ᱡᱚᱭᱯᱩᱨ
ᱡᱚᱭᱯᱩᱨ ᱫᱚ ᱥᱤᱧᱚᱛ ᱨᱮᱱᱟᱜ ᱠᱚᱧᱮ-ᱯᱟᱪᱮ ᱥᱮᱦᱮᱫ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱨᱟᱡᱚᱥᱛᱷᱟᱱ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ ᱾ ᱒᱐᱑᱑ ᱥᱟᱞᱮ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱓᱐,᱔᱖,᱑᱘᱙ ᱦᱚᱲ ᱢᱮᱱᱟᱜ ᱠᱚᱣᱟ ᱾ [᱔]
| ᱡᱚᱭᱯᱩᱨ | |
|---|---|
| ᱨᱟᱡᱽᱜᱟᱲ | |
 | |
| ᱮᱴᱟᱜ ᱧᱩᱛᱩᱢ: ᱜᱩᱞᱟᱵᱤ ᱥᱚᱦᱚᱨ | |
| ᱫᱤᱥᱚᱢ | ᱥᱤᱧᱚᱛ |
| ᱯᱚᱱᱚᱛ | ᱨᱟᱡᱚᱥᱛᱷᱟᱱ |
| ᱦᱚᱱᱚᱛ | ᱡᱚᱭᱯᱩᱨ |
| ᱛᱷᱟᱯᱚᱱ | ᱑᱗᱒᱗ |
| ᱵᱩᱱᱤᱭᱟᱹᱫᱤᱭᱟᱹ | ᱡᱚᱭ ᱥᱤᱧ II |
| ᱧᱩᱢ ᱟᱠᱟᱱᱟ | ᱡᱚᱭ ᱥᱚᱧ II |
| ᱥᱚᱨᱠᱟᱨ | |
| • ᱞᱮᱠᱟᱱ | Mayor-council |
| • Mayor | Visnu Laata[᱑] |
| ᱮᱨᱤᱭᱟ [᱒] | |
| • ᱞᱮᱠᱷᱟᱜᱩᱴ | 467 ᱠᱤᱢᱤ২ (180 ᱜᱟᱺᱴ ᱢᱟᱭᱤᱞ) |
| ᱮᱨᱤᱭᱟ ᱨᱮᱸᱠ | 1st in Rajasthan |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2011)[᱓] |
| • ᱞᱮᱠᱷᱟᱜᱩᱴ | ᱓,᱐᱔᱖,᱑᱘᱙ |
| • ᱫᱷᱟᱹᱲ ᱮᱞ | ᱥᱤᱧᱚᱛ ᱨᱮ ᱑᱐ ᱟᱱᱟᱜ |
| • ᱰᱮᱱᱥᱤᱴᱤ | 6500/ᱠᱤᱢᱤ2 (17000/ᱜᱟᱺᱴ ᱢᱟᱹᱭᱤᱞ) |
| Demonym(s) | ᱡᱚᱭᱯᱩᱨᱤᱛᱮ |
| ᱯᱟᱹᱨᱥᱤ | |
| • ᱥᱚᱨᱠᱟᱨᱤ | ᱦᱤᱱᱫᱤ |
