ᱢᱩᱢᱵᱟᱭ ᱫᱚ ᱥᱤᱧᱚᱛ ᱨᱮᱱᱟᱜ ᱯᱟᱪᱮ ᱥᱮᱦᱮᱫ ᱫᱷᱟᱨᱮ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ ᱾ ᱢᱩᱢᱵᱟᱭ ᱨᱮᱱᱟᱜ ᱢᱟᱨᱮ ᱧᱩᱛᱩᱢ ᱫᱚ ᱵᱚᱢᱵᱮ ᱛᱟᱦᱮᱸ ᱠᱟᱱᱟ ᱾ ᱱᱚᱸᱰᱮ ᱢᱮᱱᱟᱜ ᱠᱚ ᱦᱚᱲ ᱠᱚᱣᱟᱜ ᱮᱞ ᱥᱩᱨᱥᱩᱯᱩᱨ ᱓ ᱠᱳᱴᱤ ᱒᱑ ᱞᱚᱠᱷᱭᱚ ᱡᱟᱦᱟᱸ ᱫᱚ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱦᱚᱲ ᱠᱚ ᱛᱟᱦᱮᱸᱱ ᱠᱟᱱᱟ ᱢᱤᱫ ᱱᱟᱜᱟᱨ ᱠᱟᱱᱟ ᱾[᱑] ᱢᱩᱢᱵᱟᱭ ᱫᱚ ᱥᱤᱧᱚᱛ ᱨᱮᱱᱟᱜ ᱢᱟᱨᱟᱝ ᱫᱟᱜ ᱰᱟᱦᱟᱨ ᱠᱟᱱᱟ ᱾ ᱤᱭᱩᱨᱚᱯ, ᱟᱯᱷᱨᱤᱠᱟ, ᱟᱢᱮᱨᱤᱠᱟ ᱮᱢᱟᱱ ᱵᱟᱨᱦᱮ ᱫᱤᱥᱚᱢ ᱠᱷᱚᱱ ᱦᱚᱲ ᱫᱚ ᱫᱟᱜ ᱦᱚᱨ ᱟᱨ ᱵᱟᱝ ᱩᱰᱟᱹᱱ ᱯᱩᱭᱞᱩ ᱫᱚ ᱢᱩᱢᱵᱟᱭ ᱨᱮ ᱠᱚ ᱥᱮᱴᱮᱨᱚᱜ ᱠᱟᱱᱟ, ᱚᱱᱟᱛᱮ ᱥᱤᱧᱚᱛ ᱨᱮᱱᱟᱜ ᱵᱚᱞᱚᱱ ᱫᱩᱣᱟᱹᱨ ᱦᱚᱸ ᱠᱚ ᱢᱮᱛᱟᱜ ᱠᱟᱱᱟ ᱾ ᱢᱩᱢᱵᱟᱭ ᱫᱚ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱵᱮᱯᱟᱨ ᱛᱟᱞᱢᱟ ᱠᱟᱱᱟ ᱾ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱵᱮᱸᱠ ᱫᱚ ᱱᱚᱸᱰᱮ ᱜᱮ ᱢᱮᱱᱟᱜᱼᱟ, ᱚᱱᱟᱛᱮ ᱱᱚᱸᱰᱮ ᱫᱚ ᱠᱟᱹᱣᱰᱤ ᱠᱷᱟᱫᱟᱱ ᱦᱚᱸ ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱱᱟᱜᱟᱨ ᱨᱮ ᱥᱤᱱᱮᱢᱟ ᱵᱮᱱᱟᱶ ᱜᱟᱲ ᱦᱚᱸ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱵᱚᱞᱤᱣᱩᱰ ᱠᱚ ᱢᱮᱛᱟᱜ ᱠᱟᱱᱟ ᱾

ᱢᱩᱢᱵᱟᱭ

ᱚᱛᱱᱚᱜ ᱥᱟᱯᱲᱟᱣ

ᱢᱩᱢᱵᱟᱭ ᱥᱚᱦᱚᱨ ᱫᱚ ᱥᱤᱧᱚᱛ ᱨᱮᱱᱟᱜ ᱯᱟᱪᱮ ᱥᱮᱦᱮᱫ ᱠᱚᱝᱠᱚᱬ ᱵᱷᱤᱲᱟᱹᱣ ᱩᱞᱞᱟᱥ ᱜᱟᱰᱟ ᱥᱟᱢᱟᱝ ᱨᱮ ᱢᱮᱱᱟᱜᱼᱟ ᱾ ᱱᱚᱸᱰᱮ ᱥᱮᱞᱥᱮᱴ ᱫᱤᱯᱚ ᱨᱮᱱᱟᱜ ᱛᱤᱢᱤᱱ ᱜᱟᱱ ᱦᱟᱹᱴᱤᱧ ᱢᱮᱱᱟᱜᱼᱟ ᱟᱨ ᱵᱟᱹᱠᱤ ᱫᱚ ᱴᱷᱟᱬᱮ ᱡᱤᱞᱞᱟᱹ ᱨᱮ ᱢᱮᱱᱟᱜᱼᱟ ᱾ ᱵᱟᱹᱲᱛᱤ ᱠᱟᱛᱮ ᱱᱚᱸᱰᱮ ᱱᱟᱜ ᱱᱟᱜᱟᱨ ᱫᱚ ᱥᱟᱹᱢᱩᱸᱫᱽ ᱛᱩᱲᱩᱝ ᱠᱷᱚᱱ ᱱᱟᱥᱮ ᱩᱥᱩᱞ ᱨᱮ ᱢᱮᱱᱟᱜ-ᱟ, ᱡᱟᱦᱟᱸ ᱨᱮᱱᱟᱜ ᱩᱥᱩᱞ ᱫᱚ ᱑᱐ ᱢᱤᱴᱚᱨ ᱠᱷᱚ ᱑᱕ ᱢᱤᱴᱚᱨ ᱾ ᱢᱩᱢᱵᱟᱭ ᱨᱮᱱᱟᱜ ᱠᱚᱧᱮ ᱥᱮᱦᱮᱫ ᱫᱚ ᱵᱩᱨᱩ ᱜᱮᱭᱟ, ᱡᱟᱦᱟᱸ ᱨᱮᱭᱟᱜ ᱡᱚᱛᱚ ᱠᱷᱚᱱ ᱰᱮᱦᱮᱨ ᱩᱥᱩᱞ ᱫᱚ ᱔᱕᱐ ᱢᱤᱴᱚᱨ ᱾ ᱱᱟᱜᱟᱨ ᱨᱮᱱᱟᱜ ᱚᱥᱟᱨᱵᱤᱥᱟᱹᱨ ᱫᱚ ᱖᱐᱓ ᱵᱚᱨᱜᱚ ᱠᱤᱞᱚᱢᱤᱴᱚᱨ ᱾ ᱥᱚᱧᱡᱚᱭ ᱜᱟᱱᱫᱷᱤ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱱᱟᱜᱟᱨ ᱥᱩᱨ ᱨᱮᱜᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱱᱟᱜᱟᱨ ᱨᱮᱱᱟᱜ ᱛᱩᱨᱩᱭ ᱦᱟᱹᱴᱤᱧ ᱜᱟᱱ ᱞᱮᱠᱟ ᱟᱴᱮᱫ ᱟᱠᱟᱱᱟ ᱾ ᱱᱚᱶᱟ ᱵᱤᱨ ᱨᱮ ᱪᱷᱟᱯ ᱛᱟᱹᱨᱩᱵ ᱞᱮᱠᱟᱱ ᱡᱤᱭᱟᱹᱞᱤ ᱠᱚ ᱢᱮᱱᱟᱜ ᱠᱚᱣᱟ ᱾ [᱒][᱓] ᱢᱮᱱᱠᱷᱟᱱ ᱦᱚᱲ ᱠᱚ ᱥᱟᱝᱜᱮ ᱤᱫᱤᱜ ᱠᱟᱱ ᱛᱮ ᱱᱩᱠᱩᱣᱟᱜ ᱮᱞ ᱦᱚᱸ ᱠᱚᱢ ᱤᱫᱤᱜ ᱠᱟᱱᱟ ᱾

ᱱᱟᱜᱟᱢ ᱥᱟᱯᱲᱟᱣ

ᱠᱚᱧᱮ ᱢᱩᱢᱵᱟᱭ ᱨᱮᱱᱟᱜ ᱠᱟᱱᱫᱤᱵᱚᱞᱤ ᱠᱷᱚᱱ ᱧᱟᱢ ᱟᱠᱟᱱ ᱥᱮᱭᱟᱥᱟᱨᱮᱡ ᱠᱷᱚᱱ ᱵᱟᱰᱟᱭᱚᱜᱼᱟ ᱵᱟᱝ ᱢᱟ ᱱᱚᱶᱟ ᱴᱷᱟᱶ ᱨᱮ ᱟᱹᱰᱤ ᱟᱭᱢᱟ ᱥᱮᱫᱟᱭ ᱠᱷᱚᱱ ᱦᱚᱲ ᱠᱚ ᱛᱟᱦᱮᱸ ᱟᱹᱜᱩᱣᱟᱠᱟᱱᱟ ᱾ ᱠᱷᱨᱤᱥᱴᱚ ᱯᱩᱨᱵᱚ ᱛᱮᱥᱟᱨ ᱥᱟᱭ ᱥᱮᱨᱢᱟ ᱨᱮ ᱱᱚᱶᱟ ᱢᱚᱣᱨᱡᱚ ᱥᱟᱢᱨᱟᱡᱽᱭᱚ ᱨᱮᱱᱟᱜ ᱦᱟᱹᱴᱤᱧ ᱛᱟᱦᱮᱸ ᱠᱟᱱᱟ ᱟᱨ ᱱᱚᱸᱰᱮᱱᱤᱡ ᱥᱟᱥᱮᱛᱤᱭᱟᱹ ᱥᱚᱢᱨᱟᱴ ᱚᱥᱚᱠ ᱮ ᱛᱟᱦᱮᱸ ᱠᱟᱱᱟ ᱾ ᱑᱙᱙᱕ ᱥᱟᱞᱮ ᱨᱮ ᱵᱚᱢᱵᱮ ᱧᱩᱛᱩᱢ ᱫᱚ ᱟᱹᱨᱩ ᱠᱟᱛᱮ ᱢᱩᱢᱵᱟᱭ ᱠᱚ ᱫᱚᱦᱚ ᱞᱮᱫ ᱛᱟᱦᱮᱸᱫ ᱾

ᱦᱚᱭᱫᱟᱜ ᱥᱟᱯᱲᱟᱣ

ᱢᱩᱢᱵᱟᱭ ᱫᱚ ᱟᱨᱚᱵᱽ ᱥᱟᱜᱚᱨ ᱥᱩᱨ ᱨᱮ ᱢᱮᱱᱟᱜ ᱠᱷᱟᱹᱛᱤᱨ ᱱᱚᱸᱰᱮ ᱫᱚ ᱵᱟᱨ ᱞᱮᱠᱟᱱ ᱨᱤᱛᱩ ᱵᱩᱨᱦᱟᱹᱣ ᱧᱟᱢᱚᱜᱼᱟ ᱾ ᱚᱱᱟ ᱫᱚ ᱨᱟᱵᱟᱝ ᱨᱤᱛᱩ ᱟᱨ ᱦᱮᱢᱟᱞ ᱨᱤᱛᱩ ᱾ ᱦᱮᱢᱟᱞ ᱫᱚ ᱢᱟᱨᱪ ᱪᱟᱸᱫᱚ ᱠᱷᱚᱱ ᱚᱠᱴᱚᱵᱚᱨ ᱦᱟᱹᱦᱤᱡ ᱵᱩᱡᱷᱟᱹᱣᱼᱟ ᱾ ᱡᱩᱱ ᱠᱷᱚᱱ ᱥᱮᱯᱴᱮᱢᱵᱚᱨ ᱫᱚ ᱫᱟᱜ ᱡᱟᱹᱲᱤ ᱛᱮ ᱱᱟᱜᱟᱨᱮ ᱞᱚᱦᱚᱫᱟ, ᱡᱟᱦᱟᱸ ᱤᱫᱤ ᱠᱟᱛᱮ ᱢᱩᱢᱵᱟᱭ ᱨᱮᱱᱟᱜ ᱥᱮᱨᱢᱟᱠᱤᱭᱟᱹ ᱫᱟᱜ ᱫᱚ ᱒᱒᱐᱐ ᱢᱤᱞᱤᱢᱤᱴᱚᱨ ᱾ ᱱᱤᱛᱚᱜ ᱦᱟᱹᱵᱤᱡ ᱧᱮᱞ ᱞᱮᱠᱷᱟᱱ ᱑᱙᱙᱕ ᱥᱟᱞᱮ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤᱭ ᱫᱟᱜ ᱞᱮᱜᱼᱟ, ᱡᱟᱦᱟᱸ ᱫᱚ ᱓᱔᱕᱒ ᱢᱤᱞᱤᱢᱤᱴᱚᱨ ᱾ ᱢᱩᱢᱵᱟᱭ ᱨᱮᱱᱟᱜ ᱡᱚᱛᱚ ᱠᱷᱚᱱ ᱰᱮᱦᱮᱨ ᱞᱚᱞᱥᱚᱝ ᱫᱚ ᱓᱘o ᱥᱮᱞᱥᱤᱭᱚᱥ ᱾

ᱪᱤᱛᱟᱹᱨ ᱥᱟᱯᱲᱟᱣ

ᱯᱷᱮᱰᱟᱛ ᱥᱟᱯᱲᱟᱣ

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ

  1. "विश्व गैज़ेटियर अनुमान 2008-01-01". Archived from the original on 2011-07-15. Retrieved 2010-01-10.
  2. A cat rouses Thane colony
  3. Killer Cats by Bijal Trivedi - National Geographic Channel[permanent dead link]

ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