ᱠᱟᱡᱚᱞ ᱢᱩᱠᱷᱟᱨᱡᱤ
ᱠᱟᱡᱚᱞ ᱢᱩᱠᱷᱟᱨᱡᱤ ᱫᱚ ᱢᱤᱫ ᱥᱤᱧᱚᱛᱤᱭᱟ ᱯᱷᱤᱞᱢ ᱮᱠᱴᱨᱮᱥ ᱠᱟᱱᱟᱭ ᱾ ᱩᱱᱤ ᱫᱚ ᱵᱟᱹᱲᱛᱤ ᱠᱟᱛᱮ ᱦᱤᱱᱫᱤ ᱯᱷᱤᱞ ᱨᱮ ᱠᱟᱹᱢᱤ ᱭᱟᱭ ᱾ ᱠᱟᱡᱚᱞ ᱫᱚ ᱢᱩᱢᱵᱟᱭ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱮᱠᱴᱨᱮᱥ ᱛᱚᱱᱩᱡᱟ ᱥᱚᱢᱚᱨᱛᱷ ᱟᱨ ᱯᱷᱤᱞᱢ ᱯᱨᱚᱰᱭᱩᱥᱚᱨ ᱥᱚᱢᱩ ᱢᱩᱠᱷᱟᱨᱡᱤ ᱛᱤᱠᱤᱱᱤᱡ ᱦᱚᱯᱚᱱ ᱮᱨᱟᱭ ᱛᱟᱦᱮᱸ ᱠᱟᱱᱟ ᱾[᱑][᱒][᱓] ᱩᱱᱤ ᱫᱚ ᱛᱩᱨᱩᱭ ᱜᱚᱴᱟᱝ ᱯᱷᱤᱞᱢ ᱯᱷᱮᱭᱟᱨ ᱥᱤᱨᱯᱷᱟᱹᱭ ᱡᱤᱛᱠᱟᱹᱨ ᱟᱠᱟᱱᱟ ᱦᱤᱱᱫᱤ ᱯᱷᱤᱞᱢ ᱡᱮᱜᱮᱛ ᱨᱮ ᱛᱤᱨᱞᱟᱹ ᱞᱮᱠᱟᱛᱮ ᱡᱚᱛᱚᱚ ᱠᱷᱚᱱ ᱵᱟᱹᱲᱛᱤ ᱯᱷᱤᱞ ᱯᱷᱮᱭᱟᱨ ᱥᱤᱨᱯᱷᱟᱹᱭ ᱡᱤᱛᱠᱟᱹᱨ ᱟᱠᱟᱱᱟ ᱾ ᱒᱐᱑᱑ ᱥᱟᱞᱮ ᱨᱮ ᱥᱤᱧᱚᱛ ᱥᱚᱨᱠᱟᱨ ᱠᱟᱡᱚᱞ ᱫᱚ ᱯᱩᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱢᱟᱹᱱ ᱥᱤᱨᱯᱟᱹ ᱯᱚᱫᱽᱢᱚᱥᱝᱨᱤ ᱥᱚᱢᱢᱱᱟ ᱮ ᱮᱢᱟᱫ ᱫᱮ ᱛᱟᱦᱮᱸᱫ ᱾[᱔] ᱒᱐᱐᱖ ᱥᱟᱞᱮ ᱨᱮ ᱥᱮᱞᱮᱫ ᱯᱚᱱᱚᱛ ᱟᱢᱮᱨᱤᱠᱟ ᱨᱮ ᱵᱚᱞᱤᱣᱩᱰ ᱥᱚᱨᱮᱥ ᱦᱩᱱᱟᱹᱨᱤᱭᱟᱹ ᱞᱮᱠᱟᱛᱮ ᱠᱟᱡᱚᱞᱟᱜ ᱢᱩᱴᱷᱟᱹᱱ ᱠᱚ ᱛᱷᱟᱯᱚᱱ ᱞᱮᱫ ᱛᱟᱦᱮᱸᱫ ᱾ [᱕]
| ᱠᱟᱡᱚᱞ ᱢᱩᱠᱷᱟᱨᱡᱤ | |
|---|---|
.jpg) | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱠᱟᱡᱚᱞ ᱢᱩᱠᱷᱟᱨᱡᱤ ᱕ ᱚᱜᱚᱥᱴ ᱑᱙᱗᱔ ᱢᱩᱢᱵᱟᱭ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ |
| ᱠᱟᱹᱢᱤ | ᱮᱠᱴᱨᱮᱥ |
| ᱠᱟᱹᱢᱤ ᱚᱠᱛᱚ | ᱑᱙᱙᱒–ᱱᱤᱛ ᱦᱟᱹᱵᱤᱡ |
| ᱡᱤᱭᱚᱱ ᱥᱚᱦᱮᱫ | ᱚᱡᱚᱭ ᱫᱮᱵᱽᱜᱚᱱ (m. 1999) |
| ᱦᱚᱯᱚᱱ | ᱒ |
| ᱟᱯᱟᱛ ᱮᱸᱜᱟᱛ | ᱥᱚᱢᱩ ᱢᱩᱠᱷᱟᱹᱨᱡᱤ ᱛᱚᱱᱩᱡᱟ ᱥᱚᱢᱚᱨᱛᱷ |
ᱠᱟᱡᱚᱞ ᱫᱚ ᱑᱙᱙᱒ ᱥᱟᱞᱮ ᱨᱮ ᱵᱮᱠᱷᱩᱫᱤ ᱯᱷᱤᱞᱢ ᱫᱟᱨᱟᱭ ᱛᱮ ᱯᱷᱤᱞᱢ ᱫᱩᱱᱤᱭᱟᱹ ᱨᱮ ᱟᱬᱜᱚ ᱞᱮᱱ ᱛᱟᱦᱮᱸᱫ ᱾[᱖] ᱚᱱᱟ ᱛᱟᱭᱚᱢ ᱑᱙᱙᱓ ᱥᱟᱞᱮ ᱨᱮ ᱵᱟᱡᱤᱜᱚᱨ ᱫᱚ ᱟᱡᱟᱜ ᱢᱤᱫ ᱥᱚᱠᱥᱮᱥᱟᱱ ᱯᱷᱤᱞᱢ ᱞᱮᱠᱟᱛᱮ ᱢᱟᱹᱱ ᱮ ᱧᱟᱢ ᱞᱮᱫᱼᱟ ᱾ ᱱᱚᱶᱟ ᱯᱷᱤᱞᱢ ᱨᱮ ᱯᱩᱭᱞᱩ ᱫᱷᱟᱣ ᱥᱟᱨᱩᱠᱷ ᱠᱷᱟᱱ ᱥᱟᱶ ᱮ ᱠᱟᱹᱢᱤ ᱞᱮᱫ ᱛᱟᱦᱮᱸᱫ ᱾ ᱠᱟᱡᱚᱞ ᱫᱚ ᱵᱮᱠᱷᱩᱫ ᱯᱷᱞᱢ ᱨᱮ ᱠᱟᱹᱢᱤ ᱠᱮᱫ ᱛᱟᱭᱚᱢ ᱟᱡᱟᱜ ᱚᱞᱚᱜ ᱯᱟᱲᱦᱟᱣ ᱫᱚᱭ ᱛᱷᱩᱠᱩᱢ ᱞᱮᱫ ᱛᱟᱦᱮᱸᱫ ᱾ ᱟᱨ ᱯᱷᱤᱞᱢ ᱨᱮ ᱠᱟᱹᱢᱤ ᱜᱮ ᱟᱡᱟᱜ ᱯᱨᱚᱯᱷᱮᱥᱚᱱ ᱞᱮᱠᱟᱛᱮᱭ ᱟᱯᱱᱟᱝᱨ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱑᱙᱔ ᱥᱟᱞᱮ ᱨᱮ ᱭᱮ ᱫᱞᱞᱟᱜᱤ, ᱑᱙᱙᱗ ᱥᱟᱞᱮ ᱨᱮ ᱤᱥᱠ, ᱑᱙᱙᱘ ᱥᱟᱞᱮ ᱨᱮ ᱯᱤᱭᱟᱨ ᱠᱤᱭᱟ ᱛᱚ ᱰᱟᱨᱱᱟ ᱠᱤᱭᱟ, ᱯᱤᱭᱟᱨ ᱛᱚ ᱦᱚᱱᱟ ᱦᱤ ᱛᱷᱟ, ᱑᱙᱙᱙ ᱥᱟᱞᱮ ᱨᱮ ᱦᱟᱢ ᱟᱯᱠᱮ ᱫᱤᱞᱢᱮ ᱨᱮᱦᱛᱮ ᱦᱮ, ᱮᱢᱟᱱ ᱥᱚᱨᱮᱥ ᱯᱷᱤᱞᱢ ᱨᱮ ᱠᱟᱹᱢᱤ ᱠᱟᱛᱮ ᱧᱩᱢ ᱮ ᱟᱨᱡᱟᱣ ᱞᱮᱫ ᱛᱟᱦᱮᱝᱫ ᱾ ᱑᱙᱙᱗ ᱥᱟᱞᱮ ᱨᱮ ᱜᱩᱯᱛ ᱺ ᱫᱟ ᱦᱤᱰᱮᱱ ᱴᱨᱩᱛᱷ ᱯᱷᱤᱞᱢ ᱨᱮ ᱫᱚ ᱠᱟᱡᱚᱞ ᱵᱷᱞᱮᱱ ᱞᱮᱠᱟᱛᱮ ᱯᱟᱴ ᱞᱮᱫ ᱛᱟᱦᱮᱸᱫ ᱟᱨ ᱱᱚᱶᱟ ᱯᱷᱤᱞᱢ ᱞᱟᱹᱜᱤᱫ ᱟᱹᱰᱤ ᱠᱚ ᱚᱠᱛᱟ ᱞᱮᱫᱮ ᱛᱟᱦᱮᱸᱫ, ᱮᱱᱛᱮ ᱨᱮᱦᱚᱸ ᱵᱷᱟᱹᱜᱤ ᱵᱷᱤᱞᱮᱱ ᱞᱮᱠᱟᱛᱮ ᱯᱷᱤᱞᱢ ᱯᱷᱮᱭᱟᱨ ᱥᱤᱨᱯᱷᱟᱹᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾
ᱱᱚᱶᱟ ᱛᱟᱭᱚᱢ ᱥᱟᱨᱩᱠᱷ ᱠᱷᱟᱱ ᱥᱟᱶ ᱟᱭᱢᱟ ᱵᱷᱟᱹᱜᱤ ᱯᱷᱤᱢ ᱠᱚᱭ ᱠᱚᱨᱟᱣ ᱞᱮᱫ ᱛᱟᱦᱮᱸᱫ ᱾ ᱑᱙᱙᱕ ᱥᱟᱞᱮ ᱨᱮ ᱫᱤᱞ ᱣᱟᱞᱮ ᱫᱩᱞᱦᱟᱱᱤᱭᱟ ᱞᱮ ᱡᱟᱭᱮᱝᱜᱮ , ᱑᱙᱙᱘ ᱥᱟᱞᱮ ᱨᱮ ᱠᱩᱪ ᱠᱩᱪ ᱦᱚᱛᱟ ᱦᱮ , ᱒᱐᱐᱑ ᱨᱮ ᱠᱚᱵᱷᱤ ᱠᱷᱩᱥᱤ ᱠᱚᱵᱷᱤ ᱜᱚᱢ, ᱒᱐᱑᱐ ᱥᱟᱞᱮ ᱨᱮ ᱢᱟᱭᱤ ᱱᱮᱢ ᱤᱡᱽ ᱠᱷᱟᱱ ᱮᱢᱟᱱ ᱯᱷᱞᱢ ᱨᱮ ᱥᱟᱨᱩᱠᱷ ᱥᱟᱶ ᱮ ᱠᱟᱹᱢᱤ ᱞᱮᱫ ᱟ ᱟᱨ ᱱᱚᱶᱟ ᱯᱷᱤᱞᱢ ᱠᱚ ᱞᱟᱹᱜᱤᱫ ᱯᱷᱤᱞᱢ ᱯᱷᱮᱭᱟᱨ ᱥᱤᱨᱯᱷᱟᱹᱭ ᱧᱟᱢ ᱞᱮᱫᱼᱟ ᱾ ᱚᱱᱟ ᱛᱟᱭᱚᱢ ᱒᱐᱐᱖ ᱥᱟᱞᱮ ᱨᱮ ᱚᱢᱤᱨ ᱠᱷᱟᱱ ᱥᱟᱞᱟᱜ ᱠᱟᱡᱚᱞᱟᱜ ᱯᱷᱤᱞᱢ ᱯᱷᱟᱱᱱᱟ ᱦᱚᱸ ᱯᱷᱤᱞᱢ ᱯᱷᱮᱭᱟᱨ ᱥᱤᱨᱯᱷᱟᱹᱭ ᱟᱹᱜᱩᱣᱟᱫ ᱫᱮ ᱛᱟᱦᱮᱸᱫ ᱾ ᱠᱟᱡᱚᱞ ᱫᱚ ᱦᱤᱱᱫᱤ ᱯᱷᱤᱞᱢ ᱵᱮᱜᱚᱨ ᱵᱟᱨᱭᱟ ᱛᱟᱢᱤᱞ ᱯᱷᱤᱞᱢ ᱟᱨ ᱢᱤᱫ ᱟᱱᱤᱢᱮᱥᱚᱱ ᱯᱷᱤᱞᱢ ᱨᱮ ᱠᱟᱹᱢᱤ ᱞᱮᱫ ᱛᱟᱦᱮᱸᱫ ᱾
