ᱥᱟᱦᱨᱩᱠᱷ ᱠᱷᱟᱱ
ᱥᱟᱦᱨᱩᱠᱷ ᱠᱷᱟᱱ ᱫᱚ ᱒ ᱱᱚᱵᱷᱮᱢᱵᱚᱨ ᱑᱙᱖᱕ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱩᱱᱤᱫᱚ ᱦᱚᱲ ᱠᱚ ᱛᱟᱞᱟ ᱨᱮ ᱮᱥ_ᱟᱨ_ᱠᱮ(SRK), ᱠᱤᱝ ᱠᱷᱟᱱ, ᱵᱚᱞᱤᱣᱩᱰ ᱵᱟᱫᱽᱥᱟ ᱢᱮᱱᱛᱮ ᱦᱚᱸ ᱵᱟᱰᱟᱭᱚᱜ ᱠᱟᱱᱟ ᱾ ᱥᱟᱦᱨᱩᱠᱷ ᱠᱷᱟᱱ ᱫᱚ ᱢᱤᱫ ᱵᱚᱞᱤᱣᱩᱰ ᱠᱚᱲᱟᱠᱟᱨ ᱠᱟᱱᱟᱭ, ᱯᱷᱤᱞᱢ ᱯᱨᱚᱰᱭᱩᱥᱟᱨ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱠᱟᱱᱟ ᱾ ᱱᱩᱭ ᱫᱚ ᱵᱚᱞᱤᱩᱰ ᱨᱮ ᱘᱐ ᱜᱚᱴᱟᱝ ᱠᱷᱚᱱ ᱡᱟᱹᱥᱛᱤ ᱯᱷᱤᱞᱤᱢ-ᱮ ᱠᱚᱨᱟᱣ ᱟᱠᱟᱫᱟ,ᱚᱱᱟ ᱠᱷᱟ.ᱛᱤᱨ ᱑᱔ ᱜᱚᱴᱟᱝ ᱯᱷᱤᱞᱤᱢ-ᱯᱷᱮᱭᱟᱨ(FILMFARE)ᱟᱣᱟᱨᱰ ᱦᱚᱸᱭ ᱟᱢᱮᱴ ᱦᱟᱠᱟᱱᱟ ᱾ ᱱᱩᱭ ᱵᱷᱟᱨᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱵᱷᱟᱨᱚᱛ ᱨᱚᱛᱱᱚ ᱥᱤᱨᱯᱟᱹ ᱦᱚᱸᱭ ᱟᱢᱮᱴ ᱟᱠᱟᱥᱟ ᱾ ᱵᱷᱟᱨᱚᱛ ᱵᱟᱦᱨᱮ,ᱥᱟᱺᱜᱤᱧ ᱫᱤᱥᱚᱢ ᱠᱟᱨᱮ ᱠᱷᱚᱱ ᱦᱚᱸ ᱟᱭᱢᱟ ᱞᱮᱠᱟᱱ ᱥᱤᱨᱯᱷᱟᱹ ᱠᱚ ᱧᱟᱢ ᱟᱠᱟᱫ ᱜᱮᱭᱟ ᱾ ᱚᱱᱟ ᱢᱟᱦᱟᱸ ᱨᱮ ᱱᱩᱭ ᱫᱚ ᱜᱚᱴᱟ ᱫᱤᱥᱚᱢ ᱨᱤᱱᱤᱡ ᱟᱹᱰᱤ ᱥᱚᱠᱥᱮᱥᱯᱷᱩᱞ ᱠᱚᱲᱟᱠᱟᱨ-ᱮ ᱵᱮᱱᱟᱣ ᱠᱟᱱᱟ ᱾
