ᱠᱮᱹᱴ ᱣᱤᱱᱥᱞᱮᱹᱴ

ᱠᱮᱹᱴ ᱣᱤᱱᱥᱞᱮᱹᱴ (ᱡᱟᱱᱟᱢ:᱙ ᱚᱠᱴᱚᱵᱚᱨ ᱑᱙᱗᱕) ᱫᱚ ᱤᱝᱨᱮᱡᱽ ᱚᱵᱷᱤᱱᱚᱭ ᱠᱷᱮᱞᱚᱰᱤᱭᱟᱹ ᱟᱨ ᱥᱮᱨᱮᱧ ᱵᱟᱰᱚᱦᱤ ᱦᱚᱸ ᱠᱟᱱᱟᱭ᱾ ᱟᱭᱟᱜ ᱠᱟᱹᱢᱤ ᱡᱤᱭᱚᱱ ᱨᱮ ᱱᱟᱱᱟ ᱦᱩᱱᱟᱹᱨ ᱪᱚᱨᱤᱛ ᱨᱮ ᱚᱵᱷᱤᱱᱚᱭ ᱞᱟᱹᱜᱤᱛ ᱩᱱᱤ ᱫᱚ ᱟᱹᱰᱤᱜᱮᱭ ᱧᱩᱛᱩᱢ ᱟᱠᱟᱫᱟ᱾ ᱡᱟᱸᱦᱟᱸ ᱞᱮᱠᱟ ᱥᱮᱱᱥ ᱮᱱᱰ ᱥᱮᱱᱥᱥᱤᱵᱤᱞᱤᱴᱤ ᱨᱮ ᱢᱟᱨᱤᱭᱟᱱ ᱰᱮᱥᱩᱰ, ᱴᱟᱭᱴᱟᱱᱤᱠ ᱨᱮ ᱨᱳᱡᱽ ᱰᱩᱭᱮᱴᱵᱩᱠᱮᱴᱚᱨ, ᱤᱴᱟᱨᱱᱟᱞ ᱥᱟᱱᱥᱟᱭᱤᱱ ᱚᱵ ᱫᱟ ᱮᱥᱯᱳᱴᱞᱮᱥ ᱢᱟᱭᱤᱱᱰ ᱨᱮ ᱠᱞᱤᱢᱮᱱᱴᱟᱭᱤᱱ ᱠᱨᱩᱡᱤᱱᱚᱥᱠᱤ, ᱞᱤᱴᱚᱞ ᱪᱤᱞᱰᱨᱮᱱ ᱨᱮ ᱥᱟᱨᱟᱦ ᱯᱤᱭᱟᱨᱥ, ᱨᱮᱵᱷᱩᱞᱚᱥᱚᱱᱟᱨᱤ ᱨᱳᱰ ᱨᱮ ᱮᱯᱨᱤᱞ ᱦᱩᱭᱞᱟᱨ ᱟᱨ ᱨᱤᱰᱟᱨ ᱥᱤᱱᱮᱢᱟ ᱨᱮ ᱮ ᱦᱟᱱᱟ ᱥᱤᱢᱤᱴᱚᱡᱽ ᱪᱚᱨᱤᱛ ᱨᱮ ᱚᱵᱷᱤᱱᱚᱭ᱾

