ᱱᱤᱨᱚᱱ ᱨᱤᱛᱩ
ᱱᱤᱨᱚᱱ ᱨᱤᱛᱩ ᱫᱚ ᱯᱷᱟᱹᱜᱩᱱ ᱟᱨ ᱪᱟᱹᱛ ᱵᱚᱸᱜᱟ ᱨᱮ ᱦᱩᱭᱩᱜᱼᱟ ᱾ ᱨᱟᱵᱟᱝ ᱨᱤᱛᱩ ᱪᱟᱵᱟᱜ ᱥᱟᱶ ᱥᱟᱶᱛᱮ ᱱᱤᱨᱚᱱ ᱨᱤᱛᱩ ᱫᱚ ᱟᱹᱭᱠᱟᱹᱣᱜᱼᱟ ᱾ ᱱᱚᱶᱟ ᱨᱤᱛᱩ ᱫᱚ ᱨᱟᱵᱟᱝ ᱢᱮᱥᱟ ᱥᱤᱛᱩᱝ ᱵᱩᱡᱷᱟᱹᱣᱜᱼᱟ ᱾
ᱡᱟᱭᱛᱮᱫ ᱥᱟᱯᱲᱟᱣ
ᱱᱤᱨᱚᱱ ᱨᱤᱛᱩ ᱫᱚ ᱟᱹᱰᱤ ᱥᱚᱨᱚᱥᱟᱱ ᱨᱤᱛᱩ ᱠᱟᱱᱟ ᱾ ᱱᱚᱶᱟ ᱨᱤᱛᱩ ᱨᱮ ᱟᱹᱰᱤ ᱞᱮᱠᱟᱱ ᱵᱟᱦᱟ ᱛᱮ ᱫᱷᱟᱹᱨᱛᱤ ᱡᱟᱠᱟᱛ ᱥᱟᱡᱟᱣ ᱠᱚᱜᱼᱟ ᱾ ᱥᱟᱲ ᱵᱟᱦᱟ ᱧᱮᱞᱛᱮ ᱩᱨᱩ ᱵᱷᱟᱶᱟᱨ ᱠᱚ ᱨᱟᱥᱟ ᱪᱮᱯᱮᱡ ᱞᱟᱹᱜᱤᱫ ᱦᱟᱱᱟ ᱰᱟᱹᱨ ᱠᱷᱚᱱ ᱱᱚᱣᱟ ᱰᱟᱹᱨ ᱠᱚ ᱩᱰᱟᱹᱣ ᱵᱟᱲᱟᱭᱟ ᱾ ᱟᱹᱰᱤ ᱞᱮᱠᱟᱱ ᱪᱤᱛᱟᱹᱨ ᱠᱟᱵᱟᱨ ᱯᱤᱯᱤᱲᱤᱭᱟᱹᱝ ᱩᱰᱟᱹᱣ ᱵᱟᱲᱟᱭᱟᱠᱚ ᱦᱟᱱᱟ ᱵᱟᱦᱟ ᱠᱷᱚᱱ ᱱᱷᱟᱣᱟ ᱵᱟᱦᱟ ᱨᱟᱥᱟ ᱪᱮᱯᱮᱡ ᱞᱟᱹᱜᱤᱫ ᱾ ᱱᱤᱨᱚᱱ ᱦᱚᱭ ᱛᱮ ᱵᱟᱦᱟ ᱰᱟᱹᱨ ᱦᱤᱞᱟᱹᱣᱜᱼᱟ ᱞᱤᱠᱤᱫ ᱞᱩᱠᱤᱫ ᱮᱱᱮᱡ ᱡᱚᱝ ᱠᱟᱱ ᱞᱮᱠᱟ ᱾ ᱱᱚᱣᱟ ᱨᱤᱛᱩ ᱨᱮ ᱵᱟᱹᱫᱽ ᱵᱟᱹᱭᱦᱟᱹᱲ ᱠᱟᱹᱢᱤ ᱠᱚ ᱵᱟᱭ ᱛᱟᱦᱮᱸᱱᱟ ᱾ ᱚᱱᱟᱛᱮ ᱡᱚᱛᱚ ᱦᱚᱲ ᱟᱹᱰᱤ ᱨᱟᱣᱟᱞ ᱜᱮ ᱠᱚ ᱟᱹᱭᱠᱟᱹᱣᱟ ᱾ ᱫᱷᱟᱹᱨᱛᱤ ᱨᱮᱱᱟᱜ ᱨᱩᱯᱨᱚᱝ ᱧᱮᱞᱛᱮ ᱠᱚᱭᱮᱞᱟᱜ ᱠᱩᱦᱩ ᱟᱨ ᱱᱟᱥᱮ ᱦᱤᱥᱤᱫ ᱦᱚᱭᱛᱮ ᱢᱚᱱᱮ ᱡᱤᱣᱤ ᱛᱟᱹᱦᱩᱸ ᱡᱤᱭᱟᱹᱲ ᱨᱟᱠᱟᱵᱼᱟ ᱾ ᱵᱩᱨᱩ ᱨᱮ ᱠᱚᱲ-ᱯᱟᱠᱚᱲ ᱠᱚ ᱡᱚ ᱠᱚᱜᱼᱟ ᱾ ᱥᱮᱸᱫᱽᱨᱟ ᱠᱟᱨᱠᱟ ᱦᱚᱸ ᱟᱹᱰᱤ ᱠᱚ ᱫᱟᱬᱟᱱᱟ ᱾
ᱯᱟᱨᱟᱵᱽ ᱯᱩᱱᱟᱹᱭ ᱥᱟᱯᱲᱟᱣ
ᱱᱚᱶᱟ ᱚᱠᱛᱚ ᱨᱮᱦᱚᱸ ᱯᱟᱨᱟᱵᱽ ᱯᱩᱱᱟᱹᱭ ᱦᱩᱭᱩᱜ ᱜᱮᱭᱟ ᱾ ᱚᱱᱟ ᱠᱚ ᱢᱩᱸᱫᱽ ᱠᱷᱚᱱ ᱵᱟᱦᱟ ᱯᱟᱨᱟᱵᱽ ᱫᱚ ᱡᱚᱛᱚ ᱠᱷᱚᱱ ᱢᱟᱨᱟᱝ ᱯᱟᱨᱟᱵᱽ ᱠᱟᱱᱟ ᱾ ᱱᱚᱶᱟ ᱯᱟᱨᱟᱵᱽ ᱫᱚ ᱟᱹᱰᱤ ᱡᱟᱠᱡᱚᱢᱚᱠ ᱦᱩᱭᱩᱜᱼᱟ ᱾ ᱵᱟᱦᱟ ᱵᱚᱸᱜᱟ ᱨᱮ ᱫᱚ ᱥᱟᱨᱡᱚᱢ ᱵᱟᱦᱟ ᱠᱚ ᱵᱚᱸᱜᱟᱭᱟ ᱟᱨ ᱠᱚ ᱵᱟᱦᱟᱭᱟ ᱾ ᱵᱚᱭᱦᱟ ᱢᱤᱥᱨᱟ ᱠᱚ ᱦᱚᱸᱠᱚ ᱱᱮᱣᱛᱟ ᱠᱟᱠᱚᱣᱟ ᱟᱹᱰᱤ ᱨᱚᱢᱚᱡᱽ ᱜᱮ ᱾