ᱯᱷᱤᱞᱤᱢ ᱡᱤᱭᱚᱱ ᱥᱟᱯᱲᱟᱣ
ᱠᱤᱝ ᱠᱷᱟᱱ ᱫᱚ ᱑᱙᱘᱐ ᱠᱷᱚᱱ ᱴᱤᱵᱷᱤ ᱥᱤᱨᱤᱭᱟᱞ ᱠᱚᱨᱮ ᱠᱟᱹᱢᱤ ᱠᱟᱱ ᱛᱟᱦᱮᱱ ᱾ ᱚᱱᱟ ᱛᱟᱭᱚᱢ ᱑᱙᱙᱒ ᱨᱮ ᱫᱤᱣᱟᱱᱟ ᱯᱷᱤᱞᱤᱢ ᱠᱷᱚᱱ ᱵᱚᱞᱤᱣᱩᱰ ᱨᱮ ᱠᱟᱹᱢᱤ ᱮᱦᱚᱵ ᱞᱮᱟᱭ ᱾ ᱮᱛᱮᱦᱚᱵ ᱨᱮ ᱰᱚᱨ (᱑᱙᱙᱓), ᱵᱟᱡᱤᱜᱚᱨ (᱑᱙᱙᱓), ᱚᱱᱡᱟᱱ (᱑᱙᱙᱔) ᱯᱷᱤᱞᱤᱢ ᱠᱚᱨᱮ ᱵᱷᱤᱞᱤᱭᱟᱱ ᱞᱮᱠᱟᱛᱮ ᱨᱳᱞ ᱞᱮᱟᱭ ᱾ ᱚᱱᱟ ᱛᱟᱭᱚᱢ ᱫᱤᱞᱣᱟᱞᱮ ᱫᱩᱞᱦᱚᱱᱤᱭᱟ ᱞᱮ ᱡᱟᱭᱮᱸᱜᱮ (᱑᱙᱙᱕), ᱫᱤᱞ ᱛᱳ ᱯᱟᱜᱚᱞ ᱦᱮ(᱑᱙᱙᱗), ᱠᱩᱪᱷ ᱠᱩᱪᱷ ᱦᱳᱛᱟ ᱦᱮ(᱑᱙᱙᱘), ᱢᱚᱦᱚᱵᱚᱛᱮᱸ (᱒᱐᱐᱐) ᱟᱨ ᱠᱚᱵᱷᱤ ᱠᱷᱩᱥᱤ ᱠᱚᱵᱷᱤ ᱜᱚᱢ (᱒᱐᱐᱑) ᱮᱢᱟᱱ ᱯᱷᱤᱞᱤᱢ ᱠᱚᱨᱮ ᱟᱹᱰᱤ ᱨᱳᱢᱟᱱᱴᱤᱠ ᱨᱳᱞ ᱠᱚ ᱠᱚᱨᱟᱣ ᱠᱮᱜᱼᱟᱭ ᱾ ᱫᱮᱵᱽᱫᱟᱥ (᱒᱐᱐᱒) ᱨᱮ ᱵᱩᱞ ᱢᱟᱛᱟᱞ ᱫᱩᱞᱟᱹᱲ ᱵᱷᱚᱸᱠᱚᱲ ᱨᱳᱞ, ᱥᱣᱚᱫᱮᱥ(᱒᱐᱐᱔) ᱯᱷᱤᱞᱤᱢ ᱨᱮ ᱢᱤᱫ ᱱᱟᱥᱟ ᱥᱟᱭᱤᱱᱴᱤᱥᱴ ᱨᱳᱞ, ᱪᱚᱠ ᱫᱮ ᱤᱱᱰᱤᱭᱟ(᱒᱐᱐᱗) ᱨᱮ ᱢᱤᱫ ᱦᱚᱠᱤ ᱠᱳᱪ ᱨᱳᱞ ᱠᱚᱭ ᱠᱚᱨᱟᱣ ᱠᱮᱫᱟ ᱾ ᱪᱮᱱᱱᱟᱭ ᱮᱠᱷᱥᱯᱨᱮᱥ (᱒᱐᱑᱓), ᱦᱟᱯᱤ ᱱᱤᱭᱩ ᱤᱭᱮᱨ (᱒᱐᱑᱔), ᱫᱤᱞᱣᱟᱞᱮ (᱒᱐᱑᱕) ᱯᱷᱤᱞᱤᱢ ᱠᱚᱨᱮ ᱠᱚᱢᱮᱰᱤ ᱫᱷᱟᱨᱟ ᱦᱚᱸ ᱨᱳᱞ ᱠᱚ ᱢᱮᱱᱟᱜ ᱛᱟᱭᱟ ᱾ ᱠᱤᱝ ᱠᱷᱟᱱ ᱟᱜ ᱨᱟᱭᱮᱥ (᱒᱐᱑᱗) ᱯᱷᱤᱞᱤᱢ ᱨᱮ ᱫᱚ ᱠᱨᱟᱭᱤᱢ ᱨᱳᱞ ᱠᱚ ᱦᱚᱸ ᱢᱮᱱᱟᱜ ᱛᱟᱭᱟ ᱾ ᱒᱐᱑᱕ ᱠᱷᱚᱱ ᱱᱩᱭ ᱫᱚ ᱢᱳᱥᱚᱱ ᱯᱤᱠᱪᱚᱨ ᱯᱨᱚᱰᱟᱠᱥᱚᱱ ᱠᱚᱢᱯᱟᱱᱤ, ᱨᱮᱰ ᱪᱤᱞᱤ ᱮᱱᱴᱟᱨᱴᱮᱱᱢᱮᱱᱴ ᱨᱤᱱᱤᱡ ᱥᱚᱦᱚᱠᱟᱹᱨᱤ ᱪᱮᱭᱟᱨᱢᱮᱱ ᱟᱨ ᱤᱱᱰᱤᱭᱟᱱ ᱯᱨᱤᱢᱤᱭᱚᱨ ᱞᱤᱜ ᱨᱮᱭᱟᱜ ᱠᱚᱞᱠᱟᱛᱟ ᱱᱟᱭᱩᱴ ᱨᱟᱭᱰᱟᱨ ᱨᱤᱱᱤᱡ ᱢᱟᱹᱞᱤᱠ ᱠᱟᱱᱟᱭ ᱾ ᱠᱟᱹᱴᱤᱡ ᱨᱮᱸᱜᱮᱡ ᱱᱟᱪᱟᱨ ᱜᱤᱫᱽᱨᱟᱹ ᱠᱚ ᱚᱞ ᱯᱟᱲᱦᱟᱣ ᱦᱚᱪᱚ ᱠᱚ ᱞᱟᱹᱜᱤᱫ ᱒᱐᱑᱑ ᱨᱮ UNESCO ᱯᱟᱦᱴᱟ ᱠᱷᱚᱱ ᱯᱤᱨᱟᱢᱤᱰ ᱠᱚᱱ-ᱢᱟᱹᱨᱤᱱ ᱟᱣᱟᱨᱰ ᱦᱚᱸᱭ ᱟᱢᱮᱴ ᱟᱠᱟᱫᱟ ᱾ ᱵᱷᱟᱨᱚᱛ ᱫᱤᱥᱚᱢ ᱨᱮ ᱠᱩᱲᱤ ᱦᱚᱯᱚᱱ ᱟᱨ ᱜᱤᱫᱽᱨᱟᱹ ᱠᱚᱣᱟᱜ ᱚᱫᱷᱤᱠᱟᱨ ᱠᱟᱹᱢᱤᱦᱚᱨᱟ ᱠᱚ ᱞᱟᱦᱟ ᱠᱷᱟᱹᱛᱤᱨ ᱒᱐᱑᱘ ᱨᱮ WORLD ECONOMIC FORUM'S CRYSTAL AWARD ᱦᱚᱸ ᱧᱟᱢ ᱞᱮᱜᱼᱟᱭ ᱾
ᱡᱤᱭᱚᱱ ᱠᱟᱹᱦᱱᱤ ᱥᱟᱯᱲᱟᱣ
ᱥᱟᱦᱨᱩᱠᱷ ᱫᱚ ᱒ ᱱᱚᱵᱷᱮᱢᱵᱚᱨ ᱑᱙᱖᱕ ᱨᱮ ᱱᱟᱣᱟ ᱫᱤᱞᱞᱤ ᱨᱮᱱᱟᱝ ᱢᱤᱫ ᱢᱩᱥᱞᱟᱹ ᱚᱲᱟᱜ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱕ ᱥᱮᱨᱢᱟ ᱦᱟᱹᱵᱤᱡ ᱢᱟᱸᱜᱟᱞᱩᱨ ᱨᱮ ᱟᱡ ᱢᱟᱢᱚ ᱦᱟᱲᱟᱢ ᱥᱟᱝ ᱛᱟᱦᱮᱸ ᱠᱟᱱᱟᱭ ᱾ ᱟᱡ ᱢᱟᱢᱚ ᱦᱟᱲᱟᱢ ᱤᱯᱷᱛᱷᱤᱠᱟᱨ ᱚᱦᱢᱚᱫ ᱫᱚ ᱢᱟᱝᱜᱟᱞᱤᱨ ᱨᱮ ᱪᱤᱯᱷ ᱤᱸᱡᱤᱱᱤᱭᱚᱨ-ᱮ ᱛᱟᱦᱮᱸ ᱞᱮᱱᱟᱭ ᱾ ᱥᱟᱦᱨᱩᱠᱷ ᱜᱚᱲᱚᱢ ᱦᱟᱲᱟᱢ ᱢᱤᱨᱡᱟᱱ ᱢᱚᱦᱢᱚᱫᱽ ᱠᱷᱟᱱ ᱫᱚ ᱢᱤᱫ ᱯᱚᱥᱛᱩᱱ(ᱯᱟᱴᱷᱟᱬ) ᱠᱟᱱᱟᱭ ᱾ ᱟᱡ ᱵᱟᱵᱟ ᱢᱤᱨ ᱛᱟᱡ ᱢᱚᱦᱢᱚᱫ ᱠᱷᱟᱱ ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱪᱤᱨᱜᱟᱹᱞᱤᱭᱟᱹ ᱛᱟᱦᱮᱸᱠᱟᱱᱟᱭ ᱾ ᱵᱨᱤᱴᱤᱥ ᱥᱟᱥᱚᱱ ᱚᱢᱚᱲ ᱨᱮ ᱱᱩᱭ ᱫᱚ ᱚᱵᱫᱩᱞ ᱜᱷᱚᱯᱷᱚᱨ ᱠᱷᱟᱱ ᱟᱜ ᱛᱟᱲᱟᱢ ᱰᱟᱦᱟᱨ-ᱮ ᱯᱟᱸᱡᱟ ᱞᱮᱟᱭ ᱾ ᱱᱩᱠᱩ ᱫᱚ ᱠᱟᱥᱢᱤᱨᱤ ᱦᱚᱲ ᱠᱟᱱᱟ ᱠᱚ ᱾᱑᱙᱔᱘ ᱨᱮ ᱵᱷᱟᱨᱚᱛ ᱦᱟᱹᱴᱤᱧ ᱮᱱ ᱠᱷᱟᱛᱤᱨ ᱱᱩᱠᱩ ᱫᱚ ᱚᱲᱟᱜ ᱡᱟᱠᱟᱛ ᱦᱚᱲ ᱠᱟᱥᱢᱤᱨ ᱠᱷᱚᱱ ᱱᱟᱣᱟ ᱫᱤᱞᱞᱤ ᱠᱚ ᱦᱮᱡ ᱞᱮᱱᱟ ᱾ ᱥᱟᱦᱨᱩᱠᱷ ᱟᱡ ᱜᱚᱜᱚ ᱞᱚᱛᱤᱯᱷ ᱯᱷᱚᱛᱤᱢᱟ ᱫᱚ ᱦᱟᱭᱫᱨᱟᱵᱟᱫ ᱨᱤᱱᱤᱡ ᱠᱟᱱᱟᱭ ᱾
ᱯᱷᱤᱞᱤᱢ ᱡᱤᱭᱚᱱ ᱥᱟᱯᱲᱟᱣ
