ᱡᱷᱟᱲᱜᱨᱟᱢ
ᱡᱷᱟᱲᱜᱨᱟᱢ ᱫᱚ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱭᱟᱜ ᱢᱤᱫ ᱵᱟᱡᱟᱨ ᱟᱨ ᱢᱩᱱᱤᱥᱤᱯᱟᱞᱴᱤ ᱠᱟᱱᱟ ᱾ ᱱᱚᱣᱟ ᱫᱚ ᱡᱷᱟᱲᱜᱨᱟᱢ ᱦᱚᱱᱚᱛ ᱨᱮᱭᱟᱜ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾[᱑] ᱵᱤᱨ ᱵᱩᱨᱩ, ᱥᱮᱫᱟᱭᱟᱜ ᱢᱩᱱᱫᱤᱨ ᱟᱨ ᱨᱟᱯᱟᱡᱽ ᱫᱚᱞᱟᱱ ᱠᱷᱟᱹᱛᱤᱨ ᱱᱚᱣᱟ ᱫᱚ ᱢᱤᱫ ᱧᱮᱞ ᱡᱚᱝ ᱴᱷᱟᱶ ᱠᱟᱱᱟ ᱾
| ᱡᱷᱟᱲᱜᱨᱟᱢ | |
|---|---|
| ᱵᱟᱡᱟᱨ | |
 ᱡᱷᱟᱲᱜᱨᱟᱢ ᱵᱟᱡᱟᱨ ᱨᱮᱭᱟᱜ ᱨᱮᱞᱣᱮ ᱯᱷᱞᱟᱭ ᱚᱵᱷᱳᱨ | |
  ᱡᱷᱟᱲᱜᱨᱟᱢ  ᱡᱷᱟᱲᱜᱨᱟᱢ | |
| Coordinates: 22°27′N 86°59′E / 22.45°N 86.98°ECoordinates: 22°27′N 86°59′E / 22.45°N 86.98°E | |
| ᱫᱤᱥᱚᱢ | ᱥᱤᱧᱚᱛ |
| ᱯᱚᱱᱚᱛ | ᱯᱚᱪᱷᱤᱢ ᱵᱟᱝᱞᱟ |
| ᱦᱚᱱᱚᱛ | ᱡᱷᱟᱲᱜᱨᱟᱢ |
| ᱥᱚᱨᱠᱟᱨ | |
| • ᱞᱮᱠᱟᱱ | ᱱᱚᱜᱚᱨᱯᱟᱞᱤᱠᱟ |
| • ᱪᱟᱪᱞᱟᱣ | ᱡᱷᱟᱲᱜᱨᱟᱢ ᱢᱤᱭᱩᱱᱤᱥᱤᱯᱟᱞᱤᱴᱤ |
| • ᱯᱟᱨᱥᱮᱛ | ᱨᱟᱡᱟ ᱥᱤᱵᱮᱱᱫᱨᱚ ᱵᱤᱡᱚᱭ ᱢᱚᱞᱞᱟ ᱫᱮᱵᱽ |
| ᱩᱥᱩᱞ | 81 ᱢᱤᱴᱚᱨ (266 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱞᱮᱠᱷᱟᱜᱩᱴ | ᱖᱑,᱗᱒᱑ |
| ᱯᱟᱹᱨᱥᱤ | |
| • ᱚᱯᱷᱤᱥᱤᱭᱟᱞ | ᱵᱟᱝᱞᱟ, ᱤᱝᱞᱤᱥ |
| • ᱢᱟᱨᱟᱝ ᱟᱧᱪᱚᱞᱤᱠ ᱯᱟᱹᱨᱥᱤ | ᱥᱟᱱᱛᱟᱲᱤ, ᱢᱩᱱᱰᱟᱨᱤ, ᱠᱩᱨᱢᱟᱹᱞᱤ |
