ᱟᱱᱡᱩᱢ ᱪᱳᱯᱰᱟ
ᱟᱱᱡᱩᱢ ᱪᱳᱯᱰᱟ (ᱡᱟᱱᱟᱢ ᱒᱐ ᱢᱚᱭᱤ ᱑᱙᱗᱗) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱠᱨᱤᱠᱮᱴᱚᱨ ᱠᱟᱱᱟᱭ ᱾[᱑] ᱢᱤᱫ ᱠᱷᱤᱞᱚᱸᱰᱤᱭᱟᱹ ᱠᱩᱲᱤ ᱞᱮᱠᱟᱛᱮ ᱱᱩᱭ ᱫᱚ ᱙ ᱥᱟᱞ ᱨᱮ ᱯᱩᱭᱞᱩ ᱫᱷᱟᱣ ᱠᱨᱤᱠᱮᱴ ᱮᱱᱮᱡ ᱮᱛᱦᱚᱵ ᱞᱮᱜᱼᱟᱭ ᱾ ᱚᱱᱟ ᱠᱷᱮᱞ ᱨᱮ ᱱᱩᱭ ᱫᱚ ᱟᱠᱚ ᱠᱚᱞᱮᱡ ᱨᱮᱱ ᱠᱩᱲᱤ ᱠᱚ ᱥᱟᱝ ᱠᱷᱮᱞ ᱠᱟᱛᱮ ᱒᱐ ᱨᱚᱱ ᱵᱮᱱᱟᱣ ᱞᱮᱜᱼᱟᱭ ᱟᱨ ᱵᱟᱨᱭᱟ ᱣᱤᱠᱮᱴ ᱦᱟᱛᱟᱣ ᱥᱟ.ᱨᱤ ᱞᱮᱜᱼᱟᱭ ᱾ ᱚᱱᱟ ᱠᱷᱚᱱ ᱠᱤᱪᱷᱩ ᱥᱟᱞ ᱵᱤᱫᱟ.ᱞ ᱟᱱᱡᱩᱢ ᱫᱚ ᱑᱕ ᱥᱟᱞ ᱠᱷᱚᱱ ᱞᱟᱛᱟᱨ ᱩᱢᱮᱨ ᱠᱷᱮᱞ ᱨᱮ ᱫᱤᱞᱞᱤ ᱠᱷᱚᱱ ᱠᱷᱮᱞ ᱞᱟᱹᱜᱤᱫ ᱠᱚ ᱵᱟᱪᱟᱣ ᱠᱮᱫᱮᱭᱟ ᱾
.jpg) | |||||||||||||||||||||||||||||||||||||||||||||||||||||
| ᱟᱯᱱᱟᱨᱟᱜ ᱠᱟᱛᱷᱟ | |||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| ᱯᱩᱨᱟᱹ ᱧᱩᱛᱩᱢ | ᱚᱱᱡᱩᱢ ᱪᱳᱯᱰᱟ | ||||||||||||||||||||||||||||||||||||||||||||||||||||
| ᱡᱟᱱᱟᱢ | ᱒᱐ ᱢᱚᱭᱤ ᱑᱙᱗᱗ ᱱᱟᱣᱟ ᱫᱤᱞᱞᱤ, ᱵᱷᱟᱨᱚᱛ | ||||||||||||||||||||||||||||||||||||||||||||||||||||
| ᱵᱮᱴᱤᱝ | ᱞᱮᱸᱜᱽᱲᱟ | ||||||||||||||||||||||||||||||||||||||||||||||||||||
| ᱵᱚᱞᱤᱝ | Right-arm medium | ||||||||||||||||||||||||||||||||||||||||||||||||||||
| ᱡᱮᱜᱮᱛᱟᱹᱨᱤ ᱠᱟᱛᱷᱟ | |||||||||||||||||||||||||||||||||||||||||||||||||||||
