ᱞᱤᱭᱚᱱᱦᱟᱨᱰ ᱤᱣᱞᱟᱨ

ᱞᱤᱭᱚᱱᱦᱟᱨᱰ ᱤᱣᱞᱟᱨ ᱫᱚ ᱢᱤᱫ ᱥᱣᱤᱥ ᱮᱞᱠᱷᱟ ᱯᱟᱹᱨᱣᱠᱷᱤᱭᱟᱹ, ᱡᱟᱜ ᱥᱟᱬᱮᱥᱤᱭᱟᱹ, ᱡᱟᱜ ᱥᱮᱨᱢᱟ ᱥᱟᱬᱮᱥᱱᱭᱟᱹ, ᱞᱚᱡᱤᱥᱤᱭᱟᱱ ᱟᱨ ᱤᱧᱡᱤᱱᱤᱭᱟᱹᱨ ᱛᱟᱦᱮᱸ ᱠᱟᱱᱟᱭ ᱾ ᱡᱟᱦᱟᱸᱭ ᱫᱚ ᱫᱚᱲᱦᱚᱣᱟᱱ ᱟᱨ ᱞᱟᱹᱠᱛᱤᱭᱟᱱ ᱛᱚᱞᱟᱥ ᱠᱚᱭ ᱧᱟᱢ ᱞᱮᱜᱼᱟ ᱮᱞᱠᱷᱟ ᱨᱮᱱᱟᱜ ᱟᱭᱢᱟ ᱰᱟᱹᱨ ᱤᱫᱤᱠᱟᱛᱮ ᱾ ᱤᱣᱞᱟᱨ ᱫᱚ ᱑᱘ ᱟᱱᱟᱜ ᱡᱩᱜᱽ ᱨᱤᱱᱤᱡ ᱢᱤᱫ ᱧᱩᱛᱩᱢᱟᱱ ᱮᱞᱠᱷᱟ ᱯᱟᱹᱨᱩᱠᱷᱤᱭᱟᱹᱭ ᱛᱟᱦᱮᱸᱠᱟᱱᱟ ᱾ ᱮᱞᱠᱷᱟ ᱵᱮᱜᱚᱨ ᱡᱟᱜ ᱥᱟᱬᱮᱥ ᱯᱮᱦᱚᱸ ᱟᱡᱟᱜ ᱮᱱᱮᱢ ᱫᱚ ᱛᱟᱦᱮᱸ ᱠᱟᱱᱟ ᱾ ᱡᱟᱜ ᱥᱟᱬᱮᱥ ᱮᱱᱮᱢ ᱢᱩᱸᱫᱽ ᱠᱚᱨᱮ ᱢᱮᱠᱟᱞᱤᱠᱥ, ᱚᱯᱴᱤᱠᱥ, ᱯᱷᱞᱩᱭᱩᱰ ᱰᱟᱭᱱᱟᱢᱤᱠᱥ, ᱟᱥᱴᱨᱚᱱᱚᱢᱤ ᱟᱨ ᱢᱭᱩᱡᱤᱠ ᱛᱷᱤᱭᱚᱨᱤ ᱮᱢᱟᱱ ᱠᱚ ᱾ ᱟᱡᱟᱜ ᱥᱟᱢᱴᱟᱣ ᱠᱟᱹᱢᱤ ᱠᱚ ᱫᱚ ᱖᱐ ᱠᱷᱚᱱ ᱘᱐ ᱠᱩᱣᱟᱴᱚ ᱨᱟᱫᱟ ᱞᱮᱠᱟ ᱠᱚᱭ ᱯᱮᱨᱮᱡ ᱟᱠᱟᱫᱟ ᱾ ᱵᱟᱹᱲᱛᱤ ᱡᱩᱱᱟᱹᱱ ᱡᱤᱭᱚᱱ ᱫᱚ ᱥᱮᱸᱴ ᱯᱤᱴᱟᱨᱵᱚᱨᱜᱽ, ᱨᱩᱥᱤᱭᱟ ᱟᱨ ᱵᱚᱨᱞᱤᱱ ᱨᱮᱭ ᱠᱷᱮᱢᱟᱣ ᱞᱮᱜᱼᱟ, ᱚᱱᱟ ᱛᱟᱭᱚᱢ ᱯᱨᱩᱥᱤᱭᱟ ᱨᱮᱱᱟᱜ ᱨᱟᱡᱽᱜᱟᱲ ᱨᱮ ᱾

