ᱢᱚᱦᱚᱢᱢᱚᱫᱽ ᱦᱤᱫᱟᱭᱟᱛᱩᱞᱞᱟᱦ
ᱢᱚᱦᱚᱢᱚᱫᱽ ᱦᱤᱫᱟᱭᱟᱛᱩᱞᱞᱟᱦ (᱑᱗ ᱰᱤᱥᱮᱢᱵᱚᱨ ᱑᱙᱐᱕ - ᱑᱘ ᱥᱮᱯᱴᱮᱢᱵᱚᱨ ᱑᱙᱙᱒) ᱫᱚ ᱥᱤᱧᱚᱛ ᱨᱤᱱᱤᱡ ᱯᱩᱭᱞᱩ ᱢᱩᱥᱞᱤᱢ ᱪᱤᱯ ᱡᱚᱥᱴᱤᱥ ᱮ ᱛᱟᱦᱮᱸ ᱠᱟᱱᱟ ᱾ ᱱᱩᱭ ᱫᱚ ᱢᱚᱫᱷᱭᱚ ᱯᱨᱚᱫᱮᱥ ᱨᱤᱱᱤᱡ ᱯᱩᱭᱞᱩ ᱪᱤᱯ ᱡᱚᱥᱴᱤᱥ ᱦᱚᱸᱭ ᱛᱟᱦᱮᱸ ᱟᱠᱟᱱᱟ ᱟᱨ ᱩᱱᱤ ᱫᱚ ᱵᱟᱨᱭᱟ ᱚᱠᱛᱚ ᱨᱮᱱᱟᱜ ᱛᱟᱠ ᱨᱮ ᱥᱤᱧᱚᱛ ᱨᱤᱱᱤᱡ ᱠᱟᱹᱢᱤ ᱪᱟᱞᱟᱣᱤᱭᱟᱹ ᱫᱤᱥᱚᱢ ᱜᱚᱢᱠᱮ ᱞᱮᱠᱟᱛᱮ ᱦᱚᱸ ᱠᱟᱹᱢᱤᱭ ᱥᱟᱸᱵᱽᱲᱟᱣ ᱟᱠᱟᱫ ᱛᱟᱦᱮᱸᱫ ᱾ ᱱᱚᱶᱟ ᱥᱟᱶᱛᱮ ᱩᱱᱤ ᱫᱚ ᱢᱤᱫ ᱯᱩᱨᱟᱹ ᱠᱟᱹᱢᱤᱠᱛᱚ ᱞᱟᱹᱜᱤᱫ ᱥᱤᱧᱚᱛ ᱨᱤᱱᱤᱡ ᱛᱩᱨᱩᱭ ᱟᱹᱱᱤᱡ ᱡᱚᱜᱚ ᱫᱤᱥᱚᱢ ᱜᱚᱢᱠᱮ ᱦᱚᱸᱭ ᱛᱟᱦᱮᱸ ᱟᱠᱟᱱᱟ ᱾ ᱱᱟᱶᱟ ᱨᱟᱭᱯᱩᱨ ᱨᱮ ᱢᱮᱱᱟᱜ ᱦᱤᱫᱟᱭᱟᱛᱩᱞᱞᱟᱦ ᱡᱟᱹᱛᱤᱭᱟᱹᱨᱤ ᱟᱹᱨᱤ (law) ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱧᱩᱛᱩᱢ ᱫᱚ ᱟᱡᱟᱜ ᱧᱩᱛᱩᱢ ᱛᱮᱜᱮ ᱫᱚᱦᱚ ᱟᱠᱟᱱᱟ ᱾
| ᱢᱚᱦᱚᱢᱢᱚᱫᱽ ᱦᱤᱫᱟᱭᱟᱛᱩᱞᱞᱟᱦ | |
|---|---|
 | |
| ᱖ ᱟᱹᱱᱤᱡ ᱥᱤᱧᱚᱛ ᱨᱤᱱᱤᱡ ᱡᱚᱜᱚ ᱫᱤᱥᱚᱢ ᱜᱚᱢᱠᱮ | |
| ᱟᱹᱢᱟᱹᱞᱤ ᱨᱮ ᱓᱑ ᱚᱜᱚᱥᱴ ᱑᱙᱗᱙ – ᱓᱐ ᱚᱜᱚᱥᱴ ᱑᱙᱘᱔ | |
| ᱫᱤᱥᱚᱢ ᱜᱚᱢᱠᱮ | ᱱᱤᱞᱚᱢ ᱥᱚᱧᱡᱤᱵᱟ ᱨᱮᱰᱰᱤ ᱡᱮᱞ ᱥᱤᱝ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱵᱤ. ᱰᱤ. ᱡᱚᱛᱛᱤ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱨᱟᱢᱟᱥᱣᱟᱢᱤ ᱵᱷᱮᱝᱠᱚᱴᱚᱨᱟᱢᱚᱱ |
| Acting ᱥᱤᱧᱚᱛ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ | |
| ᱟᱹᱢᱟᱹᱞᱤ ᱨᱮ ᱒᱐ ᱡᱩᱞᱟᱭ ᱑᱙᱖᱙ – ᱒᱔ ᱚᱜᱚᱥᱴ ᱑᱙᱖᱙ | |
| ᱢᱟᱨᱟᱝ ᱢᱱᱛᱨᱤ | ᱤᱱᱫᱤᱨᱟ ᱜᱟᱱᱫᱷᱤ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱵᱟᱨᱟᱦᱟᱜᱤᱨᱤ ᱵᱷᱮᱝᱠᱚᱴᱚ ᱜᱤᱨᱤ (Acting) |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱵᱟᱨᱟᱦᱟᱜᱤᱨᱤ ᱵᱷᱮᱝᱠᱚᱴᱚ ᱜᱤᱨᱤ |
| ᱑᱑ ᱟᱹᱱᱤᱡ Chief Justice of India | |
| ᱟᱹᱢᱟᱹᱞᱤ ᱨᱮ ᱒᱕ ᱯᱷᱮᱵᱽᱨᱩᱣᱟᱨᱤ ᱑᱙᱖᱘ – ᱑᱖ ᱰᱤᱥᱮᱢᱵᱚᱨ ᱑᱙᱗᱐ | |
| ᱵᱟᱦᱟᱞᱤᱭᱟᱹ | ᱫᱤᱥᱚᱢ ᱜᱚᱢᱠᱮ ᱡᱟᱠᱤᱨ ᱦᱩᱥᱮᱸᱱ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱠᱚᱭᱞᱟᱥ ᱱᱟᱛᱷ ᱣᱟᱱᱪᱩ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱡᱚᱭᱚᱱᱛᱤᱞᱟᱞ ᱪᱷᱚᱴᱟᱞᱟᱞ ᱥᱟᱦ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱑᱗ ᱰᱤᱥᱮᱢᱵᱚᱨ ᱑᱙᱐᱕ ᱞᱚᱠᱷᱱᱚᱣ, United Provinces, ᱵᱽᱨᱤᱴᱤᱥ ᱤᱱᱰᱤᱭᱟ (now in ᱩᱛᱚᱨ ᱯᱨᱚᱫᱮᱥ, ᱥᱤᱧᱚᱛ) |
| ᱜᱩᱨ | ᱑᱘ ᱥᱮᱯᱴᱮᱢᱵᱚᱨ ᱑᱙᱙᱒ (᱘᱖ ᱵᱚᱭᱚᱥ) ᱵᱚᱢᱵᱮ, ᱢᱚᱦᱟᱨᱟᱥᱴᱨᱤ, ᱥᱤᱧᱚᱛ |
| ᱨᱟᱡᱽᱟᱹᱨᱤ ᱫᱚᱞ | Independent |
| ᱡᱤᱭᱚᱱ ᱥᱚᱦᱮᱫ | ᱯᱩᱥᱯᱟ ᱥᱟᱦ |
| ᱥᱮᱪᱮᱫ ᱟᱠᱷᱲᱟ | ᱱᱟᱜᱽᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ Trinity College, Cambridge Lincoln's Inn |
| ᱠᱟᱹᱢᱤ | Lawyer, Academician |