| ᱡᱟᱹᱛᱤᱭᱟᱹᱨᱤ ᱯᱟᱥᱴᱟ | |||||||||||||||||||||||||||||||||||||||||||||||||||||
| ᱮᱛᱚᱦᱚᱵ ᱴᱮᱥᱴ (ᱠᱮᱯ ᱔᱖) | ᱑᱗ ᱱᱚᱣᱮᱢᱵᱚᱨ ᱑᱙᱙᱕ ᱵ ᱤᱸᱜᱞᱚᱱᱰ | ||||||||||||||||||||||||||||||||||||||||||||||||||||
| ᱢᱩᱪᱟᱹᱫ ᱴᱮᱥᱴ | ᱒᱖ ᱚᱜᱚᱥᱴ ᱒᱐᱐᱖ ᱵ ᱤᱸᱜᱞᱚᱱᱰ | ||||||||||||||||||||||||||||||||||||||||||||||||||||
| ᱮᱛᱚᱦᱚᱵ ᱳ.ᱰᱤ.ᱟᱭ (cap ᱔᱒) | ᱑᱒ ᱯᱷᱮᱵᱨᱩᱭᱟᱨᱤ ᱑᱙᱙᱕ ᱵ ᱱᱤᱭᱩ ᱡᱤᱞᱟᱱᱰ | ||||||||||||||||||||||||||||||||||||||||||||||||||||
| ᱢᱩᱪᱟᱹᱫ ᱳ.ᱰᱤ.ᱟᱭ | ᱑᱖ ᱢᱟᱨᱪ ᱒᱐᱑᱒ ᱵ ᱚᱥᱴᱨᱮᱞᱤᱭᱟ | ||||||||||||||||||||||||||||||||||||||||||||||||||||
| ᱴᱤ᱒᱐ᱟᱭ ᱮᱛᱚᱦᱚᱵ (ᱠᱮᱯ ᱒) | ᱕ ᱚᱜᱚᱥᱴ ᱒00᱖ v ᱤᱸᱜᱞᱚᱱᱰ | ||||||||||||||||||||||||||||||||||||||||||||||||||||
| ᱢᱩᱪᱟᱹᱫ ᱴᱤ᱒᱐ᱟᱭ | ᱒᱓ ᱢᱟᱨᱪ ᱒᱐᱑᱒ ᱵ ᱚᱥᱴᱨᱮᱞᱤᱭᱟ | ||||||||||||||||||||||||||||||||||||||||||||||||||||
| ᱚᱲᱟᱜ ᱫᱚᱞ ᱨᱮᱭᱟᱜ ᱠᱟᱛᱷᱟ | |||||||||||||||||||||||||||||||||||||||||||||||||||||
| ᱥᱮᱨᱢᱟ | ᱫᱚᱞ | ||||||||||||||||||||||||||||||||||||||||||||||||||||
| ᱮᱭᱟᱨ ᱤᱱᱰᱤᱭᱟ ᱣᱤᱢᱮᱱ | |||||||||||||||||||||||||||||||||||||||||||||||||||||
| ᱠᱟᱹᱢᱤ ᱦᱚᱨᱟ ᱥᱴᱮᱴᱟᱥᱴᱤᱠ | |||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||
