ᱟ.ᱛᱩ ᱛᱮᱸᱜᱮᱱ ᱟᱵᱚ ᱠᱷᱮᱨᱣᱟᱞ ᱥᱟᱱᱛᱟᱲ ᱠᱚ ᱫᱚ ᱮᱠᱞᱟ ᱛᱚᱠᱞᱟ ᱵᱟᱝ ᱛᱟᱦᱮᱸ ᱠᱟᱛᱮ ᱦᱟᱸᱰᱮ ᱱᱷᱟᱰᱤ ᱵᱟᱝ ᱡᱷᱩᱯᱲᱤ ᱵᱩᱥᱛᱤ ᱠᱟᱛᱮ ᱟ.ᱛᱩ ᱠᱚ ᱥᱟᱨ ᱥᱟ.ᱜᱩᱱ ᱠᱟᱛᱮ ᱱᱟᱯᱟᱭ ᱛᱮ ᱥᱟᱶ-ᱥᱟᱶ ᱵᱚᱱ ᱛᱟᱦᱮᱸᱱᱟ ᱾ ᱟᱨ ᱥᱟᱶᱛᱟ ᱠᱚ ᱵᱚᱱ ᱜᱚᱲᱦᱚᱱ ᱨᱟᱠᱟᱵᱟ ᱾

ᱟ.ᱛᱩ ᱥᱟᱨ ᱥᱟ.ᱜᱩᱱ ᱥᱟᱯᱲᱟᱣ

ᱩᱱᱤ ᱟ.ᱠᱤᱞᱟᱱ ᱯᱩᱨᱩᱫᱷᱩᱞ ᱜᱚᱢᱠᱮ, ᱡᱟᱦᱟᱸᱭ ᱟ.ᱛᱩᱭ ᱪᱤᱭᱟ. ᱞᱮᱜᱼᱟ ᱾ ᱩᱱᱤ ᱟ.ᱠᱤᱞᱟᱱ ᱯᱩᱨᱩᱫᱷᱩᱞ ᱜᱚᱢᱠᱮ ᱥᱟᱶᱛᱮ ᱚᱱᱟ ᱪᱤᱭᱟ. ᱟᱠᱟᱫ ᱴᱷᱟᱶ ᱠᱚ ᱥᱮᱱᱚᱜᱼᱟ ᱾ ᱟᱨ ᱚᱸᱰᱮ ᱥᱮᱱᱚᱜ ᱚᱠᱛᱚ ᱫᱚ ᱧᱤᱸᱫᱟ. ᱦᱩᱭ ᱠᱚᱜ ᱢᱟ ᱾ ᱟᱫᱚ ᱟ.ᱛᱩ ᱛᱮᱸᱜᱮᱱ ᱞᱟ.ᱜᱤᱫ ᱛᱮ ᱵᱚᱸᱜᱟ ᱵᱳᱨᱳ ᱥᱟᱯᱟᱵ ᱦᱚᱸ ᱠᱚ ᱥᱟᱵ ᱛᱟᱨᱟᱭᱟ ᱾ ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ, "ᱦᱟᱴᱟᱜ ᱨᱮ ᱟᱫᱽᱣᱟ ᱪᱟᱣᱞᱮ, ᱥᱩᱱᱩᱢ, ᱥᱤᱸᱫᱩᱨ, ᱜᱩᱨᱤᱡ, ᱟᱨᱟᱜ ᱥᱟᱺᱰᱤ ᱥᱟᱶᱛᱮ ᱦᱮᱲᱟᱜ ᱠᱟᱞᱚᱴ ᱟᱨ ᱯᱩᱸᱰ ᱥᱟᱺᱰᱤ ᱮᱢᱟᱱ ᱾ ᱱᱚᱶᱟ ᱠᱚ ᱥᱟᱶᱛᱮ ᱚᱱᱟ ᱴᱷᱟᱶ ᱠᱚ ᱥᱮᱴᱮᱨᱚᱜᱼᱟ ᱾

