ᱥᱮᱱᱴ ᱯᱤᱴᱚᱨᱥᱵᱚᱨᱜᱽ

ᱥᱮᱱᱴ ᱯᱤᱴᱚᱨᱥᱵᱚᱨᱜᱽ (ᱨᱩᱥᱤᱭᱟᱱᱺСанкт-Петербу́рг) ᱫᱚ ᱨᱩᱥᱤᱭᱟ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ, ᱡᱟᱦᱟᱸ ᱫᱚ ᱵᱟᱞᱴᱤᱠ ᱥᱟᱹᱢᱩᱸᱫ ᱨᱮᱱᱟᱜ ᱥᱩᱨ ᱨᱮ ᱢᱮᱱᱟᱜᱼᱟ ᱾ ᱒᱐᱑᱕ ᱥᱟᱞᱮ ᱨᱮᱱᱟᱜ ᱞᱮᱠᱷᱟ ᱞᱮᱠᱟᱛᱮ ᱢᱚᱬᱮ ᱢᱤᱞᱤᱭᱚᱱ ᱠᱷᱚᱱ ᱵᱟᱹᱲᱛᱤ ᱜᱟᱱ ᱦᱚᱲ ᱱᱚᱸᱰᱮ ᱠᱚ ᱛᱟᱦᱮᱸᱸ ᱠᱟᱱᱟ ᱾ ᱱᱚᱶᱟ ᱫᱚ ᱨᱩᱥᱤᱭᱟ ᱨᱮᱱᱟᱜ ᱫᱚᱥᱟᱨ ᱢᱟᱨᱟᱝ ᱱᱟᱜᱟᱨ ᱠᱟᱱᱟ ᱾ ᱱᱚᱶᱟ ᱫᱚ ᱡᱮᱜᱮᱛ ᱨᱮᱱᱟᱜ ᱮᱴᱟᱜ ᱴᱷᱟᱶ ᱠᱚ ᱥᱟᱞᱟᱜ ᱡᱟᱦᱟᱡᱽ ᱦᱚᱨ ᱛᱮ ᱡᱚᱯᱚᱲᱟᱶ ᱟᱠᱟᱱᱟ ᱱᱮᱵᱷᱟ ᱜᱟᱰᱟ ᱟᱨ ᱵᱟᱞᱴᱤᱠ ᱥᱮᱫ ᱛᱮ ᱾

ᱥᱮᱱᱴ ᱯᱤᱴᱚᱨᱥᱵᱚᱨᱜᱽ

ᱥᱮᱱᱴ ᱯᱤᱴᱚᱨᱥᱵᱚᱨᱜᱽ ᱟᱨ ᱚᱱᱟ ᱨᱮᱱᱟᱜ ᱵᱮᱲ ᱫᱚ ᱡᱮᱜᱮᱛ ᱦᱮᱨᱤᱴᱮᱡᱽ ᱥᱟᱭᱤᱴ ᱞᱮᱠᱟᱛᱮ ᱢᱟᱱᱚᱛ ᱠᱚ ᱮᱢ ᱟᱠᱟᱫᱼᱟ, ᱡᱟᱦᱟᱸ ᱫᱚ The Historic Centre of Saint Petersburg and Related Groups of Monuments ᱠᱚ ᱢᱮᱛᱟᱜ ᱠᱟᱱᱟ ᱾

ᱱᱟᱜᱟᱢ ᱥᱟᱯᱲᱟᱣ

ᱥᱮᱱᱴ ᱯᱤᱴᱚᱨᱥᱵᱚᱨᱜᱽ ᱫᱚ ᱨᱩᱥᱤᱭᱟ ᱨᱤᱱᱤᱡ ᱛᱥᱟᱨ (Tsar) ᱯᱤᱴᱚᱨ ᱑ ᱫᱟᱨᱟᱭ ᱛᱮ ᱮᱦᱚᱵ ᱞᱮᱱᱟ ᱑᱗᱐᱓ ᱥᱟᱞᱮ ᱨᱮ ᱨᱩᱥᱤᱭᱟ ᱨᱮᱱᱟᱜ ᱨᱟᱡᱽᱜᱟᱲ ᱞᱮᱠᱟᱛᱮ ᱾ ᱢᱚᱶᱟ ᱫᱚ ᱨᱩᱥᱤᱭᱟ ᱨᱮᱱᱟᱜ ᱨᱟᱡᱽᱜᱟᱲ ᱞᱮᱠᱟᱛᱮ ᱑᱙᱑᱘ ᱦᱟᱹᱵᱤᱡ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱛᱟᱭᱚᱢ ᱨᱟᱡᱽᱜᱟᱲ ᱫᱚ ᱢᱚᱥᱠᱚ ᱛᱮ ᱠᱚ ᱤᱫᱤ ᱠᱮᱫᱼᱟ ᱾ ᱯᱤᱴᱚᱨ ᱫᱤ ᱜᱨᱮᱴ ᱩᱨᱜᱩᱢ ᱦᱚᱭᱦᱤᱥᱤᱫ ᱜᱷᱟᱴ ᱞᱮᱠᱟᱛᱮ ᱥᱮᱱᱴ ᱯᱤᱴᱚᱨᱥᱵᱚᱨᱜᱽᱻᱮ ᱛᱮᱭᱟᱨ ᱞᱮᱫᱼᱟ ᱾ ᱱᱚᱶᱟ ᱫᱚ ᱵᱮᱯᱟᱨ ᱞᱟᱦᱟᱭ ᱞᱟᱹᱜᱤᱫᱻᱮ ᱛᱮᱭᱟᱨ ᱞᱮᱫᱼᱟ ᱾ ᱯᱤᱴᱚᱨ ᱫᱚ ᱢᱤᱫ ᱱᱟᱶᱟ ᱫᱷᱟᱨᱟ ᱨᱩᱯ ᱰᱷᱚᱝ ᱛᱮ ᱱᱟᱜᱟᱨ ᱵᱮᱱᱟᱶ ᱥᱟᱱᱟ ᱞᱮᱫᱮ ᱛᱟᱦᱮᱸᱫ ᱾

