ᱠᱚᱱᱯᱷᱩᱥᱤᱭᱚᱥ
ᱠᱚᱱᱯᱷᱩᱥᱤᱭᱚᱥ (551 BC-479 BC) ᱫᱚ ᱪᱤᱱ ᱫᱤᱥᱚᱢ ᱨᱮᱱᱤᱡ ᱢᱟᱪᱮᱛ, ᱥᱟᱯᱲᱮᱫ, ᱨᱟᱡᱽᱱᱮᱛᱟ ᱟᱨ ᱫᱟᱨᱥᱚᱱᱤᱠ ᱮ ᱛᱟᱦᱮᱸ ᱠᱟᱱᱟ᱾ ᱟᱡᱟᱜ ᱯᱩᱨᱠᱩᱛ ᱧᱩᱛᱩᱢ ᱫᱤ ᱠᱚᱝᱜᱚ ᱠᱤ ᱵᱟᱝᱢᱟ ᱠᱚᱝᱜᱚ ᱱᱤ ᱛᱟᱦᱮᱸ ᱠᱟᱱᱟ᱾ ᱜᱤᱫᱟᱹᱨ ᱠᱷᱚᱱ ᱜᱮ ᱩᱱᱤ ᱫᱚ ᱟᱹᱰᱤ ᱜᱟᱱ ᱵᱟᱵᱚᱛ ᱛᱮ ᱵᱟᱰᱟᱭ ᱥᱟᱱᱟᱭ ᱛᱟᱦᱮᱸᱫ ᱾ ᱢᱟᱨᱟᱝ ᱠᱟᱛᱮ ᱫᱚ ᱩᱱᱤ ᱨᱟᱡᱽ ᱠᱟᱹᱢᱤᱭᱟᱹ ᱞᱮᱠᱟᱭ ᱠᱟᱹᱢᱤ ᱞᱮᱜᱼᱟ᱾ ᱟᱡᱟᱜ ᱚᱠᱛᱚ ᱨᱮᱫᱚ ᱪᱤᱱ ᱨᱮᱱ ᱨᱟᱡᱟ ᱠᱚ ᱟᱠᱚ ᱟᱠᱚ ᱛᱟᱞᱟ ᱞᱟᱰᱷᱟᱹᱭ ᱨᱮ ᱵᱮᱥᱛᱚ ᱠᱚ ᱛᱟᱦᱮᱸᱭᱟ᱾ ᱱᱚᱶᱟ ᱫᱚ ᱥᱟᱣ ᱵᱚᱝᱥᱚ ᱠᱮᱭᱟᱜ ᱱᱤᱨᱚᱲ ᱟᱨ ᱦᱮᱢᱟᱞ ᱚᱠᱛᱚ ᱠᱚ ᱢᱮᱛᱜᱼᱟ᱾ ᱱᱚᱶᱟ ᱚᱠᱛᱚ ᱨᱮ ᱠᱚᱱᱯᱷᱩᱥᱤᱭᱚᱥ ᱥᱟᱶᱛᱟ ᱨᱮ ᱥᱩᱫᱷᱟᱹᱨ ᱟᱹᱫᱜᱩᱭ ᱪᱮᱥᱴᱟ ᱞᱮᱫᱼᱟ᱾
ᱡᱤᱭᱚᱱ ᱥᱟᱯᱲᱟᱣ
ᱠᱚᱱᱯᱷᱩᱥᱤᱭᱚᱥᱟᱜ ᱡᱟᱱᱟᱢ ᱫᱚ 551 BC ᱨᱮ ᱦᱩᱭ ᱞᱮᱱᱟ᱾ ᱜᱤᱫᱟᱹᱨ ᱨᱮ ᱟᱡ ᱵᱟᱵᱟᱭ ᱜᱚᱡ ᱮᱱ ᱠᱷᱟᱹᱛᱤᱨ ᱟᱡ ᱟᱭᱳ ᱜᱮᱭ ᱦᱟᱨᱟ ᱞᱮᱫᱮᱭᱟ ᱾ ᱟᱹᱰᱤ ᱥᱮᱨᱢᱟ ᱨᱟᱡᱽ ᱠᱟᱹᱢᱤᱭᱟᱹ ᱞᱮᱠᱟᱭ ᱠᱟᱹᱢᱤ ᱞᱮᱫ ᱨᱮᱦᱚᱸ ᱟᱡ ᱫᱚ ᱢᱟᱪᱮᱛ ᱟᱨ ᱫᱟᱨᱥᱚᱱᱤᱠ ᱦᱤᱥᱟᱹᱵᱽ ᱛᱮ ᱦᱚᱲ ᱵᱟᱹᱲᱛᱤ ᱠᱚ ᱵᱟᱰᱟᱭ ᱮᱭᱟ᱾
ᱥᱮᱪᱮᱫ ᱥᱟᱯᱲᱟᱣ