ᱦᱤᱫᱟᱭᱟᱛᱩᱞᱞᱟᱦ ᱫᱚ ᱒᱕ ᱯᱷᱮᱵᱽᱨᱩᱣᱟᱨᱤ ᱑᱙᱖᱘ ᱠᱷᱚᱱ ᱑᱖ ᱰᱤᱥᱮᱢᱵᱚᱨ ᱑᱙᱗᱐ ᱦᱟᱹᱵᱤᱥ ᱥᱤᱧᱚᱛ ᱨᱤᱱᱤᱡ ᱑᱑ ᱟᱹᱱᱤᱡ ᱪᱤᱯ ᱡᱚᱥᱴᱤᱥ ᱟᱨ ᱓᱑ ᱚᱜᱚᱥᱴ ᱑᱙᱗᱙ ᱠᱷᱚᱱ ᱓᱐ ᱚᱜᱚᱥᱴ ᱑᱙᱘᱔ ᱦᱟᱹᱵᱤᱡ ᱥᱤᱧᱚᱛ ᱨᱤᱱᱤᱡ ᱛᱩᱨᱩᱭ ᱟᱹᱱᱤᱡ ᱡᱚᱜᱚ ᱫᱤᱥᱚᱢ ᱜᱚᱢᱠᱮᱭ ᱛᱟᱦᱮᱸ ᱠᱟᱱᱟ ᱾ ᱟᱡ ᱫᱚ ᱒᱐ ᱡᱩᱞᱟᱭ ᱑᱙᱖᱙ ᱠᱷᱚᱱ ᱒᱔ ᱚᱜᱚᱥᱴ ᱑᱙᱖᱙ ᱦᱟᱹᱵᱤᱡ ᱠᱟᱹᱢᱤ ᱪᱟᱞᱟᱣ ᱫᱤᱥᱚᱢ ᱜᱚᱢᱠᱮᱭ ᱛᱟᱦᱮᱸ ᱠᱟᱱᱟ ᱾ [᱑]ᱩᱱᱤ ᱫᱚ ᱢᱤᱫ ᱧᱩᱛᱩᱢᱟᱱ ᱵᱤᱪᱟᱹᱨᱤᱭᱟᱹ, ᱥᱠᱚᱞᱟᱨ, ᱚᱡᱩᱠᱮᱥᱚᱱᱤᱥᱴ, ᱚᱱᱚᱞᱤᱭᱟᱹ ᱟᱨ ᱞᱤᱝᱜᱩᱣᱤᱥᱴ ᱞᱮᱠᱟᱛᱮ ᱵᱷᱟᱹᱜᱤ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜ ᱛᱟᱭᱟ ᱾ [᱒][᱓] ᱟᱡ ᱫᱟᱫᱟ, ᱢᱚᱦᱚᱢᱢᱚᱫᱽ ᱤᱠᱨᱟᱢᱩᱞᱞᱟᱦ ᱫᱚ ᱢᱤᱫ ᱧᱩᱛᱩᱢᱟᱱ ᱯᱟᱠᱤᱥᱛᱟᱱᱤᱭᱟᱹ ᱨᱟᱡᱽᱱᱟᱭᱤᱠ ᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭᱤᱡ ᱮᱨᱟ ᱫᱚ ᱥᱟᱭᱤᱥᱛᱟ ᱥᱩᱦᱚᱨᱟᱵᱚᱨᱫᱤ ᱤᱠᱚᱨᱟᱢᱩᱞᱞᱟᱦ, ᱦᱩᱥᱮᱸᱱ ᱥᱟᱦᱤᱫᱽ ᱥᱩᱦᱚᱨᱟᱵᱚᱨᱫᱤ ᱭᱤᱡ ᱟᱡ ᱫᱟᱫᱟ ᱦᱚᱢᱚᱱ ᱮᱨᱟᱭ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚ ᱵᱟᱝᱠᱮᱪᱟᱜ ᱯᱟᱠᱤᱥᱛᱟᱱ ᱨᱤᱱᱤᱡ ᱛᱤᱱᱟᱹᱝ ᱚᱠᱛᱚ ᱞᱟᱹᱜᱤᱫ ᱢᱟᱨᱟᱝ ᱢᱚᱱᱛᱨᱤᱭ ᱛᱟᱦᱮᱸ ᱠᱟᱱᱟ ᱾ ᱟᱨ ᱟᱡ ᱱᱤᱡᱮ ᱯᱩᱭᱞᱩ ᱯᱟᱠᱤᱥᱛᱟᱱᱤᱭᱟᱹ ᱦᱚᱠᱤᱛ ᱟᱠᱷᱲᱟ ᱨᱤᱱᱤᱡ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟ ᱾
ᱜᱤᱫᱽᱨᱟᱹ ᱡᱤᱭᱚᱱ ᱟᱨ ᱥᱮᱪᱮᱫ ᱥᱟᱯᱲᱟᱣ