ᱠᱮᱹᱴ ᱣᱤᱱᱥᱞᱮᱹᱴ
CBE
A close-up shot of Kate Winslet's face in 2017
᱒᱐᱑᱗ ᱥᱮᱨᱢᱟ ᱨᱮ ᱴᱚᱨᱚᱱᱴᱳ ᱡᱮᱜᱮᱛ ᱡᱟᱠᱟᱛ ᱯᱷᱤᱞᱢ ᱯᱚᱨᱚᱵᱽ ᱨᱮ ᱠᱮᱹᱴ ᱣᱤᱱᱥᱞᱮᱹᱴ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶᱠᱮᱹᱴ ᱮᱹᱞᱤᱡᱟᱵᱮᱛᱷ ᱣᱤᱱᱥᱞᱮᱹᱴ
᱕ ᱚᱠᱴᱚᱵᱚᱨ ᱑᱙᱗᱕ (1975-10-05) (᱔᱘ ᱥᱮᱨᱢᱟ)
Reading, Berkshire, England
ᱥᱮᱪᱮᱫ ᱟᱠᱷᱲᱟRedroofs Theatre School
ᱠᱟᱹᱢᱤᱚᱵᱷᱤᱱᱚᱭ ᱠᱷᱮᱞᱚᱰᱤᱭᱟᱹ
ᱠᱟᱹᱢᱤ ᱚᱠᱛᱚ᱑᱙᱙᱑–ᱠᱷᱚᱱ ᱱᱤᱛ ᱫᱷᱟᱹᱵᱤᱡ
WorksFull list
ᱡᱤᱭᱚᱱ ᱥᱚᱦᱮᱫ
ᱦᱚᱯᱚᱱ
ᱥᱤᱨᱯᱷᱟᱹFull list

ᱣᱤᱱᱥᱞᱮᱹᱴ ᱖ ᱫᱷᱟᱣ ᱮᱠᱟᱰᱮᱹᱢᱤ ᱥᱤᱨᱯᱟᱹ ᱞᱟᱹᱜᱤᱛ ᱢᱚᱱᱚᱱᱚᱭᱚᱱᱮ ᱧᱟᱢ ᱞᱮᱫᱟ ᱟᱨ ᱨᱤᱰᱟᱨ ᱥᱤᱱᱮᱢᱟ ᱨᱮ ᱥᱮᱨᱟ ᱚᱵᱷᱤᱱᱚᱭ ᱠᱷᱮᱞᱚᱰᱤᱭᱟᱹ ᱦᱤᱥᱟᱹᱵᱛᱮ ᱮᱠᱟᱰᱮᱹᱢᱤ ᱥᱤᱨᱯᱟᱹᱭ ᱧᱟᱢ ᱟᱠᱟᱫᱟ᱾ ᱤᱱᱟᱹ ᱥᱟᱶ ᱩᱱᱤ ᱫᱚ ᱤᱥᱠᱨᱤᱱ ᱮᱠᱴᱚᱨᱥ ᱜᱤᱞᱰ, ᱵᱨᱤᱴᱤᱥ ᱮᱠᱟᱰᱮᱹᱢᱤ ᱚᱵ ᱯᱷᱤᱞᱢ ᱮᱱᱰ ᱴᱮᱞᱤᱵᱷᱤᱥᱚᱱ ᱟᱨᱴᱥ ᱟᱨ ᱦᱚᱞᱤᱣᱰ ᱯᱷᱚᱨᱮᱱ ᱯᱨᱮᱹᱥ ᱮᱥᱳᱥᱤᱭᱮᱥᱚᱱ ᱠᱷᱚᱱ ᱦᱚᱸ ᱥᱤᱨᱯᱟᱹᱭ ᱧᱟᱢ ᱟᱠᱟᱫᱟ᱾ ᱢᱤᱫ ᱫᱷᱟᱣ ᱮᱢᱤ ᱥᱤᱨᱯᱟᱹ ᱞᱟᱹᱜᱤᱛ ᱦᱚᱸ ᱢᱚᱱᱚᱱᱚᱭᱚᱱᱮ ᱧᱟᱢ ᱞᱮᱫᱟ᱾

