ᱠᱚᱥᱛᱩᱨᱵᱟ ᱜᱟᱱᱫᱷᱤ

ᱵᱨᱤᱴᱤᱥ ᱡᱩᱜᱽ ᱨᱤᱱᱤᱡ ᱢᱤᱫ ᱥᱤᱧᱚᱛᱤᱭᱟᱹ ᱟᱭᱩᱨᱤᱭᱟᱹ ᱢᱚᱦᱟᱛᱢᱟ ᱜᱟᱱᱫᱷᱤ ᱭᱤᱡ ᱵᱟᱦᱩ

ᱠᱚᱥᱛᱩᱨᱵᱟ ᱜᱟᱱᱫᱷᱤ ᱫᱚ (᱑᱑ ᱮᱯᱨᱤᱞ ᱑᱘᱖᱙ ᱼ ᱒᱒ ᱯᱷᱮᱵᱽᱨᱩᱣᱟᱨᱤ ᱑᱙᱔᱔) ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤ ᱠᱟᱹᱢᱤ ᱟᱠᱟᱫᱟ, ᱩᱱᱤᱫᱚ ᱑᱘᱘᱓ ᱥᱟᱞ ᱨᱮ ᱢᱚᱦᱚᱱᱫᱟᱥ ᱜᱟᱱᱫᱷᱤ ᱥᱟᱞᱟᱜ ᱵᱟᱯᱞᱟ ᱮᱱᱟ, ᱟᱡ ᱡᱟᱶᱟᱭ ᱟᱨ ᱵᱮᱴᱟ ᱥᱟᱞᱟᱜ, ᱱᱩᱭ ᱫᱚ ᱵᱨᱤᱴᱤᱥ ᱥᱤᱧᱚᱛ ᱨᱮ ᱥᱤᱧᱚᱛᱤᱭᱟᱹ ᱯᱷᱩᱨᱜᱟᱹᱞ ᱞᱟᱲᱟᱣᱱᱟ ᱨᱮ ᱥᱮᱞᱮᱫ ᱞᱮᱱ ᱛᱟᱦᱮᱸᱫ ᱾ ᱱᱚᱣᱟ ᱰᱮᱦᱮᱨ ᱟᱸᱴ ᱫᱷᱟᱹᱵᱤᱡ ᱟᱡ ᱡᱟᱶᱟᱭ ᱥᱟᱞᱟᱜ ᱠᱷᱟᱨᱟᱵ ᱛᱟᱦᱮᱸ ᱠᱟᱱᱟᱭ ᱾ ᱡᱟᱹᱛᱤᱭᱟᱹᱨᱤ ᱫᱩᱜ ᱫᱚᱦᱚ ᱢᱟᱦᱟᱸ ᱫᱚ ᱥᱟᱞ ᱠᱮ ᱥᱟᱞ ᱑᱑ ᱮᱯᱨᱤᱞ ᱠᱚ ᱢᱟᱱᱟᱣᱟ ᱾ ᱱᱚᱣᱟ ᱫᱤᱱ ᱫᱚ ᱠᱚᱥᱛᱩᱨᱵᱟ ᱜᱟᱱᱫᱷᱤ ᱭᱟᱜ ᱡᱟᱱᱟᱢ ᱢᱟᱦᱟᱸ ᱦᱚᱸ ᱠᱟᱱᱟ ᱾[᱑]