| • ᱮᱢᱟᱱ ᱛᱮᱭᱟᱜ | ᱨᱟᱡᱚᱥᱛᱷᱟᱱᱤ ᱯᱟᱹᱨᱥᱤ |
| IST (ᱭᱩᱴᱤᱥᱤ+᱐᱕:᱓᱐) | |
| ᱯᱤᱱ ᱠᱳᱰ | ᱓᱐᱒᱐xx |
| Area code(s) | +᱙᱑-᱑᱔᱑ |
| ᱜᱟᱹᱰᱤ ᱨᱤᱡᱤᱥᱴᱨᱤ | RJ-14 (Jaipur South) RJ-45 (Jaipur North) RJ-52 (Shahpura) RJ-41 (Chomu) RJ-47 (Dudu) RJ-32 (Kotputli) |
| ᱣᱮᱵᱽᱥᱟᱭᱤᱴ | jaipurmc |
ᱱᱟᱜᱟᱢ ᱥᱟᱯᱲᱟᱣ
ᱨᱟᱡᱽᱜᱟᱲ ᱱᱟᱶᱟ ᱫᱤᱞᱞᱤ ᱠᱷᱚᱱ ᱒᱖᱐ ᱠᱤᱞᱚᱢᱩᱴᱚᱨ ᱥᱟᱺᱜᱤᱧ ᱨᱮ ᱡᱚᱭᱯᱩᱨ ᱢᱮᱱᱟᱜ-ᱟ ᱟᱨ ᱟᱜᱽᱨᱟ ᱫᱚ ᱒᱔᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱱᱩᱠᱩ ᱯᱮᱭᱟ ᱴᱷᱟᱶ ᱡᱚᱲᱟᱣ ᱠᱟᱛᱮ ᱧᱮᱧᱮᱞᱤᱭᱟᱹ ᱠᱚ ᱞᱟᱹᱜᱤᱫ ᱱᱟᱯᱟ ᱯᱮ ᱠᱚᱬ ᱠᱚ ᱵᱮᱱᱟᱣ ᱟᱠᱟᱫᱟ ᱾ ᱦᱤᱱᱫᱩ ᱵᱟᱥᱛᱩ ᱥᱟᱥᱛᱨᱚ ᱤᱫᱤ ᱠᱟᱛᱮ ᱱᱚᱶᱟ ᱱᱟᱜᱟᱨ ᱫᱚ ᱠᱚ ᱵᱮᱱᱟᱶ ᱟᱠᱟᱫᱟ ᱾ ᱡᱚᱭᱯᱩᱨ ᱵᱮᱱᱟᱶ ᱟᱠᱟᱛᱮ ᱥᱟᱭ ᱥᱮᱨᱢᱟ ᱯᱟᱨᱚᱢ ᱠᱟᱛᱮ ᱱᱚᱶᱟ ᱫᱚ ᱜᱩᱞᱟᱹᱵᱤ ᱱᱚᱜᱚᱨ ᱢᱮᱱᱛᱮ ᱧᱩᱢ ᱠᱚ ᱮᱢ ᱞᱮᱫᱟ ᱾ ᱱᱚᱶᱟ ᱢᱟᱬᱟᱝ ᱨᱮ ᱫᱚ ᱡᱚᱭᱯᱩᱨ ᱢᱮᱱᱛᱮ ᱜᱮ ᱠᱚ ᱵᱟᱰᱟᱭᱟ ᱾ ᱩᱱ ᱚᱠᱛᱚ ᱫᱚ ᱱᱚᱶᱟ ᱱᱟᱜᱟᱨ ᱨᱮᱱᱟᱜ ᱨᱚᱝ ᱫᱚ ᱥᱟᱥᱟᱝ ᱟᱨ ᱯᱩᱸᱰ ᱛᱟᱦᱮᱸ ᱠᱟᱱᱟ ᱾ ᱥᱣᱟᱭᱨᱟᱢ ᱥᱤᱝ ᱟᱜ ᱥᱟᱥᱚᱱ ᱚᱠᱛᱚ ᱨᱮ ᱮᱭᱟ.