ᱡᱷᱟᱨ ᱢᱟᱱᱣᱟ ᱠᱷᱚᱱ ᱡᱚᱨᱢᱟᱱ

ᱡᱷᱟᱨ ᱢᱟᱱᱣᱟ ᱠᱷᱚᱱ ᱡᱚᱨᱢᱟᱱ-:ᱢᱟ.ᱱᱢᱤ ᱟᱨᱵᱟᱝ ᱢᱟᱱᱚᱣᱟ ᱠᱚᱫᱚ ᱫᱷᱟ.ᱨᱛᱤ ᱜᱚᱴᱟᱠᱚ ᱯᱟᱥᱱᱟᱣᱜ ᱨᱮᱫᱚ ᱢᱤᱫᱴᱟᱝ ᱴᱷᱟᱶ ᱨᱮᱜᱮᱠᱚ ᱛᱟᱦᱮᱸ ᱠᱟᱱᱟ ᱟᱨ ᱚᱱᱟ ᱴᱷᱟᱶ ᱫᱚ ᱡᱚᱨᱢᱟᱱ ᱠᱟᱱᱟ ᱟᱨ ᱫᱤᱱᱟ.ᱠ ᱫᱤᱱᱟ.ᱠ ᱛᱮ ᱜᱚᱴᱟ ᱫᱷᱟ.ᱨᱛᱤ ᱠᱚ ᱯᱟᱥᱱᱟᱣ ᱮᱱᱟ| ᱮᱛᱚᱦᱚᱵ ᱴᱷᱟᱶ ᱨᱮ ᱛᱟᱦᱮᱸᱱ ᱡᱚᱠᱷᱮᱡ ᱫᱚ ᱢᱤᱫ ᱡᱟ.ᱛ ᱢᱤᱫ ᱯᱟ.ᱨᱤᱥ ᱦᱚᱲᱠᱚ ᱛᱟᱦᱮᱸᱠᱟᱱᱟ|ᱢᱟ.ᱱᱢᱤ ᱥᱟᱸᱜᱮᱭᱱ ᱤᱫᱤᱛᱮ ᱢᱤᱫᱴᱟᱝ ᱴᱷᱟᱶ ᱨᱮ ᱟᱵᱝ ᱛᱟᱦᱮᱸᱠᱟᱛᱮᱫ ᱟᱠᱚᱣᱟᱜ ᱛᱟᱦᱮᱸᱱ ᱴᱷᱟᱶ ᱠᱚ ᱵᱚᱫᱚᱞ ᱤᱫᱤᱠᱮᱜ-ᱟ᱾ᱟᱠᱚᱣᱟᱜ ᱛᱟᱦᱮᱸᱱ ᱴᱷᱟᱶ ᱵᱚᱫᱚᱞ ᱤᱫᱤ ᱨᱮᱱᱟᱜ ᱛᱤᱱᱟ.ᱜ ᱜᱟᱱ ᱠᱟᱨᱚᱱ ᱛᱟᱦᱮᱸ ᱠᱚᱜ-ᱟ|ᱦᱩᱭ ᱫᱟᱲᱮᱭᱟᱜ-ᱟ ᱟᱠᱚ ᱟᱠᱚ ᱵᱷᱤᱛᱨᱤ ᱨᱮ ᱯᱚᱴᱟᱣ ᱵᱟᱝ ᱛᱮ ᱟᱨ ᱵᱟᱝ ᱠᱷᱟᱱ ᱥᱟᱸᱜᱮᱭᱮᱱ ᱤᱫᱤᱛᱮ ᱡᱚᱢ ᱧᱩᱸ ᱨᱮᱱᱟᱜ ᱟᱱᱟᱴ ᱟᱨ ᱵᱟᱝᱠᱷᱟᱱ ᱮᱴᱟᱜ ᱠᱟᱨᱚᱱ ᱠᱚᱦᱚᱸ ᱛᱟᱦᱮᱸᱫᱟᱲᱮᱭᱟᱜ-ᱟ|ᱴᱷᱟᱶ ᱵᱚᱫᱚᱞ ᱥᱟᱶ ᱥᱟᱶ ᱛᱮ ᱟᱠᱚᱣᱟᱜ ᱦᱚᱲᱢᱚ ᱨᱮᱱᱟᱜ ᱨᱚᱝ ᱨᱩᱯ, ᱢᱮᱫ-ᱦᱟ ᱨᱮᱱᱟᱜ ᱜᱚᱲᱦᱚᱱ ,ᱩᱥᱩᱞ ᱪᱷᱮᱯᱚ, ᱨᱚᱲ ᱨᱮᱣᱟᱜ ᱨᱚᱝ ᱰᱷᱚᱝ ᱥᱟᱱᱟᱢᱟᱜ ᱜᱮ ᱵᱚᱫᱚᱞ ᱤᱫᱤᱭᱮᱱᱟ ᱵᱷᱤᱱᱟ. ᱵᱷᱤᱱᱟ. ᱴᱷᱟᱶ ᱨᱮᱱᱟᱜ ᱵᱷᱤᱱᱟ. ᱵᱷᱤᱱᱟ. ᱦᱚᱭ ᱦᱤᱥᱤᱫ,ᱠᱚᱢ ᱰᱷᱮᱨ ᱫᱟᱜ ᱡᱟ.