ᱦᱤᱫᱟᱭᱟᱛᱩᱞᱞᱟᱦ ᱟᱜ ᱡᱟᱱᱟᱢ ᱫᱚ ᱑᱙᱐᱕ ᱨᱮ ᱠᱷᱟᱱ ᱵᱟᱦᱟᱫᱩᱨ ᱦᱟᱯᱷᱤᱡᱽ ᱢᱚᱦᱚᱢᱢᱚᱫᱽ ᱵᱤᱞᱟᱭᱛᱩᱞᱞᱟ ᱴᱷᱮᱱ ᱢᱤᱫ ᱪᱮᱛᱟᱱ ᱦᱟᱹᱴᱤᱧ ᱜᱷᱟᱨᱚᱸᱡᱽ ᱨᱮᱱᱟᱜ ᱢᱤᱫ ᱩᱯᱨᱩᱢ ᱜᱷᱟᱨᱚᱸᱡᱽ ᱨᱮᱜᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱟᱡ ᱵᱟᱵᱟ ᱫᱚ ᱢᱩᱸᱥᱤ ᱠᱩᱫᱽᱨᱚᱛᱩᱞᱞᱟᱦ ᱵᱟᱨᱟᱬᱚᱥᱤ ᱨᱮ ᱮᱰᱵᱷᱚᱠᱮᱴ ᱮ ᱛᱟᱦᱮᱸ ᱠᱟᱱᱟ ᱾ [᱔][᱕] ᱟᱡ ᱵᱟᱵᱟ ᱫᱚ ᱥᱤᱧᱚᱛ ᱡᱟᱠᱟᱛ ᱧᱩᱛᱩᱢᱟᱱ ᱚᱱᱚᱬᱦᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱩᱨᱫᱩ ᱯᱟᱹᱨᱥᱤ ᱛᱮ ᱚᱱᱚᱬᱦᱮ ᱠᱚᱭ ᱚᱞ ᱞᱮᱫ ᱛᱟᱦᱮᱸᱫ ᱾ ᱱᱚᱶᱟ ᱠᱷᱚᱱ ᱜᱮ ᱵᱟᱰᱟᱭᱚᱜ ᱠᱟᱱᱟ ᱡᱮ ᱡᱚᱥᱴᱤᱥ ᱦᱤᱫᱟᱭᱟᱛᱩᱞᱞᱟᱦᱟᱜ ᱫᱚ ᱯᱟᱹᱨᱥᱤ ᱟᱨ ᱥᱟᱶᱦᱮᱫ ᱨᱮ ᱫᱩᱞᱟᱹᱲ ᱛᱟᱦᱮᱸ ᱠᱟᱱᱟ ᱾ ᱵᱤᱞᱚᱭᱟᱛᱩᱞᱞᱟ ᱫᱚ ᱑᱘᱙᱗ ᱨᱮ ᱚᱞᱤᱜᱚᱰ ᱢᱩᱥᱞᱟᱹ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱥᱚᱱᱟ ᱢᱮᱰᱟᱞ ᱡᱤᱛᱠᱟᱹᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚ ᱥᱟᱨ ᱥᱮᱭᱚᱫᱽ ᱚᱦᱢᱚᱫᱽ ᱠᱷᱟᱱᱤᱡ ᱜᱚᱨᱚᱡᱟᱱᱤᱡ ᱧᱩᱛᱩᱢᱟᱱ ᱮᱞᱠᱷᱟᱱᱤᱭᱟᱹ ᱥᱟᱨ ᱡᱤᱭᱟᱩᱫᱽᱫᱷᱤᱱ ᱚᱦᱢᱚᱫᱽ ᱮ ᱛᱟᱦᱮᱸ ᱠᱟᱱᱟ ᱾ ᱟᱡ ᱫᱚ ᱑᱙᱒᱘ ᱦᱟᱹᱵᱤᱡ ᱟᱭᱥᱤᱮᱥ ᱨᱮ ᱟᱨ ᱑᱙᱒᱙ ᱠᱷᱚᱱ ᱑᱙᱓᱓ ᱦᱟᱹᱵᱤᱡ ᱛᱟᱞᱢᱟ ᱵᱤᱫᱷᱟᱱ ᱥᱚᱵᱷᱟ ᱨᱤᱱᱤᱡ ᱥᱚᱦᱮᱛ ᱞᱮᱠᱟᱛᱮᱭ ᱠᱟᱹᱢᱤ ᱞᱮᱫ-ᱟ ᱾ ᱦᱤᱫᱟᱭᱟᱛᱩᱞᱞᱟᱭᱤᱡ ᱢᱟᱨᱟᱝ ᱵᱚᱭᱦᱟ ᱢᱚᱦᱚᱢᱚᱫᱽ ᱤᱠᱟᱨᱟᱢᱩᱞᱞᱟᱦ (ᱟᱭᱥᱤᱮᱥ, ᱛᱟᱭᱚᱢ ᱛᱮ ᱵᱤᱫᱮᱥ ᱥᱩᱛᱨᱮᱛ, ᱯᱟᱠᱤᱥᱛᱟᱱ) ᱟᱨ ᱚᱦᱢᱚᱫᱩᱞᱞᱟᱦ (ᱟᱭᱥᱤᱮᱥ, ᱪᱮᱭᱟᱨᱢᱮᱱ, ᱴᱮᱨᱤᱯᱷ ᱵᱚᱰ ᱠᱷᱚᱱ ᱠᱟᱹᱢᱤ ᱡᱤᱨᱟ.ᱣ) ᱫᱚ ᱢᱤᱫ ᱥᱠᱚᱞᱟᱨ ᱦᱩᱭᱩᱜ ᱥᱟᱶ ᱥᱟᱶᱛᱮ ᱠᱷᱤᱞᱚᱲᱤᱭᱟᱹ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱫᱚᱥᱟᱨ ᱯᱟᱦᱴᱟ ᱨᱮ ᱩᱱᱤ ᱫᱚ ᱩᱨᱫᱩ ᱚᱱᱚᱬᱦᱮ ᱟᱹᱰᱤ ᱥᱚᱨᱮᱥ ᱮ ᱩᱫᱩᱜ ᱥᱚᱫᱚᱨ ᱞᱮᱫ-ᱟ ᱾ [᱖][᱗]
