ᱪᱤᱠᱤ
ᱪᱤᱠᱤ – ᱨᱚᱲ/ᱯᱟᱹᱨᱥᱤ ᱠᱚ ᱨᱮᱭᱟᱜ ᱜᱟᱨ ᱪᱤᱠᱷᱱᱟᱹ ᱜᱮ ᱪᱤᱠᱤ ᱫᱚ᱾ᱯᱟᱹᱦᱤᱞ ᱢᱟᱹᱱᱢᱤ ᱟᱠᱚᱣᱟᱜ ᱢᱚᱱ ᱨᱮᱭᱟᱜ ᱵᱷᱟᱵ ᱩᱫᱩᱜ, ᱜᱟᱣᱤᱡ, ᱦᱚᱲᱢᱚ ᱦᱤᱞᱟᱹᱣ ᱠᱟᱛᱮ ᱮᱴᱟᱜ ᱦᱚᱲ ᱠᱚ ᱥᱟᱞᱟᱝ ᱨᱮᱠᱚ ᱥᱚᱫᱚᱨᱮᱫ ᱛᱟᱦᱮᱱ, ᱤᱠᱷᱟᱹᱱᱢᱟᱱᱢᱤ ᱫᱚ ᱵᱚ ᱨᱚᱲ ᱫᱟᱲᱮᱭᱟᱜ ᱟ I ᱨᱚᱲ ᱫᱚ ᱢᱟᱱᱢᱤ ᱟᱜ ᱟᱹᱰᱤ ᱢᱟᱨᱟᱝ ᱫᱟᱲᱮ ᱟᱨ ᱜᱩᱱ ᱠᱟᱱᱟ I ᱨᱚᱲ ᱫᱚ ᱢᱟᱱᱢᱤ ᱟᱜ ᱦᱚᱴᱚᱜ ᱠᱟᱱᱴᱟ ᱟᱞᱟᱝ ᱰᱟᱴᱟ ᱞᱩᱴᱤ ᱛᱟᱹᱨᱩ ᱮᱢᱟᱱ ᱢᱚᱪᱟ ᱨᱮᱭᱟᱜ ᱡᱚᱱᱛᱨᱚ ᱥᱚᱦᱚᱫ ᱛᱮ ᱥᱟᱹᱦᱮᱫ ᱦᱚᱭ ᱢᱚᱪᱟ ᱨᱮ ᱛᱟᱹᱯᱤᱧ ᱛᱟᱨᱠᱚ ᱛᱟᱞᱟᱴ ᱛᱮᱵᱚ ᱟᱲᱟᱝ ᱦᱚᱪᱚ ᱮᱫᱟ I ᱱᱚᱣᱟ ᱨᱚᱲ ᱨᱮᱭᱟᱜ ᱦᱟᱴᱤᱧ ᱩᱛᱟᱹᱨ ᱢᱮᱱᱮᱛ ᱟᱱᱟᱜ ᱥᱟᱰᱮ ᱜᱮ ᱟᱲᱟᱝ ᱢᱮᱱᱛᱮ ᱵᱚᱱ ᱫᱷᱟᱹᱴᱭᱟᱹᱨᱟᱜ ᱟ I
ᱟᱲᱟᱝ ᱥᱟᱯᱲᱟᱣ
ᱦᱚᱴᱚᱜ ᱠᱟᱱᱴᱟ ᱛᱟᱨᱠᱚ ᱠᱟᱛᱮ ᱢᱩ ᱥᱚᱦᱚᱫ ᱛᱮ ᱢᱚᱪᱟ ᱠᱷᱚᱱ ᱯᱷᱳᱴᱮᱞᱟᱱ ᱞᱩᱛᱩᱨ ᱛᱮ ᱟᱡᱚᱢᱚᱜ ᱢᱮᱱᱮᱛ ᱟᱱ ᱥᱟᱰᱮ ᱜᱮ ᱟᱲᱟᱝ ᱠᱚ ᱢᱮᱛᱟᱜ ᱟ I
ᱪᱤᱠᱤ (Letter) ᱥᱟᱯᱲᱟᱣ
