ᱯᱟᱣᱩᱞ ᱡᱩᱡᱷᱟᱨ ᱥᱚᱨᱮᱱ

(ᱯᱟᱣᱩᱞ ᱡᱷᱩᱡᱟᱨ ᱥᱚᱨᱮᱱ ᱠᱷᱚᱱ ᱟᱹᱪᱩᱨ ᱦᱮᱡᱠᱟᱱᱟ)

ᱯᱟᱣᱩᱞ ᱡᱩᱡᱷᱟᱨ ᱥᱚᱨᱮᱱ (ᱡᱟᱱᱟᱢᱺ ᱒᱙ ᱰᱤᱥᱮᱢᱵᱚᱨ ᱑᱘᱙᱒) ᱥᱟᱱᱛᱟᱞᱤ ᱥᱟᱶᱦᱮᱫ ᱨᱮᱭᱟᱜ ᱯᱟᱹᱦᱤᱞ ᱫᱷᱟᱯ ᱨᱮᱱ ᱚᱱᱚᱞᱤᱭᱟᱹ ᱠᱚ ᱢᱩᱫᱽ ᱨᱮ ᱢᱤᱫᱴᱮᱱ ᱠᱟᱱᱟᱭ᱾ ᱚᱱᱟ ᱵᱮᱜᱚᱨ ᱦᱚᱸ ᱩᱱᱤ ᱫᱚ ᱵᱤᱦᱟᱨ ᱥᱚᱨᱠᱟᱨ ᱟᱜ ᱛᱟᱹᱨᱤ ᱥᱟᱵᱽ-ᱤᱥᱯᱮᱠᱴᱚᱨ ᱚᱯᱷ ᱥᱟᱱᱛᱟᱞᱤ ᱨᱮᱭᱮ ᱠᱟᱹᱢᱤ ᱠᱟᱱ ᱛᱟᱸᱦᱮᱱᱟ᱾ ᱤᱱᱟᱹ ᱛᱟᱭᱚᱢ ᱟᱡᱟᱜ ᱢᱚᱡᱽ ᱠᱟᱹᱢᱤ ᱧᱮᱞ ᱛᱮ ᱥᱯᱮᱥᱤᱭᱟᱞ ᱰᱤᱯᱩᱴᱤ ᱤᱥᱱᱥᱯᱮᱠᱴᱚᱨ ᱞᱮᱠᱟ ᱛᱮ ᱦᱩᱹᱫᱟᱹ ᱠᱚ ᱩᱱᱱᱚᱛᱤ ᱞᱮᱫ ᱛᱟᱭᱟ ᱟᱨ ᱚᱱᱟ ᱦᱩᱫᱟᱹ ᱠᱷᱚᱱ ᱜᱮ ᱑᱙᱕᱑ ᱥᱮᱨᱢᱟ ᱨᱮᱭᱮ ᱡᱤᱨᱟᱹᱣ ᱮᱱᱟ᱾