ᱮᱛᱦᱚᱵ ᱡᱤᱭᱚᱱ ᱥᱟᱯᱲᱟᱣ

ᱣᱤᱱᱥᱞᱮᱹᱴ ᱫᱚ ᱡᱚᱱᱚᱲ ᱯᱚᱱᱚᱛ ᱨᱮᱱᱟᱜ ᱵᱟᱨᱠᱥᱮᱭᱟᱨ ᱨᱤᱰᱤᱝ ᱨᱮᱭ ᱡᱟᱱᱟᱢ ᱟᱠᱟᱱᱟ᱾ ᱩᱱᱤ ᱟᱡ ᱜᱚᱜᱚ ᱥᱮᱞᱤ ᱮᱱ ᱫᱚ ᱦᱟᱺᱰᱤ ᱵᱷᱟᱹᱴᱤ ᱨᱮᱱ ᱦᱟᱺᱰᱤ ᱮᱢᱚᱜ ᱤᱡ ᱮ ᱛᱟᱸᱦᱮᱸᱠᱟᱱᱟ ᱟᱨ ᱟᱡ ᱵᱟᱵᱟ ᱨᱚᱡᱟᱨ ᱡᱚᱱ ᱫᱚ ᱥᱩᱭᱢᱤᱝ ᱯᱩᱞ ᱨᱮᱱ ᱴᱷᱤᱠᱟᱫᱟᱨᱮ ᱛᱟᱸᱦᱮᱸᱠᱟᱱᱟ᱾ ᱟᱡ ᱵᱟᱵᱟ ᱜᱚᱜᱚ ᱚᱱᱟ ᱥᱟᱶ ᱦᱩᱰᱤᱧ ᱚᱵᱷᱤᱱᱚᱭ ᱵᱟᱰᱚᱦᱤ ᱦᱚᱸ ᱠᱤᱱ ᱛᱟᱸᱦᱮᱸᱠᱟᱱᱟ᱾ ᱟᱫᱚ ᱟᱭ ᱚᱵᱚᱥᱛᱷᱚ ᱫᱚ ᱩᱱᱟᱹ ᱢᱚᱡᱽ ᱫᱚ ᱵᱟᱝ ᱛᱟᱸᱦᱮᱸᱠᱟᱱ ᱛᱟᱠᱩᱣᱟ᱾ ᱟᱡ ᱜᱚᱲᱚᱢ ᱦᱟᱲᱟᱢ ᱵᱩᱰᱦᱤ ᱫᱚ ᱢᱤᱫᱴᱮᱱ ᱱᱟᱴᱚᱠ ᱫᱚᱞ ᱠᱤᱱ ᱵᱮᱱᱟᱣ ᱞᱮᱫᱟ ᱟᱨ ᱚᱸᱟ ᱪᱟᱞᱟᱣ ᱠᱟᱛᱮ ᱜᱮ ᱠᱤᱱ ᱟᱭ ᱨᱳᱡᱽᱜᱟᱨᱮᱜ ᱠᱟᱱ ᱛᱟᱸᱦᱮᱸᱱᱟ᱾

ᱣᱤᱱᱥᱞᱮᱹᱴ ᱫᱚᱭ ᱦᱟᱨᱟᱣ ᱟᱠᱟᱱᱟ ᱢᱤᱫ ᱮᱝᱜᱽᱞᱤᱠᱟᱱ ᱦᱤᱥᱟᱹᱵᱛᱮ᱾ ᱑᱑ ᱥᱮᱨᱢᱟ ᱠᱷᱚᱱ ᱩᱱᱤ ᱫᱚ ᱨᱮᱹᱰᱨᱩᱯᱷᱥ ᱛᱷᱤᱭᱮᱴᱟᱨ ᱤᱥᱠᱩᱞ ᱨᱮ ᱱᱟᱴᱚᱠ ᱥᱟᱛᱟᱢ ᱪᱮᱛᱟᱱ ᱨᱮ ᱯᱟᱲᱦᱟᱜ ᱮ ᱮᱛᱦᱚᱵ ᱞᱮᱫᱟ᱾ ᱚᱸᱰᱮ ᱯᱟᱲᱦᱟᱜ ᱚᱠᱛᱚ ᱨᱮᱜᱮ ᱴᱮᱞᱤᱵᱷᱤᱥᱚᱱ ᱨᱮ ᱚᱵᱷᱤᱱᱚᱭ ᱨᱮᱱᱟᱜ ᱥᱩᱡᱳᱜᱮ ᱧᱟᱢ ᱞᱮᱫᱟ ᱢᱤᱫᱴᱮᱱ ᱥᱤᱨᱤᱭᱟᱞ ᱱᱟᱴᱚᱠ ᱨᱮ᱾ ᱚᱱᱟ ᱨᱮᱱᱟᱜ ᱧᱩᱛᱩᱢ ᱛᱟᱸᱦᱮᱸᱠᱟᱱᱟ ᱥᱩᱜᱟᱨ ᱯᱟᱯᱷᱥ᱾ ᱚᱱᱟ ᱫᱚᱭ ᱯᱚᱨᱤᱪᱟᱞᱚᱱᱟᱣ ᱠᱟᱫᱟ ᱴᱤᱢ ᱯᱳᱯ᱾