ᱟᱲᱟᱝ ᱨᱮᱭᱟᱜ ᱜᱟᱨ ᱪᱤᱛᱟᱹᱨ ᱪᱤᱱᱦᱟᱹ ᱜᱮ ᱪᱤᱠᱤ ᱥᱮ ᱟᱠᱷᱚᱨ ᱠᱚ ᱢᱮᱛᱟᱜ ᱟ I ᱡᱮᱞᱮᱠᱟ -" ᱚ" ᱞᱟᱭ ᱞᱮᱠᱷᱟᱱ ᱚ ᱫᱚ ᱢᱤᱫᱴᱟᱝ ᱟᱲᱟᱝ ᱠᱟᱱᱟ ᱟᱨᱦᱚ ᱚᱱᱟ "ᱚ" ᱜᱮ ᱜᱟᱨ ᱪᱤᱛᱟᱹᱨ ᱪᱤᱱᱦᱟᱹ ᱜᱮ "ᱚ " ᱪᱤᱠᱤ ᱥᱮ ᱟᱠᱷᱚᱨ ᱵᱮᱱᱟᱣ ᱟᱠᱟᱱᱟ I ᱱᱚᱝᱠᱟ ᱜᱮ "ᱚ" ᱠᱷᱚᱱ ᱜᱮ "ᱚᱦᱚᱫ" ᱦᱟᱹᱵᱤᱡ ᱯᱮ ᱜᱮᱞ ᱢᱚᱬᱮ ᱜᱚᱴᱟᱝ ᱪᱤᱠᱤ ᱢᱮᱱᱟᱜ ᱟ I ᱥᱟᱱᱛᱟᱲᱤ ᱚᱞ ᱞᱟᱹᱜᱤᱫ ᱱᱚᱣᱟ ᱯᱮ ᱜᱮᱞ ᱢᱚᱲᱮ ᱜᱚᱴᱟᱝ ᱪᱤᱠᱤ ᱠᱚ ᱥᱟᱡᱟᱣ ᱢᱤᱫ ᱠᱟᱛᱮ " ᱚᱞ ᱪᱤᱠᱤ " ᱦᱩᱭ ᱟᱠᱟᱱᱟ I ᱮᱰᱮᱠᱷᱟᱱ ᱚᱞ ᱪᱤᱠᱤ ᱨᱮᱭᱟᱜ ᱢᱩᱴᱷᱟᱹᱱ ᱞᱮᱠᱟᱛᱮ ᱞᱟᱹᱭ ᱜᱟᱱᱚᱜ ᱟ " ᱚ" ᱠᱷᱚᱱ " ᱚᱦᱚᱫ" ᱦᱟᱹᱵᱤᱡ ᱥᱟᱡᱟᱣ ᱪᱤᱠᱤ ᱜᱩᱴ ᱜᱮ " ᱚᱞᱪᱤᱠᱤ" ᱠᱚ ᱢᱮᱛᱟᱜ ᱟ I ᱚᱞᱪᱤᱠᱤ ᱨᱮᱭᱟᱜ ᱪᱤᱠᱤ ᱠᱚᱫᱚ ᱯᱮ ᱛᱷᱚᱠ ᱨᱮ ᱦᱟᱴᱤᱧ ᱟᱠᱟᱱᱟ I ᱱᱚᱣᱣᱟ ᱦᱟᱵᱤᱧ ᱫᱚ ᱪᱷᱚᱠ ᱛᱟᱞᱟ ᱛᱮᱵᱚ ᱥᱮᱲᱟᱭᱟ - ᱪᱤᱠᱤ ᱫᱚ (1) ᱨᱟᱦᱟ ᱪᱤᱠᱤ (2) ᱠᱮᱪᱮᱫ ᱪᱤᱠᱤ (3) ᱡᱟᱯᱟᱜ ᱪᱤᱠᱤ
ᱚᱞ ᱪᱤᱠᱤ ᱪᱚ ᱠᱚᱭᱮ ᱠᱷᱚᱱ ᱮᱛᱚᱢ ᱥᱮᱫ ᱯᱟᱲᱦᱟᱣ ᱦᱩᱭᱩᱜᱼᱟ I ᱡᱮᱞᱮᱠᱟ - ᱚ ᱛ ᱜ ᱝ ᱞ I
ᱨᱟᱦᱟ ᱪᱤᱠᱤ (Vowel) ᱥᱟᱯᱲᱟᱣ