ᱵᱟᱹᱲᱛᱤ ᱥᱟᱯᱲᱟᱣ
ᱱᱤᱨᱚᱱ ᱨᱤᱛᱩ ᱫᱚ ᱟᱹᱰᱤ ᱱᱟᱯᱟᱭ ᱨᱤᱛᱩ ᱠᱟᱱᱟ ᱚᱱᱟ ᱛᱮ ᱱᱚᱣᱟ ᱨᱤᱛᱩ ᱫᱚ ᱨᱤᱛᱩ ᱨᱟᱡᱽ ᱢᱮᱱᱛᱮ ᱦᱚᱸ ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱣᱟ ᱨᱤᱛᱩ ᱪᱟᱵᱟᱜ ᱥᱟᱶ ᱥᱟᱶᱛᱮ ᱵᱚᱞᱚ ᱦᱤᱡᱩᱜᱼᱟᱭ ᱥᱤᱛᱩᱝ ᱨᱩᱛᱩ ᱾
ᱵᱟᱨᱦᱮ ᱡᱚᱱᱚᱲ ᱥᱟᱯᱲᱟᱣ
- Word Lore
- Online Etymology Dictionary
- Glossary of Meteorology
- Solstice, Equinox & Cross-Quarter Moments for 2011 and other years, for several timezones Archived ᱒᱐᱑᱑-᱐᱗-᱐᱗ at the Wayback Machine.
- Earth's Seasons, Equinoxes, Solstices, Perihelion, and Aphelion, 2000–2020 (from the United States Naval Observatory's Astronomical Applications Department)
- Seasons and Seasonal Cusps as Pagan and Religious Holidays Archived ᱒᱐᱑᱓-᱐᱑-᱒᱓ at the Wayback Machine. (from Archaeoastronomy Archived ᱒᱐᱑᱕-᱐᱓-᱑᱖ at the Wayback Machine.)
- What day does spring start? (BBC, UK News Magazine)
- Status of Spring Archived ᱒᱐᱑᱗-᱐᱗-᱐᱖ at the Wayback Machine. - Maps of Spring Leaf and Bloom Indices for the United States