ᱡᱷᱟᱵᱩᱣᱟ ᱦᱚᱱᱚᱛ
ᱡᱷᱟᱵᱩᱣᱟ ᱦᱚᱱᱚᱛ ᱫᱚ ᱛᱟᱞᱢᱟ ᱥᱤᱧᱚᱛ ᱨᱮ ᱢᱚᱫᱷᱭᱚ ᱯᱨᱚᱫᱮᱥ ᱯᱚᱱᱚᱛ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ᱡᱷᱟᱵᱩᱣᱟ ᱥᱚᱦᱚᱨ ᱫᱚ ᱦᱚᱱᱚᱛ ᱨᱮᱱᱟᱜ ᱥᱟᱥᱚᱱ ᱪᱟᱪᱞᱟᱣ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾
| ᱡᱷᱟᱵᱩᱣᱟ ᱦᱚᱱᱚᱛ | |
|---|---|
| ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱦᱚᱱᱚᱛ | |
 ᱡᱷᱟᱵᱩᱣᱟ ᱦᱚᱱᱚᱛ ᱨᱤᱱᱤᱡ ᱪᱟᱹᱥᱤ | |
 ᱡᱷᱟᱵᱩᱣᱟ ᱦᱚᱱᱚᱛ ᱨᱮᱱᱟᱜ ᱴᱷᱟᱶ ᱢᱚᱫᱷᱭᱚ ᱯᱨᱚᱫᱮᱥ ᱨᱮ | |
| ᱫᱤᱥᱚᱢ | ᱥᱤᱧᱚᱛ |
| ᱯᱚᱱᱚᱛ | ᱢᱚᱫᱷᱭᱚ ᱯᱨᱚᱫᱮᱥ |
| ᱠᱷᱚᱸᱰ | ᱤᱱᱫᱳᱨ |
| ᱦᱮᱰᱠᱩᱣᱟᱴᱚᱨ | ᱡᱷᱟᱵᱩᱣᱟ |
| ᱥᱚᱨᱠᱟᱨ | |
| • ᱦᱚᱱᱚᱛ ᱠᱚᱞᱮᱠᱴᱚᱨ | ᱥᱚᱢᱮᱥ ᱢᱤᱥᱨᱟ (IAS) |
| • ᱫᱤᱥᱚᱢ ᱫᱚᱨᱵᱟᱨ ᱵᱟᱪᱷᱱᱟᱣ | ᱨᱟᱛᱞᱟᱢ |
| • ᱯᱚᱱᱚᱛ ᱫᱚᱨᱵᱟᱨ ᱵᱟᱪᱷᱱᱟᱣ | ᱡᱷᱟᱵᱩᱣᱟ |
| ᱮᱨᱤᱭᱟ | |
| • ᱜᱩᱴ | 3782 ᱠᱤᱢᱤ২ (1460 ᱜᱟᱺᱴ ᱢᱟᱭᱤᱞ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱜᱩᱴ | ᱑,᱐᱒᱕,᱐᱔᱘ |
| • ᱰᱮᱱᱥᱤᱴᱤ | 270/ᱠᱤᱢᱤ2 (700/ᱜᱟᱺᱴ ᱢᱟᱹᱭᱤᱞ) |
| ᱦᱚᱲ ᱮᱞ | |
| • ᱥᱮᱪᱮᱫ | ᱔᱔.᱔᱕ ᱥᱟᱭᱠᱚᱲᱟ |
| • ᱡᱟᱱᱟᱝ ᱡᱟᱹᱱᱤ | ᱙᱘᱙ |
| IST (ᱭᱩᱴᱤᱥᱤ+᱐᱕:᱓᱐) | |
| Average annual precipitation | 800 mm |
| ᱣᱮᱵᱽᱥᱟᱭᱤᱴ | http://jhabua.nic.in District Admin |
ᱚᱛᱱᱚᱜ ᱥᱟᱯᱲᱟᱣ