ᱤᱱᱟ. ᱧᱤᱫᱟ. ᱜᱮ ᱵᱚᱸᱜᱟ ᱵᱳᱨᱳ ᱠᱟ.ᱢᱤ ᱫᱚ ᱠᱚ ᱯᱩᱨᱟ.ᱣ ᱥᱟ.ᱛᱼᱟ ᱾ ᱟᱫᱚ ᱚᱱᱟ ᱪᱤᱱᱦᱟ. ᱚᱴᱚ ᱟᱠᱟᱫ ᱴᱷᱟᱶ ᱨᱮ ᱜᱮ ᱠᱚ ᱵᱚᱸᱜᱟᱭᱟ ᱾ ᱩᱱᱤ ᱢᱩᱛᱟ.ᱱ ᱤᱡ ᱜᱮ ᱥᱩᱱᱩᱢ ᱥᱤᱸᱫᱩᱨ ᱮ ᱟᱬᱜᱚᱭᱟ ᱾ ᱢᱚᱬᱮ ᱴᱷᱮᱱ ᱮ ᱴᱤᱰᱟ.ᱜᱼᱟ ᱾ ᱟᱨ ᱚᱱᱟ ᱴᱤᱰᱟ.ᱜ ᱟᱠᱟᱫ ᱥᱤᱸᱫᱩᱨ ᱥᱩᱨ ᱨᱮ ᱪᱮ ᱯᱷᱮᱰ ᱨᱮ ᱜᱮ ᱟᱫᱽᱣᱟ ᱪᱟᱣᱞᱮ ᱠᱚ ᱪᱩᱨᱩᱡᱟ ᱟᱨ ᱥᱩᱨ ᱨᱮ ᱴᱷᱤᱞᱤ ᱫᱟᱜ ᱮ ᱫᱚᱲᱚᱢᱟ ᱾ ᱟᱨ ᱟᱨᱟᱜ ᱥᱤᱢ ᱦᱚᱸ ᱠᱚ ᱛᱚᱞ ᱮᱭᱟ ᱚᱸᱰᱮ ᱜᱮ ᱾ ᱡᱮᱢᱚᱱ ᱚᱱᱟ ᱵᱚᱸᱜᱟ ᱟᱠᱟᱫ ᱥᱟᱢᱟᱱ ᱠᱚ ᱟᱞᱚᱭ ᱥᱮᱴᱮᱨ ᱢᱟ ᱾ ᱚᱱᱟ ᱟᱫᱽᱣᱟ ᱪᱟᱣᱞᱮ ᱦᱚᱸ ᱯᱮ ᱴᱷᱮᱱ ᱠᱚ ᱪᱩᱨᱩᱡ ᱠᱟᱜᱼᱟ ᱾ ᱟᱨ ᱚᱱᱟ ᱥᱩᱨ ᱨᱮᱜᱮ ᱯᱮ ᱴᱷᱮᱱ ᱠᱚ ᱰᱷᱚᱰᱟᱭᱟ ᱾

ᱚᱦᱬᱮ ᱥᱟᱯᱲᱟᱣ

ᱟᱨ ᱚᱱᱟ ᱰᱷᱚᱰᱟᱜ ᱦᱟᱥᱟ ᱫᱚ ᱚᱱᱟ ᱥᱩᱨ ᱨᱮᱜᱮ ᱠᱚ ᱫᱚᱦᱚᱭᱟ ᱾ ᱟᱨ ᱱᱚᱝᱠᱟ ᱠᱚ ᱚᱦᱬᱮ ᱟᱠᱚᱣᱟ ᱵᱚᱸᱜᱟ ᱵᱳᱨᱳ ᱠᱚ :- ᱚᱦᱬᱮ ...

ᱥᱮᱨᱢᱟ ᱨᱮ ᱥᱤᱧ ᱵᱚᱸᱜᱟ ᱡᱟ.ᱴᱤ ᱞᱮᱠᱟᱢ ᱟᱴᱮᱫ ᱟᱠᱟᱱ, ᱪᱟᱨᱠᱚᱬ ᱪᱟᱨ ᱢᱤᱨᱛᱷᱤ ᱢᱮᱢ ᱰᱟᱵᱟᱣ ᱟᱠᱟᱫ ᱾ ᱟᱯᱮ ᱫᱷᱟ.ᱨᱛᱤ ᱨᱤᱱ ᱡᱟᱦᱮᱨ ᱟᱭᱳ ᱢᱟᱨᱟᱝ ᱵᱳᱨᱳ ᱢᱚᱬᱮ ᱠᱚ ᱛᱩᱨᱩᱭ ᱠᱚ, ᱞᱤᱴᱟ. ᱜᱳᱥᱟᱸᱭ ᱟᱯᱮ ᱧᱩᱛᱩᱢ ᱛᱮ ᱱᱚᱜ-ᱚᱭ ᱵᱤᱨ ᱞᱮ ᱥᱟᱨ ᱮᱫ ᱥᱟ.ᱜᱩᱱ ᱮᱫ ᱾ ᱟᱭᱱᱟ ᱚᱛ ᱞᱮ ᱥᱟᱨ ᱮᱫ ᱥᱟ.ᱜᱩᱱ ᱮᱫ ᱱᱤᱭᱟ. ᱜᱮ ᱟᱞᱮ ᱩᱫᱩᱜ ᱟᱞᱮ ᱥᱚᱫᱚᱨ ᱟᱞᱮ ᱯᱮ ᱾ ᱛᱳᱣᱟ ᱠᱮ ᱛᱳᱣᱟ ᱫᱟᱦᱮ ᱠᱮ ᱫᱟᱜ ᱵᱤᱪᱟ.ᱨ ᱠᱟᱛᱮ ᱩᱫᱩᱜ ᱟᱞᱮ ᱯᱮ ᱾

ᱧᱤᱫᱟ. ᱰᱮᱨᱟ ᱥᱟᱯᱲᱟᱣ

ᱱᱚᱝᱠᱟ ᱚᱦᱬᱮ ᱵᱟᱲᱟ ᱠᱟᱛᱮ ᱤᱱᱟ. ᱧᱤᱫᱟ. ᱫᱚ ᱚᱸᱰᱮ ᱜᱮ ᱵᱟᱥᱟ ᱟᱸᱜᱟᱜ ᱞᱟ.ᱜᱤᱫ ᱰᱮᱨᱟ ᱠᱚᱠᱚ ᱵᱮᱱᱟᱣᱟ ᱾ ᱰᱮᱨᱟ (ᱜᱤᱛᱤᱡ) ᱞᱟ.ᱜᱤᱫ ᱚᱱᱟ ᱥᱩᱨ ᱫᱷᱟᱨᱟ ᱜᱮ ᱠᱚ ᱪᱟᱞᱟᱜᱼᱟ ᱾ ᱡᱮᱢᱚᱱ ᱩᱱᱤ ᱛᱚᱞ ᱟᱠᱟᱱ ᱟᱨᱟᱜ ᱥᱤᱢ ᱥᱟᱺᱰᱤ ᱟᱜ ᱠᱩᱲᱠᱩᱪᱩᱫ ᱦᱚᱸ ᱠᱚ ᱟᱸᱡᱚᱢ ᱧᱟᱢ ᱢᱟ ᱾ ᱟᱨ ᱛᱩᱭᱩ ᱠᱚᱨᱮ ᱠᱷᱚᱱ ᱠᱚ ᱵᱟᱧᱪᱟᱣ ᱫᱟᱲᱮ ᱟᱭ ᱢᱟ ᱾

ᱟᱫᱚ ᱧᱤᱫᱟ. ᱠᱷᱚᱱ ᱜᱮ ᱩᱱᱤ ᱥᱤᱢ ᱥᱟᱺᱰᱤ ᱜ ᱠᱩᱲᱠᱩᱪᱩᱫ ᱨᱟᱜ ᱟᱸᱡᱚᱢ ᱞᱟ.ᱜᱤᱫ ᱛᱟᱺᱜᱤ ᱨᱮ ᱠᱚ ᱛᱟᱦᱮᱸᱱᱟ ᱾ ᱩᱱᱤ ᱥᱤᱢ ᱥᱟᱺᱰᱤ ᱢᱤᱫ ᱫᱷᱟᱣ ᱜᱮ ᱠᱩᱲᱠᱩᱪᱩᱫᱽ ᱠᱷᱟᱱ ᱠᱚ ᱢᱮᱱᱟ, "ᱱᱟᱭᱠᱮ ᱥᱩᱢᱩᱝ ᱜᱮ ᱠᱤᱥᱟ.ᱬᱚᱜᱼᱟ ᱾"

