ᱯᱚᱠᱳᱲᱟ
ᱯᱚᱠᱳᱲᱟ (pəˈkoːɽaː) ᱫᱚ ᱢᱤᱫ ᱥᱩᱱᱩᱢ ᱨᱮ ᱪᱦᱟᱹᱱᱤ ᱟᱠᱟᱱ ᱢᱤᱫ ᱡᱚᱢᱟᱜ ᱡᱤᱱᱤᱥ ᱠᱟᱱᱟ ᱾ ᱯᱚᱠᱚᱲᱟ ᱫᱚ ᱯᱩᱠᱲᱤ ᱦᱚᱸ ᱠᱚ ᱢᱮᱛᱟᱜ ᱜᱮᱭᱟ ᱾ ᱱᱚᱶᱟ ᱨᱮᱱᱟᱜ ᱥᱤᱨᱤᱡᱽ ᱫᱚ ᱥᱤᱧᱚᱛ ᱨᱮ ᱦᱩᱭ ᱞᱮᱱᱟ ᱢᱮᱱᱛᱮ ᱠᱚ ᱢᱮᱱᱟ ᱾[᱑][᱒] ᱾ ᱵᱟᱹᱲᱛᱤ ᱠᱟᱛᱮ ᱱᱚᱶᱟ ᱫᱚ ᱥᱤᱧᱚᱛ, ᱵᱟᱝᱞᱟᱫᱤᱥᱟᱹᱢ, ᱱᱮᱯᱟᱲ ᱟᱨ ᱯᱟᱠᱤᱥᱛᱟᱱ ᱨᱮ ᱫᱚ ᱱᱚᱶᱟ ᱟᱹᱰᱤ ᱧᱩᱢ ᱟᱱᱟ ᱾ [᱓] ᱯᱚᱠᱳᱲᱟ ᱫᱚ ᱫᱟᱠᱟ ᱥᱟᱶ ᱟᱨᱵᱟᱝ ᱱᱚᱝᱠᱟ ᱛᱮ ᱡᱚᱢ ᱦᱚᱸ ᱟᱹᱰᱤ ᱜᱮ ᱥᱤᱵᱤᱞᱟᱱᱟ
.jpg)
ᱛᱮᱭᱟᱨ ᱥᱟᱯᱲᱟᱣ
ᱯᱚᱠᱳᱲᱟ ᱫᱚ ᱢᱤᱫ ᱡᱚᱢᱟᱜ ᱠᱟᱱᱟ ᱡᱟᱦᱟᱸ ᱫᱚ ᱯᱮᱭᱟᱸᱡᱽ, ᱵᱮᱸᱜᱟᱲ, ᱵᱟᱦᱟ ᱠᱩᱵᱤ, ᱢᱟᱹᱨᱤᱪ, ᱵᱤᱞᱟᱹᱛᱤ ᱟᱨᱵᱟᱝ ᱢᱤᱢᱤᱫ ᱫᱷᱟᱣ ᱫᱚ ᱵᱨᱮᱰ ᱥᱟᱶ ᱦᱚᱸ ᱠᱚ ᱵᱮᱱᱟᱣᱟ ᱾[᱔] ᱱᱚᱶᱟ ᱫᱚ ᱢᱩᱬ ᱠᱟᱛᱮ ᱵᱮᱥᱚᱱ ᱛᱮ ᱛᱮᱟᱭᱨ ᱠᱚᱜᱼᱟ ᱾ ᱵᱮᱥᱚᱱ ᱨᱮ ᱵᱩᱞᱩᱝ, ᱵᱮᱠᱤᱝ ᱥᱚᱰᱟ, ᱫᱟᱜ ᱥᱟᱶᱛᱮ ᱠᱚ ᱥᱤᱯᱤ ᱢᱮᱥᱟᱭᱟ ᱟᱨ ᱞᱟᱹᱠᱛᱤ ᱡᱟᱹᱱᱤ ᱩᱛᱩᱡᱚ ᱠᱚ ᱢᱮᱥᱟᱭᱟ ᱾ ᱚᱱᱥ ᱛᱟᱭᱚᱢ ᱞᱚᱞᱚ ᱥᱩᱱᱩᱢ ᱨᱮ ᱦᱩᱰᱤᱧ ᱦᱩᱰᱤᱧ ᱫᱷᱟᱨᱟ ᱠᱚᱪᱷᱟᱠᱟᱣᱟ ᱟᱨ ᱤᱥᱤᱱ ᱞᱮᱱ ᱠᱷᱟᱱ ᱠᱚ ᱪᱷᱟᱹᱱᱤ ᱚᱰᱚᱠᱟ ᱾ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱧᱩᱢᱟᱱ ᱯᱚᱠᱳᱲᱟ ᱫᱚ ᱦᱩᱭᱩᱜ ᱠᱟᱱᱟ ᱯᱮᱭᱟᱸᱡᱽ ᱯᱚᱠᱳᱲᱟ, ᱟᱹᱲᱩ ᱯᱚᱠᱳᱲᱟ, ᱯᱚᱱᱤᱨ ᱯᱚᱠᱳᱲᱟ, ᱪᱤᱠᱮᱱ ᱯᱚᱠᱳᱲᱟ, ᱵᱮᱸᱜᱟᱲ ᱯᱚᱠᱳᱲᱟ ᱮᱢᱟᱱ ᱮᱢᱟᱱ ᱾
ᱵᱮᱱᱟᱣ ᱥᱟᱯᱲᱟᱣ
ᱯᱚᱠᱳᱲᱟ ᱫᱚ ᱵᱟᱹᱲᱛᱤ ᱠᱟᱛᱮ ᱱᱟᱥᱛᱟ ᱟᱨᱵᱵᱟᱝ ᱨᱮᱸᱜᱮᱡ ᱢᱮᱴᱟᱣ ᱞᱟᱹᱜᱤᱫ ᱠᱚ ᱡᱚᱢᱟ ᱾ ᱜᱨᱮᱴ ᱵᱨᱤᱴᱮᱱ ᱨᱮ ᱱᱚᱶᱟ ᱯᱷᱟᱥᱴ ᱯᱷᱩᱰ ᱞᱮᱠᱟᱛᱮ ᱟᱹᱰᱤ ᱧᱩᱢ ᱟᱱᱟ, ᱡᱟᱦᱟᱸ ᱫᱚ ᱥᱤᱧᱚᱛ ᱟᱨ ᱯᱟᱠᱤᱥᱛᱟᱱ ᱨᱮᱱᱟᱜ ᱨᱮᱥᱴᱩᱨᱟᱸ ᱠᱚᱨᱮ ᱧᱟᱢᱚᱜᱼᱟ ᱾ ᱵᱟᱹᱲᱛᱤ ᱠᱟᱛᱮ ᱥᱤᱧᱚᱛᱤᱭᱟᱹ ᱦᱚᱲ ᱯᱮᱲᱟ ᱠᱚ ᱪᱟ ᱥᱟᱶᱛᱮ ᱯᱚᱠᱳᱲᱟ ᱨᱮᱱᱟᱜ ᱦᱚᱸ ᱠᱚ ᱡᱩᱜᱟᱹᱲ ᱠᱟᱜᱼᱟ ᱾ ᱯᱚᱠᱳᱲᱟ ᱥᱟᱶᱛᱮ ᱟᱹᱰᱤ ᱞᱮᱠᱟᱱ ᱪᱚᱴᱚᱬᱤ ᱦᱚᱸ ᱠᱚ ᱮᱢᱟ ᱠᱚᱣᱟ ᱾
ᱜᱮᱞᱮᱨᱤ ᱥᱟᱯᱲᱟᱣ
ᱵᱟᱨᱦᱮ ᱡᱚᱱᱚᱲ ᱥᱟᱯᱲᱟᱣ
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ https://www.britannica.com/topic/pakora
- ↑ http://www.seattletimes.com/pacific-nw-magazine/pakoras-are-tasty-versatile-treats-from-india-that-work-well-as-appetizers-snacks-or-meals/
- ↑ cite book|title=Lord Krishna's Cuisine: The Art of Indian Vegetarian cooking|last=Devi|first=Yamuna|year=1999|publisher=E. P. Dutton |location=New York|isbn=0-525-24564-2|pages=447–466, Pakoras: Vegetable Fritters
- ↑ cite book|title=Healthy Kitchen: More Than 350 Oil Free Recipes|last=Arora|first=Ritu|year=2002|publisher=B. Jain publishers (P) Ltd.|location=New Delhi, India|isbn=81-8056-208-5|pages=186, Bread Pakora