ᱯᱷᱮᱰᱟᱛ: Cricinfo, ᱑᱖ ᱥᱮᱯᱴᱮᱢᱵᱚᱨ ᱒᱐᱑᱔ | |||||||||||||||||||||||||||||||||||||||||||||||||||||
ᱱᱩᱭ ᱫᱚ ᱟᱡᱟᱜ ᱠᱩᱪᱤ ᱩᱢᱮᱨ ᱨᱮ ᱟ.ᱰᱤ ᱜᱟᱱ ᱠᱷᱮᱞ ᱠᱚ ᱠᱷᱮᱞ ᱟ.ᱜᱩ ᱞᱮᱫ ᱛᱟᱦᱮᱸᱫ ᱾ ᱟᱡᱟᱜ ᱥᱠᱩᱞ,ᱠᱚᱞᱮᱡ ᱠᱚ ᱞᱟ.ᱜᱤᱫ ᱟᱛᱷᱽᱞᱮᱴᱥ,ᱵᱟᱥᱠᱮᱴᱵᱟᱞ,ᱯᱟᱭᱨᱟᱜ ᱠᱚ ᱦᱚᱸ ᱠᱷᱮᱞ ᱟ.ᱜᱩ ᱟᱠᱟᱜᱼᱟᱭ ᱾ ᱛᱚᱵᱮ ᱫᱤᱞᱞᱤ ᱯᱚᱱᱚᱛ ᱞᱟ.ᱜᱤᱫ ᱵᱟᱥᱠᱮᱴ ᱵᱚᱞ ᱠᱷᱮᱞ ᱠᱟᱛᱮ ᱱᱮᱥᱱᱟᱞ ᱞᱮᱵᱚᱞ ᱫᱚ ᱯᱟᱸᱡᱟ ᱛᱤᱭᱩᱜ ᱞᱮᱜᱼᱟᱭ ᱾
ᱟᱱᱡᱩᱢ ᱫᱚ ᱑᱗ ᱥᱟᱞ ᱨᱮ ᱜᱮ ᱠᱩᱲᱤ ᱠᱚᱣᱟᱜ ᱢᱤᱫ ᱫᱤᱱᱟᱜ ᱤᱱᱴᱚᱨᱱᱮᱥᱱᱟᱞ ᱠᱷᱮᱞ ᱫᱚ ᱑᱒ ᱯᱷᱮᱵᱨᱩᱭᱟᱨᱤ ᱑᱙᱙᱕ ᱨᱮ ᱮᱛᱦᱚᱵ ᱠᱮᱜᱼᱟᱭ ᱾ ᱚᱱᱟ ᱢᱮᱪ ᱫᱚ ᱠᱨᱤᱥᱴ ᱪᱚᱨᱪ, ᱨᱮ ᱦᱩᱭ ᱞᱮᱱᱟ ᱟᱨ ᱱᱤᱭᱩ ᱡᱤᱞᱟᱱᱰ ᱠᱚ ᱥᱟᱝ ᱠᱷᱮᱞ ᱞᱮᱜᱼᱟᱭ ᱾ ᱚᱱᱟ ᱨᱮᱭᱟᱜ ᱠᱤᱪᱷᱩ ᱪᱟᱱᱫᱚ ᱵᱟᱫᱽ ᱑᱗ ᱱᱚᱣᱮᱢᱵᱚᱨ ᱑᱙᱙᱕ ᱨᱮ ᱤᱰᱮᱱ ᱜᱟᱰᱮᱱ,ᱠᱚᱞᱠᱟᱛᱟ ᱨᱮ ᱤᱸᱜᱞᱚᱱᱰ ᱥᱟᱝ ᱠᱷᱮᱞ ᱞᱮᱜᱼᱟᱭ ᱾ [᱒] ᱫᱚᱥᱟᱨ ᱥᱮᱨᱢᱟ ᱨᱮ ᱢᱤᱫ ᱫᱤᱱᱟᱜ ᱤᱱᱴᱚᱨᱱᱮᱥᱱᱟᱞ ᱫᱚ ᱤᱸᱜᱞᱚᱱᱰ ᱥᱟᱝ ᱠᱚ ᱠᱷᱮᱞ ᱞᱮᱜᱼᱟ ᱾ ᱚᱱᱰᱮ ᱫᱚ ᱟᱱᱡᱩᱢ ᱫᱚ ᱯᱞᱮᱭᱟᱨ ᱚᱯᱷ ᱫᱚ ᱥᱤᱨᱤᱡ ᱠᱚ ᱥᱤᱨᱯᱷᱟ. ᱟᱫᱮ ᱛᱟᱦᱮᱸᱫ ᱾ ᱱᱚᱣᱟ ᱨᱮ ᱱᱩᱭ ᱫᱚ ᱟᱵᱷᱟᱨᱮᱡ ᱖᱗.᱕ ᱨᱚᱱ ᱞᱮᱜᱼᱟᱭ ᱾
ᱱᱩᱭ ᱫᱚ ᱞᱮᱸᱜᱽᱲᱟ ᱛᱮ ᱫᱟᱞ ᱟᱭ ᱟᱨ ᱡᱚᱡᱚᱢ ᱛᱤ ᱛᱮᱜᱮ ᱪᱟᱯᱟᱫ ᱛᱟᱦᱮᱸᱫ ᱾ ᱡᱷᱚᱛᱚ ᱨᱮ ᱑᱒ ᱜᱚᱴᱟᱝ ᱴᱮᱥᱴ ᱟᱨ ᱑᱑᱖ ᱜᱚᱴᱟᱝ ᱢᱤᱫ ᱫᱤᱱᱟᱜ ᱤᱱᱴᱚᱨᱱᱮᱥᱱᱟᱞ ᱠᱷᱮᱞ ᱟᱠᱟᱫᱼᱟᱭ ᱾ [᱓][᱔] ᱱᱩᱭ ᱨᱮᱱ ᱠᱳᱪ ᱫᱚ ᱥᱩᱱᱤᱛᱟ ᱥᱚᱨᱢᱟ,ᱦᱚᱨᱫᱤᱯ ᱫᱩᱣᱟ,ᱛᱚᱨᱚᱠ ᱥᱤᱱᱦᱟ ᱠᱚ ᱛᱟᱦᱮᱸ ᱠᱟᱱᱟ ᱾ [᱕]
ᱱᱤᱡᱮᱨ ᱡᱤᱭᱚᱱ ᱥᱟᱯᱲᱟᱣ
ᱟᱱᱡᱩᱢ ᱫᱚ ᱠᱷᱮᱞᱚᱸᱰᱤᱭᱟ. ᱚᱲᱟᱜ ᱨᱮᱜᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ:
- ᱟᱡ ᱢᱟᱢᱚ ᱦᱟᱲᱟᱢ ᱵᱮᱫ ᱯᱨᱚᱠᱟᱥ ᱥᱟᱱᱤ ᱫᱚ ᱢᱤᱫ ᱟᱛᱷᱽᱞᱮᱴᱥ ᱛᱟᱦᱮᱸ ᱠᱟᱱᱟ ᱟᱨ ᱤᱱᱰᱤᱭᱟ ᱞᱟ.ᱜᱤᱫ ᱠᱚ ᱠᱷᱮᱞ ᱞᱮᱫ ᱛᱟᱦᱮᱸᱫ ᱾ ᱛᱚᱵᱮ ᱱᱩᱭ ᱫᱚ ᱠᱨᱤᱠᱮᱴ ᱠᱚᱢᱮᱱᱴᱮᱴᱚᱨ ᱦᱚᱸ ᱠᱟᱢᱤ ᱠᱟᱱ ᱛᱟᱦᱮᱸᱫ ᱾
- ᱟᱡ ᱵᱟᱵᱟ ᱠᱨᱤᱥᱱᱟ ᱵᱟᱞ ᱪᱳᱯᱰᱟ ᱦᱚᱸ ᱜᱚᱞᱯᱷ ᱠᱷᱮᱞᱚᱸᱰᱤᱭᱟ. ᱛᱟᱦᱮᱸ ᱞᱮᱱᱟᱭ ᱾
- ᱟᱡ ᱜᱚᱜᱚ ᱯᱳᱱᱚᱢ ᱪᱳᱯᱰᱟ ᱫᱚ ᱢᱤᱫ ᱥᱮᱨᱢᱟ ᱠᱟᱨ ᱨᱟᱞᱤ ᱨᱮ ᱡᱤᱛᱠᱟᱨ ᱞᱮᱱᱟᱭ ᱾
- ᱟᱡ ᱫᱟᱫᱟ ᱱᱤᱨᱵᱟᱬ ᱪᱳᱯᱰᱟ ᱫᱤᱞᱞᱤ ᱯᱚᱱᱚᱛ ᱞᱟ.ᱜᱤᱫ ᱑᱗ ᱟᱨ ᱑᱙ ᱥᱟᱞ ᱞᱟᱛᱟᱨ ᱠᱨᱤᱠᱮᱴ ᱠᱚ ᱠᱷᱮᱞ ᱟᱠᱟᱫᱼᱟᱭ ᱾
- ᱟᱡ ᱢᱟᱢᱚ ᱨᱳᱦᱤᱛ ᱥᱟᱱᱤ ᱦᱚᱸ ᱠᱨᱤᱠᱮᱴ ᱠᱷᱮᱞ ᱛᱟᱦᱮᱸᱫ ᱾ ᱟᱡᱟᱜ ᱥᱠᱩᱞ ᱡᱤᱭᱚᱱ ᱨᱮ ᱢᱟᱭᱳ ᱠᱚᱞᱮᱡ ᱨᱮ ᱱᱩᱭ ᱫᱚ ᱣᱤᱠᱮᱴᱠᱤᱯᱚᱨ ᱟᱨ ᱯᱩᱭᱞᱩ ᱵᱮᱴᱥ ᱢᱮᱱ ᱮ ᱛᱟᱦᱮᱸ ᱠᱟᱱᱟ ᱾ ᱛᱟᱭᱚᱢ ᱛᱮ ᱦᱤᱱᱫᱩ ᱠᱚᱞᱮᱡ ᱟᱨ ᱫᱤᱞᱞᱤ ᱭᱩᱱᱤᱵᱷᱚᱨᱥᱤᱴᱤ ᱞᱟ.ᱜᱤᱫ ᱠᱷᱮᱞ ᱛᱟᱦᱮᱸᱫ ᱾
ᱟᱱᱡᱩᱢ ᱫᱚ ᱢᱤᱫ ᱟ.ᱥᱩᱞ ᱥᱮᱛᱟᱭ ᱫᱚᱦᱚ ᱞᱮᱫᱮᱭᱟ ᱟᱨ ᱚᱲᱟᱜ ᱨᱮ ᱱᱩᱭ ᱥᱟᱝ ᱫᱚᱢᱮ ᱚᱠᱛᱚᱭ ᱠᱷᱟᱱᱰᱟᱣ-ᱟ ᱾
ᱠᱟ.ᱢᱤ ᱡᱤᱭᱚᱱ ᱥᱟᱯᱲᱟᱣ
ᱟᱱᱡᱩᱢ ᱪᱳᱯᱰᱟ ᱫᱚ ᱵᱷᱟᱨᱚᱛᱤᱭᱚ ᱠᱩᱲᱤ ᱠᱨᱤᱠᱮᱴ ᱴᱤᱢ ᱨᱤᱱᱤᱡ ᱢᱤᱫ ᱠᱷᱮᱞᱚᱸᱰᱤᱭᱟ. ᱠᱟᱱᱟᱭ ᱾ ᱡᱟᱦᱟᱸᱭ ᱫᱚ ᱢᱤᱫ ᱫᱤᱱᱟᱜ ᱤᱱᱴᱚᱨᱱᱮᱥᱱᱟᱞ ᱟᱨ ᱴᱮᱥᱴ ᱢᱮᱪ ᱠᱚᱭ ᱠᱷᱮᱞ ᱟᱠᱟᱫᱼᱟ ᱾ ᱱᱤᱛᱚᱜ ᱫᱚ ᱠᱨᱤᱠᱮᱴ ᱠᱚᱢᱮᱱᱴᱮᱴᱚᱨ ᱞᱮᱠᱟᱛᱮ ᱠᱟ.