ᱥᱚᱠᱨᱮᱴᱤᱥ ᱞᱮᱠᱟ ᱠᱚᱱᱯᱷᱩᱥᱤᱭᱚᱥ ᱦᱚᱸ ᱫᱟᱨᱥᱚᱱᱤᱠ ᱠᱩᱠᱞᱤ ᱨᱮᱭᱟᱜ ᱞᱟᱹᱱᱟᱹᱭ ᱫᱚ ᱥᱚᱡᱷᱮ ᱵᱟᱭ ᱞᱟᱹᱭᱮᱫ ᱛᱟᱦᱮᱸᱫ᱾ ᱵᱚᱨᱚᱢ ᱩᱱᱤ ᱦᱚᱲ ᱜᱟᱹᱦᱤᱨ ᱮ ᱩᱭᱦᱟᱹᱨ ᱚᱪᱚᱭᱮᱫ ᱠᱚ ᱛᱟᱦᱮᱸᱫ ᱟᱨ ᱱᱟᱜᱟᱢ ᱠᱷᱚᱱ ᱥᱮᱪᱮᱫᱚᱜ ᱮ ᱞᱟᱹᱭ ᱟᱠᱚ ᱠᱟᱱ ᱛᱟᱦᱮᱸᱫ᱾ ᱟᱡᱟᱜ ᱚᱝᱥᱟᱨ ᱦᱚᱲ ᱠᱟᱹᱢᱤ ᱮᱢᱟ ᱠᱚ ᱢᱟᱬᱟᱝ ᱨᱮ ᱟᱡᱟᱜ ᱵᱚᱝᱥᱚ ᱵᱟᱝ ᱧᱮᱞ ᱠᱟᱛᱮ ᱜᱩᱱ ᱟᱨ ᱜᱮᱭᱟᱱ ᱧᱮᱞ ᱞᱟᱹᱠᱛᱤ᱾ ᱩᱱᱤ ᱦᱚᱲ ᱠᱚ ᱫᱷᱚᱱ ᱵᱟᱵᱚᱛ ᱵᱟᱝ ᱩᱭᱦᱟᱹᱨ ᱠᱮᱛᱮ ᱮᱴᱟᱦᱜ ᱦᱚᱲ ᱵᱟᱵᱚᱛ ᱩᱭᱦᱟᱹᱨ ᱮ ᱢᱮᱛᱟ ᱠᱚ ᱠᱟᱱ ᱛᱟᱦᱚᱸᱫ᱾ ᱩᱱᱤ ᱢᱮᱱᱮᱫ ᱛᱟᱦᱮᱸᱫ ᱮ ᱥᱟᱶᱛᱟ ᱨᱮ ᱠᱮᱴᱮᱡ ᱱᱤᱭᱚᱢ ᱛᱟᱦᱮᱸᱱ ᱞᱟᱹᱠᱛᱤ ᱟᱨ ᱡᱚᱛ ᱦᱚᱲ ᱚᱱᱟ ᱢᱟᱱᱟᱣ ᱞᱟᱹᱠᱛᱤ᱾ ᱩᱱᱤ ᱢᱮᱱᱮᱫ ᱛᱟᱦᱮᱸᱫ ᱢᱟᱹᱱᱢᱤᱭᱟᱜ ᱫᱚ ᱢᱚᱬᱮ ᱞᱮᱠᱟᱱ ᱥᱟᱹᱜᱟᱹᱭ ᱦᱩᱭ ᱠᱮᱭᱟ ᱟᱨ ᱡᱚᱛᱚ ᱥᱟᱹᱜᱟᱹᱭ ᱨᱮᱭᱟᱜ ᱵᱷᱮᱜᱟᱨ ᱱᱤᱭᱚᱢ ᱛᱟᱦᱮᱸᱱ ᱞᱟᱹᱠᱛᱤ᱾ ᱚᱱᱟ ᱥᱟᱹᱜᱟᱹᱭ ᱠᱚᱫᱚ ᱱᱩᱠᱩ ᱵᱟᱨ ᱦᱚᱲ ᱛᱟᱞᱟ ᱨᱮ ᱛᱚᱯᱚᱞᱚᱜᱼᱟ᱾
- ᱨᱟᱡᱟ ᱯᱚᱨᱡᱟ
- ᱟᱯᱟ ᱦᱚᱯᱚᱱ
- ᱵᱟᱹᱦᱩ ᱡᱟᱶᱟᱭ
- ᱢᱟᱪᱮᱫ ᱟᱪᱮᱫ
- ᱜᱟᱛᱮ