ᱠᱟᱹᱢᱤ ᱡᱤᱭᱚᱱ ᱥᱟᱯᱲᱟᱣ

ᱥᱮᱨᱮᱧ ᱥᱟᱯᱲᱟᱣ

ᱥᱟᱣᱤᱱᱰ ᱴᱨᱟᱠ ᱠᱨᱤᱥᱢᱟᱥ ᱠᱮᱨᱚᱞ: ᱫᱟ ᱢᱤᱵᱷᱤ ᱨᱮ ᱦᱳᱣᱟᱴ ᱤᱯᱷ ᱴᱟᱭᱴᱮᱞ ᱛᱮ ᱯᱟᱹᱦᱤᱞ ᱫᱷᱟᱣ ᱞᱮᱠᱟᱛᱮᱭ ᱥᱮᱨᱮᱧ ᱞᱮᱫᱟ᱾ ᱱᱚᱣᱟ ᱫᱚ ᱟᱭᱨᱤᱥ ᱛᱟᱹᱞᱠᱟᱹ ᱨᱮ ᱯᱩᱭᱞᱩ ᱟᱨ ᱡᱩᱠᱛᱚᱨᱟᱡᱡᱚ ᱨᱮ ᱖ ᱟᱜ ᱥᱤᱨᱤᱭᱟᱞ ᱨᱮ ᱛᱟᱸᱦᱮᱸᱠᱟᱱᱟ᱾ ᱱᱚᱣᱟ ᱥᱮᱨᱮᱧ ᱨᱮᱱᱟᱜ ᱵᱷᱤᱰᱤᱭᱳ ᱨᱮᱦᱚᱸ ᱟᱡ ᱜᱮᱭ ᱚᱵᱷᱤᱱᱚᱭ ᱟᱠᱟᱫᱟ᱾ ᱟᱨᱦᱚᱸ ᱵᱮᱥ ᱠᱤᱪᱷᱩ ᱥᱤᱱᱮᱢᱟ ᱨᱮ ᱥᱮ ᱮᱞᱵᱟᱢ ᱨᱮ ᱦᱚᱸᱭ ᱥᱮᱨᱮᱧ ᱟᱠᱟᱫᱟ᱾

ᱟᱭᱟᱜ ᱟᱯᱱᱟᱨ ᱡᱤᱭᱚᱱ ᱥᱟᱯᱲᱟᱣ

ᱰᱟᱨᱠ ᱥᱤᱡᱚᱱ ᱨᱮ ᱠᱟᱹᱢᱤ ᱡᱚᱠᱷᱚᱡ ᱣᱤᱱᱥᱞᱮᱹᱴ ᱥᱟᱶᱛᱮ ᱚᱵᱷᱤᱱᱚᱭ ᱠᱷᱮᱞᱚᱰᱤᱭᱟᱹ ᱤᱥᱴᱤᱯᱷᱟᱱ ᱴᱨᱤᱰ ᱟᱜ ᱧᱟᱯᱟᱢ ᱦᱩᱭᱞᱮᱱᱟ᱾ ᱴᱟᱭᱴᱟᱱᱤᱠ ᱨᱮ ᱠᱟᱹᱢᱤ ᱚᱠᱛᱚᱨᱮ ᱤᱥᱴᱤᱯᱷᱟᱱ ᱴᱨᱤᱰ ᱟᱜ ᱠᱮᱱᱥᱟᱨ ᱦᱩᱭᱞᱮᱱᱟ ᱟᱨ ᱥᱤᱱᱮᱢᱟ ᱢᱩᱪᱟᱹᱫ ᱠᱤᱪᱷᱩᱫᱤᱱ ᱯᱚᱨᱮ ᱜᱮ ᱩᱱᱤᱭ ᱵᱚᱸᱜᱟᱛᱟᱞᱟᱭᱱᱟ᱾