ᱡᱟᱦᱟ ᱟᱲᱟᱝ ᱟᱯᱱᱟᱨ ᱥᱩᱢᱩᱝ ᱛᱮ ᱨᱚᱲᱟᱝ ᱧᱟᱢᱚᱜ ᱟ ᱟᱨ ᱥᱮᱨᱮᱧ, ᱨᱚᱲ ᱨᱟᱦᱟ ᱛᱮᱫ ᱨᱟᱠᱟᱵ ᱟ ᱚᱱᱠᱟᱱ ᱟᱲᱟᱝ ᱨᱮᱭᱟᱜ ᱚᱞ ᱪᱤᱛᱟᱹᱨ ᱪᱤᱠᱷᱱᱟᱹ ᱜᱮ ᱨᱟᱦᱟ ᱪᱤᱠᱤ ᱠᱚ ᱢᱮᱛᱟᱜ ᱟ I ᱡᱮᱞᱮᱠᱟ - ᱚ ᱟ ᱤ ᱩ ᱮ ᱳ ᱠᱚᱫᱚ ᱨᱟᱦᱟ ᱪᱤᱠᱤ ᱠᱟᱱᱟ I ᱨᱟᱦᱟ ᱪᱤᱠᱤ ᱫᱚ ᱛᱩᱨᱩᱭ ᱜᱚᱴᱟᱝ ᱢᱮᱱᱟᱜ ᱟ I
ᱠᱮᱪᱮᱫ ᱪᱤᱠᱤ (Consonant) ᱥᱟᱯᱲᱟᱣ
ᱡᱟᱦᱟ ᱟᱲᱟᱝ ᱟᱯᱱᱟᱨ ᱥᱩᱢᱩᱝ ᱛᱮ ᱵᱟᱝ ᱨᱚᱲ ᱧᱟᱢᱚᱜ ᱟ, ᱮᱠᱷᱮᱱ ᱨᱟᱦᱟ ᱟᱲᱟᱝ ᱟᱹᱭᱩᱨ ᱟᱱᱤᱡ ᱜᱮ ᱨᱚᱲᱚᱜᱚᱜ ᱟ ᱚᱱᱠᱟᱱ ᱟᱲᱟᱝ ᱨᱮᱭᱟᱜ ᱜᱟᱨ ᱪᱤᱛᱟᱹᱨ ᱪᱤᱱᱦᱟᱹ ᱜᱮ ᱠᱮᱪᱮᱫ ᱪᱤᱠᱤ ᱠᱚ ᱢᱮᱛᱟᱜ ᱟ I ᱡᱮᱞᱮᱠᱟ - ᱛ ᱜ ᱝ ᱞ ᱠ ᱡ ᱢ ᱣ ᱥ ᱦ ᱧ ᱨ ᱪ ᱫ ᱬ ᱭ ᱯ ᱰ ᱱ ᱲ ᱴ ᱵ ᱶ ᱷ I ᱱᱚᱣᱟ ᱠᱮᱪᱮᱫ ᱪᱤᱠᱤ ᱫᱚ ᱵᱟᱨ ᱜᱮᱞ ᱯᱩᱱ ᱜᱚᱴᱟᱝ ᱟ I ᱱᱚᱣᱟ ᱠᱚ ᱪᱤᱠᱤ ᱟᱲᱟᱝ ᱠᱟᱛᱮ ᱵᱤᱰᱟᱹᱣ ᱞᱮᱠᱷᱟᱱ ᱧᱮᱞᱚᱜ ᱟ ᱡᱮ, ᱨᱟᱦᱟ ᱟᱲᱠᱝ ᱵᱟᱝ ᱨᱚᱲᱟᱝ ᱠᱟᱛᱮ ᱚᱱᱟ ᱠᱚ ᱥᱩᱢᱩᱝ ᱫᱚ ᱵᱟᱝ ᱨᱚᱲ ᱜᱟᱱᱚᱜ ᱠᱟᱱᱟ I ᱚᱱᱟ ᱛᱮᱜᱮ ᱚᱱᱟ ᱠᱚᱫᱚ ᱠᱮᱪᱮᱫ ᱪᱤᱠᱤ ᱟᱲᱟᱝ ᱵᱚ ᱢᱮᱛᱟᱜ ᱠᱟᱱᱟ I ᱚᱱᱮ ᱧᱮᱞ ᱢᱮ ᱨᱟᱦᱟ ᱟᱲᱟᱝ ᱟᱹᱭᱩᱨ ᱛᱮᱫᱚ ᱪᱮᱫ ᱞᱮᱠᱟ ᱨᱚᱲᱚᱜ ᱠᱟᱱᱟ I ᱛ ᱜ ᱝ ᱞ ᱮᱢᱟᱱ I ᱟᱹᱲᱟᱹ ᱟᱛᱮ ᱨᱚᱲ ᱫᱚ ᱵᱟᱝ ᱜᱚᱱᱚᱜ ᱟ I
