ᱨᱟᱡᱟᱡᱤ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ

ᱡᱟᱹᱛᱤᱭᱟᱹᱨᱤ ᱵᱟᱜᱟᱱ
(ᱨᱟᱡᱟᱡᱤ ᱡᱟ.ᱛᱤᱭᱟ.ᱨᱤ ᱵᱟᱜᱟᱱ ᱠᱷᱚᱱ ᱟᱹᱪᱩᱨ ᱦᱮᱡᱠᱟᱱᱟ)

ᱨᱟᱡᱟᱡᱤ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱥᱤᱧᱚᱛ ᱨᱮᱱᱟᱜ ᱠᱚᱧᱮ ᱱᱟᱠᱷᱟ ᱨᱮ ᱢᱮᱱᱟᱜ ᱠᱟᱫ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱠᱟᱱᱟ ᱟᱨ ᱥᱟᱶᱛᱮ ᱱᱚᱶᱟ ᱫᱚ ᱛᱟᱹᱨᱩᱵ ᱠᱚ ᱞᱟᱹᱜᱤᱫ ᱨᱟᱠᱷᱟ ᱵᱤᱨ ᱦᱚᱸ ᱠᱟᱱᱟ ᱾[᱑] ᱱᱚᱶᱟ ᱵᱟᱜᱟᱱ ᱫᱚ ᱦᱮᱢᱟᱞ ᱵᱩᱨᱩ ᱛᱷᱚᱠ ᱨᱮᱱᱟᱜ ᱥᱤᱣᱟᱞᱤᱠ ᱵᱩᱨᱩ ᱨᱮ ᱢᱮᱱᱟᱜᱼᱟ ᱾ ᱡᱟ.ᱛᱤᱭᱟ.ᱨᱤ ᱵᱟᱜᱟᱱ ᱨᱮᱭᱟᱜ ᱡᱟᱭᱜᱟ ᱫᱚ ᱘᱒᱐ ᱥᱠᱩᱭᱟᱨ ᱠᱤᱞᱚᱢᱤᱴᱚᱨ ᱠᱟᱱᱟ ᱟᱨ ᱩᱛᱛᱚᱨᱟᱠᱷᱚᱸᱰ ᱯᱚᱱᱚᱛ ᱨᱮᱭᱟᱜ ᱦᱚᱨᱤᱫᱣᱟᱨ, ᱰᱮᱦᱨᱟᱰᱩᱱ ᱟᱨ ᱯᱚᱣᱨᱤ ᱜᱚᱰᱣᱟᱞ ᱮᱢᱟᱱ ᱯᱮᱭᱟ ᱦᱚᱱᱚᱛ ᱠᱚᱨᱮ ᱦᱟᱹᱴᱤᱧ ᱠᱟᱱᱟ ᱾ ᱑᱙᱘᱓ ᱥᱟᱞ ᱨᱮ ᱪᱤᱞᱞᱟ, ᱢᱳᱛᱤᱪᱩᱨ ᱟᱨ ᱨᱟᱡᱟᱡᱤ ᱮᱢᱟᱱ ᱯᱮᱭᱟ ᱨᱟᱠᱷᱟᱵᱤᱨ ᱢᱮᱥᱟ ᱠᱟᱛᱮ ᱨᱟᱡᱟᱡᱤ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱠᱚ ᱛᱷᱟᱯᱚᱱ ᱞᱮᱫᱟ ᱾[᱒]

ᱨᱟᱡᱟᱡᱤ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ
ᱨᱟᱡᱟᱡᱤ ᱛᱟᱹᱨᱩᱵ ᱨᱟᱠᱷᱟ ᱵᱤᱨ
IUCN category II (national park)
ᱨᱮᱫ:Jungle-safari-rajaji-national-park-4.jpg
ᱨᱟᱡᱟᱡᱤ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱨᱮ ᱦᱮᱸᱫᱮ‌ ᱛᱟᱹᱨᱩᱵ (ᱡᱟᱴᱭᱟ ᱛᱟᱹᱨᱩᱵ)
Map showing the location of ᱨᱟᱡᱟᱡᱤ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱨᱟᱡᱟᱡᱤ ᱛᱟᱹᱨᱩᱵ ᱨᱟᱠᱷᱟ ᱵᱤᱨ
Map showing the location of ᱨᱟᱡᱟᱡᱤ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱨᱟᱡᱟᱡᱤ ᱛᱟᱹᱨᱩᱵ ᱨᱟᱠᱷᱟ ᱵᱤᱨ
ᱵᱷᱟᱨᱚᱛ ᱫᱤᱥᱚᱢ ᱨᱮ ᱨᱟᱡᱟᱡᱤ ᱡᱟ.ᱛᱤᱭᱟ.ᱨᱤ ᱵᱟᱜᱟᱱ ᱨᱮᱭᱟᱜ ᱴᱷᱟᱶ
Locationᱩᱛᱛᱚᱨᱟᱠᱷᱚᱸᱰ, ᱥᱤᱧᱚᱛ
Nearest cityᱦᱚᱨᱤᱫᱣᱟᱨ ᱟᱨ ᱰᱮᱦᱨᱟᱰᱩᱱ
Area᱒᱐᱒᱖᱓᱐ ᱮᱠᱚᱨ
Established᱑᱙᱘᱓
Governing bodyPrincipal Chief Conservator of Forests, Uttarakhand

ᱪᱚᱠᱨᱚᱵᱚᱨᱛᱤ ᱨᱟᱡᱽᱜᱳᱯᱟᱲᱪᱟᱨᱤ ᱟᱜ ᱧᱩᱛᱩᱢ (ᱨᱟᱡᱟᱡᱤ) ᱞᱮᱠᱟᱛᱮ ᱱᱚᱶᱟ ᱵᱟᱜᱟᱱ ᱫᱚ ᱚᱝᱠᱟ ᱠᱚ ᱧᱩᱢ ᱟᱠᱟᱫᱟ᱾ ᱨᱟᱡᱽᱜᱳᱯᱟᱲᱪᱟᱨᱤ ᱫᱚ ᱢᱤᱫ ᱦᱩᱞᱜᱟᱹᱨᱤᱭᱟᱹ ᱠᱟᱱᱟᱭ ᱟᱨ ᱵᱷᱟᱨᱚᱛ ᱨᱤᱱᱤᱡ ᱢᱩᱪᱟᱹᱫ ᱜᱚᱵᱷᱚᱨᱱᱚᱨ-ᱡᱮᱱᱮᱨᱟᱞ ᱠᱟᱱᱟᱭ ᱾ ᱵᱷᱟᱨᱚᱛ ᱥᱚᱨᱠᱟᱨᱼᱟᱜ ᱢᱤᱫ ᱢᱟᱨᱟᱝ ᱢᱟᱱ ᱞᱮᱠᱟᱛᱮ ᱨᱟᱡᱽᱜᱳᱯᱟᱲᱪᱟᱨᱩ ᱫᱚ ᱯᱩᱭᱞᱩ ᱫᱷᱟᱣ ᱞᱮᱠᱟᱛᱮ ᱵᱷᱟᱨᱚᱛ ᱨᱚᱛᱱᱚ ᱠᱚ ᱪᱟᱞ ᱟᱫᱮ ᱛᱟᱦᱮᱸᱫ (᱑᱙᱕᱔ ᱥᱟᱞ ᱨᱮ)᱾

ᱛᱟᱹᱨᱩᱵ ᱨᱟᱠᱷᱟᱵᱤᱨ ᱩᱨᱩᱢ ᱥᱟᱯᱲᱟᱣ

᱑᱕ ᱚᱯᱨᱮᱞ ᱒᱐᱑᱕ ᱨᱮ ᱠᱚᱨᱱᱟᱴᱚᱠ ᱨᱮᱭᱟᱜ ᱠᱩᱱᱫᱽᱨᱮᱢᱩᱠᱷᱚ ᱟᱨ ᱩᱛᱛᱚᱨᱟᱠᱷᱚᱸᱰ ᱨᱮᱭᱟᱜ ᱨᱟᱡᱟᱡᱤ ᱵᱟᱜᱟᱱ ᱫᱚ ᱨᱟᱠᱷᱟᱵᱤᱨ ᱩᱨᱩᱢ ᱧᱟᱢ ᱞᱮᱜᱼᱟ ।[᱓] ᱚᱱᱟ ᱤᱫᱤᱛᱮ ᱨᱟᱡᱟᱡᱤ ᱫᱚ ᱩᱛᱨᱟᱠᱷᱚᱸᱰ ᱨᱮᱭᱟᱜ ᱫᱚᱥᱟᱨ ᱛᱟ.ᱨᱩᱵ ᱨᱟᱠᱷᱟᱵᱤᱨ ᱠᱟᱱᱟᱭ ।[᱔][᱕]

