ᱠᱩᱨᱩᱠᱷᱮᱛᱨᱚ ᱦᱚᱱᱚᱛ

ᱦᱚᱨᱤᱭᱟᱬᱟ ᱨᱮᱭᱟᱜ ᱦᱚᱱᱚᱛ, ᱥᱤᱧᱚᱛ

ᱠᱩᱨᱩᱠᱷᱮᱛᱨᱚ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱦᱚᱨᱤᱭᱟᱬᱟ ᱯᱚᱱᱚᱛ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ᱠᱩᱨᱩᱠᱷᱮᱛᱨᱚ ᱱᱟᱜᱽᱨᱟᱦᱟ ᱫᱚ ᱱᱚᱶᱟ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱠᱟᱱᱟ, ᱱᱚᱶᱟ ᱫᱚ ᱦᱤᱱᱫᱩ ᱫᱷᱚᱨᱚᱢ ᱨᱮᱱᱟᱜ ᱢᱤᱫ ᱫᱷᱚᱨᱚᱢ ᱛᱷᱟᱱ ᱞᱮᱠᱟᱛᱮ ᱠᱚ ᱢᱟᱱᱟᱣᱮᱫᱼᱟ ᱾ ᱱᱚᱶᱟ ᱫᱚ ᱑᱕᱓᱐ ᱜᱟᱺᱴ ᱠᱤᱞᱚᱢᱤᱴᱚᱨ ᱮᱨᱤᱭᱟ ᱛᱮ ᱯᱟᱥᱱᱟᱣ ᱟᱠᱟᱱᱟ ᱟᱨ ᱒᱐᱑᱑ ᱥᱟᱹᱦᱤᱛ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱙᱖᱔,᱖᱕᱕ ᱦᱚᱲ ᱠᱚ ᱛᱟᱦᱮᱸ ᱞᱮᱱᱟ ᱾ ᱱᱚᱶᱟ ᱦᱚᱱᱚᱛ ᱫᱚ ᱟᱢᱵᱟᱞᱟ ᱠᱷᱚᱸᱰ (Ambala division) ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱾ ᱠᱩᱨᱩᱠᱷᱮᱛᱨᱚ ᱫᱚ ᱥᱨᱤᱢᱚᱫᱽ ᱵᱷᱟᱜᱚᱣᱚᱫᱽ ᱜᱤᱛᱟ (Srimad Bhagawad Gita) ᱡᱟᱱᱟᱢ ᱴᱷᱟᱶ ᱠᱟᱱᱟ ᱾ ᱡᱚᱛᱤᱥᱟᱨ (Jyotisar) ᱧᱩᱛᱩᱢᱟᱱ ᱴᱷᱟᱶ ᱨᱮ ᱠᱨᱤᱥᱱᱟ ᱫᱚ ᱚᱨᱡᱩᱱ ᱠᱮ ᱜᱤᱛᱟ ᱨᱮᱱᱟᱜ ᱫᱤᱥᱟᱹᱭ ᱮᱢᱟᱭ ᱠᱟᱱ ᱛᱟᱦᱮᱸᱫ ᱢᱟᱦᱟᱵᱷᱟᱨᱚᱛ ᱨᱮ ᱾

ᱪᱷᱟᱹᱴᱭᱟᱹᱨ ᱥᱟᱯᱲᱟᱣ

 
ᱠᱩᱨᱩᱠᱷᱮᱛᱨᱚ ᱨᱮᱱᱟᱜ ᱞᱟᱹᱲᱦᱟᱹᱭ ᱢᱟᱦᱟᱵᱷᱟᱨᱚᱛ ᱨᱮᱱᱟᱜ ᱢᱟᱱᱩᱥᱠᱨᱤᱯᱴ (manuscript) ᱨᱮ ᱚᱞ ᱟᱠᱟᱱᱟ

ᱱᱚᱶᱟ ᱦᱚᱱᱚᱛ ᱨᱮᱱᱟᱜ ᱧᱩᱛᱩᱢ ᱫᱚ ᱢᱟᱨᱮ ᱴᱷᱟᱶ ᱠᱨᱩᱠᱷᱮᱛᱨᱚ ᱠᱷᱚᱱ ᱦᱮᱡ ᱟᱠᱟᱱᱟ, ᱡᱟᱦᱟᱸ ᱫᱚ ᱢᱮᱱᱮᱛ ᱞᱮᱠᱟᱛᱮ ᱠᱩᱨᱩ ᱠᱚᱣᱟᱜ ᱴᱷᱟᱶ ᱢᱮᱱᱛᱮ ᱵᱩᱡᱷᱟᱹᱣᱜᱼᱟ ᱾ ᱦᱚᱲ ᱯᱟᱹᱴᱭᱹᱟᱣᱜ ᱠᱟᱱᱟ ᱵᱟᱝᱢᱟ ᱢᱟᱦᱟᱵᱷᱟᱨᱚᱛ ᱢᱟᱨᱮᱠᱟᱛᱷᱟ ᱨᱮ ᱠᱩᱨᱩᱠᱷᱮᱛᱨᱚ ᱞᱟᱹᱲᱦᱟᱹᱭ ᱠᱟᱛᱷᱟ ᱚᱞ ᱟᱠᱟᱱᱟ ᱟᱨ ᱞᱟᱹᱲᱦᱟᱹᱭ ᱫᱚ ᱱᱚᱶᱟ ᱴᱷᱟᱶ ᱨᱮ ᱦᱩᱭ ᱞᱮᱱᱟ ᱟᱨ ᱥᱨᱤ ᱠᱨᱤᱥᱱᱟ ᱱᱚᱶᱟ ᱞᱟᱹᱲᱦᱟᱹᱭ ᱴᱷᱟᱶ ᱨᱮ ᱵᱷᱟᱜᱽᱵᱚᱛ ᱜᱤᱛᱟ ᱨᱮᱱᱟᱜ ᱫᱟᱢᱟᱱ ᱠᱟᱛᱷᱟ ᱚᱨᱡᱩᱱᱮ ᱥᱩᱢᱡᱟᱹᱣ ᱟᱭ ᱠᱟᱱ ᱛᱟᱦᱮᱸᱫ ᱾[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]

