ᱮᱱᱤᱢᱮᱥᱚᱱ (ᱤᱝᱨᱟᱹᱡᱤ: Animation) ᱫᱚ ᱦᱚᱭᱚᱜ ᱠᱟᱱᱟ ᱛᱷᱤᱨ ᱛᱟᱦᱮᱱ ᱪᱤᱛᱟᱹᱨ ᱨᱮᱭᱟᱜ ᱢᱤᱫ ᱞᱮᱛᱟᱲ ᱦᱚᱨᱟ, ᱚᱠᱟ ᱫᱚ ᱢᱤᱫ ᱠᱷᱟᱥ ᱦᱚᱨᱟ ᱨᱟᱞᱟ ᱛᱮ ᱧᱮᱞ ᱞᱮᱠᱷᱟᱱ ᱢᱤᱫ ᱥᱮᱱᱚᱜ ᱞᱮᱠᱟ ᱜᱮ ᱧᱮᱞᱚᱜᱼᱟ᱾ ᱟᱞᱜᱟ ᱠᱟᱛᱷᱟ ᱛᱮ ᱱᱤᱭᱟᱹ ᱨᱮᱭᱟᱜ ᱢᱮᱱᱮᱛ ᱫᱚ "ᱥᱮᱱᱚᱜ ᱪᱤᱛᱟᱹᱨ" ᱠᱚ ᱢᱮᱛᱟᱣᱟᱜᱼᱟ᱾ ᱥᱤᱱᱮᱢᱟ ᱨᱮᱭᱟᱜ ᱟᱨ ᱮᱱᱤᱢᱮᱥᱚᱱ ᱨᱮᱭᱟᱜ ᱩᱱᱩᱨᱩᱢ ᱟᱨ ᱠᱟᱨᱤᱜᱚᱨ ᱟᱹᱨᱤ ᱫᱚ ᱢᱤᱫ ᱜᱮᱭᱟ᱾ ᱥᱤᱱᱮᱢᱟ ᱨᱮᱭᱟᱜ ᱩᱱᱩᱨᱩᱢ ᱮᱱᱤᱢᱮᱥᱚᱱ ᱨᱮ ᱦᱚᱸ ᱴᱚᱯᱟᱨ ᱮᱥᱫᱚᱜ ᱠᱟᱱᱟ᱾ ᱵᱮᱜ ᱵᱮᱱᱟᱜ ᱦᱚᱨᱟ ᱛᱮ ᱟᱭᱢᱟ ᱥᱤᱱᱮᱢᱟ ᱢᱟ ᱫᱚ ᱡᱤᱣᱤᱫ ᱠᱟᱹᱢᱤ (live action), ᱥᱮ ᱮᱱᱤᱢᱮᱥᱚᱱ ᱵᱟᱨᱭᱟ ᱯᱷᱟᱭᱞᱟᱣ ᱦᱟᱹᱴᱤᱧ ᱨᱮ ᱵᱚᱱ ᱦᱟᱹᱴᱤᱧ ᱫᱟᱲᱮᱭᱟᱜᱼᱟ᱾ ᱡᱤᱣᱮᱫ ᱥᱮᱱᱚᱜ ᱥᱤᱱᱮᱢᱟ ᱵᱮᱱᱟᱣ ᱞᱟᱹᱜᱤᱫ ᱪᱟᱞᱟᱣ ᱡᱤᱱᱤᱥ ᱢᱤᱫᱴᱮᱱ ᱠᱮᱢᱮᱨᱟ ᱨᱮᱭᱟᱜ ᱜᱚᱜ-ᱲᱚ ᱛᱮ ᱚᱠᱛᱮ ᱨᱮᱭᱟᱜ ᱯᱤᱞᱤᱧ ᱯᱤᱩᱞᱤᱧ (ᱥᱩᱨ ᱥᱩᱯᱩᱨ ᱛᱮ ᱥᱮᱠᱮᱱᱰ ᱨᱮ ᱒᱔ ᱜᱚᱴᱟᱝ) ᱯᱷᱚᱴᱚ ᱠᱚ ᱨᱟᱠᱟᱵᱟ᱾ ᱱᱚᱣᱟ ᱪᱤᱛᱟᱹᱨ ᱨᱮ ᱪᱟᱞᱟᱜ ᱟᱭᱢᱟ ᱡᱤᱱᱤᱥ ᱟᱭᱢᱟ ᱚᱠᱛᱮ ᱨᱮᱭᱟᱜ ᱯᱷᱚᱴᱚ ᱛᱷᱤᱨ ᱠᱟᱛᱮ ᱥᱤᱱᱮᱢᱟ ᱠᱚ ᱵᱮᱱᱟᱣᱟ᱾ ᱟᱭᱢᱟ ᱪᱤᱛᱟᱹᱨ ᱜᱮ ᱢᱤᱢᱤᱫ ᱜᱚᱴᱟᱝ 'ᱯᱷᱨᱮᱢ' ᱠᱚ ᱢᱮᱛᱟᱣᱟᱜᱼᱟ᱾ ᱛᱟᱭᱚᱢ ᱛᱮ ᱯᱨᱚᱡᱮᱠᱴᱚᱨ ᱨᱮᱭᱟᱜ ᱜᱚᱜ-ᱲᱚ ᱛᱮ ᱱᱤᱭᱟᱹ ᱯᱷᱨᱮᱢ ᱠᱚ ᱫᱚ ᱢᱤᱫ ᱞᱮᱛᱟᱲ ᱫᱚᱦᱚ ᱠᱟᱛᱮ ᱯᱚᱨᱫᱟ ᱨᱮ ᱠᱚ ᱩᱫᱩᱜ ᱥᱚᱫᱚᱨᱟ᱾