ᱤᱱᱟᱹ ᱛᱟᱭᱚᱢ ᱣᱤᱱᱥᱞᱮᱹᱴ ᱥᱟᱶᱛᱮ ᱨᱟᱯᱷᱟᱥ ᱤᱣᱭᱮᱞ ᱟᱜ ᱥᱟᱹᱜᱟᱹᱭ ᱡᱚᱲᱟᱣᱞᱮᱱᱟ᱾ ᱠᱤᱱᱛᱩ ᱠᱤᱪᱷᱩᱫᱤᱱ ᱛᱟᱭᱚᱢ ᱑᱙᱙᱘ ᱥᱮᱨᱢᱟ ᱨᱮᱱᱟᱜ ᱒᱒ ᱱᱚᱵᱷᱮᱢᱵᱚᱨ ᱣᱤᱱᱥᱞᱮᱹᱴ ᱥᱤᱱᱮᱢᱟ ᱯᱚᱨᱤᱪᱟᱞᱚᱠ ᱡᱤᱢ ᱛᱷᱨᱤᱯᱚᱞᱴᱚᱱᱮ ᱵᱟᱯᱞᱟ ᱞᱤᱫᱤᱭᱟ᱾ ᱩᱱᱠᱤᱱᱟ ᱢᱤᱫᱴᱮᱱ ᱠᱩᱲᱤ ᱜᱤᱫᱨᱟᱹᱭ ᱦᱩᱭᱞᱮᱱᱟ, ᱩᱱᱤᱭᱟᱜ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱᱟ ᱢᱤᱭᱟ ᱦᱟᱱᱤ ᱛᱷᱨᱤᱯᱚᱞᱴᱚᱱ᱾ ᱚᱫᱚ ᱩᱱᱠᱤᱱᱟᱜ ᱦᱚᱸ ᱢᱤᱫ ᱥᱟᱶᱛᱮ ᱛᱟᱸᱦᱮᱸᱱ ᱫᱚ ᱟᱹᱰᱤ ᱫᱤᱱ ᱵᱟᱝ ᱦᱩᱭᱞᱮᱱᱟ᱾

ᱤᱱᱟᱹ ᱛᱟᱭᱚᱢ ᱒᱐᱐᱑ ᱥᱮᱨᱢᱟ ᱥᱮᱡ ᱯᱚᱨᱤᱪᱟᱞᱚᱠ ᱥᱮᱢ ᱢᱮᱱᱰᱮᱡᱽ ᱥᱟᱶᱛᱮ ᱱᱟᱣᱟᱛᱮ ᱥᱟᱹᱜᱟᱹᱭ ᱡᱚᱲᱟᱣᱞᱮᱱᱟ᱾ ᱩᱱᱠᱤᱱ ᱫᱚ ᱒᱐᱐᱓ ᱥᱮᱨᱢᱟ ᱨᱮᱱᱟᱜ ᱒᱔ ᱢᱮ ᱠᱤᱱ ᱵᱟᱯᱞᱟᱭᱮᱱᱟ᱾ ᱩᱱᱠᱤᱱ ᱨᱮᱱ ᱢᱤᱫᱴᱮᱱ ᱠᱚᱲᱟ ᱜᱤᱫᱨᱟᱹ ᱢᱮᱱᱟᱭᱟ᱾ ᱩᱱᱤᱭᱟᱜ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱᱟ ᱡᱳ ᱟᱞᱯᱷᱟ ᱣᱤᱱᱥᱞᱮᱹᱴ ᱢᱮᱱᱰᱮᱡᱽ᱾

ᱥᱟ.ᱠᱷᱭᱟ.ᱛ ᱥᱟᱯᱲᱟᱣ