ᱟᱢᱯᱟᱭᱟᱨ
ᱟᱢᱯᱟᱭᱟᱨ (ᱤᱝᱨᱮᱡᱤ: umpire) ᱫᱚᱭ ᱦᱩᱭᱩᱜ ᱠᱟᱱᱟ ᱢᱤᱫ ᱵᱤᱪᱟᱨᱯᱚᱛᱤ, ᱡᱟᱦᱟ ᱫᱚ ᱥᱚᱴᱷᱤᱠ ᱱᱤᱭᱚᱢ ᱠᱟᱱᱩᱱ ᱦᱚᱛᱮᱛᱮ ᱠᱨᱤᱠᱮᱴ ᱠᱷᱮᱞᱚᱹᱰ ᱮᱭ ᱯᱚᱨᱤᱪᱟᱞᱚᱱᱟ ᱵᱟᱲᱟᱭᱟ᱾ ᱢᱮᱪ ᱨᱮᱯᱷᱟᱨᱤ ᱫᱚ ᱢᱟᱴ ᱨᱮᱱᱟᱜ ᱵᱟᱨᱦᱮ ᱨᱮ ᱠᱚᱨᱢᱚᱠᱥᱨᱛᱟ (ᱠᱟᱹᱢᱤ ᱠᱚ) ᱞᱮᱠᱟᱛᱮᱭ ᱛᱟᱦᱮᱱᱟ᱾ ᱩᱱᱤ ᱫᱚ ᱠᱨᱤᱠᱮᱴ ᱠᱷᱮᱞᱚᱹᱰ ᱨᱮᱱᱟᱜ ᱮᱢᱟᱱ ᱛᱮᱭᱟᱜ ᱱᱤᱭᱚᱢ ᱠᱟᱱᱩᱱ ᱠᱚ ᱨᱟᱯᱩᱫ ᱞᱮᱠᱷᱟᱱ ᱥᱮ ᱵᱟᱹᱠᱩ ᱢᱟᱱᱟᱣ ᱵᱟᱛᱟᱣ ᱞᱮᱠᱷᱟᱱ ᱟᱭᱥᱤᱥᱤ ᱨᱮᱱᱟᱜ ᱟᱭᱤᱱ ᱵᱷᱚᱝᱜᱚ ᱠᱷᱟᱹᱛᱤᱨ ᱜᱩᱱᱟᱸᱜ ᱛᱮ ᱡᱚᱨᱤᱢᱟᱱᱟ ᱠᱚᱭ ᱥᱮᱞᱮᱫ-ᱟ ᱾ ᱟᱫᱚ ᱢᱟᱴᱨᱮ ᱛᱟᱦᱮᱱ ᱢᱤᱫ ᱟᱢᱯᱟᱭᱟᱨ ᱵᱮᱜᱚᱨᱦᱚᱸ ᱟᱨᱦᱚᱸ ᱵᱟᱨᱮᱭᱟ ᱟᱢᱯᱟᱭᱟᱨ ᱜᱚᱲᱚ ᱨᱮᱠᱤᱱ ᱛᱟᱦᱮᱱᱟ᱾ ᱟᱨ ᱟᱹᱵᱤ ᱜᱮ ᱞᱟᱹᱠᱛᱤ ᱯᱟᱲᱟᱣ ᱞᱮᱱᱠᱷᱟᱱ ᱛᱷᱟᱨᱰ ᱟᱢᱯᱟᱭᱟᱨ ᱦᱟᱦᱟ ᱢᱟᱴ ᱵᱟᱨᱮ ᱨᱮᱭ ᱛᱟᱦᱮᱱ ᱩᱱᱩᱭᱟᱜ ᱜᱚᱲᱚ ᱠᱚ ᱡᱟᱹᱲᱩᱲ ᱠᱟᱱ ᱜᱮᱛᱟᱭᱟ ᱾
ᱜᱚᱲᱚ ᱞᱟᱹᱜᱤᱫ ᱜᱟᱛᱮᱠᱚ ᱥᱟᱯᱲᱟᱣ
ᱟᱢᱯᱟᱭᱟᱨ ᱡᱚᱠᱷᱚᱱ ᱠᱷᱮᱞᱚᱹᱰ ᱮ ᱥᱟᱹᱨᱫᱤᱭᱟ ᱚᱱᱟ ᱚᱠᱛᱚ ᱟᱢᱯᱟᱭᱟᱨ ᱥᱟᱶ ᱟᱨᱦᱚᱸ ᱵᱟᱨᱮᱭᱟ ᱟᱢᱯᱟᱭᱟᱨ ᱠᱤᱱ ᱛᱟᱦᱮᱱᱟ ᱠᱷᱮᱞᱚᱹᱰ ᱱᱟᱯᱟᱭᱛᱮ ᱦᱩᱭ ᱦᱚᱪᱚᱭ ᱞᱟᱹᱜᱤᱫ᱾ ᱟᱨ ᱩᱱᱠᱤᱱ ᱫᱚ ᱠᱟᱱᱟᱠᱤᱱ ᱟᱢᱯᱟᱭᱟᱨ ᱨᱮᱱ ᱥᱚᱝᱜᱮ ᱟᱢᱯᱟᱭᱟᱨ᱾ ᱵᱚᱞᱤᱝ ᱟᱲᱮ ᱨᱮ ᱛᱟᱦᱮᱱ ᱟᱢᱯᱟᱭᱟᱨ ᱡᱟᱦᱟᱭ ᱟᱢᱯᱟᱭᱟᱨ ᱩᱱᱤ ᱫᱚ ᱯᱷᱤᱞᱰ ᱟᱢᱯᱟᱭᱟᱨ ᱢᱮᱱ ᱛᱮᱭ ᱵᱟᱰᱟᱭᱚᱜ-ᱟ᱾ ᱟᱨ ᱡᱟᱦᱟᱭ ᱵᱮᱴᱤᱝ ᱟᱲᱮᱨᱮᱭ ᱛᱟᱦᱮᱱᱟ ᱩᱱᱤ ᱫᱚ ᱞᱮᱜᱽ ᱟᱢᱯᱟᱭᱟᱨ᱾ ᱟᱨ ᱩᱱᱠᱤᱱ ᱡᱚᱫᱤ ᱢᱚᱡᱽ ᱛᱮ ᱵᱟᱹᱠᱤᱱ ᱴᱷᱤᱠᱟᱹᱱ ᱞᱮᱠᱷᱟᱱ, ᱚᱱᱟ ᱟᱨᱦᱚᱸ ᱢᱚᱡᱽ ᱛᱮ ᱧᱮᱞ ᱞᱟᱹᱜᱤᱫ ᱟᱨ ᱢᱤᱫ ᱟᱢᱯᱟᱭᱟᱨ ᱮ ᱛᱟᱦᱮᱱᱟ, ᱩᱱᱤᱫᱚ ᱵᱟᱹᱲᱛᱤ ᱟᱢᱯᱟᱭᱟᱨ ᱠᱚ ᱢᱮᱛᱟᱣ ᱟᱭᱟ᱾ ᱤᱠᱷᱟᱹᱱ ᱩᱱᱤ ᱫᱚ ᱯᱮ ᱟᱱᱟᱝ ᱟᱢᱯᱟᱭᱟᱨ ᱵᱟ ᱛᱷᱟᱨᱰ ᱟᱢᱯᱟᱭᱟᱨ ᱢᱮᱱ ᱛᱮᱜᱮᱭ ᱵᱟᱰᱟᱭᱚᱜ-ᱟ᱾ ᱚᱱᱟ ᱵᱮᱜᱚᱨᱦᱚᱸ ᱟᱨᱦᱚᱸ ᱨᱮᱭᱟᱲ ᱫᱟᱜ ᱥᱮ ᱵᱚᱞᱠᱚ ᱦᱟᱞᱟᱝ ᱞᱟᱹᱜᱤᱫ ᱟᱨᱦᱚᱸ ᱠᱚᱭᱮᱜ ᱜᱚᱴᱟᱝ ᱟᱢᱯᱟᱭᱟᱨ ᱦᱚᱸᱠᱚ ᱧᱮᱞᱚᱜ ᱜᱮᱭᱟ, ᱩᱱᱠᱩ ᱫᱚ ᱯᱩᱱᱟᱝ ᱟᱢᱯᱟᱭᱟᱨ ᱵᱟ ᱯᱷᱚᱨ ᱟᱢᱯᱟᱭᱟᱨ ᱠᱚ ᱢᱮᱛᱟᱣ ᱟᱠᱚᱣᱟ ᱾
ᱠᱟᱹᱢᱤ ᱦᱚᱨᱟ ᱥᱟᱯᱲᱟᱣ
ᱵᱚᱞᱤᱝ ᱟᱲᱮᱨᱮ ᱡᱟᱦᱟᱭ ᱟᱢᱯᱟᱭᱟᱨ ᱨᱮ ᱛᱟᱦᱮᱱᱟ ᱩᱱᱤᱫᱚ ᱵᱚᱞᱟᱨ-ᱟᱜ ᱛᱤᱨᱮᱱᱟ ᱠᱩᱭᱤᱱ ᱵᱮᱠᱟ,ᱱᱳ ᱵᱚᱞ, ᱦᱚᱣᱟᱭᱤᱴ ᱵᱚᱞ, ᱟᱪᱟᱨ ᱟᱪᱟᱨᱚᱱ, ᱟᱵᱮᱫᱚᱱ, ᱵᱮᱴᱥᱢᱮᱱ ᱟᱜ ᱛᱤᱝᱜᱩ, ᱛᱟᱞᱟ ᱢᱟᱴ ᱨᱮᱱ ᱯᱷᱤᱞᱰᱟᱨ ᱠᱚ ᱥᱟᱶ ᱟᱨᱦᱚᱸ ᱮᱢᱟᱱ ᱛᱮᱭᱟᱜ ᱡᱤᱱᱤᱥᱠᱚᱭ ᱧᱮᱞ ᱵᱟᱲᱟᱭᱟ᱾ ᱚᱱᱟᱠᱚ ᱵᱮᱜᱚᱨᱦᱚᱸ ᱵᱮᱴᱤᱝ ᱵᱚᱞᱤᱝ ᱨᱮᱱᱟᱜ ᱴᱚᱥ, ᱥᱤᱠᱥ, ᱯᱷᱚᱨ, ᱨᱟᱱ, ᱟᱣᱩᱴ ᱞᱮᱠᱟᱱ ᱟᱨᱦᱚᱸ ᱮᱢᱟᱱ ᱞᱮᱠᱟᱱ ᱜᱩᱨᱩᱛᱛᱚ ᱡᱤᱱᱤᱥ ᱠᱚ ᱧᱮᱞ ᱠᱟᱛᱮᱜ ᱜᱟᱛᱮᱭ ᱯᱚᱨᱤᱪᱟᱞᱚᱱᱟᱭᱟ ᱱᱟᱯᱟᱭ ᱟᱛᱮ ᱾