ᱫᱟᱨᱮ ᱱᱟᱹᱬᱤ ᱥᱟᱯᱲᱟᱣ

ᱩᱛᱳᱨ ᱱᱟᱠᱷᱟ ᱨᱮ ᱥᱤᱣᱟᱞᱤᱠ ᱟᱨ ᱫᱩᱠᱷᱤᱱ ᱫᱤᱜᱽ ᱨᱮ ᱫᱚ ᱜᱟᱝᱜᱮᱭᱚ ᱪᱤᱠᱟᱹᱬ ᱚᱛ ᱛᱟᱞᱟᱨᱮ ᱨᱟᱡᱟᱡᱤ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱢᱮᱱᱟᱭᱟ । ᱱᱚᱰᱮ ᱯᱚᱨᱱᱚᱢᱳᱪᱤ ᱵᱤᱨ, ᱯᱟᱭᱤᱱ ᱵᱤᱨ, ᱦᱩᱫᱟᱹ ᱦᱩᱫᱟ. ᱵᱤᱨ ᱥᱟᱝ ᱟᱭᱢᱟ ᱚᱥᱟᱨ ᱛᱮ ᱡᱤᱣᱤ ᱟᱹᱛᱤᱧ ᱜᱷᱟᱥ ᱪᱚᱴᱟᱱ ᱠᱚ ᱢᱮᱱᱟᱜᱼᱟ ᱾ ᱱᱚᱶᱟ ᱵᱤᱨ ᱠᱚᱨᱮ ᱟ.ᱰᱤ ᱞᱮᱠᱟᱱ ᱡᱤᱣᱤᱵ ᱡᱤᱭᱟᱹᱲᱤ ᱠᱚ ᱦᱚᱸ ᱢᱮᱱᱟᱜ ᱠᱚᱣᱟ ᱾ ᱡᱮᱢᱚᱱ ᱨᱳᱦᱬᱤ, ᱥᱤᱥᱩ, ᱢᱟᱫ, ᱠᱟᱹᱣᱦᱟᱹ, ᱮᱫᱮᱞ, ᱪᱚᱱᱫᱚᱱ, ᱰᱤᱰᱷᱟᱹᱣᱲᱤ, ᱥᱤᱧᱡᱚ, ᱠᱟᱧᱪᱚᱱ ᱮᱢᱟᱱ ᱫᱟᱨᱮ ᱠᱚᱛᱮ ᱰᱤᱨ ᱫᱚ ᱯᱮᱨᱮᱡ ᱠᱟᱱᱟ ᱾