ᱵᱟᱨ ᱫᱷᱟᱣ ᱠᱷᱟᱱ ᱠᱚ ᱢᱮᱱᱟ, "ᱢᱟᱺᱡᱷᱤ ᱟᱨ ᱱᱟᱭᱠᱮ ᱥᱩᱢᱩᱝ ᱠᱤᱱ ᱠᱤᱥᱟ.ᱬᱚᱜᱼᱟ ᱾" ᱟᱨ ᱵᱟᱨ ᱫᱷᱟᱣ ᱠᱷᱚᱱ ᱟ.ᱰᱤ ᱫᱷᱟᱣ ᱠᱷᱟᱱ , "ᱡᱚᱛᱚ ᱦᱚᱲᱟᱜ ᱥᱟ.ᱜᱩᱱ ᱱᱟᱯᱟᱭ ᱜᱮᱭᱟ ᱢᱮᱱᱛᱮ ᱠᱚ ᱢᱮᱱᱟ ᱾"

ᱥᱟ.ᱜᱩᱱ ᱧᱮᱞ ᱥᱟᱯᱲᱟᱣ

ᱱᱚᱝᱠᱟ ᱛᱮ ᱟᱸᱜᱟ ᱞᱮᱱ ᱠᱷᱟᱱ ᱵᱚᱸᱜᱟ ᱟᱠᱟᱱ ᱴᱷᱟᱶ ᱛᱮᱠᱚ ᱦᱟ.ᱡᱩᱜᱼᱟ ᱾ ᱟᱨ ᱡᱚᱛᱚᱣᱟᱜ ᱠᱚ ᱧᱮᱞ ᱥᱟᱸᱜᱮᱭᱟ ᱾ ᱚᱱᱟ ᱪᱩᱨᱩᱡ ᱟᱠᱟᱫ ᱟᱫᱽᱣᱟ ᱪᱟᱣᱞᱮ ᱠᱚ ᱧᱮᱞᱟ ᱾ ᱚᱱᱟ ᱚᱠᱟ ᱠᱚ ᱥᱮᱫ ᱦᱤᱨᱤᱡ ᱯᱟ.ᱥᱤᱨ ᱟᱠᱟᱱᱟ ᱾ ᱟᱫᱚ ᱡᱟᱦᱟᱸ ᱥᱮᱫ ᱦᱤᱨᱤᱡ ᱯᱟ.ᱥᱤᱨ ᱠᱚᱜᱼᱟ, ᱚᱱᱛᱮᱱ ᱵᱚᱸᱜᱟ ᱠᱚ ᱨᱟᱠᱟᱵ ᱠᱚᱣᱟ ᱾ ᱵᱟᱝᱠᱷᱟᱱ ᱫᱚ ᱠᱚ ᱢᱮᱱᱟ ᱚᱱᱛᱮᱱ ᱵᱚᱸᱜᱟ ᱜᱮ ᱟᱵᱚᱣᱟᱜ ᱫᱷᱚᱱ ᱫᱩᱨᱤᱵᱽ ᱫᱚ ᱠᱚ ᱤᱫᱤᱭᱟ ᱾ ᱤᱱᱟ.ᱠᱟᱛᱮ ᱚᱱᱟ ᱯᱮᱭᱟ ᱰᱚᱰᱷᱟᱜ ᱟᱠᱟᱱ ᱦᱟᱥᱟ ᱠᱚ ᱵᱷᱟᱛᱟᱣᱟ ᱾ ᱡᱩᱫᱤ ᱚᱱᱟ ᱦᱟᱥᱟᱛᱮ ᱯᱮᱨᱮᱡ ᱠᱟᱛᱮ ᱦᱟᱥᱟ ᱵᱟ.ᱲᱛᱤ ᱮᱱᱟ, ᱮᱱᱠᱷᱟᱱ ᱠᱚ ᱢᱮᱱᱟ, "ᱫᱷᱚᱱ ᱫᱚ ᱛᱟᱵᱚ ᱥᱟᱦᱟᱨ ᱞᱟᱦᱟᱨᱚᱜᱼᱟ ᱾" ᱟᱨ ᱦᱟᱥᱟ ᱪᱟᱵᱟ ᱠᱟᱛᱮ ᱵᱟᱭ ᱯᱮᱨᱮᱡᱚᱜ ᱠᱷᱟᱱ ᱠᱚ ᱢᱮᱱᱟ, "ᱵᱩᱜᱤᱛᱟᱨᱟ ᱵᱚᱱ ᱨᱮᱸᱜᱮᱡᱚᱜᱼᱟ ᱾"