ᱡᱷᱟᱵᱩᱣᱟ ᱦᱚᱱᱚᱛ ᱢᱚᱫᱷᱭᱚ ᱯᱨᱮᱫᱮᱥ ᱨᱮᱱᱟᱜ ᱯᱟᱪᱮ ᱴᱚᱴᱷᱟ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱜᱩᱡᱽᱨᱟᱴ ᱨᱮᱱᱟᱜ ᱯᱟᱸᱪᱢᱚᱦᱚᱞ ᱟᱨ ᱵᱚᱰᱳᱫᱚᱨᱟ ᱦᱚᱱᱚᱛ, ᱨᱟᱡᱚᱥᱛᱷᱟᱱ ᱨᱮᱱᱟᱜ ᱵᱟᱸᱥᱣᱟᱲᱟ ᱦᱚᱱᱚᱛ ᱟᱨ ᱢᱚᱫᱷᱭᱚ ᱯᱨᱮᱫᱮᱥ ᱨᱮᱱᱟᱜ ᱟᱞᱤᱨᱟᱡᱽᱯᱩᱨ, ᱫᱷᱟᱨ ᱟᱨ ᱨᱚᱛᱞᱚᱢ ᱦᱚᱱᱚᱛ ᱞᱮᱠᱟᱛᱮ ᱮᱥᱮᱫ ᱟᱠᱟᱱᱟ ᱾[᱑]
ᱱᱚᱣᱟ ᱨᱮᱱᱟᱜ ᱚᱥᱟᱨ ᱵᱤᱥᱟᱨ ᱓,᱗᱘᱒ ᱠᱤᱞᱚᱢᱤᱴᱚᱨ᱒ ᱢᱮᱱᱟᱜᱼᱟ ᱾ ᱴᱚᱴᱷᱟ ᱵᱩᱨᱩ ᱟᱨ ᱠᱟᱱᱴᱤᱱᱭᱩᱟᱥ ᱢᱮᱱᱟᱜᱼᱟ ᱾ ᱦᱚᱱᱚᱛ ᱨᱮ ᱫᱟᱦ ᱘᱐᱐ ᱢᱤᱞᱤᱢᱤᱴᱚᱨ ᱢᱮᱱᱟᱜᱼᱟ ᱾ ᱦᱚᱱᱚᱛ ᱫᱚ ᱢᱚᱬᱮ ᱛᱟᱦᱥᱤᱞ ᱟᱨ ᱛᱩᱨᱩᱭ ᱵᱚᱱᱚᱛ ᱨᱮ ᱦᱟᱴᱤᱧ ᱟᱠᱟᱱᱟ ᱾
ᱡᱷᱟᱵᱩᱣᱟ ᱦᱚᱱᱚᱛ ᱫᱚ ᱢᱟᱭ ᱒᱐᱐᱘ ᱨᱮ ᱵᱟᱨ ᱴᱷᱟᱶ ᱨᱮ ᱦᱟᱹᱴᱤᱧ ᱟᱠᱟᱱᱟ, ᱟᱞᱤᱨᱟᱡᱽᱯᱩᱨ ᱟᱨ ᱡᱷᱟᱵᱩᱣᱟ ᱾ ᱟᱞᱤᱨᱟᱡᱽᱯᱩᱨ, ᱡᱚᱵᱟᱴ, ᱩᱫᱚᱭᱜᱚᱲ, ᱵᱷᱟᱵᱽᱨᱟ, ᱥᱚᱸᱰᱣᱟ ᱟᱨ ᱠᱟᱴᱴᱷᱤᱣᱟᱲᱟ ᱱᱚᱣᱟ ᱦᱚᱱᱚᱛ ᱟᱞᱤᱨᱟᱡᱽᱯᱩᱨ ᱨᱮᱱᱟᱜ ᱖ ᱵᱚᱱᱚᱛ ᱢᱮᱱᱟᱜᱼᱟ ᱾ ᱡᱷᱟᱵᱩᱣᱟ ᱦᱚᱱᱚᱛ ᱨᱮ ᱱᱤᱛᱚᱜ ᱦᱚᱵᱩᱣᱟ, ᱢᱮᱜᱷᱱᱚᱜᱚᱨ, ᱨᱟᱬᱟᱯᱩᱨ ᱨᱟᱢᱟ, ᱛᱷᱟᱸᱫᱽᱞᱟ ᱟᱨ ᱯᱮᱴᱞᱟᱣᱟᱫᱽ ᱵᱚᱱᱚᱛ ᱦᱤᱡᱩᱜᱼᱟ ᱾
ᱠᱟᱹᱣᱰᱤ ᱟᱹᱨᱤ ᱥᱟᱯᱲᱟᱣ
ᱥᱤᱧᱚᱛ ᱥᱚᱨᱠᱟᱨ ᱒᱐᱐᱖ ᱥᱟᱞᱮ ᱨᱮ ᱥᱤᱧᱚᱛ ᱨᱮᱱᱟᱜ ᱖᱔᱐ ᱜᱚᱴᱟᱝ ᱦᱚᱱᱚᱛ ᱠᱷᱚᱱ ᱒᱕᱐ ᱦᱚᱱᱚᱛ ᱥᱟᱶᱛᱮ ᱱᱚᱶᱟ ᱦᱚᱸ ᱟᱹᱰᱤ ᱯᱟᱹᱪᱷᱞᱟᱹ ᱦᱚᱱᱚᱛ (most backward districts) ᱞᱮᱠᱟᱛᱮ ᱥᱮᱞᱮᱫ ᱟᱠᱟᱫᱼᱟᱭ ᱾ ᱱᱚᱶᱟ ᱫᱚ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱒᱔ ᱟᱱᱟᱜ ᱦᱚᱱᱚᱛ ᱞᱮᱠᱟᱛᱮ ᱯᱟᱹᱪᱷᱞᱟᱹ ᱮᱞᱟᱠᱟ ᱜᱨᱟᱱᱴ (Backward Regions Grant Fund) ᱯᱷᱚᱸᱰ ᱮ ᱧᱟᱢ ᱮᱫᱟ ᱾[᱒]
