ᱞᱟᱣᱚᱥ

ᱮᱥᱤᱭᱟ ᱨᱮᱱᱟᱜ ᱫᱤᱥᱚᱢ

ᱞᱟᱣᱚᱥ ᱫᱚ ᱫᱟᱹᱠᱷᱤᱱ-ᱯᱩᱨᱩᱵᱽ ᱥᱮ ᱠᱚᱧᱮ-ᱯᱩᱨᱩᱵᱽ ᱮᱥᱤᱭᱟ ᱨᱮᱱᱟᱜ ᱢᱤᱫᱴᱟᱹᱝ ᱯᱷᱩᱨᱜᱟᱹᱞ ᱫᱤᱥᱚᱢ ᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱥᱚᱨᱠᱟᱨᱤ ᱧᱤᱛᱩᱢ ᱫᱚ ᱜᱚᱱᱚᱛᱟᱱᱛᱨᱤᱠ ᱜᱚᱱᱚᱯᱨᱚᱡᱟᱛᱟᱱᱛᱨᱤᱠ ᱞᱟᱣᱚᱥ (Lao People's Democratic Republic)᱾ ᱱᱚᱶᱟ ᱫᱤᱥᱚᱢ ᱫᱚ ᱞᱟᱦᱟᱛᱮ ᱯᱷᱚᱨᱟᱥᱤ ᱤᱱᱫᱳᱪᱤᱱ ᱨᱮᱱᱟᱜ ᱥᱟᱥᱚᱱ ᱨᱮ ᱛᱟᱦᱮᱸ ᱠᱟᱱᱟ ᱾ ᱑᱙᱕᱓ ᱥᱮᱨᱢᱟ ᱨᱮ ᱱᱚᱶᱟ ᱫᱤᱥᱚᱢ ᱫᱚ ᱯᱷᱩᱨᱜᱟᱹᱞ ᱟᱠᱟᱱᱟ ᱾ ᱱᱚᱶᱟ ᱫᱤᱥᱚᱢ ᱑᱙᱖᱐ ᱥᱮᱨᱢᱟ ᱥᱮᱡ ᱵᱷᱤᱭᱮᱛᱱᱟᱢ ᱞᱟᱹᱲᱦᱟᱹᱭ ᱨᱮᱭ ᱥᱮᱞᱮᱫ ᱞᱮᱱᱟ ᱾ ᱑᱙᱗᱕ ᱥᱮᱨᱢᱟ ᱨᱮ ᱠᱚᱢᱤᱣᱱᱤᱡᱚᱢ ᱞᱟᱲᱟᱣᱱᱟ ᱛᱮ ᱨᱟᱡᱽ ᱟᱹᱨᱤ ᱠᱷᱚᱱ ᱩᱰᱩᱜ ᱠᱟᱛᱮ ᱜᱚᱱᱚᱛᱟᱱᱛᱨᱤᱠ ᱯᱨᱚᱡᱟᱛᱚᱱᱛᱨᱚ ᱞᱮᱠᱟᱛᱮ ᱛᱤᱝᱜᱩ ᱨᱩᱣᱟᱹᱲ ᱮᱱᱟ ᱾ ᱞᱟᱣᱚᱥ ᱫᱚ ᱵᱩᱨᱩ ᱟᱨ ᱚᱛ ᱛᱮ ᱮᱥᱮᱫ ᱫᱤᱥᱟᱹᱢ ᱠᱟᱱᱟ ᱾ ᱱᱚᱶᱟ ᱫᱤᱥᱚᱢ ᱨᱮᱱᱟᱜ ᱩᱛᱟᱹᱨ ᱱᱟᱠᱷᱟ ᱨᱮ ᱫᱚ ᱪᱤᱱ, ᱯᱩᱨᱩᱵᱽ ᱱᱟᱠᱷᱟ ᱨᱮ ᱫᱚ ᱵᱷᱤᱭᱮᱛᱱᱟᱢ, ᱠᱚᱧᱮ ᱱᱟᱠᱷᱟ ᱨᱮ ᱫᱚ ᱠᱚᱢᱵᱚᱰᱤᱭᱟ, ᱟᱨ ᱯᱟᱹᱪᱷᱤᱢ ᱟᱨ ᱩᱛᱟᱹᱨ-ᱯᱟᱹᱪᱷᱤᱢ ᱱᱟᱠᱷᱟ ᱨᱮ ᱫᱚ ᱛᱷᱟᱭᱞᱮᱱᱰ ᱟᱨ ᱢᱤᱭᱟᱱᱢᱟᱨ ᱢᱮᱱᱟᱜᱼᱟ ᱾ ᱞᱟᱣᱚᱥ ᱨᱮ ᱫᱚ ᱟᱭᱢᱟ ᱠᱷᱟᱫᱟᱱ ᱢᱮᱱᱟᱜᱼᱟ ᱾ ᱟᱭᱢᱟ ᱞᱮᱠᱟᱱ ᱡᱟᱹᱭ ᱢᱮᱱᱟᱜ ᱠᱚᱣᱟ ᱾ ᱞᱟᱣ ᱯᱟᱹᱨᱥᱤ ᱜᱤ ᱱᱚᱱᱰᱮᱱᱟᱜ ᱥᱚᱨᱠᱟᱨᱤ ᱯᱟᱹᱨᱥᱤ ᱫᱚ ᱾ ᱵᱷᱤᱭᱮᱱᱛᱤᱭᱮᱱ ᱥᱮ ᱵᱷᱤᱭᱟᱝ ᱪᱟᱱ ᱜᱤ ᱱᱚᱱᱰᱮᱱᱟᱜ ᱢᱟᱨᱟᱝ ᱥᱚᱦᱚᱨ ᱟᱨ ᱨᱟᱡᱽᱜᱟᱲ ᱠᱟᱱᱟ ᱾