ᱚᱱᱟ ᱛᱟᱭᱚᱢ ᱥᱤᱢ ᱤᱡ ᱠᱚ ᱧᱮᱞᱟ, ᱢᱤᱫ ᱴᱷᱮᱱ ᱮ ᱤᱡ ᱠᱟᱜ ᱠᱷᱟᱱ ᱱᱟᱭᱠᱮ, ᱵᱟᱨ ᱴᱷᱮᱱ ᱠᱷᱟᱱ ᱢᱟᱺᱡᱷᱤ ᱟᱨ ᱱᱟᱭᱠᱮ ᱠᱤᱱ ᱠᱤᱥᱟ.ᱬᱚᱜᱼᱟ ᱢᱮᱱᱛᱮ ᱠᱚ ᱢᱮᱱᱟ ᱾ ᱟᱨ ᱟ.ᱰᱤ ᱴᱷᱮᱱ ᱠᱷᱟᱱ ᱡᱚᱛᱚ ᱵᱚᱱ ᱠᱤᱥᱟ.ᱬᱚᱜᱼᱟ ᱢᱮᱱᱛᱮ ᱠᱚ ᱢᱮᱱᱟ ᱾

ᱤᱱᱟ. ᱛᱟᱭᱚᱢ ᱥᱤᱢ ᱤᱞ ᱠᱚ ᱧᱮᱞᱟ, ᱵᱟᱞᱮ ᱤᱞ ᱧᱩᱨ ᱠᱚᱜ ᱠᱷᱟᱱ ᱠᱚ ᱢᱮᱱᱟ, "ᱵᱟᱞᱮ ᱜᱤᱫᱽᱨᱟ. ᱠᱚ ᱜᱩᱡᱩᱜ ᱛᱟᱵᱚᱱᱟ ᱾ ᱟᱨ ᱦᱟᱲᱟᱢ ᱤᱞ ᱠᱚ ᱧᱩᱨᱩᱜ ᱠᱷᱟᱱ ᱠᱚ ᱢᱮᱱᱟ, "ᱟᱺᱰᱷᱟ.ᱨᱩᱵᱟᱺᱰᱷᱟ.ᱨᱩ ᱠᱟᱛᱮ ᱵᱚᱱ ᱜᱚᱡ ᱜᱩᱨᱚᱜᱼᱟ ᱾ ᱚᱱᱟ ᱠᱚ ᱵᱟᱝ ᱠᱟᱛᱮ ᱱᱟᱯᱟᱭ ᱜᱮ ᱠᱷᱟᱱ ᱚᱸᱰᱮ ᱜᱮ ᱠᱚ ᱴᱷᱟ.ᱣᱠᱟ.ᱭᱟ ᱾ ᱟᱨ ᱩᱱᱤ ᱟᱨᱟᱜ ᱥᱟᱺᱰᱤ ᱥᱟᱶᱛᱮ ᱩᱱᱠᱤᱱ ᱦᱮᱲᱟᱜ ᱠᱟᱞᱚᱴ ᱟᱨ ᱯᱩᱸᱰ ᱥᱟᱺᱰᱤ ᱦᱚᱸ ᱠᱚ ᱵᱚᱸᱜᱟ ᱠᱚᱣᱟ ᱾ ᱛᱟᱭᱚᱢ ᱚᱸᱰᱮ ᱜᱮ ᱵᱟᱨᱟᱵᱟ.ᱨᱤ ᱛᱮ ᱚᱲᱟᱜ ᱞᱟ.ᱜᱤᱫ ᱡᱟᱭᱜᱟ ᱠᱚ ᱦᱟ.ᱴᱤᱧᱟ ᱟᱨ ᱵᱟ.ᱫᱽ ᱵᱟ.ᱭᱦᱟ.ᱲ ᱞᱟ.ᱜᱤᱫ ᱡᱟᱭᱜᱟ ᱦᱚᱸ ᱠᱚ ᱦᱟ.ᱴᱤᱧᱟ, ᱟᱨ ᱠᱚ ᱛᱟᱦᱮᱸ ᱢᱤᱫᱩᱜᱼᱟ ᱾

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ

https://www.abebooks.com/servlet/BookDetailsPL?bi=2453812202&searchurl=tn%3Dkaram%2Bbinti%26sortby%3D17