ᱠᱟᱞᱤ ᱜᱟᱰᱟ, ᱩᱛᱛᱨᱟᱠᱷᱟᱸᱰ

ᱠᱟᱞᱤ ᱜᱟᱰᱟ, ᱡᱟᱦᱟᱸ ᱫᱚ ᱢᱟᱦᱟᱠᱟᱞᱤ, ᱠᱟᱞᱤᱜᱟᱸᱜᱟ ᱥᱮ ᱥᱟᱨᱫᱟ ᱠᱚ ᱧᱩᱛᱩᱢ ᱛᱮᱦᱚᱸ ᱵᱟᱰᱟᱭᱚᱜ ᱠᱟᱱᱟ, ᱥᱤᱧᱚᱛ ᱨᱮᱱᱟᱜ ᱩᱛᱛᱚᱨᱟᱠᱷᱚᱸᱰ ᱟᱨ ᱩᱛᱛᱟ.ᱨ ᱯᱨᱚᱫᱮᱥ ᱯᱚᱱᱚᱛ ᱨᱮ ᱟᱹᱛᱩᱜ ᱠᱟᱱ ᱢᱤᱫ ᱜᱟᱰᱟ ᱠᱟᱱᱟ᱾ ᱱᱚᱶᱟ ᱜᱟᱰᱟ ᱨᱮᱱᱟᱜ ᱩᱫᱽᱜᱟᱢ ᱡᱟᱭᱜᱟ ᱢᱟᱨᱟᱝ ᱵᱩᱨᱩ ᱦᱤᱢᱚᱞᱟᱭ ᱨᱮ ᱓᱖᱐᱐ ᱢᱤᱴᱚᱨ ᱨᱮᱱᱟᱜ ᱪᱮᱛᱟᱱᱨᱮ ᱢᱮᱱᱟᱜ ᱠᱟᱞᱟ ᱯᱟᱱᱤ ᱱᱟᱢᱚᱠ ᱡᱟᱭᱜᱟ ᱨᱮ ᱢᱮᱱᱟᱜ-ᱟ, ᱱᱚᱶᱟ ᱜᱟᱰᱟ ᱨᱮᱱᱟᱜ ᱧᱩᱛᱩᱢ ᱠᱟᱞᱤ ᱢᱟᱛᱟ(ᱠᱟᱞᱤ ᱟᱭᱚ) ᱧᱩᱛᱩᱢ ᱛᱮ ᱯᱟᱲᱟᱣ ᱮᱱᱟ ᱡᱟᱦᱟᱸ ᱫᱚ ᱱᱚᱶᱟ ᱨᱮᱱᱟᱜ ᱢᱚᱸᱫᱤᱨ ᱠᱟᱞᱟᱯᱟᱱᱤ ᱨᱮ ᱞᱤᱯ-ᱞᱤᱠᱷ ᱫᱚᱨᱨᱮ ᱠᱷᱚᱱ ᱥᱩᱨ ᱧᱚᱜ ᱥᱤᱧᱚᱛ ᱟᱨ ᱛᱤᱵᱽᱵᱚᱛ ᱨᱮᱱᱟᱜ ᱥᱤᱢᱟ ᱨᱮ ᱢᱮᱱᱟᱜ-ᱟ᱾ ᱚᱸᱰᱮ ᱱᱟᱜ ᱪᱮᱛᱟᱱ ᱦᱚᱨ ᱨᱮ ᱱᱚᱶᱟ ᱜᱟᱰᱟ ᱱᱮᱯᱟᱞ ᱥᱟᱶ ᱥᱤᱧᱚᱛ ᱨᱮᱱᱟᱜ ᱱᱤᱨᱚᱸᱛᱚᱨ ᱥᱟᱢᱟᱝ ᱥᱤᱢᱟ ᱵᱟᱱᱟᱜ ᱠᱟᱱᱟ, ᱡᱟᱦᱟᱸ ᱫᱚ ᱱᱚᱶᱟ ᱢᱟᱦᱟ ᱠᱟᱞᱤ ᱠᱚ ᱢᱮᱛᱟᱣᱟᱜ ᱠᱟᱱᱟ᱾ ᱱᱚᱶᱟ ᱜᱟᱰᱟ ᱩᱛᱛᱨᱟᱠᱷᱟᱸᱰ ᱟᱨ ᱩᱛᱛᱟᱨᱯᱨᱚᱫᱮᱥ ᱨᱮᱱᱟᱜ ᱴᱟᱺᱰᱤ ᱴᱚᱴᱷᱟ ᱨᱮ ᱥᱮᱴᱮᱨᱚᱜ ᱨᱮ ᱥᱟᱨᱫᱟ ᱜᱟᱰᱟ ᱧᱩᱛᱩᱢ ᱛᱮᱦᱚᱸ ᱵᱟᱰᱟᱭᱚᱜ ᱠᱟᱱᱟ᱾ ᱠᱟᱞᱤ ᱜᱟᱰᱟ ᱨᱮᱱᱟᱜ ᱛᱩᱢᱵᱩᱜ ᱴᱚᱴᱷᱟ ᱞᱚᱜᱽᱵᱷᱚᱜᱽ ᱑᱕᱒᱖᱐ ᱣᱚᱨᱜᱽ ᱠᱤᱞᱚᱢᱤᱴᱚᱨ ᱢᱮᱱᱟᱜ-ᱟ᱾ ᱡᱟᱦᱟᱸ ᱫᱚ ᱢᱤᱫ ᱢᱟᱨᱟᱝ ᱦᱟᱹᱴᱤᱧ (ᱞᱚᱜᱽᱵᱷᱚᱜᱽ ᱙᱙᱔᱓ ᱣᱚᱨᱜᱽ ᱠᱤᱞᱳᱢᱤᱴᱟᱨ) ᱩᱛᱛᱨᱟᱠᱷᱟᱸᱰ ᱨᱮ ᱢᱮᱱᱟᱜ-ᱟ, ᱟᱨ ᱥᱟᱨᱮᱡ ᱱᱮᱯᱟᱞ ᱨᱮ ᱢᱮᱱᱟᱜ-ᱟ᱾