ᱧᱩᱛᱩᱢ ᱞᱤᱭᱚᱱᱦᱟᱨᱰ ᱤᱣᱞᱟᱨ
ᱡᱤᱭᱚᱱ
ᱡᱟᱱᱟᱢ ᱢᱟᱺᱦᱤᱛ ᱑᱕ ᱮᱯᱨᱤᱞ ᱑᱗᱐᱗
ᱜᱩᱨ ᱢᱟᱺᱦᱤᱛ ᱑᱘ ᱥᱮᱯᱴᱮᱢᱵᱚᱨ ᱑᱗᱘᱓
ᱢᱤᱥᱨᱟ ᱟᱱᱱᱟ ᱢᱮᱨᱤᱭᱟ
  • ᱢᱟᱨᱤᱭᱟ ᱢᱟᱜᱽᱰᱟᱞᱮᱱᱟ
ᱵᱚᱠᱚᱛ ᱡᱚᱦᱟᱨ ᱦᱮᱱᱨᱤᱪ
ᱥᱩᱦᱤ

ᱡᱤᱭᱚᱱ ᱥᱟᱯᱲᱟᱣ

 
Euler on the Old Swiss 10 Franc banknote

ᱞᱤᱭᱚᱱᱦᱟᱨᱰ ᱤᱣᱞᱟᱨ ᱫᱚ ᱑᱕ ᱮᱯᱨᱤᱞ ᱑᱙᱐'᱗ ᱥᱟᱞᱮ ᱨᱮ ᱡᱟᱱᱟᱢ ᱞᱮᱱᱟ ᱵᱟᱥᱮᱞ ᱧᱩᱛᱩᱢᱟᱱ ᱢᱤᱫ ᱡᱟᱭᱜᱟ ᱨᱮ ᱾ ᱟᱡ ᱨᱤᱱ ᱵᱟᱨᱭᱟ ᱢᱤᱥᱨᱟ ᱠᱤᱱ ᱛᱟᱦᱮᱸᱠᱟᱱᱟ : ᱟᱱᱱᱟ ᱢᱟᱨᱤᱭᱟ ᱟᱨ ᱢᱟᱨᱤᱭᱟ ᱢᱟᱜᱽᱰᱟᱞᱮᱱᱟ ᱟᱨ ᱢᱤᱫ ᱵᱚᱠᱚᱛ ᱠᱚᱲᱟ ᱡᱚᱦᱟᱱ ᱦᱮᱱᱨᱤᱪ ᱾ ᱑᱗᱒᱐ ᱥᱟᱞᱮ ᱨᱮ ᱩᱱ ᱫᱚ ᱑᱓ ᱥᱟᱞᱮ ᱵᱚᱭᱚᱥ ᱛᱟᱭ ᱦᱩᱭ ᱞᱮᱱ ᱛᱟᱦᱮᱸᱱ, ᱩᱱ ᱡᱚᱨᱷᱟᱜ ᱵᱟᱥᱮᱞ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭ ᱤᱛᱩᱱᱮ ᱵᱚᱞᱚ ᱞᱮᱱ ᱛᱟᱦᱮᱸᱫ ᱾ ᱑᱗᱒᱓ ᱥᱟᱞᱮ ᱨᱮ ᱥᱟᱱᱟᱥᱤ (philosophy) ᱨᱮ ᱢᱟᱥᱴᱟᱨᱮ ᱟᱛᱟᱝ ᱞᱮᱫ ᱛᱟᱦᱮᱸᱫ ᱾ ᱤᱣᱞᱟᱨ ᱫᱚ ᱑᱗ ᱢᱮ ᱑᱗᱒᱗ ᱥᱟᱞᱮᱨᱮ ᱥᱮᱱ ᱮᱱᱟᱭ ᱥᱮᱸᱴ ᱯᱤᱴᱟᱨᱵᱚᱨᱜᱽ ᱾ ᱚᱸᱰᱮ ᱢᱮᱰᱤᱠᱟᱞ ᱰᱤᱯᱟᱨᱢᱮᱸᱴ ᱨᱮ ᱜᱚᱲᱚᱭ ᱮᱢ ᱠᱮᱜᱼᱟ ᱾ ᱚᱸᱰᱮ ᱨᱩᱥᱤᱭᱟᱱ ᱯᱟᱹᱨᱥᱤ ᱨᱮ ᱢᱟᱥᱴᱟᱨ ᱮᱱᱟᱭ ᱟᱨ ᱚᱸᱰᱮ ᱵᱟᱥᱟ ᱛᱟᱦᱮᱸᱭᱮᱱᱟᱭ ᱾ ᱚᱱᱟ ᱥᱟᱶᱛᱮ ᱨᱩᱥᱤᱭᱟᱱ ᱱᱮᱵᱷᱤ ᱨᱮ ᱢᱮᱰᱤᱠ ᱞᱮᱠᱟᱛᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱾

ᱵᱟᱨᱦᱮ ᱡᱚᱱᱚᱲ ᱥᱟᱯᱲᱟᱣ

ᱥᱟ.ᱠᱷᱭᱟ.ᱛ ᱥᱟᱯᱲᱟᱣ