ᱱᱟᱜᱟᱢ ᱥᱟᱯᱲᱟᱣ

ᱱᱚᱶᱟ ᱦᱚᱱᱚᱛ ᱫᱚ ᱑᱙᱗᱓ ᱠᱚᱨᱱᱚᱞ ᱦᱚᱱᱚᱛ ᱠᱷᱚᱱ ᱵᱷᱮᱜᱮᱫ ᱚᱰᱚᱠ ᱟᱠᱟᱱᱟ ᱾ ᱛᱟᱭᱚᱢ ᱛᱮ ᱱᱚᱶᱟ ᱦᱚᱱᱚᱛ ᱨᱮᱱᱟᱜ ᱛᱤᱢᱤᱱ ᱜᱟᱱ ᱦᱟᱹᱴᱤᱧ ᱫᱚ ᱠᱚᱭᱛᱷᱚᱞ ᱦᱚᱱᱚᱛ ᱟᱨ ᱭᱟᱢᱩᱱᱟ ᱱᱟᱜᱟᱨ ᱦᱚᱱᱚᱛ (Yamuna Nagar district) ᱨᱮ ᱠᱚ ᱢᱮᱥᱟ ᱠᱮᱫᱼᱟ ᱾

ᱠᱷᱚᱸᱰ ᱥᱟᱯᱲᱟᱣ

ᱠᱩᱨᱩᱠᱷᱮᱛᱨᱚ ᱠᱷᱚᱸᱰ ᱫᱚ ᱵᱟᱨᱭᱟ ᱥᱚᱵ-ᱰᱤᱵᱷᱤᱡᱚᱱ ᱨᱮ ᱦᱟᱹᱴᱤᱧ ᱟᱠᱟᱱᱟ, ᱟᱨ ᱚᱱᱟ ᱠᱤᱱᱫᱚ ᱦᱩᱭᱩᱜ ᱠᱟᱱᱟ ᱺ ᱛᱷᱟᱱᱮᱥᱟᱨ ᱟᱨ ᱯᱮᱦᱚᱣᱟ ᱾ ᱛᱷᱟᱱᱮᱥᱚᱨ ᱥᱚᱵ-ᱰᱤᱵᱷᱤᱡᱚᱱ ᱛᱟᱹᱨᱤ ᱨᱮ ᱵᱟᱨᱭᱟ ᱛᱚᱦᱥᱤᱞ ᱢᱮᱱᱟᱜᱼᱟ ᱛᱷᱟᱱᱮᱥᱚᱨ ᱟᱨ ᱥᱟᱦᱟᱵᱟᱫᱽ, ᱚᱱᱟ ᱥᱟᱶᱛᱮ ᱵᱟᱨᱭᱟ ᱥᱚᱵ-ᱛᱚᱦᱥᱤᱞ ᱢᱮᱱᱟᱜᱼᱟ ᱞᱟᱫᱽᱣᱟ ᱟᱨ ᱵᱟᱵᱟᱭᱤᱱ ᱾

ᱯᱮᱦᱚᱣᱟ ᱥᱚᱵᱽᱰᱤᱵᱷᱤᱡᱚᱱ ᱛᱟᱹᱨᱤ ᱨᱮ ᱯᱮᱦᱚᱣᱟ ᱛᱚᱦᱥᱤᱞ ᱟᱨ ᱤᱥᱞᱟᱢᱟᱵᱟᱫᱽ ᱥᱚᱵᱽᱲᱛᱚᱦᱥᱤᱞ ᱢᱮᱱᱟᱜᱼᱟ ᱾ ᱱᱚᱶᱟ ᱦᱚᱱᱛ ᱨᱮᱱᱟᱜ ᱢᱟᱨᱟᱝ ᱱᱟᱜᱟᱨ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱠᱩᱨᱩᱠᱷᱮᱛᱨᱚ, ᱛᱷᱟᱱᱮᱥᱚᱨ ᱟᱨ ᱯᱮᱦᱚᱣᱟ ᱾ ᱱᱚᱶᱟ ᱦᱚᱱᱚᱛ ᱫᱚ ᱯᱚᱧᱡᱟᱵᱽ ᱯᱚᱱᱚᱛ ᱵᱷᱤᱲᱟᱹᱣ ᱨᱮ ᱢᱮᱱᱟᱜ ᱛᱮ ᱥᱤᱠᱷ ᱫᱷᱚᱨᱚᱢ ᱦᱚᱲ ᱵᱟᱹᱲᱛᱤ ᱢᱮᱱᱟᱜ ᱠᱚᱣᱟ ᱾

