ᱠᱳᱭᱤᱞᱤ ᱫᱮᱵᱤ
| ᱠᱳᱭᱤᱞᱤ ᱫᱮᱵᱤ | |
|---|---|
| ᱧᱩᱛᱩᱢ | ᱠᱳᱭᱤᱞᱤ ᱫᱮᱵᱤ |
| ᱡᱟᱱᱟᱢ ᱧᱩᱛᱩᱢ | Radha Basnet |
| ᱡᱟᱱᱟᱢ | September 1929 Chisapani Gadhi, Makwanpur, Nepal |
| ᱵᱚᱝᱜᱟ ᱛᱟᱞᱟ | 2007 Kathmandu, Nepal |
| ᱚᱠᱩᱯᱮᱥᱚᱱ | Singer |
ᱠᱳᱭᱤᱞᱤ ᱫᱮᱵᱤ ᱢᱟᱛᱷᱮᱢᱟ (᱑᱙᱒᱙-᱒᱐᱐᱗) ᱱᱮᱯᱟᱞᱤ ᱥᱮᱨᱮᱧ ᱠᱟᱹᱨᱤᱜᱚᱲ ᱨᱤᱱᱤᱡ ᱯᱩᱭᱞᱩ ᱠᱩᱲᱤ ᱥᱮᱨᱮᱧ ᱚᱱᱚᱞᱤᱭᱟᱹ ᱥᱟᱶ ᱛᱮ ᱨᱟᱦᱟ ᱮᱱᱮᱢᱤᱭᱟᱹ ᱠᱟᱱ ᱛᱟᱦᱮᱱᱫ ᱾ᱟᱡ ᱱᱮᱯᱟᱲ ᱨᱤᱱᱤᱡ ᱠᱩᱭᱞᱤ ᱪᱮᱬᱮ ᱢᱮᱱᱛᱮᱫ ᱦᱚᱸᱠᱚ ᱦᱚ ᱦᱚ ᱟᱭᱟ ᱾ ᱠᱩᱭᱞᱤ ᱪᱮᱬᱮ ᱭᱟᱜ ᱨᱟᱦᱟ ᱞᱮᱠᱟ ᱥᱚᱨᱮᱥ ᱟᱨ ᱪᱚᱨᱚᱠ ᱠᱷᱟᱹᱛᱤᱡ ᱟᱡ ᱦᱚᱸ ᱠᱳᱭᱤᱞᱤ ᱠᱚ ᱧᱩᱢ ᱟᱠᱟᱰᱮᱭᱟ, ᱱᱮᱯᱟᱞᱤ ᱛᱮ ᱠᱩᱭᱞᱤ ᱪᱮᱬᱮ ᱫᱚ ᱠᱚᱭᱤᱞᱤ ᱠᱚ ᱢᱮᱛᱟ ᱟᱠᱚᱣᱟ᱾ ᱟᱡ ᱠᱟᱹᱠᱤᱭᱟᱜ ᱦᱟᱜ ᱜᱚᱲᱚ ᱥᱚᱦᱚᱫ ᱛᱮ ᱟᱡ ᱑᱑ ᱥᱟᱞ ᱩᱢᱮᱨ ᱨᱮᱜᱮ ᱟᱡ ᱥᱤᱝ ᱥᱚᱢᱥᱮᱨ ᱨᱟᱡᱽ ᱫᱚᱞᱟᱱ ᱨᱮ ᱜᱚᱲᱚᱭᱤᱡ ᱦᱤᱥᱟᱹᱵ ᱛᱮ ᱵᱚᱞᱚ ᱮᱱᱟᱭ ᱾ ᱟᱡ ᱠᱟᱹᱠᱤ ᱟᱡᱟᱜ ᱥᱚᱨᱮᱥ ᱨᱟᱦᱟ ᱟᱸᱡᱚᱢ ᱟᱛᱮᱫ ᱟᱹᱰᱤ ᱪᱚᱨᱚᱠ ᱮ ᱟᱹᱭᱠᱟᱣ ᱠᱮᱫᱟ ᱟᱨ ᱟᱡ ᱜᱮ ᱟᱡᱟᱜ ᱧᱩᱛᱩᱢ ᱠᱳᱭᱤᱞᱤ ᱫᱚᱦᱚ ᱠᱮᱫᱟᱭ ᱟᱨ ᱚᱱᱟ ᱧᱩᱛᱩᱢ ᱛᱮᱜᱮ ᱟᱡ ᱧᱩᱛᱩᱢ ᱟᱨ ᱢᱟᱱ ᱮ ᱟᱨᱡᱟᱣ ᱠᱮᱫᱟ ᱾ ᱟᱡ ᱥᱤᱝᱦᱚ ᱫᱚᱨᱵᱟᱨ ᱨᱮ ᱵᱤᱠᱨᱚᱢ ᱥᱚᱢᱵᱚᱛ ᱒᱐᱐᱗ ᱠᱚᱨᱮ ᱥᱮᱨᱮᱧ ᱵᱟᱲᱟᱭ, ᱱᱮᱯᱟᱞ ᱫᱤᱥᱚᱢ ᱟᱹᱯᱱᱟᱹᱛ ᱮᱱ ᱛᱟᱭᱚᱢ ᱟᱡ ᱱᱮᱯᱞᱟ ᱨᱮᱰᱤᱭᱳ ᱨᱤᱱᱤᱡ ᱯᱷᱩᱨᱜᱟᱹᱞ ᱥᱮᱨᱮᱧᱤᱭᱟᱹ ᱞᱮᱠᱟ ᱛᱮ ᱥᱮᱨᱮᱧ ᱠᱮᱫᱟᱭ ᱾ ᱟᱡ ᱱᱮᱯᱟᱞᱤ ᱥᱮᱨᱮᱧᱤᱭᱟᱹ ᱠᱚ ᱢᱩᱫ ᱨᱮ ᱯᱩᱭᱞᱩ ᱯᱤᱲᱦᱤ ᱨᱤᱱ ᱥᱮᱨᱮᱧᱤᱭᱟᱹ ᱠᱟᱱᱟᱭ ᱡᱟᱦᱟᱸᱭ ᱯᱨᱚᱯᱷᱮᱥᱚᱱᱟᱞ ᱥᱮᱨᱮᱧᱤᱭᱟᱹ ᱠᱟᱱᱟᱭ ᱾ ᱱᱮᱯᱟᱞ ᱫᱤᱥᱚᱢ ᱡᱟᱠᱟᱛ ᱨᱮ ᱟᱡᱟᱜ ᱥᱮᱨᱮᱧ ᱠᱟᱛᱷᱟ ᱪᱤᱛᱟᱹᱨ ᱠᱷᱚᱱ ᱮᱛᱚᱦᱚᱵ ᱠᱟᱛᱮᱫ ᱰᱟᱨᱢᱟ ᱨᱮᱦᱚᱸ ᱠᱚ ᱵᱮᱵᱷᱟᱨ ᱛᱟᱦᱮᱸᱫ ᱾[᱑][᱒]
ᱟᱯᱱᱟᱨ ᱡᱤᱭᱚᱱ ᱥᱟᱯᱲᱟᱣ
ᱠᱳᱭᱤᱞᱤ ᱫᱮᱵᱤ ᱢᱩᱲ ᱧᱩᱛᱩᱢ ᱛᱟᱭ ᱫᱚ ᱨᱟᱫᱷᱟ ᱵᱟᱥᱱᱮᱛ ᱠᱟᱱᱟ ᱟᱡ ᱟᱭᱳ ᱦᱟᱜ ᱧᱩᱛᱩᱢ ᱱᱤᱞᱚᱢ ᱵᱟᱥᱱᱮᱴ ᱟᱨ ᱵᱟᱵᱟ ᱦᱟᱜ ᱧᱩᱛᱩᱢ ᱨᱟᱢ ᱵᱟᱦᱟᱫᱩᱨ ᱵᱟᱥᱱᱮᱛ, ᱚᱲᱟᱜ ᱛᱟᱠᱚ ᱫᱚ ᱱᱮᱯᱟᱞ ᱫᱤᱥᱚᱢ ᱢᱟᱠᱣᱟᱱᱯᱩᱨ ᱦᱚᱱᱚᱛ ᱪᱤᱥᱟᱯᱟᱱᱤ ᱜᱟᱰᱤ ᱟᱹᱛᱩᱨᱮ ᱾ᱟᱡᱟᱜ ᱧᱩᱛᱩᱢ ᱨᱟᱫᱷᱟ ᱨᱮᱦᱸ ᱟᱡ ᱜᱤᱫᱨᱟᱹ ᱦᱚᱦᱚ ᱫᱚ ᱯᱚᱱᱛᱚᱨᱤ ᱢᱮᱱᱛᱮᱰ ᱠᱚ ᱦᱚᱦᱚ ᱦᱟᱭ ᱛᱟᱦᱮᱸᱫ, ᱟᱠᱚ ᱥᱩᱨ ᱨᱮ ᱢᱮᱱᱟᱜ ᱠᱟᱴᱷᱢᱟᱱᱰᱩ ᱨᱮ ᱢᱮᱱᱟᱜ ᱢᱟᱠᱷᱚᱱ ᱴᱳᱞ ᱥᱠᱩᱞ ᱨᱮᱦᱚᱸ ᱚᱱᱟ ᱧᱩᱛᱩᱢ ᱜᱮᱠᱚ ᱚᱞ ᱞᱮᱫᱮ ᱛᱟᱦᱮᱸᱫ ᱾ ᱡᱚᱠᱷᱚᱱ ᱟᱡ ᱢᱤᱫ ᱥᱮᱨᱢᱟ ᱩᱢᱮᱨ ᱮ ᱦᱩᱭ ᱞᱮᱱ ᱛᱟᱦᱮᱸᱫ ᱟᱡ ᱟᱭᱳ ᱟᱡ ᱮ ᱜᱚᱡ ᱵᱟᱹᱜᱤ ᱟᱫᱮ ᱛᱟᱦᱮᱸᱫ ᱾ ᱟᱡ ᱢᱚᱬᱮ ᱩᱢᱮᱨ ᱡᱚᱦᱚᱜ ᱟᱡ ᱠᱟᱹᱠᱤ ᱚᱲᱟᱜ ᱠᱟᱴᱷᱢᱟᱱᱰᱩᱭ ᱪᱟᱞᱟᱣ ᱮᱱᱟ ᱾ ᱩᱱᱤᱴᱦᱮᱫ ᱠᱷᱚᱱ ᱟᱡ ᱥᱮᱨᱮᱧ ᱠᱚᱦᱚᱸᱭ ᱪᱮᱫ ᱮᱱᱟ ᱾ᱟᱡ ᱥᱟᱶ ᱜᱮ ᱑᱑ ᱥᱟᱞ ᱩᱢᱮᱨ ᱨᱮ ᱥᱤᱝ ᱥᱚᱢᱥᱮᱨ ᱨᱟᱡ ᱫᱚᱞᱟᱱ ᱮ ᱵᱚᱞ ᱮᱱᱟ ᱾ ᱚᱱᱰᱮᱨ ᱟᱡᱟᱜ ᱥᱮᱨᱮᱧ ᱟᱸᱡᱚᱢ ᱴᱟᱭᱚᱢ ᱟᱡᱟᱜ ᱧᱩᱛᱩᱢ ᱠᱳᱭᱤᱞᱤ ᱫᱮᱵᱤ ᱭᱮᱱᱟ ᱾.[᱓]
