ᱠᱷᱩᱸᱴᱤ
ᱠᱷᱩᱸᱴᱤ ᱫᱚ ᱥᱤᱧᱚᱛ ᱨᱮᱱᱟᱜ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮ ᱠᱷᱩᱸᱴᱤ ᱦᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾ ᱱᱚᱣᱟ ᱮᱛᱚᱢ ᱪᱷᱚᱴᱟᱱᱟᱜᱽᱯᱩᱨ ᱠᱷᱚᱸᱰ ᱨᱮ ᱢᱮᱱᱟᱜᱼᱟ ᱟᱨ ᱥᱤᱧᱚᱛ ᱨᱮᱱᱟᱜ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱱᱟᱜ ᱒᱔ ᱦᱚᱱᱚᱛ ᱠᱷᱚᱱᱟᱜ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾ ᱠᱷᱩᱸᱴᱤ ᱦᱚᱱᱚᱛ ᱫᱚ ᱑᱒ ᱥᱮᱯᱴᱮᱢᱵᱚᱨ ᱒᱐᱐᱗ ᱨᱮ ᱨᱟᱺᱪᱤ ᱦᱚᱱᱚᱛ ᱠᱷᱚᱱ ᱵᱟᱦᱨᱮ ᱠᱮᱫᱟ ᱠᱚ ᱾ ᱱᱚᱣᱟ ᱱᱟᱜᱟᱢᱤᱭᱟᱹ ᱞᱮᱠᱟᱛᱮ ᱵᱤᱨᱥᱟᱹ ᱞᱟᱲᱟᱣᱱᱟ ᱟᱜ ᱱᱚᱣᱟ ᱠᱟᱹᱢᱤ ᱨᱮᱱᱟᱜ ᱛᱟᱞᱢᱟ ᱞᱮᱠᱟᱛᱮ ᱵᱟᱰᱟᱭᱚᱜᱼᱟ ᱾ ᱞᱚᱦᱟᱨᱫᱟᱜᱟ ᱛᱟᱭᱚᱢ ᱒᱐᱑᱑ ᱫᱷᱟᱹᱵᱤᱡ, ᱱᱚᱣᱟ ᱫᱚ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱫᱚᱥᱟᱨ ᱟᱹᱰᱤ ᱠᱚᱢ ᱦᱚᱲ ᱮᱞ ᱦᱚᱱᱚᱛ ᱠᱟᱱᱟ (᱒᱔ ᱜᱚᱴᱟᱝ ᱦᱚᱱᱚᱛ ᱠᱷᱚᱱ ᱫᱚ) ᱾ ᱦᱚᱱᱚᱛ ᱨᱮᱰ ᱠᱚᱨᱤᱰᱚᱨ ᱨᱮᱱᱟᱜ ᱢᱤᱫ ᱴᱷᱟᱶ ᱠᱟᱱᱟ ᱾
| ᱠᱷᱩᱸᱴᱤ | |
|---|---|
| ᱥᱮᱢᱤ ᱱᱚᱜᱚᱨ | |
  ᱠᱷᱩᱸᱴᱤ  ᱠᱷᱩᱸᱴᱤ | |