ᱢᱤ ᱠᱟᱱᱟᱭ ᱾ ᱱᱩᱭ ᱫᱚ ᱑᱙᱙᱕ ᱨᱮ ᱯᱩᱭᱞᱩ ᱫᱷᱟᱣ ᱠᱮᱤᱥᱴ ᱪᱚᱨᱪ ᱨᱮ ᱱᱤᱭᱩ ᱡᱤᱞᱟᱸᱰ ᱠᱚ ᱥᱟᱝ ᱢᱤᱫ ᱫᱤᱱᱟᱜ ᱤᱱᱴᱚᱨᱱᱮᱟᱱᱟᱞ ᱠᱷᱮᱞ ᱞᱮᱜᱼᱟᱭ ᱾ ᱟᱡᱟᱜ ᱯᱩᱭᱞᱩ ᱢᱮᱪ ᱨᱮ bat at No 10 ᱨᱮ ᱵᱮᱴᱤᱝ ᱠᱟᱛᱮ ᱯᱩᱱ ᱳᱵᱷᱚᱨ ᱨᱮ ᱑᱔ ᱨᱚᱱ ᱟᱨᱡᱟᱣ ᱞᱮᱜᱼᱟᱭ ᱟᱨ ᱑᱔ ᱨᱚᱱ ᱨᱮᱭᱟᱜ ᱯᱟᱴᱱᱚᱨᱥᱤᱯ ᱵᱮᱱᱟᱣ ᱟᱛᱮ ᱴᱤᱢ ᱤᱱᱰᱤᱭᱟ ᱡᱤᱛᱠᱟ.ᱨ ᱦᱚᱪᱚ ᱞᱟ.ᱜᱤᱫ ᱜᱚᱲᱚ ᱡᱚᱲᱟᱣ ᱞᱮᱜᱼᱟᱭ ᱾
᱑᱙᱙᱕ ᱨᱮ ᱠᱚᱞᱠᱟᱛᱟ ᱨᱮ ᱯᱩᱭᱞᱩ ᱫᱷᱟᱣ ᱤᱸᱜᱽᱞᱚᱱᱰ ᱠᱚ ᱥᱟᱝ ᱟᱡᱟᱜ ᱴᱮᱥᱴ ᱢᱮᱪ ᱮᱛᱦᱚᱵ ᱞᱮᱱᱟ ᱾ ᱱᱩᱭ ᱫᱚ ᱚᱱᱟ ᱢᱮᱪ ᱨᱮ ᱠᱷᱟ.ᱞᱤ ᱧᱤᱫᱟ. ᱦᱚᱨᱦᱚ ᱠᱩᱫ ᱞᱮᱠᱟ ᱠᱚ ᱵᱷᱮᱡᱟ ᱞᱮᱫᱮᱭᱟ ᱾
ᱚᱱᱟ ᱛᱟᱭᱚᱢ ᱱᱤᱭᱩ ᱡᱤᱞᱟᱸᱰ ᱨᱮ ᱒᱐᱐᱐ ᱣᱟᱨᱞᱰ ᱠᱚᱯ ᱠᱷᱮᱞ ᱚᱠᱛᱚ ᱟᱡ ᱫᱚ ᱵᱷᱟᱭᱤᱥ ᱠᱟᱯᱴᱮᱱ ᱠᱚ ᱥᱟᱯᱲᱟᱣ ᱞᱮᱫᱮᱭᱟ ᱾ ᱵᱟᱨᱭᱟ ᱠᱷᱮᱞᱚᱸᱰᱤᱭᱟ. ᱠᱚ ᱥᱟᱝ ᱚᱱᱟ ᱥᱮᱨᱢᱟ ᱤᱱᱰᱤᱭᱟ ᱨᱮᱭᱟᱜ ᱢᱟᱨᱟᱝ ᱥᱠᱳᱨ ᱠᱚ ᱵᱮᱱᱟᱣ ᱠᱮᱫᱼᱟ ᱾ ᱚᱱᱟ ᱥᱮᱨᱢᱟ ᱱᱤᱭᱩ ᱡᱤᱞᱟᱸᱰ ᱥᱟᱝ ᱥᱮᱢᱤ ᱯᱷᱟᱭᱱᱟᱞ ᱨᱮ ᱜᱮ ᱵᱟᱭ ᱫᱟᱲᱮ ᱞᱮᱱᱟ ᱾
᱒᱐᱐᱒ ᱨᱮ ᱱᱩᱭ ᱫᱚ ᱤᱱᱰᱤᱭᱟ ᱴᱤᱢ ᱨᱤᱱᱤᱡ ᱠᱟᱯᱴᱮᱱ ᱠᱚ ᱵᱮᱱᱟᱣ ᱠᱟᱫᱮᱭᱟ ᱾ ᱚᱱᱟ ᱛᱟᱭᱚᱢ ᱗ ᱜᱚᱴᱟᱝ ᱱᱟᱣᱟ ᱠᱷᱮᱞᱚᱸᱰᱤᱭᱟ. ᱠᱚ ᱥᱟᱝ ᱱᱩᱭ ᱫᱚ ᱠᱷᱮᱞ ᱠᱟᱛᱮ ᱴᱤᱢ ᱠᱚᱭ ᱡᱤᱛᱟ.ᱨ ᱚᱪᱚ ᱞᱮᱫ ᱠᱚᱣᱟ ᱾ ᱥᱟᱩᱛᱷ ᱟᱯᱷᱨᱤᱠᱟ ᱥᱮᱱᱚᱜ ᱚᱠᱛᱚ ᱦᱚᱸ ᱟᱱᱡᱩᱢ ᱟᱜ ᱮᱠᱞᱟ ᱘᱐ ᱥᱠᱳᱨ ᱟᱛᱮ ᱴᱤᱢ ᱳᱱᱰᱤᱭᱟ ᱡᱤᱛᱠᱟ.ᱨ ᱞᱮᱱᱟ ᱾
᱒᱐᱐᱕ ᱨᱮ ᱥᱟᱩᱛᱷ ᱟᱯᱷᱨᱤᱠᱟ ᱨᱮ ᱣᱟᱨᱞᱰ ᱠᱚᱯ ᱠᱷᱮᱞ ᱚᱠᱛᱚ ᱯᱩᱭᱞᱩ ᱡᱮᱠᱷᱟ ᱠᱩᱲᱤ ᱠᱨᱤᱠᱮᱴ ᱯᱷᱟᱭᱱᱟᱞ ᱠᱚ ᱮᱱᱮᱡ ᱞᱮᱜᱼᱟ ᱾ ᱚᱱᱟ ᱥᱤᱨᱤᱡ ᱨᱮ ᱟᱱᱡᱩᱢ ᱫᱚ ᱡᱷᱚᱛᱚ ᱠᱷᱚᱱ ᱡᱟ.ᱥᱛᱤ ᱥᱠᱳᱨ ᱞᱮᱜᱼᱟᱭ ᱟᱨ ᱣᱟᱨᱞᱰ ᱠᱚᱯ ᱠᱷᱮᱞ ᱚᱠᱛᱚ ᱤᱸᱜᱞᱚᱸᱰ ᱥᱟᱝ ᱠᱷᱮᱞ ᱨᱮ ᱯᱞᱮᱭᱟᱨ ᱚᱯᱷ ᱫᱟ ᱢᱮᱪ ᱵᱮᱱᱟᱣ ᱞᱮᱱᱟᱭ ᱾