ᱞᱟᱣᱚᱥ ᱨᱮᱱᱟᱜ ᱡᱷᱟᱹᱱᱰᱤ
ᱞᱟᱣᱚᱥ ᱨᱮᱱᱟᱜ ᱪᱤᱠᱷᱱᱟᱹ

ᱱᱟᱜᱟᱢ ᱥᱟᱯᱲᱟᱣ

ᱩᱛᱟᱹᱨ ᱞᱟᱣᱚᱥ ᱨᱮᱱᱟᱜ ᱟᱱᱱᱟᱢᱤᱛᱮ ᱵᱩᱨᱩᱢᱟᱞᱟ ᱨᱮᱱᱟᱜ ᱛᱟᱢᱤᱞ ᱯᱟᱝ ᱫᱟᱫᱽᱦᱮᱨ ᱨᱮ ᱥᱮᱫᱟᱭ ᱦᱚᱲᱟᱜ ᱵᱚᱦᱚᱜ ᱠᱷᱟᱯᱨᱟᱜ ᱧᱟᱢ ᱞᱮᱱᱟ ᱾ ᱱᱚᱶᱟ ᱫᱚ ᱔᱖,᱐᱐᱐ ᱥᱮᱨᱢᱟ ᱢᱟᱨᱮ ᱟᱜ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱜᱮ ᱫᱟᱹᱠᱷᱤᱱ-ᱯᱩᱨᱩᱵᱽ ᱮᱥᱤᱭᱟ ᱨᱮ ᱧᱟᱢ ᱟᱠᱟᱱ ᱢᱟᱨᱮ ᱢᱟᱹᱱᱢᱤ ᱡᱟᱝ ᱠᱟᱱᱟ ᱾ ᱯᱞᱟᱭᱤᱥᱴᱚᱥᱤᱱ ᱡᱩᱜᱽ ᱨᱮᱱᱟᱜ ᱟᱨ ᱦᱚᱸ ᱱᱚᱸᱠᱟᱱᱟᱜ ᱱᱚᱢᱩᱱᱟ ᱧᱟᱢ ᱟᱠᱟᱱᱟ ᱾ ᱱᱚᱶᱟ ᱠᱚ ᱧᱮᱞ ᱛᱮ ᱟᱢᱫᱟᱡᱚᱜ ᱠᱟᱱᱟ ᱡᱤᱥᱩ ᱡᱟᱱᱟᱢ ᱔᱐᱐ ᱥᱮᱨᱢᱟ ᱞᱟᱦᱟ ᱨᱮ ᱱᱚᱸᱰᱮ ᱠᱨᱤᱥᱤ ᱠᱟᱹᱢᱤ ᱥᱚᱢᱟᱡᱽ ᱛᱟᱦᱮᱸ ᱠᱟᱱᱟ ᱾ ᱢᱮᱲᱦᱮᱫ ᱟᱨ ᱵᱨᱚᱧᱡᱽ ᱨᱮᱱᱟᱜ ᱱᱚᱢᱩᱱᱟ ᱦᱚᱸ ᱧᱟᱢ ᱟᱠᱟᱱᱟ ᱾ ᱚᱠᱟ ᱠᱚ ᱫᱚ ᱡᱤᱥᱩ ᱡᱟᱱᱟᱢ ᱗᱐᱐ ᱥᱮᱨᱢᱟ ᱞᱟᱦᱟ ᱠᱷᱚᱱ ᱵᱮᱣᱦᱟᱨᱚᱜ ᱠᱟᱱᱟ ᱾ ᱪᱤᱱ ᱟᱨ ᱵᱷᱟᱨᱚᱛ ᱫᱤᱥᱚᱢ ᱥᱟᱶ ᱦᱚᱸ ᱥᱟᱹᱜᱟᱹᱭ ᱛᱟᱦᱮᱸ ᱠᱟᱱ ᱛᱟᱠᱚᱣᱟ ᱾ ᱱᱟᱦᱟᱜ ᱡᱩᱜᱽ ᱞᱮᱠᱟ ᱜᱮ ᱟᱭᱢᱟ ᱚᱧᱪᱚᱞ ᱵᱮᱱᱟᱣ ᱨᱟᱠᱟᱵᱽ ᱞᱮᱱᱟ ᱾

ᱞᱚᱱ ᱡᱟᱝ ᱥᱟᱯᱲᱟᱣ

ᱞᱟᱱ ᱡᱤᱭᱟᱝ ᱯᱚᱱᱚᱛ ᱫᱚ ᱑᱔ ᱥᱟᱭ ᱥᱮᱨᱢᱟ ᱥᱮᱡ ᱨᱮ ᱛᱤᱝᱜᱩ ᱨᱟᱠᱟᱵᱽ ᱞᱮᱱᱟ ᱾ ᱱᱤ ᱫᱚ ᱞᱟᱣ ᱯᱨᱤᱱᱥ ᱯᱷᱟ ᱱᱟᱜᱟᱢ ᱦᱚᱛᱮ ᱛᱮ ᱩᱱᱤ ᱫᱚ ᱛᱷᱮᱨᱵᱟᱫᱽ ᱵᱳᱫᱫᱷᱚ ᱨᱟᱥᱴᱚ ᱫᱷᱚᱨᱚᱢ ᱟᱨ ᱞᱟᱱ ᱡᱤᱭᱟᱝ ᱮ ᱵᱮᱱᱟᱣ ᱞᱮᱫᱼᱟ ᱾ ᱚᱱᱟ ᱒᱐ ᱥᱮᱨᱢᱟ ᱛᱟᱭᱚᱢ ᱜᱮ ᱯᱩᱨᱩᱵᱽ ᱥᱮᱡ ᱪᱟᱸᱯᱟ ᱟᱨ ᱵᱷᱤᱭᱮᱛᱱᱟᱢ ᱨᱮᱱᱟᱜ ᱟᱱᱱᱟᱢᱤᱛᱮ ᱰᱩᱝᱨᱤ ᱥᱮᱡ ᱯᱟᱥᱱᱟᱣ ᱮᱱᱟ ᱾ ᱩᱱᱤ ᱨᱮᱱ ᱢᱚᱱᱛᱨᱤ ᱠᱚ ᱫᱚ ᱩᱱᱤᱭᱟᱜ ᱠᱚᱪᱞᱚᱱ ᱵᱟᱠᱚ ᱥᱟᱦᱟᱣ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱱᱟ ᱾ ᱚᱱᱟᱛᱮ ᱑᱓᱗᱓ ᱥᱮᱨᱢᱟ ᱱᱮᱵᱷᱮᱨ ᱨᱮ ᱱᱟᱦᱟᱜ ᱛᱷᱟᱭ ᱯᱨᱚᱫᱮᱥ ᱨᱮ ᱠᱚ ᱠᱩᱞ ᱠᱟᱫᱮᱭᱟ ᱾ ᱚᱸᱰᱮ ᱜᱤ ᱩᱱᱤ ᱫᱚᱭ ᱜᱚᱡ ᱮᱱᱟ ᱾ ᱚᱱᱟ ᱛᱟᱭᱚᱢ ᱱᱟᱜᱟᱢ ᱨᱮᱱ ᱜᱤᱫᱽᱨᱟᱹ ᱳᱱ ᱦᱤᱣᱩᱱ ᱥᱟᱢᱥᱟᱱᱛᱷᱟᱭ ᱧᱩᱛᱩᱢ ᱛᱮ ᱥᱤᱝᱦᱟᱥᱚᱱ ᱨᱮᱭ ᱦᱮᱡ ᱞᱮᱱᱟ ᱟᱨ ᱔᱓ ᱥᱮᱨᱢᱟᱭ ᱥᱟᱥᱚᱱ ᱞᱮᱫᱼᱟ ᱾ ᱩᱱᱤ ᱨᱟᱡᱽ ᱚᱠᱛᱮ ᱞᱟᱱ ᱡᱤᱭᱟᱝ ᱵᱮᱯᱟᱨᱤ ᱥᱮᱡ ᱞᱮᱠᱟᱛᱮ ᱟᱹᱰᱤ ᱞᱟᱦᱟ ᱞᱮᱱᱟ ᱾ ᱑᱔᱒᱑ ᱥᱮᱨᱢᱟ ᱨᱮ ᱩᱱᱤᱭᱟᱜ ᱜᱚᱡ ᱛᱟᱭᱚᱢ ᱞᱟ ᱡᱤᱭᱟᱝ ᱫᱚ ᱑᱐᱐ ᱥᱮᱨᱢᱟ ᱫᱷᱟᱹᱵᱤᱡ ᱞᱟᱹᱲᱦᱟᱹᱭ ᱦᱟᱥᱟ ᱨᱮ ᱵᱚᱫᱚᱞ ᱮᱱᱟ ᱾