ᱥᱮᱱᱴ ᱯᱤᱴᱚᱨᱵᱚᱨᱜᱽ ᱨᱮᱱᱟᱜ ᱧᱩᱛᱩᱢ ᱫᱚ ᱟᱹᱰᱤ ᱫᱷᱟᱶ ᱵᱚᱫᱚᱞ ᱦᱩᱭ ᱟᱠᱟᱱᱟ ᱾ ᱮᱛᱚᱦᱚᱵ ᱡᱮᱜᱮᱛ ᱞᱟᱹᱲᱦᱟᱹᱭ ᱚᱠᱛᱚ ᱨᱮ ᱡᱚᱠᱷᱚᱱ ᱨᱩᱥᱤᱭᱟ ᱟᱨ ᱡᱚᱨᱢᱟᱱᱤ ᱠᱤᱱ ᱛᱩᱯᱩᱫ ᱠᱟᱱ ᱛᱟᱦᱮᱸᱫ, ᱩᱱ ᱚᱠᱛᱮ ᱨᱩᱥᱤᱭᱟ ᱨᱤᱱ ᱦᱚᱲ ᱥᱟᱸᱠᱴ ᱯᱤᱴᱚᱨᱵᱚᱨᱜᱽ ᱡᱚᱨᱢᱟᱱᱤ ᱟᱹᱲᱟᱹ ᱞᱮᱠᱟ ᱠᱚ ᱵᱩᱡᱷᱟᱹᱶᱮᱫ ᱛᱟᱦᱮᱸᱫ, ᱚᱱᱟᱛᱮ ᱛᱥᱟᱨ ᱱᱤᱠᱚᱞᱟᱥ ᱒, ᱚᱜᱚᱥᱴ ᱓᱑, ᱑᱙᱑᱔ ᱥᱟᱞᱮ ᱨᱮ ᱟᱹᱨᱩ ᱠᱮᱫ ᱛᱮ "ᱯᱮᱴᱚᱨᱜᱨᱟᱰ" ᱢᱮᱱᱛᱮ ᱠᱚ ᱫᱚᱦᱚ ᱠᱮᱫᱼᱟ ᱾᱑᱙᱑᱘ ᱥᱟᱞᱮ ᱨᱮ ᱨᱩᱥᱤᱭᱟ ᱦᱟᱜ ᱦᱩᱞᱥᱟᱹᱭ ᱚᱠᱛᱮ, ᱥᱚᱵᱷᱤᱭᱮᱛ ᱨᱮᱱᱟᱜ ᱨᱟᱡᱽᱜᱟᱲ ᱫᱚ ᱢᱚᱥᱠᱚ ᱛᱮ ᱠᱚ ᱩᱪᱟᱹᱲ ᱠᱮᱫᱼᱟ ᱾

ᱡᱟᱱᱩᱟᱨᱤ ᱒᱖, ᱑᱙᱒᱔ ᱥᱟᱞᱮ ᱨᱮ ᱞᱮᱱᱤᱱᱻᱟᱜ ᱜᱩᱨ ᱠᱟᱛᱮ ᱢᱚᱬᱮ ᱫᱤᱱ ᱛᱟᱭᱚᱢ, ᱟᱡ ᱢᱟᱹᱱ ᱞᱮᱠᱟᱛᱮ ᱯᱮᱴᱨᱚᱜᱨᱟᱰ ᱵᱚᱫᱚᱞ ᱠᱟᱛᱮ ᱞᱮᱱᱤᱱᱜᱨᱟᱰ ᱠᱚ ᱧᱩᱢ ᱞᱮᱫ ᱛᱟᱦᱮᱸᱫ ᱾ ᱫᱚᱥᱟᱨ ᱡᱮᱜᱮᱛ ᱞᱟᱹᱲᱦᱟᱹᱭ ᱚᱠᱛᱚ ᱨᱮ ᱱᱟᱜᱟᱨ ᱫᱚ ᱡᱚᱨᱢᱟᱱ ᱟᱨᱢᱤ ᱜᱚᱴᱟ ᱯᱟᱲᱟ ᱛᱮ ᱠᱚ ᱮᱥᱮᱫ ᱞᱮᱫ ᱛᱟᱦᱮᱸᱫ ᱟᱨ ᱒᱕ ᱫᱤᱱ ᱦᱟᱹᱵᱤᱡ ᱜᱷᱮᱨᱟᱶ ᱠᱟᱛᱮ ᱠᱚ ᱫᱚᱦᱚ ᱞᱮᱫ ᱛᱟᱦᱮᱸᱫ ᱾