ᱮᱛᱚᱦᱚᱵ ᱡᱤᱭᱚᱱ ᱥᱟᱯᱲᱟᱣ

᱒᱙ ᱰᱤᱥᱮᱢᱵᱚᱨ ᱑᱘᱙᱒ ᱥᱮᱨᱢᱟ ᱨᱮ ᱢᱟᱱᱚᱛᱟᱱ ᱯᱟᱹᱣᱩᱞ ᱡᱩᱡᱷᱟᱹᱨ ᱥᱚᱨᱮᱱ ᱢᱟᱦᱟᱥᱚᱭ ᱟᱜ ᱡᱟᱱᱟᱢ ᱫᱚ ᱦᱩᱭ ᱞᱮᱱᱟ,ᱩᱱ ᱚᱠᱛᱮ ᱵᱤᱦᱟᱨ ᱯᱚᱱᱚᱛ ᱙ᱱᱟᱦᱟᱜ ᱫᱚ ᱡᱷᱟᱨᱠᱷᱟᱱᱰ ᱯᱚᱱᱚᱛ ᱥᱟᱱᱛᱟᱞ ᱯᱟᱨᱜᱟᱱ, ᱯᱟᱠᱩᱨᱲ ᱦᱚᱱᱚᱛ) ᱥᱟᱱᱛᱟᱞ ᱯᱟᱨᱜᱟᱱᱟ ᱦᱚᱱᱚᱛ ᱨᱮᱭᱟᱜ ᱯᱟᱠᱩᱲᱤᱭᱟᱹ ᱛᱟᱹᱨᱤ ᱨᱮ ᱢᱮᱱᱟᱜ ᱪᱩᱱᱯᱚᱱᱰᱟ ᱟᱹᱛᱩ ᱨᱮ᱾ ᱟᱡ ᱨᱮᱱ ᱛᱚᱣᱟᱫᱟᱨᱮ ᱟᱜ ᱧᱩᱛᱩᱢ ᱫᱚᱹᱹᱹᱹᱹᱟᱨ ᱟᱡ ᱵᱟᱵᱟ ᱣᱟᱜ ᱧᱩᱛᱩᱢ ᱫᱚ ᱢᱩᱱᱥᱤ ᱯᱟᱹᱱᱰᱩ ᱥᱚᱨᱮᱱ ᱛᱟᱸᱦᱮᱸ ᱠᱟᱱ ᱛᱟᱭᱟ᱾

ᱥᱤᱠᱱᱟᱹᱛ ᱡᱤᱭᱚᱱ ᱥᱟᱯᱲᱟᱣ

ᱟᱹᱰᱤ ᱢᱟᱱᱚᱛᱟᱱ ᱢᱩᱱᱥᱤ ᱥᱚᱨᱮᱱ ᱫᱚ ᱚᱱᱟ ᱪᱩᱱᱯᱚᱱᱰᱟ ᱟᱹᱛᱩ ᱨᱮ ᱢᱮᱱᱟᱜ ᱯᱨᱟᱭᱢᱟᱨᱤ ᱥᱠᱩᱞ ᱨᱮᱱ ᱢᱟᱪᱮᱫ-ᱮ ᱛᱟᱸᱦᱮᱸ ᱠᱟᱱᱟ᱾ ᱯᱟᱹᱣᱩᱞ ᱡᱩᱡᱷᱟᱹᱨ ᱫᱚ ᱥᱤᱠᱱᱟᱹᱛ ᱜᱷᱟᱸᱨᱚᱧᱡᱽ ᱨᱮᱭᱮ ᱦᱟᱨᱟ ᱵᱩᱨᱩ ᱞᱮᱱ ᱛᱮ ᱠᱟᱹᱴᱤᱡ ᱩᱢᱮᱨ ᱠᱷᱚᱱ ᱜᱮ ᱟᱹᱠᱤᱞ ᱦᱟᱹᱜᱦᱟᱹᱨ ᱰᱟᱦᱟᱨ ᱨᱮᱭᱮ ᱢᱚᱦᱱᱰᱟ ᱞᱮᱱᱟ᱾ ᱩᱱᱤ ᱭᱟᱜ ᱮᱴᱚᱦᱚᱵ ᱟᱹᱠᱤᱞ ᱦᱟᱹᱨ ᱫᱚ ᱟᱡ ᱟᱯᱟᱛ ᱟᱜ ᱥᱠᱩᱞ ᱠᱷᱚᱱ ᱜᱮ ᱮᱦᱚᱵ ᱢᱟᱲᱟᱝ ᱞᱮᱱᱟ᱾