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ R. Rahman A.K. Thakur (1 January 2009). Women Entrepreneurship. Deep & Deep Publications. p. 109. ISBN 978-81-8450-165-0. Archived from the original on 30 December 2016. Retrieved 1 June 2012.
{{cite book}}: Unknown parameter|deadurl=ignored (help) - ↑ Varma, Anuradha (14 June 2009). "In Bollywood, everyone's related!". The Times of India. Archived from the original on 15 July 2012. Retrieved 2 June 2012.
- ↑ "Waking up Ayan". MidDay. 12 August 2008. Archived from the original on 3 April 2012. Retrieved 12 January 2012.
{{cite news}}: Unknown parameter|deadurl=ignored (help) - ↑ "Padma awards go filmy". Hindustan Times. 2 April 2011. Archived from the original on 25 January 2013. Retrieved 12 August 2011.
- ↑ Banerjee, Akanksha (16 September 2006). "Kajol, Hrithik on London streets". IBNLive. Archived from the original on 4 November 2012. Retrieved 25 September 2012.
{{cite web}}: Cite has empty unknown parameter:|deadurl=(help) - ↑ Ramesh Dawar (1 January 2006). Bollywood Yesterday-Today-Tomorrow. Star Publications. p. 62. ISBN 978-1-905863-01-3. Archived from the original on 3 January 2014. Retrieved 5 June 2012.
{{cite book}}: Unknown parameter|deadurl=ignored (help)