ᱟᱞᱵᱨᱮᱪᱴ‌ ᱰᱩᱨᱮᱨ

ᱟᱞᱵᱨᱮᱪᱴ‌ ᱰᱩᱨᱮᱨ ᱼ ᱡᱚᱨᱢᱟᱱ(᱒᱑ ᱢᱮ ᱑᱔᱗᱑ᱼ ᱖ ᱮᱯᱨᱤᱞ ᱑᱕᱒᱘)- ᱫᱚ ᱢᱤᱫ ᱨᱚᱸᱜ ᱮᱢᱤᱡ,ᱪᱷᱟᱯᱟᱠᱟᱨ,ᱡᱚᱨᱢᱟᱱ ᱨᱤᱱᱟᱥᱟᱸ ᱨᱤᱱᱤᱡ ᱵᱩᱱᱤᱭᱟᱹᱫᱤᱭᱟᱹ ᱠᱤᱱ ᱛᱟᱦᱮᱸ ᱠᱟᱱᱟ | ᱟᱡ ᱫᱚ ᱱᱭᱩᱨᱮᱢᱵᱚᱨᱜ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱡᱚᱜᱷᱚᱱ ᱟᱡ ᱒᱐ ᱥᱟᱞ ᱩᱢᱮᱨ ᱮ ᱛᱟᱦᱮᱸ ᱠᱟᱱᱟ ᱠᱟᱴ ᱜᱮᱫ ᱠᱟᱛᱮᱫ ᱪᱤᱛᱟᱹᱨ ᱵᱮᱱᱟᱣ ᱞᱟᱹᱜᱤᱫ ᱯᱩᱨᱟᱹ ᱩᱭᱨᱳᱯ ᱨᱮ ᱟᱡᱟᱜ ᱧᱩᱛᱩᱢ ᱟᱨ ᱚᱨᱥᱚᱝ ᱛᱟᱦᱮᱸ ᱠᱟᱱᱟ | ᱚᱱᱟ ᱚᱠᱛᱚ ᱨᱤᱱ ᱨᱟᱯᱷᱮᱞ,ᱡᱤᱳᱵᱷᱟᱱᱤ ᱵᱮᱞᱤᱱᱤ, ᱞᱤᱭᱳᱱᱟᱨᱰᱳ ᱫᱟ ᱵᱷᱤᱱᱥᱤ ᱞᱮᱠᱟᱱ ᱟᱹᱰᱤᱜᱟᱱ ᱧᱚᱛᱩᱢᱟᱱ ᱟᱨᱴᱤᱥᱴ ᱠᱚ ᱥᱟᱞᱟᱜ ᱟᱡᱟᱜ ᱥᱟᱹᱜᱟᱹᱭ ᱛᱟᱦᱮᱸ ᱠᱟᱱᱟ ᱾ ᱑᱕᱑᱒ ᱥᱟᱞ ᱨᱮ ᱟᱞᱵᱨᱮᱪᱴ ᱢᱟᱠᱥᱢᱤᱞᱞᱟᱱ ᱼ᱑ ᱟᱜ ᱥᱟᱥᱚᱱ ᱨᱮ ᱨᱟᱡᱽ ᱥᱚᱦᱮᱫ ᱮ ᱧᱟᱢ ᱠᱮᱫᱼᱟ ᱾ ᱰᱩᱨᱮᱨ ᱫᱚ ᱵᱟᱱᱟᱨ ᱞᱩᱛᱷᱮᱨᱟᱱ ᱟᱨ ᱮᱯᱤᱥᱠᱳᱯᱟᱞ ᱪᱚᱨᱪ ᱠᱷᱚᱱ ᱥᱟᱨᱦᱟᱣ ᱮ ᱧᱟᱢ ᱞᱮᱫᱼᱟ ᱾ ᱰᱩᱨᱮᱨᱼᱟᱜ ᱡᱟᱥᱛᱤ ᱠᱟᱹᱢᱤ ᱨᱮ ᱠᱷᱩᱫᱟᱹᱭ(ᱞᱟᱜ ᱪᱤᱛᱟᱹᱨ),ᱢᱩᱴᱷᱟᱱ, ᱫᱟᱜ ᱨᱚᱝᱜ, ᱯᱚᱛᱚᱵ ᱵᱮᱱᱟᱣ ᱠᱚ ᱥᱮᱞᱮᱫ ᱛᱟᱦᱮᱸ ᱠᱟᱱᱟ ᱾Apocalypse series (1498) ᱨᱮ ᱢᱮᱱᱟᱜ ᱠᱟᱴᱷ ᱨᱮ ᱞᱟᱜ ᱟᱠᱟᱱ ᱟᱡᱟᱜ ᱮᱴᱟᱜ ᱠᱟᱹᱢᱤ ᱠᱷᱚᱱ ᱟᱹᱰᱤ ᱥᱚᱨᱮᱥ ᱛᱟᱦᱮᱸ ᱠᱟᱱᱟ ᱾ᱱᱚᱶᱟ ᱞᱟᱜ ᱪᱤᱛᱟᱹᱨ ᱫᱚ ᱜᱳᱛᱷᱤᱠ ᱜᱩᱬ ᱟᱱᱟ ᱾ ᱟᱡᱟᱜ ᱟᱨ ᱧᱩᱛᱩᱢᱟᱱ ᱞᱟᱜ ᱪᱤᱛᱟᱹᱨ ᱠᱚ ᱫᱚ ᱦᱩᱭᱩᱜ ᱠᱟᱱᱟ Knight, Death ᱟᱨ Devil (1513)᱾ Saint Jerome (1514) and Melencolia I (1514),ᱱᱚᱶᱟ ᱵᱟᱨᱭᱟ ᱞᱟᱜ ᱪᱤᱛᱟᱹᱨ ᱫᱚ ᱴᱷᱟᱹᱣᱠᱟᱹ ᱥᱟᱞᱟ ᱛᱩᱢᱟᱹᱞ ᱯᱟᱲᱦᱦᱟᱣ ᱞᱟᱹᱜᱤᱫ ᱥᱟᱛᱟᱢ ᱞᱮᱠᱟᱛᱮ ᱵᱟᱪᱷᱚᱱ ᱟᱠᱟᱱᱟ ᱾ ᱟᱡᱟᱜ ᱫᱟᱜ ᱨᱚᱝ ᱠᱟᱹᱢᱤ ᱦᱚᱸ ᱞᱟᱸᱰᱥᱠᱮᱯ ᱪᱤᱛᱟᱹᱨ ᱦᱤᱥᱟᱹᱣᱵ ᱛᱮ ᱯᱩᱭᱞᱩ ᱭᱩᱨᱳᱯ ᱨᱤᱱ ᱪᱤᱛᱟᱹᱨᱤᱭᱟᱹ ᱞᱮᱠᱟᱛᱮ ᱩᱯᱨᱩᱢ ᱮ ᱧᱟᱢ ᱟᱠᱟᱫᱼᱟ ᱟᱨ ᱟᱡᱟᱜ ᱟᱹᱰᱤ ᱩᱭᱦᱟᱹᱨ ᱟᱱ ᱠᱟᱴ ᱞᱟᱜ ᱠᱟᱹᱢᱤ ᱦᱚᱸ ᱚᱱᱟ ᱨᱮᱱᱟᱜ ᱦᱩᱲ ᱫᱟᱲᱮ ᱥᱟᱞᱜᱟᱣ ᱞᱮᱫᱼᱟᱭ ᱾