ᱩᱱᱤ ᱫᱚ ᱟᱹᱠᱚ ᱟᱛᱚ ᱨᱮ ᱢᱮᱱᱟᱜ ᱪᱚᱱᱯᱚᱱᱰᱟ ᱯᱨᱟᱭᱢᱟᱨᱤ ᱥᱠᱩᱞ ᱨᱮ ᱜᱮ ᱢᱚᱬᱮ ᱪᱟᱱᱟᱪ ᱦᱟᱹᱵᱤᱡ ᱯᱟᱲᱦᱟᱣ ᱠᱟᱛᱮ, ᱟᱠᱚ ᱟᱹᱛᱩ ᱠᱷᱚᱱ ᱟᱹᱰᱤ ᱥᱟᱹᱜᱤᱧ ᱫᱩᱢᱠᱟᱹ ᱨᱮᱭᱟᱜ ᱢᱤᱫᱴᱮᱱ ᱥᱠᱩᱞ ᱨᱮ ᱢᱚᱬᱮ ᱪᱟᱱᱚᱪ ᱨᱮᱭᱮ ᱵᱷᱟᱹᱨᱛᱤ ᱞᱮᱱᱟ ᱑᱙᱐᱗ ᱥᱮᱨᱢᱟ ᱾ ᱩᱱᱤ ᱫᱚ ᱫᱩᱢᱠᱟᱹ ᱠᱦᱚᱱ ᱜᱮ ᱑᱙᱑᱒ ᱥᱮᱨᱢᱟ ᱨᱮ ᱟᱹᱰᱤ ᱢᱚᱱᱡᱽ ᱮᱞ ᱛᱮ ᱢᱮᱴᱨᱤᱠ ᱵᱤᱰᱟᱹᱣᱮ ᱯᱟᱥ ᱞᱮᱫᱟ᱾

ᱯᱟᱹᱣᱩᱞ ᱡᱩᱡᱷᱟᱹᱨ ᱥᱚᱨᱮᱱ ᱟᱨ ᱟᱡ ᱵᱟᱵ ᱣᱟᱜ ᱠᱩᱨᱩᱢᱩᱴᱩ ᱛᱮ ᱢᱟᱲᱟᱝ ᱥᱮᱡ ᱟᱹᱠᱤᱞ ᱦᱟᱹᱨ ᱞᱟᱹᱜᱤᱫ ᱠᱚᱞᱠᱟᱛᱛᱟ ᱱᱟᱝᱜᱽᱨᱟᱦᱟ ᱨᱮ ᱢᱮᱱᱟᱜ ᱥᱮᱱᱴ ᱯᱳᱣᱞ ᱵᱤᱨᱫᱟᱹ ᱜᱟᱲ ᱨᱮ ᱟᱭᱹᱮᱹ ᱨᱮᱭᱮ ᱵᱷᱟᱹᱨᱛᱤ ᱞᱮᱱᱟ᱾ ᱩᱱᱤ ᱫᱚ ᱚᱱᱟ ᱥᱮᱱᱴ ᱯᱳᱣᱞ ᱵᱤᱨᱫᱟᱹ ᱜᱟᱲ ᱨᱮᱸ ᱦᱚᱸ ᱟᱹᱰᱤ ᱢᱚᱸᱡᱽ ᱛᱮ ᱑᱙᱑᱔ ᱥᱮᱨᱢᱟ ᱟᱭᱹᱮᱹ ᱵᱤᱰᱟᱹᱣᱮ ᱯᱟᱥ ᱞᱮᱫᱟ᱾