| IST (ᱭᱩᱴᱤᱥᱤ+᱐᱕:᱓᱐) | |
| ᱯᱤᱱ ᱠᱳᱰ | 721507 |
| ᱴᱮᱞᱤᱯᱷᱚᱱ ᱠᱚᱰ | ᱐᱓᱒᱒᱑ |
| ᱜᱟᱹᱰᱤ ᱨᱤᱡᱤᱥᱴᱨᱤ | WB-49,50 |
| ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ | ᱡᱷᱟᱲᱜᱨᱟᱢ |
| ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ | ᱡᱷᱟᱲᱜᱨᱟᱢ |
| ᱣᱮᱵᱽᱥᱟᱭᱤᱴ | www |
ᱚᱛᱱᱚᱜ
ᱥᱟᱯᱲᱟᱣᱡᱷᱟᱲᱜᱨᱟᱢ ᱨᱮᱭᱟᱜ ᱚᱵᱚᱥᱛᱟᱱ ᱫᱚ 22°27′N 86°59′E / 22.45°N 86.98°E.[᱒] ᱱᱚᱣᱟ ᱫᱚ ᱫᱚᱨᱭᱟ ᱠᱷᱚᱱ ᱘᱑ ᱢᱤᱴᱚᱨ (᱒᱖᱕ ᱯᱷᱤᱴ) ᱩᱥᱩᱞ ᱨᱮ ᱢᱮᱱᱟᱜᱼᱟ ᱾ ᱱᱚᱰᱮᱱᱟᱜ ᱛᱟᱯ ᱫᱚ ᱔᱖ °C ᱦᱟᱹᱵᱤᱡ ᱥᱤᱛᱩᱝ ᱨᱤᱛᱩ ᱨᱮᱫᱚ ᱥᱮᱴᱮᱨᱚᱜᱼᱟ ᱾ ᱟᱨ ᱨᱟᱵᱟᱝ ᱨᱤᱛᱩ ᱨᱮᱫᱚ ᱔ °C ᱦᱟᱹᱵᱤᱡ ᱟᱬᱜᱚᱱᱟ ᱾
ᱱᱟᱜᱟᱢ
ᱥᱟᱯᱲᱟᱣᱯᱩᱨᱩᱫᱷᱩᱞ ᱠᱚᱣᱟᱜ ᱠᱟᱴᱦᱟ ᱠᱷᱚᱱ ᱵᱟᱰᱟᱭᱚᱜᱼᱟ ᱥᱟᱞ ᱑᱕᱙᱒ ᱨᱮ ᱟᱢᱵᱮᱨ ᱨᱮᱱᱤᱡ ᱢᱟᱱ ᱥᱤᱝ ᱨᱟᱡᱟ ᱵᱮᱝᱜᱚᱞ ᱟᱡᱟᱜ ᱟᱹᱛ ᱨᱮ ᱟᱹᱜᱩᱭ ᱞᱟᱹᱫᱤᱫ ᱮ ᱛᱮᱴᱮᱡ ᱞᱮᱜᱼᱟ ᱾ ᱩᱱᱤ ᱫᱚ ᱢᱚᱜᱚᱞ ᱥᱚᱢᱨᱟᱴ ᱟᱠᱵᱚᱨ ᱟᱜ ᱛᱟᱹᱨᱤ ᱨᱮ ᱱᱚᱣᱟ ᱟᱹᱭᱫᱟᱹᱨ ᱞᱟᱹᱜᱤᱫ ᱮ ᱦᱮᱡ ᱞᱮᱱᱟ ᱾ ᱥᱟᱢᱟᱝ ᱥᱤᱧᱚᱛ ᱨᱮᱭᱟᱜ ᱯᱚᱱᱚᱛ ᱠᱚ ᱟᱡᱟᱜ ᱟᱹᱛ ᱨᱮ ᱟᱹᱜᱩᱭ ᱞᱟᱹᱜᱤᱫ ᱟᱡᱟᱜ ᱫᱚ ᱡᱚᱥ ᱛᱟᱦᱮᱸ ᱠᱟᱱᱟ ᱾ ᱨᱟᱡᱟ ᱟᱠᱵᱚᱨ ᱟᱡᱤᱡ ᱥᱮᱱᱟ ᱯᱚᱛᱤ ᱥᱚᱨᱵᱮᱥᱚᱨ ᱥᱤᱝ ᱦᱩᱰᱤᱧ ᱦᱩᱰᱤᱧ ᱯᱚᱱᱚᱛᱨᱮᱱ ᱨᱟᱡᱟ ᱠᱚ ᱦᱟᱨᱟᱣ ᱠᱚ ᱞᱟᱹᱜᱤᱫ ᱮ ᱵᱚᱨᱟᱛ ᱞᱮᱫᱮᱭᱟ ᱾ ᱱᱚᱣᱟ ᱡᱟᱜᱟ ᱵᱟᱵᱚᱛ ᱚᱞ ᱫᱚ ᱟᱭᱤᱱ ᱤ ᱟᱠᱚᱵᱚᱨᱤ ᱨᱮᱦᱚᱸ ᱚᱞ ᱢᱮᱱᱟᱜᱼᱟ ᱾ ᱱᱚᱣᱟ ᱚᱧᱪᱚᱚᱲ ᱨᱮᱫᱚ ᱥᱟᱱᱛᱟᱲ, ᱢᱩᱱᱰᱟᱹ, ᱵᱷᱩᱢᱤᱡᱽ, ᱠᱩᱰᱩᱢᱤ ᱞᱚᱫᱷᱟ ᱮᱢᱟᱱ ᱠᱚ ᱛᱟᱦᱮᱸᱱᱟ ᱾ ᱱᱚᱣᱟ ᱫᱚ ᱢᱟᱞ ᱨᱟᱡᱟ ᱦᱟᱜ ᱮᱨᱤᱭᱟ ᱦᱚᱸᱠᱚ ᱢᱮᱛᱟᱜᱼᱟ ᱾ ᱢᱟᱞ ᱠᱚᱫᱚ ᱥᱮᱫᱟᱭ ᱨᱤᱱ ᱞᱟᱹᱰᱷᱩᱣᱟᱹ ᱟᱨ ᱟᱹᱰᱤ ᱫᱟᱲᱮᱭᱟᱱ ᱢᱟᱹᱱᱢᱤ ᱠᱚ ᱛᱟᱦᱮᱸ ᱠᱟᱱᱟ ᱾[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]
ᱥᱟᱨᱵᱮᱥᱚᱨ ᱥᱤᱝ ᱫᱚ ᱨᱟᱡᱽᱯᱩᱛ ᱢᱤᱞᱤᱴᱟᱨᱤ ᱠᱚ ᱥᱟᱶ ᱢᱮᱥᱟ ᱠᱟᱛᱮ ᱢᱟᱞ ᱨᱟᱡᱟ ᱠᱚᱭ ᱦᱟᱨᱟᱣ ᱠᱮᱫ ᱠᱚᱣᱟ ᱟᱨ ᱟᱡᱟᱜ ᱧᱩᱛᱩᱢ ᱫᱚ ᱢᱟᱞᱟ ᱫᱮᱵᱽ ᱮ ᱚᱞ ᱠᱮᱜᱼᱟ ᱾ ᱚᱱᱟ ᱩᱭᱦᱟᱹᱨ ᱛᱮ ᱵᱚᱪᱷᱚᱨ ᱜᱮ ᱵᱤᱡᱚᱭᱟ ᱫᱚᱥᱚᱢᱤ ᱦᱤᱞᱚᱜ ᱢᱟᱞ ᱢᱩᱨᱛᱤ ᱵᱮᱱᱟᱣ ᱠᱟᱛᱮ ᱠᱚ ᱟᱛᱟᱨᱟ ᱾ ᱢᱚᱜᱚᱞ ᱨᱟᱯᱟᱡᱽ ᱨᱟᱡᱟ ᱢᱟᱱ ᱥᱤᱝ ᱫᱚ ᱵᱤᱦᱟᱨ, ᱵᱮᱝᱜᱚᱞ ᱟᱨ ᱳᱰᱤᱥᱟ ᱨᱮᱱᱤᱡ ᱜᱚᱵᱚᱨᱱᱚᱨ ᱞᱮᱠᱟ ᱠᱚ ᱵᱟᱦᱟᱞ ᱞᱮᱫᱮᱭᱟ ᱾ ᱚᱱᱟ ᱛᱟᱭᱚᱢ ᱩᱱᱤ ᱨᱟᱡᱽᱯᱩᱛᱟᱱᱟ ᱨᱩᱣᱟᱹᱲ ᱥᱟᱱᱟ ᱠᱮᱫᱮ ᱛᱮ ᱑᱒᱐᱐ ᱜᱟᱺᱴ ᱠᱤᱞᱚᱢᱤᱴᱚᱨ ᱡᱚᱝᱜᱚᱞᱠᱷᱸᱰ ᱡᱟᱜᱟᱟ ᱫᱚ ᱥᱤᱨᱯᱟᱹ ᱞᱮᱠᱟ ᱛᱮ ᱥᱚᱨᱵᱮᱥᱚᱨ ᱥᱤᱝ ᱮ ᱮᱢ ᱚᱴᱚ ᱟᱫᱮᱭᱟ ᱾[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]
ᱯᱩᱞᱤᱥ ᱥᱴᱮᱥᱚᱱ