ᱯᱩᱫ ᱟᱨ ᱨᱟᱵᱟᱝ ᱥᱤᱛᱩᱝ ᱮᱢᱟᱱ ᱠᱚ ᱤᱫᱤ ᱠᱟᱛᱮᱫ|[ref:book-"Nagam dahar re cha.igar,champa gar ar-senahor" by-Gopal Soren>page-4,5]ᱮᱛᱚᱦᱚᱵ ᱨᱮ ᱢᱟ.ᱱᱢᱤ ᱠᱚᱫᱚ ᱡᱚᱨᱢᱟᱱ ᱡᱟᱭᱜᱟ ᱠᱷᱚᱱ ᱯᱟᱥᱱᱟᱣᱜ ᱠᱚ ᱮᱛᱚᱦᱚᱵ ᱞᱮᱫ-ᱟ| ᱱᱚᱣᱟᱠᱚ ᱯᱚᱨᱛᱟᱲ ᱞᱟ.ᱜᱤᱫ ᱠᱷᱟᱱ ᱱᱤᱛᱚᱜ ᱵᱚᱱ ᱧᱮᱞᱟ ᱡᱚᱨᱢᱟᱱ ᱧᱩᱛᱩᱢ ᱚᱠᱟ ᱞᱮᱠᱟᱛᱮ ᱦᱩᱭ ᱟᱠᱟᱱᱟ| ᱚᱱᱚᱞᱤᱭᱟ. ᱢᱟ.ᱱ ᱯᱚᱨᱤᱢᱚᱲ ᱪᱚᱱᱫᱨᱚ ᱢᱤᱛᱨᱚ ᱣᱟᱜ ᱚᱱᱚᱞ ᱯᱩᱛᱷᱤ Santali:The base of world language ᱯᱚᱛᱚᱵ ᱨᱮ ᱚᱞ ᱟᱠᱟᱱ ᱞᱮᱠᱟᱛᱮ,German =The original human being,ᱢᱮᱱ ᱫᱚ ᱢᱩᱬ ᱢᱟ.ᱱᱢᱤ ᱟᱨᱵᱟᱝ ᱮᱛᱚᱦᱚᱵ ᱟ.ᱫᱤᱢ ᱦᱚᱲ |German ᱡᱩᱫᱤᱵᱚᱱ ᱨᱟ.ᱯᱩᱫᱟ,ᱛᱚᱵᱮᱫᱚ ᱦᱩᱭᱩᱜ-ᱟ jar/jhar(ᱡᱷᱟᱨ)=original+Man/Manwa(ᱢᱟᱱᱣᱟ)=Human being|ᱡᱷᱟᱨ (jhar)ᱫᱚ ᱟᱵᱚ ᱱᱤᱛᱚᱜ ᱥᱟᱱᱛᱟᱲᱤ ᱛᱮ ᱡᱮᱞᱮᱠᱟᱵᱚᱱ ᱢᱮᱱᱮᱫ-ᱟ ᱡᱷᱟᱨ ᱦᱟ.ᱱᱰᱤ,ᱢᱮᱱᱫᱚ ᱦᱟ.ᱱᱰᱤ ᱨᱮ ᱫᱟᱜ ᱫᱩᱞ ᱢᱟᱬᱟᱝ ᱡᱟᱦᱟᱸ ᱡᱷᱟᱨ ᱩᱰᱩᱠ ᱠᱚᱜ-ᱟ,ᱚᱱᱟᱫᱚ ᱫᱟᱜ ᱵᱟᱝ ᱢᱮᱥᱟ ᱟᱠᱟᱱ ᱛᱮ original ᱢᱮᱱᱛᱮ ᱵᱚᱱ ᱢᱮᱛᱟᱜ ᱠᱟᱱᱟ| ᱚᱱᱟᱛᱚ ᱡᱷᱟᱨ ᱨᱮᱱᱟᱜ ᱢᱮᱱᱮᱛ ᱫᱚ original ᱟᱨᱵᱟᱝ ᱢᱩᱬ ᱵᱚᱱ ᱢᱮᱛᱟᱜ ᱠᱟᱱᱟ| ᱡᱷᱟᱨ ᱦᱟ.ᱱᱰᱤ ᱢᱮᱱ ᱞᱮᱠᱷᱟᱱ original ᱦᱟ.ᱱᱰᱤ|ᱱᱚᱶᱟ ᱞᱮᱠᱟᱛᱮ ᱵᱟᱯᱟᱰᱟᱭᱚᱜ-ᱟ ᱫᱷᱟ.ᱨᱛᱤ ᱨᱤᱱ ᱢᱟ.ᱱᱢᱤᱠᱚ ᱢᱩᱫᱽᱨᱮ ᱮᱛᱚᱦᱚᱵ ᱢᱟ.