ᱱᱚᱶᱟ ᱠᱚᱜᱮ ᱢᱩᱬᱩᱛ ᱥᱟᱹᱜᱟᱹᱭ ᱠᱟᱱᱟ᱾ ᱱᱚᱶᱟ ᱥᱟᱹᱜᱟᱹᱭ ᱡᱤᱭᱟᱹᱲ ᱫᱚᱦᱚᱭ ᱞᱟᱹᱜᱤᱫ ᱠᱷᱟᱱ ᱵᱟᱱᱟ ᱦᱚᱲ ᱛᱤᱱᱟᱹᱜ ᱜᱟᱱ ᱱᱤᱭᱚᱢ ᱢᱟᱱᱟᱣ ᱞᱟᱹᱠᱛᱤ᱾ ᱠᱚᱱᱯᱷᱩᱥᱤᱭᱚᱥ ᱜᱷᱟᱸᱨᱚᱸᱡᱽ ᱨᱮ ᱯᱟᱹᱛᱭᱟᱹᱣ, ᱦᱟᱯᱲᱟᱢ ᱠᱚ ᱢᱟᱹᱱ ᱟᱨ ᱢᱟᱪᱮᱫ ᱠᱚ ᱢᱟᱹᱱ ᱮᱢ ᱨᱮ ᱜᱩᱨᱩᱛ ᱮ ᱮᱢᱟᱜ ᱠᱟᱱ ᱛᱟᱦᱮᱸᱫ᱾ ᱟᱡᱟᱜ ᱢᱚᱛᱚ ᱚᱝᱥᱟᱨ ᱜᱷᱟᱨᱚᱸᱡᱽ ᱜᱮ ᱫᱤᱥᱚᱢ ᱨᱮᱭᱟᱜ ᱯᱷᱟᱣᱩᱸᱰᱮᱥᱚᱱ᱾ ᱟᱡᱟᱜ ᱢᱤᱫᱴᱟᱝ ᱵᱷᱮᱜᱟᱨ ᱥᱮᱪᱮᱫ ᱛᱟᱦᱮᱸ ᱠᱟᱱᱟ᱾ ᱚᱱᱟ ᱫᱚ- ᱟᱢ ᱪᱮᱫ ᱞᱮᱠᱟ ᱵᱮᱣᱦᱟᱨ ᱮᱢ ᱟᱥᱟᱭᱮᱜᱼᱟ ᱦᱚᱲ ᱦᱚᱸ ᱚᱱᱠᱟ ᱜᱮ ᱵᱮᱣᱦᱟᱨ ᱠᱚᱢᱮ᱾ ᱡᱤᱥᱩ ᱦᱚᱸ ᱱᱚᱶᱟ ᱥᱮᱪᱮᱫ ᱮ ᱮᱢᱟ ᱠᱚ ᱠᱟᱱ ᱛᱟᱦᱮᱸᱫ᱾
ᱟᱡᱟᱜ ᱥᱮᱪᱮᱫ ᱠᱚᱫᱚ ᱟᱱᱟᱞᱮᱠᱭᱩ ᱯᱚᱛᱚᱵ ᱨᱮ ᱚᱞ ᱫᱚᱦᱚ ᱟᱠᱟᱱᱟ᱾
ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ
- Multilingual web site on Confucius and the Analects
- The Dao of Kongzi Archived ᱒᱐᱑᱗-᱑᱐-᱒᱐ at the Wayback Machine., introduction to the thought of Confucius.
- Confucian Analects (Project Gutenberg release of James Legge's Translation)
- Core philosophical passages in the Analects of Confucius.