ᱥᱟᱯᱲᱟᱣᱡᱷᱟᱲᱜᱨᱟᱢ ᱦᱚᱱᱚᱛ ᱯᱩᱞᱤᱥ ᱥᱴᱮᱥᱚᱱ ᱨᱮᱱᱟᱜ ᱡᱷᱟᱲᱜᱟᱨᱟᱢ ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ ᱨᱮ ᱟᱹᱭᱫᱟᱹᱨᱤ ᱴᱚᱴᱷᱟ ᱠᱟᱱᱟ ᱾[᱓][᱔]
ᱞᱟᱠᱪᱟᱨ
ᱥᱟᱯᱲᱟᱣᱟᱹᱫᱤᱢ ᱡᱟᱹᱛᱤ, ᱠᱷᱮᱨᱣᱟᱲ ᱵᱟᱝᱢᱟ ᱦᱚᱲ ᱦᱚᱯᱚᱱ ᱠᱚᱣᱟᱜ ᱮᱱᱮᱡ ᱠᱷᱟᱹᱛᱤᱨ ᱱᱚᱣᱟ ᱵᱟᱡᱟᱨ ᱫᱚ ᱦᱚᱲ ᱠᱚ ᱵᱟᱰᱟᱭ ᱟᱠᱟᱜᱼᱟ ᱾ ᱚᱱᱟ ᱮᱱᱮᱡ ᱠᱷᱚᱱᱟᱜ ᱟᱹᱰᱤ ᱜᱟᱱ ᱮᱱᱮᱡ ᱜᱮ ᱟᱫᱚᱜ ᱦᱚᱨ ᱨᱮ ᱢᱮᱱᱟᱜᱼᱟ ᱾ ᱡᱟᱦᱟᱸ ᱮᱱᱮᱡ ᱠᱚ ᱠᱷᱟᱹᱛᱤᱨ ᱡᱷᱟᱲᱜᱨᱟᱢ ᱯᱷᱮᱢᱚᱥᱟ ᱚᱱᱟ ᱠᱚᱨᱮᱭᱟᱜ ᱧᱩᱛᱩᱢ ᱫᱚ- ᱡᱷᱩᱢᱩᱨ, ᱪᱷᱚᱣ, ᱪᱩᱣᱟᱝ, ᱪᱟᱝ, ᱥᱟᱦᱨᱩᱞ, ᱴᱩᱥᱩ ᱮᱢᱟᱱ ᱾
ᱟᱹᱫᱤᱵᱟᱥᱤ ᱠᱚᱣᱟᱜ ᱞᱟᱠᱪᱟᱨ ᱪᱷᱟᱰᱟ ᱠᱟᱛᱮ ᱵᱮᱝᱜᱚᱞᱤ ᱠᱚᱣᱟᱜ ᱦᱚᱸ ᱟᱹᱰᱤ ᱞᱮᱠᱟᱱ ᱯᱟᱨᱟᱵᱽ ᱢᱮᱱᱟᱜᱼᱟ ᱾ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ - ᱫᱩᱨᱜᱟᱹ ᱯᱩᱡᱟᱹ, ᱥᱚᱨᱚᱥᱚᱛᱤ ᱯᱩᱡᱟᱹ, ᱫᱤᱣᱟᱞᱤ, ᱠᱟᱲᱤ ᱯᱩᱡᱟᱹ, ᱥᱤᱛᱚᱲᱟ, ᱡᱚᱜᱚᱫᱷᱟᱛᱨᱤ, ᱦᱚᱞᱤ, ᱨᱚᱛᱷᱚ ᱡᱟᱛᱨᱟ ᱡᱟᱱᱢᱟᱥᱴᱟᱢᱤ ᱮᱢᱟᱱ ᱾
ᱡᱷᱟᱲᱜᱨᱟᱢ ᱨᱮ ᱟᱹᱰᱤ ᱞᱮᱠᱟᱱ ᱯᱟᱛᱟ ᱦᱚᱸ ᱦᱩᱭᱩᱜ-ᱟ ᱾ ᱚᱱᱟ ᱯᱟᱛᱟ ᱨᱮᱭᱟᱜ ᱧᱩᱛᱩᱢ ᱠᱚᱫᱚ- ᱡᱚᱝᱜᱚᱞ ᱢᱚᱦᱚᱞ ᱩᱛᱥᱚᱵᱽ, ᱡᱷᱟᱲᱜᱨᱟᱢ ᱢᱮᱲᱟ, ᱭᱩᱵᱟ ᱩᱛᱥᱚᱵᱽ, ᱨᱚᱝ ᱢᱟᱛᱤ ᱢᱟᱱᱩᱥ, ᱥᱟᱨᱵᱚᱬᱤ ᱢᱮᱲᱟ ᱵᱚᱭᱥᱟᱠᱷᱤ ᱢᱮᱲᱟ ᱢᱤᱞᱚᱱ ᱢᱮᱲᱟ ᱮᱢᱟᱱ ᱾ [᱕]