ᱱᱢᱤ ᱡᱟᱦᱟᱸᱨᱮᱠᱚ ᱛᱟᱦᱮᱸᱠᱟᱱᱟ ,ᱚᱱᱟᱫᱚ ᱱᱤᱛᱚᱜ ᱡᱚᱨᱢᱟᱱ (German) ᱵᱚᱱ ᱢᱮᱛᱟᱜ ᱠᱟᱱᱟ ᱟᱨ ᱚᱸᱰᱮ ᱠᱷᱚᱱᱟᱜ ᱜᱮ ᱜᱚᱴᱟ ᱫᱷᱟ.ᱨᱛᱤ ᱫᱚᱠᱚ ᱯᱟᱥᱱᱟᱣ ᱟᱠᱟᱱᱟ|ᱡᱟᱦᱟᱸᱭ England ᱥᱮᱱᱠᱚ ᱪᱟᱞᱟᱣᱮᱱᱟ,ᱩᱱᱠᱩ ᱢᱟ.ᱱᱢᱤ ᱫᱚᱠᱚ ᱢᱮᱛᱟᱫ ᱠᱚᱣᱟ Celt|ᱡᱟᱦᱟᱸᱭ France ᱥᱮᱱ ᱠᱚ ᱪᱟᱞᱟᱣᱮᱱᱟ,ᱩᱱᱠᱩ ᱫᱚᱠᱚ ᱢᱮᱛᱟᱫ ᱠᱚᱣᱟ Gol ᱟᱨ ᱡᱟᱦᱟᱸᱭ ᱥᱤᱧᱚᱛ (India) ᱛᱮᱠᱚ ᱦᱮᱡ ᱮᱱᱟ,ᱩᱱᱠᱩᱫᱚᱠᱚ ᱢᱮᱛᱟᱫ ᱠᱚᱣᱟ Kol ᱡᱟ.ᱛ ᱦᱚᱲ|ᱱᱩᱠᱩ kol ᱡᱟ.ᱛ ᱦᱚᱲ ᱠᱚᱫᱚ ᱠᱚᱢ ᱥᱮ ᱠᱚᱢ ᱢᱚᱬᱮ ᱞᱟᱠᱷ ᱥᱮᱨᱢᱟ ᱢᱟᱬᱟᱝ ᱨᱮ ᱢᱤᱫ ᱡᱟ.ᱛ ᱢᱤᱫ ᱯᱟ.ᱨᱤᱥ ᱨᱮᱜᱮᱠᱚ ᱛᱟᱦᱮᱸ ᱠᱟᱱᱟ ᱥᱤᱧᱚᱛ ᱫᱤᱥᱚᱢ ᱨᱮ| ᱛᱟᱭᱱᱚᱢ ᱛᱮ ᱵᱷᱤᱱᱟ. ᱵᱷᱤᱱᱟ.ᱡᱟ.ᱛᱤ ᱨᱮᱠᱚ ᱦᱟ.ᱴᱤᱧ ᱟᱠᱟᱱᱟ|ᱱᱩᱠᱩᱫᱚ ᱥᱟᱱᱛᱟᱲ,ᱢᱩᱱᱰᱟ. ,ᱜᱚᱱᱰᱚ,ᱠᱷᱚᱱᱰ,ᱥᱚᱵᱚᱨ,ᱵᱷᱩᱢᱤᱡ,ᱵᱤᱨ ᱦᱚᱲ,ᱠᱩᱨᱩᱠ,ᱠᱳᱨᱟ,ᱜᱚᱫᱚᱵ, ᱦᱳ,ᱮᱢᱟᱱ ᱮᱢᱟᱱ|ᱱᱩᱠᱩ ᱠᱚᱨᱮᱠᱷᱚᱱ ᱕᱐% ᱠᱷᱚᱱ ᱦᱚᱸ ᱡᱟ.ᱥᱛᱤ ᱫᱚᱠ ᱦᱩᱭᱩᱜ ᱠᱟᱱᱟ ᱥᱟᱱᱛᱟᱲ ᱟᱨ ᱚᱱᱟᱛᱮ ᱥᱟᱱᱛᱟᱲ ᱠᱚᱜᱮ ᱢᱩᱬ ᱫᱚ ᱠᱟᱱᱟᱠᱚ ᱢᱮᱱᱛᱮ ᱚᱱᱚᱞᱤᱭᱟ.ᱯᱚᱨᱤᱢᱚᱲ ᱪᱚᱱᱫᱨᱚ ᱢᱤᱛᱨᱚ ᱫᱚᱭ ᱢᱮᱱ ᱟᱠᱟᱜ-ᱟ|kol (ᱥᱟᱱᱛᱟᱲ) ᱦᱚᱲ ᱠᱚᱣᱟᱜ ᱯᱟ.ᱨᱤᱥ ᱫᱚ Austro-Asiaticᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱᱟ|Austro-Asiatic ᱢᱮᱱ ᱞᱮᱠᱷᱟᱱ ᱫᱚ ᱵᱩᱡᱷᱟ.