ᱠᱮᱪᱮᱫ ᱪᱤᱠᱤ ᱨᱮᱭᱟᱜ ᱦᱟᱹᱴᱤᱧ ᱥᱟᱯᱲᱟᱣ
ᱱᱚᱣᱟ ᱠᱮᱪᱮᱫ ᱪᱤᱠᱤ ᱠᱚ ᱵᱷᱟᱜᱤ ᱞᱮᱠᱟ ᱟᱲᱟᱝ ᱠᱟᱛᱮ ᱵᱤᱰᱟᱹᱣ ᱞᱮᱠᱷᱟᱱ ᱧᱮᱞᱚᱜ ᱟ I ᱚᱱᱟ ᱠᱚ ᱢᱩᱫ ᱨᱮᱦᱚ ᱟᱭᱢᱟ ᱯᱷᱟᱨᱟᱠ ᱢᱮᱱᱟᱜ ᱟ I ᱠᱮᱪᱮᱫ ᱟᱲᱟᱝ ᱨᱮᱭᱟᱜ ᱱᱚᱣᱟ ᱡᱩᱫᱟᱹ ᱪᱮᱛᱟᱱ ᱴᱮᱦᱟᱴ ᱠᱟᱛᱮ ᱱᱚᱣᱟ ᱪᱤᱠᱤ ᱫᱚ ᱯᱩᱱ ᱛᱷᱚᱠ ᱛᱮ ᱦᱟᱹᱴᱤᱧ ᱢᱮᱱᱟᱜ ᱟ I ᱱᱚᱣᱟ ᱦᱟᱹᱴᱤᱧ ᱠᱚᱫᱚ - (1) ᱯᱟᱨᱦᱟᱲ ᱠᱮᱪᱮᱫ ᱟᱲᱟᱝ ᱪᱤᱠᱤ (2) ᱛᱟᱹᱯᱩᱜ ᱠᱮᱪᱮᱫ ᱟᱲᱟᱝ ᱪᱤᱠᱤ (3) ᱨᱟᱲᱟᱝ ᱠᱮᱪᱮᱫ ᱟᱲᱟᱝ ᱪᱤᱠᱤ (4) ᱡᱮᱛᱞᱮᱫ ᱠᱮᱪᱮᱫ ᱟᱲᱟᱝ ᱪᱤᱠᱤ I
ᱯᱟᱨᱦᱟᱲ ᱠᱮᱪᱮᱫ ᱟᱲᱟᱝ ᱪᱤᱠᱤ ᱥᱟᱯᱲᱟᱣ
ᱡᱟᱦᱟ ᱠᱮᱪᱮᱫ ᱟᱲᱟᱝ ᱪᱤᱠᱤ ᱨᱚᱲ ᱥᱮ ᱟᱲᱟᱝ ᱚᱠᱟ ᱥᱟᱰᱮ ᱛᱮᱫ ᱠᱟᱱᱴᱟ ᱠᱷᱚᱱ ᱥᱚᱡᱦᱮ ᱵᱟᱝ ᱩᱰᱩᱠ ᱠᱟᱛᱮ ᱢᱚᱪᱟ ᱨᱮ ᱯᱟᱨᱦᱟᱲ ᱛᱟᱞᱟ ᱛᱮ ᱟᱲᱟᱝᱚᱜ ᱟ, ᱚᱱᱠᱟᱱᱟᱜ ᱫᱚ ᱯᱟᱨᱦᱟᱲ ᱠᱮᱪᱮᱫ ᱟᱲᱟᱝ ᱪᱤᱠᱤ ᱠᱚ ᱢᱮᱛᱟᱜ ᱟ I ᱡᱮᱞᱮᱠᱟ - ᱚᱞ ᱪᱤᱠᱤ ᱨᱮᱭᱟᱜ ᱫᱚᱥᱟᱨ ᱛᱷᱟᱠ ᱨᱮ ᱢᱮᱱᱟᱜ ᱛ ᱠ ᱥ ᱪ ᱯ ᱴ ᱫᱚ ᱯᱟᱨᱦᱟᱲ ᱠᱮᱪᱮᱫ ᱟᱲᱟᱝ ᱪᱤᱠᱤ ᱠᱟᱱᱟ I
ᱱᱚᱣᱟ ᱫᱚ ᱡᱚᱛᱷᱚ ᱜᱮ ᱛᱩᱨᱩᱭ ᱜᱚᱴᱟᱝ ᱢᱮᱱᱟᱜ ᱟ I