ᱵᱚᱭᱨᱟᱡᱽ ᱨᱳᱰ ᱴᱟᱱᱟᱠ ᱯᱩᱨ ᱠᱷᱚᱱ ᱯᱩᱨᱱᱟ ᱜᱤᱨᱤ ᱨᱮᱭᱟᱜ ᱪᱤᱛᱟ.ᱨ

ᱠᱟᱞᱤ ᱜᱟᱰᱟ ᱩᱛᱛᱨᱟᱠᱷᱟᱸᱰ ᱯᱚᱱᱚᱛ ᱨᱮᱱᱟᱜ ᱯᱩᱱᱟᱭ ᱟᱥᱚᱞ ᱜᱟᱰᱟ ᱨᱮ ᱢᱤᱫ ᱜᱮᱭᱟ, ᱟᱨ ᱱᱚᱶᱟ ᱠᱟᱨᱚᱱ ᱛᱮ ᱱᱚᱶᱟ ᱩᱛᱛᱨᱟᱠᱷᱟᱸᱰ ᱨᱮᱱᱟᱜ ᱯᱚᱱᱚᱛ-ᱪᱤᱛᱟᱨ ᱨᱮ ᱦᱚᱸ ᱥᱚᱫᱚᱨ ᱦᱩᱭ ᱟᱠᱟᱱᱟ᱾ ᱱᱚᱶᱟ ᱜᱟᱰᱟ ᱠᱟᱞᱟᱯᱟᱱᱤ ᱨᱮ ᱓᱖᱐᱐ ᱢᱤᱴᱚᱨ ᱠᱷᱚᱱ ᱩᱛᱟᱨᱠᱚᱨ ᱒᱐᱐ ᱢᱤᱴᱚᱨ ᱪᱮᱛᱟᱱᱨᱮ ᱛᱚᱨᱟᱭᱤ ᱴᱟᱺᱰᱤ ᱨᱮ ᱨᱮ ᱵᱚᱞᱚᱱ ᱠᱟᱱᱟ, ᱟᱨ ᱱᱚᱶᱟ ᱠᱷᱟᱹᱛᱤᱨ ᱱᱚᱶᱟ ᱫᱟᱜ ᱵᱤᱡᱽᱞᱤ ᱥᱤᱨᱡᱟᱹᱣ ᱠᱚ ᱞᱟᱹᱜᱤᱫ ᱟᱯᱨᱟ ᱟᱞᱜᱟ ᱥᱚᱦᱚᱫ ᱥᱚᱫᱚᱨ ᱚᱪᱚᱭᱮᱫ-ᱟ᱾ ᱥᱤᱧᱚᱛ ᱜᱟᱰᱟ ᱫᱚ ᱤᱸᱴᱟᱨ-ᱞᱤᱸᱠ ᱞᱟᱹᱜᱤᱫ ᱛᱮ ᱳᱚᱨᱤᱭᱚᱡᱽᱱᱟ ᱨᱮᱱᱟᱜ ᱷᱤᱢᱟᱞᱟᱭᱤ ᱜᱷᱟᱴᱚᱠ ᱨᱮ ᱟᱭᱢᱟ ᱳᱚᱨᱤᱭᱚᱡᱽᱱᱟ ᱞᱟᱹᱜᱤᱫ ᱱᱚᱶᱟ ᱜᱟᱰᱟ ᱫᱚ ᱥᱨᱚᱛ ᱠᱚ ᱞᱮᱠᱟᱛᱮ ᱯᱨᱚᱥᱛᱚᱣᱤᱛ ᱦᱩᱭ ᱟᱠᱟᱱᱟ᱾ ᱥᱟᱨᱭᱩ ᱜᱟᱰᱟ ᱠᱟᱞᱤ ᱜᱟᱰᱟ ᱨᱮᱱᱟᱜ ᱥᱟᱱᱟᱢ ᱠᱷᱚᱱ ᱵᱟᱹᱲᱛᱤ ᱜᱚᱲᱚ ᱜᱟᱰᱟ ᱠᱟᱱᱟ᱾ ᱠᱩᱴᱤ , ᱫᱷᱚᱞᱤᱜᱟᱸᱜᱟ, ᱜᱚᱨᱩ, ᱪᱟᱢᱮᱞᱤ,ᱨᱟᱢᱬᱩᱢᱟ,ᱞᱟᱲᱤᱭᱟ ,ᱟᱭᱢᱟ ᱟᱥᱚᱞ ᱜᱚᱲᱚ ᱜᱟᱰᱟ ᱡᱚ ᱵᱮᱰᱟᱭ ᱠᱟᱱᱟ᱾ ᱛᱳᱣᱟ ᱜᱷᱟᱴ, ᱫᱷᱟᱨᱪᱩᱞᱟ,ᱡᱚᱞᱡᱤᱵᱤ, ᱡᱷᱩᱞᱟᱹ ᱜᱷᱟᱴ, ᱳᱚᱸᱪᱮᱥᱣᱚᱨ,ᱴᱚᱱᱚᱠᱯᱩᱨ,ᱵᱚᱱᱵᱚᱥᱟ ᱟᱨ ᱢᱚᱦᱮᱱᱫᱽᱨᱚ ᱮᱢᱟᱱ ᱜᱟᱰᱟ ᱠᱚ ᱟᱲᱮ ᱨᱮ ᱵᱟᱥᱟ ᱟᱠᱟᱱ ᱟᱥᱚᱞ ᱱᱚᱜᱚᱨ ᱠᱟᱱᱟ᱾[᱑]