ᱠᱟᱹᱢᱤ ᱠᱚ ᱟᱨ ᱢᱟᱱ ᱥᱟᱨᱦᱟᱣ ᱥᱟᱯᱲᱟᱣ
ᱟᱡ ᱒᱐᱐᱗ ᱵᱤᱠᱨᱚᱢ ᱥᱚᱢᱵᱚᱛ ᱠᱚᱥᱮᱫ ᱥᱤᱝ ᱫᱚᱨᱵᱟᱨ ᱨᱮ ᱥᱮᱨᱮᱧ ᱟᱨ ᱮᱱᱮᱡ ᱛᱟᱦᱸᱫ, ᱱᱮᱯᱟᱞ ᱫᱤᱥᱚᱢ ᱟᱹᱯᱱᱟᱹᱛ ᱮᱱ ᱛᱟᱭᱚᱢ ᱱᱮᱯᱟᱞ ᱨᱮᱰᱤᱭᱳ ᱨᱮ ᱥᱮᱨᱮᱧ ᱮ ᱮᱛᱚᱦᱚᱵ ᱠᱮᱫᱟᱭ ᱾ ᱚᱱᱰᱮ ᱠᱷᱚᱱ ᱜᱮ ᱟᱡᱟᱜ ᱥᱮᱨᱮᱧ ᱨᱮᱱᱟᱜ ᱰᱟᱦᱟᱨ ᱡᱷᱤᱡ ᱮᱱᱟ ᱾ "ᱥᱚᱸᱥᱟᱨᱠᱳ ᱡᱷᱟᱢᱮᱞᱟ ᱞᱟᱜᱰᱟᱪᱷᱚ ᱠᱭᱟ ᱭᱳ ᱢᱮᱞᱟ " ᱫᱚ ᱟᱡᱟᱜ ᱯᱩᱭᱞᱩ ᱥᱮᱨᱮᱧ ᱠᱟᱱᱟᱱ ᱡᱟᱦᱟᱸ ᱨᱮᱠᱚᱨᱰ ᱞᱮᱱᱟ ᱾ ᱟᱡ ᱔᱐᱐᱐ ᱠᱷᱚᱱ ᱪᱮᱛᱟᱱ ᱥᱮᱨᱮᱧ ᱨᱮ ᱟᱡᱟᱜ ᱟᱲᱟᱝ ᱮ ᱮᱢ ᱟᱠᱟᱫᱟ, ᱚᱱᱟᱠᱚ ᱵᱷᱤᱛᱨᱤ ᱨᱮ ᱱᱟᱦᱟᱜ ᱡᱩᱜ ᱥᱮᱨᱮᱧ ᱫᱤᱥᱚᱢ ᱫᱩᱞᱟᱹᱲ ᱥᱮᱨᱮᱧ ᱥᱟᱶ ᱥᱮᱣᱟ ᱟᱨ ᱥᱚᱢᱚᱨᱯᱚᱬ ᱞᱮᱠᱟᱱᱟᱜ ᱟᱞᱵᱚᱢ ᱥᱮᱨᱮᱧ ᱦᱚᱸ ᱢᱮᱱᱟᱜᱼᱟ ᱾
ᱟᱡ ᱨᱮᱰᱤᱭᱳ ᱱᱮᱯᱟᱞ ᱨᱮᱱᱟᱜ ᱥᱚᱨᱮᱥ ᱥᱮᱧᱨᱧ ᱨᱩᱥᱤᱠᱟ ᱟᱣᱟᱨᱰ, ᱥᱩᱵᱷᱚ ᱨᱟᱭᱚᱵᱷᱤᱥᱮᱠ ᱯᱚᱫᱚᱠ, ᱜᱳᱨᱠᱷᱟ ᱫᱚᱠᱥᱤᱬ ᱵᱟᱦᱩ ᱵᱦᱤ, ᱪᱤᱱᱱᱚᱞᱚᱛᱟ ᱢᱭᱩᱡᱤᱠ ᱟᱣᱟᱨᱰ ᱟᱨ ᱦᱚᱸ ᱟᱭᱢᱟ ᱥᱟᱨᱦᱟᱣ ᱟᱨ ᱢᱟᱱ ᱟᱡ ᱮ ᱧᱟᱢ ᱟᱠᱟᱫᱟ ᱾ᱢᱟᱛᱷᱮᱢᱟ ᱟᱡᱟᱜ ᱥᱮᱨᱮᱧ ᱚᱞ ᱟᱨ ᱨᱟᱦᱟ ᱜᱟᱵᱟᱱ ᱞᱟᱹᱜᱤᱫ ᱦᱚᱸᱠᱚ ᱩᱭᱦᱟᱹᱨ ᱠᱟᱭᱟ ᱾ᱟᱡᱟᱜ ᱥᱮᱨᱮᱧ ᱠᱚ ᱢᱩᱫ ᱨᱮ " ᱡᱟᱦᱤ ᱨᱚ ᱡᱩᱦᱤ ᱯᱷᱩᱞ ᱢᱟᱞᱟ ᱜᱟᱱᱥᱤ ᱫᱩᱣᱟᱭᱞᱮ ᱞᱟᱣᱱᱞᱟ" ᱟᱨ "ᱡᱤᱱᱫᱮᱜᱤ ᱵᱦᱚᱨᱤ ᱱᱟᱪᱦᱩᱛᱷᱤᱱᱮ ᱜᱚᱨᱤ ᱥᱟᱭᱱᱳ ᱡᱳᱫᱟᱶᱞᱟ" ᱟᱹᱰᱤ ᱜᱮ ᱧᱩᱛᱩᱢᱟᱱ ᱥᱮᱨᱮᱧ ᱠᱟᱱ ᱛᱟᱦᱮᱸᱫ ᱾[᱔]
