ᱡᱟᱠᱟᱨᱛᱟ ᱫᱚ ᱤᱱᱫᱳᱱᱮᱥᱤᱭᱟ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ ᱟᱨ ᱚᱸᱰᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱟᱜᱟᱨ ᱠᱟᱱᱟ᱾ ᱡᱟᱠᱟᱨᱛᱟ ᱫᱚ ᱡᱟᱵᱷᱟ ᱨᱮᱱᱟᱜ ᱮᱛᱚᱢ-ᱯᱟᱪᱮ ᱥᱮᱦᱮᱫ ᱨᱮ ᱢᱮᱱᱟᱜᱼᱟ᱾ ᱱᱚᱶᱟ ᱨᱮᱱᱟᱜ ᱞᱮᱠᱷᱟᱜᱩᱴ ᱮᱨᱤᱭᱟ ᱦᱩᱭᱩᱜ ᱠᱟᱱᱟ ᱖᱖᱑ ᱠᱤᱞᱚᱢᱤᱴᱚᱨ ᱟᱨ ᱒᱐᱑᱐ ᱥᱟᱞᱮ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱙᱕,᱘᱐,᱐᱐᱐ ᱜᱟᱱ ᱦᱚᱲ ᱢᱮᱱᱟᱜ ᱠᱚᱣᱟ᱾ ᱡᱟᱠᱟᱨᱛᱟ ᱫᱚ ᱤᱱᱫᱳᱱᱮᱥᱤᱭᱟ ᱨᱮᱱᱟᱜ ᱠᱟᱹᱣᱰᱤ ᱟᱹᱨᱤ, ᱥᱟᱶᱛᱟ ᱟᱹᱨᱤ ᱟᱨ ᱨᱟᱡᱽᱟᱹᱨᱤ ᱨᱮᱱᱟᱜ ᱛᱟᱞᱢᱟ ᱠᱟᱱᱟ᱾ ᱡᱟᱠᱟᱨᱛᱟ ᱫᱚ ᱦᱚᱲᱮᱞ ᱨᱮ ᱫᱚ ᱯᱩᱭᱞᱩ ᱟᱨ ᱡᱮᱜᱮᱛ ᱨᱮ ᱜᱮᱞ ᱟᱱᱟᱜ ᱴᱷᱟᱶ ᱨᱮ ᱢᱮᱱᱟᱭᱟ᱾ ᱡᱟᱠᱟᱨᱛᱟ ᱨᱮᱱᱟᱜ ᱛᱷᱟᱯᱚᱱ ᱫᱚ ᱯᱩᱱᱟᱜ ᱥᱟᱭᱟᱸᱫ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱟᱨ ᱱᱚᱸᱰᱮᱱᱟᱜ ᱢᱩᱬ ᱵᱮᱯᱟᱨ ᱛᱟᱞᱢᱟ ᱦᱩᱭᱮᱱᱟ᱾ ᱡᱟᱠᱟᱨᱛᱟ ᱫᱚ ᱰᱚᱪ ᱤᱥᱴ ᱤᱱᱰᱤᱡᱽ ᱠᱚᱣᱟᱜ ᱨᱟᱡᱽᱜᱟᱲ ᱛᱟᱦᱮᱸ ᱠᱟᱱᱟ ᱟᱨ ᱑᱔᱕ ᱥᱟᱞᱮ ᱨᱮ ᱯᱷᱩᱨᱜᱟᱹᱞ ᱮᱱ ᱛᱟᱭᱚᱢ ᱦᱚᱸ ᱤᱱᱫᱳᱱᱮᱥᱤᱭᱟ ᱨᱮᱱᱟᱜ ᱨᱟᱡᱽᱜᱟᱲ ᱮᱱᱟ᱾

ᱡᱟᱠᱟᱨᱛᱟ
Daerah Khusus Ibu Kota Jakarta
ᱨᱟᱡᱽᱜᱟᱲ ᱱᱟᱜᱟᱨ
ᱡᱟᱠᱟᱨᱛᱟ ᱨᱮᱱᱟᱜ ᱟᱥᱚᱠᱟᱭ ᱨᱟᱡᱽᱜᱟᱲ ᱴᱚᱴᱷᱟ
Skyline of ᱡᱟᱠᱟᱨᱛᱟ
Flag of ᱡᱟᱠᱟᱨᱛᱟ
Flag
ᱚᱯᱷᱤᱥᱤᱭᱟᱞ ᱢᱟᱨᱠᱷᱟ ᱡᱟᱠᱟᱨᱛᱟ
ᱥᱤᱞ
ᱮᱴᱟᱜ ᱧᱩᱛᱩᱢ: The Big Durian[᱑], J-Town [᱒]
ᱡᱚᱥ: ᱡᱟᱭᱟ ᱨᱟᱭᱟ (ᱤᱱᱫᱳᱱᱮᱥᱤᱭᱟᱱ)
(ᱡᱤᱛᱠᱟᱹᱨ ᱟᱨ ᱯᱩᱨᱩᱫᱷᱩᱞ)
Coordinates: 6°12′S 106°48′E / 6.200°S 106.800°E / -6.200; 106.800
ᱫᱤᱥᱟᱹᱢᱤᱱᱫᱳᱱᱮᱥᱤᱭᱟ
ᱴᱚᱴᱷᱟᱡᱟᱠᱟᱨᱛᱟ
ᱥᱚᱨᱠᱟᱨ
 • ᱜᱚᱵᱷᱚᱨᱱᱚᱨᱡᱚᱠᱚ ᱣᱤᱰᱚᱰᱚ
ᱮᱨᱤᱭᱟ
 • ᱨᱟᱡᱽᱜᱟᱲ ᱱᱟᱜᱟᱨ740.28 ᱠᱤᱢᱤ (285.82 ᱜᱟᱺᱴ ᱢᱟᱭᱤᱞ)
 • ᱚᱛ ᱦᱟᱹᱴᱤᱧ662.33 ᱠᱤᱢᱤ (255.73 ᱜᱟᱺᱴ ᱢᱟᱭᱤᱞ)
 • ᱫᱟᱜ ᱦᱟᱹᱴᱤᱧ6977.5 ᱠᱤᱢᱤ (2694�0 ᱜᱟᱺᱴ ᱢᱟᱭᱤᱞ)
ᱩᱥᱩᱞ7 ᱢᱤᱴᱚᱨ (23 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ(ᱱᱚᱵᱷᱮᱢᱵᱚᱨ ᱒᱐᱑᱑)
 • ᱨᱟᱡᱽᱜᱟᱲ ᱱᱟᱜᱟᱨ᱑᱐,᱑᱘᱗,᱕᱙᱕
 • ᱰᱮᱱᱥᱤᱴᱤ15342/ᱠᱤᱢᱤ2 (39740/ᱜᱟᱺᱴ ᱢᱟᱹᱭᱤᱞ)
 • ᱢᱟᱦᱟᱱᱟᱜᱟᱨ᱒᱘,᱐᱑᱙,᱕᱔᱕
 • ᱢᱟᱦᱟᱱᱟᱜᱟᱨ ᱰᱮᱱᱥᱤᱴᱤ4383/ᱠᱤᱢᱤ2 (11350/ᱜᱟᱺᱴ ᱢᱟᱹᱭᱤᱞ)
WIB (ᱭᱩᱴᱤᱥᱤ+7)
ᱮᱨᱤᱭᱟ ᱠᱳᱰ(ᱠᱚ)+62 21
ᱞᱟᱭᱥᱮᱸᱥ ᱯᱞᱮᱴB
ᱣᱮᱵᱽᱥᱟᱭᱤᱴwww.jakarta.go.id (official site)
ˡ Jakarta is not part of any province, it is controlled directly by the national government and is designated the Special Capital Region