Albrecht Dürer - 1500 self-portrait (High resolution and detail)

ᱟᱬᱜᱟᱛ ᱡᱤᱭᱚᱱ (᱑᱔᱗᱑ᱼ᱑᱔᱙᱑) ᱥᱟᱯᱲᱟᱣ

 
Woodcut by Dürer of his coat of arms, which featured a door as a pun on his name, as well as the winged bust of a Moor

ᱰᱩᱨᱮᱨ ᱒᱑ ᱢᱮ ᱑᱔᱗᱑ ᱨᱮ ᱡᱟᱱᱟᱢ ᱞᱮᱱᱟᱭ , ᱟᱡ ᱟᱯᱟᱛ ᱨᱤᱱ ᱑᱔ ᱜᱚᱴᱟᱝ ᱜᱤᱫᱽᱨᱟᱹ ᱠᱷᱚᱱ ᱟᱡ ᱫᱚ ᱛᱮᱥᱟᱨ ᱜᱤᱫᱽᱨᱟᱹ ᱟᱨ ᱫᱚᱥᱟᱨ ᱦᱚᱯᱚᱱ ᱠᱟᱱᱟᱭ ᱾ ᱟᱡ ᱵᱟᱵᱟ ᱟᱞᱵᱨᱮᱪᱴ ᱟᱡᱛᱳᱥᱤ ᱫᱚ ᱢᱤᱫ ᱥᱚᱱᱟᱨᱤᱭᱟᱹ ᱛᱟᱦᱮᱸ ᱠᱟᱱᱟᱭ ᱾ ᱑᱔᱕᱕ ᱨᱮ ᱟᱠᱚ ᱟᱡᱛᱳᱥ ᱠᱷᱚᱱ ᱦᱚᱸᱜᱮᱨᱤ ᱨᱮᱱᱟᱜ ᱜᱭᱩᱞᱟ ᱥᱩᱨ ᱱᱭᱩᱨᱮᱢᱵᱚᱨᱜ ᱛᱮ ᱠᱚ ᱩᱪᱟᱹᱲ ᱮᱱᱟ ᱾ ᱟᱡᱼᱤᱡ ᱢᱤᱫ ᱵᱚᱭᱦᱟ ᱦᱟᱱᱥ ᱰᱩᱨᱮᱨ ᱦᱚᱸ ᱢᱤᱫ ᱨᱚᱸᱜ ᱪᱤᱛᱟᱹᱨᱤᱭᱟᱭ ᱛᱟᱦᱮᱸ ᱠᱟᱱᱟ ᱟᱨ ᱟᱡ ᱴᱷᱮᱫ ᱠᱷᱚᱱ ᱮ ᱥᱮᱪᱮᱫ ᱟᱠᱟᱱᱟ ᱾ ᱟᱨ ᱢᱤᱫ ᱵᱚᱭᱦᱟᱛᱟᱭ ᱧᱩᱛᱩᱢ ᱮᱱᱰᱮᱨᱮᱥ ᱰᱩᱨᱮᱨ ᱩᱱᱤ ᱫᱚ ᱟᱯᱟᱛ ᱟᱜ ᱠᱟ.ᱢᱤ ᱜᱮ ᱯᱟᱸᱡᱟ ᱠᱮᱫᱼᱟᱭ ᱟᱨ ᱧᱩᱛᱩᱢᱟᱱ ᱥᱚᱱᱷᱟᱨᱤᱭᱟ.ᱵᱮᱱᱟᱣ ᱮᱱᱟ ᱾ ᱡᱚᱨᱢᱟᱱ ᱧᱩᱛᱩᱢ "ᱰᱩᱨᱮᱨ" ᱫᱚ ᱦᱚᱸᱜᱮᱨᱤᱭᱟᱱ ᱧᱩᱛᱩᱢ "ᱟᱡᱛᱚᱥᱤ" ᱨᱮᱱᱟᱜ ᱢᱮᱱᱮᱛ ᱠᱟᱱᱟ ᱾ ᱮᱛᱚᱦᱚᱵ ᱨᱮ ᱫᱚ ᱱᱚᱶᱟ ᱫᱚ " ᱴᱭᱩᱨᱮᱨ" ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸ ᱨᱮᱱᱟᱜ ᱢᱮᱱᱮᱛ ᱥᱤᱞᱯᱤᱧ ᱵᱮᱣᱟᱣᱤᱡ ᱠᱟᱱᱟ ᱾ᱱᱚᱶᱟ ᱜᱷᱟᱨᱚᱸᱡᱽ ᱨᱤᱱ ᱦᱚᱲ ᱠᱚ ᱫᱚ ᱟᱠᱚ ᱦᱚᱨᱚᱜ ᱮᱫ ᱠᱳᱴ ᱨᱮᱱᱟᱜ ᱛᱟᱨᱮᱱ ᱨᱮ ᱫᱚ ᱥᱤᱞᱯᱤᱧ ᱪᱤᱱᱦᱟᱹ ᱛᱟᱦᱮᱸ ᱠᱚᱜᱼᱟ ᱾

ᱵᱟᱨᱦᱮ ᱡᱚᱱᱚᱲ ᱥᱟᱯᱲᱟᱣ

ᱥᱟ.ᱠᱷᱭᱟ.ᱛ ᱥᱟᱯᱲᱟᱣ