ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱨᱟᱡᱽᱜᱟᱲ ᱤᱴᱟ.ᱱᱚᱜᱚᱨ ᱫᱚ ᱟ.ᱰᱤ ᱜᱮ ᱪᱚᱨᱚᱠᱟ ᱾ ᱱᱚᱣᱟ ᱫᱚ ᱦᱮᱢᱟᱞ ᱵᱩᱨᱩ ᱨᱮᱭᱟᱜ ᱫᱟᱥᱱᱟ ᱨᱮ ᱢᱮᱱᱟᱜᱼᱟ ᱾ ᱫᱚᱨᱮᱭᱟ ᱞᱟᱛᱟᱨ ᱠᱷᱚᱱ ᱱᱚᱣᱟ ᱨᱮᱭᱟᱜ ᱫᱚ ᱓᱕᱐ ᱢᱤᱴᱚᱨ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱨᱟᱡᱽᱜᱟᱲ ᱠᱟᱱ ᱠᱷᱟ.ᱛᱤᱨ, ᱱᱚᱰᱮ ᱫᱷᱟ.ᱵᱤᱡ ᱦᱟ.ᱡᱩᱜ ᱥᱮᱱᱚᱜ ᱞᱟ.ᱜᱤᱫ ᱱᱟᱯᱟᱭ ᱦᱚᱨ ᱰᱟᱦᱟᱨ ᱨᱮᱭᱟᱜ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾ ᱤᱴᱟᱱᱚᱜᱚᱨ ᱨᱮᱭᱟᱜ ᱜᱩᱣᱟᱦᱟᱴᱤ ᱟᱨ ᱱᱤᱨᱞᱟᱜᱟᱱ ᱛᱟᱞᱟᱨᱮ ᱦᱮᱞᱤᱠᱚᱯᱴᱚᱨ ᱥᱚᱨᱵᱷᱤᱥ ᱨᱮᱭᱟᱜ ᱦᱚᱸ ᱳᱯᱥᱚᱱ ᱢᱮᱱᱟᱜᱼᱟ ᱾ ᱦᱮᱞᱤᱠᱮᱯᱴᱚᱨ ᱥᱟᱶ ᱥᱟᱶᱛᱮ ᱫᱤᱥᱚᱢ ᱫᱟᱬᱟᱱ ᱦᱚᱲ ᱠᱚᱫᱚ ᱵᱚᱥ ᱛᱮᱦᱚᱸ ᱤᱴᱟᱱᱚᱜᱚᱨ ᱫᱷᱟ.ᱵᱤᱡ ᱠᱚ ᱥᱮᱴᱮᱨ ᱫᱟᱲᱮᱭᱟᱜᱼᱟ ᱾ ᱜᱩᱣᱟᱦᱟᱴᱤ ᱠᱷᱚᱱ ᱤᱴᱟᱱᱚᱜᱚᱨ ᱫᱷᱟ.ᱵᱤᱡ ᱰᱤᱞᱚᱠᱥ ᱵᱚᱥ ᱨᱮᱭᱟᱜ ᱦᱚᱸ ᱥᱩᱵᱤᱫᱷᱟ ᱢᱮᱱᱟᱜᱼᱟ ᱾

ᱤᱴᱟᱱᱚᱜᱚᱨ
ᱨᱟᱡᱽᱜᱟᱲ
Lua error in ᱢᱳᱰᱩᱞ:Location_map at line 522: Unable to find the specified location map definition: "Module:Location map/data/India Arunachal Pradesh" does not exist.Location of Itanagar in Arunachal Pradesh
Coordinates: 27°06′00″N 93°37′12″E / 27.10000°N 93.62000°E / 27.10000; 93.62000
Country ᱥᱤᱧᱚᱛ
ᱯᱚᱱᱚᱛᱚᱨᱩᱱᱟᱪᱚᱞ ᱯᱨᱚᱫᱮᱥ
ᱡᱤᱞᱞᱟᱯᱟᱯᱩᱢ ᱯᱟᱨᱮ
ᱥᱚᱨᱠᱟᱨ
 • ᱪᱟᱪᱞᱟᱣᱤᱴᱟᱱᱚᱜᱚᱨ ᱢᱩᱱᱤᱥᱤᱯᱟᱞ ᱠᱟᱩᱱᱥᱤᱞ
ᱩᱥᱩᱞ620-2500 ᱢᱤᱴᱚᱨ (2035-8200 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ(2011)
 • ᱞᱮᱠᱷᱟᱜᱩᱴ᱕᱙,᱔᱙᱐
ᱟᱤ. ᱮᱥ. ᱴᱤ (ᱭᱩᱴᱤᱥᱤ+5:30)
ᱯᱤᱱ ᱠᱳᱰ᱗᱙᱑᱑᱑᱑, ᱗᱙᱑᱑᱑᱒, ᱗᱙᱑᱑᱑᱓
ᱜᱟᱹᱰᱤ ᱨᱤᱡᱤᱥᱴᱨᱤAR-01, AR-02, ARX
ClimateCwa

ᱱᱟᱜᱟᱢ ᱥᱟᱯᱲᱟᱣ

ᱤᱴᱟᱱᱚᱜᱚᱨ ᱨᱮᱭᱟᱜ ᱠᱷᱚᱸᱫᱽᱨᱚᱸᱫᱽ ᱫᱚ ᱢᱟᱭᱟᱯᱩᱨ ᱥᱟᱞᱟᱜ ᱦᱩᱭ ᱞᱮᱱᱟ ᱾ ᱢᱟᱭᱟᱯᱩᱨ ᱫᱚ ᱑᱑ ᱟᱱᱟᱜ ᱥᱟᱭᱥᱟᱞ ᱨᱮᱭᱟᱜ ᱡᱤᱛᱨᱤ ᱵᱚᱝᱥᱚ ᱠᱚᱣᱟᱜ ᱨᱟᱡᱽᱜᱟᱲ ᱛᱟᱦᱮᱸ ᱠᱟᱱᱟ ᱾ ᱤᱴᱟᱱᱚᱜᱚᱨ ᱨᱮ ᱴᱩᱨᱤᱥᱴ ᱠᱚᱫᱚ ᱤᱴᱟ. ᱠᱤᱞᱟ. ᱦᱚᱸ ᱠᱚ ᱧᱮᱞ ᱫᱟᱲᱮᱭᱟᱜᱼᱟ ᱾ ᱱᱚᱣᱟ ᱠᱤᱞᱟ. ᱠᱚᱫᱚ ᱑᱔-᱑᱕ ᱟᱱᱟᱜ ᱥᱟᱭᱥᱟᱞ ᱨᱮ ᱵᱮᱱᱟᱣ ᱞᱮᱱᱟ ᱾ ᱱᱚᱣᱟ ᱨᱮᱭᱟᱜ ᱧᱩᱛᱩᱢ ᱞᱮᱠᱟᱛᱮ ᱜᱮ ᱚᱸᱰᱮᱱᱟᱜ ᱧᱩᱛᱩᱢ ᱫᱚ ᱤᱴᱟᱱᱚᱜᱚᱨ ᱢᱮᱱᱛᱮ ᱠᱚ ᱫᱚᱦᱚ ᱟᱠᱟᱫᱼᱟ ᱾ ᱫᱤᱥᱚᱢ ᱥᱟᱸᱜᱷᱟᱨᱤᱭᱟ. ᱠᱚ ᱚᱱᱟ ᱠᱤᱞᱟ. ᱨᱮᱭᱟᱜ ᱟ.ᱰᱤ ᱞᱮᱠᱟᱱ ᱱᱟᱯᱟᱭ ᱪᱮᱛᱟ.ᱨ ᱠᱚ ᱧᱮᱞ ᱫᱟᱲᱮᱭᱟᱜᱼᱟ ᱾ ᱱᱤᱛᱚᱜ ᱫᱚ ᱚᱱᱟ ᱠᱤᱞᱟ. ᱠᱚᱫᱚ ᱨᱟᱡᱽ ᱵᱷᱚᱵᱚᱱ ᱢᱮᱱᱛᱮ ᱵᱟᱱᱟᱰᱟᱭ ᱢᱮᱱᱟᱜᱼᱟ ᱟᱨ ᱱᱚᱣᱟ ᱫᱚ ᱱᱤᱛᱚᱜ ᱨᱟᱡᱽᱯᱟᱞ ᱟᱜ ᱥᱚᱨᱠᱟᱨᱤ ᱵᱟᱥᱟ ᱞᱮᱠᱟᱛᱮ ᱢᱮᱱᱟᱜᱼᱟ ᱾