ᱠᱟᱹᱣᱰᱤ ᱟᱹᱨᱤ ᱥᱟᱯᱲᱟᱣ

ᱡᱟᱠᱟᱨᱛᱟ ᱨᱮᱱᱟᱜ ᱠᱟᱹᱣᱰᱤ ᱟᱹᱨᱤ ᱵᱮᱵᱚᱥᱛᱟ ᱫᱚ ᱥᱮᱵᱟ, ᱵᱮᱯᱟᱨ ᱠᱷᱚᱨ ᱟᱨᱡᱟᱣᱜ ᱠᱟᱱᱟ ᱾ ᱱᱚᱸᱰᱮ ᱤᱞᱮᱠᱴᱨᱚᱱᱤᱠᱥ, ᱚᱴᱚᱢᱚᱴᱤᱵᱽ, ᱠᱮᱢᱤᱠᱟᱞ, ᱢᱮᱠᱟᱱᱤᱠᱟᱞ ᱟᱨ ᱨᱟᱱ ᱢᱩᱨᱜᱟᱹᱱ ᱠᱟᱹᱨᱜᱟᱲ ᱮᱢᱟᱱ ᱠᱚ ᱢᱮᱱᱟᱜᱼᱟ ᱾ ᱒᱐᱐᱐᱙ ᱥᱟᱞᱮ ᱨᱮ ᱑᱓ % ᱦᱚᱲ ᱠᱚᱣᱟᱜ ᱟᱨᱡᱟᱣ ᱑᱐᱐᱐᱐ ᱰᱚᱞᱟᱨ ᱠᱷᱚᱱ ᱪᱮᱛᱟᱱ ᱛᱟᱦᱮᱸ ᱠᱟᱱᱟ ᱾ ᱒᱐᱐᱗ ᱥᱟᱞᱮ ᱨᱮ ᱠᱟᱹᱣᱰᱤᱭᱟᱹᱨᱤ ᱞᱟᱦᱟᱱᱛᱤ ᱫᱚᱨ ᱫᱚ ᱖ᱹ᱔᱔% ᱥᱮᱴᱮᱨ ᱞᱮᱱᱟ ᱡᱟᱦᱟᱸ ᱫᱚ ᱒᱐᱐᱖ ᱥᱟᱞᱮ ᱨᱮ ᱕ᱹ᱙᱕% ᱛᱟᱦᱮᱸ ᱠᱟᱱᱟ ᱾ ᱒᱐᱐᱗ ᱥᱟᱞᱮ ᱨᱮ ᱞᱮᱠᱷᱟᱜᱩᱴ ᱜᱷᱟᱨᱚᱡᱽ ᱟᱨᱡᱟᱣ ᱫᱚ ᱕᱖᱖ ᱴᱨᱤᱞᱤᱭᱚᱱ (᱕᱖ ᱵᱤᱞᱤᱭᱚᱱ ᱰᱚᱞᱟᱨ) ᱴᱟᱠᱟ ᱛᱟᱦᱮᱸ ᱠᱟᱱᱟ ᱾ ᱩᱱ ᱚᱠᱛᱚ ᱨᱮ ᱜᱷᱟᱨᱚᱡᱽ ᱟᱨᱡᱟᱣ ᱞᱮᱠᱟᱛᱮ ᱵᱮᱯᱟᱨ ᱥᱮᱵᱟ ᱠᱚ ᱒᱙%, ᱦᱚᱴᱮᱞ ᱟᱨ ᱨᱮᱥᱪᱩᱨᱮᱸᱴ ᱒᱐% ᱟᱨ ᱛᱮᱱᱮᱭᱟᱨ ᱠᱟᱹᱨᱜᱟᱲ ᱟᱨᱡᱟᱣ ᱑᱖% ᱥᱮᱞᱮᱫ ᱛᱟᱦᱮᱸ ᱠᱟᱱᱟ ᱾

᱒᱐᱐᱗ ᱥᱟᱞᱮ ᱨᱮ ᱞᱟᱜᱟᱣᱮᱱ ᱠᱟᱹᱱᱩᱱ ᱫᱚ ᱠᱚᱭ ᱮᱢ, ᱜᱟᱰᱟ ᱟᱨ ᱦᱟᱭᱣᱮ ᱫᱷᱟᱨᱮ ᱨᱮ ᱵᱩᱥᱛᱤ ᱛᱮᱭᱟᱨ, ᱦᱚᱨᱰᱟᱦᱟᱨ ᱨᱮ ᱛᱷᱩ ᱟᱨ ᱱᱤᱥᱟᱹ ᱵᱮᱵᱷᱟᱨ ᱫᱚ ᱠᱚ ᱵᱚᱸᱫᱽ ᱞᱮᱫ ᱛᱟᱦᱮᱸᱫ ᱾

