ᱜᱩᱣᱟᱦᱟᱴᱤ
ᱜᱩᱣᱟᱦᱟᱴᱤ (English: Guwahati, অসমীয়া: গুৱাহাটী) ᱥᱮ ᱞᱟᱦᱟ ᱛᱮᱫᱚ ᱜᱟᱣᱦᱟᱴᱤ ᱫᱚ ᱥᱤᱧᱚᱛ ᱨᱮᱭᱟᱜ ᱟᱥᱟᱢ ᱯᱚᱱᱚᱛ ᱨᱮᱭᱟᱜ ᱢᱤᱫᱴᱟᱹᱝ ᱢᱟᱨᱟᱝ ᱱᱟᱝᱜᱽᱨᱟᱦᱟ ᱾ ᱱᱚᱶᱟ ᱫᱚ ᱥᱮᱫᱟᱭ ᱯᱨᱟᱜᱽᱡᱚᱛᱤᱥᱯᱩᱨ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱱᱟ ᱾ ᱱᱚᱶᱟ ᱜᱮ ᱦᱩᱭᱩᱜ ᱠᱟᱱᱟ ᱩᱛᱛᱟᱹᱨ ᱯᱩᱨᱩᱵᱽ ᱵᱷᱟᱨᱚᱛ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱢᱮᱴᱨᱚᱯᱚᱞᱤᱴᱟᱱ ᱮᱞᱟᱠᱟ ᱾ ᱱᱚᱶᱟ ᱫᱚ ᱠᱚᱧᱮᱥᱟᱢᱟᱝ ᱥᱤᱧᱚᱛ ᱨᱮᱱᱟᱜ ᱵᱚᱞᱚᱱ ᱫᱩᱣᱟᱹᱨ ᱦᱚᱸ ᱠᱚ ᱢᱮᱛᱟᱜ ᱠᱟᱱᱟ ᱾ ᱒᱐᱑᱑ ᱨᱮᱭᱟᱜ ᱦᱚᱲ ᱞᱮᱠᱷᱟ ᱨᱮ ᱱᱚᱸᱰᱮ ᱢᱩᱴ ᱙,᱖᱒,᱓᱓᱔ ᱮᱞ ᱦᱚᱲ ᱢᱮᱱᱟᱜ ᱠᱚᱣᱟ ᱾ ᱥᱮᱫᱟᱭ ᱫᱚ ᱯᱨᱟᱜᱽᱡᱚᱛᱤᱥ ᱯᱩᱨ ᱛᱟᱦᱮᱸ ᱠᱟᱱᱟ ᱠᱟᱢᱨᱩ ᱫᱤᱥᱚᱢ ᱨᱮᱱᱟᱜ ᱨᱟᱡᱽᱜᱟᱲ ᱾
ᱜᱩᱣᱟᱦᱟᱴᱤ ᱢᱟᱨᱟᱝ ᱱᱚᱝᱜᱽᱨᱟᱦᱟ ᱨᱮᱭᱟᱜ ᱩᱛᱛᱟᱹᱨ ᱨᱮ ᱵᱨᱚᱢᱚᱯᱩᱛᱨᱚ ᱜᱟᱰᱟ, ᱫᱟᱹᱠᱷᱤᱱ ᱨᱮ ᱥᱤᱞᱚᱝ ᱨᱮᱭᱟᱜ ᱵᱩᱨᱩ ᱠᱚ, ᱟᱨ ᱯᱟᱹᱪᱷᱤᱢ ᱨᱮ ᱞᱚᱠ ᱯᱨᱤᱭᱚ ᱜᱚᱯᱤᱱᱟᱛᱷ ᱵᱚᱨᱫᱚᱞᱚᱭ ᱤᱱᱴᱟᱨ ᱱᱮᱥᱚᱱᱟᱞ ᱮᱭᱟᱨ ᱯᱚᱨᱴ ᱟᱨ ᱯᱩᱨᱩᱵᱽ ᱨᱮ ᱱᱟᱨᱮᱝᱜᱤ ᱢᱮᱱᱟᱜᱼᱟ ᱾ ᱵᱨᱚᱢᱚᱯᱩᱛᱨᱚ ᱩᱛᱛᱟᱹᱨ ᱱᱟᱠᱷᱟ ᱨᱮᱦᱚᱸ ᱩᱛᱛᱟᱹᱨ ᱜᱩᱣᱟᱦᱟᱴᱤ ᱵᱮᱱᱟᱣ ᱪᱟᱞᱟᱜ ᱠᱟᱱᱟ ᱾
ᱜᱩᱣᱟᱦᱟᱴᱤ ᱩᱛᱛᱟᱹᱨ ᱯᱩᱨᱩᱵᱽ ᱵᱷᱟᱨᱚᱛ ᱨᱮᱭᱟᱜ ᱢᱤᱫᱴᱟᱹᱝ ᱢᱟᱨᱟᱝ ᱵᱮᱯᱟᱨ - ᱵᱟᱹᱱᱤᱡᱽ ᱟᱨ ᱥᱮᱪᱮᱫ ᱞᱟᱹᱜᱤᱫ ᱛᱟᱞᱢᱟ ᱵᱟᱡᱟᱨ ᱠᱟᱱᱟ ᱾
ᱧᱩᱛᱩᱢ ᱚᱢᱚᱱ ᱥᱟᱯᱲᱟᱣ
ᱜᱩᱣᱟᱦᱟᱴᱤ ᱧᱩᱛᱩᱢ ᱫᱚ ᱟᱥᱚᱢᱤᱭᱟ ᱜᱩᱣᱟ (ᱛᱟᱢᱩᱞ / ᱥᱩᱯᱟᱨᱤ) ᱛᱟᱦᱟ ᱥᱟᱱᱛᱟᱞᱤ ᱜᱩᱣᱟᱹ ᱟᱨ ᱦᱟᱴ ᱛᱟᱦᱟ ᱦᱟᱹᱴᱤᱭᱟᱹ (ᱵᱟᱡᱟᱨ) ᱠᱷᱚᱱ ᱚᱢᱚᱱ ᱟᱠᱟᱱᱟ ᱾ ᱵᱨᱤᱴᱤᱥ ᱩᱯᱚᱱᱤᱵᱮᱥ ᱱᱟᱝ ᱨᱮ ᱱᱚᱣᱟ ᱧᱩᱛᱩᱢ ᱫᱚ ᱜᱟᱣᱦᱟᱴᱤ ᱠᱚ ᱧᱩᱢᱮᱫ ᱛᱟᱦᱮᱱᱟ ᱟᱨ ᱑᱙᱘᱐ ᱫᱚᱥᱚᱠ ᱨᱮᱭᱟᱜ ᱢᱩᱪᱟᱹᱜ ᱨᱮ ᱱᱟᱦᱟᱜ ᱧᱩᱛᱩᱢ ᱨᱮᱭᱟᱜ ᱢᱩᱴᱷᱟᱹᱱ ᱠᱚ ᱮᱢᱟᱣ ᱫᱟᱜᱼᱟ ᱾
ᱱᱟᱜᱟᱢ ᱥᱟᱯᱲᱟᱣ
ᱜᱩᱣᱟᱦᱟᱴᱤ ᱨᱮᱭᱟᱜ ᱱᱟᱜᱟᱢ ᱫᱚ ᱛᱤᱱᱟᱹᱜ ᱥᱮᱨᱢᱟ ᱪᱚ ᱢᱟᱨᱮ ᱜᱮᱭᱟ ᱾ ᱱᱟᱝᱜᱽᱨᱟᱦᱟ ᱵᱟᱱᱫᱽᱦᱟᱣᱚᱜ ᱨᱮᱭᱟᱜ ᱠᱟᱛᱷᱟ ᱫᱚ ᱵᱟᱝ ᱵᱟᱰᱟᱭ ᱧᱟᱢ ᱟᱠᱟᱱ ᱨᱮᱦᱚ ᱥᱮᱫᱟᱭ ᱥᱚᱥᱛᱚᱨ, ᱯᱩᱨᱟᱱ ᱟᱨ ᱥᱮᱨᱣᱟ ᱱᱟᱜᱟᱢ ᱠᱚᱨᱮ ᱵᱟᱰᱟᱭᱚᱜ ᱠᱟᱱᱟ ᱱᱚᱣᱟ ᱫᱚ ᱮᱥᱤᱭᱟ ᱨᱮᱭᱟᱜ ᱢᱟᱨᱟᱝ ᱱᱟᱝᱜᱽᱨᱟᱦᱟ ᱠᱚ ᱢᱩᱫᱽ ᱨᱮ ᱢᱤᱫᱴᱮᱱ ᱠᱟᱱᱟ ᱾
ᱱᱟᱜᱟᱢ ᱞᱮᱠᱟ ᱛᱮ ᱜᱩᱣᱟᱦᱟᱴᱤ ᱫᱚ ᱥᱮᱫᱟᱭ ᱨᱮᱛᱟᱜ ᱛᱤᱱᱟᱹᱜ ᱨᱟᱡᱚᱥᱴᱷᱤ ᱠᱚ ᱨᱮᱱᱟᱜ ᱨᱟᱡᱽ ᱜᱟᱲ ᱪᱚ ᱛᱟᱦᱮ ᱠᱟᱱᱟ ᱾ ᱢᱚᱦᱟ ᱵᱷᱟᱨᱚᱛ ᱞᱮᱠᱟ ᱛᱮ ᱱᱚᱣᱟ ᱫᱚ ᱱᱚᱨᱚᱠᱟᱥᱩᱨ ᱟᱨ ᱵᱷᱚᱜᱽ ᱫᱚᱛᱛᱚ ᱣᱟᱜ ᱨᱟᱡᱽ ᱜᱟᱲ ᱛᱟᱦᱮ ᱠᱟᱱᱟ ᱾ ᱱᱤᱞᱟᱪᱚᱞ ᱵᱩᱨᱩ ᱨᱮ ᱢᱮᱱᱟᱜ ᱥᱚᱠᱛᱤ ᱯᱤᱴ ᱠᱟᱢᱟᱠᱷᱟ ᱢᱩᱱᱫᱤᱞ, ᱪᱤᱛᱨᱟᱪᱚᱞ ᱵᱩᱨᱩ ᱨᱮ ᱢᱮᱱᱟᱜ ᱥᱮᱫᱟᱭ ᱡᱚᱛᱤᱥᱪᱚᱨᱪᱟ ᱱᱚᱵᱚᱜᱨᱚᱦᱚ ᱢᱩᱱᱫᱤᱞ ᱾ ᱱᱚᱣᱟ ᱧᱮᱞ ᱛᱮᱜᱮ ᱵᱟᱰᱟᱭ ᱧᱟᱢᱚᱜ ᱠᱟᱱᱟ ᱱᱚᱣᱟ ᱫᱚ ᱛᱤᱱᱟᱹᱜ ᱢᱟᱨᱤ ᱱᱟᱝᱜᱽᱨᱟᱦᱟ ᱠᱟᱱᱟ ᱾
ᱪᱟᱞᱟᱣ ᱵᱟᱱᱟᱣ ᱥᱟᱯᱲᱟᱣ
ᱜᱩᱣᱟᱦᱟᱴᱤ ᱯᱩᱣᱨᱚ ᱱᱤᱜᱚᱢ ᱧᱩᱛᱩᱢᱟᱱ ᱜᱟᱶᱛᱟ ᱜᱮ ᱜᱩᱣᱟᱦᱟᱴᱤ ᱱᱟᱝᱜᱽᱨᱟᱦᱟ ᱪᱟᱞᱟᱣ ᱵᱟᱱᱟᱣ ᱟᱨ ᱩᱛᱷᱱᱟᱹᱣ ᱨᱮᱭᱟᱜ ᱫᱟᱭᱤᱠᱮ ᱜᱚᱫ ᱟᱠᱟᱫᱟ ᱾ ᱱᱚᱣᱟ ᱯᱩᱣᱨᱚ ᱱᱤᱜᱚᱢ ᱫᱚ ᱛᱩᱨᱩᱭ ᱜᱮᱞ ᱜᱚᱴᱟᱝ ᱣᱟᱨᱰ ᱨᱮ ᱦᱟᱹᱴᱤᱧ ᱢᱮᱱᱟᱜᱼᱟ ᱾ ᱜᱩᱣᱟᱦᱟᱴᱤ ᱢᱚᱦᱟ ᱱᱚᱜᱚᱨᱱ ᱩᱱᱱᱚᱭᱚᱱ ᱯᱨᱟᱫᱷᱤᱠᱚᱨᱚᱱ (GMDA) ᱧᱩᱛᱩᱢᱟᱱ ᱯᱚᱱᱚᱛᱤᱭᱟᱹ ᱜᱟᱶᱛᱟ ᱢᱟᱨᱟᱝ ᱜᱩᱣᱟᱦᱟᱴᱤ ᱴᱚᱴᱷᱟ ᱪᱟᱞᱟᱣ ᱵᱟᱱᱟᱣ ᱟᱨ ᱩᱛᱷᱱᱟᱹᱣ ᱨᱮᱭᱟᱜ ᱫᱟᱭᱤᱠᱮ ᱜᱚᱫ ᱟᱠᱟᱫᱟ ᱾ ᱜᱚᱴᱟ ᱜᱩᱣᱟᱦᱟᱴᱤ ᱩᱛᱷᱱᱟᱹᱣᱚᱜ ᱞᱟᱹᱜᱤᱫ ᱱᱟᱦᱟᱜ ᱟᱥᱟᱢ ᱥᱚᱨᱠᱟᱨ ᱫᱚ 'ᱜᱩᱣᱟᱦᱟᱴᱤ ᱩᱛᱷᱱᱟᱹᱣ ᱰᱤᱯᱟᱹᱴ' ᱮ ᱛᱮᱭᱟᱨ ᱟᱠᱟᱫᱟ ᱾
ᱜᱩᱣᱟᱦᱟᱴᱤ ᱨᱮ ᱯᱚᱱᱭᱟ ᱵᱤᱫᱷᱟᱱ ᱥᱚᱵᱷᱟ ᱥᱚᱢᱚᱥᱴᱷᱤ ᱢᱮᱱᱟᱜᱼᱟ : ᱡᱟᱞᱩᱠᱵᱟᱲᱤ, ᱫᱤᱥᱯᱩᱨ, ᱯᱩᱵᱽ ᱜᱩᱣᱟᱦᱟᱴᱤ, ᱯᱟᱥᱪᱷᱤᱱ ᱜᱩᱣᱟᱦᱟᱴᱤ ᱾ ᱱᱚᱣᱟ ᱡᱚᱛᱚ ᱫᱚ ᱜᱩᱣᱟᱦᱟᱴᱤ ᱜᱩᱣᱟᱴᱤ ᱞᱚᱠ ᱥᱚᱵᱷᱟ ᱥᱚᱢᱚᱥᱴᱷᱤ ᱨᱮ ᱯᱟᱲᱟᱜᱼᱟ ᱾
ᱠᱟᱹᱣᱰᱤ ᱟᱹᱨᱤ ᱥᱟᱯᱲᱟᱣ
᱒᱐᱑᱐ ᱥᱮᱨᱢᱟ ᱨᱮ ᱜᱩᱣᱟᱦᱟᱴᱤ ᱱᱟᱝᱜᱨᱟᱦᱟ ᱨᱮᱭᱟᱜ ᱢᱩᱴ ᱟᱨᱡᱟᱣ ᱢᱤᱫ ᱥᱟᱭᱱᱠᱚᱴᱤ ᱢᱟᱨᱠᱤᱱ ᱰᱚᱞᱟᱨ ᱥᱟᱵ ᱞᱮᱱᱟ ᱾ নদী বন্দৰ হিচাপে গুৱাহাটী আগৰেপৰাই এক গুৰুত্বপূৰ্ণ প্ৰশাসনিক আৰু বাণিজ্যিক কেন্দ্ৰ ৰূপে বিবেচিত হৈ আহিছে ᱾ ᱱᱟᱝᱜᱨᱟᱦᱟ ᱨᱮᱭᱟᱜ ᱟᱨᱡᱟᱣ ᱦᱤᱥᱟᱹᱯ ᱢᱤᱫ ᱞᱮᱛᱟᱲ ᱫᱚ ᱵᱟᱝ ᱦᱩᱭᱩᱜ ᱛᱮ ᱥᱟᱨᱤ ᱞᱮᱠᱷᱟ ᱫᱚ ᱱᱤᱛ ᱦᱚ ᱵᱟᱝ ᱧᱟᱢ ᱟᱠᱟᱱᱟ ᱾ ᱮᱱᱨᱮ ᱦᱚᱸ ᱠᱟᱹᱢᱤ ᱠᱟᱹᱥᱱᱤ ᱧᱮᱞ ᱛᱮ ᱵᱚᱱ ᱚᱦᱢᱟ ᱫᱟᱲᱮᱭᱟᱜᱼᱟ ᱯᱚᱱᱚᱛ ᱨᱮᱭᱟᱜ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱟᱨᱡᱟᱣ ᱫᱚ ᱚᱱᱰᱮ ᱜᱮ ᱦᱩᱭᱩᱜ ᱠᱟᱱᱟ ᱾
ᱢᱟᱨᱟᱝ ᱠᱟᱹᱣᱰᱤ ᱟᱹᱨᱤ ᱵᱷᱤᱛᱨᱤ ᱨᱮ ᱵᱮᱯᱟᱨ ᱵᱟᱹᱱᱤᱡᱽ, ᱥᱟᱜᱟᱲᱚᱢ ᱵᱮᱵᱚᱥᱛᱷᱟ, ᱪᱟᱹᱠᱨᱤ ᱮᱢᱟᱱ ᱾ ᱜᱩᱣᱟᱦᱟᱴᱤ ᱢᱟᱨᱟᱝ ᱱᱟᱝᱜᱨᱟᱦᱟ ᱫᱚ ᱜᱚᱴᱟ ᱩᱛᱛᱟᱹᱨ ᱯᱩᱨᱩᱵᱽ ᱵᱷᱟᱨᱚᱛ ᱨᱮᱱᱟᱜ ᱨᱟᱞᱢᱟ ᱠᱟᱱᱟ ᱾ ᱜᱩᱣᱟᱦᱟᱴᱤ ᱪᱟ ᱱᱤᱞᱟᱢ ᱛᱟᱞᱢᱟ (Guwahati Tea Auction Centre) ᱫᱚ ᱫᱷᱟᱹᱨᱛᱤ ᱨᱮᱭᱟᱜ ᱢᱟᱨᱟᱝ ᱩᱛᱟᱹᱨ ᱪᱟ ᱱᱤᱞᱟᱢ ᱛᱟᱞᱢᱟ ᱠᱟᱱᱟ ᱾ ᱮᱴᱟᱜ ᱱᱟᱝᱜᱨᱟᱦᱟ ᱞᱮᱠᱟᱵᱜᱮ ᱱᱟᱦᱟᱜ ᱜᱩᱣᱟᱦᱟᱴᱤ ᱨᱮᱭᱟᱜ ᱢᱚᱞ (mall) ᱞᱟᱠᱪᱟᱨ ᱦᱚ' ᱦᱟᱨᱟ ᱵᱩᱨᱩᱜ ᱠᱟᱱᱟ ᱾ ᱥᱤᱧᱩᱛ ᱨᱮᱱᱟᱜ ᱮᱴᱟᱜ ᱯᱚᱱᱚᱛ ᱠᱚ ᱞᱮᱠᱟ ᱵᱤᱨᱤᱛ ᱠᱟᱹᱢᱤ ᱨᱮ ᱤᱱᱟᱹᱜ ᱫᱚ ᱵᱟᱝ ᱞᱟᱦᱟᱣᱟ ᱾
ᱥᱟᱜᱟᱲᱚᱢ ᱵᱮᱵᱚᱥᱛᱷᱟ ᱥᱟᱯᱲᱟᱣ
ᱜᱩᱣᱟᱦᱟᱴᱤ ᱫᱚ ᱩᱛᱛᱟᱹᱨ ᱯᱩᱨᱩᱵᱽ ᱵᱷᱟᱨᱚᱛ ᱨᱮᱱᱟᱜ "ᱵᱚᱞᱚᱱ ᱫᱩᱣᱟᱹᱨ" ᱠᱟᱱᱟ ᱾ ᱩᱛᱛᱟᱹᱨ ᱯᱩᱨᱩᱵᱽ ᱨᱮᱭᱟᱜ ᱮᱴᱟᱜ ᱴᱷᱟ:ᱭ ᱥᱟᱶ ᱜᱩᱣᱟᱦᱟᱴᱤ ᱠᱷᱚᱱ ᱥᱟᱝᱜᱷᱟᱨ ᱫᱚ ᱟᱹᱰᱤ ᱟᱞᱜᱟ ᱜᱮᱭᱟ ᱾ ᱩᱛᱛᱟᱹᱨ ᱯᱩᱨᱩᱵᱽ ᱨᱮᱭᱟᱜ ᱡᱚᱛᱚ ᱮᱭᱟᱨ ᱯᱚᱨᱴ ᱥᱟᱶ ᱜᱩᱣᱟᱦᱟᱴᱤ ᱥᱟᱶ ᱡᱚᱲᱟᱣ ᱢᱮᱱᱟᱜᱼᱟ ᱾ ᱡᱟᱣᱜᱮ ᱩᱰᱟᱹᱱ ᱥᱟᱶ ᱛᱮ ᱴᱮᱠᱥᱤ ᱨᱮᱭᱟᱜ ᱵᱮᱵᱚᱥᱛᱷᱟ ᱦᱚ ᱢᱮᱱᱟᱜᱼᱟ ᱾
ᱩᱰᱟᱹᱱ ᱥᱟᱜᱟᱲᱚᱢ ᱥᱟᱯᱲᱟᱣ
ᱜᱩᱣᱟᱦᱟᱴᱤ ᱵᱚᱨᱡᱷᱽᱨ ᱨᱮ ᱢᱮᱱᱟᱜᱼᱟ ᱜᱚᱯᱤᱱᱟᱛᱷ ᱵᱚᱨᱫᱚᱞᱚᱭ ᱤᱱᱴᱟᱨᱱᱮᱥᱚᱱᱟᱞ ᱮᱭᱟᱨ ᱯᱚᱨᱴ ᱾ ᱱᱚᱣᱟ ᱮᱭᱟᱨ ᱯᱚᱨᱴ ᱫᱚ ᱜᱩᱣᱟᱦᱟᱴᱤ ᱱᱟᱝᱜᱽᱨᱟᱷᱟ ᱠᱷᱚᱱ ᱵᱟᱨ ᱜᱮᱞ ᱠᱤᱞᱚ ᱢᱤᱴᱟᱨ ᱥᱟᱝᱜᱤᱧ ᱨᱮ ᱢᱮᱱᱟᱜᱼᱟ ᱾ ᱫᱤᱥᱚᱢ ᱨᱮᱱᱟᱜ ᱰᱚᱢᱮᱥᱴᱤᱠ ᱩᱰᱟᱹᱱ ᱡᱮᱞᱮᱠᱟ ᱵᱷᱤᱥᱴᱟᱨᱟ, ᱥᱯᱟᱭᱥ ᱡᱮᱴ, ᱤᱱᱰᱤᱜᱚ, ᱜᱚ ᱮᱭᱟᱨ, ᱡᱮᱴ ᱮᱭᱟᱨ, ᱮᱭᱟᱨ ᱮᱥᱤᱭᱟ, ᱮᱭᱟᱨ ᱤᱱᱰᱤᱭᱟ, ᱮᱢᱟᱱ ᱩᱰᱟᱹᱱ ᱜᱟᱰᱤ ᱛᱮ ᱥᱟᱝᱜᱷᱟᱨ ᱨᱮᱱᱟᱜ ᱵᱮᱵᱚᱥᱛᱷᱟ ᱢᱮᱱᱟᱜᱼᱟ ᱾ ᱤᱱᱴᱟᱨᱱᱮᱥᱚᱱᱟᱞ ᱩᱰᱟᱹᱱ ᱫᱚ ᱮᱢᱦᱟ ᱨᱮ ᱵᱟᱨ ᱫᱷᱟᱣ ᱜᱮ ᱜᱩᱣᱟᱦᱟᱴᱤ ᱠᱷᱚᱱ ᱵᱮᱝᱠᱚᱠ ᱟᱨ ᱛᱷᱤᱢᱯᱩ ᱦᱟᱹᱵᱤᱡ ᱪᱟᱞᱟᱜᱼᱟ ᱾
ᱨᱮᱞ ᱥᱟᱜᱟᱲᱚᱢ ᱥᱟᱯᱲᱟᱣ
ᱩᱛᱛᱟᱹᱨ ᱯᱩᱨᱩᱵᱽ ᱥᱤᱢᱟᱹᱱᱟ ᱨᱮᱞᱣᱮ ᱨᱮᱭᱟᱜ ᱦᱮᱰ ᱚᱯᱷᱤᱥ ᱫᱚ ᱜᱩᱣᱟᱦᱟᱴᱤ ᱨᱮᱭᱟᱜ ᱢᱟᱞᱤ ᱜᱟᱶ ᱨᱮ ᱢᱮᱱᱟᱜᱼᱟ ᱾ ᱜᱩᱣᱟᱦᱟᱴᱤ ᱵᱟᱨᱭᱟ ᱢᱟᱨᱟᱝ ᱨᱮᱞ ᱥᱴᱮᱥᱚᱱ ᱢᱮᱱᱟᱜᱼᱟ ᱢᱤᱫᱴᱮᱱ ᱫᱚ ᱜᱩᱣᱟᱦᱟᱴᱤ ᱨᱮᱞ ᱥᱴᱮᱥᱚᱱ ᱟᱨ ᱢᱤᱫᱴᱮᱱ ᱫᱚ ᱠᱟᱢᱟᱠᱷᱟ ᱨᱮᱞ ᱥᱴᱮᱥᱚᱱ ᱛᱟᱦᱟ ᱟᱥᱟᱢ ᱥᱟᱶ ᱵᱟᱦᱨᱮ ᱯᱚᱱᱚᱛ ᱨᱮᱭᱟᱜ ᱱᱟᱯᱟᱭ ᱥᱟᱜᱟᱲᱚᱢ ᱵᱮᱵᱚᱥᱛᱷᱟ ᱢᱮᱱᱟᱜᱼᱟ ᱾ ᱜᱩᱣᱟᱦᱟᱴᱤ ᱨᱮᱞ ᱥᱴᱮᱥᱚᱱ ᱫᱚ ᱩᱛᱛᱟᱹᱨ ᱯᱩᱨᱩᱵᱽ ᱵᱷᱟᱨᱚᱛ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱨᱮᱞ ᱥᱴᱮᱥᱚᱱ ᱠᱟᱱᱟ ᱾
ᱚᱛ ᱥᱟᱜᱟᱲᱚᱢ ᱥᱟᱯᱲᱟᱣ
᱓᱑ ᱮᱞ ᱟᱱ ᱡᱟᱹᱛᱨᱤᱭᱟᱹ ᱰᱟᱦᱟᱨ ᱛᱮ ᱜᱩᱣᱟᱦᱟᱴᱤ ᱛᱟᱦᱟ ᱟᱥᱟᱢ ᱛᱩᱞᱩᱡ ᱵᱤᱦᱟᱨ, ᱡᱷᱟᱨᱠᱷᱟᱱᱰ ᱟᱨ ᱵᱟᱥᱪᱷᱤᱢ ᱵᱮᱝᱜᱚᱞ ᱡᱚᱲᱟᱣ ᱢᱮᱱᱟᱜᱼᱟ ᱾ ᱱᱷᱚᱛᱮ ᱓᱗ ᱮᱞ ᱟᱱ ᱡᱟᱹᱛᱨᱤᱭᱟᱹ ᱰᱟᱦᱟᱨ ᱥᱟᱶ ᱜᱚᱣᱟᱞᱳᱟᱲᱟ ᱯᱚᱧᱪᱚ ᱨᱚᱛᱱᱚ ᱠᱷᱚᱱ ᱮᱦᱚᱵ ᱠᱟᱛᱮ ᱜᱩᱣᱟᱦᱟᱴᱤ ᱛᱟᱞᱟ ᱛᱮ ᱪᱮᱛᱟᱱ ᱟᱥᱟᱢ ᱛᱩᱞᱩᱡ ᱡᱚᱲᱟᱣ ᱢᱮᱱᱟᱜᱼᱟ ᱾ ᱜᱚᱲᱪᱩᱠ ᱨᱮ ᱢᱮᱱᱟᱜ ᱤᱱᱴᱟᱨᱥᱴᱮᱴ ᱵᱟᱥ ᱥᱴᱮᱱᱰ ᱠᱷᱚᱱ ᱩᱛᱛᱟᱹᱨ ᱯᱩᱨᱩᱵᱽ ᱨᱮᱭᱟᱜ ᱡᱩᱫᱟᱹ ᱡᱩᱫᱟᱹ ᱡᱟᱭᱜᱟ ᱫᱟᱲᱟᱱ ᱨᱮᱱᱟᱜ ᱵᱮᱵᱚᱥᱛᱷᱟ ᱢᱮᱱᱟᱜᱼᱟ ᱾ ᱜᱩᱣᱟᱦᱟᱴᱤ ᱨᱮᱭᱟᱜ ᱥᱤᱴᱤ ᱵᱟᱥ ᱵᱮᱵᱚᱥᱛᱷᱟ ᱟᱹᱰᱤ ᱥᱩᱵᱷᱤᱛᱟ ᱜᱮᱭᱟ ᱾
ᱫᱟᱜ ᱥᱟᱜᱟᱲᱚᱢ ᱥᱟᱯᱲᱟᱣ
ᱫᱤᱥᱚᱢ ᱦᱟᱯᱟᱴᱤᱧᱚᱜ ᱢᱟᱲᱟᱝ ᱨᱮ ᱵᱨᱚᱢᱚᱯᱩᱛᱨᱚ ᱜᱟᱰᱟ ᱛᱮ ᱜᱩᱣᱟᱦᱟᱴᱤ ᱠᱷᱚᱱ ᱠᱚᱞᱠᱟᱛᱟ ᱦᱟᱹᱵᱤᱡ ᱟᱭᱢᱟ ᱞᱮᱠᱟᱱᱟᱜ ᱡᱤᱱᱤᱥ ᱪᱟᱦ ᱥᱟᱠᱟᱢ, ᱪᱟ ᱠᱟᱹᱢᱭᱟᱹ ᱦᱚᱲ ᱠᱚ ᱠᱚᱞᱠᱟᱛᱟ ᱠᱷᱚᱱ ᱜᱩᱣᱟᱦᱟᱴᱤ ᱛᱮ ᱠᱚ ᱟᱹᱜᱩᱭᱮᱫ ᱠᱚ ᱛᱟᱦᱮᱱᱟ ᱾ ᱤᱱᱟᱹ ᱵᱮᱜᱚᱨ ᱦᱚ ᱵᱨᱚᱢᱚᱯᱩᱛᱨᱚ ᱜᱟᱰᱟ ᱨᱮ ᱟᱭ ᱜᱷᱟᱴ ᱠᱚ ᱛᱟᱦᱮ ᱠᱟᱱᱟ ᱟᱨ ᱩᱱ ᱚᱠᱛᱚ ᱚᱛ ᱥᱟᱜᱟᱲᱚᱢ ᱱᱟᱯᱟᱭ ᱵᱟᱝ ᱛᱟᱦᱮ ᱠᱟᱱ ᱨᱮ ᱫᱟᱜ ᱛᱮᱜᱮ ᱫᱷᱤᱨ ᱦᱚᱲ ᱠᱚ ᱦᱤᱡᱩᱜ ᱥᱮᱱᱚᱜ ᱠᱟᱱ ᱛᱟᱦᱮᱱᱟ ᱾ ᱢᱮᱱ ᱠᱷᱟᱱ ᱫᱤᱥᱚᱢ ᱦᱟᱯᱟᱴᱤᱧ ᱛᱟᱭᱚᱢ ᱫᱚ ᱚᱱᱟ ᱠᱚ ᱡᱚᱛᱚ ᱪᱟᱵᱟᱭᱮᱱᱟ ᱾ ᱠᱚᱞᱠᱟᱛᱟ ᱠᱷᱚᱱ ᱜᱩᱣᱟᱦᱟᱴᱤ ᱦᱤᱡᱩᱜ ᱡᱟᱦᱟᱡᱽ ᱦᱚ ᱵᱚᱱᱫᱚ ᱭᱮᱱᱟ ᱾
- ᱥᱨᱤᱢᱚᱱᱛᱚ ᱥᱚᱝᱠᱚᱨ ᱫᱮᱵᱽ ᱠᱚᱞᱟ ᱠᱷᱮᱛᱨᱚ
- ᱫᱤᱜᱷᱚᱞᱤ ᱯᱩᱠᱷᱩᱨᱤ
- ᱱᱚᱨᱛᱷᱵᱨᱩᱠ ᱜᱮᱴ
- ᱫᱤᱯᱚᱨ ᱵᱤᱞ
- ᱮᱠᱚ ᱞᱮᱱᱰ