ᱞᱮᱱᱤᱜᱨᱟᱰ ᱠᱷᱚᱱ ᱟᱨ ᱫᱚᱲᱦᱟ ᱚᱱᱟ ᱢᱟᱨᱮ ᱧᱩᱛᱩᱢ ᱜᱮ ᱥᱮᱱᱴ ᱯᱤᱴᱚᱨᱵᱚᱨᱜᱽ (stᱹ petersberg) ᱠᱚ ᱫᱚᱦᱚ ᱠᱮᱫᱼᱟ ᱖ ᱥᱮᱯᱴᱮᱢᱵᱚᱨ ᱑᱙᱙᱑ ᱥᱟᱞᱮ ᱨᱮ, ᱡᱚᱠᱷᱚᱱ ᱨᱩᱥᱤᱭᱟ ᱠᱚᱢᱩᱱᱤᱥᱴ (communist) ᱛᱮᱭᱟᱨᱚᱜᱼᱮ ᱵᱟᱹᱜᱤ ᱠᱮᱫᱼᱟ ᱾[᱑] ᱫ᱾ᱱᱟᱹᱢ ᱨᱚᱲ ᱨᱮ ᱫᱚ ᱨᱩᱥᱤᱭᱟᱱ ᱠᱚ "ᱯᱤᱴᱚᱨ" ᱥᱩᱢᱩᱝ ᱜᱮ ᱠᱚ ᱢᱮᱱᱟ ᱾

ᱚᱛᱱᱚᱜ ᱥᱟᱯᱲᱟᱣ

ᱥᱮᱱᱴ ᱯᱤᱴᱚᱨᱥᱵᱚᱨᱜᱽ ᱫᱚ ᱟᱹᱰᱤ ᱱᱟᱯᱟᱭ ᱴᱷᱟᱶ ᱠᱟᱱᱟ, ᱡᱟᱦᱟᱸ ᱯᱤᱴᱚᱨ ᱑ ᱧᱩᱛᱩᱢᱟᱱᱤᱡ ᱜᱚᱢᱠᱮᱻᱭ ᱯᱚᱨᱛᱚᱱ (plan) ᱞᱮᱫ ᱛᱟᱦᱮᱸᱫ ᱾ ᱚᱸᱰᱮ ᱦᱚᱲ ᱫᱟᱨᱟᱭᱛᱮ ᱵᱮᱱᱟᱶᱟᱜ ᱟᱭᱢᱟ ᱜᱟᱰᱟ (ᱟᱨᱵᱟᱝ ᱱᱟᱞᱟ)ᱠᱚ ᱱᱟᱜᱟᱨ ᱥᱮᱫ ᱛᱮ ᱞᱤᱸᱡᱤᱻᱜ ᱟᱠᱟᱱᱟ, ᱚᱱᱟᱛᱮ ᱢᱤᱢᱤᱫ ᱫᱷᱟᱶ ᱮᱛᱚᱢ ᱨᱮᱱᱟᱜ ᱵᱷᱮᱱᱤᱥ (the Venice) ᱢᱮᱱᱛᱮ ᱠᱚ ᱢᱮᱛᱟᱜᱼᱟ ᱾ ᱚᱸᱰᱮ ᱟᱨᱦᱚᱸ ᱟᱭᱢᱟ ᱱᱟᱯᱟᱭ ᱵᱤᱞᱰᱤᱝ ᱠᱚ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱨᱩᱥᱤᱭᱟ ᱨᱤᱱ ᱮᱴᱟᱜ ᱥᱚᱢᱨᱟᱴ ᱠᱚ ᱠᱚ ᱛᱮᱭᱟᱨ ᱟᱠᱟᱫᱼᱟ ᱚᱱᱟ ᱱᱟᱜᱟᱨ ᱛᱟᱞᱟ ᱨᱮᱜᱮ ᱾ ᱛᱤᱢᱤᱱ ᱜᱟᱱ ᱠᱚ ᱫᱚ ᱱᱤᱛᱚᱜ ᱥᱟᱢᱴᱟᱶᱼᱚᱲᱟᱜ (Museum) ᱞᱮᱠᱟᱴᱮ ᱵᱮᱵᱷᱟᱨᱚᱜ ᱠᱟᱱᱟ ᱾

ᱵᱟᱨᱦᱮ ᱡᱚᱱᱚᱲ ᱥᱟᱯᱲᱟᱣ

  1. http://www.newsweek.com/2014/09/26/st-petersburg-ghosts-petrograd-267805.html