ᱠᱟᱹᱢᱤ ᱠᱟᱹᱥᱱᱤ ᱥᱟᱯᱲᱟᱣ

ᱟᱭᱹᱮ, ᱯᱟᱥ ᱠᱟᱛᱮ ᱩᱱᱤ ᱫᱚ ᱵᱤᱦᱟᱨ ᱥᱚᱠᱟᱨ ᱟᱜ ᱛᱟᱹᱨᱤ ᱥᱟᱵᱽ-ᱤᱱᱥᱯᱮᱠᱴᱚᱨ ᱚᱯᱝ ᱥᱟᱱᱛᱟᱞᱤ ᱥᱠᱩᱞ ᱦᱩᱫᱟᱹ ᱨᱮᱭᱮ ᱪᱟᱹᱠᱨᱤ ᱠᱟᱹᱢᱤ ᱠᱟᱱ ᱛᱟᱸᱦᱮᱸ ᱠᱟᱱᱟ᱾ ᱩᱱ ᱚᱠᱛᱮ ᱥᱟᱱᱛᱟᱞ ᱯᱟᱨᱜᱟᱱᱟ ᱨᱮ ᱥᱟᱱᱛᱟᱞᱤ ᱯᱟᱲᱦᱟᱣ ᱪᱟᱞᱟᱜ ᱠᱟᱱ ᱛᱟᱸᱦᱮᱸ ᱠᱟᱱᱟ ᱩᱱᱤ ᱫᱚ ᱱᱚᱣᱟ ᱦᱩᱫᱟᱹ ᱨᱮᱭᱮ ᱵᱟᱦᱟᱞ ᱚᱪᱚ ᱞᱮᱱᱟ᱾ ᱩᱱᱤᱭᱟᱜ ᱡᱷᱩᱠᱟᱹᱞ ᱠᱟᱹᱢᱤ ᱧᱮᱞ ᱛᱮ ᱩᱱᱤ ᱫᱚ ᱟᱨᱦᱚᱸ ᱢᱟᱱᱚᱛ ᱮᱢᱟᱭ ᱞᱟᱹᱜᱤᱫ ᱥᱯᱮᱥᱤᱭᱟᱞ ᱰᱤᱯᱚᱴᱤ ᱤᱱᱥᱯᱮᱠᱴᱚᱨ ᱦᱩᱰᱟᱹ ᱨᱮ ᱠᱚ ᱨᱟᱠᱟᱵ ᱞᱮᱫᱮᱭᱟ᱾ᱱᱚᱣᱟ ᱠᱟᱹᱢᱤ ᱨᱮ ᱜᱮ ᱩᱱᱤ ᱫᱚ ᱑᱙᱕᱑ ᱥᱮᱨᱢᱟ ᱨᱮᱭᱮ ᱡᱤᱨᱟᱹᱣ ᱞᱮᱱᱟ᱾

ᱥᱟᱶᱦᱮᱫ ᱠᱟᱹᱢᱤ ᱥᱟᱯᱲᱟᱣ

ᱢᱟᱱᱚᱛᱟᱱ ᱯᱟᱹᱣᱩᱞ ᱡᱩᱡᱷᱟᱹᱨ ᱥᱚᱨᱮᱱ ᱫᱚ ᱠᱟᱹᱴᱤᱡ ᱠᱷᱚᱱ ᱜᱮ ᱥᱟᱱᱛᱟᱞᱤ ᱯᱟᱹᱨᱥᱤ ᱟᱹᱰᱤ ᱟᱸᱴᱮ ᱫᱩᱞᱟᱹᱲᱮᱫ ᱛᱟᱸᱦᱮᱸ ᱠᱟᱱᱟ᱾ᱩᱱᱤᱭᱟᱜ ᱯᱟᱹᱦᱤᱞ ᱟᱨ ᱢᱤᱫᱴᱮᱱ ᱥᱩᱢᱩᱝ ᱯᱚᱛᱚᱵ ᱪᱷᱟᱯᱟ ᱥᱚᱫᱚᱨ ᱞᱮᱱ ᱛᱟᱭᱟ᱾ ᱚᱱᱟ ᱯᱚᱛᱚᱵ ᱨᱮᱭᱟᱜ ᱧᱩᱛᱩᱢ ᱫᱚ ᱦᱩᱭᱩᱜ ᱠᱱᱟ ᱵᱟᱦᱟ ᱰᱟᱞᱣᱟᱜ᱾ ᱱᱚᱣᱟ ᱯᱚᱛᱚᱵ ᱫᱚ ᱑᱙᱓᱖ ᱥᱮᱨᱢᱟ ᱨᱮ ᱫᱟ ᱢᱤᱥᱚᱱ ᱯᱨᱮᱥ, ᱵᱮᱱᱟᱜᱟᱨᱤᱭᱟ ᱦᱚᱛᱮ ᱛᱮ ᱪᱷᱟᱯᱟ ᱥᱚᱫᱚᱨ ᱞᱮᱱᱟ᱾ ᱱᱚᱣᱟ ᱯᱳᱛᱚᱵ ᱫᱚ ᱥᱟᱱᱛᱟᱞᱤ ᱥᱟᱶᱦᱮᱫ ᱨᱮᱭᱟᱜ ᱯᱟᱹᱦᱤᱞ ᱚᱱᱚᱲᱦᱮ ᱯᱚᱛᱚᱵ ᱠᱟᱱᱟ᱾ ᱱᱚᱣᱟ ᱯᱳᱛᱚᱵ ᱡᱟᱦᱟ ᱛᱤᱱᱟᱹᱜ ᱦᱩᱰᱤᱧ ᱜᱮ ᱢᱮᱱ ᱠᱷᱟᱱ ᱥᱟᱱᱛᱟᱞᱤ ᱥᱟᱶᱷᱮᱫ ᱨᱮ ᱱᱚᱣᱟ ᱨᱮᱭᱟᱜ ᱢᱚᱦᱚᱛ ᱫᱚ ᱟᱹᱰᱤ ᱥᱚᱨᱮᱥ ᱜᱮᱭᱟ᱾