ᱛᱟᱹᱯᱩᱜ ᱠᱮᱪᱮᱫ ᱟᱲᱟᱝ ᱪᱤᱠᱤ ᱥᱟᱯᱲᱟᱣ
ᱡᱟᱦᱟ ᱠᱮᱪᱮᱫ ᱟᱲᱟᱝ ᱪᱤᱠᱤ ᱟᱲᱟᱝ ᱥᱮ ᱨᱚᱲ ᱡᱚᱦᱚᱜ ᱢᱚᱪᱟ ᱨᱮᱭᱟᱜ ᱦᱚᱭ ᱢᱚᱪᱟ ᱨᱮᱜᱮ ᱛᱟᱹᱯᱩᱜ ᱛᱟᱦᱮ ᱜᱚᱫᱚᱜ ᱟ ᱟᱨ ᱱᱟᱥᱮ ᱥᱟᱰᱮ ᱨᱚᱝᱚᱜ ᱟ, ᱚᱱᱠᱟᱱ ᱟᱲᱟᱝ ᱨᱮᱭᱟᱜ ᱪᱤᱠᱤ ᱫᱚ ᱛᱟᱹᱯᱩᱜ ᱠᱮᱪᱮᱫ ᱟᱲᱟᱝ ᱪᱤᱠᱤ ᱠᱚ ᱢᱮᱛᱟᱹᱜ ᱟ I ᱡᱮᱞᱮᱠᱟ - ᱚᱞ ᱪᱤᱠᱤ ᱨᱮᱭᱟᱜ ᱛᱮᱥᱟᱨ ᱛᱷᱟᱠ ᱨᱮ ᱢᱮᱱᱟᱜ ᱜ ᱡ ᱦ ᱫ ᱰ ᱵ ᱫᱚ ᱛᱟᱹᱯᱩᱜ ᱠᱮᱪᱮᱫ ᱟᱲᱟᱝ ᱪᱤᱠᱤ ᱠᱟᱱᱟ I ᱢᱮᱱᱠᱷᱟᱱ ᱦ ᱟᱨ ᱰ ᱫᱚ ᱛᱟᱹᱯᱩᱜ ᱟᱲᱟᱝ ᱛᱮ ᱪᱟᱞᱟᱜ ᱨᱮ ᱦᱚ ᱟᱵᱚ ᱫᱚ ᱵᱟᱝ ᱵᱚᱱ ᱛᱟᱹᱯᱩᱜ ᱦᱚᱪᱚᱭᱮᱫᱟ I ᱱᱚᱣᱟ ᱠᱚᱦᱚ ᱡᱚᱛᱷᱚ ᱜᱮ ᱛᱩᱨᱩᱭ ᱜᱚᱴᱟᱝ ᱢᱮᱱᱟᱜ ᱟ I
ᱨᱟᱲᱟᱝ ᱠᱮᱪᱮᱫ ᱟᱲᱟᱝ ᱪᱤᱠᱤ ᱥᱟᱯᱲᱟᱣ
ᱡᱟᱦᱟ ᱠᱮᱪᱮᱫ ᱟᱲᱟᱝ ᱪᱤᱠᱤ ᱨᱚᱲᱟᱜ ᱡᱚᱦᱚᱜ ᱢᱚᱪᱟ ᱨᱮᱭᱟᱜ ᱦᱚᱭ ᱢᱩ ᱨᱮ ᱛᱟᱨᱠᱚᱜ ᱛᱮ ᱟᱲᱟᱝ ᱯᱷᱳᱴᱮᱞᱚᱜ ᱟ, ᱚᱱᱠᱟᱱ ᱪᱤᱠᱤ ᱫᱚ ᱨᱟᱲᱟᱝ ᱠᱮᱪᱮᱫ ᱟᱲᱟᱝ ᱪᱤᱠᱤ ᱠᱚ ᱢᱮᱛᱟᱜ ᱟ I ᱡᱮᱞᱮᱠᱟ - ᱝ ᱢ ᱧ ᱬ ᱱ ᱶ ᱠᱚᱫᱚ ᱨᱟᱲᱟᱝ ᱠᱮᱪᱮᱫ ᱟᱲᱟᱝ ᱪᱤᱠᱤ ᱠᱟᱱᱟ I ᱱᱚᱣᱟ ᱫᱚ ᱠᱚᱭᱮ ᱠᱷᱚᱱᱟᱜ ᱯᱩᱱ ᱟᱱᱟᱜ ᱛᱷᱟᱠ ᱨᱮ ᱢᱮᱱᱟᱜ ᱟ ᱟᱨ ᱛᱩᱨᱩᱭ ᱜᱚᱴᱟᱝ ᱟ I
ᱡᱮᱛᱞᱮᱫ ᱠᱮᱪᱮᱫ ᱟᱲᱟᱝ ᱪᱤᱠᱤ ᱥᱟᱯᱲᱟᱣ
ᱡᱟᱦᱟ ᱠᱮᱪᱮᱫ ᱪᱤᱠᱤ ᱨᱟᱲᱟᱝ ᱠᱮᱪᱮᱫ ᱟᱲᱟᱝ ᱪᱤᱠᱤ ᱵᱮᱜᱚᱨ ᱮᱴᱟᱜ ᱠᱮᱪᱮᱫ ᱪᱤᱠᱤ ᱴᱷᱮᱱ ᱡᱮᱛᱞᱮᱫ ᱫᱟᱲᱮᱭᱟᱜ ᱟ, ᱚᱱᱠᱟᱱ ᱪᱤᱠᱤ ᱫᱚ ᱡᱮᱛᱞᱮᱫ ᱠᱮᱪᱮᱫ ᱟᱲᱠᱝ ᱪᱤᱠᱤ ᱠᱚ ᱢᱮᱛᱟᱜ ᱟ I ᱡᱮᱞᱮᱠᱟ - ᱞ ᱣ ᱨ ᱭ ᱲ ᱷ ᱠᱚᱫᱚ ᱡᱮᱛᱞᱮᱫ ᱠᱮᱪᱮᱫ ᱟᱲᱟᱝ ᱪᱤᱠᱤ ᱠᱟᱱᱟ I ᱱᱚᱣᱟ ᱦᱚ ᱛᱩᱨᱩᱭ ᱜᱚᱴᱟᱝ ᱟ I ᱱᱚᱣᱟ ᱫᱚ ᱢᱚᱲᱮ ᱟᱱᱟᱜ ᱛᱷᱚᱠ ᱨᱮ ᱢᱮᱱᱟᱜ ᱟ I
ᱡᱟᱯᱟᱜ ᱟᱲᱟᱝ ᱪᱤᱠᱤ ᱥᱟᱯᱲᱟᱣ
ᱨᱟᱦᱟ ᱟᱲᱟᱝ ᱟᱨ ᱠᱮᱪᱮᱫ ᱟᱲᱟᱝ ᱪᱤᱠᱤ ᱵᱮᱜᱚᱨ ᱚᱞᱪᱤᱠᱤ ᱨᱮ ᱟᱨ ᱢᱤᱫ ᱞᱮᱠᱟᱱ ᱪᱤᱠᱤ ᱢᱮᱱᱟᱜ ᱟ, ᱚᱱᱟ ᱫᱚ ᱡᱟᱯᱟᱜ ᱟᱲᱟᱝ ᱪᱤᱠᱤ ᱠᱚ ᱪᱷᱟᱹᱴᱭᱟᱹᱨᱟᱜ ᱟ I ᱚᱱᱟ ᱪᱤᱠᱤ ᱠᱚ ᱟᱛᱮ ᱟᱹᱲᱟᱹ ᱜᱟᱵᱟᱱ ᱚᱠᱛᱚ ᱚᱱᱟ ᱠᱚᱫᱚ ᱮᱴᱟᱜ ᱟᱲᱟᱝ ᱨᱮ ᱡᱟᱰᱟᱜᱚᱜ ᱟ, ᱚᱱᱟ ᱛᱮ ᱱᱚᱣᱟ ᱪᱤᱠᱤ ᱫᱚ ᱡᱟᱰᱟᱜ ᱟᱲᱟᱝ ᱪᱤᱠᱤ ᱢᱮᱱᱛᱮ ᱠᱚ ᱧᱩᱢ ᱟᱠᱟᱫᱟ I ᱮ.