ᱠᱳᱭᱤᱞᱤ ᱫᱮᱵᱤ ᱢᱟᱛᱷᱮᱢᱟ ᱒᱑ ᱰᱤᱥᱮᱢᱵᱚᱨ ᱒᱐᱐᱗ ᱥᱟᱞ ᱨᱮ ᱗᱘ ᱥᱟᱞ ᱨᱮ ᱠᱟᱴᱷᱢᱟᱱᱰᱩ ᱨᱮ ᱵᱚᱝᱜᱟ ᱛᱟᱞᱟ ᱮᱱᱟᱭ ᱤ[᱒]
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ "Personality Of the Week: Koili Devi Mathema". Nepali Radio Texas. 18 January 2012. Retrieved 11 December 2016.
- ↑ ᱒.᱐ ᱒.᱑ "Singing legend Koili Devi dies at 78". The Himalayan. 22 December 2007. Retrieved 11 December 2016.
- ↑ "Koili Devi, singer with the cuckoo voice". Archived from the original on 6 December 2018. Retrieved 6 December 2018.
- ↑ "Singing legend Koili Devi dies at 78". The Himalayan Times. 21 December 2007. Retrieved 6 December 2018.
ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ
- Songs of Koili Devi *Songs of Kolidevi, Bho ma ta aauna paudina