ᱞᱤᱢᱵᱩ
ᱞᱤᱢᱵᱩ ᱫᱚ ᱦᱩᱭᱩᱜ ᱠᱟᱱᱟ ᱢᱤᱫᱦᱩᱰᱤᱧ ᱫᱟᱨᱮ ᱡᱟᱦᱟᱸ ᱨᱮᱱᱟᱜ ᱥᱟᱠᱟᱢ ᱫᱚ ᱦᱟᱹᱨᱭᱟᱹᱲ ᱜᱮ ᱛᱟᱦᱮᱸᱱᱟ ᱨᱟᱵᱟᱝ ᱨᱤᱛᱩ ᱨᱮᱱᱟᱜ ᱢᱩᱪᱟᱹᱫ ᱥᱮᱫ ᱨᱮᱦᱚᱸ ᱾ ᱱᱚᱣᱟ ᱫᱚ ᱮᱥᱤᱭᱟ ᱠᱷᱚᱱ ᱦᱮᱡ ᱟᱠᱟᱱᱟ ᱟᱨ ᱡᱚ ᱫᱚ ᱥᱤᱢᱵᱤᱞᱤ ᱞᱮᱠᱟ ᱜᱩᱞᱟᱹᱭ ᱜᱮᱭᱟ ᱟᱨ ᱵᱮᱨᱮᱞ ᱛᱮ ᱫᱚ ᱦᱟᱹᱨᱭᱟᱹᱲ ᱟᱨ ᱵᱤᱞᱤ ᱠᱟᱛᱮ ᱥᱟᱥᱟᱝ ᱜᱮ ᱧᱮᱞᱚᱜᱼᱟ ᱾ ᱱᱚᱣᱟ ᱤᱥᱤᱱ ᱵᱟᱥᱟᱝ ᱨᱮ ᱞᱟᱜᱟᱛᱚᱜᱼᱟ ᱟᱨ ᱫᱷᱟᱹᱨᱛᱤ ᱨᱮ ᱵᱟᱹᱲᱛᱤ ᱫᱚ ᱡᱩᱥ ᱵᱮᱱᱟᱣ ᱨᱮ ᱠᱚ ᱞᱟᱜᱟᱣᱮᱜᱼᱟ ᱾ ᱞᱤᱢᱵᱩ ᱨᱮᱱᱟᱜ ᱥᱟᱬᱮᱥᱤᱭᱟᱹ ᱧᱩᱛᱩᱢ ᱫᱚ ᱥᱟᱭᱴᱨᱚᱥ ᱞᱤᱢᱚᱱ (Citrus limon) ᱾ ᱞᱤᱢᱵᱩ ᱫᱚ ᱦᱩᱭᱩᱜ ᱠᱟᱱᱟ ᱥᱟᱥᱟᱝ ᱥᱟᱭᱴᱨᱚᱥ ᱡᱚ ᱾ ᱱᱚᱣᱟ ᱫᱚ ᱥᱚᱱᱛᱚᱨᱟ ᱥᱟᱞᱟᱜ ᱢᱤᱫ ᱫᱷᱟᱨᱟ ᱜᱮᱭᱟ ᱾ ᱞᱤᱢᱵᱩ ᱡᱩᱥ ᱨᱮ ᱕% ᱥᱟᱭᱴᱨᱤᱠ ᱮᱥᱤᱰ ᱛᱟᱦᱮᱸᱱ ᱠᱟᱱᱟ ᱟᱨ pH ᱒ ᱠᱷᱚᱱ ᱓ ᱜᱟᱱ ᱛᱟᱦᱮᱸᱱ ᱠᱟᱱᱟ ᱾ ᱞᱤᱵᱩ ᱫᱟᱨᱮ ᱨᱮᱱᱟᱜ ᱩᱥᱩᱞ ᱨᱮ ᱵᱷᱮᱯᱮᱫ ᱛᱟᱦᱮᱸᱱ ᱜᱮᱭᱟ, ᱢᱮᱱᱠᱷᱟᱱ ᱵᱟᱹᱲᱛᱤ ᱠᱟᱛᱮ ᱦᱩᱰᱤᱧ ᱜᱮ ᱛᱟᱦᱮᱸᱱᱟ ᱾ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱩᱥᱯᱞ ᱫᱚ ᱖ ᱢᱤᱴᱚᱨ ᱜᱟᱱ ᱦᱩᱭᱩᱜᱼᱟ ᱾
ᱱᱟᱜᱟᱢ ᱥᱟᱯᱲᱟᱣ
ᱦᱚᱲ ᱫᱚ ᱴᱷᱟᱹᱣᱠᱟᱹ ᱵᱟᱠᱚ ᱵᱟᱰᱟᱭ ᱪᱤ ᱱᱚᱣᱟ ᱫᱚ ᱚᱠᱟ ᱠᱷᱚᱱ ᱦᱮᱡ ᱟᱠᱟᱱᱟ ᱾ ᱢᱮᱱᱠᱷᱟᱱ ᱟᱭᱢᱟ ᱠᱚ ᱵᱷᱟᱹᱵᱤᱭᱟ ᱞᱤᱢᱵᱩ ᱫᱚ ᱮᱛᱚᱦᱚᱵ ᱥᱤᱧᱚᱛ, ᱮᱛᱚᱢ ᱵᱩᱨᱢᱟ ᱟᱨ ᱪᱟᱭᱱᱟ ᱨᱮ ᱦᱟᱨᱟ ᱞᱮᱱ ᱛᱟᱦᱮᱸᱫ ᱾ [᱑][᱒] ᱡᱮᱱᱚᱢᱤᱠ ᱥᱴᱚᱰᱤ ᱠᱷᱚᱱ ᱵᱟᱰᱟᱭ ᱟᱠᱟᱱᱟ ᱪᱤ ᱞᱤᱢᱵᱩ ᱫᱚ ᱥᱚᱱᱛᱚᱨᱟ (orange) ᱟᱨ ᱥᱤᱭᱴᱨᱚᱱ (citron) ᱨᱮᱱᱟᱜ ᱦᱟᱭᱵᱨᱤᱰ ᱠᱟᱱᱟ ᱾ [᱓][᱔]