ᱢᱟᱹᱱ ᱟᱨ ᱥᱤᱨᱯᱷᱟᱹ ᱥᱟᱯᱲᱟᱣ
- ᱫᱤ ᱚᱨᱰᱚᱨ ᱳᱯᱷ ᱫᱤ ᱵᱽᱨᱤᱴᱤᱥ ᱮᱢᱯᱟᱭᱟᱨ (OBE) ᱨᱤᱱᱤᱡ ᱟᱹᱢᱟᱹᱞᱤ, ᱑᱙᱔᱖ ᱨᱮ ᱠᱤᱝᱥ ᱵᱟᱹᱨᱛᱷᱰᱮ ᱚᱱᱚᱨᱥ ᱾ [᱘]
- ᱥᱮᱥ ᱥᱟᱶᱛᱮ ᱭᱩᱜᱳᱥᱞᱚᱵᱽ ᱪᱤᱨ ᱨᱮᱱᱟᱜ ᱩᱫᱩᱜ ᱑᱙᱗᱐ ᱾
- ᱑᱙᱗᱐ ᱨᱮ ᱯᱷᱤᱞᱠᱚᱱᱥᱟ, ᱢᱟᱱᱤᱞᱟ ᱨᱮ ᱢᱮᱰᱟᱞᱤᱭᱚᱱ ᱟᱨ ᱯᱞᱮᱠ ᱨᱮᱱᱟᱜ ᱢᱮᱨᱤᱴ ᱾
- ᱟᱨ ᱑᱙᱗᱑ ᱨᱮ ᱱᱟᱭᱤᱴ ᱳᱯᱷ ᱢᱟᱨᱠ ᱛᱣᱮᱱ ᱾
- ᱔᱒ ᱥᱚᱦᱮᱛ ᱠᱚᱣᱟᱜ ᱛᱟᱹᱞᱠᱟᱹ ᱨᱮ "ᱯᱨᱟᱣᱩᱰ ᱯᱟᱥᱴ ᱮᱞᱩᱢᱱᱤ" ᱛᱮ ᱥᱚᱱᱢᱟᱱ, "ᱟᱞᱟᱦᱟᱵᱟᱫᱽ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱮᱞᱩᱢᱱᱤ ᱜᱟᱶᱛᱟ" ᱮᱱᱥᱤᱟᱨ ᱜᱟᱡᱤᱭᱟᱵᱟᱫᱽ (ᱜᱽᱨᱮᱴ ᱱᱚᱭᱮᱰᱟ) ᱡᱚᱠᱷᱮᱡ ᱒᱐᱐᱗ - ᱒᱐᱐᱘ ᱞᱮᱠᱟᱛᱮ ᱥᱚᱥᱟᱭᱴᱤ ᱮᱠᱴ ᱑᱘᱖᱐ ᱞᱮᱠᱟᱛᱮ ᱨᱮᱡᱤᱥᱴᱚᱨ ᱮᱞ ᱔᱐᱗/᱒᱐᱐᱐ ᱥᱟᱶᱛᱮ ᱚᱞᱛᱚᱞ ᱾ [᱙][᱑᱐][᱑᱑]
- ᱣᱟᱨ ᱥᱚᱨᱵᱷᱤᱥ ᱵᱮᱡᱽ, ᱑᱙᱔᱘,
- ᱠᱤ ᱳᱯᱷ ᱫᱤ ᱥᱤᱴᱤ ᱳᱯᱷ ᱢᱚᱱᱤᱞᱟ, ᱑᱙᱗᱑,
- ᱥᱤᱨᱚᱢᱚᱬᱤ ᱥᱤᱨᱯᱷᱟᱹ, ᱑᱙᱘᱖,
- ᱟᱨᱠᱤᱴᱮᱠᱴᱥ ᱳᱯᱷ ᱤᱱᱰᱤᱭᱟ ᱮᱣᱟᱨᱰ, ᱑᱙᱘᱗,
- ᱵᱚᱱᱟᱨᱚᱥ ᱦᱤᱱᱫᱩ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱫᱚᱥᱨᱚᱛᱷᱢᱚᱞ ᱥᱤᱸᱜᱷᱣᱤ ᱱᱮᱢᱚᱨᱤᱭᱟᱞ ᱮᱣᱟᱨᱰ
- ᱑᱙᱗᱐ ᱟᱨ ᱑᱙᱘᱗ ᱛᱟᱞᱟᱨᱮ, ᱑᱒ ᱜᱚᱴᱟᱝ ᱥᱤᱧᱚᱛᱤᱭᱟᱹ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱟᱨ ᱯᱷᱤᱞᱤᱯᱷᱤᱸᱥ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱫᱚ ᱩᱱᱤ ᱠᱟᱹᱱᱩᱱ ᱟᱨ ᱥᱟᱶᱦᱮᱫ ᱨᱮ ᱰᱚᱠᱴᱚᱨᱮᱴ ᱨᱮᱱᱟᱜ ᱢᱟᱱᱚᱛ ᱦᱤᱥᱤᱨ ᱛᱮᱠᱚ ᱢᱟᱹᱱ ᱦᱟᱞᱟᱝ ᱠᱮᱫᱮᱭᱟ ᱾