᱑᱕᱒᱐ ᱥᱮᱨᱢᱟ ᱨᱮ ᱯᱷᱚᱴᱤᱥᱟᱨᱚᱛᱷ ᱥᱤᱝᱦᱟᱥᱚᱱ ᱨᱮᱭ ᱦᱮᱡ ᱮᱱᱟ ᱟᱨ [ᱵᱟᱨᱢᱟ] ᱠᱚᱣᱟᱜ ᱟᱠᱨᱚᱢᱚᱱ ᱠᱷᱚᱱ ᱵᱟᱧᱪᱟᱣ ᱞᱟᱹᱜᱤᱫ ᱛᱮ ᱨᱟᱡᱽᱫᱷᱟᱹᱱᱤ ᱞᱩᱝ ᱯᱨᱚᱵᱚᱝ ᱠᱷᱚᱱ ᱵᱷᱤᱭᱮᱱᱛᱤᱭᱟᱱᱚᱠ ᱨᱮᱭ ᱩᱪᱟᱹᱲ ᱠᱮᱫᱼᱟ ᱾ ᱩᱱᱤ ᱟᱡ ᱵᱟᱵᱟᱭ ᱜᱚᱡ ᱮᱱ ᱠᱷᱟᱱ ᱑᱕᱔᱘ ᱥᱮᱨᱢᱟ ᱨᱮ ᱥᱮᱴᱛᱷᱤᱨ ᱮ ᱨᱟᱡᱟ ᱮᱱᱟ ᱟᱨ ᱞᱟᱣᱚᱥ ᱨᱮᱱᱟᱜ ᱪᱤᱠᱷᱱᱟᱹ ᱦᱩᱭᱮᱱᱟ ᱥᱮᱤ ᱞᱚᱭᱟᱝ ᱾ ᱥᱟᱝᱜᱷᱟᱛᱤᱠᱟᱭ ᱞᱟᱹᱲᱦᱟᱹᱭ ᱠᱷᱚᱱ ᱨᱩᱣᱟᱹᱲ ᱦᱮᱡ ᱠᱟᱛᱮᱫ ᱵᱩᱨᱩ ᱨᱮ ᱟᱫ ᱮᱱᱟ ᱟᱨ ᱞᱟᱱ ᱡᱤᱭᱟᱝ ᱦᱚᱸ ᱠᱟᱹᱴᱤᱡᱚᱜ ᱮᱦᱚᱵ ᱮᱱᱟ ᱾

ᱯᱨᱚᱥᱟᱥᱚᱱᱤᱠ ᱚᱧᱪᱚᱞ ᱠᱚ ᱥᱟᱯᱲᱟᱣ

ᱚᱛᱱᱚᱜ ᱥᱟᱯᱲᱟᱣ

ᱠᱟᱹᱣᱰᱤ ᱟᱹᱨᱤ ᱥᱟᱯᱲᱟᱣ

ᱢᱟᱱᱣᱟ ᱮᱞ ᱥᱟᱯᱲᱟᱣ

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