ᱜᱩᱱ ᱥᱟᱯᱲᱟᱣ
ᱞᱤᱢᱵᱩ ᱨᱮ ᱫᱚ ᱵᱷᱤᱴᱟᱢᱤᱱ ᱮ, ᱵᱤ, ᱟᱨ ᱥᱤ ᱯᱮᱨᱮᱡ ᱟᱠᱟᱱᱟ ᱾ ᱵᱷᱤᱴᱟᱢᱤᱱ ᱮ ᱢᱤᱫ ᱵᱷᱟᱜᱽ ᱢᱮᱱᱟᱜ ᱠᱷᱟᱱ ᱵᱷᱤᱴᱟᱢᱤᱱ ᱵᱤ ᱵᱟᱨ ᱵᱷᱟᱜᱽ ᱟᱨ ᱵᱷᱤᱴᱢᱤᱱ ᱥᱤ ᱯᱮ ᱵᱷᱟᱜᱽ ᱛᱟᱦᱮᱸᱱᱟ ᱾ ᱱᱚᱣᱟ ᱨᱮ ᱯᱚᱴᱟᱥᱤᱭᱚᱢ, ᱢᱮᱬᱦᱮᱫ, ᱥᱚᱰᱤᱭᱚᱢ, ᱢᱟᱜᱽᱱᱮᱥᱤᱭᱚᱢ, ᱛᱟᱢᱵᱟ, ᱯᱷᱚᱥᱯᱷᱚᱨᱚᱥ ᱟᱨ ᱠᱞᱚᱨᱤᱱ ᱮᱢᱟᱱᱟᱜ ᱠᱚ ᱢᱮᱱᱟᱜᱼᱟ ᱾ [᱕] ᱵᱷᱤᱴᱟᱸᱤᱱ ᱥᱤ ᱛᱮ ᱟᱡᱟᱨ ᱫᱟᱨᱟᱢ ᱨᱮᱱᱟᱜ ᱫᱟᱲᱮᱭ ᱰᱮᱦᱮᱨᱟ, ᱚᱱᱟ ᱥᱟᱶᱛᱮ ᱟᱱᱴᱤ-ᱚᱠᱥᱤᱰᱟᱸᱴ ᱞᱮᱠᱟᱭ ᱠᱟᱹᱢᱤᱭᱟ ᱟᱨ ᱠᱚᱞᱮᱥᱴᱨᱚᱞ ᱦᱚᱸᱭ ᱠᱚᱢ ᱚᱪᱚᱭᱟ ᱾
ᱪᱟᱥ ᱥᱟᱯᱲᱟᱣ
ᱟᱨᱡᱟᱣ ᱥᱟᱯᱲᱟᱣ
ᱡᱮᱜᱮᱛ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱞᱤᱢᱵᱩ ᱟᱨᱡᱟᱣ ᱥᱤᱧᱚᱛ ᱨᱮ ᱦᱩᱭᱩᱜ ᱠᱟᱱᱟ ᱾ ᱱᱚᱣᱟ ᱫᱚ ᱡᱮᱜᱮᱛ ᱨᱮᱱᱟᱜ ᱞᱤᱢᱵᱩ ᱟᱨᱡᱟᱣ ᱠᱷᱚᱱ ᱒᱓ ᱥᱟᱭᱠᱚᱨᱟ ᱫᱚ ᱥᱤᱧᱚᱛ ᱨᱮ ᱠᱚ ᱟᱨᱡᱟᱣᱟ ᱾ ᱢᱮᱠᱥᱤᱠᱚ, ᱟᱨᱡᱮᱱᱴᱤᱱᱟ, ᱵᱨᱟᱡᱤᱞ ᱟᱨ ᱥᱯᱮᱱ ᱮᱢᱟᱱ ᱠᱚ ᱦᱚᱸ ᱢᱩᱬᱩᱛ ᱟᱨᱡᱟᱣ ᱫᱤᱥᱚᱢ ᱠᱟᱱᱟ ᱾
-
Flower -
Lemon seedling -
Mature lemons -
Full-sized tree -
Variegated pink lemon
ᱵᱟᱨᱦᱮ ᱡᱚᱱᱚᱲ ᱥᱟᱯᱲᱟᱣ
- (Purdue University) Morton, Julia F.1987. "Lemon". pp. 160–168, in Fruits of warm climates. (Julia F. Morton, Miami)