ᱣᱜ-ᱟ Austro ᱢᱮᱱᱫᱚ Austra ᱟᱨ ᱚᱱᱰᱮᱠᱷᱚᱱ Asia ᱛᱮᱠᱚ ᱦᱮᱡ ᱟᱠᱟᱱ ᱦᱚᱲ ᱠᱚ ᱟᱨ ᱩᱱᱠᱩ ᱦᱚᱲᱠᱚ Austra ᱨᱮᱠᱚ ᱨᱚᱲ ᱞᱮᱫ ᱯᱟ.ᱨᱥᱤ Asia ᱨᱮᱦᱚᱸᱠᱚ ᱨᱚᱲ ᱠᱟᱱ ᱠᱷᱟ.ᱛᱤᱨ ᱟᱠᱚᱣᱟᱜ ᱯᱟ.ᱨᱥᱤ ᱫᱚ Autro -Asiatic ᱯᱟ.ᱨᱥᱤ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱᱟ| ᱱᱤᱛᱚᱜᱟᱜ Austria ᱫᱤᱥᱚᱢ ᱫᱚ German ᱫᱤᱥᱚᱢ ᱥᱟᱞᱟᱜ ᱢᱤᱫ ᱴᱷᱮᱱ ᱜᱮ ᱛᱟᱦᱮᱸ ᱠᱟᱱᱟ| ᱱᱮᱛᱟᱨ ᱵᱷᱤᱱᱟ. ᱟᱠᱟᱱ ᱨᱮᱦᱚᱸᱜᱮ ᱟᱠᱚᱣᱟᱜ ᱯᱟ.ᱨᱥᱤ ᱠᱚᱫᱚ ᱢᱤᱫ ᱜᱮᱭᱟ ᱟᱨ ᱱᱟᱜᱟᱢ ᱠᱚᱦᱚᱸ ᱛᱟᱠᱚ ᱢᱤᱫ ᱜᱮᱭᱟ, ᱪᱮᱫᱟᱜ ᱥᱮ ᱢᱟᱬᱟᱝ ᱩᱱᱠᱩ ᱠᱚᱫᱚ ᱢᱤᱫᱴᱷᱮᱱ ᱜᱮᱠᱚ ᱛᱟᱦᱮᱸ ᱠᱟᱱᱟ| ᱛᱟᱭᱱᱚᱢ ᱛᱮ ᱵᱟᱨᱮᱭᱟ ᱫᱤᱥᱚᱢ ᱨᱮ ᱦᱟ.ᱴᱤᱧ ᱮᱱᱟ|ᱫᱤᱥᱚᱢ ᱨᱮᱱᱟᱜ ᱛᱟᱞᱟ ᱛᱟᱞᱟᱛᱮ ᱮᱛᱚᱢ ᱠᱷᱮᱱᱟᱜ ᱠᱚᱸᱧᱮ ᱞᱮᱠᱟᱛᱮ ᱥᱤᱢᱟ.ᱫᱚ ᱚᱨ ᱮᱱᱟ ᱟᱨ ᱚᱱᱟᱛᱮ ᱡᱚᱨᱢᱟᱱ ᱫᱚ ᱯᱟᱪᱮ ᱥᱮᱫ ᱨᱮ ᱛᱟᱦᱮᱸᱭᱮᱱᱟ ᱟᱨ Austra ᱫᱚ ᱥᱟᱢᱟᱝ ᱥᱮᱫ ᱨᱮ ᱯᱟᱲᱟᱣᱮᱱᱟ ᱢᱮᱱᱫᱚ ᱮᱥᱤᱭᱟ ᱯᱟᱦᱴᱟ ᱨᱮ ᱛᱟᱦᱮᱸᱭᱮᱱᱟ| ᱚᱱᱟᱛᱮ German ᱵᱟᱝ ᱠᱟᱛᱮ Austr-Asiatic ᱯᱟ.ᱨᱥᱤ ᱢᱮᱱᱛᱮ ᱥᱟᱱᱛᱟᱲ ᱯᱟ.ᱨᱥᱤ ᱫᱚ ᱢᱮᱱᱚᱜᱚᱜ ᱠᱟᱱᱟ|

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