ᱦᱚᱲ ᱮᱞ ᱥᱟᱯᱲᱟᱣ
| ᱦᱚᱲ ᱮᱞᱥᱚᱝ ᱱᱟᱜᱟᱢ | ||
|---|---|---|
| ᱥᱮᱨᱢᱟ | ᱦᱚᱲ. | ±% ᱥᱮ.ᱯᱤ. |
| ᱑᱙᱐᱑ | ᱘᱓,᱗᱕᱐ | — |
| ᱑᱙᱑᱑ | ᱑᱑᱖,᱘᱗᱘ | +3.39% |
| ᱑᱙᱒᱑ | ᱑᱓᱕,᱕᱕᱘ | +1.49% |
| ᱑᱙᱓᱑ | ᱑᱕᱘,᱔᱖᱔ | +1.57% |
| ᱑᱙᱔᱑ | ᱑᱘᱖,᱐᱓᱕ | +1.62% |
| ᱑᱙᱕᱑ | ᱒᱐᱗,᱔᱑᱘ | +1.09% |
| ᱑᱙᱖᱑ | ᱒᱘᱕,᱖᱑᱙ | +3.25% |
| ᱑᱙᱗᱑ | ᱓᱗᱔,᱖᱘᱖ | +2.75% |
| ᱑᱙᱘᱑ | ᱔᱔᱗,᱔᱓᱘ | +1.79% |
| ᱑᱙᱙᱑ | ᱖᱔᱖,᱙᱒᱔ | +3.76% |
| ᱒᱐᱐᱑ | ᱗᱘᱔,᱒᱘᱖ | +1.94% |
| ᱒᱐᱑᱑ | ᱑,᱐᱒᱕,᱐᱔᱘ | +2.71% |
| source:[᱓] | ||
᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱡᱷᱟᱵᱩᱣᱟ ᱦᱚᱱᱚᱛ ᱨᱤᱱ ᱦᱚᱲ ᱮᱞ ᱫᱚ ᱑,᱐᱒᱕,᱐᱔᱘ ᱢᱮᱱᱟᱜᱼᱟ,[᱔] ᱥᱟᱭᱯᱨᱟᱥ ᱫᱤᱥᱚᱢ ᱥᱚᱢᱟᱱ[᱕] ᱟᱨᱵᱟᱝ ᱟᱢᱮᱨᱤᱠᱟ ᱯᱚᱱᱚᱛ ᱢᱚᱸᱴᱟᱱᱟ ᱾[᱖] ᱱᱚᱣᱟ ᱱᱩᱭ ᱥᱤᱧᱚᱛ ᱨᱮ ᱔᱔᱐ ᱟᱱᱟᱜ ᱨᱮᱸᱠᱤᱝ (ᱜᱩᱴ ᱖᱔᱐ ᱦᱚᱱᱚᱛ ᱠᱷᱚᱱ ᱫᱚ) ᱧᱟᱢ ᱟᱠᱟᱫᱼᱟᱭ ᱾ ᱦᱚᱱᱚᱛ ᱨᱮᱱᱟᱜ ᱦᱚᱲ ᱮᱞ ᱰᱮᱱᱥᱤᱴᱤ ᱒᱘᱕ ᱛᱟᱦᱮᱸᱱᱟᱠᱚ ᱜᱟᱺᱴ ᱠᱤᱞᱚᱢᱤᱴᱚᱨ (᱗᱔᱐ ᱜᱟᱺᱴ ᱢᱟᱹᱭᱤᱞ) ᱢᱮᱱᱟᱜᱼᱟ ᱾ ᱒᱐᱐᱑-᱒᱐᱑᱑ ᱨᱮᱱᱟᱜ ᱜᱮᱞ ᱥᱮᱨᱢᱟ ᱨᱮ ᱱᱚᱣᱟ ᱨᱮᱱᱟᱜ ᱦᱚᱲ ᱮᱞ ᱜᱨᱚᱛᱷ ᱫᱚᱨ ᱓᱐.᱕᱘% ᱛᱟᱦᱮᱸ ᱠᱟᱱᱟ ᱾ ᱡᱷᱟᱵᱩᱣᱟ ᱨᱮ ᱜᱚᱴᱟ ᱑᱐᱐᱐ ᱠᱚᱲᱟ ᱨᱮ ᱙᱘᱙ ᱛᱤᱨᱞᱟᱹ ᱟᱜ ᱡᱟᱱᱟᱝ ᱢᱮᱱᱟᱜᱼᱟ, ᱟᱨ ᱔᱔.᱔᱕% ᱥᱮᱪᱮᱫ ᱫᱚᱨ ᱢᱮᱱᱟᱜᱼᱟ ᱾
᱒᱐᱐᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱡᱷᱟᱵᱩᱣᱟ ᱦᱚᱱᱚᱛ (ᱟᱞᱤᱨᱟᱡᱽᱯᱩᱨ ᱵᱷᱮᱡᱟᱨ ᱤᱫᱤ ᱛᱮ ᱵᱤᱪᱟᱹᱨ) ᱨᱮᱱᱟᱜ ᱜᱩᱴ ᱦᱚᱲ ᱮᱞ ᱗᱘᱔,᱒᱘᱖ ᱜᱟᱱ ᱠᱚ ᱛᱟᱦᱮᱸ ᱠᱟᱱᱟ, ᱚᱸᱰᱮ ᱠᱷᱚᱱ ᱓᱙᱖,᱑᱔᱑ ᱠᱚᱲᱟ ᱟᱨ ᱓᱘᱘,᱑᱔᱕ ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱙᱑ ᱥᱟᱭ ᱠᱚᱲᱟ ᱦᱚᱲ ᱮᱞ ᱫᱮᱦᱟᱛ ᱛᱟᱦᱮᱸ ᱠᱟᱱᱟ ᱾ ᱘᱕.᱖᱐ ᱥᱟᱭ ᱠᱚᱲᱟ ᱦᱚᱲ ᱮᱞ ᱟᱹᱫᱤᱵᱟᱹᱥᱤ ᱟᱨ ᱓ ᱥᱟᱭᱠᱚᱲᱟ ᱟᱱᱩᱥᱩᱪᱤᱛ ᱡᱟᱹᱛᱤ ᱠᱚ ᱛᱟᱦᱮᱸ ᱠᱟᱱᱟ ᱾ ᱟᱞᱤᱨᱟᱡᱽᱯᱩᱨ ᱨᱮᱱᱟᱜ ᱵᱷᱮᱜᱟᱨ ᱤᱫᱤ ᱛᱮ ᱢᱟᱲᱟᱝ, ᱡᱷᱟᱵᱩᱣᱟ ᱦᱚᱱᱚᱛ ᱨᱮᱱᱟᱜ ᱡᱟᱱᱟᱝ ᱡᱟᱹᱱᱤ ᱫᱚ ᱙᱙᱐ ᱛᱟᱦᱮᱸ ᱠᱟᱱᱟ ᱟᱨ ᱦᱚᱲ ᱮᱞ ᱰᱮᱱᱥᱤᱴᱤ ᱒᱐᱖ /ᱠᱤᱞᱚᱢᱤᱴᱚᱨ᱒ ᱛᱟᱦᱮᱸ ᱠᱟᱱᱟ ᱾[᱗]
ᱡᱷᱟᱵᱩᱣᱟ ᱫᱚ ᱢᱩᱬ ᱞᱮᱠᱟᱛᱮ ᱟᱹᱫᱤᱵᱟᱹᱥᱤ ᱦᱚᱱᱚᱛ ᱠᱟᱱᱟ, ᱟᱨ ᱚᱥᱮᱪᱮᱫ ᱟᱨ ᱨᱮᱸᱜᱮᱡ ᱨᱮᱱᱟᱜ ᱪᱮᱛᱟᱱ ᱥᱮᱫ ᱞᱟᱦᱟᱜ ᱠᱟᱱᱟ ᱾ ᱟᱫᱷᱟ ᱦᱚᱲ ᱮᱞ ᱨᱮᱸᱜᱮᱡ ᱜᱟᱨ ᱠᱷᱚᱱ ᱞᱟᱛᱟᱨ ᱢᱮᱱᱟᱜ ᱠᱚᱣᱟ ᱾ ᱵᱷᱤᱞ ᱟᱨ ᱵᱷᱤᱞᱟᱞᱟ ᱥᱚᱲ ᱫᱚ ᱦᱚᱱᱚᱛ ᱨᱮᱱᱟᱜ ᱵᱷᱤᱛᱤᱨ ᱨᱮ ᱛᱟᱦᱮᱸ ᱱᱟᱠᱚ ᱾
ᱯᱟᱹᱨᱥᱤ ᱥᱟᱯᱲᱟᱣ
ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱚᱠᱛᱚ, ᱦᱚᱱᱚᱛ ᱨᱮ ᱘᱕.᱒᱖% ᱦᱚᱲ ᱫᱚ ᱵᱷᱤᱞᱤ, ᱑᱓.᱘᱗% ᱦᱤᱱᱫᱤ ᱟᱨ ᱐.᱔᱑% ᱜᱩᱡᱽᱨᱟᱛᱤ ᱫᱚ ᱟᱡᱟᱜ ᱢᱟᱲᱟᱝ ᱯᱟᱹᱨᱥᱤ ᱞᱟᱹᱭᱟ ᱾[᱘]
ᱨᱚᱨᱚᱲ ᱞᱟᱹᱜᱤᱫ ᱯᱟᱹᱨᱥᱤ ᱫᱚ ᱵᱟᱨᱮᱞᱤ ᱨᱟᱛᱷᱣᱤ, ᱵᱷᱤᱞ ᱯᱟᱹᱨᱥᱤ, ᱡᱟᱦᱟᱸ ᱨᱮ ᱖᱔,᱐᱐᱐ ᱟᱹᱲᱟᱹ ᱢᱮᱱᱟᱜᱼᱟ, ᱱᱚᱣᱟ ᱫᱚ ᱫᱮᱣᱱᱟᱜᱽᱨᱤ ᱪᱤᱠᱤ ᱛᱮ ᱚᱞ ᱟᱠᱟᱱᱟ;[᱙] ᱟᱨ ᱑᱑,᱕᱐,᱐᱐᱐ ᱟᱹᱲᱟᱹ ᱥᱟᱶᱛᱮ ᱵᱷᱤᱞᱟᱞᱤ ᱾[᱑᱐]
ᱥᱮᱪᱮᱫ ᱥᱟᱯᱲᱟᱣ
᱓᱖.᱙% ᱥᱮᱪᱮᱫ ᱫᱚᱨ ᱥᱟᱶᱛᱮ ᱡᱷᱟᱵᱩᱣᱟ ᱦᱚᱱᱚᱛ ᱨᱮᱱᱟᱜ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱦᱚᱱᱚᱛ ᱨᱮ ᱥᱮᱪᱮᱫ ᱫᱚᱨ ᱫᱚ ᱟᱹᱰᱤ ᱠᱟᱹᱡ ᱛᱟᱦᱮᱸ ᱠᱟᱱᱟ ᱾[᱑᱑]
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ "Jhabua". District administration. Retrieved 2010-08-20.
- ↑ Ministry of Panchayati Raj (8 September 2009). "A Note on the Backward Regions Grant Fund Programme" (PDF). National Institute of Rural Development. Archived from the original (PDF) on 5 April 2012. Retrieved 27 September 2011.
- ↑ Decadal Variation In Population Since 1901
- ↑ "District Census 2011". Census2011.co.in. 2011. Retrieved 2011-09-30.
- ↑ US Directorate of Intelligence. "Country Comparison:Population". Archived from the original on 2011-09-27. Retrieved 2011-10-01.
Cyprus 1,120,489 July 2011 est.
- ↑ "2010 Resident Population Data". U. S. Census Bureau. Archived from the original on 19 October 2013. Retrieved 2011-09-30.
Montana 989,415
- ↑ "Population, decadal growth rate, sex ratio and density – States/Union territories and Districts : 2001". Table 1. Education for all in India, Source:Registrar General of India, Government of India, New Delhi. Retrieved 2010-08-12.
- ↑ 2011 Census of India, Population By Mother Tongue
- ↑ M. Paul Lewis, ed. (2009). "Bareli, Rathwi: A language of India". Ethnologue: Languages of the World (16th ed.). Dallas, Texas: SIL International. Retrieved 2011-09-28.
- ↑ M. Paul Lewis, ed. (2009). "Bhilali: A language of India". Ethnologue: Languages of the World (16th ed.). Dallas, Texas: SIL International. Retrieved 2011-09-30.
- ↑ "Seminar On Progress Of Literacy In India: What The Census 2001 Preveals Niepa, New Delhi, October 05, 2002". India’s Literacy Panorama. educationforallinindia.com. Retrieved 2010-08-17.
ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ
| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱡᱷᱟᱵᱩᱣᱟ ᱦᱚᱱᱚᱛ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |