ᱫᱷᱟᱨ ᱦᱚᱱᱚᱛ
ᱫᱷᱟᱨ ᱦᱚᱱᱚᱛ ᱫᱚ ᱛᱟᱞᱢᱟ ᱥᱤᱧᱚᱛ ᱨᱮ ᱢᱚᱫᱷᱭᱚ ᱯᱨᱚᱫᱮᱥ ᱯᱚᱱᱚᱛ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ᱫᱷᱟᱨ ᱨᱮᱱᱟᱜ ᱱᱟᱜᱟᱢᱤᱭᱟᱹ ᱥᱚᱦᱚᱨ ᱦᱚᱱᱚᱛ ᱨᱮᱱᱟᱜ ᱥᱟᱥᱚᱱ ᱪᱟᱪᱞᱟᱣ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾
| ᱫᱷᱟᱨ ᱦᱚᱱᱚᱛ | |
|---|---|
| ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱦᱚᱱᱚᱛ | |
.jpg) | |
 ᱫᱷᱟᱨ ᱦᱚᱱᱚᱛ ᱨᱮᱱᱟᱜ ᱴᱷᱟᱶ ᱢᱚᱫᱷᱭᱚ ᱯᱨᱚᱫᱮᱥ ᱨᱮ | |
| ᱫᱤᱥᱚᱢ | ᱥᱤᱧᱚᱛ |
| ᱯᱚᱱᱚᱛ | ᱢᱚᱫᱷᱭᱚ ᱯᱨᱚᱫᱮᱥ |
| ᱛᱷᱚᱱᱚᱛ | ᱤᱱᱫᱳᱨ |
| ᱦᱮᱰᱠᱩᱣᱟᱴᱚᱨ | ᱫᱷᱟᱨ |
| ᱥᱚᱨᱠᱟᱨ | |
| • ᱫᱤᱥᱚᱢ ᱫᱚᱨᱵᱟᱨ ᱵᱟᱪᱷᱱᱟᱣ | ᱫᱷᱟᱨ |
| • ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ | ᱥᱟᱨᱫᱟᱨᱯᱩᱨ (᱑᱙᱖) ᱜᱟᱱᱫᱷᱣᱟᱱᱤ (᱑᱙᱗) ᱠᱩᱠᱥᱤ (᱑᱙᱘) ᱢᱟᱱᱟᱣᱟᱨ (᱑᱙᱙) ᱫᱷᱚᱨᱚᱢᱯᱩᱨᱤ (᱒᱐᱐) ᱫᱷᱟᱨ (᱒᱐᱑) ᱵᱟᱲᱱᱚᱜᱚᱨ (᱒᱐᱒) |
| ᱮᱨᱤᱭᱟ | |
| • ᱜᱩᱴ | 8153 ᱠᱤᱢᱤ২ (3148 ᱜᱟᱺᱴ ᱢᱟᱭᱤᱞ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱜᱩᱴ | ᱒,᱑᱘᱕,᱗᱙᱓ |
| • ᱰᱮᱱᱥᱤᱴᱤ | 270/ᱠᱤᱢᱤ2 (690/ᱜᱟᱺᱴ ᱢᱟᱹᱭᱤᱞ) |
| ᱦᱚᱲ ᱮᱞ | |
| • ᱥᱮᱪᱮᱫ | ᱖᱐.᱕᱗ ᱥᱟᱭ ᱠᱚᱲᱟ |
| • ᱡᱟᱱᱟᱝ | ᱙᱖᱑ |
| IST (ᱭᱩᱴᱤᱥᱤ+05:30) | |
| ᱣᱮᱵᱽᱥᱟᱭᱤᱴ | http://dhar.mp.gov.in/ District Admin |
ᱦᱚᱱᱚᱛ ᱨᱮᱱᱟᱜ ᱚᱥᱟᱨ ᱵᱤᱥᱟᱨ ᱘,᱑᱕᱓ ᱜᱟᱺᱴ ᱠᱤᱞᱚᱢᱤᱴᱚᱨ ᱢᱮᱱᱟᱜᱼᱟ ᱾ ᱱᱚᱣᱟ ᱠᱚᱧᱮ ᱨᱮ ᱨᱚᱛᱞᱚᱢ, ᱠᱚᱧᱮ ᱥᱟᱢᱟᱝ ᱨᱮ ᱩᱡᱽᱡᱮᱱ, ᱥᱟᱢᱟᱝ ᱨᱮ ᱤᱱᱫᱳᱨ, ᱮᱛᱚᱢ ᱨᱮ ᱠᱷᱟᱨᱜᱚᱱ (ᱯᱟᱪᱮ ᱱᱤᱢᱟᱰ), ᱮᱛᱚᱢ ᱨᱮ ᱵᱟᱲᱣᱟᱱᱤ, ᱡᱷᱟᱵᱩᱣᱟ ᱟᱨ ᱟᱞᱤᱨᱟᱡᱽᱯᱩᱨ ᱞᱮᱠᱟᱛᱮ ᱮᱥᱮᱫ ᱟᱠᱟᱱᱟ ᱾ ᱱᱚᱣᱟ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱤᱱᱫᱚᱨ ᱰᱤᱵᱤᱡᱚᱱ ᱨᱮᱱᱟᱜ ᱴᱷᱟᱶ ᱠᱟᱱᱟ ᱾
ᱚᱛᱱᱚᱜ ᱥᱟᱯᱲᱟᱣ
ᱵᱤᱸᱫᱷᱭᱟ ᱨᱮᱸᱡᱽ ᱦᱚᱱᱚᱛ ᱨᱮᱱᱟᱜ ᱛᱟᱞᱟ ᱠᱷᱚᱱ ᱥᱟᱢᱟᱝ ᱟᱨ ᱯᱟᱪᱮ ᱨᱮ ᱪᱟᱞᱟᱜ ᱟ ᱾ ᱦᱚᱱᱚᱛ ᱨᱮᱱᱟᱜ ᱠᱚᱧᱮ ᱥᱮᱫ ᱢᱟᱞᱣᱟ ᱵᱩᱨᱩ ᱜᱚᱰᱟ ᱨᱮ ᱢᱮᱱᱟᱜᱼᱟ ᱾ ᱦᱚᱱᱚᱛ ᱠᱚᱧᱮᱼᱯᱟᱪᱮ ᱥᱮᱫ ᱢᱟᱦᱤ ᱜᱟᱰᱟ ᱟᱨ ᱚᱱᱟ ᱮᱴᱟᱜ ᱜᱟᱰᱟ ᱨᱮᱱᱟᱜ ᱫᱟᱦ ᱴᱚᱴᱷᱟ ᱨᱮ ᱢᱮᱱᱟᱜᱼᱟ, ᱟᱫᱚ ᱦᱚᱱᱚᱛ ᱨᱮᱱᱟᱜ ᱠᱚᱧᱮ ᱥᱟᱢᱟᱝ ᱥᱮᱫ ᱪᱚᱢᱵᱚᱞ ᱜᱟᱰᱟ ᱨᱮᱱᱟᱜ ᱫᱟᱦ ᱴᱚᱴᱷᱟ ᱨᱮ ᱢᱮᱱᱟᱜᱼᱟ, ᱟᱫᱚ ᱡᱟᱢᱩᱱᱟ ᱜᱟᱰᱟ ᱛᱟᱞᱟ ᱠᱷᱚᱱ ᱜᱟᱝᱱᱟᱹᱭ ᱨᱮ ᱥᱮᱱᱟᱜᱼᱟ ᱾ ᱵᱤᱸᱫᱷᱭᱟ ᱨᱮᱱᱟᱜ ᱦᱚᱱᱚᱛ ᱨᱮᱱᱟᱜ ᱮᱛᱚᱢ ᱨᱮᱱᱟᱜ ᱴᱷᱟᱶ ᱱᱟᱨᱢᱟᱫᱟ ᱜᱟᱰᱟ ᱨᱮᱱᱟᱜ ᱫᱟᱦ ᱴᱚᱴᱷᱟ ᱨᱮ ᱢᱮᱱᱟᱜᱼᱟ, ᱟᱫᱚ ᱦᱚᱱᱚᱛ ᱨᱮᱱᱟᱜ ᱮᱛᱚᱢ ᱥᱤᱢᱟᱹ ᱵᱮᱱᱟᱣ ᱟ ᱾
ᱰᱤᱵᱤᱡᱚᱱ ᱥᱟᱯᱲᱟᱣ
ᱫᱷᱟᱨ ᱦᱚᱱᱚᱛ ᱫᱚ ᱕ ᱥᱟᱵᱽ-ᱰᱤᱵᱤᱡᱚᱱ ᱨᱮ ᱦᱟᱹᱴᱤᱧ ᱟᱠᱟᱱᱟ : ᱫᱷᱟᱨ, ᱥᱚᱨᱫᱟᱨᱯᱩᱨ, ᱵᱟᱫᱟᱱᱣᱟᱨ, ᱢᱟᱱᱣᱟᱨ ᱟᱨ ᱠᱩᱠᱥᱤ ᱾ ᱱᱚᱣᱟ ᱥᱟᱵᱽ-ᱰᱤᱵᱤᱡᱚᱱ ᱫᱚ ᱢᱟᱲᱟᱝ ᱗ ᱛᱟᱦᱥᱤᱞ ᱨᱮ ᱦᱟᱴᱤᱧ ᱟᱠᱟᱱᱟ : ᱫᱷᱟᱨ, ᱵᱟᱫᱟᱱᱣᱟᱨ, ᱫᱷᱚᱨᱚᱢᱯᱩᱨᱤ, ᱥᱚᱨᱫᱟᱨᱯᱩᱨ, ᱢᱟᱱᱟᱣᱟᱨ, ᱠᱩᱠᱥᱤ ᱟᱨ ᱜᱟᱱᱫᱷᱣᱟᱱᱤ ᱾
ᱱᱚᱣᱟ ᱦᱚᱱᱚᱛ ᱨᱮ ᱮᱭᱟᱭ ᱵᱤᱫᱷᱟᱱ ᱥᱚᱵᱷᱟ ᱴᱚᱴᱷᱟ ᱢᱮᱱᱟᱜᱼᱟ : ᱥᱚᱨᱫᱟᱨᱯᱩᱨ, ᱜᱟᱱᱫᱷᱣᱟᱱᱤ, ᱠᱩᱠᱥᱤ, ᱢᱟᱱᱟᱣᱟᱨ, ᱫᱷᱚᱨᱚᱢᱯᱩᱨᱤ, ᱫᱷᱟᱨ ᱟᱨ ᱵᱟᱫᱟᱱᱣᱟᱨ ᱾ ᱱᱚᱣᱟ ᱡᱚᱛᱚ ᱱᱤᱭᱟᱹ ᱦᱚᱱᱚᱛ ᱨᱮᱱᱟᱜ ᱢᱤᱫᱴᱟᱹᱝ ᱞᱳᱠᱥᱚᱵᱷᱟ ᱴᱚᱴᱷᱟ ᱨᱮᱱᱟᱜ ᱴᱷᱟᱶ ᱢᱮᱱᱟᱜᱼᱟ : ᱫᱷᱟᱨ ᱾
ᱦᱚᱲ ᱮᱞ ᱥᱟᱯᱲᱟᱣ
᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱫᱷᱟᱨ ᱦᱚᱱᱚᱛ ᱨᱮᱱᱟᱜ ᱦᱚᱲ ᱮᱞ ᱒᱑,᱘᱕,᱗᱙᱓ ᱦᱚᱲ ᱢᱮᱱᱟᱜ ᱠᱚᱣᱟ,[᱑] ᱫᱷᱟᱨᱟ ᱫᱷᱟᱨᱤ ᱞᱟᱛᱵᱷᱤᱭᱟ ᱫᱤᱥᱚᱢ ᱥᱚᱢᱟᱱ[᱒] ᱟᱨᱵᱟᱝ ᱱᱤᱭᱩ ᱢᱮᱠᱥᱤᱠᱳ ᱨᱮᱱᱟᱜ ᱟᱢᱮᱨᱤᱠᱟ ᱯᱚᱱᱚᱛ ᱾[᱓] ᱱᱤᱭᱟᱹ ᱥᱤᱧᱚᱛ ᱨᱮ ᱒᱐᱘ ᱟᱱᱟᱜ (ᱜᱩᱴ ᱖᱔᱐ ᱦᱚᱱᱚᱛ ᱠᱷᱚᱱ) ᱨᱮᱸᱠᱤᱝ ᱨᱮ ᱢᱮᱱᱟᱜᱼᱟ ᱾[᱑] ᱦᱚᱱᱚᱛ ᱨᱮᱱᱟᱜ ᱦᱚᱲ ᱮᱞ ᱰᱮᱱᱥᱤᱴᱤ ᱒᱖᱘ ᱛᱟᱦᱮᱸ ᱠᱟᱱᱟ ᱠᱚ ᱜᱚᱴᱟ ᱜᱟᱺᱴ ᱠᱤᱞᱚᱢᱤᱴᱚᱨ (᱖᱙᱐ ᱜᱟᱺᱴ ᱢᱟᱭᱤᱞ) ᱢᱮᱱᱟᱜ ᱠᱚᱣᱟ ᱾[᱑] ᱒᱐᱐᱑-᱒᱐᱑᱑ ᱨᱮᱱᱟᱜ ᱜᱮᱞ ᱥᱮᱨᱢᱟ ᱨᱮ ᱱᱚᱸᱰᱮ ᱱᱟᱜ ᱦᱚᱲ ᱮᱞ ᱜᱨᱚᱛᱷ ᱫᱚᱨ ᱫᱚ ᱒᱕.᱕᱓% ᱛᱟᱦᱮᱸ ᱠᱟᱱᱟ ᱾[᱑] ᱫᱷᱟᱨ ᱨᱮ ᱜᱚᱴᱟ ᱑᱐᱐᱐ ᱠᱚᱲᱟ ᱨᱮ ᱙᱖᱑ ᱛᱤᱨᱞᱟᱹ ᱟᱜ ᱡᱟᱱᱟᱝ ᱡᱟᱹᱱᱤ ᱢᱮᱱᱟᱜᱼᱟ,[᱑] ᱟᱨ ᱥᱮᱪᱮᱫ ᱫᱚᱨ ᱫᱚ ᱖᱐.᱕᱗% ᱢᱮᱱᱟᱜᱼᱟ ᱾[᱑]
ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱚᱠᱛᱚ, ᱦᱚᱱᱚᱛ ᱨᱮ ᱘᱒.᱘᱓% ᱦᱚᱲ ᱫᱚ ᱦᱤᱱᱫᱤ, ᱑᱕.᱕᱕% ᱵᱷᱤᱞᱤ, ᱐.᱕᱕% ᱩᱨᱫᱩ ᱟᱨ ᱐.᱔᱓% ᱢᱚᱨᱟᱴᱷᱤ ᱫᱚ ᱟᱡᱟᱜ ᱢᱟᱲᱟᱝ ᱯᱟᱹᱨᱥᱤ ᱞᱮᱠᱟᱛᱮ ᱞᱟᱹᱭᱟ ᱾[᱔]
| ᱦᱚᱲ ᱮᱞᱥᱚᱝ ᱱᱟᱜᱟᱢ | ||
|---|---|---|
| ᱥᱮᱨᱢᱟ | ᱦᱚᱲ. | ±% ᱥᱮ.ᱯᱤ. |
| ᱑᱙᱐᱑ | ᱒᱙᱓,᱑᱐᱓ | — |
| ᱑᱙᱑᱑ | ᱓᱔᱓,᱒᱕᱖ | +1.59% |
| ᱑᱙᱒᱑ | ᱓᱙᱓,᱕᱗᱗ | +1.38% |