- PlantFiles: Citrus x meyeri 'Meyer'
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ Wright, A. Clifford. History of Lemonade, CliffordAWright.com
- ↑ The origins Archived ᱒᱐᱑᱑-᱑᱐-᱑᱙ at the Wayback Machine., limmi.it.
- ↑ cite journal|author1=Gulsen, O.|author2=M. L. Roose|year=2001|title=Lemons: Diversity and Relationships with Selected Citrus Genotypes as Measured with Nuclear Genome Markers|journal=Journal of the American Society of Horticultural Science|volume=126|pages=309–317
- ↑ Genetic origin of cultivated citrus determined: Researchers find evidence of origins of orange, lime, lemon, grapefruit, other citrus species", Science Daily, January 26, 2011 (Retrieved February 10, 2017).
- ↑ cite web |url= http://pustak.org/bs/home.php?bookid=3483%7Ctitle=ᱵᱩᱜᱤ[permanent dead link] ᱜᱩᱱ ᱟᱱ ᱞᱤᱢᱵᱩ |accessmonthday=᱔ ᱢᱮ|accessyear=᱒᱐᱐᱑|format=ᱯᱤᱮᱪᱯᱤ|publisher=ᱥᱤᱧᱚᱛᱤᱟᱹ ᱥᱟᱶᱦᱮᱫ ᱥᱟᱢᱴᱟᱣ|language=