ᱡᱤᱣᱤᱵ ᱡᱤᱭᱟᱹᱲᱤ ᱥᱟᱯᱲᱟᱣ

ᱨᱟᱡᱟᱡᱤ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱟᱹᱰᱤ ᱜᱷᱚᱸᱪ ᱵᱤᱨ ᱠᱟᱱᱟ, ᱟᱨ ᱱᱚᱶᱟ ᱵᱤᱨ ᱫᱚ ᱵᱚᱪᱷᱚᱨ ᱡᱟᱠᱟᱛ ᱥᱟᱹᱜᱽᱣᱟᱹ ᱜᱮ ᱧᱮᱞᱚᱜᱼᱟ ᱾ ᱵᱟᱜᱟᱱ ᱫᱚ ᱵᱟᱱᱟᱨ ᱛᱟᱹᱨᱩᱵ ᱟᱨ ᱦᱟᱹᱛᱤ ᱞᱟᱹᱜᱤᱫ ᱧᱩᱛᱩᱢ ᱠᱟᱱᱟ ᱾ ᱱᱚᱶᱟ ᱨᱮ ᱢᱮᱱᱟᱜ ᱠᱚ ᱵᱩᱨᱩ ᱢᱮᱨᱚᱢ ᱜᱳᱨᱟᱞ ᱦᱚᱸ ᱧᱮᱞ ᱡᱚᱝ ᱢᱚᱡᱽ-ᱟ ᱾ ᱱᱩᱠᱩ ᱢᱮᱨᱚᱢ ᱫᱚ ᱯᱟᱭᱤᱱ ᱵᱤᱨ ᱨᱮ ᱠᱚ ᱛᱟᱦᱮᱸᱱᱟ ᱾ ᱦᱟ.ᱛᱤ ᱟᱨ ᱜᱳᱨᱟᱞ ᱵᱟ.ᱜᱤ ᱠᱟᱛᱮ ᱨᱟᱡᱟᱡᱩ ᱵᱟᱜᱟᱱ ᱨᱮ ᱪᱤᱛᱚᱞ ᱥᱮᱞᱮᱵ(᱒᱕᱐ ᱜᱟᱱ), ᱥᱚᱢᱵᱚᱨ ᱥᱮᱞᱮᱵ, ᱠᱩᱴᱨᱟ, ᱠᱩᱡᱤ ᱥᱮᱞᱮᱵ, ᱜᱟᱹᱭ, ᱵᱤᱨ ᱥᱩᱠᱨᱤ, ᱟᱨ ᱵᱟᱱᱟ ᱠᱚ ᱢᱮᱱᱟᱜ ᱠᱚᱣᱟ ᱾ ᱢᱮᱱᱠᱷᱟᱱ ᱱᱩᱠᱩ ᱡᱤᱣᱤ ᱠᱚ ᱠᱷᱩᱵ ᱫᱚ ᱵᱟᱠᱚ ᱧᱮᱞ ᱧᱟᱢᱚᱜᱼᱟ ᱾ ᱦᱟᱹᱬᱩ ᱟᱨ ᱜᱟᱹᱬᱤ ᱠᱚ ᱦᱚᱸ ᱢᱮᱱᱟᱜ ᱠᱚᱣᱟ ᱾ ᱛᱚᱵᱮ ᱱᱚᱶᱟ ᱵᱤᱨ ᱨᱮ ᱡᱚᱢᱟᱜ ᱢᱟᱞᱟ (food chain) ᱨᱮ ᱫᱚ ᱛᱟᱹᱨᱩᱵ ᱟᱨ ᱡᱟᱴᱭᱟ ᱠᱩᱞ ᱠᱚ ᱡᱟᱹᱥᱛᱤᱭᱟ ᱾ ᱵᱤᱨ ᱯᱩᱥᱤ, ᱛᱩᱭᱩ, ᱛᱮᱴᱨᱟ ᱮᱢᱟᱱ ᱦᱚᱸ ᱠᱚ ᱧᱟᱢᱚᱜ ᱜᱮᱭᱟ ᱾ ᱱᱚᱶᱟ ᱵᱟᱜᱟᱱ ᱫᱚ ᱦᱤᱢᱟᱲᱚᱭ ᱵᱩᱨᱩ ᱨᱮ ᱢᱮᱱᱟᱜ ᱠᱷᱟᱹᱛᱤᱨ ᱦᱤᱢᱟᱲᱚᱭ ᱵᱟᱱᱟ ᱠᱚ ᱧᱟᱢᱚᱜ ᱜᱮᱭᱟ ᱾

ᱨᱟᱡᱟᱡᱤ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱨᱮ ᱓᱑᱕ ᱠᱷᱚᱱ ᱡᱟᱹᱥᱛᱤ ᱞᱮᱠᱟᱱᱠᱩᱡ ᱪᱮᱬᱮ ᱢᱮᱱᱟᱜ ᱠᱚᱣᱟ ᱾ ᱛᱚᱵᱮ ᱕᱐᱐ ᱜᱟᱱ ᱞᱮᱠᱟᱱᱠᱩᱡ ᱚᱱᱰᱮᱱᱠᱩᱫ ᱟᱨ ᱮᱴᱟᱜ ᱨᱮᱱ ᱠᱩᱫ ᱪᱮᱬᱮ ᱠᱚ ᱧᱟᱢᱚᱜ ᱜᱮᱭᱟ ।[᱒] ᱱᱚᱰᱮ ᱴᱟᱨᱟᱜ, ᱜᱤᱫᱤ, ᱛᱤᱛᱤᱨ ᱮᱢᱟᱱ ᱡᱟᱹᱥᱛᱤ ᱫᱷᱟᱨᱟ ᱠᱚ ᱧᱟᱢᱚᱜ ᱠᱟᱱ ᱾ ᱨᱟᱵᱟᱝ ᱫᱤᱱ ᱨᱮ ᱫᱚ ᱵᱟᱦᱨᱮ ᱠᱷᱚᱱ ᱟᱭᱢᱟ ᱞᱮᱠᱟᱱ ᱪᱮᱬᱮ ᱠᱚ ᱩᱰᱟᱹᱣ ᱦᱤᱡᱩᱜ-ᱟ ᱾