ᱢᱩᱬ ᱧᱮᱱᱮᱞ ᱴᱷᱟᱶ ᱥᱟᱯᱲᱟᱣ

ᱤᱴᱟᱱᱚᱜᱚᱨ ᱨᱮ ᱫᱤᱥᱚᱢ ᱧᱮᱧᱮᱞᱤᱭᱟ. ᱠᱚ ᱤᱴᱟ.ᱠᱤᱞᱟ. ᱦᱚᱸᱠᱚ ᱧᱮᱞ ᱫᱟᱲᱮᱭᱟᱜᱼᱟ ᱾ ᱱᱚᱣᱟ ᱠᱤᱞᱚ. ᱫᱚ ᱑᱔-᱑᱕ ᱟᱱᱟᱜ ᱥᱟᱭᱥᱟᱞ ᱨᱮ ᱵᱮᱱᱟᱣ ᱞᱮᱱᱟ ᱾ ᱱᱚᱣᱟ ᱨᱮᱭᱟᱜ ᱧᱩᱛᱩᱢ ᱠᱷᱟ.ᱛᱤᱨ ᱜᱮ ᱚᱱᱟ ᱴᱚᱴᱷᱟ ᱫᱚ ᱤᱴᱟᱱᱚᱜᱚᱨ ᱢᱮᱱᱛᱮ ᱠᱚ ᱧᱩᱛᱩᱢ ᱟᱠᱟᱫᱼᱟ ᱾ ᱧᱮᱧᱮᱞᱤᱭᱟ. ᱠᱚ ᱱᱚᱣᱟ ᱠᱤᱞᱟ.ᱨᱮ ᱟ.ᱰᱤ ᱞᱮᱠᱟᱱ ᱞᱮᱠᱟᱱ ᱪᱤᱛᱟ.ᱨ ᱠᱚ ᱧᱮᱞ ᱧᱟᱢ ᱫᱟᱲᱮᱭᱟᱜᱼᱟ ᱾ ᱠᱤᱞᱟ. ᱫᱟᱬᱟ ᱥᱟ.ᱛ ᱠᱟᱛᱮ ᱧᱮᱧᱮᱞᱤᱭᱟ. ᱠᱚ ᱚᱸᱰᱮ ᱢᱮᱱᱟᱜ ᱧᱩᱛᱩᱢᱟᱱ ᱜᱟᱝ ᱜᱟᱰᱟ ᱦᱚᱸᱠᱚ ᱧᱮᱞ ᱫᱟᱲᱮᱭᱟᱜᱼᱟ ᱾

  • ᱜᱟᱝ ᱯᱟᱭᱦᱟ

ᱜᱟᱝ ᱯᱟᱭᱦᱟ ᱫᱚ ᱤᱴᱟᱱᱚᱜᱚᱨ ᱠᱷᱚᱱ ᱖ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱚᱱᱟ ᱯᱟᱭᱦᱟ ᱥᱩᱨ ᱨᱮ ᱟ.ᱰᱤ ᱜᱚᱢᱦᱮᱲ ᱵᱤᱨ ᱦᱚᱸ ᱢᱮᱱᱟᱜᱼᱟ ᱾ ᱚᱱᱟ ᱵᱤᱨ ᱫᱚ ᱧᱮᱞ ᱡᱚᱝ ᱟ.ᱰᱤ ᱜᱮ ᱪᱚᱨᱚᱠ ᱪᱮᱦᱨᱟᱦᱟ ᱾ ᱧᱮᱧᱮᱞᱤᱭᱟ. ᱠᱚ ᱱᱚᱣᱟ ᱵᱤᱨ ᱨᱮᱫᱚ ᱱᱟᱯᱟᱭ ᱱᱟᱯᱟᱭ ᱫᱟᱨᱮᱼᱱᱟ.ᱬᱤ, ᱪᱮᱬᱮᱼᱪᱤᱯᱨᱩᱜ, ᱡᱤᱱᱛᱤᱼᱯᱤᱯᱤᱲᱤ ᱟᱨ ᱵᱟᱦᱟ ᱵᱟᱜᱟᱱ ᱠᱚᱦᱚᱸ ᱠᱚ ᱧᱮᱞ ᱫᱟᱲᱮ ᱟᱠᱚᱣᱟ ᱾ ᱱᱚᱰᱮ ᱠᱚ ᱦᱮᱡ ᱥᱮᱴᱮᱨ ᱟᱠᱟᱱ ᱫᱤᱥᱚᱢ ᱧᱮᱧᱮᱞᱤᱭᱟ. ᱦᱚᱲ ᱠᱚᱫᱚ ᱱᱚᱣᱟ ᱟᱨ ᱯᱟᱭᱦᱟ ᱟᱨ ᱵᱤᱨ ᱧᱮᱞ ᱫᱚ ᱟ.ᱰᱤ ᱞᱟ.ᱠᱛᱤᱜ ᱠᱟᱱᱟ ᱾

