱹᱨᱤ ᱥᱟᱯᱲᱟᱣ
ᱦᱮᱡᱽᱥᱮᱱ ᱥᱟᱯᱲᱟᱣ
ᱦᱚᱨᱢᱚᱥᱟᱶᱟᱨ ᱥᱟᱯᱲᱟᱣ
ᱟᱜᱟᱢ ᱥᱟᱯᱲᱟᱣ
ᱤᱡᱽᱨᱟᱭᱮᱞ ᱨᱮᱱ ᱥᱚᱨᱟᱥᱴᱨᱚ ᱢᱚᱱᱛᱨᱤ (Interior Ministry) ᱥᱩᱨ ᱨᱮᱱᱟᱜ ᱥᱚᱦᱚᱨ ᱵᱟᱛ ᱭᱟᱢ ᱟᱨ ᱛᱮᱞ ᱟᱵᱤᱵᱽ ᱢᱮᱥᱟ ᱞᱟᱹᱜᱤᱫ ᱠᱚ ᱮ ᱢᱮᱱᱡᱚᱝ ᱮᱫᱟ ᱾ ᱱᱮᱛᱟᱨᱟᱜ ᱥᱮᱞᱮᱫ ᱞᱟᱹᱜᱤᱫ ᱯᱟᱱᱛᱷᱟ ᱠᱚ ᱵᱟᱨᱯᱮ ᱥᱮᱨᱢᱟ ᱥᱟᱯᱲᱟᱣ ᱛᱟᱭᱚᱢ ᱒᱐᱓᱐ ᱨᱮ ᱨᱤᱠᱟᱹᱭ ᱨᱮᱱᱟᱜ ᱠᱟᱛᱷᱟ ᱢᱮᱱᱟᱜᱼᱟ ᱾ ᱦᱩᱫᱤᱥ ᱦᱩᱭ ᱟᱠᱟᱱ ᱡᱮ ᱡᱩᱫᱤ ᱱᱚᱶᱟ ᱠᱟᱹᱢᱤᱦᱚᱨᱟ ᱴᱷᱤᱠ ᱛᱮ ᱪᱟᱞᱟᱜ ᱠᱷᱟᱱ, ᱥᱩᱨᱼᱥᱩᱯᱩᱨ ᱮᱴᱟᱜ ᱥᱚᱦᱚᱨ ᱨᱟᱢᱟᱛ ᱜᱟᱱ ᱟᱨ ᱜᱤᱵᱷᱟᱛᱟᱭᱤᱢ ᱠᱚ ᱥᱮᱞᱮᱫ ᱦᱩᱭᱩᱜᱼᱟ ᱾ ᱟᱫᱚᱢ ᱥᱚᱨᱠᱟᱨᱤ ᱠᱟᱹᱢᱤᱭᱟᱹ ᱠᱚ ᱩᱭᱦᱟᱹᱨ ᱮᱫ ᱠᱟᱱᱟ ᱱᱚᱶᱟ ᱠᱚ ᱥᱚᱦᱚᱨ ᱥᱮᱞᱮᱫ ᱛᱟᱭᱚᱢ ᱱᱚᱶᱟ ᱢᱟᱨᱟᱝ ᱞᱚᱱᱰᱚᱱ ᱞᱮᱠᱟ ᱥᱟᱵᱽ ᱢᱤᱭᱩᱱᱤᱥᱤᱯᱟᱞᱤᱴᱤ ᱠᱚ ᱤᱫᱤ ᱠᱟᱛᱮᱡ ᱢᱤᱫ ᱥᱩᱯᱟᱨᱥᱤᱴᱤ ᱵᱮᱱᱟᱜᱼᱟ ᱾