ᱟᱯᱚᱱᱟᱛ ᱡᱤᱭᱚᱱ ᱥᱟᱯᱲᱟᱣ
᱑᱙᱔᱘ ᱨᱮ ᱦᱤᱫᱟᱭᱟᱛᱩᱞᱞᱟᱦ ᱫᱚ ᱯᱩᱥᱯᱟ ᱥᱟᱦ ᱥᱟᱶ ᱮ ᱵᱟᱯᱞᱟ ᱮᱱᱟ, ᱡᱟᱦᱟᱸᱭᱟᱜ ᱫᱷᱚᱨᱚᱢ ᱫᱚ ᱦᱤᱱᱫᱩ ᱛᱟᱦᱮᱸ ᱠᱟᱱᱟ ᱾ ᱟᱹᱠᱤᱱᱤᱡ ᱦᱚᱯᱚᱱ ᱚᱨᱥᱚᱫᱽ ᱦᱤᱫᱟᱭᱟᱛᱩᱞᱞᱟᱜ ᱫᱚ ᱥᱤᱧᱚᱛ ᱨᱮᱱᱟᱜ ᱥᱩᱯᱨᱤᱢ ᱠᱚᱨᱴ ᱨᱮ ᱢᱤᱫ ᱜᱟᱹᱠᱷᱩᱲ ᱩᱠᱤᱞ ᱠᱟᱱᱟᱭ ᱾
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ "Former Vice Presidents of India". Secretariat of Vice President of India. Archived from the original on 17 ᱚᱠᱴᱚᱵᱚᱨ 2014. Retrieved 3 ᱥᱮᱯᱴᱮᱢᱵᱚᱨ 2014.
- ↑ Desai, P. D., Justice. "Full Court Reference in Memory of The Late Justice Mohammad Hidayatullah". (1992) 4 SCC (Jour) 10. Archived from the original on 24 September 2015. Retrieved 3 September 2014.
- ↑ "Speech by Shri I. M. Chagla" (PDF). Bombay High Court. p. 7. Archived from the original (PDF) on 28 September 1992. Retrieved 3 September 2014.
- ↑ "M. Hidayatullah". www.supremecourtofindia.nic.in. Archived from the original on 6 January 2014. Retrieved 8 June 2008.
- ↑ "EBC article on J. Hidayatullah". www.ebc-india.com. Retrieved 8 June 2008.