  • ᱵᱚᱣᱫᱷᱚ ᱢᱩᱫᱽᱨᱤ

ᱱᱚᱰᱮ ᱫᱚ ᱢᱤᱫ ᱟ.ᱰᱤ ᱞᱟ~ᱥᱟᱬᱦᱮᱫ ᱵᱚᱣᱫᱷᱚ ᱢᱩᱫᱽᱨᱤ ᱢᱮᱱᱟᱜᱼᱟ ᱾ ᱵᱚᱣᱫᱷᱚ ᱜᱩᱨᱩ ᱫᱳᱞᱟᱭᱤ ᱞᱟᱢᱟ ᱦᱚᱸ ᱱᱚᱣᱟ ᱫᱚᱭ ᱥᱟᱸᱜᱷᱟᱨ ᱦᱩᱭ ᱟᱠᱟᱫᱼᱟ ᱾ ᱱᱚᱣᱟ ᱢᱩᱫᱽᱨᱤ ᱨᱮᱭᱟᱜ ᱪᱷᱟᱛ ᱫᱚ ᱥᱟᱥᱟᱝ ᱜᱮᱭᱟ ᱟᱨ ᱱᱚᱣᱟ ᱢᱩᱫᱽᱨᱤ ᱫᱚ ᱛᱤᱵᱽᱵᱚᱛᱤᱭᱟ. ᱛᱚᱦᱚᱨ ᱛᱮ ᱵᱮᱱᱟᱣ ᱟᱠᱟᱱᱟ ᱾ ᱱᱚᱣᱟ ᱢᱩᱫᱽᱨᱤ ᱨᱮᱭᱟᱜ ᱪᱷᱟᱛ ᱠᱷᱚᱱ ᱫᱚ ᱯᱩᱨᱟ. ᱤᱴᱟᱱᱚᱜᱚᱨ ᱨᱮᱭᱟᱜ ᱪᱚᱨᱚᱠ ᱪᱮᱦᱨᱟ ᱧᱮᱞ ᱫᱟᱲᱮ ᱜᱟᱱᱚᱜᱼᱟ ᱾ ᱱᱚᱣᱟ ᱢᱩᱫᱽᱨᱤ ᱨᱮᱫᱚ ᱢᱤᱫ ᱥᱟᱧᱪᱟᱣᱥᱟᱲᱟ ᱦᱚᱸ ᱵᱮᱱᱟᱣ ᱟᱠᱟᱱᱟ ᱾ ᱚᱱᱟ ᱨᱮᱭᱟᱜ ᱧᱩᱛᱩᱢ ᱫᱚ ᱡᱚᱵᱟᱦᱚᱨ ᱞᱟᱞ ᱱᱮᱦᱨᱩ ᱥᱟᱧᱪᱟᱣᱥᱟᱲᱟ ᱢᱮᱱᱛᱮ ᱫᱚᱦᱚ ᱟᱠᱟᱱᱟ ᱾ ᱱᱚᱰᱮ ᱠᱷᱚᱱ ᱧᱮᱧᱮᱞᱤᱭᱟ. ᱠᱚᱫᱚ ᱯᱩᱨᱟ. ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱡᱷᱚᱞᱚᱠ ᱠᱚ ᱧᱮᱞ ᱫᱟᱲᱮᱭᱟᱜᱼᱟ ᱾