ᱰᱮᱠᱷᱟᱱ ᱡᱟᱯᱟᱜ ᱟᱲᱟᱝ ᱨᱮᱭᱟᱜ ᱰᱮᱯᱤᱱᱮᱥᱟᱱ ᱞᱮᱠᱟᱛᱮ ᱞᱟᱹᱭ ᱜᱟᱱᱚᱜᱟ ᱚᱞᱪᱤᱠᱤ ᱨᱮᱭᱟᱜ ᱡᱟᱦᱟ ᱪᱤᱠᱤ ᱟᱯᱱᱟᱨ ᱥᱩᱢᱩᱝ ᱛᱮᱫᱚ ᱵᱟᱝ ᱟᱲᱟᱝ ᱚᱜ ᱟ, ᱮᱴᱟᱜ ᱪᱤᱠᱤ ᱨᱮ ᱡᱟᱯᱟᱜ ᱞᱮᱱ ᱟᱹᱱᱤᱡ ᱟᱲᱟᱝᱚᱜᱼᱟ ᱟᱨ ᱚᱱᱟᱛᱮ ᱮᱴᱟᱜ ᱪᱤᱠᱤ ᱨᱮᱭᱟᱜ ᱥᱟᱰᱮ ᱟᱹᱨᱩᱜ ᱟ I ᱚᱱᱠᱟᱱ ᱪᱤᱠᱤ ᱫᱚ ᱡᱟᱯᱟᱜ ᱟᱲᱟᱝ ᱪᱤᱠᱤ ᱠᱚ ᱢᱮᱛᱟᱜ ᱟ I ᱡᱮᱞᱮᱠᱟ - ᱢᱩ ᱴᱩᱰᱟᱹᱜ, ᱜᱟᱹᱦᱞᱟᱹ ᱴᱩᱰᱟᱹᱜ, ᱨᱮᱞᱟ, ᱯᱷᱟᱨᱠᱟ ᱟᱨ ᱚᱦᱚᱫ ᱠᱚᱫᱚ ᱡᱟᱯᱟᱜ ᱟᱲᱟᱝ ᱪᱤᱠᱤ ᱠᱟᱱᱟ I ᱱᱚᱣᱟ ᱡᱟᱯᱟᱜ ᱟᱲᱟᱝ ᱪᱤᱠᱤ ᱫᱚ ᱢᱚᱬᱮ ᱜᱚᱴᱟᱝ ᱢᱮᱱᱟᱜ ᱟ I
ᱢᱩ-ᱴᱩᱰᱟᱹᱜ ᱡᱟᱯᱟᱜ ᱪᱤᱠᱤ ᱥᱟᱯᱲᱟᱣ
" ' " ᱱᱚᱣᱟ ᱫᱚ ᱢᱩ ᱴᱩᱰᱟᱹᱜ ᱠᱟᱱᱟ I ᱱᱚᱣᱟ ᱫᱚ ᱨᱟᱦᱟ ᱟᱲᱟᱝ ᱪᱚᱴᱨᱮ ᱜᱷᱚᱲᱟ ᱞᱮᱱᱠᱷᱟᱱ ᱨᱟᱦᱟ ᱟᱲᱟᱝ ᱢᱩ ᱛᱮ ᱨᱚᱲᱟᱝᱚᱜᱼᱟ I ᱡᱮᱞᱮᱠᱟ - ᱠᱚ'ᱭᱮ, ᱠᱟ'ᱛ ᱟᱨ ᱠᱟ'ᱰᱟ ᱮᱢᱟᱱ ᱠᱚ I
ᱜᱟᱹᱦᱞᱟᱹ ᱴᱩᱰᱟᱹᱜ ᱡᱟᱯᱟᱜ ᱪᱤᱠᱤ ᱥᱟᱯᱲᱟᱣ
" . " ᱜᱟᱹᱦᱞᱟᱹ ᱴᱩᱰᱟᱹᱜ ᱫᱚ ᱨᱟᱦᱟ ᱟᱲᱟᱝ ᱪᱤᱠᱤ ᱯᱷᱮᱰ ᱨᱮ ᱡᱟᱯᱟᱜ ᱞᱮᱱᱠᱷᱟᱱ ᱨᱟᱦᱟ ᱟᱲᱟᱝ ᱜᱟᱹᱞᱦᱟᱹᱜ ᱟ I ᱡᱮᱞᱮᱠᱟ - ᱫᱟᱹᱲ, ᱨᱟᱹᱥᱠᱟᱹ ᱟᱨ ᱞᱟᱹᱣᱠᱟᱹ ᱮᱢᱟᱱ ᱠᱚ I
ᱨᱮᱞᱟ ᱡᱟᱯᱟᱜ ᱪᱤᱠᱤ ᱥᱟᱯᱲᱟᱣ