ᱨᱟᱡᱟᱡᱤ ᱵᱟᱜᱟᱱ ᱨᱮᱭᱟᱜ ᱜᱟᱰᱟ ᱠᱚᱨᱮ ᱢᱟᱦᱟᱥᱟᱨᱤ ᱟᱨ ᱵᱩᱜᱩᱣᱟ ᱞᱮᱠᱟᱱ ᱦᱟᱹᱠᱩ ᱢᱮᱱᱟᱜ ᱠᱚᱣᱟ ᱾

ᱨᱟᱡᱟᱡᱤ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱨᱮ ᱜᱷᱟᱴᱬᱟ ᱟᱨ ᱵᱮ-ᱵᱟᱲᱤᱡ ᱠᱚ ᱥᱟᱯᱲᱟᱣ

ᱚᱯᱨᱮᱞ ᱒᱐᱑᱐ ᱨᱮ ᱨᱟᱡᱟᱡᱤ ᱵᱟᱜᱟᱱ ᱨᱮ ᱥᱮᱝᱜᱮᱞ ᱞᱟᱜᱟᱣ ᱞᱮᱱᱟ ᱾ ᱵᱟᱜᱟᱱ ᱠᱷᱚᱱ ᱵᱟᱦᱨᱮ ᱨᱮ ᱥᱮᱸᱜᱮᱞ ᱞᱟᱜᱟᱣ ᱠᱟᱛᱮ ᱵᱟᱜᱟᱱ ᱥᱮ ᱞᱚ ᱦᱮᱡ ᱞᱮᱱᱟ ᱾ ᱱᱚᱰᱮ ᱢᱮᱱᱟᱜ ᱪᱩᱸᱰᱤ ᱢᱩᱸᱫᱽᱨᱤ ᱞᱟᱹᱜᱤᱫ ᱦᱚᱸ ᱵᱤᱯᱚᱫᱽ ᱵᱮᱱᱟᱣ ᱞᱮᱱᱟ ᱾[᱖]

᱒᱐᱑᱕ ᱨᱮ ᱥᱚᱨᱠᱟᱨ-ᱟᱜ ᱵᱤᱨ ᱵᱤᱵᱷᱟᱜᱽ ᱨᱤᱱ ᱠᱟᱹᱢᱤᱭᱟᱹ ᱠᱚ ᱱᱚᱣᱮᱢᱵᱚᱨ ᱪᱟᱸᱫᱚ ᱨᱮ ᱠᱩᱲᱟᱭ ᱵᱟᱝ ᱧᱟᱢ ᱠᱷᱟᱹᱛᱤᱨ ᱠᱚ ᱟᱱᱫᱳᱲᱚᱱ ᱞᱮᱫᱟ ᱾ ᱟᱨ ᱛᱟᱹᱨᱩᱵ ᱦᱤᱥᱟᱹᱵ ᱨᱮ ᱜᱚᱲᱚ ᱵᱟᱜᱚ ᱮᱢ ᱞᱮᱫᱟ ᱾[᱗]

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ

  1. http://projecttiger.nic.in/News/25_Newsdetails.aspx
  2. ᱒.᱐ ᱒.᱑ Rajaji Archived ᱑᱙ ᱯᱷᱮᱵᱽᱨᱩᱣᱟᱨᱤ ᱒᱐᱐᱘ at the Wayback Machine. Official website of Haridwar.
  3. "Archive copy". Archived from the original on 2020-10-01. Retrieved 2020-10-08.{{cite web}}: CS1 maint: archived copy as title (link)
  4. http://hillpost.in/2015/04/rajaji-becomes-second-tiger-reserve-in-uttarakhand/103025/
  5. http://www.thehindu.com/news/national/other-states/rajaji-park-notified-as-tiger-reserve/article7120327.ece
  6. Article, NDTV.com, 10 April 2010
  7. "Rajaji reserve staff to boycott census". Tribune India. Dec 2015.

https://rajajitigerreserve.in/about.php Archived ᱒᱐᱒᱒-᱐᱓-᱐᱑ at the Wayback Machine.