ᱰᱮᱢᱚᱜᱽᱨᱟᱯᱷᱤᱠ ᱥᱟᱯᱲᱟᱣ

᱒᱐᱑᱑ ᱥᱟᱹᱦᱤᱛ ᱥᱤᱧᱚᱛ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱠᱩᱨᱩᱠᱷᱮᱛᱨᱚ ᱦᱚᱱᱚᱛ ᱨᱮ ᱙᱖᱔,᱒᱓᱑ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ[᱑], ᱡᱟᱦᱟᱸ ᱫᱚ ᱯᱷᱤᱡᱤ ᱫᱤᱥᱚᱢ[᱒] ᱦᱚᱲ ᱮᱞ ᱟᱨᱵᱟᱝ ᱡᱩᱢᱤᱫᱽ ᱯᱚᱱᱚᱛ (US state) ᱨᱮᱱᱟᱜ ᱢᱚᱱᱴᱟᱱᱟ (Montana) ᱨᱤᱱ ᱦᱚᱲ ᱮᱞ ᱥᱟᱶ ᱠᱚ ᱵᱟᱟᱵᱟᱹᱨᱤ ᱫᱷᱟᱨᱟᱜ ᱠᱟᱱᱟ ᱾[᱓] ᱥᱤᱧᱚᱛ ᱨᱮᱱᱟᱜ ᱖᱔᱐ ᱦᱚᱱᱚᱛ ᱢᱩᱸᱫᱽ ᱠᱷᱚᱱ ᱱᱚᱣᱟ ᱦᱚᱱᱚᱛ ᱫᱚ ᱔᱕᱒ ᱟᱱᱟᱜ ᱴᱷᱟᱶ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱦᱚᱱᱚᱛ ᱨᱮ ᱦᱚᱲ ᱵᱟᱹᱰᱚᱜ ᱠᱟᱱ ᱫᱚᱨ ᱫᱚ ᱑᱖.᱘᱑% ᱛᱟᱦᱮᱸ ᱠᱟᱱᱟ ᱒᱐᱐᱑ ᱠᱷᱚᱱ ᱒᱐᱑᱑ ᱥᱟᱹᱦᱤᱛ ᱢᱩᱸᱫᱽ ᱨᱮ ᱾ ᱡᱟᱱᱟᱝ ᱡᱟᱹᱱᱤ ᱞᱮᱠᱛᱮ ᱘᱘᱙ ᱠᱩᱲᱤ ᱨᱮ ᱑᱐᱐᱐ ᱠᱚᱲᱟ ᱢᱮᱱᱟᱜ ᱠᱚᱣᱟ ᱟᱨ ᱥᱤᱠᱷᱱᱟᱹᱛ ᱫᱚᱨ ᱫᱚ ᱗᱖.᱗% ᱛᱟᱦᱮᱸ ᱠᱟᱱᱟ ।

᱒᱐᱑᱑ ᱥᱟᱹᱦᱤᱛ ᱦᱚᱲ ᱞᱮᱠᱷᱟ ᱚᱠᱛᱚ ᱨᱮ ᱘᱑.᱙᱔% ᱦᱚᱲ ᱫᱚ ᱦᱤᱱᱫᱤ ᱯᱟᱹᱨᱥᱤ ᱟᱨ ᱑᱗.᱔᱗% ᱦᱚᱲ ᱫᱚ ᱯᱚᱧᱡᱟᱵᱤ ᱯᱟᱹᱨᱥᱤ ᱟᱠᱚᱣᱟᱜ ᱡᱟᱱᱟᱝ ᱟᱲᱟᱝ ᱞᱮᱠᱟᱛᱮ ᱠᱚ ᱵᱮᱵᱷᱟᱨᱮᱫ ᱛᱟᱦᱮᱸᱫ ᱾[᱔]

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ

  1. "District Census 2011". Census2011.co.in. 2011. Retrieved 2011-09-30.
  2. US Directorate of Intelligence. "Country Comparison:Population". Archived from the original on 2011-09-27. Retrieved 2011-10-01. Fiji 883,125 July 2011 est.
  3. "2010 Resident Population Data". U. S. Census Bureau. Archived from the original on 2013-10-19. Retrieved 2011-09-30. Montana 989,415
  4. 2011 Census of India, Population By Mother Tongue

ᱵᱟᱨᱦᱮ ᱡᱚᱱᱚᱲ ᱥᱟᱯᱲᱟᱣ