" ~ " ᱨᱮᱞᱟ ᱫᱚ ᱨᱟᱦᱟ ᱟᱲᱟᱝ ᱠᱚᱨᱮ ᱛᱚᱜᱮ ᱞᱮᱱᱠᱷᱟᱱ ᱨᱟᱦᱟ ᱟᱲᱟᱝ ᱡᱮᱞᱮᱧ ᱥᱟᱹᱦᱮᱡ ᱨᱮᱞᱟᱣᱚᱜ- ᱟ I ᱱᱚᱣᱟ ᱫᱚ ᱥᱮᱨᱮᱧ, ᱦᱚᱦᱚ, ᱨᱟᱜ ᱨᱚᱫᱷᱚᱱ ᱚᱠᱛᱚ ᱨᱟᱦᱟ ᱟᱲᱟᱝ ᱥᱟᱶ ᱛᱚᱜᱮᱜ ᱟ ᱟᱨ ᱨᱟᱦᱟ ᱠᱚ ᱨᱟᱹᱭᱞᱟᱹᱜ ᱟ I ᱡᱮᱞᱮᱠᱟ - ᱛᱟ~ᱦᱟ ~ᱨᱮ~ᱛᱟ, ᱮ ~ᱵᱟᱹᱵᱩ ᱟᱨ ᱵᱟᱹᱵᱩ~ᱭᱟ ᱮᱢᱟᱱ ᱠᱚ I
ᱯᱷᱟᱨᱠᱟ ᱡᱟᱯᱟᱜ ᱪᱤᱠᱤ ᱥᱟᱯᱲᱟᱣ
" - " ᱱᱚᱣᱟ ᱫᱚ ᱯᱷᱟᱨᱠᱟ ᱪᱤᱠᱤ ᱠᱟᱱᱟ I ᱱᱚᱣᱟ ᱫᱚ ᱡᱟᱦᱟᱱ ᱟᱹᱲᱟᱹ ᱚᱞ ᱛᱟᱞᱟ ᱨᱮ ᱞᱟᱜᱟᱛᱚᱜ ᱟ I ᱟᱨ ᱚᱱᱟ ᱛᱮ ᱟᱹᱲᱟᱹ ᱨᱮᱭᱟᱜ ᱟᱲᱟᱝ ᱯᱷᱟᱨᱠᱟᱣ ᱥᱮ ᱥᱟᱦᱟᱚᱜᱼᱟ I ᱨᱚᱲ ᱟᱲᱟᱝ ᱡᱟᱦᱟ ᱴᱷᱮᱱ ᱥᱟᱦᱟ ᱞᱟᱹᱠᱛᱤᱭᱟ ᱚᱰᱮ ᱜᱮ ᱯᱷᱟᱨᱠᱟ ᱫᱚ ᱞᱟᱜᱟᱚᱚᱜ - ᱟ I ᱡᱮᱢᱚᱱ - ᱦᱚᱲᱚᱜᱼᱟ, ᱚᱞᱚᱜᱼᱟ ᱟᱨ ᱠᱟᱹᱴᱤᱡᱼᱟ ᱮᱢᱟᱱ ᱠᱚ I
ᱚᱦᱚᱫ ᱡᱟᱯᱟᱜ ᱪᱤᱠᱤ ᱥᱟᱯᱲᱟᱣ
" ᱚᱦᱚᱫ " ᱫᱚ ᱢᱚᱪᱟ ᱨᱮᱭᱟᱜ ᱥᱟᱹᱦᱮᱫ ᱦᱚᱭ ᱱᱟᱥᱮ ᱩᱥᱠᱟᱹᱣ ᱩᱰᱩᱠ ᱨᱮᱭᱟᱜ ᱪᱤᱠᱤ ᱠᱟᱱᱟ I ᱱᱚᱣᱟ ᱫᱚ " ᱚ " ᱨᱮᱭᱟᱜ ᱱᱟᱥᱮ ᱛᱮᱫ ᱠᱟᱱᱟ I ᱱᱚᱣᱟ ᱫᱚ ᱛᱟᱹᱯᱩᱜ ᱟᱲᱟᱝ ᱚᱞ ᱠᱚᱨᱮ ᱡᱟᱯᱟᱜᱚᱜ ᱟ I ᱚᱱᱟ ᱩᱥᱠᱟᱹᱣ ᱦᱚᱭ ᱫᱟᱲᱮ ᱛᱮ ᱛᱟᱹᱯᱩᱜ ᱟᱲᱟᱝ ᱯᱟᱨᱦᱟᱲᱚᱜ ᱟ I ᱡᱮᱞᱮᱠᱟ - ᱜᱷᱟᱡ+ᱚᱦᱚᱫ+ ᱨᱟ ᱮᱢᱟᱱ ᱠᱚ I