ᱮᱴᱟᱜ ᱴᱷᱟᱶ ᱥᱟᱯᱲᱟᱣ

ᱚᱱᱟ ᱠᱚ ᱪᱷᱟᱰᱟ ᱠᱟᱛᱮ ᱟᱨ ᱦᱚᱸ ᱚᱸᱰᱮ ᱫᱚ ᱠᱩᱲᱤ ᱠᱚᱣᱟᱜ ᱛᱤᱛᱮ ᱵᱮᱱᱟᱣ ᱟᱠᱟᱱ ᱟ.ᱰᱤ ᱪᱚᱨᱚᱠ ᱪᱚᱨᱚᱠ ᱡᱟᱭ, ᱨᱩᱨᱩ ᱥᱟᱯᱟᱵ, ᱪᱚᱨᱚᱠ ᱞᱩᱜᱽᱲᱤ, ᱛᱤᱛᱮ ᱵᱮᱱᱟᱣ ᱡᱤᱱᱤᱥ, ᱟᱨ ᱠᱮᱱ ᱛᱮ ᱵᱮᱱᱟᱣ ᱟᱠᱟᱱ ᱱᱟᱯᱟᱭ ᱵᱟᱰᱚᱦᱤ ᱪᱤᱛᱟ.ᱨ ᱠᱚ ᱧᱮᱞ ᱨᱮᱭᱟᱜ ᱛᱟᱠ ᱧᱟᱢᱚᱜᱼᱟ ᱾ ᱥᱟᱧᱪᱟᱣᱥᱟᱲᱟ ᱨᱮ ᱢᱤᱫ ᱯᱩᱛᱷᱤᱥᱟᱲᱟ ᱦᱚᱸ ᱵᱮᱱᱟᱣ ᱟᱠᱟᱱᱟ ᱾ ᱱᱚᱣᱟ ᱠᱚ ᱥᱟᱶᱼᱥᱟᱶ ᱛᱮ ᱫᱤᱥᱚᱢ ᱧᱮᱧᱮᱞᱤᱭᱟ. ᱠᱚ ᱟᱨ ᱦᱚᱸ ᱱᱟᱯᱟᱭ ᱱᱟᱯᱟᱭ ᱴᱷᱟᱶ ᱧᱮᱞ ᱨᱮᱭᱟᱜ ᱛᱟᱠ ᱠᱚ ᱧᱟᱢ ᱫᱟᱲᱮᱭᱟᱜᱼᱟ ᱾

 

ᱱᱚᱣᱟ ᱴᱩᱨᱤᱥᱴ ᱴᱚᱴᱷᱟ ᱨᱮᱫᱚ ᱵᱟᱨ ᱯᱳᱞᱳ ᱵᱤᱫᱭᱟ ᱫᱚᱞᱟᱱ, ᱥᱟᱬᱮᱥ ᱤᱱᱥᱴᱤᱪᱩᱴ, ᱤᱸᱫᱽᱨᱟᱜᱟᱺᱫᱷᱤ ᱵᱟᱜᱟᱱ, ᱟᱨ ᱤᱸᱡᱤᱱᱤᱭᱚᱨᱤᱝ ᱤᱱᱥᱴᱤᱪᱩᱴ ᱮᱢᱟᱱ ᱢᱮᱱᱟᱜᱼᱟ ᱾