ᱫᱚᱫᱚᱱ ᱠᱟᱱ ᱵᱚᱞ ᱫᱚ ᱮᱱᱤᱢᱮᱥᱚᱱ ᱛᱮ, (ᱞᱟᱛᱟᱨ ᱨᱮᱭᱟᱜ ᱪᱤᱛᱟᱹᱨ) ᱱᱤᱭᱟᱹ ᱮᱱᱤᱢᱮᱥᱚᱱ ᱪᱮᱛᱟᱵᱱ ᱨᱮ ᱛᱩᱨᱩᱭ ᱜᱚᱴᱟᱝ ᱮᱴᱟᱜ ᱮᱴᱟᱜ ᱯᱷᱨᱮᱢ ᱨᱮ ᱥᱮᱞᱮᱫ ᱠᱟᱛᱮ ᱥᱤᱨᱡᱟᱹᱣ ᱟᱠᱟᱱᱟ᱾

ᱱᱤᱭᱟᱹ ᱮᱱᱤᱢᱮᱥᱚᱱ ᱨᱮ ᱫᱚ ᱢᱤᱫ ᱴᱤᱸᱲ ᱾ ᱪ ᱨᱮ ᱜᱮᱞ ᱜᱚᱴᱟᱝ ᱯᱷᱨᱮᱢ ᱩᱫᱩᱜ ᱟᱠᱟᱱᱟ᱾

ᱮᱱᱤᱢᱮᱥᱚᱱ ᱟᱹᱲᱟᱹ ᱚᱢᱚᱱ ᱥᱟᱯᱲᱟᱣ

ᱞᱟᱴᱤᱱ ᱯᱟᱹᱨᱥᱤ ᱨᱮᱭᱟᱜ ᱟᱹᱲᱟᱹ anima (ᱡᱤᱣᱤ/soul), ᱱᱤᱭᱟᱹ ᱨᱮᱭᱟᱜ ᱠᱟᱱᱣᱟ ᱟᱹᱲᱟᱹ ᱫᱚ ᱦᱚᱭᱚᱜ ᱠᱟᱱᱟ Animate᱾ Animate ᱟᱹᱲᱟᱹ ᱨᱮᱭᱟᱜ ᱢᱮᱱᱮᱛ ᱫᱚ ᱦᱚᱭᱚᱜ ᱠᱟᱱᱟ ᱡᱤᱣᱤ ᱮᱢ᱾ ᱛᱟᱦᱟᱸ ᱢᱤᱫ ᱵᱤᱱ ᱡᱤᱣᱤᱭᱟᱱ ᱟᱜ ᱡᱤᱱᱤᱥ ᱡᱤᱣᱤ ᱮᱢ ᱜᱮ ᱵᱩᱡᱷᱟᱹᱣᱚᱜ ᱠᱟᱱᱟ᱾ ᱮᱱᱤᱢᱮᱥᱚᱱ ᱫᱚ ᱵᱤᱱ ᱡᱤᱣᱤ ᱥᱮ ᱛᱷᱤᱨ ᱦᱟᱯᱮ ᱪᱤᱛᱟᱹᱨ ᱥᱮᱱ ᱚᱪᱚ ᱠᱟᱛᱮ "ᱡᱤᱣᱤ ᱮᱢ ᱦᱚᱭᱚᱜ ᱠᱟᱱᱟ" ᱛᱮ ᱜᱮ ᱱᱤᱭᱟᱹ ᱫᱚ ᱮᱱᱤᱢᱮᱥᱚᱱ ᱠᱚ ᱢᱮᱛᱟᱣᱟᱜ ᱠᱟᱱᱟ᱾