| Coordinates: 23°00′50″N 85°16′21″E / 23.0140203°N 85.2724457°ECoordinates: 23°00′50″N 85°16′21″E / 23.0140203°N 85.2724457°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱡᱷᱟᱨᱠᱷᱚᱸᱰ |
| ᱦᱚᱱᱚᱛ | ᱠᱷᱩᱸᱴᱤ |
| ᱩᱥᱩᱞ | 611 ᱢᱤᱴᱚᱨ (2005 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱞᱮᱠᱷᱟᱜᱩᱴ | ᱓᱖,᱓᱙᱐ |
| ᱯᱟᱹᱨᱥᱤ | |
| • ᱟᱹᱢᱟᱞᱮᱛ | ᱦᱤᱱᱫᱤ, ᱱᱟᱜᱽᱯᱩᱨᱤ, ᱢᱩᱱᱰᱟᱨᱤ, |
| IST (ᱭᱩᱴᱤᱥᱤ+᱐᱕:᱓᱐) | |
| ᱯᱤᱱ ᱠᱳᱰ | ᱘᱓᱕᱒᱑᱐ |
| ᱴᱮᱞᱤᱯᱷᱚᱱ ᱠᱚᱰ | ᱐᱖᱕᱒᱘ |
| ᱜᱟᱹᱰᱤ ᱨᱤᱡᱤᱥᱴᱨᱤ | JH-23 |
| ᱣᱮᱵᱽᱥᱟᱭᱤᱴ | http://khunti.nic.in/ |
ᱚᱛᱱᱚᱜ ᱥᱟᱯᱲᱟᱣ
ᱠᱷᱩᱸᱴᱤ ᱫᱚ 23°04′19″N 85°16′49″E / 23.0718800°N 85.2802120°E ᱮᱛᱚᱢ ᱡᱷᱟᱨᱠᱷᱚᱸᱰ ᱨᱮ ᱢᱮᱱᱟᱜᱼᱟ ᱾
ᱦᱚᱭ ᱫᱟᱜ ᱥᱟᱯᱲᱟᱣ
ᱦᱚᱭ ᱫᱟᱜ ᱴᱨᱚᱯᱤᱠᱟᱞ (Tropical) ᱡᱟᱹᱯᱩᱫ ᱵᱤᱨ ᱠᱟᱱᱟ ᱾ ᱰᱮᱦᱮᱨ ᱛᱮᱫ ᱡᱟᱹᱯᱩᱫ ᱡᱩᱞᱟᱭ ᱠᱷᱚᱱ ᱥᱮᱯᱴᱮᱢᱵᱚᱨ ᱪᱟᱸᱫᱚ ᱦᱩᱭᱩᱜᱼᱟ ᱱᱚᱣᱟ ᱯᱚᱱᱚᱛ ᱨᱮ ᱜᱩᱴ ᱡᱟᱹᱯᱩᱫ ᱨᱮᱱᱟᱜ ᱙᱐% ᱠᱷᱚᱱ ᱰᱮᱦᱮᱨ ᱦᱩᱭᱩᱜᱼᱟ ᱾
ᱦᱚᱲ ᱮᱞ ᱥᱟᱯᱲᱟᱣ
᱒᱐᱑᱑ ᱥᱤᱧᱚᱛ ᱨᱮᱱᱟᱜ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱠᱷᱩᱸᱴᱤ ᱨᱤᱱ ᱦᱚᱲ ᱮᱞ ᱫᱚ ᱓᱖,᱓᱙᱐ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱠᱚᱲᱟ ᱟᱜ ᱦᱚᱲ ᱮᱞ ᱕᱒% ᱟᱨ ᱛᱤᱨᱞᱟᱹ ᱭᱟᱜ ᱔᱘% ᱢᱮᱱᱟᱜᱼᱟ ᱾ ᱠᱷᱩᱸᱴᱤ ᱨᱮᱱᱟᱜ ᱥᱮᱪᱮᱫ ᱫᱚᱨ ᱫᱚ ᱘᱓.᱑᱒% ᱢᱮᱱᱟᱜᱼᱟ, ᱱᱚᱣᱟ ᱡᱟᱹᱛᱤᱭᱟᱹᱨᱤ ᱥᱮᱪᱮᱫ ᱗᱓.᱐᱐% ᱠᱷᱚᱱ ᱫᱚ ᱰᱮᱦᱮᱨ ᱜᱮ ᱢᱮᱱᱟᱜᱼᱟ ᱺ ᱠᱚᱲᱟ ᱟᱜ ᱥᱮᱪᱮᱫ ᱫᱚ ᱘᱘.᱖᱕% ᱢᱮᱱᱟᱜᱼᱟ, ᱟᱨ ᱛᱤᱨᱞᱟᱹ ᱭᱟᱜ ᱥᱮᱪᱮᱫ ᱫᱚ ᱗᱗.᱓᱙% ᱢᱮᱱᱟᱜᱼᱟ ᱾ ᱠᱷᱩᱸᱴᱤ ᱨᱮ, ᱑᱓.᱐᱙% ᱦᱚᱲ ᱮᱞ ᱫᱚ ᱖ ᱥᱟᱞ ᱠᱷᱚᱱ ᱠᱚᱢ ᱩᱢᱚᱨ ᱠᱚ ᱢᱮᱱᱟᱜ ᱠᱚᱣᱟ ᱾
ᱭᱩᱴᱤᱞᱤᱴᱤ ᱥᱟᱨᱵᱤᱥ ᱥᱟᱯᱲᱟᱣ
ᱫᱟᱜ ᱨᱮᱱᱟᱜ ᱥᱟᱯᱞᱟᱭ ᱨᱮᱱᱟᱜ ᱭᱩᱴᱤᱞᱤᱴᱤ ᱥᱮᱵᱟ ᱨᱮᱱᱟᱜ ᱠᱟᱢᱤ ᱢᱮᱱᱟᱜᱼᱟ, ᱡᱟᱦᱟᱸᱭ ᱞᱟᱹᱜᱛᱤ ᱞᱟᱹᱜᱤᱫ ᱛᱮ ᱡᱚᱛᱚ ᱚᱲᱟᱜ ᱨᱮ ᱠᱷᱩᱞᱮ ᱠᱩᱸᱧ ᱵᱟᱝᱠᱷᱟᱱ ᱫᱟᱦ ᱠᱤᱨᱤᱧ ᱞᱟᱹᱜᱤᱫ ᱦᱮᱸᱰ ᱯᱟᱸᱯ ᱨᱮᱱᱟᱜ ᱭᱩᱴᱤᱞᱤᱴᱤ ᱠᱟᱱᱟ ᱾ ᱰᱟᱠ ᱥᱮᱵᱟ ᱰᱮᱦᱮᱨ ᱥᱠᱤᱞᱯᱷᱩᱞ ᱯᱨᱚᱵᱷᱮᱴ ᱦᱩᱭᱩᱜ ᱟ ᱾
ᱦᱚᱲᱢᱚ ᱥᱟᱶᱟᱨ ᱥᱟᱯᱲᱟᱣ
ᱠᱷᱩᱸᱴᱤ ᱨᱮ ᱢᱤᱫ ᱥᱤᱵᱷᱤᱞ ᱟᱥᱯᱟᱛᱟᱞ ᱢᱮᱱᱟᱜᱼᱟ ᱡᱟᱦᱟᱸ ᱨᱮ ᱫᱤᱥᱩᱣᱟᱹ ᱠᱚ ᱞᱟᱹᱜᱤᱫ ᱢᱮᱰᱤᱠᱟᱞ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾
ᱦᱚᱨ ᱰᱟᱦᱟᱨ ᱥᱟᱯᱲᱟᱣ
ᱩᱰᱟᱹᱱ ᱜᱟᱹᱰᱤ ᱛᱮ ᱥᱟᱯᱲᱟᱣ
ᱨᱟᱺᱪᱤ ᱨᱮ ᱵᱤᱨᱥᱟᱹ ᱢᱩᱱᱰᱟᱹ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱫᱚ ᱥᱩᱨ ᱨᱮᱱᱟᱜ ᱩᱰᱟᱹᱱ ᱰᱟᱹᱦᱤ ᱠᱟᱱᱟ ᱾ ᱱᱟᱣᱟ ᱠᱷᱩᱸᱴᱤ ᱠᱷᱚᱱ ᱫᱚ ᱥᱩᱨ ᱥᱩᱨᱯᱩᱨ ᱓᱓ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾
ᱨᱮᱞ ᱜᱟᱰᱤ ᱛᱮ ᱥᱟᱯᱲᱟᱣ
ᱠᱷᱩᱸᱴᱤ ᱨᱮ ᱨᱮᱞ ᱥᱴᱮᱥᱚᱱ ᱵᱟᱱᱩᱜᱼᱟ ᱾ ᱠᱷᱩᱸᱴᱤ ᱨᱮ ᱞᱟᱹᱜᱤᱫ ᱥᱩᱨ ᱥᱴᱮᱥᱚᱱ ᱫᱚ ᱦᱟᱴᱤᱭᱟ ᱨᱮᱞ ᱥᱴᱮᱥᱚᱱ ᱠᱟᱱᱟ ᱾ ᱰᱷᱮᱨ ᱛᱮᱫ ᱦᱚᱲ ᱫᱚ ᱦᱟᱴᱤᱭᱟ ᱨᱮᱞ ᱥᱴᱮᱥᱚᱱ ᱵᱟᱝᱠᱷᱟᱱ ᱨᱟᱺᱪᱤ ᱥᱴᱮᱥᱚᱱ ᱫᱷᱟᱹᱵᱤᱡ ᱥᱮᱴᱮᱨᱚᱜ ᱞᱟᱹᱜᱤᱫ ᱛᱮ ᱵᱟᱥ ᱵᱟᱝᱠᱷᱟᱱ ᱴᱮᱠᱥᱤ ᱥᱮᱵᱟ ᱨᱮᱱᱟᱜ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾
ᱧᱮᱧᱮᱞ ᱴᱷᱟᱶ ᱨᱮᱱᱟᱜ ᱡᱟᱴᱟᱜ ᱥᱟᱯᱲᱟᱣ
ᱯᱟᱸᱪᱜᱷᱟᱜᱷ ᱡᱷᱟᱨᱱᱟ : ᱠᱷᱩᱸᱴᱤᱼᱪᱟᱸᱭᱵᱟᱥᱟ ᱰᱟᱦᱟᱨ ᱨᱮ ᱠᱷᱩᱸᱴᱤ ᱠᱷᱚᱱ ᱑᱕ ᱠᱤᱞᱚᱢᱤᱴᱚᱨ ᱥᱟᱸᱜᱤᱧ ᱯᱟᱸᱪᱜᱷᱟᱜᱷ ᱡᱷᱟᱨᱱᱟ ᱢᱮᱱᱟᱜᱼᱟ ᱾ ᱱᱟᱣᱟ ᱢᱚᱲᱮ ᱡᱷᱟᱨᱱᱟ ᱩᱥᱩᱞ ᱴᱷᱟᱶ ᱠᱷᱚᱱ ᱚᱸᱰᱚᱠᱚ ᱟ ᱟᱨ ᱡᱷᱟᱨᱱᱟ ᱨᱮᱱᱟᱜ ᱫᱟᱦ ᱯᱤᱠᱱᱤᱠ ᱥᱯᱚᱨᱴ ᱨᱮᱱᱟᱜ ᱨᱩᱯ ᱨᱮ ᱢᱮᱱᱟᱜᱼᱟ, ᱱᱚᱸᱰᱮ ᱱᱟᱜ ᱫᱟᱦ ᱞᱟᱛᱟᱨ ᱩᱢᱩᱜ ᱨᱮᱱᱟᱜ ᱜᱮᱭᱟᱱ ᱢᱮᱱᱟᱜᱼᱟ ᱾
ᱡᱤᱞ ᱠᱚᱣᱟᱜ ᱯᱟᱨᱠ : ᱯᱟᱨᱠ ᱨᱮ ᱮᱢᱟᱱ ᱵᱟᱜᱟᱱ ᱢᱮᱱᱟᱜᱼᱟ, ᱜᱤᱫᱽᱨᱟᱹ ᱞᱟᱹᱜᱤᱫ ᱯᱟᱴᱷᱰᱟᱦᱟᱨ ᱟᱨ ᱮᱱᱮᱡ ᱯᱟᱨᱠ ᱾ ᱱᱚᱸᱰᱮ ᱱᱟᱜ ᱢᱩᱬ ᱡᱟᱴᱟᱜ (attraction) ᱯᱟᱨᱠ ᱥᱟᱯᱷᱟᱨᱤ ᱢᱮᱱᱟᱜᱼᱟ ᱾
ᱟᱸᱜᱽᱨᱟᱵᱟᱫᱤ ᱢᱚᱱᱫᱤᱨ : ᱠᱷᱩᱸᱴᱤ ᱥᱩᱨ ᱟᱸᱜᱽᱨᱟᱵᱟᱫᱤ ᱢᱤᱫ ᱢᱚᱱᱫᱤᱨ ᱚᱲᱟᱜ ᱠᱟᱱᱟ ᱾ ᱢᱚᱱᱫᱤᱨ ᱨᱮᱱᱟᱜ ᱧᱩᱛᱩᱢ ᱵᱚᱫᱚᱞ ᱠᱟᱛᱮ ᱨᱤᱥᱤ ᱥᱟᱸᱠᱨᱟᱪᱟᱨᱭ ᱥᱣᱟᱢᱤ ᱥᱣᱟᱨᱩᱯᱟᱪᱟᱸᱫ ᱥᱚᱨᱥᱚᱛᱤ ᱤᱫᱤ ᱛᱮ ᱟᱢᱨᱮᱥᱚᱨ ᱫᱷᱟᱢ ᱠᱮᱫᱼᱟ ᱠᱚ ᱾ ᱢᱚᱱᱫᱤᱨ ᱨᱮ ᱵᱷᱟᱜᱣᱟᱱ ᱥᱤᱵᱷ, ᱵᱷᱟᱜᱣᱟᱱ ᱜᱚᱱᱮᱥ, ᱨᱟᱢᱼᱥᱤᱛᱟ ᱟᱨ ᱦᱟᱱᱩᱢᱟᱱ ᱞᱮᱠᱟᱱ ᱦᱤᱱᱫᱩ ᱫᱮᱣᱛᱟ ᱠᱚᱣᱟᱜ ᱥᱟᱢᱟᱵᱮᱥ ᱢᱮᱱᱟᱜᱼᱟ ᱾
ᱯᱮᱨᱣᱟᱜᱷᱟᱜ : ᱡᱷᱟᱨᱠᱷᱚᱸᱰ ᱨᱮ ᱡᱷᱟᱨᱱᱟ ᱠᱷᱚᱱ ᱫᱚ ᱢᱤᱫ ᱛᱚᱨᱯᱟ ᱵᱞᱚᱠ ᱥᱩᱨ ᱵᱩᱨᱩ ᱨᱮ ᱢᱮᱱᱟᱜᱼᱟ ᱾ ᱟᱫᱚ, ᱨᱟᱵᱟᱝ ᱡᱚᱜ ᱫᱚ ᱠᱨᱤᱥᱢᱟᱥ ᱟᱨ ᱱᱟᱣᱟ ᱥᱟᱞ ᱨᱮᱱᱟᱜ ᱥᱩᱨᱥᱩᱨᱯᱩᱨ ᱱᱚᱣᱟ ᱢᱤᱫ ᱯᱤᱠᱱᱤᱠ ᱴᱷᱟᱶ ᱢᱮᱱᱟᱜᱼᱟ ᱾
ᱯᱟᱛᱟ ᱟᱨ ᱮᱱᱮᱡ ᱥᱟᱯᱲᱟᱣ
ᱠᱷᱩᱸᱴᱤ ᱨᱮ ᱮᱢᱟᱱ ᱡᱟᱹᱛᱤᱭᱟᱜ ᱦᱚᱲᱟᱜ ᱚᱲᱟᱜ ᱢᱮᱱᱟᱜᱼᱟ ᱾ ᱯᱟᱛᱟ ᱫᱚ ᱟᱹᱰᱤ ᱨᱟᱹᱥᱠᱟᱹ ᱛᱮ ᱠᱚ ᱢᱟᱱᱟᱣᱟ, ᱛᱤᱨᱞᱟᱹ ᱟᱨ ᱮᱥᱯᱮᱥᱮᱞ (special) ᱨᱩᱯ ᱛᱮ ᱫᱮᱦᱟᱛ ᱨᱤᱱ ᱯᱟᱛᱟ ᱞᱮᱠᱟ ᱯᱷᱟᱹᱜᱩᱱ, ᱥᱟᱨᱦᱩᱞ, ᱫᱟᱥᱮᱱ, ᱴᱩᱥᱩ, ᱠᱟᱨᱟᱢ ᱮᱢᱟᱱ ᱾
ᱡᱟᱫᱩᱨ ᱥᱩᱥᱩᱱ, ᱠᱟᱨᱟᱢ ᱥᱩᱥᱩᱱ (ᱮᱱᱮᱡ) ᱥᱟᱯᱲᱟᱣ
ᱚᱸᱰᱮ ᱨᱤᱱ ᱦᱚᱲ ᱜᱮ ᱟᱹᱫᱤᱵᱟᱹᱥᱤ ᱮᱱᱮᱡ ᱠᱚ ᱥᱮᱱᱚᱜᱼᱟ ᱟᱫᱚ ᱟᱥᱞᱤ ᱧᱩᱛᱩᱢ ᱫᱚ ᱡᱟᱫᱩᱨ ᱥᱩᱥᱩᱱ (ᱮᱱᱮᱡ), ᱠᱟᱨᱟᱢ ᱥᱩᱥᱩᱱ (ᱮᱱᱮᱡ) ᱮᱢᱟᱱ ᱢᱮᱱᱟᱜᱼᱟ ᱾ ᱱᱚᱣᱟ ᱮᱱᱮᱡ ᱚᱠᱟᱼᱚᱠᱟ ᱦᱤᱞᱚᱜ ᱠᱚ ᱮᱱᱮᱡ ᱟ ᱾