ᱥᱩᱨ ᱨᱮᱭᱟᱜ ᱧᱮᱱᱮᱞ ᱴᱷᱟᱶ ᱥᱟᱯᱲᱟᱣ

  • ᱯᱟᱯᱩᱢ ᱯᱮᱨ

ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱯᱟᱯᱩᱢ ᱯᱮᱨ ᱫᱚ ᱟ.ᱰᱤ ᱜᱮ ᱱᱟᱯᱟᱭ ᱟᱨ ᱪᱚᱨᱚᱠ ᱴᱷᱟᱶ ᱠᱟᱱᱟ ᱾ ᱱᱚᱣᱟ ᱨᱮᱭᱟᱜ ᱢᱩᱠᱷᱤᱭᱟ.ᱥᱟᱲᱟ ᱫᱚ ᱭᱩᱯᱤᱭᱟ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱤᱴᱟᱱᱚᱜᱚᱨ ᱠᱷᱚᱱ ᱒᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱯᱟᱯᱩᱢ ᱯᱮᱨ ᱫᱚ ᱦᱮᱢᱟᱞ ᱵᱩᱨᱩ ᱨᱮᱭᱟᱜ ᱫᱟᱥᱱᱟ ᱨᱮ ᱢᱮᱱᱟᱜᱼᱟ ᱾ ᱚᱱᱟ ᱠᱷᱟ.ᱛᱤᱨ ᱧᱮᱧᱮᱞᱤᱭᱟ. ᱠᱚ ᱚᱸᱰᱮ ᱠᱷᱚᱱ ᱟ.ᱰᱤᱜᱟᱱ ᱵᱩᱨᱩ ᱨᱮᱭᱟᱜ ᱪᱚᱴᱟᱛ ᱠᱚ ᱧᱮᱞ ᱫᱟᱲᱮᱭᱟᱜᱼᱟ ᱾ ᱵᱩᱨᱩ ᱪᱚᱴᱟᱛ ᱥᱟᱶᱼᱥᱟᱶ ᱛᱮ ᱧᱮᱧᱮᱞᱤᱭᱟ. ᱠᱚᱫᱚ ᱚᱸᱰᱮᱱᱟᱜ ᱟ.ᱰᱤ ᱞᱮᱠᱟᱱ ᱵᱩᱨᱩ, ᱜᱟᱰᱟ ᱟᱨ ᱧᱮᱞ ᱡᱚᱝ ᱴᱷᱟᱶ ᱦᱚᱸᱠᱚ ᱧᱮᱞ ᱫᱟᱲᱮᱭᱟᱜᱼᱟ ᱾

  • ᱩᱯᱨᱩᱢ

ᱱᱚᱣᱟ ᱨᱮᱭᱟᱜ ᱩᱛᱛᱚᱨ ᱯᱟᱦᱴᱟ ᱨᱮ ᱠᱩᱨᱩᱝ ᱠᱩᱢᱮ, ᱯᱩᱨᱩᱵᱽ ᱨᱮ ᱥᱚᱸᱵᱟᱥᱤᱨᱤ, ᱯᱩᱪᱷᱤᱢ ᱨᱮ ᱯᱩᱨᱵᱤ ᱠᱚᱢᱮᱝ ᱟᱨ ᱫᱩᱠᱷᱤᱱ ᱨᱮ ᱟᱥᱟᱢ ᱢᱮᱱᱟᱜᱼᱟ ᱾ ᱚᱸᱰᱮ ᱫᱚ ᱱᱤᱥᱟᱥᱤ ᱡᱟ.ᱛᱤ ᱠᱚᱨᱤᱱ ᱦᱚᱲ ᱠᱚ ᱛᱟᱦᱮᱸᱱᱟ ᱾ ᱩᱱᱠᱩ ᱫᱚ ᱟᱠᱚᱣᱟᱜ ᱥᱟᱦᱟᱥ ᱠᱷᱟ.ᱛᱤᱨ ᱜᱮ ᱧᱩᱛᱩᱢ ᱫᱚ ᱢᱮᱱᱟᱜ ᱛᱟᱠᱚᱣᱟ ᱾ ᱱᱤᱥᱟᱥᱤ ᱡᱟ.ᱛᱤ ᱥᱟᱶᱼᱥᱟᱶ ᱛᱮ ᱚᱸᱰᱮ ᱫᱚ ᱟᱨ ᱦᱚᱸ ᱢᱤᱠᱤᱨ ᱡᱟ.ᱛᱤ ᱦᱚᱸᱠᱚ ᱛᱟᱦᱮᱸᱱᱟ ᱾ ᱱᱤᱥᱟᱥᱤ ᱡᱟ.ᱛᱤ ᱦᱚᱲ ᱫᱚ ᱤᱱᱰᱳᱼᱢᱚᱝᱜᱚᱞ ᱡᱟ.ᱛᱤ ᱦᱚᱲ ᱥᱟᱶ ᱥᱟ.ᱜᱟ.ᱭ ᱠᱚ ᱫᱚᱦᱚᱭᱟ ᱟᱨ ᱩᱱᱠᱩᱣᱟᱜ ᱯᱟ.ᱨᱥᱤ ᱫᱚ ᱛᱤᱵᱽᱵᱚᱛᱼᱵᱚᱨᱢᱟ ᱯᱟ.ᱨᱥᱤ ᱜᱷᱟᱨᱚᱸᱡᱽ ᱥᱟᱶ ᱦᱚᱸ ᱡᱩᱦᱩᱲᱟ.ᱣ ᱠᱚ ᱛᱟᱦᱮᱸᱱᱟ ᱾ ᱱᱤᱥᱟᱥᱤ ᱡᱟ.ᱛᱤ ᱦᱚᱲ ᱫᱚ ᱯᱷᱮᱵᱨᱩᱣᱟᱨᱤ ᱪᱟᱸᱫᱚ ᱨᱮᱭᱟᱜ ᱯᱩᱭᱞᱩ ᱦᱟᱯᱛᱟ ᱨᱮ ᱜᱮ ᱟᱠᱚᱣᱟᱜ ᱯᱟᱨᱟᱵᱽ ᱫᱚ ᱧᱩᱨᱩᱜᱼᱟ ᱾ ᱚᱱᱟ ᱯᱟᱨᱟᱵᱽ ᱨᱮᱭᱟᱜ ᱧᱩᱛᱩᱢ ᱫᱚ ᱱᱭᱟᱠᱳᱢ ᱢᱮᱱᱛᱮ ᱠᱚ ᱢᱮᱛᱟᱜᱼᱟ ᱾ ᱚᱸᱰᱮ ᱫᱚ ᱟ.ᱰᱤ ᱞᱮᱠᱟᱱ ᱧᱮᱧᱮᱞ ᱴᱷᱟᱶ ᱦᱚᱸ ᱢᱮᱱᱟᱜᱼᱟ ᱾ ᱚᱱᱟ ᱧᱮᱧᱮᱞ ᱴᱷᱟᱶ ᱥᱟᱸᱜᱷᱟᱨ ᱞᱟ.ᱜᱤᱫ ᱫᱚ ᱧᱮᱧᱮᱞᱤᱭᱟ. ᱠᱚᱣᱟᱜ ᱢᱚᱱᱮ ᱟ.ᱰᱤᱜᱮᱭ ᱢᱩᱦᱤᱛᱟ ᱾