ᱠᱚᱥᱛᱩᱨᱵᱟ ᱜᱟᱱᱫᱷᱤ
ᱠᱚᱥᱛᱩᱨᱵᱟᱭ ᱜᱟᱱᱫᱷᱤ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶᱠᱚᱥᱛᱩᱨᱵᱟᱭ ᱜᱚᱠᱩᱞᱫᱟᱥ ᱠᱚᱯᱟᱲᱤᱭᱟ
᱑᱑ ᱮᱯᱨᱤᱞ ᱑᱘᱖᱙(1869-04-11)
ᱯᱳᱨᱵᱚᱱᱫᱟᱨ, ᱯᱳᱨᱵᱚᱱᱫᱟᱨ ᱯᱚᱱᱚᱛ, ᱠᱟᱴᱷᱤᱭᱟᱣᱟᱲ ᱮᱡᱮᱸᱡᱤ, ᱵᱨᱤᱴᱤᱥ ᱥᱤᱧᱚᱛ (ᱱᱤᱛᱚᱜ ᱫᱚ ᱜᱩᱡᱽᱨᱟᱴ, ᱥᱤᱧᱚᱛ)
ᱜᱩᱨ᱒᱒ ᱯᱷᱮᱵᱽᱨᱩᱣᱟᱨᱤ ᱑᱙᱔᱔ (᱗᱔ ᱵᱚᱭᱚᱥ)
ᱟᱜᱟ ᱠᱷᱟᱱ ᱯᱮᱞᱮᱥ, ᱯᱩᱱᱟ, ᱵᱚᱢᱵᱮ ᱯᱨᱮᱥᱤᱰᱮᱱᱥᱤ, ᱵᱨᱤᱴᱤᱥ ᱥᱤᱧᱚᱛ (ᱱᱤᱛᱚᱜ ᱫᱚ ᱯᱩᱱᱮ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ)
ᱮᱴᱟᱜ ᱧᱩᱛᱩᱢᱠᱚᱥᱛᱩᱨᱵᱟ ᱢᱚᱦᱚᱱᱫᱟᱥ ᱜᱟᱱᱫᱷᱤ
ᱠᱚᱥᱛᱩᱨᱵᱟ ᱜᱚᱠᱩᱞᱫᱟᱥ ᱠᱚᱯᱟᱲᱤᱭᱟ
ᱠᱟᱹᱢᱤᱠᱟᱹᱢᱤᱭᱟᱹ
ᱡᱤᱭᱚᱱ ᱥᱚᱦᱮᱫ
ᱢᱚᱦᱟᱛᱢᱟ ᱜᱟᱱᱫᱷᱤ (m. ᱦᱩᱲᱟᱹᱜ : ᱚᱢᱟᱱᱚᱛ ᱚᱠᱛᱚ ᱾)
ᱦᱚᱯᱚᱱ
ᱟᱯᱟᱛ ᱮᱸᱜᱟᱛ
  • ᱜᱚᱠᱩᱞᱟᱫᱟᱥ ᱠᱚᱯᱟᱲᱤᱭᱟ (ᱵᱟᱵᱟ)
  • ᱵᱷᱨᱚᱡᱽᱠᱩᱸᱣᱚᱨᱵᱟ ᱠᱚᱯᱟᱲᱤᱭᱟ (ᱟᱭᱳ)

ᱱᱤᱡᱮᱨᱟᱜ ᱡᱤᱭᱚᱱ ᱟᱨ ᱦᱟᱥᱟ ᱪᱮᱛᱟᱱ ᱥᱟᱯᱲᱟᱣ

ᱠᱚᱥᱛᱩᱨᱵᱟ ᱟᱜ ᱡᱟᱱᱟᱢ ᱫᱚ ᱑᱑ ᱮᱯᱨᱤᱞ ᱑᱘᱖᱙ ᱥᱟᱞ ᱨᱮ ᱜᱚᱠᱩᱞᱫᱟᱥ ᱠᱚᱯᱟᱲᱤᱭᱟ ᱟᱨ ᱵᱷᱨᱚᱡᱽᱠᱩᱸᱣᱚᱨᱵᱟ ᱠᱚᱯᱟᱲᱤᱭᱟ ᱛᱤᱠᱤᱱᱟᱜ ᱚᱲᱟᱜ ᱮ ᱦᱩᱭ ᱞᱮᱱᱟ ᱛᱟᱦᱮᱸᱫ ᱾ ᱜᱷᱟᱨᱚᱸᱡᱽ ᱫᱚ ᱜᱩᱡᱽᱨᱟᱛᱤ ᱦᱤᱱᱫᱩ ᱵᱮᱯᱟᱨᱤ ᱨᱤᱱ ᱢᱚᱫᱷ ᱵᱚᱱᱤᱭᱟ ᱡᱟᱹᱛᱤ ᱛᱟᱦᱮᱸ ᱠᱟᱱᱟᱭ ᱟᱨ ᱫᱚᱨᱭᱟ ᱫᱷᱟᱨᱮ ᱥᱚᱦᱚᱨ ᱯᱳᱨᱵᱚᱱᱫᱚᱨ ᱨᱮ ᱛᱟᱦᱮᱸ ᱠᱟᱱᱟ ᱾[᱒] ᱠᱚᱥᱛᱩᱨᱵᱟ ᱟᱜ ᱯᱩᱭᱞᱩ ᱡᱤᱭᱚᱱ ᱫᱚ ᱟᱹᱰᱤ ᱠᱟᱹᱡ ᱠᱚ ᱵᱟᱰᱟᱭᱟ ᱾ ᱢᱮᱭ ᱑᱘᱘᱓ ᱥᱟᱞ ᱨᱮ, ᱑᱔ ᱵᱚᱪᱦᱚᱨ ᱠᱚᱥᱛᱩᱵᱟ ᱟᱜ ᱵᱟᱯᱞᱟ ᱑᱓ ᱵᱚᱪᱷᱚᱨ ᱢᱚᱦᱚᱱᱫᱟᱥ ᱠᱚᱨᱚᱢᱪᱟᱸᱫᱽ ᱜᱟᱱᱫᱷᱤ ᱥᱟᱞᱟᱜ ᱩᱱᱤᱠᱤᱱ ᱟᱭᱳᱼᱵᱟᱵᱟ ᱞᱮᱠᱟᱛᱮ ᱵᱟᱯᱞᱟ ᱦᱩᱭ ᱞᱮᱱᱟ ᱛᱟᱦᱮᱸᱫ, ᱥᱤᱧᱚᱛ ᱨᱮ ᱟᱨᱮᱸᱡᱽ ᱢᱮᱨᱤᱡᱽ ᱥᱟᱫᱷᱟᱨᱚᱱ ᱟᱨ ᱟᱹᱨᱤᱪᱟᱹᱞᱤ ᱛᱟᱦᱮᱸ ᱠᱟᱱᱟ ᱾[᱓] ᱩᱱᱤᱠᱤᱱᱟᱜ ᱵᱟᱯᱞᱟ ᱨᱮ ᱜᱩᱴ ᱛᱩᱨᱩᱭᱜᱮᱞᱼᱵᱟᱨ ᱥᱮᱨᱢᱟ ᱦᱩᱭ ᱞᱮᱱ ᱛᱟᱦᱮᱸᱫ[᱔] ᱟᱡᱟᱜ ᱵᱟᱯᱞᱟ ᱫᱤᱱ ᱫᱚ ᱩᱭᱦᱟᱹᱨᱮᱱᱟ, ᱟᱡ ᱡᱟᱶᱟᱭ ᱫᱚ ᱢᱤᱫ ᱫᱷᱟᱣ ᱮ ᱢᱮᱱ ᱞᱮᱜᱼᱟ ᱛᱟᱦᱮᱸᱫ, "ᱡᱮᱞᱮᱠᱟ ᱤᱧ ᱟᱡᱟᱜ ᱛᱟᱭ ᱰᱮᱦᱮᱨ ᱵᱟᱹᱧ ᱵᱟᱰᱟᱭ ᱞᱮᱫ ᱛᱟᱦᱮᱸᱫ, ᱟᱵᱚ ᱞᱟᱹᱜᱤᱫ ᱛᱮ ᱱᱚᱣᱟ ᱨᱮᱱᱟᱜ ᱢᱮᱱᱮᱛ ᱫᱚ ᱱᱟᱶᱟ ᱞᱩᱜᱽᱲᱤ ᱦᱚᱨᱚᱜ, ᱢᱮᱨᱮᱢᱟᱜ ᱡᱚᱢ ᱟᱨ ᱜᱷᱟᱨᱚᱸᱡᱽ ᱥᱟᱞᱟᱜ ᱛᱮ ᱮᱱᱮᱡ ᱛᱟᱦᱮᱸ ᱠᱟᱱᱟ ᱾" ᱡᱮᱞᱮᱠᱟ ᱧᱩᱛᱩᱢᱟᱱ ᱟᱹᱨᱤᱪᱟᱹᱞᱤ ᱛᱟᱦᱮᱸ ᱠᱟᱱᱟ, ᱠᱤᱥᱚᱨ ᱫᱩᱞᱦᱚᱱ ᱫᱚ ᱵᱟᱯᱞᱟ ᱢᱟᱲᱟᱝ ᱱᱤᱛᱟᱹᱜ ᱥᱮᱨᱢᱟ (ᱟᱡ ᱡᱟᱶᱟᱭ ᱥᱟᱞᱟᱜ ᱛᱟᱦᱮᱸᱱ ᱞᱟᱹᱜᱤᱫ ᱛᱮ ᱥᱚᱯᱷᱤᱥᱚᱸᱴ ᱩᱢᱚᱨ ᱫᱷᱟᱹᱨᱤᱡ) ᱟᱡ ᱟᱭᱳᱼᱵᱟᱵᱟ ᱟᱜ ᱚᱲᱟᱜ ᱨᱮ ᱟᱨ ᱟᱡ ᱡᱟᱶᱟᱭ ᱠᱷᱚᱱ ᱥᱟᱺᱜᱤᱧ ᱵᱤᱛᱟᱹᱣ ᱞᱮᱜᱼᱟ ᱛᱟᱦᱮᱸᱫ ᱾[᱕]

ᱨᱟᱡᱽᱟᱹᱨᱤ ᱠᱟᱹᱢᱤ ᱥᱟᱯᱲᱟᱣ

 
᱑᱙᱔᱐ ᱥᱟᱞ ᱨᱮ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱥᱟᱱᱛᱤᱱᱤᱠᱮᱛᱚᱱ ᱨᱮ ᱢᱚᱦᱟᱛᱢᱟ ᱜᱟᱱᱫᱷᱤ ᱟᱨ ᱠᱚᱥᱛᱩᱨᱵᱟ ᱜᱟᱱᱫᱷᱤ ᱥᱟᱶ ᱵᱟᱸᱜᱟᱞᱤ ᱠᱚᱵᱤ ᱨᱚᱵᱤᱱᱫᱽᱨᱚᱱᱟᱛᱷ ᱴᱮᱜᱳᱨ

ᱠᱚᱥᱛᱩᱨᱵᱟ ᱜᱟᱱᱫᱷᱤ ᱫᱚ ᱯᱩᱭᱞᱩ ᱫᱷᱟᱣ ᱑᱙᱐᱔ ᱥᱟᱞ ᱨᱮ ᱮᱛᱚᱢ ᱟᱯᱷᱨᱤᱠᱟ ᱨᱮ ᱨᱟᱡᱽᱟᱹᱨᱤ ᱨᱮ ᱟᱡ ᱜᱮ ᱥᱮᱞᱮᱫ ᱮᱱᱟ, ᱛᱤᱱ ᱨᱮ ᱩᱱᱤᱫᱚ ᱟᱡ ᱡᱟᱶᱟᱭ ᱟᱨ ᱮᱴᱟᱜ ᱦᱚᱲ ᱥᱟᱶ ᱰᱚᱨᱵᱚᱱ ᱥᱩᱨ ᱯᱷᱤᱱᱤᱠᱥ ᱥᱮᱴᱮᱞᱢᱮᱸᱴ ᱮ ᱛᱷᱟᱯᱚᱱ ᱠᱮᱫᱟ ᱾ ᱑᱙᱑᱓ ᱥᱟᱞ ᱨᱮ ᱩᱱᱤᱫᱚ ᱮᱛᱚᱢ ᱟᱯᱷᱨᱤᱠᱟ ᱨᱮ ᱥᱤᱧᱚᱛᱤᱭᱟᱹ ᱯᱨᱚᱵᱟᱥᱤ ᱥᱟᱶ ᱫᱩᱨᱟᱪᱟᱨ ᱵᱤᱨᱚᱫᱷ ᱨᱮ ᱥᱮᱱ ᱮᱱᱟ, ᱚᱠᱚᱭ ᱞᱟᱹᱜᱤᱫ ᱩᱱᱤ ᱠᱚ ᱟᱨᱮᱥ ᱠᱮᱫᱮᱭᱟ ᱟᱨ ᱒᱓ ᱥᱮᱯᱴᱮᱢᱵᱚᱨ ᱑᱙᱑᱓ ᱥᱟᱞ ᱨᱮ ᱦᱟᱸᱴ ᱠᱟᱹᱢᱤ ᱨᱮᱱᱟᱜ ᱥᱟᱡᱟ ᱟᱸᱡᱚᱢ ᱠᱮᱫᱟ ᱾ ᱡᱤᱦᱚᱞ ᱨᱮ ᱛᱟᱦᱮᱸ ᱮᱱᱟ, ᱩᱱᱤᱫᱚ ᱱᱮᱦᱚᱨ ᱨᱮ ᱮᱴᱟᱜ ᱛᱤᱨᱞᱟᱹ ᱟᱜ ᱟᱭᱩᱨ ᱠᱮᱫᱟ[᱖][᱗] ᱟᱨ ᱥᱮᱪᱮᱫ ᱛᱤᱨᱞᱟᱹ ᱟᱨ ᱚᱥᱮᱪᱮᱫ ᱛᱤᱨᱞᱟᱹ ᱠᱚ ᱯᱟᱲᱦᱟᱣ ᱟᱨ ᱚᱞ ᱪᱮᱫ ᱞᱟᱹᱜᱤᱫ ᱛᱮ ᱥᱟᱦᱟᱸᱥ ᱮ ᱵᱟᱲᱦᱟᱣ ᱠᱮᱫᱟ ᱾

ᱥᱟ.ᱠᱷᱭᱟ.ᱛ ᱥᱟᱯᱲᱟᱣ

  1. https://www.aimsindia.com/blog/national-safe-motherhood-day-flowers-for-expecting-mothers/
  2. Gandhi, Arun and Sunanda (1998). The Forgotten Woman. Huntsville, AR: Zark Mountain Publishers. p. 314. ISBN 1-886940-02-9.
  3. Mohanty, Rekha (2011). "From Satya to Sadbhavna" (PDF). Orissa Review (January 2011): 45–49. Retrieved 23 February 2012.
  4. Tarlo, Emma (1997). "Married to the Mahatma: The Predicament of Kasturba Gandhi". Women: A Cultural Review. 8 (3): 264–277. doi:10.1080/09574049708578316.
  5. Gandhi (1940). Chapter "Playing the Husband"Archived ᱑ ᱡᱩᱞᱟᱭ ᱒᱐᱑᱒ at the Wayback Machine..
  6. Hiralal, Kalpana. "Rethinking Gender and Agency in the Satyagraha Movement of 1913". Journal of Social Sciences. 25: 94–101.
  7. Kapadia, Sita (1989). "Windfall: Tribal Women Come Through". Women's Studies Quarterly. 17 (3/4): 140–149. JSTOR 40003104.

ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