ᱨᱟᱡᱟᱨᱤ ᱥᱟᱯᱲᱟᱣ

ᱢᱟᱹᱱ ᱯᱟᱹᱣᱩᱞ ᱡᱩᱡᱦᱟᱹᱨ ᱥᱚᱨᱮ ᱫᱚ ᱪᱟᱹᱠᱨᱤ ᱠᱷᱚᱱ ᱡᱤᱨᱟᱹᱣ ᱠᱟᱛᱮ ᱠᱚᱝᱜᱽᱨᱮᱥ ᱧᱩᱛᱩᱢ ᱟᱱ ᱨᱟᱡᱟᱨᱤ ᱯᱟᱨᱴᱤ ᱨᱮᱭᱮ ᱥᱮᱞᱮᱫ ᱞᱮᱱᱟ᱾ ᱟᱨ ᱑᱙᱕᱒ ᱥᱮᱨᱢᱟ ᱨᱮ ᱦᱩᱭ ᱞᱮᱱ ᱥᱤᱧᱩᱛ ᱨᱮᱭᱟᱜ ᱯᱟᱹᱦᱤᱞ ᱞᱚᱠ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱦᱤᱸᱥᱮ ᱦᱟᱛᱟᱣ ᱞᱮᱫᱟ ᱟᱨ ᱯᱩᱨᱱᱤᱭᱟ ᱞᱚᱠ ᱥᱚᱵᱦᱟ ᱴᱚᱴᱷᱟ ᱠᱚᱮ ᱡᱤᱛᱠᱟᱹᱨ ᱞᱮᱱᱟ᱾ᱞᱚᱠ ᱥᱚᱤᱵᱷᱟ ᱨᱟᱹᱥᱤᱭᱟᱹ ᱞᱮᱠᱟ ᱛᱮ ᱢᱟᱱᱚᱛᱟᱱ ᱯᱟᱹᱣᱩᱞ ᱡᱩᱡᱷᱟᱹᱨ ᱫᱚ ᱟᱹᱰᱤ ᱟᱭᱢᱟ ᱠᱟᱹᱢᱤ ᱨᱮᱭᱟᱜ ᱠᱩᱢᱠᱩ ᱜᱮᱴᱟᱸᱦᱮᱸ ᱠᱟᱱ ᱛᱟᱭᱟ, ᱢᱮᱱ ᱠᱷᱟᱱ ᱚᱱᱟ ᱡᱚᱛᱚ ᱜᱮ ᱟᱛᱨᱟ ᱨᱮ ᱜᱮ ᱛᱟᱸᱦᱮᱸᱭᱮᱱ ᱛᱟᱭᱟ᱾ ᱩᱱᱤ ᱫᱚ ᱑᱙ ᱯᱷᱮᱵᱽᱨᱩᱣᱟᱨᱤ ᱑᱙᱕᱔ ᱢᱟᱹᱦᱤᱛ ᱦᱤᱞᱚᱜ ᱟᱪᱠᱟ ᱜᱮ ᱱᱟᱣᱟ ᱫᱤᱞᱞᱤ ᱨᱮ ᱦᱟᱨᱴ ᱮᱴᱮᱠ ᱛᱮ ᱱᱚᱣᱟ ᱫᱷᱩᱲᱤ ᱫᱷᱟᱹᱨᱛᱤ ᱭᱮ ᱵᱟᱹᱜᱤᱭᱟᱫᱟ᱾

ᱥᱟ.ᱠᱷᱭᱟ.ᱛ ᱥᱟᱯᱲᱟᱣ