  • ᱧᱮᱱᱮᱞ ᱴᱷᱟᱶ

ᱯᱟᱯᱩᱢ ᱯᱮᱨ ᱨᱮ ᱟ.ᱰᱤ ᱞᱮᱠᱟᱱ ᱧᱮᱧᱮᱞ ᱴᱷᱟᱶ ᱢᱮᱱᱟᱜᱼᱟ ᱾ ᱱᱚᱣᱟ ᱠᱷᱚᱱ ᱵᱟ.ᱲᱛᱤ ᱧᱮᱧᱮᱞ ᱴᱷᱟᱶ ᱫᱚ ᱤᱴᱟᱱᱚᱜᱚᱨ, ᱥᱤᱜᱮᱞᱤ ᱟᱨ ᱠᱤᱢᱤᱱ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱧᱮᱱᱮᱞ ᱴᱷᱟᱶ ᱠᱚ ᱥᱟᱸᱜᱷᱟᱨ ᱞᱟ.ᱜᱤᱫ ᱛᱮ ᱠᱷᱟᱱ ᱧᱮᱧᱮᱞᱤᱭᱟ. ᱠᱚ ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱥᱚᱨᱠᱟᱨᱤ ᱳᱯᱷᱤᱥ ᱠᱷᱚᱱ ᱯᱚᱨᱢᱤᱥᱚᱱ ᱦᱟᱛᱟᱣ ᱦᱩᱭ ᱟᱠᱚᱣᱟ ᱾

ᱟᱨ ᱦᱚᱸ ᱧᱮᱞ ᱢᱮ ᱥᱟᱯᱲᱟᱣ

https://en.m.wikipedia.org/wiki/Tourism_in_North_East_India

ᱥᱟ.ᱠᱷᱭᱟ.ᱛ ᱥᱟᱯᱲᱟᱣ

https://web.archive.org/web/20040616075334/http://www.censusindia.net/results/town.php?stad=A&state5=999http://www.censusindia.net/results/town.php?stad=A&state5=999

ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ

https://en.wikivoyage.org/wiki/Itanagar#Q41128