ᱟᱛᱩᱜ ᱫᱟᱜ ᱥᱟᱯᱲᱟᱣ

ᱠᱟᱞᱤ ᱜᱟᱰᱟ ᱨᱮᱱᱟᱜ ᱟᱥᱚᱞ ᱥᱨᱚᱛ ᱥᱤᱧᱚᱛ ᱟᱨ ᱛᱤᱵᱽᱵᱚᱛ ᱨᱮᱱᱟᱜ ᱥᱤᱢᱟ ᱨᱮ ᱢᱮᱱᱟᱜ ᱞᱤᱯᱩ-ᱞᱤᱠᱷ ᱫᱟᱨᱨᱮ ᱠᱷᱚᱱ ᱥᱩᱨ ᱨᱮ ᱠᱟᱞᱟᱯᱟᱱᱤ ᱠᱚ ᱢᱟᱱᱟᱣᱮᱫ ᱠᱟᱱᱟ, ᱢᱮᱱᱮᱛᱢᱟ ᱠᱟᱞᱤ ᱜᱟᱰᱟ ᱨᱮᱱᱟᱜ ᱟᱫᱷᱟᱱ ᱚᱛᱱᱚ ᱥᱨᱚᱛ ᱱᱚᱸᱰᱮ ᱠᱷᱚᱱ ᱕ ᱠᱤᱞᱚᱢᱤᱴᱚᱨ ᱞᱟᱦᱟ ᱱᱮᱯᱟᱞ ᱟᱨ ᱛᱤᱵᱽᱵᱚᱛ ᱨᱮ ᱦᱚᱸ ᱢᱮᱱᱟᱜ-ᱟ᱾ ᱑᱘᱒᱖ ᱥᱩᱜᱟᱩᱞᱤ ᱥᱟᱸᱥᱷᱤ ᱞᱮᱠᱟᱛᱮ ᱠᱟᱞᱟᱯᱟᱱᱤ ᱠᱷᱚᱱ ᱞᱟᱦᱟ ᱱᱚᱶᱟ ᱜᱟᱰᱟ ᱥᱤᱧᱚᱛ ᱟᱨ ᱱᱮᱯᱟᱞ ᱨᱮᱱᱟᱜ ᱛᱟᱞᱟ ᱡᱮᱡᱟᱛᱟᱹᱨᱤ ᱥᱤᱢᱟ ᱵᱟᱱᱟᱜ ᱠᱟᱱᱟ᱾ ᱛᱟᱣᱟᱜᱷᱟᱴ (᱒᱙º᱕᱗'N, ᱘᱐º᱓᱖'E) ᱫᱷᱚᱩᱞᱤ ᱜᱟᱸᱜᱟ ᱫᱷᱟᱨᱪᱩᱞᱟ ᱱᱚᱜᱚᱨ ᱠᱷᱚᱱ ᱟᱰᱚᱢᱚᱜ ᱠᱟᱱᱟ, ᱟᱨ ᱡᱟᱩᱞ ᱡᱤᱵᱤ ᱱᱟᱢᱚᱠ ᱡᱟᱭᱜᱟ ᱨᱮ ᱜᱚᱨᱤ ᱜᱟᱰᱟ ᱠᱷᱚᱱ ᱧᱟᱯᱟᱢ ᱢᱤᱫᱩᱜ ᱠᱤ ᱠᱟᱱᱟ᱾ ᱱᱚᱶᱟ ᱡᱟᱭᱜᱟ ᱢᱤᱫ ᱥᱮᱨᱢᱟᱠᱤᱭᱟ ᱢᱮᱞᱟ ᱢᱮᱱᱛᱮ ᱦᱚᱸ ᱵᱟᱰᱟᱭᱚᱜ ᱠᱟᱱᱟ᱾

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ

  1. "River and its Environs: Mahakali / Sharda – An Introduction" [ᱜᱟᱰᱟ ᱟᱨ ᱱᱚᱶᱟ ᱯᱟᱨᱭᱟᱣᱚᱨᱚᱱ ᱺ ᱢᱟᱦᱟᱠᱟᱞᱤ/ᱥᱟᱨᱫᱟ-ᱢᱤᱫ ᱩᱯᱩᱨᱩᱢ परिचय] (PDF). Archived from the original (PDF) on 2018-03-30. Retrieved 2019-10-20.