ᱥᱚᱭᱛᱟᱱ
ᱥᱚᱭᱛᱟᱱ (ᱤᱝᱞᱤᱥ ᱺ Satan ᱥᱮᱴᱟᱱ ᱥᱮ devil ᱰᱮᱣᱤᱞ), ᱤᱵᱨᱟᱱᱤ :שָׂטָן ᱥᱷᱟᱛᱟᱱ, ᱟᱨᱵᱤ :شيطان ᱥᱷᱟᱛᱟᱱ᱾ ᱟᱹᱲᱟᱹ ᱢᱮᱱᱮᱛ ᱫᱩᱥᱷᱢᱟᱱ, ᱵᱤᱨᱚᱫᱷᱤ ᱥᱮ ᱚᱵᱷᱤᱭᱚᱜᱤ) ᱤᱵᱨᱟᱦᱤᱢᱤ ᱥᱚᱢᱯᱨᱚᱫᱟᱭᱚ ᱨᱮ ᱥᱟᱱᱟᱢ ᱠᱷᱚᱱ ᱵᱟᱹᱲᱤᱡ ᱚᱪᱛᱤᱛᱣᱤ ᱨᱮᱱᱟᱜ ᱧᱩᱛᱩᱢ ᱠᱟᱱᱟ, ᱡᱟᱦᱟᱸ ᱡᱮᱜᱮᱛ ᱨᱮᱱᱟᱜ ᱥᱟᱱᱟᱢ ᱵᱟᱹᱲᱤᱡ ᱟᱜ ᱪᱤᱛᱟᱹᱨ ᱠᱟᱱᱟ᱾ ᱱᱚᱶᱟ ᱥᱚᱢᱯᱨᱚᱫᱟᱭᱚ ᱨᱮ ᱫᱷᱚᱨᱢᱚ ᱫᱚ ᱥᱟᱱᱟᱢ ᱵᱩᱜᱤ ᱡᱩᱫᱟ ᱮ ᱥᱚᱫᱚᱨ ᱚᱪᱚ ᱮᱫ ᱟ ᱟᱨ ᱵᱟᱹᱲᱤᱡ ᱟᱱ ᱫᱚ ᱥᱷᱟᱭᱛᱟᱱ ᱠᱚ᱾ ᱦᱤᱸᱫᱩ ᱫᱷᱚᱨᱚᱢ ᱞᱮᱠᱟᱛᱮ ᱟᱱᱟ ᱫᱷᱚᱨᱚᱢ ᱨᱮ ᱥᱷᱟᱭᱛᱟᱱ ᱞᱮᱠᱟᱱ ᱡᱤᱱᱤᱥ ᱨᱮᱱᱟᱜ ᱪᱮᱫ ᱦᱚᱸ ᱚᱥᱛᱤᱛᱣᱚ ᱜᱮ ᱵᱟᱹᱱᱩᱜ ᱟ, ᱪᱮᱫᱟᱜ ᱥᱮ ᱡᱮᱜᱮᱛ ᱨᱮ ᱯᱟᱯ ᱟᱨ ᱫᱩᱠᱷ ᱢᱟᱹᱱᱢᱤ ᱟᱯᱱᱟᱨ ᱟᱡᱟᱜ ᱠᱟᱹᱢᱤ ᱟᱨ ᱟᱯᱱᱟᱨ ᱵᱟᱝ ᱵᱟᱰᱟᱭᱟᱱ ᱛᱮ ᱱᱚᱶᱟ ᱠᱚ ᱮᱛᱚᱦᱚᱵᱚᱜ ᱠᱟᱱᱟ᱾ ᱤᱥᱚᱭ, ᱤᱥᱞᱟᱢ ᱟᱨ ᱭᱟᱦᱩᱫᱤ ᱢᱟᱛᱚ ᱠᱚ ᱞᱮᱠᱟᱛᱮ ᱥᱷᱟᱭᱛᱟᱱ ᱫᱚ ᱢᱟᱲᱟᱝ ᱫᱷᱚᱨᱢᱚ ᱨᱤᱱᱤᱡ ᱢᱤᱫ ᱯᱚᱨᱤᱥᱛᱟ ᱛᱟᱦᱮᱸᱜ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱫᱷᱚᱨᱢᱚ ᱠᱷᱚᱱ ᱞᱟᱹᱲᱦᱟᱹᱭ ᱮᱱᱟᱭ ᱟᱨ ᱚᱱᱟ ᱵᱚᱫᱚᱞ ᱛᱮ ᱫᱷᱚᱨᱢᱚ ᱫᱚ ᱩᱱᱤ ᱥᱚᱨᱚᱜᱽ ᱯᱩᱨᱤ ᱠᱷᱚᱱ ᱮ ᱚᱰᱚᱠ ᱠᱟᱮᱫᱭᱟ᱾ ᱥᱷᱟᱭᱛᱟᱱ ᱫᱷᱟᱹᱨᱛᱤ ᱨᱮ ᱢᱟᱹᱱᱢᱤ ᱠᱚ ᱯᱟᱯ ᱞᱟᱹᱜᱤᱫ ᱮ ᱩᱥᱠᱟᱣ ᱮᱫ ᱠᱚᱣᱟ᱾ ᱚᱠᱚᱭ ᱫᱚ ᱩᱱᱤ ᱱᱟᱨᱟᱠ ᱨᱤᱱ ᱨᱟᱡᱟ ᱠᱚ ᱢᱟᱱᱟᱣᱮ ᱠᱟᱱᱟ᱾ ᱥᱷᱟᱭᱛᱟᱱ ᱨᱮᱱᱟᱜ ᱟᱹᱲᱟᱹ ᱟᱭᱢᱟ ᱵᱮ ᱵᱟᱹᱲᱤᱡ ᱵᱚᱸᱜᱟ-ᱪᱩᱲᱤᱱ ᱟᱨ ᱵᱟᱹᱲᱤᱡ ᱫᱷᱚᱨᱢᱚ ᱞᱟᱹᱜᱤᱫ ᱠᱚ ᱦᱚᱸ ᱥᱚᱫᱚᱨ ᱢᱮᱱᱟᱜ ᱢᱮᱱᱟᱜ ᱟ᱾ ᱥᱷᱟᱭᱛᱟᱱ ᱟᱱ ᱫᱷᱚᱨᱚᱢ ᱨᱮᱫᱚ ᱥᱷᱟᱭᱛᱟᱱ ᱨᱮᱱᱟᱜ ᱵᱚᱸᱜᱟ ᱠᱚ ᱦᱩᱭᱩᱜ ᱠᱟᱱᱟ᱾
ᱵᱟᱰᱟᱭ ᱥᱟᱯᱲᱟᱣ
ᱤᱥᱚᱭ ᱠᱚᱣᱟᱜ ᱵᱟᱭᱵᱤᱞ ᱨᱮ ᱱᱚᱶᱟ ᱨᱮᱱᱟᱜ ᱟᱹᱲᱟᱹ ᱨᱮᱱᱟᱜ ᱢᱮᱱᱮᱛ ᱨᱮ ᱠᱨᱚᱢᱤᱠ ᱵᱤᱠᱟᱥ ᱦᱩᱭ ᱟᱠᱟᱱᱟ᱾ ᱤᱵᱽᱨᱟᱱᱤ ᱯᱩᱨᱣᱟᱫᱷᱚᱨᱭᱚ ᱨᱮ ᱱᱚᱶᱟ ᱨᱮᱱᱟᱜ ᱢᱮᱱᱮᱛ ᱫᱚ ᱠᱟᱱᱟ- ᱚᱵᱷᱤᱭᱚᱠᱛᱟ, ᱵᱤᱨᱚᱫᱷᱤ, ᱟᱠᱨᱟᱢᱚᱠ᱾ ᱮᱛᱚᱦᱚᱵᱚᱜ ᱨᱮ ᱱᱚᱶᱟ ᱨᱮᱱᱟᱜ ᱵᱟᱰᱟᱭ ᱫᱚ ᱡᱟᱦᱟᱱ ᱢᱟᱹᱢᱤᱭᱟᱜ ᱵᱤᱨᱚᱫᱷᱤ ᱠᱚ ᱞᱟᱹᱜᱤᱫ ᱦᱩᱭ ᱟᱠᱟᱱᱟ᱾ ᱤᱭᱭᱚ ᱱᱟᱢᱟᱠ ᱠᱟᱣᱭᱚᱜᱨᱚᱸᱛᱷ ᱨᱮ ᱥᱷᱟᱭᱛᱟᱱ ᱫᱚ ᱢᱤᱫ ᱯᱟᱨᱞᱚᱠᱤᱠ ᱥᱚᱛᱣᱚ ᱠᱟᱱᱟᱭ ᱡᱟᱦᱟᱸᱭ ᱫᱷᱚᱨᱢᱚ ᱫᱚᱨᱵᱟᱨ ᱨᱮ ᱤᱭᱭᱚᱵᱽ ᱨᱮ ᱯᱟᱠᱷᱚᱸᱰ ᱨᱮᱱᱟᱜ ᱟᱨᱚᱯ ᱞᱟᱜᱟᱜ ᱠᱟᱱᱟ᱾ ᱭᱟᱦᱩᱫᱤ ᱠᱚᱣᱟᱜ ᱱᱤᱨᱮᱟᱥᱚᱱ ᱱᱟᱝ ᱛᱟᱭᱱᱚᱢ (ᱛᱩᱨᱩᱭ ᱥᱟᱛᱟᱵᱟᱫᱤ ᱤ. ᱯ.) ᱥᱷᱟᱭᱛᱟᱱ ᱢᱤᱫ ᱫᱷᱚᱨᱢᱚ ᱫᱩᱛ ᱠᱟᱱᱟᱭ ᱡᱟᱦᱟᱸ ᱢᱟᱹᱱᱢᱤ ᱠᱚ ᱯᱟᱯ ᱞᱟᱹᱜᱤᱫ ᱛᱮ ᱯᱨᱚᱞᱚᱵᱷᱟᱱ ᱮᱢᱟ ᱠᱚ ᱠᱟᱱᱟᱭ᱾
ᱵᱟᱭᱵᱤᱞ ᱨᱮᱱᱟᱜ ᱩᱛᱨᱟᱫᱷᱚᱨᱭᱚ ᱨᱮ ᱥᱷᱟᱭᱛᱟᱱ ᱫᱚ ᱵᱟᱹᱲᱤᱡ ᱨᱮᱱᱟᱜ ᱥᱚᱢᱚᱥᱴᱤ ᱜᱚᱛ ᱥᱮ ᱚᱲᱟᱜ ᱨᱮᱱᱟᱜ ᱥᱚᱛᱛᱟ ᱨᱮᱱᱟᱜ ᱧᱩᱛᱩᱢ ᱠᱟᱱᱟ᱾ ᱱᱚᱶᱟ ᱯᱚᱛᱤᱛ ᱫᱷᱚᱨᱢᱚ ᱫᱩᱛ, ᱫᱷᱚᱨᱢᱚ ᱨᱤᱱᱤᱡ ᱵᱤᱨᱚᱫᱷᱤ, ᱵᱮᱭᱤᱢᱟᱱ, ᱥᱮᱫᱟᱭ ᱵᱤᱧ, ᱯᱚᱨᱫᱟᱨᱮ ᱵᱤᱧ (ᱰᱨᱚᱜᱟᱱ), ᱟᱸᱰᱨᱟᱣ ᱞᱮᱠᱟ (ᱛᱟᱨᱩᱵᱽ), ᱤᱦᱞᱚᱠ ᱨᱤᱱᱤᱡ ᱱᱟᱭᱟᱠ ᱮᱢᱟᱱ ᱠᱚ ᱢᱮᱛᱣᱟᱠᱟᱫ ᱠᱚᱣᱟ᱾ ᱡᱟᱦᱟᱸ ᱫᱚ ᱢᱟᱥᱤᱦ ᱟᱨ ᱩᱱᱠᱩ ᱨᱤᱱᱤᱡ ᱯᱟᱹᱴᱷᱩᱭᱟᱹ ᱪᱮᱞᱟᱠᱚ ᱪᱟᱞᱟᱜ, ᱚᱸᱰᱮ ᱥᱷᱟᱭᱛᱟᱱ ᱟᱹᱰᱤ ᱛᱮᱫ ᱥᱚᱠᱨᱤᱭ ᱵᱟᱱᱟᱣᱜ ᱪᱮᱫᱟᱜ ᱥᱮ ᱢᱟᱥᱤᱦ ᱩᱱᱤᱫᱚᱭ ᱯᱟᱨᱟᱡᱤᱛ ᱪᱟᱵᱟ ᱞᱟᱭᱟ ᱟᱨ ᱩᱱᱤᱭᱟᱜ ᱠᱟᱹᱦᱱᱤ ᱜᱮ ᱪᱟᱵᱟ ᱩᱛᱟᱨ ᱛᱟᱭᱟ᱾