ᱥᱮᱪᱮᱫ ᱥᱟᱯᱲᱟᱣ

ᱡᱟᱠᱟᱨᱛᱟ ᱨᱮ ᱟᱭᱢᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱢᱮᱱᱟᱜᱼᱟ, ᱚᱱᱟ ᱢᱩᱸᱫᱽ ᱠᱷᱚᱱ ᱤᱱᱫᱳᱱᱮᱥᱤᱭᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱡᱚᱛᱚ ᱠᱷᱚᱱ ᱢᱟᱨᱟᱝᱟ ᱾ ᱤᱱᱫᱳᱱᱮᱥᱤᱭᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱫᱚ ᱥᱚᱨᱠᱟᱨᱤ ᱢᱟᱱᱚᱛᱟᱱ ᱵᱤᱨᱫᱟᱹᱜᱟᱲ ᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱛᱷᱟᱯᱚᱱ ᱫᱚ ᱒ ᱯᱷᱮᱵᱽᱨᱩᱣᱟᱨᱤ ᱑᱙᱕᱐ ᱥᱟᱞᱮ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱱᱚᱶᱟ ᱫᱚ ᱜᱮᱞ ᱵᱟᱨ ᱜᱚᱴᱟᱝ ᱛᱷᱚᱱᱚᱛ ᱨᱮ ᱦᱟᱹᱴᱤᱧ ᱟᱠᱟᱱᱟ ᱺ ᱛᱤᱠᱪᱷᱟᱹ ᱛᱷᱚᱱᱚᱛ, ᱰᱟᱴᱟ ᱛᱤᱠᱪᱟᱦᱟᱹ ᱛᱷᱚᱱᱚᱛ, ᱮᱞᱠᱷᱟ ᱟᱨ ᱥᱟᱬᱮᱥ ᱛᱷᱚᱱᱚᱛ, ᱠᱟᱹᱱᱩᱱ ᱛᱷᱚᱱᱚᱛ, ᱢᱚᱱ ᱥᱟᱬᱮᱥ ᱛᱷᱚᱱᱚᱛ, ᱤᱧᱡᱤᱱᱤᱭᱟᱹᱨ ᱛᱷᱚᱱᱚᱛ, ᱠᱟᱹᱣᱰᱤ ᱟᱹᱨᱤ ᱛᱷᱚᱱᱚᱛ, ᱥᱟᱶᱛᱟ ᱟᱨ ᱨᱟᱡᱟᱹᱨᱤ ᱛᱷᱚᱱᱚᱛ, ᱢᱟᱹᱱᱢᱤ ᱥᱟᱬᱮᱥ ᱛᱷᱚᱱᱚᱛ, ᱠᱚᱢᱯᱩᱴᱚᱨ ᱥᱟᱬᱮᱥ ᱛᱷᱚᱱᱚᱛ ᱟᱨ ᱱᱚᱨᱥᱤᱝ ᱛᱷᱚᱱᱚᱛ ᱾ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱟᱜᱟᱨ ᱟᱨ ᱨᱟᱡᱽᱜᱟᱲ ᱠᱟᱱ ᱠᱷᱟᱹᱛᱤᱨ ᱡᱟᱠᱟᱨᱛᱟ ᱫᱚ ᱤᱱᱫᱳᱱᱮᱥᱤᱭᱟ ᱨᱤᱱ ᱜᱚᱴᱟ ᱯᱟᱲᱟ ᱠᱷᱚᱱ ᱠᱚ ᱟᱪᱮᱫᱤᱭᱟᱹ ᱯᱟᱲᱦᱟᱣᱜ ᱞᱟᱹᱜᱤᱫ ᱠᱚ ᱦᱤᱡᱩᱜ ᱠᱟᱱᱟ ᱾ ᱱᱚᱸᱰᱮ ᱛᱤᱢᱤᱱ ᱜᱟᱱ ᱚᱛᱢᱚᱱ ᱟᱨ ᱛᱟᱱᱟᱞᱟ ᱟᱥᱲᱟ ᱦᱚᱸ ᱢᱮᱱᱟᱜᱼᱟ, ᱡᱟᱦᱟᱸ ᱠᱚ ᱫᱚ ᱫᱤᱥᱣᱟᱹ, ᱵᱮᱥᱚᱨᱠᱟᱨᱤ ᱟᱨ ᱡᱮᱡᱟᱹᱛᱤᱭᱟᱹᱨᱤ ᱟᱥᱲᱟ ᱞᱮᱠᱟᱛᱮ ᱠᱚ ᱦᱟᱹᱴᱤᱧ ᱟᱠᱟᱫᱼᱟ ᱾

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ

  1. "Travel Indonesia Guide – How to appreciate the 'Big Durian' Jakarta". Worldstepper-daworldisntenough.blogspot.com. 8 April 2008. Retrieved 27 April 2010.
  2. "A Day in J-Town". Jetstar Magazine. April 2012. Archived from the original on 1 August 2013. Retrieved 2 January 2013.

ᱵᱟᱨᱦᱮ ᱡᱚᱱᱚᱲ ᱥᱟᱯᱲᱟᱣ