| ᱑᱙᱓᱑ | ᱔᱓᱒,᱔᱘᱒ | +0.95% |
| ᱑᱙᱔᱑ | ᱔᱗᱓,᱗᱒᱑ | +0.91% |
| ᱑᱙᱕᱑ | ᱕᱐᱓,᱙᱖᱕ | +0.62% |
| ᱑᱙᱖᱑ | ᱖᱔᱓,᱗᱗᱔ | +2.48% |
| ᱑᱙᱗᱑ | ᱘᱔᱒,᱔᱐᱐ | +2.73% |
| ᱑᱙᱘᱑ | ᱑,᱐᱕᱗,᱔᱖᱙ | +2.30% |
| ᱑᱙᱙᱑ | ᱑,᱓᱖᱗,᱔᱑᱒ | +2.60% |
| ᱒᱐᱐᱑ | ᱑,᱗᱔᱐,᱓᱒᱙ | +2.44% |
| ᱒᱐᱑᱑ | ᱒,᱑᱘᱕,᱗᱙᱓ | +2.31% |
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ ᱑.᱐ ᱑.᱑ ᱑.᱒ ᱑.᱓ ᱑.᱔ ᱑.᱕ "District Census 2011". Census2011.co.in. 2011. Retrieved 2011-09-30.
- ↑ US Directorate of Intelligence. "Country Comparison:Population". Archived from the original on 2011-09-27. Retrieved 2011-10-01.
Latvia 2,204,708 July 2011 est.
- ↑ "2010 Resident Population Data". U. S. Census Bureau. Archived from the original on 19 October 2013. Retrieved 2011-09-30.
New Mexico - 2,059,179
- ↑ 2011 Census of India, Population By Mother Tongue
- ↑ Decadal Variation In Population Since 1901
ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ
| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱫᱷᱟᱨ ᱦᱚᱱᱚᱛ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |