ᱡᱟᱴᱟᱠᱩᱞ ᱫᱚ ᱯᱮᱱᱛᱷᱮᱨᱟ ᱵᱚᱝᱥᱚ ᱨᱤᱱᱤᱡ ᱯᱩᱱᱭᱟᱹ ᱞᱟᱹᱴᱩ ᱯᱩᱥᱤ ᱠᱷᱚᱱ ᱢᱤᱫᱴᱟᱹᱝ ᱠᱟᱱᱟᱭ ᱟᱨ ᱯᱷᱮᱞᱤᱰᱮ ᱜᱷᱟᱨᱚᱸᱡᱽ ᱨᱤᱱᱤᱡ ᱜᱷᱟᱨᱚᱸᱡᱤᱭᱟᱹ ᱠᱟᱱᱟᱭ ᱾ ᱱᱩᱭ ᱫᱚ ᱛᱟᱹᱨᱩᱵ ᱛᱟᱭᱚᱢ ᱫᱩᱥᱨᱟᱹ ᱢᱟᱨᱟᱝ ᱯᱩᱥᱤ ᱡᱟᱹᱛᱤ ᱡᱟᱱᱣᱟ ᱠᱟᱱᱟᱭ ᱾ ᱛᱤᱱᱟᱹᱝ ᱜᱟᱱ ᱡᱟᱴᱟᱠᱩᱞ ᱟᱜ ᱩᱡᱩᱱ ᱫᱚ ᱒᱕᱐ ᱠᱤᱞᱚ ᱠᱷᱚᱱ ᱦᱚᱸ ᱵᱟᱹᱲᱛᱤ ᱜᱮᱭᱟ ᱾ ᱵᱤᱨ ᱡᱟᱴᱟᱠᱩᱞ ᱫᱚ ᱱᱤᱛᱚᱜ ᱦᱩᱰᱤᱧ ᱥᱟᱦᱟᱨᱟ ᱟᱯᱷᱨᱤᱠᱟ ᱟᱨ ᱮᱥᱤᱭᱟ ᱨᱮᱠᱚ ᱧᱟᱢᱚᱜᱼᱟ ᱾ ᱟᱹᱰᱤ ᱨᱤᱦᱤᱴ ᱛᱮᱠᱚ ᱢᱟᱞᱚᱴᱚᱜ ᱠᱟᱱ ᱡᱟᱴᱟᱠᱩᱞ ᱥᱟᱨᱮᱡ ᱢᱟᱨᱮᱡ ᱠᱩᱜ ᱫᱚ ᱮᱛᱚᱢ-ᱯᱟᱪᱷᱮ ᱵᱷᱟᱨᱚᱛ ᱨᱮᱠᱚ ᱧᱟᱢᱚᱜᱼᱟ ᱾

ᱠᱩᱞ

ᱠᱩᱞ ᱫᱚ ᱵᱤᱨ ᱨᱮ ᱑᱐-᱑᱔ ᱵᱚᱨᱥᱚ ᱫᱷᱟᱹᱵᱤᱡ ᱜᱟᱱ ᱜᱮᱠᱚ ᱛᱟᱦᱮᱸ ᱫᱟᱲᱮᱭᱟᱜᱼᱟ ᱾ ᱵᱤᱨ ᱨᱮ ᱠᱩᱲᱤ ᱡᱟᱹᱛ ᱠᱩᱞ ᱫᱚ ᱟᱹᱰᱤ ᱢᱩᱥᱠᱤᱞ ᱛᱮᱜᱮ ᱑᱐ ᱥᱮᱨᱢᱟ ᱦᱚᱸᱠᱚ ᱡᱤᱣᱤᱫ ᱫᱟᱲᱮᱭᱟᱜᱼᱟ ᱾ ᱪᱮᱫᱟᱜ ᱥᱮ ᱵᱟᱹᱭᱨᱤ ᱥᱟᱶ ᱛᱟᱯᱟᱢ ᱨᱮᱠᱚ ᱛᱟᱦᱮᱸᱱ ᱠᱷᱟᱹᱛᱤᱨ ᱩᱱᱠᱩ ᱞᱮᱛᱟᱲ ᱜᱮ ᱜᱷᱟᱹᱞ ᱨᱮᱠᱚ ᱛᱟᱦᱮᱸᱱᱟ ᱾ ᱵᱟᱹᱲᱛᱤ ᱫᱚ ᱩᱱᱠᱩ ᱡᱚᱢ ᱜᱟᱱᱚᱜ ᱜᱷᱟᱥ ᱴᱷᱮᱱ ᱜᱮᱠᱚ ᱛᱟᱦᱮᱸᱱᱟ ᱾ ᱚᱱᱟ ᱥᱟᱶᱛᱮ ᱞᱟᱴᱟ ᱟᱨᱵᱟᱝ ᱵᱤᱨ ᱨᱮᱦᱚᱸ ᱠᱚ ᱛᱟᱦᱮᱸ ᱫᱟᱲᱮᱭᱟᱜ ᱜᱮᱭᱟ ᱾ ᱮᱴᱟᱜ ᱡᱟᱱᱣᱟ ᱞᱮᱠᱷᱟ ᱡᱚᱠᱷᱟ ᱠᱷᱚᱱ ᱠᱩᱞ ᱫᱚ ᱥᱟᱶᱛᱟᱨᱤ ᱫᱚᱠᱚ ᱵᱟᱝ ᱠᱟᱱᱟ ᱾

ᱮᱸᱜᱟᱠᱩᱞ

ᱠᱩᱞ ᱟᱜ ᱢᱤᱫ ᱜᱟᱫᱮᱞ ᱡᱟᱦᱟᱸ ᱫᱚ ᱤᱸᱜᱽᱞᱤᱥ ᱛᱮ ᱯᱨᱟᱭᱤᱰ ᱠᱚ ᱢᱮᱛᱟᱜᱼᱟ ᱾ ᱚᱱᱟ ᱜᱟᱫᱮᱞ ᱨᱮ ᱛᱤᱱᱟᱹᱝ ᱜᱟᱱ ᱮᱸᱜᱟᱠᱩᱞ, ᱦᱚᱯᱚᱱ ᱟᱨ ᱠᱟᱹᱡ ᱫᱷᱟᱨᱟ ᱟᱺᱰᱭᱟᱹ ᱦᱚᱸᱠᱚ ᱛᱟᱦᱮᱸᱱᱟ ᱾ ᱮᱸᱜᱟ ᱠᱩᱞ ᱫᱚ ᱢᱤᱫ ᱨᱮ ᱛᱟᱦᱮᱸ ᱠᱟᱛᱮ ᱜᱮ ᱡᱚᱢᱟᱜ ᱠᱚ ᱛᱚᱞᱟᱥᱟ ᱾ ᱠᱩᱞ ᱫᱚ ᱛᱟᱠ ᱧᱟᱢ ᱠᱟᱛᱮ ᱜᱚᱡ ᱡᱟᱱᱣᱟ ᱞᱮᱠᱟ ᱛᱟᱦᱮᱸ ᱠᱟᱛᱮ ᱦᱚᱸ ᱡᱚᱢᱟᱜ ᱠᱚ ᱥᱮᱸᱫᱽᱨᱟ ᱫᱟᱲᱮᱭᱟᱜᱼᱟ ᱾ ᱠᱩᱞ ᱫᱚ ᱛᱤᱥ ᱦᱚᱸ ᱠᱩᱥᱤ ᱛᱮᱫᱚ ᱢᱟᱹᱱᱢᱤ ᱫᱚ ᱵᱟᱭ ᱥᱤᱠᱟᱨ ᱠᱚᱣᱟ ᱾ ᱮᱱ ᱦᱚᱸ ᱛᱤᱱᱟᱹᱝ ᱜᱟᱱ ᱠᱩᱞ ᱫᱚ ᱢᱟᱹᱱᱢᱤ ᱞᱟᱹᱜᱤᱫ ᱚᱜ ᱠᱚ ᱧᱮᱞ ᱟᱠᱟᱱᱟ ᱾ ᱡᱟᱦᱟᱸᱭ ᱫᱚ ᱢᱟᱹᱱᱢᱤ ᱜᱮ ᱡᱚᱢ ᱨᱮᱭᱟᱜ ᱨᱤᱠᱟᱹ ᱠᱚ ᱫᱚᱦᱚᱭᱟ ᱾