- ↑ http://www.ebc-india.com/lawyer/articles/92v4a1.htm Full Court Reference in Memory of The Late Justice M. Hidayatullah by M.H. Kania, Chief Justice of India: (1992) 4 SCC (Jour) 1
- ↑ "Hidayatullah, Shri M." Secretariat of Vice President of India. Archived from the original on 28 July 2014. Retrieved 3 September 2014.
- ↑ "The London Gazette, 13 June 1946". Retrieved 13 January 2020.
- ↑ "He is Proud Past Alumni Allahabad University" Archived ᱗ ᱡᱩᱞᱟᱭ ᱒᱐᱑᱒ at Archive.is. Allahabad university Alumni Association web page say
- ↑ "Best Reviews and Top Ten Products to Buy in 2019". Review Best. 10 November 2018. Archived from the original on 15 January 2008. Retrieved 13 January 2020.
- ↑ "Best Reviews and Top Ten Products to Buy in 2019". Review Best. 10 November 2018. Archived from the original on 7 July 2012. Retrieved 13 January 2020.
ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ
| ᱣᱤᱠᱤᱠᱩᱣᱚᱴ ᱨᱮ ᱢᱚᱦᱚᱢᱢᱚᱫᱽ ᱦᱤᱫᱟᱭᱟᱛᱩᱞᱞᱟᱦ ᱥᱟᱶ ᱡᱚᱲᱟᱣᱟᱱᱟᱜ ᱠᱟᱛᱷᱟ ᱠᱚ ᱾ |