ᱮᱱᱤᱢᱮᱥᱚᱱ ᱨᱮᱭᱟᱜ ᱱᱟᱜᱟᱢ ᱥᱟᱯᱲᱟᱣ

ᱛᱷᱤᱨ ᱪᱤᱛᱟᱹᱨ ᱥᱮᱱ ᱚᱪᱚᱭ ᱨᱮᱭᱟᱜ ᱠᱩᱨᱩᱢᱩᱴᱩ ᱫᱚ ᱱᱟᱜᱟᱢ ᱵᱟᱭ ᱴᱚᱯᱟᱨ ᱥᱮᱫᱽ ᱡᱩᱜᱽ ᱠᱷᱚᱱ ᱜᱮ ᱦᱮᱡ ᱟᱹᱜᱩ ᱟᱠᱟᱱᱟ᱾ ᱓᱕,᱐᱐᱐ ᱥᱮᱨᱢᱟ ᱢᱟᱲᱟᱝ ᱠᱷᱚᱱ ᱜᱮ ᱰᱚᱱᱰᱷᱚᱨ ᱨᱮ ᱯᱚᱱ ᱡᱟᱝᱜᱟ ᱡᱟᱱᱣᱟᱨ ᱟᱜ ᱡᱟᱭᱜᱟ ᱨᱮ ᱤᱨᱟᱹᱞ ᱜᱚᱴᱟᱝ ᱡᱟᱝᱜᱟ ᱠᱨᱮᱭᱟᱜ ᱪᱤᱛᱟᱹᱨ ᱵᱮᱱᱟᱣ ᱠᱟᱛᱮ ᱚᱱᱟ ᱪᱤᱛᱟᱹᱨ ᱥᱮᱱ ᱚᱪᱚᱭ ᱨᱮᱭᱟᱜ ᱠᱩᱨᱩᱢᱩᱴᱩ ᱦᱚᱭ ᱟᱠᱟᱱᱟ᱾ ᱢᱟᱹᱥᱤ ᱢᱟᱲᱟᱝ ᱑,᱖᱐᱐ ᱥᱟᱭᱟᱱᱟᱜ ᱥᱮᱨᱢᱟ ᱚᱠᱛᱮ ᱨᱮ ᱢᱤᱥᱚᱨ ᱫᱤᱥᱚᱢ ᱨᱮᱱ ᱯᱷᱟᱨᱟᱣ ᱨᱟᱢᱥᱮᱥ-ᱮ ᱵᱮᱱᱟᱣ ᱚᱪᱚ ᱞᱮᱫ ᱫᱮᱵᱤ ᱟᱭᱥᱤᱥ ᱭᱟᱜ ᱢᱩᱱᱫᱤᱞ ᱨᱮ ᱦᱚᱸ ᱑᱑᱐ ᱜᱚᱴᱟᱝ ᱠᱷᱟᱢ ᱠᱷᱩᱱᱴᱤ ᱛᱟᱦᱮᱸ ᱠᱟᱱᱟ᱾ ᱢᱤᱢᱤᱫ ᱜᱚᱴᱟᱝ ᱠᱷᱟᱢ ᱠᱷᱩᱱᱴᱤ ᱨᱮ ᱢᱤᱫ ᱴᱮᱱ ᱫᱮᱵᱤ ᱭᱟᱜ ᱥᱮᱱ ᱱᱟᱝ ᱵᱚᱫᱚᱞ ᱞᱟᱹᱜᱤᱫ ᱱᱟᱥᱮ ᱱᱟᱥᱮ ᱯᱷᱮᱨᱟᱣ ᱦᱚᱭ ᱟᱠᱟᱱᱟ᱾ ᱢᱮᱟ ᱠᱚ ᱟᱹᱰᱤ ᱯᱷᱩᱨᱛᱤ ᱥᱟᱜᱟᱲ ᱤᱫᱤ ᱨᱮᱭᱟᱜ ᱪᱤᱛᱟᱹᱨ ᱩᱫᱩᱜ ᱠᱩᱨᱩᱢᱩᱴᱩ ᱦᱚᱭ ᱟᱠᱟᱱᱟ᱾ ᱥᱮᱫᱟᱭ ᱜᱽᱨᱤᱠ ᱠᱚ ᱦᱚᱸ ᱦᱟᱥᱟ ᱨᱮᱭᱟᱜ ᱵᱟᱡᱟᱱ ᱵᱮᱱᱟᱣ ᱠᱟᱛᱮ ᱵᱮᱲᱦᱟᱭ ᱛᱮ ᱦᱚᱲᱟᱜ ᱪᱤᱛᱟᱹᱨ ᱵᱚᱫᱚᱞ ᱥᱮᱱᱚᱜ ᱨᱮᱭᱟᱜ ᱠᱚ ᱠᱩᱨᱩᱢᱩᱴᱩ ᱟᱠᱟᱫᱟ᱾

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