ᱟᱱᱤᱡ ᱯᱨᱤᱱᱥ ᱮᱰᱣᱟᱨᱰ ᱟᱨ ᱨᱟᱹᱱᱤ ᱵᱷᱤᱠᱴᱚᱨᱤᱭᱟ ᱛᱤᱠᱤᱱ ᱥᱟᱹᱜᱩᱱ ᱫᱟᱨᱟᱢ ᱞᱟᱹᱜᱤᱫ ᱱᱚᱶᱟ ᱱᱟᱜᱟᱨ ᱫᱚ ᱱᱚᱝᱠᱟ ᱠᱚ ᱨᱚᱝ ᱞᱮᱫ ᱛᱟᱦᱮᱸᱫ ᱾ ᱱᱚᱶᱟ ᱱᱟᱜᱟᱨ ᱫᱚ ᱑᱗᱒᱗ ᱥᱟᱞᱮ ᱨᱮ ᱫᱚᱥᱟᱨ ᱥᱣᱟᱭ ᱡᱚᱭᱥᱤᱝ ᱮ ᱛᱮᱭᱟᱨ ᱞᱮᱫ ᱠᱷᱟᱹᱛᱤᱱ ᱱᱚᱶᱟ ᱱᱟᱜᱟᱨ ᱨᱮᱱᱟᱜ ᱧᱛᱩᱢ ᱫᱚ ᱟᱡᱟᱜ ᱧᱩᱛᱩᱢ ᱞᱮᱠᱟᱛᱮ ᱠᱚ ᱫᱚᱦᱚ ᱠᱮᱫᱟ ᱾ ᱡᱟᱣ ᱥᱮᱨᱢᱟ ᱜᱮ ᱱᱚᱵᱷᱮᱢᱵᱚᱨ ᱑᱘ ᱢᱟᱹᱦᱤᱛ ᱫᱚ ᱡᱚᱭᱯᱩᱨ ᱱᱟᱜᱟᱨ ᱵᱮᱨᱮᱫ ᱢᱟᱦᱟᱸ ᱢᱮᱱᱛᱮ ᱟᱹᱰᱤ ᱡᱟᱠᱡᱚᱢᱚᱠ ᱠᱚ ᱢᱟᱱᱟᱶ ᱮᱫᱟ ᱾
ᱧᱮᱞᱡᱚᱝ ᱛᱷᱟᱱ ᱥᱟᱯᱲᱟᱣ
ᱡᱚᱱᱛᱚᱨ ᱢᱚᱱᱛᱚᱨ ᱥᱟᱯᱲᱟᱣ
ᱥᱤᱧᱚᱛ ᱨᱮᱱᱟᱜ ᱢᱚᱬᱮ ᱜᱚᱴᱟᱝ ᱟᱥᱴᱨᱚᱱᱚᱢᱤᱠᱟᱞ ᱚᱯᱷ ᱡᱮᱵᱷᱮᱴᱚᱨᱤᱡᱽ ᱢᱩᱸᱫᱽ ᱠᱷᱚᱱ ᱡᱚᱭᱯᱩᱨ ᱨᱮᱱᱟᱜ ᱡᱚᱱᱛᱚᱨ ᱢᱚᱱᱛᱚᱨ ᱫᱚ ᱢᱟᱨᱟᱝ ᱜᱮᱭᱟ ᱾ ᱱᱚᱶᱟ ᱫᱚ ᱭᱩᱱᱮᱥᱠᱚ ᱨᱮᱱᱟᱜ ᱢᱤᱫ ᱪᱷᱟᱯ ᱢᱮᱱᱛᱮ ᱦᱚᱸ ᱢᱚᱱᱮᱜ-ᱟ ᱾
ᱥᱤᱴᱤ ᱯᱟᱞᱮᱥ ᱥᱟᱯᱲᱟᱣ
ᱥᱤᱴᱤ ᱯᱟᱞᱮᱥ ᱫᱚ ᱢᱤᱫ ᱧᱩᱛᱩᱢᱟᱱᱟᱜ ᱧᱮᱞᱡᱚᱝᱟᱜ ᱠᱟᱱᱟ ᱾ ᱡᱟᱦᱟᱸ ᱫᱚ ᱱᱟᱜᱟᱨ ᱨᱮᱱᱟᱜ ᱛᱟᱞᱟ ᱨᱮ ᱢᱮᱣᱟᱜᱼᱟ ᱾ ᱱᱚᱶᱟ ᱚᱲᱟᱜ ᱵᱷᱤᱛᱤᱨ ᱨᱮ ᱨᱟᱡᱽᱯᱩᱛ ᱟᱨ ᱢᱚᱜᱚᱞ ᱚᱠᱛᱚ ᱨᱮᱱᱟᱜ ᱪᱷᱟᱯ ᱧᱮᱞ ᱧᱟᱢᱚᱜᱼᱟ ᱾ ᱥᱤᱴᱤ ᱯᱟᱞᱮᱥ ᱛᱟᱹᱨᱤ ᱨᱮ ᱨᱟᱹᱱᱤ ᱯᱟᱞᱮᱥ ᱦᱚᱸ ᱢᱮᱱᱟᱜᱼᱟ ᱾ ᱡᱟᱦᱟᱸ ᱨᱮ ᱨᱟᱡᱟ ᱦᱚᱯᱚᱱᱟᱜ ᱟᱹᱰᱤ ᱢᱟᱨᱮ ᱢᱟᱨᱮ ᱦᱟᱹᱛᱭᱟᱹᱨ ᱠᱚ ᱫᱚᱦᱚ ᱣᱟᱠᱟᱜᱼᱟ ᱾
ᱦᱟᱣᱟ ᱢᱚᱦᱚᱞ ᱥᱟᱯᱲᱟᱣ
ᱦᱟᱣᱟ ᱢᱚᱦᱚᱞ ᱫᱚ ᱟᱹᱰᱤ ᱧᱩᱛᱩᱢᱟᱱ ᱢᱚᱦᱚᱞ ᱠᱟᱱᱟ ᱾ ᱡᱟᱦᱟᱸ ᱫᱚ ᱡᱚᱭᱯᱩᱨ ᱨᱟᱡᱟ ᱥᱣᱟᱭ ᱯᱨᱚᱛᱟᱯ ᱥᱤᱝ ᱮ ᱛᱮᱟᱨ ᱞᱮᱫᱟ ᱑᱗᱙᱙ ᱥᱟᱞᱮ ᱨᱮ ᱾ ᱱᱚᱶᱟ ᱢᱚᱦᱚᱞ ᱫᱚ ᱢᱚᱬᱮ ᱢᱚᱦᱞᱟ ᱟᱱᱟᱜ ᱠᱟᱱᱟ, ᱡᱟᱦᱟᱸ ᱫᱚ ᱡᱚᱭᱯᱩᱨ ᱨᱮᱱᱟᱜ ᱡᱚᱦᱨᱤ ᱵᱟᱡᱟᱨ ᱥᱩᱨ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱢᱚᱦᱚᱞ ᱫᱚ ᱜᱚᱞᱟᱯᱤ ᱟᱨ ᱟᱨᱟᱜ ᱨᱚᱝ ᱨᱮᱱᱟᱜ ᱵᱟᱹᱞᱤ ᱫᱷᱤᱨᱤ (sandstone) ᱛᱮ ᱛᱮᱭᱟᱨᱟᱠᱟᱱᱟ ᱾ ᱱᱚᱶᱟ ᱨᱮ ᱙᱕᱐ ᱠᱷᱚᱱ ᱵᱟᱹᱲᱛᱤ ᱡᱷᱩᱨᱠᱟ ᱢᱮᱱᱟᱜᱼᱟ ᱾ ᱱᱚᱶᱟ ᱢᱚᱦᱚᱞ ᱨᱮ ᱥᱚᱱᱟ ᱨᱩᱯᱟᱹ ᱞᱮᱠᱟᱱ ᱫᱟᱢᱟᱱ ᱡᱤᱱᱤᱥ ᱠᱚ ᱥᱟᱢᱴᱟᱣ ᱫᱚᱦᱚ ᱣᱟᱠᱟᱫᱟ ᱾
ᱜᱚᱵᱤᱱᱫᱚ ᱫᱮᱵᱽ ᱡᱤ ᱢᱩᱸᱫᱽᱨᱤ ᱥᱟᱯᱲᱟᱣ
ᱱᱚᱶᱟ ᱢᱩᱸᱫᱽᱨᱤ ᱫᱚ ᱦᱤᱱᱫᱩ ᱫᱷᱚᱨᱚᱢ ᱵᱚᱸᱜᱟ ᱥᱨᱤ ᱠᱨᱩᱥᱱᱚ ᱣᱟᱜ ᱠᱟᱱᱟ ᱾ ᱱᱚᱶᱟ ᱢᱩᱸᱫᱽᱨᱤ ᱫᱚ ᱡᱚᱭᱯᱩᱨ ᱨᱮᱱᱟᱜ ᱡᱚᱭᱚ ᱵᱟᱥᱟ ᱵᱟᱜᱟᱱ ᱨᱮ ᱢᱮᱱᱟᱜ-ᱟ ᱾ ᱱᱚᱶᱟ ᱫᱚ ᱡᱚᱭᱯᱩᱨ ᱨᱮᱱᱟᱜ ᱧᱩᱛᱩᱢᱟᱱ ᱢᱩᱸᱫᱽᱨᱤ ᱠᱷᱚᱱ ᱢᱤᱫ ᱾
ᱡᱚᱞ ᱢᱚᱦᱚᱞ ᱥᱟᱯᱲᱟᱣ
ᱡᱚᱞ ᱢᱚᱦᱚᱞ ᱫᱚ ᱨᱟᱡᱚᱥᱛᱷᱟᱱ ᱨᱮᱱᱟᱜ ᱨᱟᱡᱽᱜᱟᱲ ᱡᱚᱭᱯᱩᱨ ᱨᱮᱱᱟᱜ ᱢᱟᱱᱚᱥᱟᱜᱚᱨ ᱛᱚᱢᱵᱟ ᱫᱟᱜ ᱛᱟᱞᱟᱨᱮ ᱢᱮᱱᱟᱜ-ᱟ ᱾ ᱟᱨᱟᱵᱚᱲᱤ ᱵᱩᱨᱩ ᱯᱷᱮᱰ ᱨᱮ ᱢᱮᱱᱟᱜ ᱱᱚᱶᱟ ᱢᱚᱜᱚᱞ ᱫᱚ ᱫᱟᱜ ᱛᱟᱞᱟ ᱨᱮ ᱜᱮ ᱢᱮᱱᱟᱜ-ᱟ, ᱚᱱᱛᱮ ᱱᱚᱶᱟ ᱜᱚ "ᱟᱭ ᱵᱚᱞ" ᱦᱚᱸ ᱠᱮ ᱢᱮᱛᱟᱜᱟᱜ-ᱟ ᱾ ᱟᱨ ᱱᱚᱶᱟ ᱫᱚ ᱨᱚᱢᱟᱱᱴᱤᱠ ᱢᱚᱦᱚᱞ ᱢᱮᱱᱛᱮᱦᱚᱸ ᱵᱟᱰᱟᱭᱚᱜ-ᱟ ᱾
ᱵᱟᱨᱦᱮ ᱡᱚᱲᱟᱣ ᱥᱟᱯᱲᱟᱣ
- Jaipur District Administration site Archived ᱒᱐᱑᱑-᱐᱗-᱑᱗ at the Wayback Machine.
- Jaipur Master Plan 2025 Map
- [https://www.facebook.com/jaipur/ Facebook Page
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ https://www.newsnation.in/cities/jaipur-news/rebel-bjp-councillor-elected-as-mayor-of-jaipur-municipal-corporation--article-212160.html
- ↑ "City Profile". Jaipur Municipal Corporation. Archived from the original on 25 April 2018. Retrieved 24 April 2018.
- ↑ "District Census Handbook - Jaipur" (PDF). Census of India. p. 30. Retrieved 10 February 2016.
- ↑ Provisional Population Totals, Census of India 2011; Cities having population 1 lakh and above.
ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ
| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱡᱚᱭᱯᱩᱨ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
| ᱣᱤᱠᱤᱠᱩᱣᱚᱴ ᱨᱮ ᱡᱚᱭᱯᱩᱨ ᱥᱟᱶ ᱡᱚᱲᱟᱣᱟᱱᱟᱜ ᱠᱟᱛᱷᱟ ᱠᱚ ᱾ |
| ᱣᱤᱠᱤᱥᱟᱸᱜᱷᱟᱨ ᱨᱮ ᱡᱚᱭᱯᱩᱨ ᱵᱟᱵᱚᱛ ᱥᱟᱸᱜᱷᱟᱨ ᱫᱤᱥᱼᱦᱩᱫᱤᱥ ᱢᱮᱱᱟᱜᱼᱟ ᱾ |
Geographic data related to ᱡᱚᱭᱯᱩᱨ at OpenStreetMap- ᱡᱚᱭᱯᱩᱨ ᱮᱱᱥᱟᱭᱠᱞᱳᱯᱤᱰᱤᱭᱟ ᱵᱨᱤᱴᱟᱱᱤᱠᱟ ᱨᱮ