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "Jhargram to be state's 22nd district on April 4". Millennium Post. Retrieved 4 April 2017.
- ↑ "Maps, Weather, and Airports for Jhargram, India". Retrieved 25 August 2016.
- ↑ "District Statistical Handbook 2014 Paschim Medinipur". Tables 2.1, 2.2. Department of Statistics and Programme Implementation, Government of West Bengal. Archived from the original on 29 July 2017. Retrieved 20 November 2016.
- ↑ "District at a Glance". Paschim Medinipur District Police. Archived from the original on 27 October 2016. Retrieved 20 November 2016.
- ↑ "Jhargram Pincode". citypincode.in. Retrieved 2014-05-19.
ᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣ- http://www.textjournal.com.au/speciss/issue60/Sarangi&Strange.pdf Archived ᱒᱐᱒᱑-᱐᱕-᱐᱖ at the Wayback Machine.
| ᱣᱤᱠᱤᱥᱟᱸᱜᱷᱟᱨ ᱨᱮ ᱡᱷᱟᱲᱜᱨᱟᱢ ᱵᱟᱵᱚᱛ ᱥᱟᱸᱜᱷᱟᱨ ᱫᱤᱥᱼᱦᱩᱫᱤᱥ ᱢᱮᱱᱟᱜᱼᱟ ᱾ |