ᱠᱩᱞ ᱦᱚᱸ ᱵᱟᱹᱭ-ᱵᱟᱹᱭ ᱛᱮᱠᱚ ᱢᱟᱞᱚᱴ ᱤᱫᱤᱜ ᱠᱟᱱᱟ ᱾ ᱤᱠᱷᱟᱹᱱ ᱪᱮᱫ ᱠᱷᱟᱹᱛᱤᱨ ᱠᱚ ᱢᱩᱪᱟᱹᱫ ᱤᱫᱤᱜ ᱠᱟᱱᱟ, ᱱᱚᱶᱟ ᱨᱮᱭᱟᱜ ᱴᱷᱟᱹᱣᱠᱟᱹ ᱮᱛᱮᱫ ᱫᱚ ᱵᱟᱝ ᱵᱟᱰᱟᱭ ᱟᱠᱟᱱᱟ ᱾ ᱵᱤᱨ ᱵᱩᱨᱩ ᱨᱮᱭᱟᱜ ᱠᱷᱤᱛᱤ ᱟᱨ ᱢᱟᱹᱱᱢᱤ ᱥᱟᱶ ᱛᱟᱯᱟᱢ ᱡᱚᱛᱚ ᱠᱷᱚᱱ ᱢᱟᱨᱟᱝ ᱮᱛᱮᱫ ᱫᱚ ᱾ ᱟᱺᱰᱭᱟᱹ ᱠᱩᱞ ᱫᱚ ᱟᱡᱟᱜ ᱦᱚᱴᱚᱜ ᱨᱮᱭᱟᱜ ᱡᱟᱴᱮᱭᱟ ᱩᱵ ᱛᱮ ᱟᱹᱵᱤ ᱞᱚᱜᱚᱱ ᱮ ᱪᱤᱱᱦᱟᱹᱣᱜᱼᱟ ᱾ ᱢᱮᱞᱟᱱ ᱵᱤᱨ ᱨᱮᱠᱚ ᱫᱟᱬᱟ ᱡᱚᱝ ᱠᱷᱟᱱ ᱥᱮᱸᱫᱽᱨᱟ ᱠᱟᱱ ᱦᱚᱲ ᱠᱚᱴᱷᱮᱱ ᱟᱠᱚ ᱞᱟᱹᱜᱤᱫ ᱵᱚᱛᱚᱨ ᱥᱤᱨᱡᱟᱹᱣ ᱛᱟᱦᱮᱸᱱᱟ ᱾ ᱚᱱᱟᱛᱮ ᱱᱩᱠᱩᱣᱟᱜ ᱫᱩᱜ ᱫᱚᱦᱚ ᱵᱟᱵᱚᱫᱽ ᱪᱤᱰᱤᱭᱟ ᱠᱷᱟᱱᱟ ᱮᱢᱟᱱ ᱵᱮᱱᱟᱣ ᱠᱟᱛᱮ ᱚᱱᱟ ᱨᱮᱠᱚ ᱫᱚᱦᱚ ᱮᱫ ᱠᱚᱣᱟ ᱾ ᱟᱨ ᱫᱩᱜ ᱵᱟᱧᱪᱟᱣ ᱨᱮ ᱛᱟᱦᱮᱸ ᱠᱟᱛᱮ ᱟᱹᱰᱤ ᱥᱮᱨᱢᱟ ᱱᱟᱯᱟᱭ ᱛᱮ ᱡᱤᱭᱚᱱ ᱠᱚ ᱠᱷᱮᱢᱟᱣ ᱮᱫᱼᱟ ᱾

ᱵᱟᱨᱦᱮ ᱡᱚᱱᱚᱲᱥᱟᱯᱲᱟᱣ