᱒᱐᱐᱘ ᱨᱮ ᱚᱥᱴᱨᱮᱞᱤᱭᱟ ᱨᱮ ᱣᱟᱨᱞᱰ ᱠᱚᱯ ᱠᱷᱮᱞ ᱚᱞᱛᱚ ᱟᱱᱡᱩᱢ ᱟᱜ ᱗᱖ ᱠᱷᱮᱞ ᱨᱮ ᱫᱟᱲᱮᱜ ᱥᱠᱳᱨ ᱛᱮ ᱢᱮᱪ ᱠᱚ ᱡᱩᱛᱠᱟ.ᱨ ᱞᱮᱱᱟ ᱾ ᱱᱟᱣᱟ ᱨᱮ ᱦᱚᱸ ᱟᱱᱡᱩᱢ ᱫᱚ ᱯᱞᱮᱭᱟᱨ ᱚᱯᱷ ᱫᱚ ᱥᱤᱨᱤᱡ ᱮ ᱵᱮᱱᱟᱣ ᱞᱮᱱᱟ ᱾
ᱟᱱᱡᱩᱢ ᱫᱚ ᱖ ᱜᱚᱴᱟᱝ ᱣᱟᱨᱞᱰ ᱠᱚᱯ ᱴᱤᱢ ᱤᱱᱰᱤᱭᱟ ᱞᱟᱹᱜᱤᱫ ᱮ ᱠᱷᱮᱞ ᱟᱠᱟᱫᱼᱟ ᱾ ᱯᱩᱱᱭᱟ ᱕᱐ ᱳᱵᱷᱚᱨ ᱣᱟᱨᱞᱰ ᱠᱚᱯ ᱟᱨ ᱵᱟᱨᱭᱟ ᱒᱐ ᱳᱵᱷᱚᱨ ᱣᱟᱨᱞᱰ ᱠᱚᱯ ᱾ ᱱᱩᱭ ᱫᱚ ᱤᱱᱰᱤᱭᱟ ᱨᱤᱱᱤᱡ ᱯᱩᱭᱞᱩ ᱯᱞᱮᱭᱟᱨ ᱠᱟᱱᱟᱭ ᱡᱟᱦᱟᱸᱭ ᱑᱐᱐ ᱜᱚᱴᱟᱝ ᱢᱤᱫ ᱫᱤᱱᱟᱜ ᱤᱱᱴᱚᱨᱱᱮᱥᱱᱟᱞ ᱮ ᱠᱷᱮᱞ ᱟᱠᱟᱫᱼᱟ ᱾ ᱱᱩᱭ ᱫᱚ ᱴᱤᱢ ᱤᱱᱰᱤᱭᱟ ᱨᱤᱱᱤᱡ ᱟ.ᱰᱤ ᱵᱷᱟᱜᱤ ᱠᱷᱮᱞᱚᱸᱰᱤᱭᱟ. ᱛᱟᱦᱮᱸ ᱠᱟᱱᱟᱭ ᱟᱨ ᱡᱷᱚᱛᱚ ᱠᱷᱚᱱ ᱡᱟ.ᱥᱛᱤ ᱠᱮᱪ ᱠᱚᱭ ᱥᱟᱵ ᱟᱠᱟᱫᱟ ᱾ [᱖] ᱡᱚᱡᱚᱢ ᱛᱤ ᱛᱮ ᱵᱳᱞᱤᱝ ᱟᱛᱮ ᱱᱩᱭ ᱫᱚ ᱚᱞ ᱨᱟᱩᱱᱰᱚᱨ ᱞᱮᱠᱟᱛᱮ ᱟᱡᱟᱜ ᱯᱩᱭᱞᱩ ᱢᱤᱫ ᱫᱤᱱᱟᱜ ᱤᱱᱴᱚᱨᱱᱮᱥᱱᱟᱞ ᱠᱷᱮᱞ ᱨᱮ ᱒᱐ ᱱᱚᱢᱵᱚᱨ ᱨᱮ ᱠᱷᱮᱞ ᱞᱮᱫ ᱛᱟᱦᱮᱸᱫ ᱾ ᱟᱨ ᱤᱱᱰᱤᱭᱟ ᱨᱤᱱ ᱠᱩᱲᱤ ᱦᱚᱯᱚᱱ ᱠᱷᱤᱞᱚᱸᱰᱤᱭᱟᱹ ᱠᱚ ᱛᱟᱞᱟᱨᱮ ᱡᱟ.ᱥᱛᱤ ᱨᱚᱱ ᱵᱮᱱᱟᱣ ᱨᱮ ᱘ ᱱᱚᱢᱵᱟᱨ ᱯᱳᱡᱤᱥᱚᱱ ᱨᱮ ᱢᱮᱱᱟᱭᱟ ᱾ [᱗]
ᱟᱱᱡᱩᱢ ᱫᱚ ᱡᱷᱚᱛᱚ ᱯᱳᱡᱤᱥᱚᱱ ᱨᱮ ᱜᱮ ᱠᱷᱮᱞ ᱫᱚᱲᱮᱭᱟᱜ ᱟᱭ ᱟᱨ ᱡᱟ.ᱥᱛᱤ ᱜᱷᱟ.ᱲᱤᱡ ᱦᱚᱸ ᱠᱷᱮᱞ ᱫᱟᱲᱮᱭᱟᱜ ᱛᱟᱦᱮᱸᱫ ᱾ ᱛᱚᱵᱮ ᱒᱐᱐᱐ ᱨᱮᱭᱟᱜ ᱱᱤᱭᱩ ᱡᱤᱞᱟᱸᱰ ᱣᱟᱨᱞᱰ ᱠᱚᱯ ᱨᱮ ᱟᱭᱚᱨᱞᱟᱸᱰ ᱠᱚ ᱥᱟᱝ ᱠᱷᱮᱞ ᱚᱠᱛᱚ ᱯᱩᱭᱞᱩ ᱨᱮ ᱜᱮ ᱢᱤᱫ ᱨᱚᱱ ᱨᱮ ᱯᱮᱭᱟ ᱣᱤᱠᱮᱴ ᱥᱮᱱ ᱞᱮᱱ ᱛᱟᱠᱚᱣᱟ ᱾ ᱛᱚᱵᱮ ᱚᱱᱟ ᱛᱟᱭᱚᱢ ᱟᱱᱡᱩᱢ ᱦᱮᱡ ᱠᱟᱛᱮ ᱗᱐ ᱨᱚᱱ ᱵᱮᱱᱟᱣ ᱠᱟᱛᱮ ᱴᱤᱢ ᱡᱤᱛᱠᱟ.ᱨ ᱚᱪᱟ ᱞᱮᱫᱮᱭᱟ ᱾
ᱡᱟᱦᱟᱸ ᱛᱤᱱᱟᱹᱜ ᱯᱨᱮᱥᱚᱨ ᱨᱮ ᱦᱚᱸ ᱟᱱᱡᱩᱢ ᱫᱚ ᱟᱰᱤ ᱟᱞᱜᱟ ᱛᱮᱜᱮ ᱠᱷᱮᱞ ᱛᱟᱦᱮᱸᱫ ᱟᱨ ᱱᱚᱣᱟ ᱠᱷᱟ.ᱛᱤᱨ ᱟ.ᱰᱤ ᱡᱮᱠᱷᱟ ᱴᱤᱢ ᱤᱱᱰᱤᱭᱟ ᱠᱚ ᱡᱤᱛᱠᱟ.ᱨ ᱟᱠᱟᱱᱟ ᱟᱨ ᱟᱡᱟᱜ ᱵᱮᱴᱤᱝ ᱥᱴᱟᱭᱤᱞ ᱦᱚᱸ ᱟ.ᱰᱤ ᱜᱮ ᱠᱚᱢᱟᱞ ᱛᱟᱦᱮᱸᱫ ᱾
ᱫᱤᱞᱞᱤ ᱯᱚᱵᱞᱤᱠ ᱥᱠᱩᱞ ᱨ.ᱠ. ᱯᱩᱨᱚᱢ, ᱥᱮᱸᱴ ᱥᱴᱤᱯᱷᱮᱱ ᱠᱚᱞᱮᱡ ᱟᱨ ᱫᱤᱞᱞ ᱭᱩᱱᱤᱵᱷᱚᱨᱥᱤᱴᱤ ᱠᱚᱨᱮ ᱚᱞ ᱛᱟᱭᱚᱢ ᱟᱱᱡᱩᱢ ᱫᱚ ᱯᱷᱳᱳᱨ ᱵᱤᱡᱱᱮᱥ ᱟᱰᱢᱤᱱᱤᱥᱴᱨᱮᱥᱚᱱ(FORE School of Management) ᱨᱮ ᱵᱤᱡᱱᱮᱥ ᱟᱰᱢᱤᱱᱤᱥᱴᱨᱮᱥᱚᱱ ᱨᱮ ᱡᱚᱲ ᱛᱮ (ᱢᱟᱨᱠᱮᱴᱤᱝ ᱟᱨ ᱦᱭᱩᱢᱟᱱ ᱨᱤᱥᱚᱨᱪ) ᱵᱟᱨᱭᱟ ᱨᱮ ᱢᱟᱥᱴᱚᱨ ᱠᱚᱨᱟᱣ ᱟᱠᱟᱜᱼᱟᱭ ᱾
ᱱᱤᱛ ᱞᱮᱠᱟᱱ ᱡᱤᱜᱽ ᱨᱮ ᱟᱱᱡᱩᱢ ᱫᱚ ᱢᱤᱫ ᱥᱯᱤᱠᱚᱨ ᱟᱨ ᱵᱟᱝ ᱢᱟ ᱢᱳᱴᱤᱵᱷᱮᱥᱚᱱᱟᱞ ᱥᱯᱤᱠᱚᱨ ᱞᱮᱠᱟᱛᱮ ᱠᱟ.ᱢᱤ ᱠᱟᱱᱟᱭ ᱾ ᱢ.ᱵ.ᱟ. ᱠᱚᱨᱟᱣ ᱟᱠᱟᱫ ᱟᱱᱡᱩᱢ ᱫᱚ ᱱᱤᱛᱚᱜ ᱣᱟᱨᱞᱰ ᱨᱮ ᱜᱮᱱᱮᱨᱟᱞ ᱤᱞᱮᱠᱴᱨᱤᱠ, ᱥᱴᱟᱱᱰᱟᱨᱰ ᱪᱟᱴᱮᱨᱰ, ᱜᱳᱞᱰᱢᱟᱱ ᱥᱚᱪ, ᱵᱷᱳᱰᱟ ᱯᱷᱳᱱ ᱟᱨ ᱟᱭᱢᱟ ᱥᱠᱩᱞ ᱟᱨ ᱠᱚᱞᱮᱡ ᱠᱚᱨᱮ ᱥᱯᱤᱠᱚᱨ ᱞᱮᱠᱟ ᱦᱚᱸ ᱠᱟᱢᱤ ᱠᱟᱱᱟᱭ ᱾
ᱴᱮᱞᱤᱵᱤᱡᱚᱱ ᱥᱟᱯᱲᱟᱣ
ᱟᱱᱡᱩᱢ ᱫᱚ Fear Factor - Khatron Ke Khiladi Season 4 ᱴᱮᱞᱤᱵᱤᱡᱚᱱ ᱨᱤᱭᱟᱞᱤᱴᱤ ᱥᱳ ᱨᱮ ᱵᱷᱟᱜ ᱦᱟᱛᱟᱣ ᱞᱮᱜᱼᱟᱭ ᱾ [᱘]
ᱥᱟ.ᱠᱷᱭᱟ.ᱛ ᱥᱟᱯᱲᱟᱣ
| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ Anjum Chopra ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