ᱠᱤᱸᱜ ᱠᱷᱟᱱ ᱫᱚ ᱑᱙᱘᱐ ᱠᱷᱚᱱ ᱴᱤᱵᱷᱤ ᱥᱤᱨᱤᱭᱟᱞ ᱠᱚᱨᱮ ᱠᱟᱹᱢᱤ ᱠᱟᱱ ᱛᱟᱦᱮᱱ ᱾ ᱚᱱᱟ ᱛᱟᱭᱚᱢ ᱑᱙᱙᱒ ᱨᱮ ᱫᱤᱣᱟᱱᱟ ᱯᱷᱤᱞᱤᱢ ᱠᱷᱚᱱ ᱵᱚᱞᱤᱳᱰ ᱨᱮ ᱠᱟ.ᱢᱤ ᱮᱦᱚᱵ ᱞᱮᱟᱭ ᱾ ᱮᱛᱮᱦᱚᱵ ᱨᱮ ᱰᱚᱨ (᱑᱙᱙᱓), ᱵᱟᱡᱤᱜᱚᱨ (᱑᱙᱙᱓), ᱚᱱᱡᱟᱱ (᱑᱙᱙᱔) ᱯᱷᱤᱞᱤᱢ ᱠᱚᱨᱮ ᱵᱷᱤᱞᱤᱭᱟᱱ ᱞᱮᱠᱟᱛᱮ ᱨᱳᱞ ᱞᱮᱟᱭ ᱾ ᱚᱱᱟ ᱛᱟᱭᱚᱢ ᱫᱤᱞᱣᱟᱞᱮ ᱫᱩᱞᱦᱚᱱᱤᱭᱟ ᱞᱮ ᱡᱟᱭᱮᱸᱜᱮ (᱑᱙᱙᱕), ᱫᱤᱞ ᱛᱳ ᱯᱟᱜᱚᱞ ᱦᱮ(᱑᱙᱙᱗), ᱠᱩᱪᱷ ᱠᱩᱪᱷ ᱦᱳᱛᱟ ᱦᱮ (᱑᱙᱙᱘), ᱢᱚᱦᱚᱵᱚᱛᱮᱸ (᱒᱐᱐᱐) ᱟᱨ ᱠᱚᱵᱷᱤ ᱠᱷᱩᱥᱤ ᱠᱚᱵᱷᱤ ᱜᱚᱢ(᱒᱐᱐᱑) ᱮᱢᱟᱱ ᱯᱷᱤᱞᱤᱢ ᱠᱚᱨᱮ ᱟᱹᱰᱤ ᱨᱳᱢᱟᱱᱴᱤᱠ ᱨᱳᱞ ᱠᱚ ᱠᱚᱨᱟᱣ ᱠᱮᱟᱭ ᱾ ᱫᱮᱵᱽᱫᱟᱥ (᱒᱐᱐᱒) ᱨᱮ ᱵᱩᱞ ᱢᱟᱛᱟᱞ ᱫᱩᱞᱟᱹᱲ ᱵᱷᱚᱸᱠᱚᱲ ᱨᱳᱞ, ᱥᱣᱚᱫᱮᱥ(᱒᱐᱐᱔) ᱯᱷᱤᱞᱤᱢ ᱨᱮ ᱢᱤᱫ ᱱᱟᱥᱟ ᱥᱟᱭᱤᱱᱴᱤᱥᱴ ᱨᱳᱞ,ᱪᱚᱠ ᱫᱮ ᱤᱱᱰᱤᱭᱟ(᱒᱐᱐᱗) ᱨᱮ ᱢᱤᱫ ᱦᱚᱠᱤ ᱠᱳᱪ ᱨᱳᱞ ᱠᱚᱭ ᱠᱚᱨᱟᱣ ᱠᱮᱫᱟ ᱾ ᱪᱮᱱᱱᱟᱭ ᱮᱠᱷᱥᱯᱨᱮᱥ (᱒᱐᱑᱓), ᱦᱟᱯᱤ ᱱᱤᱭᱩ ᱤᱭᱮᱨ(᱒᱐᱑᱔), ᱫᱤᱞᱣᱟᱞᱮ (᱒᱐᱑᱕) ᱯᱷᱤᱞᱤᱢ ᱠᱚᱨᱮ ᱠᱚᱢᱮᱰᱤ ᱫᱷᱟᱨᱟ ᱦᱚᱸ ᱨᱳᱞ ᱠᱚ ᱢᱮᱱᱟᱜ ᱛᱟᱭᱟ ᱾ ᱠᱤᱝ ᱠᱷᱟᱱ ᱟᱜ ᱨᱟᱭᱮᱥ(᱒᱐᱑᱗) ᱯᱷᱤᱞᱤᱢ ᱨᱮ ᱫᱚ ᱠᱨᱟᱭᱤᱢ ᱨᱳᱞ ᱠᱚ ᱦᱚᱸ ᱢᱮᱱᱟᱜ ᱛᱟᱭᱟ ᱾