- ↑ "IPL8: Four female commentators who are former cricketers-IndiaTV News" (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2017-09-27.
- ↑ "Live Cricket Scores & News International Cricket Council" (in ᱟᱝᱜᱽᱨᱮᱡᱤ). Retrieved 2017-09-27.
- ↑ "Player Profile: Anjum Chopra". Cricinfo. Archived from the original on 16 January 2010. Retrieved 24 January 2010.
- ↑ "Player Profile: Anjum Chopra". CricketArchive. Retrieved 24 January 2010.
- ↑ "People would say, 'Oh, ladki ne kaise out kar diya': Anjum Chopra". www.hindustantimes.com (in ᱟᱝᱜᱽᱨᱮᱡᱤ). 2016-10-01. Retrieved 2017-09-27.
- ↑ "5 top players in the Indian women's cricket team in the last decade". 2013-12-03. Retrieved 2017-09-27.
- ↑ "Anjum receives Padma Shri award". Cricinfo (in ᱟᱝᱜᱽᱨᱮᱡᱤ). Retrieved 2017-09-27.
- ↑ "Let's get dangerous". Midday. 5 June 2011.
ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ
ᱪᱷᱟᱸᱪ:India Squad 2000 Women's Cricket World Cup ᱪᱷᱟᱸᱪ:India Squad 2005 Women's Cricket World Cup ᱪᱷᱟᱸᱪ:India Squad 2009 Women's Cricket World Cup